القمر من الهضبة: حكت لنا تيتا مرشدة رحلة السفاري لأعلى نقطة بالهضبة: أثيوبيا هي روح أفريقيا الجميلة وأديس عاصمتها الجديدة اليوم هو عيد الكرواجوت التاسع عشر من الشهر القمري والذي يقع في شهر أكتوبر من كل سنة. الكرواجوت عيد هندي تقول الأسطورة أن إله الجمال خطف أميرة هندية وأحتجزها في هذه النقطة. أحس جد الأمهرا بأن القمر في يوم بدره حزينا، وصل لأعلى الهضبة بعد أربعة أيام (جوت تعني أربعة)
برجع أتم القصة دي
11-07-2015, 06:53 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
القصة كلها يا معاوية، مربوطة بالجميليين زي الداير أقول: بمناسبة روعة الهضبة وحلاوة ناسا؛ دينا وين يا أخوانا؟ وكدا إتّا بس ما تتحسس، إتّا برضو جميل، بس بطريقة تانية
11-07-2015, 07:08 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
وهي بتحكي لينا في القصة جاتني لحظة وسن وسن دي يا منتصر، ما بتاع مكة داك الاكلو عمر بن الخطاب؟؟ داك بالثاء لحظة الوسن دي الغنا ليها وردي يا كيشة: لو لحظة من وسن تحمل عني الحزن، وبدل تيتا تتم لي القصة، أشوف الأميرة الهندية تسللت لغباشة نعستي ديك ومسكت الحكي من تيتا وقالت: جدكم بعد طلع هنا يوم تسعتاشر، مسح دموع القمر بأطراف بنان أصابعو
11-07-2015, 09:43 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
جدّكم بعد طلع هنا يوم تسعتاشر، مسح دموع القمر بأطراف بنانو فخرجت حُرّة من القمر، وتشابكت أصابعنا فصارت مُخضبة، ونظرنا من رقراق أصابعنا المتشابكة للقمر فبدأ لنا بدرا كاملا.
صار هذا اليوم عيدا للأزواج المحبين، وفي هذا اليوم من كل عام تقوم الزوجة بالحنا والصيام من الصباح لحدي خروج القمر، وتقوم بالنظر للقمر من خلال غربال دايري يشبه طار المداحين، وبعده تحول بصرها عبر الغربال لزوجها الذي يقوم بإطعامها بيده الفواكة والنبيذ الأحمر
هذه هي سلالة الأمهرا، خليط بين القمر، والهند والإله وجد أفريقي
11-07-2015, 11:15 AM
Kabar Kabar
تاريخ التسجيل: 11-26-2002
مجموع المشاركات: 18547
ايامك ايام شفافية و تنوير،، طبعا على نفس خطى صديقك العلى خفيف معاوية كنت داير اقول ليك انت دينا خالد شفتها وين جميلة و لا لا، لكن غيرت راييي و قلت احسن أقول ليك انت مالك مع احمد سليمان الله يرحمو؟؟ و اطمنك انه الاجواء بى هنا برضو اعتدلت و رشحت، مع وافر الود و الاعزاز لك و للجميع هاهنا..
11-08-2015, 00:10 AM
mustafa mudathir mustafa mudathir
تاريخ التسجيل: 10-11-2002
مجموع المشاركات: 3553
يا سلام يا أبوبكر ياخ! والله هنيالك يا زول! عب بالكأس كبير من معين الابتسام واللطف الخلْقي، وماك ح تشبع. أنا أديس دي شفتها من الطيارة وتأكدت أن البيوت تحتي كلها بيوت حبش، حسب النقطة العميقة الدلالة. وبعدين ياخي جبت لينا كبر بوش لطيف ومبتسم ومشرق بعيداً عن جهامة التعاطي السياسي، فشكراً يا كبر على الفيديو الأنيق وبالمناسبة ود القوصي دا أنا بحبه جداً. إسمه جاكي قوصي، ههههه! بوست أب ليفتينج بجد!
11-08-2015, 00:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
يا اخي بركة ليك الشوفة البعيدة النظر والمُشبِعة في آن . بعدينك نحن زمان كلمناك قلنالك الزول دا انظر ليهو من خِلآل رقراق حروفو ضربت بنضمينا عُرض الحيطة ...
11-08-2015, 01:19 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
يا كبر، يا أخي، قصة إبتسامة الناس ديل واريحتم مُحيّرة! الله دا يوم وزع الحلاوة والجمال شال حقت شرق أفريقيا دي كلها في بقجة ورماها هناك وخلانا ميطي ساكت نسف ونرسل في الحكم هسع عليك الله، عاين لشنات الناس (شنات طبع) في سودانيزلاين ديل! لو بكري دا رسل ليهو كل شهر اتنين لهناك، هل بحتاج يوقف ليهو زول؟! أقترح عليهو الشهر الجاي يرسل صديق الغالي وأبو الحسين والشهر البعدو ود البشرى وابو روضة. تذاكر السفر علي أنا والفندق الفيهو المنتجع و الفنانات والمطاعم و ستات القهوة بوصفو ليكم
11-08-2015, 00:58 AM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
أنا ما شفقان عليك يا ( مسكين).. شوف المدردحين صلحو ليك مزاج البوست كيف؟ بس قول لأب قطرة المعاك ما تقهي كتير .. باقي عروب الجزيرة ديل الهضاب دي بتتعبم ؤ كدا.. أول مرة يلفق معاي بروفايل مصطفى .
11-08-2015, 01:27 AM
mustafa mudathir mustafa mudathir
تاريخ التسجيل: 10-11-2002
مجموع المشاركات: 3553
يخربني كان فهمت العبارة دي، لكن هو دا ذاتو ما بوست فهم. دا بوست تأمل في أن الله ع و ج جاب لينا الحبش ديل من الجنة وختاهم لينا جيران وبرضو ما هدّوا فينا. حقو نطراهم في أي ملف عشان أيامنا تتخضر والكآبة ال فينا دي تمشي كدا ولا كدا! سلامات يا ود المدير، انتو كان بتسوو بوستات زي دي مرة في الاسبوع الواحد نفسو بتتفتح، الله يفتحها عليكم.
11-08-2015, 01:30 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
ماذا تفعل السياسة بالناس الجميلين يا رب؟ شوف كبر وأبكر في اليومين الفاتو ديل هايجين كيف وشوفهم هسي تقول ادوهم حقنة حلم إنتو قايلين م مدثر وأ الخواض ما بعرفوا سياسة يعني؟ شكرا يا بكور ويا كبر على هذا الجمال
يا ود المدير خليك مطمئن مصطفى نااااظر لي المستنير بتلك النظرة لكن شايل ليهو العصاية عشان ما يفلّت ساكت وانت زاتك لو صحي داير تحترف ما بتبقى بلا عصا مدثر
فيصل سعد ياخ اكتب حتى نراك
11-08-2015, 01:40 AM
معاوية الزبير معاوية الزبير
تاريخ التسجيل: 02-07-2003
مجموع المشاركات: 7893
أول يوم نزلت من الغرفة وبعد الفطور مشيت أشرب القهوة في بهو الفندق، أشوف ليك أميرة حولها بنابر وتحمص في البن بالطريقة التقليدية. طوالي مشيت عليهم وسلمت عليهم بالصف وإنتهيت عندها وعرفت نفسي زي السودانيين في بلاد الخواجات: أبوبكر عباس من السودان الساعة الأشوف ليك البت وقفت علي حيلها وشهقت شهقة طويلة وقالت: بتاع استاربكس؟! قلت ليهو بتعرفي تقري عربي؟ - الساعة التانية التقلدني فيها وتقول: تمنتاشر سنة في الجريف غرب، ووحات الله، يا بكور يوم قر يت استاربكس دموعي سالن والمنام أبى ليّا قلت بسري: كان كدا بكاء سلمى الشيخ ما بقى في خطورة شديدة قلت ليها: أوكي خليني أتصور جنبك، لأنو الناس ديل لو مشيت حكيت ليهم الكلام دا أبداً ما بصدقو قالت لي: ونحن نطول يا فردة.
خسارة الوسن والزهرة الجديدة في رأسك ده لا بتسجر لا بتسف لا بتسكر وتكون سايق الاولاد معاك كان تمش مارنجان ولا بزار وبس وهسي البوست ده عن اديس ولا اعلان خرج ولم يعد
صديقنا واستاذنا مصطفي مدثر..حبابك كتر خيرك ياصديقي ، وزي ما قال مصطفى مضوي (الدنيا ما بتدي الحريف ، يغرق البيعرف يعوم ،يرسب الحاضن الكتاب ، وينجح الطول السنة قضاها نوم..).. فكرتنا يا صديقي ، انو الفيديو رسالة متكاملة ..اهم ما فيها ان بتنقل التفاصيل العادية لحد الأسطرة..وفي دي افارقة كتار نجحوا ..وبالطبع من ضمنهم اهلنا ناس الزهرة الجديدة الله يطراهم بالخير محل ما قبلوا..! كتر خيرك..وح نضيف فيديو تاني.. طبعا الذ مافي بوستات ابكر الطويل (برواية قمر عليها وعلينا السلام)..انو العفش داخل البوست طوالي على مسئولية صاحبه..
11-08-2015, 06:58 AM
Kabar Kabar
تاريخ التسجيل: 11-26-2002
مجموع المشاركات: 18547
ول ابا معاوية الزبير..حبابك يا صديقي.. ياخي معاوية المدير (جاحظ زمانو) جابها من الأخر بوصف لمن كيفني في حناني ذاتو..فان كان الجاحظ كتب (الحيوان) فمعاوية المدير اكتر مجدد في الناحية دي..وعندو بوست قال ليك الناس ديل زي الخرتيت..واجاد الوصف بصورة مبهرة للغاية..! هي طبايع النفس البشرية يا صديقي..مرة فوق ومرة تحت....ولكن..! حكاية الإبتسامة دي واجعاني شديد.. فشعوب امسودان متجهمة بصورة اسكت ساكت خليها..و الصورة زمان الواحد ما كان شغال بيها كتير..لكني مرة كنت بقرا في رواية واسيني الأعرج (نوار اللوز).. ولاحظت حاجة عجيبة أنو الجزائرين لمن يضحك كتير ..الواحد فيهم طوالي بيستغفر الله كأنما الضحك المعافى اثم او خطيئة..! الشغلانة دي برضك لاحظتها في امسودان..الناس بتفتكر الضحك الحر المعافى..خطيئة ومنقصة وعيب ذاتو..شفتا نحن معقدين قدر شنو؟.. الكلام عندو ارتباط بحكاية الزهرة الجديدة.. لأنو فكرة الإبتسامة مرقت ابكر الطويل من علبو وقعد يساءل الرب في طريقة خلق للعالم..ودي بركات اميركا..لأنو بتعلمك تمرق من الصناديق الوهمية وتسأل وتسأل..لمن تصل لإيمان عن قناعة..!
11-08-2015, 07:08 AM
Kabar Kabar
تاريخ التسجيل: 11-26-2002
مجموع المشاركات: 18547
يازول هوي احتجاجك عن الرب نحن ما فيهومعاك..لأنو الواحد خايف ينسخت ويبقى همر ساكت..!
بس يا صديقي لو عاينت شوية..وارجعت البصر كرتين..ح تلاقى ناس كتار سمحين..لو عاينت لمالي والنيجر..خصوصا مجتمعات الطوارق..تقول للزهرة الجديدة زحي ورا..
المهم..الوكت واكت يا قريبي..وكنت ح احكي ليك حكاية باتريشا (فاطنة)..ودي زولة اظرط من ضحا يااااااااااخ.. لكن وكتين الحبشية اتذكرت استاربكس وما اتذكرت ضحا..فشنو..نحن ذاتنا مقاطعين..اكتبني رافض ياااااخ..
هنا بت ابا صليحة سامي..الفيديو ده بيحسم كل حاجاتي الماقادر احكيها.. فيهو تصالح عجيب..بقارة..ابالة.. جبال..قطاطي..المشاط..مسواك الصبيان..نعال الشبط الشايعة في غرب امسودان..المقوقاة (حمل الطفل على الضهر)..الرقص..المصارعة..ربطة التوب حول الخصر (كما يحدث في رقصة النقارة)..وفوق لديل كولهم..فوق ليهم كولهم..شاعرية مسحة الودك..في دينك يا ابوبكر حصل يوم جاك احساس انو طريقة مسح الودك ممكن تكون بكل هذه الطقوسية والحميمية والشاعرية؟..ياخي الله يقطع طارينا نحن وكتين بنعاين للحاجات بالصورة دي..!
ديل اهل سيدنا بلال بن رباح (عليك الله مشيها يا ابكر وما تشبكنا جنكم ترجعوا الناس لقبائلهم ناس الزغاوي الذي احببت وشنوكده ما عارف..!!)..
لك وللأصدقاء هنا..لغاية ما نرجع..ونحن اكتر اشراقا..اشراقا اظرط من بتاع سيدنا السهروردي..السهروردي المكتول..!
يا فيصل سعد، كيف يعني دينا ما شفتها؟! إتّا قايلني أنا زي "المساكين" ديل بدسوا مني! لاقيتها في مول الإمارات وعزمتها في استاربكس وقلت ليها ما في داعي لصورة الهندية إبتسمت وقالت لي: تواضع وكدا وحتى بالإمارة أبت تشرب الفرابشينو وطلبت شاي سادة وإتونسنا وما خلينا زول في المنبر ما قطعنا فوقو
11-08-2015, 09:06 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
أبوبكر تحياتي يا أخوي عمر بن الخطاب ضي الله عنه دا أمير المؤمنين وخليفة رسول الله ومن العشرة المبشرين بالجنة كمان قولو كدا ساكت عمر إنت قايلو عمر الجزلي ولا عمر بخيت متابعين
11-08-2015, 10:32 AM
Hani Arabi Mohamed Hani Arabi Mohamed
تاريخ التسجيل: 06-25-2005
مجموع المشاركات: 3533
كونو مصطفى يجي داخل البوست من غير "عطايتو" معناتو دا بوست خطير. أكتر شيء بدهشك في أثيوبيا فعلا يا مصطفى، هي لطافة الناس ثم الجو غرف الفندق لا فيها مكيفات لا مراوح، يعني أثيوبيا دي هي كلفورنيا بتاعة أفريقيا.
لكن كمان برضو خارج أديس هناك عالم مختلف. مع الحدود الصومالية الجيبوتية عندهم أقليم اسمو صومال، سكانو كلهم صوماليين الأقليم دا أصبح منقذ لكثير من الصوماليين بعد الإنهيار وشهد هجرة كبيرة للصوماليين وإبلهم عاصمتو اسمها جي جيقا وبها مطار أسمح من مطار الخرطوم وأهم حاجة فيها مصنعين بتاعة حليب إبل
<
11-08-2015, 02:18 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
في رحلتي الثانية بالعربية لمناطق الأرومو والعفر لاحظت العمل الدووب في خط السكة حديد بين جيبوتي واديس والمدهش بالنسبة لي أن يكون الخط كهربائي و لا يقل عن المواصفات الأوربية!
فظي وظي من العفر أو الأرومو لا أدري! منطقة أواش مكان الصورة حدودية بين العفر والأرومو، ومعرفتي بسحنات الأثيوبيين ضعيفة
11-09-2015, 03:52 AM
mustafa mudathir mustafa mudathir
تاريخ التسجيل: 10-11-2002
مجموع المشاركات: 3553
فظي وظي قال! لا أنحنا دايرين صورة ناس ستاربكس! استاركبس قال! لا أنحنا لو ختيت لينا فيديو ساكت كفاية. فيديو ساكت قال! والله أنحنا كان قامت علينا الحالة الحبشية! الحالة الحبشية قال! كضاب!
11-09-2015, 05:11 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
تراتيب القهوة بالمطعم السوداني، أصحاب المطعم عبد الله ومصعب يقدمون مساعدات جليلة للسودانيين القادمين لأديس وهم بمثابة دليل تجاري سياحي مجاني للزوار البت البتسوي القهوة بالمطعم رفضت نشر صورتها، لكن بتاعة الفندق وافقت.
المطعم السوداني بأديس:
11-10-2015, 05:14 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
الصورة الأشهر لطقس القهوة بأديس: الناس ديل بحترموا القهوة إحترام شديد والبنات ملتزمات بالزي وكامل الطقوس من طريقة رص الفناجين للبخور لرص البنابر، والخلفية دي.
11-10-2015, 05:42 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
Quote: يا أخوي عمر بن الخطاب ضي الله عنه دا أمير المؤمنين وخليفة رسول الله ومن العشرة المبشرين بالجنة كمان قولو كدا ساكت عمر إنت قايلو عمر الجزلي ولا عمر بخيت
يا ملا أنا كنت بتكلم عنو لمان كان كافر وأكل الإله لكن بعد الإسلام لازم علينا نقول ليهو: سيدنا عمر رضي الله عنه
11-10-2015, 08:28 AM
almulaomar almulaomar
تاريخ التسجيل: 07-08-2002
مجموع المشاركات: 6485
تسلم يا أبوبكر منطق تبريري رائع لكن الإسلام يجب ما قبله وحتى لا أخرج بالموضوع من مضمونه أخوك الملا زاتو زول يعشق الزهرة الجديدة عشقا كبيرا وأعرف عن أثيوبيا ما لا يعرفه الأحباش عنها فأنا كثير الزيارات لتلك البقاع ، وبكل ما في أديس أبابا من تميز وجمال وروعة أجواء إلا أنها ما عادت تستهويني فقد أصبحت المدينة صاخبة ومزدحمة وسريعة الحركة. عدا عن أنني أحفظها عن ظهر قلب فربما أكون من القلائل الذين يمكنهم الوصول من مطار بولي إلى فندق سورامبا في شارع بلاي زلكا بالقرب من جورجس بي 2 بر وبحافلة صغيرة على سبيل المثال أنزل في بياسا وأمر بالقرب من كنيسية القديس جورجيس ومنها مباشرة إلى الفندق. أنصح كل من ينوي الذهاب إلى الحبشة أن يضع ضمن برنامجه زيارة لمكان خارج أديس أبابا وحبذا لو كانت وسيلته في ذلك السفر براً بالبص فهناك sky bus وselam bus وكلاهما بصات سياحية تصل إلى معظم مناطق وأقاليم أثيوبيا. آخر رحلاتي زرت خلالها منطقة تسمى Arba Minch وتعني الأربعين ينبوعاً وهي مصادر مياه نابعه من الأرض وعددها أربعين نباعاً.
11-12-2015, 06:50 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
Quote: واحد فيهم فات الخمسة واربعين وبس مايشوف ليه حبشية _ انشاء الله يبقي قرد حبشي ن ب فيسبوك
محمية أواش الطبيعية تبعد عن أديس 250 كلم وهي من المقاصد السياحية، تكاثرت بها الحيوانات الوحشية بصورة كبيرة. القرود أصبحت تقريبا أليفة وهي في تواصل مع السياح علي جوانب طريق الأسفلت، إلتقطت عدة صور لها، شجعتني مداخلة "نبيل من الفيسبوك" الباعيرنا فوقها بكبر سننا وإحتفائنا بالحياة؛ أنزل واحدة من الصور كهدية له الصورة:
11-12-2015, 07:58 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
عندما تحمل النسائم الخريفية الابتسامة....ترتفع من مستوي الخطوات اللافتة....تستدير في مكان ما علي الصدر....تتفجر بعذوبة الضحكة الهامسة....تعلم عندئذ انك في الزهرة الجديدة قيد الحبس الارادي عند ومنذ حافة تواريخ اكسوم...
سلام يا دينق، بأثيوبيا عدد كبير من جنوبي السودان، إلتقيت في الأيام القلايل دي بعدد منهم بالمطعم السوداني، بعدين لاحظت ودّهم لي أكتر كتير من ود الجنوبيين البعرفو زمان! ما عارف هدّوا فوقم الحبش ولّ زمان الواحد كان بتعامل معاهم بحذر! زي ما قلت الناس ديل فعلا شالوا بقجة اللطافة بتاعة شرق أفريقيا كلها المستغرب ليهو: ليش اللطافة دي ما إدردقت مع المويه للسودان؟!
11-13-2015, 07:51 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3594
Quote: هم افصحوا عن الحب فتصالحوا مع انفسهم ونحن نستعذب نيران الجوي ونغني يا قلبي المكتول كمد...
إتّا من وين يا ولد؟ والعجب يا كامل، لو حاولت تفصح عن بعض الجمال، تلقى الجميع شايلين عكازيزم واحدين بجوا يضربوا وبعدين بسألوا عن السبب. يا أخي، صورتي المع الحبشية المعجبة، شايلها ومزازي بيها حول البوست وكل مرّة أقرب أرسلها بكليك، لكن أتخيل صوت العكاز في راسي وأتذكر رئيس تحرير جريدة الوطن!
11-13-2015, 07:42 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
يا استاذ محمد علي ........لعلها هي التي التقطت الصورة تخليدا للحظات طاب فيها المقام في ( البونابيت) ثمرا سودانيا يانعا يضع بذرة الحب عيشا تلتقطه عصافير الهضبة غناءا صادحا...
شن قولك....
11-13-2015, 09:16 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
Quote: يعني نقعد نتخيل القاعدة في البنبر الفاضي جنبك ولّ كيف؟
يا مولانا الملك، ممكن تتخيلها، لكن البنابر ما كانن قراب جنب بعض كدا كما يبدو في صورة المستنير الراوي القاص مع البُنّة والبنبر الخالي، كان في عازل كهربائي بتاع 60 سنت كدا
11-14-2015, 04:58 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
هو برضو يا ملك، محمد الكامل طلع مولانا؟! من زمان عارف المولانات ديل خطرين، الواحد فيهم يمسح ليك شويّة على اللحيه ويقول ليك: ما شاء الله ما شاء الله تبارك الله تبارك الله
11-15-2015, 03:24 AM
محمد الكامل عبد الحليم محمد الكامل عبد الحليم
تاريخ التسجيل: 11-04-2009
مجموع المشاركات: 1968
يا اخانا (ابوبكر) نحن من طائفة(حاسر الراس عند كل جمال ...مستشف من كل شيئ جمالا).....تهزمنا الضحكة الملائكية ونبترد من حياض سلام النفس والخاطر....تتوسع حواف رؤيانا وتنطلق ارواحنا من عقالها حين تطل من احداهن الابتسامة نستعيذ عندئذ بالله صانع الحسن شاكرين حامدين...طالبين بالمزيد... ولكن (حبة ....حبة..)
11-15-2015, 05:12 AM
احمد التجانى احمد احمد التجانى احمد
تاريخ التسجيل: 11-11-2006
مجموع المشاركات: 3155
سلام يا ابكر تصدق اول ما عينى وقعت على العنوان قراته الحلة الجديدة , قلت ابكر دة جنا ولا شنو من ما قطع المحيط لكن برضو لقيتك ما مشيت بعيد الزهرة والحلة الجديدات الاثنين بجرحوا الصيام اها الوصية فى الذمة دينا خالد قالت ما بتجى لوب كدة ساى , عايزة وفد مقدمة زى جون قرنق لما رسل ناس عرمان وادوارد لينو قدامو
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
معاوية الزبير
Kabar
Faisal Saad
mustafa mudathir
معاوية المدير
محمد على طه الملك
محمد البشرى الخضر
Hani Arabi Mohamed
Deng
احمد التجانى احمد
فيس بوك
تويتر
انستقرام
يوتيوب
بنتيريست