|
|
|
 Re: الدولار ما طار وارتفع الا كما طار وقع ( قري (Re: ود الباوقة)
|
زمان لما قلت اخونا ود الباوقة دا غواصـة معارضـة داخل الإنقاذ ما في زول صدقنى وهو زعل.البيعمل فيه دا اسمه تريقـة على الإنقاذ.. وإلا فأجبنى على السؤال:فكيت كم دولار الأيام الفاتت القلت للناس يتخلصوا من الدولار بسرعـة.. وكم مليون خسرتها الان.. أكيد تخلصت من دولاراتك لأنك دعوت الناس يتخلصوا منها.
| |
 
|
|
|
|
|
|
|
|
Re: الدولار ما طار وارتفع الا كما طار وقع ( قري (Re: Hafiz Bashir)
|
يا حافظ .. كيفك وكيف كيفك .| Quote: جني و جن زول يقول لزول خسر الآلاف الجنبهات يقول ليهو خسرت ملايين |
كثيرا ما أشبه هذا المنبر بي "الحله" او "الحي" أو "القرية" في السودان ..والحال كذلك .. يكون أستاذنا "ابوالريش" من المعالم البارزة في المكان .. لا يتم "المكان" من غيره .. البوست بتاع "جني جن زول يقول مليون وهو بقصد الف" خلاني أقرأ شخصية أستاذنا "ابوالريش" ولأول مرة صاح ..اكثر ما كان يثيرني في السودان اصرار بعضهم "وجلهم من الموظفين الحكوميين" .. اصرارهم واستلذاذهم بمعرفة واستعمال قيمة العملة الحكومية الجديدة ... وكأن في المسألة ذكاء حسابي .. حاجة بي 325 الف جنيه .. يقوم يقول 3 الف و250 جنيه .. ترتبك وتقعد تحسبها دي لتساوي كم ؟! .. 32500 ولا 325000 ولا شنو ؟! اها في اللحظة دي .. لحظة الارتباك بتاعتك دي .. بكون هو قمة سعادتو !!!!كتبت انا زمان حولذاك: تدهورت اسعار العملة السودانية بصورة حادة جدا عقب الإنقسام الوطنى العظيم لدولتين .. دولة جنوب السودان ودولة السودان, والأخيرة ما وجدنا أنفسنا ننتمى لخارطتها الجديدة .. تلك الخارطة المنقوصة من وجداننا, وتلك العملة التى لم أستطع فهمها مطلقا ومنذ عودتى .. فقد غيروا تسميتها مرتين فى هذا الغيهب الطويل. أعلنوها فى بادئ الأمر كدينارٍاسلامي و لحقبة من الزمان .. وكان ذلك تماشياً مع أسلمة الأشياء و"تأصيل المجتمع" .. بيد أنهم أسقطوا صفراً منها ليكون الدينار الجديد بمثابة عشرة جنيهات سودانية قديمة بالتمام والكمال. ثم أعادوا للجنيه إسمه القديم .. ولا أعلم إن تم ذلك تماشياً مع إسلام جديد أم لا .. ولكنهم أسقطوا ثلاثة أصفار من الجنيه الجديد ليكون الجنيه الجديد معادلا لألف من الجنيهات لقديمة بالتمام والكمال !! .. وهكذا يمكن لك وبكل إرتباك أن تملأ خزان وقود العربية بمائة الف جنيه سودانى "أصلي" أو عشرة ألاف من الدينارات متوسط القدم, أو بمائة جنيها حكوميا فى تمام حيلته القليلة ..ولا حيلة لنا الا فعل الارتباك عند كل معاملة مالية ..
| |
|
|
|
|
|
|
|
|
Re: الدولار ما طار وارتفع الا كما طار وقع ( قري (Re: محمد حيدر المشرف)
|
| Quote: موعدي معكم نهايات الاسبوع المقبل وانتو في وانا فيباذن اللهونشوفو حا ينزل ويصل كم |
في المنبر دا وفي صحافة المدرجات والمشجعين المتعصبين في ناس قاعد أبني عليهم توقعاتي في الكورة والتى دائما ما تصدق .. بعضهم كج ونحس وبعضهم الآخر ما بعرف يقرأ الواقع والمعطيات .. عشان كدا دائما بشوت عكسهم ..عطفا على الكلام دا بقول ليك الدولار ما ح ينزل لا الأسبوع الجاي واللا بعد سنة إذا ما زاد كمان ..ياللا صنف نفسك كج واللا ما بتعرف تقرأ وشغال بالكوار والعاطفة .غايتو أنا برجح الاتنين .
| |
|
|
|
|
|
|
|
|
|
Re: الدولار ما طار وارتفع الا كما طار وقع ( قري (Re: Adil Ali)
|
دجال الكيزان ود الباوقة.ح تختشي متين؟في ناس فكت الدولارت وخسرت خسارة كبيرة، هي الأن بتفتش فيك، وقالو لازم تعوضهم أو يفطسوك عديل كده ومن بينهم معاوية عبيد ، فك حوالي 25 الف دولار وخسر خسارة فادحة.وحتى الأن بسب وبلعن في اللي كان السبب. أعمل حسابم أوع تسافر جدة قريب.
| |
|
|
|
|
|
|
|
|
|
Re: الدولار ما طار وارتفع الا كما طار وقع ( قري (Re: Deng)
|
لو ...مشيتوا بنظريتكم الجيتو بيهانأكل مما نزرعنلبس مما نصنعوبقت عندكم صادراتكم ( براميل صادرات )وعمّ السلام في البلدوقتها ...إقتصادك حينتعش ووقتها أفك دولاري وانا مطمئنغير كده ...دي نظريات واشاعات ومحاولات يائسة لرفع قيمة الجنيه ليس إلّا
| |
|
|
|
|
|
|
|
|
|
Re: الدولار ما طار وارتفع الا كما طار وقع ( قري (Re: محمد عبد الله الامين)
|
يا ود الباوقة رغم إحترامى ليك ....ورغم عدم ميلى لإستعمال ألفاظ حارة .............لكن ياخى أسمح لي أقول ليك مرات بتكون زى الشايل ليك دلوكة وماشى فى زفة ....ومهمتك بس تخبط فى دلوكتك دى وتقبض المعلوم فى نهاية الزفة ......................يا نحن عوره يا إنت عوير ,,,,خياران لا ثالث لهما...........حسه شوف موضوع الدولار ده كم مرة جيت تقول نازل وحينزل وعندك معطيات نحن ما عارفينها ..............حتى لو نزل حينزل كم ....جنيه واحد .....يا خى طبّل للإنغاز (بالغين) بوعي ...الله يخليك .......خلينى أستمر أحترمك ما دمت تحترم عقلي
| |
|
|
|
|
|
|
|
|
|
Re: الدولار ما طار وارتفع الا كما طار وقع ( قري (Re: Osama Mirghani)
|
في السبعينات ياعمر المهدي ود حران مشى الأبيض بلوري حق تمر بعد وصوله هناك التمر كان واقع واطةغايتو ناس السوق لقطو ليهو حق ايجار اللوريالراجل رجع البلد ولاقاه قمر زميلو في تجارة التمر وسألو عن احوال السوق في الابيضالمهدي رد لقمر:" يا اخوي ماعندك لوريين تلاتة نتشارك فيهن"قمر مشى في ليلو عبأ اتنين بلكوار تمر وخلسة يا اللبيض جاك بلازولك وصلتو هناك لاقوه التجار مستغربين :" انت يا قمرالمهدي ما وراك الحاصل؟"المهم زولك مشى اشترى ليهو سكين وكايس للمهدي لي هسعاها زي ما قال الزغلبانيبربار حارسك بكلاش
| |
|
|
|
|
|
|
| |
عوض الشيخ حامد العوض
أيمن محمود
Abureesh
محمد حيدر المشرف
Hafiz Bashir
علي دفع الله
طلحة عبدالله
Adil Ali
Deng
Mohammed Abuzaid
محمد إبراهيم علي
محمد المسلمي
معاوية محمد الحسن
بدر الدين محمد
Osama Mirghani
MOHAMMED ELSHEIKH
احمد الشيخ
الحاج حمد الحاج
محمد أبوالعزائم أبوالريش
ولياب
فيس بوك
تويتر
انستقرام
يوتيوب
بنتيريست