|
|
|
 Re: الخرطوم عاصمة الجهل (Re: عبدالحفيظ ابوسن)
|
قبل ان تتوقف دور السينما العريقة عن تقديم عروضها . انتشرت افلام الدرجة الثالثة الهندية
تحولت تلك المكتبات الشهيرة لبيع الادوات المكتبية . وسلسة لشروحات المناهج الدراسية ..
شحت الكتب جراء منع الاصدارات .. والكتب الثقافية تعامل معاملة السلع التجارية حين دخولها
توقفت النوادي الثقافية
تعسر اتحاد الكتاب لظروف معروفة
الاجراءات المعقدة والمنع لليالي الثقافية والشعرية حد المنع
و
و
الاسابيع الثقافية الجامعية
المسرح
معهد الموسيقي والمسرح
كلية الفنون الجميلة
و
و
| |
 
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
وبالمقابل تم سد الفراغ
انتشرت مراكز للعلاج غير الطبي المعهود
وكتب
وعربات في الاسواق تسوق لادوية سحرية
وانتقلت من الاسواق ومراكز التجمعات لشاشات التلفزيون
دعايات لتبيض البشرة وعلاج البواسير والسرطان مع الارقام اسفل الشاشة
وبرامج نجوم الغد
وانتشرت اماكن الشيشة
وستات الشاي الاجنبيات
فالمواطن الخرطومي صار مكان ترفيهة لا يأبه كثيرا للعقل
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
ترييف المدن !؟
اظنه !!
وبدت القصة ..
من الخرطوم محل ما جامعة الخرطوم موجودة . بل محل ما كل الجامعات موجدة
ومحل سودان بوك شوب
ومكتبة البريتش كاونسل
ونادي ناصر الثقافي
ومكان الاذاعة والتلفزيون
والبي ان
والوطنية غرب
وقاعة الصداقة
وقصر الشباب والاطفال
و
و
مكان الحكومة زاتها
صارت الخرطوم تصدر الجهل
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
بدلا من ان تكون العاصمة مصدر اشعاغ للوعي والثقافة والتنوير
ظهرت لنا منها شائعة اخري
بعد ان اخذت المصافحة زمنها ..
الرتينة الزمان .. عداد الضغط حقها به جهاز يساعد في اكتشاف الذهب .. وبدأت حمي البحث عن الرتاين واسعارها الخرافية
السينما كانت تقدم الوعي والاستنارة والتثقيف
وحياة الاخرين
وليس الخلاعة والجنس والاثارة
لها دورها غير المرئي
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
آآآآآآآخ يا عبدالحفيظ ....... مسكت مكان الوجع.
في أيامنا الذهبية كنا نتبارى للحصول على عضوية المراكز الثقافية (المركز الثقافي البريطاني - الفرنسي - الأمريكي - السوفيتي - جوتة - الثقافة والإبداع والفنون) وآآآخ يا زمن
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
سلام يا ود أب سن يا جميل،
غايتو عندك محن كده بتعرفها براك
يا اخوى أنا و الله جاتنى حالة نفسية من الامور دى.
أبو القنفد؟؟؟!! غايتو أنا قاعد فى حتة فيها أبو قدح من النوع أبو كديس، طلع ليك اشاعة كده لا يشق لها غبار طوالى برسلو ليك خلينا نغنى لى رقبتنا دى ياخ ههههه.
ياخى العالم دى بقا عندها مهارات مذهلة فى التدهور.
| |
|
|
|
|
|
|
|
|
|
Re: الخرطوم عاصمة الجهل (Re: انور تاج السر)
|
ف شنو
الامور متصلة مع بعضها ولا تنفصل
السينما المتجولة . عربية كبيرة بتلف النجوع والقري . ولها شاشة عرض ضخمة
ف الزول الفي الخلا بعرف السينما .. والتصوير .. وانو دة علم .. ومافي ناس ورا الشاشة
وبدلا من الاندهاش من السينما سيندهش من المعرفة والثقافة المنبعثة منها
ولسة جاييكم .. احسبو معاي
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
صدقت والله...
أما الدمار الأكاديمي والتعليمي فهو الذي يضاعف هذا الجهل كل عام بمقابل عشرة أعوام من الجهل مع بقاء النظام.. قرأت بعد الدراسات العلمية عن التدهور في القوي
البشرية في السودان نتيجة للدمار في تعليم مراحل الدراسة الأساسية. .
| |
|
|
|
|
|
|
|
|
|
Re: الخرطوم عاصمة الجهل (Re: سيف اليزل سعد عمر)
|
Quote: 👈 يوم كان لبس السفنجة ممنوعا في الخرطوم
--جولة خرطومية---
...قالت الاهرام المصرية عن الخرطوم
انها مدينة جامعة لجمال الموقع الطبيعي ومحاسن النظام المدني
والرونق jالحضري وقصورها في غاية البهجة
وشوارعها منتظمة..
لم يجرو احدا علي دخول مركز المدينة
وموسساتها واسواقها وانديتها - بشبشب -
اوسفنجة..كانت الافلام السينماية تشاهد
بالخرطوم في ذات يوم عرضها بلندن اوالقاهرة وكان مواطنو الخرطوم يقراون
الصحف والكتب ويحصلون الاسطوانات
يوم صدورها في مصر..وكان العرب
يشترون اقمشة الصوف والادوية الاوربية
والشاي الحب وامواس الحلاقة من اسواق
الخرطوم.
كانت الخرطوم تزخر بالمسميات الاوربية
لشوارعها ومحالها ومتاجرها..كلها اختفت
بعد الاستقلال. ومنها شارع فكتوريا الذي
اصبح شارع القصر..وشارع نيوبو لد
شارع الحرية..كما تحولت كلية غردون الي
جامعة الخرطوم.. وتحولت اسم مدرسة الملك فاروق الي مدرسة جمال عبد الناصر
وكانت الخرطوم تتميز بالمقاهي الكبيرة
كما هو حال القاهرة اليوم.. ومنها خمسة
تعد من كبريات المنتديات التي يتجمع فيها
الاهالي وتقع في منطقة السوق العربي
وهي/قهوة الزيبق/ الكوباني/ وابوزيد /
وقهوة الصنايعية والعيلفون.....
ويبدا العمل من الساعة الخامسة مساء
في ترتيب ارايكها - الكنبات - التي تسع
الواحدة من ثلاثة الي خمسة اشخاص
ويفد الي هذه المقاهي الموطنون في جلاليب نظيفة مع العمامة اوالبنطال والقميص المحشو والحزام والاحذية الجلدية
يتناولون الشاي بالحليب ويتسامرون...
ومجموعات اخري منهمكة في الهم السياسي
او يستمعون الي الاغاني التي يبثها
الفونغراف من الاسطوانات.
والملاحظ ان المقاهي الافرنجية الاخري
باستثناء- ميرلاند - يقوم علي خدمة روادها
ابناء الاغريق ويتميز - اتني - بجرسونات
شابات من اثينا يرتدين /تنورات قصيرة
وبلوزات ناهدة / بينما ينحني الجرسون
امامك في ادب وهو يتلقي - البقشيش -
كما افتتح الاديب المرهف... عبد السلام
كشة بشارع الجمهورية مقهي - ميرلاند -
علي نمط - الفيشاوي- في القاهرة
---كانت الخرطوم تعد مدينة اوربية كان
يتم غسل شوارعها مع الفجر واحيانا يخلط
الماء بالديتول...خاصة شارع القصر
وكانت سيارات البلدية - الصهاريج - تقوم
في الصيف برش شوارع الاحيا الشعبية
لتثبيت التراب ومحاربة السحاي وتلطيف الجو مع كثافة الرش في شهر رمضان..
كانت الخرطوم مشهورة بالاكلات الشرقية
الطاعمة.. كان سفراء الدول يفضلون تناول
وجبة الغدا في فندق - الاكروبول -
وفي ذلك الزمان كانت الخرطوم مهوسة
بسباقات الخيول التي تنعقد اسبوعيا بالعاصمة.. وشهريا بودمدني-وكانت الدولة
العربية الوحيدة التي يشارك مواطنوها في
سباقات الديربي البريطاني للخيول الذي
ترعاه ملكة بريطانيا ..وقدكانت محلات
/مرهج / بشارع الجمهورية توفر قوايم
ذالك السباق والخيول المشاركة ونبذة
تاريخية عنها - كما تقوم بتعبية الاستمارات
وتسديد قيمة المراهنات ويقوم المحل
بارسالها الي لندن.
كان الاهتمام بالحذاء يعد سلوكا حضاريا الي
جانب الاناقة.. ولهذا نشطت المتاجر في عرض احمل وارقي الاحذية واخر الصيحات
وكان الرجال والسيدات وخاصة الشباب
يختارون احذيتهم من الكتلوجات التي يوفرها
لهم دكان / البون مارشية / وهو فرنسي
في الركن الشرقي الجنوبي من العمارة التي حل مكانها البرج الحالي بالمحطة الوسطي الخرطوم...
وكانت تنتشرفيها ايضا وبكثافة الاندية والمحال التجارية الاجنبية - ومنها حلواني
-g b- وهو اختصار لبريطاني العظمي
وكانا يقدم اجود انواع البقلاوة والتورتات
والجاتو ...وحلواني / بابا كوستا / اليوناني
الذي اشتهر بصناعة المعجنات.. ومخبز
كتشنر شمال جامع الخرطوم المتخصص في
انتاج الرغيف البلدي..
ومن الاماكن الاجنبية صالة غردون - للرقص -ومرقص / سانت جيمس / الذي يتسم
بالشعبية ويقدم اغاني الجازالغربية.....
ومن المطاعم الاجنبية مطعم / رويال /
/شناكا/ ولورد بايرون... وموريس قولدن
بيرج للنظارات - وبونباي بازار - ومالكه
ميرزا ويقدم ارقي الملبوسات الرجالية
والشبابية..
ونشير الي ان هذة المحال والمتاجر والاندية
والمطاعم اغلقت ابوابها بعد ان قام نظام
نميري بتاميم التجارة عام 1970.
----نقلا من نافذة الاسبوع / الاستاذ
عبدالله الحسن.. المحامي ---/
---- الخرطوم زمان --- |
| |
|
|
|
|
|
|
|
|
|
Re: الخرطوم عاصمة الجهل (Re: اسماعيل عبد الله محمد)
|
المراكز الثقافية براها يا ابوالريش! تصدق طلبت كتاب من مكتبة شهدي عطية جابوهو لي وبسعر معقول . ما كان عندهم .. سألوني من دار النشر
المراكز الثقافية تشترك ويدوك بطاقة ويسلفوك الكتب مجانا
ومن السهولة يعلموك لغتهم ان رغبت لدرجة السفر لبلادهم
التثقيف كان سهل وبل يحفزوك عليهو
لكننا في زمن استلمنا كم طن كتب لمعرض الكتاب
الكتاب كان نافذة مفتوحة دون اغلاق للعقول ودون تابوهات
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
يقول المثل السوداني
لو كان المتحدث مجنون حقو المستمع يكون عاقل
ف شنو لست وراء من السبب في نشر الشائعات .. لا يهم من ولماذا
المهم انو عقليتنا صارت تتقبل تلك الترهات بقناعة محيرة . سيادة العقل الجمعي الجاهل ..نصدق كل شي
والموضوع برضو ما قروش وسك الغني ..فنحن صدقنا شائعة المصافحة مجان ساي لا قرش لا تعريفة . وصدقنا كل مرة ظهور حيوان شكلو كيف .. وحيوان ظهر في الخرطوم فعل وفعل .. راسو راس شنو وجسمو شنو
صدقنا لدرجة الخوف
عقلنا بقا يقبل كل سخف
والموضوع اعقد خضت نقاشات وصلت مرحلة التهاتر والشكل .. ولا ينفك المتحدثين يبرهنوا علي قولهم بالقصص .. و
حتي كمان جابتها الجرايد
تبا ثم تبا ثم تبا لتلك الصحف .
الصحف التي تستقي معلوماتها من ونسة ال......
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
مرحب سيف اليزل
حكي لي الصديق عثمان الزين بنواحي السعودية
جا اجازة وبشرح لي ود اخوهو في تانية ابتدائي . عربي
قاليهو ما معني
فتح
قال ليهو
قام جاري
الولد اخد جلدة وعثمان فهم بعد حكي للاخرين ان فتح يعني جري .. بالراندوك ولا العربي كلو واحد اهو بغنو بيهو وبكتبو بيهو الصحف
وللمبالغة
فتح فتح جد .. الاول فعل والتانية مصدر
ف شنو
التعليم حدث ولا حرج . ما تحرص علي وليداتك يمرقو ليك بي قد القفة .. وبجيبو كم وتسعين وما تقدر تدخلهم الجامعة ويدخلوا ناس السبعينات والملايين
ديل يجوا يحكموا البلد وديلك محكومين وممغسين وتدور الطاحونة
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
لست اذكر علي وجه التحديد الفارق الزمني ما بين اشاعة واشاعة . ولكن لا يكاد الناس ينسون حتي تطفو اخري
بعد المصافحة .. والمصافحة دي ألقت بآثار جانبية خطيرة . لا تصافح من لا تعرفه .. والغريب يتوجس الناس منه خيفة .. وتعرض كما سمعت حينها اكثر من غريب للاعتداء عليها علي خلفية انه من اولئك سارقين الاجهزة التناسلية للرجال . وبالجد الامر محير في انو الناس تصدق . فكنت استفسر بشكل كثيف دون رد
يسرقو ليهو
ومكانو ببقا شنو يعني بتقوم محله شدرة ولا شامة ولا
وتاني برجع
الزول المسروق وري زول محل السرقة
المهم
بعد المصافحة والرتينة ظهرت العقارب
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
حكي لي واحدا نقلا عن حكاية حكاها ليهو حاكي اخر
اتنين سماسرة عربات سوقهم واقف . عندهم حوش كبير فاضي .قالوا للجماعة
ناس الشركة حا يجو يعملو المعاينات هنا للقنفد . والدفع فورا .. رسوم الدخول عشرة جنية للقنفد
واحد مسك الباب والتاني حساب القنافد
ايوة معاك كم ... تلاتة ؟ بتلاتين ج .. اتنين بي عشرين
الزول يدفع ويطب كرتونتو في اباطو وبعزل ليهو ركن مضلل .. والناس انسكرت فيهم .. اي زول قاعد وحابس قنافدو
قالوا لبك لمو ليهم 2700 ج وشتتو
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
تقبل الخرافات بشكل مطلق دون تفكير .. كأنه ليس بداخلنا معرفة علمية او تفكير منطقي . نقبل الامر بشكل يدعو للذهول .
كانت مناهج التعليم تشكل اساسا معرفيا ثقافيا متكاملا .. كنا نأخذ من كل العلوم جزءا يسيرا . ونظل كل مرحلة نتوسع فيه .
كل ضروب العلوم الانسانية والتطبيقية عرفنا عنها ما يجعلنا نستزيد منها في قراءاتنا خارج الاكاديميات
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
اها قالوا شركة صينية بتشتري العقرب بي 5 مليون .. ليه ؟ قالوا بطلعو منها دواء معين
عندنا واحد من كوستي سافر حلفا وقبض 50 عقرب .. ومشي معسكرات الصينين .. في النهاية قال لي فكيتهم في الصقيعة . سكوني وقمت جاري منهم
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
الغريبة يا حفيظ، أبو القنفد حيوان موجود في كل أصقاع السودن، لكنه يعيش بدون صخب ونكاد ننسى وجوده.
الناس ديل قلبو ليهو كيانو ولفتوا الأنظار ليهو ----- هو ما بيحب كده ياخ.
| |
|
|
|
|
|
|
|
|
|
Re: الخرطوم عاصمة الجهل (Re: محمد أبوالعزائم أبوالريش)
|
Quote:
وعربات في الاسواق تسوق لادوية سحرية
وانتقلت من الاسواق ومراكز التجمعات لشاشات التلفزيون
دعايات لتبيض البشرة وعلاج البواسير والسرطان مع الارقام اسفل الشاشة |
شكرا ود أب سن
سبحان الله كنت بتكلم في الموضوع دا قبل شوية
الناس دي تنتشر بالاسواق وتحمل مايكروفونات
وتحاضر الناس في الطب النبوي وطب الاعشاب والذي يحاضر يتكلم في أمور كثير منها خادش للحياء
بعض هذه الفيديوهات منشور بالفيس بوك والواتس أب
وبعض الجماعات السلفية تتحدث في الأسواق ايضاً وبالمايكروفونات وبأعلى الأصوات عن كفر كل السودانيين وبدعيتهم ما عدا هذه الفرقة .... الناجية ....
ولا يعلم أحد هل لهؤلاء تصريحات باستخدام الميكروفونات ومحاضرة الناس والحديث في أمور ليس المتحدث متخصصا فيها ؟؟؟؟؟؟؟؟؟
ولكن لعلم الجميع ويعلم الجميع أن الامر يحتاج لترخيص ...
لأن الكلام يحتاج لترخيص
كل هذه السنوات الانقاذية ؟؟؟؟
فكيف يسرح هؤلاء ويمرحون ؟؟؟؟؟؟
| |
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
تعرف يا ابوالريش الموضوع دة بعمل اختلال بيئى . فهو عدو للثعابين والعقارب . وحسب سيناريو دارون ممكن يعمل كارثة
القنفد حيوان خجول ومستقر . زول ليل . لكن ديل جهجهو ساعتو البيولوجية
اريت الدعاية دي لو كانت في الفيران
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
عزيزي ود ابوسن
تحياتي لك ولزوارك الافاضل
الامر من كل هذه المرارات التي ذكرت
مناهجنا التربوية اصبحت خربة لدرجة انو طلاب الجامعة لاةيسطيعون كتابة رسالة
نصية بشكلةصحيح واذا قمت بجولةةقصيرة داخل الجامعة ستصاب بمرض واندهاش غريب
فطلاب الجامعة لا يسطيعون قراءة مقال في جريدة
شي يوجع القلب بجد ويولد احساس بالياس
من التدهور والانحطاط المريب الذي تمر به الدولة ومكوناتها
ربنا يدينا العافية بس
| |
|
|
|
|
|
|
|
|
|
Re: الخرطوم عاصمة الجهل (Re: محمد الطيب محمد)
|
مرقنا من العقرب
وقعنا في صحن الباشري
صحب من الخزف مختلف الاحجام .. كان سيد النملية زمان والنملية عبارة شكل يشبه الدولاب ولكنه اصغر .. وجمابه بالنملي الخفيف.. يستعمل لحفظ العدة .. وبلخو فيهو الحنة للعرسان .. وبرضو بقدمو فيهو العصيدة في المناسبات المهمة
واندثر إلا من كان يملكه كأرث
قالوا صحن الباشري بي كم مليون . والناس جنت .. في نسوان ما سمعن بالخبر واشتروا منهن الناس السمعو الخبر بسعر يفوق تخيلهن ولكن مقارنة بالسعر الدعائي ولا حاجة
والموضوع انتشر وفقدنا معظم ارث امهاتنا وحبوباتنا
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
تعرف يا الشايقي مرة لاقيت واحد مظبط بي بنطلون وجمبو حافلة فيها كراتين وخاتي ليهو بوسترات مرسوم فيها الجهاز التناسلي للانسان بنوعيه .. وصور اخري .. وبتكلم عن العلاقة الجنسية حسب كلامو بشكل علمي وعندو دوا ببيع فيهو .. مما سمعته وانا ماري ماعندو علاقة بالعلم
ولا حافلة يوميا بشوفها في طريقي لي البيت .. فيها اولاد وبنات بتبادلوا الدعاية بالمكرفون الدواء الذي اعترف به معهد شنو وين كدة ماعارف ووو
ودة كلو علي في شارع رئيسي وعلي مرأي ومسمع من السلطات التنفيذية والطبية . عشان كدة انتشر الاطباء الكذبة في المستشفيات
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
يا ابوسن وماشي بعيد ليه عاين الشريط الاخباري التحت في القنوات السودانية فرد دوا بعالج الصلع وتساقط الشعر وبيزيل الشعر الغير مرغوب فيه وبشد الصدر وبضيق الخياشيم وبشد الوش وبفتح البشره وبساعد على الانجاب وينفع سماد للشدر
| |
|
|
|
|
|
|
|
|
|
Re: الخرطوم عاصمة الجهل (Re: muntasir)
|
مرحب محمد الطيب
وحبابك
صدقت
المنهج حدث ولا حرج واضف لك الاخطاء .. اخطاء في كل مقرر وجميع المستويات .. معلومات مغلوطة ..
وزحم ذهن الطلاب وقصم ظهورهم بالشنط الثقيلة لكثرة الكتب . وعطفا علي حديث وزير الثقافة بكون عاملين المقرر بالكيلو
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
سلام وتحية وتقدير اخي عبدالحفيظ ..
هي سياسة ممنهجة أتت بعد 1989م ..
وهذه مصيبة من مصائب حكم الفرد الدكتاتوري وفرضه لرؤيته الفردية
ومحاربته لكل اشكال الحريات ..
فاصبحت العقول والبطون خاوية ...
كل هم الناس المخارجة من الوطن والبحث عن ملجأ آخر ..
محاربة الثقافة في أي مجتمع هي انم الكوارث ..
ضاعت الطبقة الوسطى تماما .. وضاع معها كل شيئ جميل ..
ياخي بس انظر لقنواتنا النلفزيونية ... جهل يصيبك بالاعياء والله
قنوات خالية من كل شيئ يغذي العقول
80% من برامجها غناء من مطربين يصيبوكم بالحيرة مما اصاب البلد
فهل للامر من حل ؟؟؟
| |
|
|
|
|
|
|
|
|
|
Re: الخرطوم عاصمة الجهل (Re: Dr. Ahmed Amin)
|
من محن الواتساب:
Quote:
قالوا ليك ( بلال) ود العوض (رطب شديد) بعد كان بحلق للحمير في الحله ، انتو عارفين (بلال) دا زول راسه نضيف بس الدنيا (عركتو) وفضل صابر الوقت دا كلو يجز في شعر (الحمير والغنم).
طبعا انتو عاوزين تعرفوا الشمار تحديدا وكيف ( بلال ) دا رطب كدا ،عشان كدا انا بقول ليكم قصتة .
بلال دا يوم شغال يجز سااااي في حمار ( مكادي ) وصاحب الحمار مقرش وربنا فاتحه عليهو .
اها اثناء ما( بلال) بجز في الحمار جوا ناس المحليه داقشين الحله وطبعا جية المحلية دي ماعشان يبنوا ( مستوصف للحله ) ولاعشان يحفروا ( بياره مويه) ولاعشان ياسسوا ( مدرسه ) ولالدراسه مشروع ؟؟؟؟ الجماعه ديل دقشوا الحله عشان عاوزين يشيلوا الضرائب بتاعة المحليه من كم ( كنتين) في الحله.
وقف صاحب عربيه المحليه المكندشه قصاد ( بلال ) مناديا له: يازول تعال هنا ؟؟
وقف بلال علي طوله وتوجه نحو افندي المحليه مرحبا.كعاده اهلنا السودانيين :
هلا والله
حبابكم الف
ارررررح علي البيت..
زول المحليه : الله يكرمك ، انت ود منو ؟؟
بلال: ودالعوض ودحاج الطاهر بتعرفوا ؟؟
زول المحليه عاوز يعمل فيها مفتح وهو ماناقش الحله ذاتا:
اي بالحيل كيف ياااخ ابوك دا مازول كلس وابوالكرررم.
بلال: الله يكرم اصلك
زول المحليه: انت شغال شنو ياودالعوض ؟؟
تردد بلال واخذ عقله يشطح به كثيرا ،فلو قالوا ليه بقص في الحمار دا بسالني :انت شغال حلاق حمير ؟؟ ويعمل لي فليم ووينها اوراقك ووينها بطاقه والاحتمال الكبير يشيل منه قروش جبايه.
خطرت في راس (بلال ) فكره شيطانيه فرد لزول المحليه: والله عندنا حبوبة لينا عندها ( ورم ) في شعرها وودينها البندر ،والدكاتره قالوا عندها سرطان. اها جبناها صاده للحله قلنا ( اكان جاء امر الله التموت في بيتها ) واسع ناس الحلال(جمع حله) كل يوم كاسرين فوقنا ويدونا في وصفات ليها .
ودحين في (جد) لينا قال: جربوا شعر الحمار امسحوا ليها فوق راسها بعد تخلطوا بزيت سمسم.
واسه جيت احلق للحمار دا عشان نعمل ليها الوصفه.
بتاع المحليه (المكنه ) مشت فيهو. وصدق كلام بلال دا وشالو شويه شعر من الحمار (مجانا طبعا) وانكشح داخل الحله.
وبعد ماجمع جبايته رجع البندر وفك خبر (شعر الحمار ) وعلاجه للسرطان والخبر طبعا انتشر انتشار النار في الهشيم والواطه كلها قالوا ليك كسرت علي (دكتور بلال ودالعوض ) اصلو نص البلد بقت مصابه بالسرطانات من الاكياس واللغاويس البناكل فيها والمواد التموينيه المغشوشه.
وبكدا رطب (بلال ) فاصبح بين ليله وضحاها من حلاق حمير لاخصائي باطنيه. ودا طبعا مامستغرب في السودان الان. الناس يكافي البلاء بعد كان مضرب انسانها مثالا في( الذكاء والنباهه ،والثقافه والعلم )وصلنا لمرحله سك ( ابوالقنفد ) وبعرة حماره.
ومامعروف الجااااي شنو
ودمتم سالمين ،،،
|
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
ههههه قلت لي بقيتو تسقوهوا من بالليل عشان يصبح طري وليّن.
تعرف البوست دا، هو المقابل الواقعي لي نقتنا الكتيرة عن السياسة في البوستات التانية
الواقع الذي يُكتب في هذا البوست ينبغي أن يتفق عليه الجميع معارضين ومؤيدين
ومنه ننطلق لنسأل الطرفين: أها عايزين تغيروا الواقع دا ولّ كو ؟
إذا اتفقنا على ضرورة التغيير وإنو لا بد منه عشان بلادنا تتقدم (نقولها نعم)،
بعد داك ممكن نفتش مع بعض على طرائق التغيير
إذا لم نتفق على إنو التغيير واجب وطني، تبقى العوجة كبيرة
ويبقى المؤيدين بحبوا الوطني ما بحبوا الوطن
هذا فهمي للمعارضة والموالاة
-------
اختيارك لعنوان البوست في السلك
(مع إني ما عارف التعبير دا جايي من وين، لكن سمعتو)
| |
|
|
|
|
|
|
|
|
|
Re: الخرطوم عاصمة الجهل (Re: معاوية الزبير)
|
والله يا منتصر امر مخجل .. والقنوات فضائية مش ارضية . يشاهدها كل العالم .. يتفرج علي جهلنا
باقي بعلنو انو عندهم اكسير الحياة
بقينا قبلة لكل ضلالي العالم وجهالة ودجاليه
اجانب لافين في الاسواق يعرضون بضاعتهم
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
في عيد ميلاد (أبّهة) تسيّده (القلب الأحمر)..
شيخ الأمين يدعو أقطاب الصوفية لـ (الرقي والتحضّر) والاحتفاء بالورود!
-----
النجم الصوفي (الأنيق) يضع رسائل ساخنة في (صندوق بريد داعش)!
----
خلفية ودالعجوز:
أنا لست (شيخ جكس).. لكن احتفي بالنساء!
أمدرمان - الهادي محمد الأمين - (حكايات)
دافع الشيخ الأمين عمر الأمين ود البنا، خليفة الشيخ عبد الله ود العجوز، شيخ السجادة القادرية المكاشفية، عن نفسه في مواجهة الشبهات والإتهامات المثارة ضده، وسخر من دعاوى خصومه الذين هاجموه ووصفونه بأنّه (شيخ الجكس)!
وقال الشيخ الأمين خلال خطاب وجّهه بمسيده في (حي ود البنا) بأم درمان القديمة مساء أمس الأول الخميس بمناسبة عيد ميلاده، الذي شهد حضوراً كثيفاً من ممثلي البعثات الدبلوماسية، سفراء الاتحاد الاوربي، ممثل الامم المتحدة في الخرطوم، ونجوم المجتمع والفن والرياضة، بمناسية الاحتفال بعيد ميلاده، قال إنّ الاتهامات المثارة ضده تُسييء لمروجيها، قبل أن تُسيء إلى شخصه، داعياً رجالات الطرق الصوفية للمضي في طريق الرقي والحضارة والمدنية، والإحتفاء بالورود والزهور، مشيراً إلى انه ليس (شيخ جكس) لكنه يحتفي بالنساء لأنهن تاج، والتاج لا بد أن يكون فوق الرؤوس، فيما انطلق سط سيل من الزغاريد والتصفيق من قبل الحاضرات من العنصر النسوي.
ــــــــــــــــ
(قلب أحمر) في طقوس شمعة بطعم رئاسي
ازدانت الساحة الفسيحة لمسيد الشيخ الأمين ود البنا، وازدهت بالإضاءة الملونة وأنوار الليزر ولمبات الزينة الموزعة بعناية عند مدخل ساحة الكرنفال وفوق البناية العالية وعلى الجداريات، ومع قماش الصيوان اللامع، بجانب تصاعد دخان الأبخرة العبقة من نوع بخور التيمان المسبّع والعدني. وفي الخلفية، شعار كبير في لوحة مصوّرة، عليها صورة الشيخ الأمين وأحد حواريه الشباب، كُتب عليها: (نكتفي بك، ولا نكتفي منك)!
غلب على مظهر المناسبة الطابع الحديث والطراز العصري في قالبٍ متجدّدٍ وغابت (الجبّة) المرقّعة، واستعاض عنها الخُلفاء بارتداء الزي الإفرنجي، (بدلة كاملة مع الكرفتة)، بالإضافة الى (تي شيرتات) المطبوع عليها صورة الشيخ الأمين مبتسماً.
ما يلفت الانتباه، طريقة التحايا والسلام بين الحواريين، فبعد التحية يكون التقبيل في اليد، مع انحناءةٍ خفيفةٍ، فيما تمّ الفصل بين النساء والرجال. أما السيدات والآنسات من مُحبّات الشيخ الأمين، فقد جلسن في الجانب الشرقي من صيوان المناسبة، في اتجاه مقابل لوضعية الرجال في الجانب الغربي.
ومع انطلاقة صافرة البداية للحفل الأنيق، نبّه مقدّم البرنامج؛ إنّ موكب الشيخ الأمين سيُمر شاقاً الصفوف، ثم طلب من المريدين وكافة الحضور الإستعداد لنيل البركة والسرور، بعدها ظهر شيخ الأمين الذي سبقه وفد مقدّمة من طلابه، في كامل هيئته وحُلّته، متحركاً بين الصفوف بنشاطٍ وحيوية، رافعاً يديه مُحيّياً الحضور، الذي نهض واقفاً لرد التحية، وتزامن هذا الحراك والتطواف داخل المسيد مع ارتفاع أصوات منشدي فرقته، التي شدا مادحوها بقصائد منظومة على نسق ألحان أغاني الشباب الحديثة، ومجارية لها في الإيقاع والأداء.
بدا شيخ الامين مبتهجاً ومنتشياً ومسروراً، وهو يرتدي جُلباباً ناصع البياض، مع عُباءة بيضاء، مطرزة بألوان فضيّة لامعة، ويحمل عصاةً من ذات اللون الفضي، منقوشة برسمٍ عاكس للأضواء، حتى تمّ إجلاسه على كرسي فخمٍ، تمّ وضعه في المنصة، التي بدت وكأنها مقصورة رئاسية، وتحتها تمّ وضع السجّاد الحريري، أحمر اللون، فيما رفعت النساء أعلام وأوراق صغيرة مكتوب عليها بالإنجليزية (we Love 122)، مرسومٌ عليها قلب أحمر. الخلاصة أنّ الجو العام رومانسي فرائحي.
--------
التصوف لا يعني التخلُّف والزُّهد لا يعني العدم!
اللافت للنظر، الحضور الكثيف لسفراء دول الاتحاد الأروبي، وممثلي البعثات الدبلوماسية، من السفارات: البريطانية، النرويجية، الهولندية، الإيطالية، اليونانية، الفرنسية. ومندوب مكتب الأمم المتحدة بالخرطوم، بجانب نجوم المجتمع من الفنانين والتشكيليين والإعلاميين والرياضيين، وموفدين من الطوائف المسيحية والقبطية بأم درمان، بقيادة بقيادة الأنبا شنودة.
وانتهز الشيخ الأمين فرصة حضور الضيوف ليُقدّم رؤية مغايرة للتدين والتصوف – حسبما يرى - وتصوراً آخراً، مؤكداً في خطابه إنّ التصوف لا يعني التخلُّف، ولا الرجعية، وإنّ الزُّهد لا يعني العدم، معتبراً أن النظافة والهندام الجميل، والفن سلوك حضاري متقدّم، ينبغي أنْ يكون ديدن أهل التصوف.
ولربط القول بالعمل، أمر الشيخ الأمين حوارييه بمخاطبة الحضور بأكثر من لغة، حيث تقدّم عددٌ من الشابات والشباب، وخاطبوا الاحتفال باللغات الأجنبية، وشدّد شيخ الأمين على أنّ لديهم حتى من يُتقن (الراندوك).
وعبر فتيات، وزّع شيخ الأمين باقات من الورود، لممثلي البعثات الدبلوماسية، كلٌ في موقعه، وحرص شيخ الأمين على مخاطبة الضيوف بأسمائهم، قبل أنْ يُهدي إلى أي واحدٍ منهم بُوكيه من الورد الملوّن بمناسبة عيد ميلاده، وقال ممازحاً:
- كان الأفضل أنْ تُقدّموا لي ظرفا فيه (قروش)، بدلاً من الورود.
فيما قاطعه الفنان التشكيلي راشد دياب، الذي كان حاضراً الاحتفالية، قائلاً:
- والله يا شيخنا، أنا أول مرة في حياتي أشوف شيخ وفي يده الورود والزهور.
--------
بوفيه مفتوح بدلاً عن (صحن الفتّة)!
خلال الخطاب، بدا شيخ الأمين باعتباره قائداً، أكثر من كونه رجل ينتمي لـ (القوم)، و(أهل السلسلة)، من حيث المباشرة، بدلاً من استخدام (الإشارة) مع أحبابه، كما درج على ذلك شيوخ الطُرق الصوفيّة، بجانب استقباله لضيوفه فرداً فرداً مع التحية والسلام بالأحضان، وهزْ الأيدي، ومناداتهم بأسمائهم.
المفاجأة للكثيرين، تمثلت في حضور لاعبي وإداريي نادي الجهاد الرياضي، وهم يرفعون لافتةً كبيرةً، عليها صورة الشيخ الأمين، تم تمريرها في الساحة، ونبّه مقدّم البرنامج إنّ فريق الجهاد - (الشجرة) الأم درماني، - كرّم الرجل باختياره رئيساً فخرياً له.
ومن المظاهر التي عكست عصرية الرجل الصوفي، اختفاء صُحون الفتّة، وقال: ندعوكم للبوفيه المفتوح، الذي جمع مالذّ وطاب من شهي الطعام في مأدبة عشاء فاخرة، تنوّعت فيها المأكولات ما بين المشويات والمقبلات واللحوم البيضاء المحمرة، ثم صنوف من فاكهة وثمرات الحقول، وخُتمتْ بالحلويات والمشروبات البادرة، وانتشرت كاميرات الفيديو التلفزيونية لتوثيق الحدث، وبثّها كإصدارات مرئية في اليوتيوب، بالإضافة إلى الكاميرات الفوتغرافية، وكثرة أجهزة اللابتوب والكمبيوتر المعنية، بالنشر الإلكتروني والميديا الحديثة، لتزويد مواقع وشبكات التواصل الاجتماعي بوقائع الإحتفال.
----
الأسلام دين محبة وتآلف.. وداعش ليست منّا
المفاجأة التي رمى بها الرجل الأكثر إثارة للجدل في المشهد الديني، تمثّلت في وضعه رسائل ساخنه بصندوق بريد داعش، وقال إنّها لا تُمثّل الاسلام، بل بعيدة عنه تماماً، وإنّ ما تفعله من قتلٍ وتفجيرٍ وتدميرٍ وذبح للأبرياء، لا علاقة لها بالدين الاسلامي، الذي يدعو للمحبة والتآلف والمودة، لأنّه دين سماحة، مختتماً كلمته بأن مسيده مفتوح للجميع، رجالاً ونساء مسلمين ومسيحيين حكومة ومعارضة.
وقال: ربما يتساءل البعض ويقول لنا لماذا يحتفل شيخ الأمين بعيد ميلاده؟!
وأجاب: نحتفل من أجل جمع الناس، كما هي حالتنا الآن، وأضاف: "نحن في حي شعبي بأم درمان، وحولنا كافة شرائح المجتمع وقطاعاته، بل حتى (الخواجات)، هم معنا الآن، وكمان إخوتنا المسيحين فمرحباً بهم جمعياً".
وفي الختام، طالب الرجل بتقديم فرقة (الجو الرطب الكوميدية)، قائلاً: "نحن محتاجين ترطيبة".
و..
انتهى الحفل مكتوماً بالنكات الساخرة!
-----
تقرير (حكايات) - السبت ٢٠١٥/١١/٧
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
مرحبا دكتور احمد الامين
والجهل يعدي
اجهزة التلفزيون تقدم الجهل بشكل جذاب .. ومع انعدام وسائل الترفية والتثقيف صار اولادنا سجناء له ولما يبثه ..
تنطع وتقعر في الحديث ومخارج حروف خاطئة ومعلومات خاطئة
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
مرحبا معاوية
هو الناس قايمة و قاعدة عشان شنو زاتو .. مش عشان حياة افضل .. لا توجد حياة افضل دون وعي
بلد يسيطر علي فكرها بلة الغايب وشيخ الامين
كأنما في برضو مؤامرة ممنهجة لتشويه الفكر الصوفي
الصوفية التي تدعو للتقشف والزهد .. ونيران التقابة والتعليم .
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
الاعلام الرسمي يسوق بصورة واضحة للدجل
نجد من ناحية شيخ اللمين ونال من التلميع ما يكفي ويزيد لدرجة اصبح فيها احظ اوجه الحكومة وبيطلع في وفود رسمية ويتصدر العناوين في الصحف والاخبار شي غريب
وما ننسى كمان بلة الغايب ماخد حيز كبير جدا في الاعلام
دا كلو لمصلحة منو ؟ هل التجهيل مقصود ام الحكومة نفسها شرزمة من الجهلة ؟
تحياتي ود ابوسن
مشتاقين ياااخ
| |
|
|
|
|
|
|
|
|
|
Re: الخرطوم عاصمة الجهل (Re: عوض الشيخ حامد العوض)
|
10:13 PM | ﺗﻌﻠﻴﻘﺎﺕ : 1 |
ﺯﻳﺎﺭﺍﺕ : 925 |
ﺍﻟﺨﺮﻃﻮﻡ ( ﺳﻮﻧﺎ ) - ﺍﺷﺎﺭ ﺗﻮﺿﻴﺢ ﺻﺤﻔﻲ ﺻﺎﺩﺭﻣﻦ
ﺍﻻﺩﺍﺭﺓ ﺍﻟﻌﺎﻣﺔ ﻟﺤﻤﺎﻳﺔ ﺍﻟﺤﻴﺎﺓ ﺍﻟﺒﺮﻳﺔ ﺍﻟﻴﻮﻡ ﺣﻮﻝ ﻣﺎ
ﺗﺪﺍﻭﻟﺘﻪ ﺑﻌﺾ ﺍﻟﻮﺳﺎﺋﻂ ﻟﻈﺎﻫﺮﺓ ﺇﺻﻄﻴﺎﺩ ﺍﻟﻘﻨﺎﻓﺬ ﻣﻦ ﻗﺒﻞ
ﺍﻟﻤﻮﺍﻃﻨﻴﻦ ﻭﺫﻟﻚ ﺑﺤﺴﺒﺎﻥ ﺃﻧﻬﺎ ﺗﻌﺎﻟﺞ ﺍﻷﻣﺮﺍﺽ ﺍﻟﻤﺴﺘﻌﺼﻴﺔ
.
ﻭﺍﻓﺎﺩﺕ ﺍﻻﺩﺍﺭﺓ ﺍﻟﻌﺎﻣﺔ ﻟﺤﻤﺎﻳﺔ ﺍﻟﺤﻴﺎﺓ ﺍﻟﺒﺮﻳﺔ ﺑﺮﺋﺎﺳﺔ ﻗﻮﺍﺕ
ﺍﻟﺸﺮﻃﺔ ﺃﻥ ﺣﻴﻮﺍﻥ ﺍﻟﻘﻨﻔﺬ ﻟﻴﺲ ﺣﻴﻮﺍﻥ ﺍﻟﻴﻒ ﻭﺃﻥ
ﺍﺻﻄﻴﺎﺩﻩ ﻳﻌﺮﺽ ﺍﻟﻤﻮﺍﻃﻦ ﻟﻠﻤﺤﺎﻛﻤﺔ ﺑﻤﻮﺟﺐ ﺍﻟﻤﺎﺩﺓ
( 36 ) ﻣﻦ ﻗﺎﻧﻮﻥ ﺍﻟﺼﻴﺪ ﻭﺍﻟﺤﻈﺎﺋﺮ ﺍﻟﻘﻮﻣﻴﺔ ﻟﺴﻨﺔ
1986ﻡ ﻭﺃﻥ ﺍﻟﺤﻴﻮﺍﻥ ﺍﻟﻤﻌﻨﻲ ﻟﻴﺲ ﺑﻀﺎﺭ ﺑﻞ ﻳﺸﻜﻞ ﺃﺣﺪ
ﺃﺫﺭﻉ ﻣﻨﻈﻮﻣﺔ ﺍﻟﺘﻮﺍﺯﻥ ﺍﻟﺒﻴﺌﻲ ﻭﺍﻟﻤﻜﺎﻓﺤﺔ ﺍﻟﺒﻴﻮﻟﻮﺟﻴﺔ .
ﻭﺣﺴﺐ ﻣﺘﺎﺑﻌﺎﺕ ( ﺍﻟﻤﻜﺘﺐ ﺍﻟﺼﺤﻔﻲ ﻟﻠﺸﺮﻃﺔ ) ﺃﻥ ﺇﺩﺍﺭﺓ
ﺣﻤﺎﻳﺔ ﺍﻟﺤﻴﺎﺓ ﺍﻟﺒﺮﻳﺔ ﻧﻈﻤﺖ ﺣﻤﻼﺕ ﻟﻠﻤﺮﺍﻗﺒﺔ ﻭﺍﻟﻤﻜﺎﻓﺤﺔ
ﺃﺳﻔﺮﺕ ﺣﺘﻰ ﺍﻻﻥ ﻋﻦ ﻓﺘﺢ ( 19 ) ﺑﻼﻏﺎ ﺗﺤﺖ ﺍﻟﻤﺎﺩﺓ
( 36 ) ﻣﻦ ﻗﺎﻧﻮﻥ ﺍﻟﺼﻴﺪ ﻭﺍﻟﺤﻈﺎﺋﺮ ﺍﻟﻘﻮﻣﻴﺔ ﻟﺴﻨﺔ
1986ﻡ ﺿﺪ ﻣﺘﻬﻤﻴﻦ ﻟﻠﺤﻴﺎﺯﺓ ﻏﻴﺮ ﺍﻟﻤﺸﺮﻭﻋﺔ ﻟﻬﺬﺍ
ﺍﻟﺤﻴﻮﺍﻥ .
ﻣﻦ ﺟﺎﻧﺒﻪ ﺃﻛﺪ ﺍﻟﻠﻮﺍﺀ ﺷﺮﻃﺔ ﺳﻨﺪ ﺳﻠﻴﻤﺎﻥ ﻣﺪﻳﺮ ﺍﻻﺩﺍﺭﺓ
ﺍﻟﻌﺎﻣﺔ ﻟﻠﺤﻴﺎﺓ ﺍﻟﺒﺮﻳﺔ ﺃﻥ ﺇﺩﺍﺭﺗﻪ ﻭﺟﻬﺖ ﻛﺎﻓﺔ ﻭﺣﺪﺍﺗﻬﺎ
ﺑﺎﻟﻤﺮﻛﺰ ﻭﺍﻟﻮﻻﻳﺎﺕ ﻟﺘﻜﺜﻴﻒ ﺣﻤﻼﺕ ﺍﻟﻤﻜﺎﻓﺤﺔ ﻭﺍﻟﺤﻤﺎﻳﺔ
ﻭﺇﺗﺨﺎﺫ ﺍﻹﺟﺮﺍﺀﺍﺕ ﺍﻟﻘﺎﻧﻮﻧﻴﺔ ﻓﻲ ﻣﻮﺍﺟﻬﺔ ﻛﻞ ﻣﻦ ﻳﻀﺒﻂ
ﺑﺤﻮﺯﺗﻪ ﻫﺬﺍ ﺍﻟﺤﻴﻮﺍﻥ ﻭﺗﻮﺟﻴﻪ ﺟﻤﻴﻊ ﺷﻌﺐ ﺍﻟﺤﻴﺎﺓ ﺍﻟﺒﺮﻳﺔ
ﺑﺎﻟﻤﻮﺍﻧﺊ ﻭﺍﻟﻤﻄﺎﺭﺍﺕ ﻟﻠﺘﺪﻗﻴﻖ ﻓﻲ ﻋﻤﻠﻴﺔ ﺍﻟﻤﻜﺎﻓﺤﺔ ﺣﺘﻰ
ﻳﺘﻢ ﺿﺒﻂ ﻛﻞ ﺍﻟﻤﺨﺎﻟﻔﻴﻦ ﻭﺍﻟﻤﺨﺎﻟﻔﺎﺕ ﺍﻟﻌﺎﺑﺮﺓ ﺧﺎﺭﺝ ﺍﻟﻮﻃﻦ
ﻭﺿﺒﻂ ﻋﻤﻠﻴﺎﺕ ﺍﻟﺘﻬﺮﻳﺐ ﻭﺍﻟﺤﺪ ﻣﻨﻬﺎ ﺇﺿﺎﻓﺔ ﺍﻟﻰ ﻣﺨﺎﻃﺒﺔ
ﻛﻞ ﺍﻻﺩﺍﺭﺍﺕ ﺍﻟﻌﺎﻣﻠﺔ ﻓﻲ ﻣﺠﺎﻝ ﻣﻜﺎﻓﺤﺔ ﺍﻟﺘﻬﺮﻳﺐ ﻟﻀﺒﻂ
ﺃﻱ ﻣﺨﺎﻟﻔﺔ ﻭﺗﻘﺪﻳﻤﻬﺎ ﻟﻠﻤﺤﺎﻛﻤﺔ ﺑﺎﻟﺘﻨﺴﻴﻖ ﻣﻊ ﺇﺩﺍﺭﺍﺕ
ﺍﻟﺤﻴﺎﺓ ﺍﻟﺒﺮﻳﺔ ﺑﺎﻟﻮﻻﻳﺎﺕ
منقول من الراكوبة
!!!!؟؟
| |
|
|
|
|
|
|
|
|
|
Re: الخرطوم عاصمة الجهل (Re: عوض الشيخ حامد العوض)
|
10:13 PM | ﺗﻌﻠﻴﻘﺎﺕ : 1 |
ﺯﻳﺎﺭﺍﺕ : 925 |
ﺍﻟﺨﺮﻃﻮﻡ ( ﺳﻮﻧﺎ ) - ﺍﺷﺎﺭ ﺗﻮﺿﻴﺢ ﺻﺤﻔﻲ ﺻﺎﺩﺭﻣﻦ
ﺍﻻﺩﺍﺭﺓ ﺍﻟﻌﺎﻣﺔ ﻟﺤﻤﺎﻳﺔ ﺍﻟﺤﻴﺎﺓ ﺍﻟﺒﺮﻳﺔ ﺍﻟﻴﻮﻡ ﺣﻮﻝ ﻣﺎ
ﺗﺪﺍﻭﻟﺘﻪ ﺑﻌﺾ ﺍﻟﻮﺳﺎﺋﻂ ﻟﻈﺎﻫﺮﺓ ﺇﺻﻄﻴﺎﺩ ﺍﻟﻘﻨﺎﻓﺬ ﻣﻦ ﻗﺒﻞ
ﺍﻟﻤﻮﺍﻃﻨﻴﻦ ﻭﺫﻟﻚ ﺑﺤﺴﺒﺎﻥ ﺃﻧﻬﺎ ﺗﻌﺎﻟﺞ ﺍﻷﻣﺮﺍﺽ ﺍﻟﻤﺴﺘﻌﺼﻴﺔ
.
ﻭﺍﻓﺎﺩﺕ ﺍﻻﺩﺍﺭﺓ ﺍﻟﻌﺎﻣﺔ ﻟﺤﻤﺎﻳﺔ ﺍﻟﺤﻴﺎﺓ ﺍﻟﺒﺮﻳﺔ ﺑﺮﺋﺎﺳﺔ ﻗﻮﺍﺕ
ﺍﻟﺸﺮﻃﺔ ﺃﻥ ﺣﻴﻮﺍﻥ ﺍﻟﻘﻨﻔﺬ ﻟﻴﺲ ﺣﻴﻮﺍﻥ ﺍﻟﻴﻒ ﻭﺃﻥ
ﺍﺻﻄﻴﺎﺩﻩ ﻳﻌﺮﺽ ﺍﻟﻤﻮﺍﻃﻦ ﻟﻠﻤﺤﺎﻛﻤﺔ ﺑﻤﻮﺟﺐ ﺍﻟﻤﺎﺩﺓ
( 36 ) ﻣﻦ ﻗﺎﻧﻮﻥ ﺍﻟﺼﻴﺪ ﻭﺍﻟﺤﻈﺎﺋﺮ ﺍﻟﻘﻮﻣﻴﺔ ﻟﺴﻨﺔ
1986ﻡ ﻭﺃﻥ ﺍﻟﺤﻴﻮﺍﻥ ﺍﻟﻤﻌﻨﻲ ﻟﻴﺲ ﺑﻀﺎﺭ ﺑﻞ ﻳﺸﻜﻞ ﺃﺣﺪ
ﺃﺫﺭﻉ ﻣﻨﻈﻮﻣﺔ ﺍﻟﺘﻮﺍﺯﻥ ﺍﻟﺒﻴﺌﻲ ﻭﺍﻟﻤﻜﺎﻓﺤﺔ ﺍﻟﺒﻴﻮﻟﻮﺟﻴﺔ .
ﻭﺣﺴﺐ ﻣﺘﺎﺑﻌﺎﺕ ( ﺍﻟﻤﻜﺘﺐ ﺍﻟﺼﺤﻔﻲ ﻟﻠﺸﺮﻃﺔ ) ﺃﻥ ﺇﺩﺍﺭﺓ
ﺣﻤﺎﻳﺔ ﺍﻟﺤﻴﺎﺓ ﺍﻟﺒﺮﻳﺔ ﻧﻈﻤﺖ ﺣﻤﻼﺕ ﻟﻠﻤﺮﺍﻗﺒﺔ ﻭﺍﻟﻤﻜﺎﻓﺤﺔ
ﺃﺳﻔﺮﺕ ﺣﺘﻰ ﺍﻻﻥ ﻋﻦ ﻓﺘﺢ ( 19 ) ﺑﻼﻏﺎ ﺗﺤﺖ ﺍﻟﻤﺎﺩﺓ
( 36 ) ﻣﻦ ﻗﺎﻧﻮﻥ ﺍﻟﺼﻴﺪ ﻭﺍﻟﺤﻈﺎﺋﺮ ﺍﻟﻘﻮﻣﻴﺔ ﻟﺴﻨﺔ
1986ﻡ ﺿﺪ ﻣﺘﻬﻤﻴﻦ ﻟﻠﺤﻴﺎﺯﺓ ﻏﻴﺮ ﺍﻟﻤﺸﺮﻭﻋﺔ ﻟﻬﺬﺍ
ﺍﻟﺤﻴﻮﺍﻥ .
ﻣﻦ ﺟﺎﻧﺒﻪ ﺃﻛﺪ ﺍﻟﻠﻮﺍﺀ ﺷﺮﻃﺔ ﺳﻨﺪ ﺳﻠﻴﻤﺎﻥ ﻣﺪﻳﺮ ﺍﻻﺩﺍﺭﺓ
ﺍﻟﻌﺎﻣﺔ ﻟﻠﺤﻴﺎﺓ ﺍﻟﺒﺮﻳﺔ ﺃﻥ ﺇﺩﺍﺭﺗﻪ ﻭﺟﻬﺖ ﻛﺎﻓﺔ ﻭﺣﺪﺍﺗﻬﺎ
ﺑﺎﻟﻤﺮﻛﺰ ﻭﺍﻟﻮﻻﻳﺎﺕ ﻟﺘﻜﺜﻴﻒ ﺣﻤﻼﺕ ﺍﻟﻤﻜﺎﻓﺤﺔ ﻭﺍﻟﺤﻤﺎﻳﺔ
ﻭﺇﺗﺨﺎﺫ ﺍﻹﺟﺮﺍﺀﺍﺕ ﺍﻟﻘﺎﻧﻮﻧﻴﺔ ﻓﻲ ﻣﻮﺍﺟﻬﺔ ﻛﻞ ﻣﻦ ﻳﻀﺒﻂ
ﺑﺤﻮﺯﺗﻪ ﻫﺬﺍ ﺍﻟﺤﻴﻮﺍﻥ ﻭﺗﻮﺟﻴﻪ ﺟﻤﻴﻊ ﺷﻌﺐ ﺍﻟﺤﻴﺎﺓ ﺍﻟﺒﺮﻳﺔ
ﺑﺎﻟﻤﻮﺍﻧﺊ ﻭﺍﻟﻤﻄﺎﺭﺍﺕ ﻟﻠﺘﺪﻗﻴﻖ ﻓﻲ ﻋﻤﻠﻴﺔ ﺍﻟﻤﻜﺎﻓﺤﺔ ﺣﺘﻰ
ﻳﺘﻢ ﺿﺒﻂ ﻛﻞ ﺍﻟﻤﺨﺎﻟﻔﻴﻦ ﻭﺍﻟﻤﺨﺎﻟﻔﺎﺕ ﺍﻟﻌﺎﺑﺮﺓ ﺧﺎﺭﺝ ﺍﻟﻮﻃﻦ
ﻭﺿﺒﻂ ﻋﻤﻠﻴﺎﺕ ﺍﻟﺘﻬﺮﻳﺐ ﻭﺍﻟﺤﺪ ﻣﻨﻬﺎ ﺇﺿﺎﻓﺔ ﺍﻟﻰ ﻣﺨﺎﻃﺒﺔ
ﻛﻞ ﺍﻻﺩﺍﺭﺍﺕ ﺍﻟﻌﺎﻣﻠﺔ ﻓﻲ ﻣﺠﺎﻝ ﻣﻜﺎﻓﺤﺔ ﺍﻟﺘﻬﺮﻳﺐ ﻟﻀﺒﻂ
ﺃﻱ ﻣﺨﺎﻟﻔﺔ ﻭﺗﻘﺪﻳﻤﻬﺎ ﻟﻠﻤﺤﺎﻛﻤﺔ ﺑﺎﻟﺘﻨﺴﻴﻖ ﻣﻊ ﺇﺩﺍﺭﺍﺕ
ﺍﻟﺤﻴﺎﺓ ﺍﻟﺒﺮﻳﺔ ﺑﺎﻟﻮﻻﻳﺎﺕ
منقول من الراكوبة
!!!!؟؟
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
مرحبا عوض
وحبابك والله
لعلك واسرتك بخير
الدبلوماسية صارت علما .. والحكومات منذ الازل تتخير سفراءها لأن السفير هو الدولة . قد يتفوه بكلمة او يأتي بفعل يشغل حربا
اذا كان سادتنا المسؤولين يعتبرون الحسد عامل اساسي في نقد الناس لهم . او يحسبون الكتب بالطن ..فلك ان تتخيل عقليتهم
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
يشكر لحماية الحياة البرية انتباهها لتصنيف القنفذ كحيوان بري وحمايته . ارجو إلحاق الفئران معه فهو يعيش بذات ظروف حياتها
واعيب عليهم انهم لم ينظرو الا للجانب العقابي في القرار . فالقنفذ يعيش مع الناس في بيوتهم . وثقافة حماية الحياة البرية لا يمكن فهمها ومراكيب النمر والاصلة والدبيب يلبسها حتي المسؤولين الكبار حتي خارج السودان
قبل ذلك يجب تكثيف الوعي .. الوعي بماذا تعني الحياة البرية وماذا يعني اختلال الحياة البرية
واجعلوا نظرية دارون عن الانتخاب الطبيعي من مقررات الدراسة الاكاديمية .
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
: ﻟﺒﻨﻰ ﻋﺒﺪﺍﻟﻠﻪ
ﻛﺸﻒ ﻣﺴﺘﻨﺪ ﻋﻦ ﺻﺪﻭﺭ ﻗﺮﺍﺭ ﻣﻦ ﻗﺒﻞ ﻭﺯﻳﺮ ﺍﻟﺴﻴﺎﺣﺔ
ﻭﺍﻵﺛﺎﺭ ﻭﺍﻟﺤﻴﺎﺓ ﺍﻟﺒﺮﻳﺔ ﻳﺤﻤﻞ ﺍﻟﺮﻗﻢ ( 20 ) ﻟﻠﻌﺎﻡ
2015 ، ﻳﻘﻀﻲ ﺑﻔﺘﺢ ﻣﻮﺳﻢ ﺍﻟﺼﻴﺪ ﻟﻠﻐﺰﻻﻥ ﻭﺍﻟﻄﻴﻮﺭ،
ﻭﺍﻷﺭﺍﻧﺐ ﻓﻲ ﻛﻞ ﻭﻻﻳﺎﺕ ﺍﻟﺴﻮﺩﺍﻥ، ﻣﺎ ﻋﺪﺍ ﻭﻻﻳﺔ ﺍﻟﺒﺤﺮ
ﺍﻷﺣﻤﺮ ﺍﻋﺘﺒﺎﺭﺍً ﻣﻦ ﺑﺪﺍﻳﺔ ﺍﻟﺸﻬﺮ ﺍﻟﺠﺎﺭﻱ، ﻓﻲ ﻭﻗﺖ
ﺃﺻﺪﺭ ﻭﺯﻳﺮ ﺍﻹﻋﻼﻡ ﻭﺍﻟﺜﻘﺎﻓﺔ ﻭﺍﻟﺸﺒﺎﺏ ﻭﺍﻟﺮﻳﺎﺿﺔ ﺑﻮﻻﻳﺔ
ﻧﻬﺮ ﺍﻟﻨﻴﻞ ﻗﺮﺍﺭﺍً ﺑﻤﻨﻊ ﺍﻟﺼﻴﺪ ﻟﻤﺪﺓ ﻋﺸﺮﺓ ﺃﻋﻮﺍﻡ .
ﻭﻗﺎﻝ ﻣﺼﺪﺭ ، ﺇﻥ ﻓﺘﺢ ﺍﻟﺼﻴﺪ ﺑﺪﻭﻥ ﻋﻤﻞ ﺩﺭﺍﺳﺎﺕ
ﻭﻣﺴﺢ ﺳﻴﺎﺣﻲ ﻟﻠﻤﻨﺎﻃﻖ ﻳﻌﻤﻞ ﻋﻠﻰ ﺗﻬﺪﻳﺪ ﺑﻌﺾ ﺍﻷﻧﻮﺍﻉ
ﻣﻦ ﺍﻟﺤﻴﻮﺍﻧﺎﺕ ﺑﺎﻻﻧﻘﺮﺍﺽ، ﻣﻮﺿﺤﺎً ﺃﻥ ﺍﻟﺘﻌﺪﻳﻦ ﺍﻟﻌﺸﻮﺍﺋﻲ
ﺃﺛﺮ ﻓﻲ ﻣﻨﺎﻃﻖ ﺍﻟﺮﻋﻲ، ﻭﺃﻥ ﺻﻴﺪ ﺍﻟﻐﺰﺍﻝ ﻟﻢ ﻳﻜﻦ
ﻣﺴﻤﻮﺣﺎً ﺑﻪ ﻭﻳﺘﻢ ﻟﻠﻤﺮﺓ ﺍﻷﻭﻟﻰ ﻣﻤﺎ ﻳﻄﺮﺡ ﺍﻟﻌﺪﻳﺪ ﻣﻦ
ﺍﻟﺘﺴﺎﺅﻻﺕ، ﻣﻌﺘﺒﺮﺍً ﺃﻥ ﺫﻟﻚ ﺍﻷﻣﺮ ﻳﻌﻜﺲ ﻣﺪﻯ ﺍﻟﺘﻀﺎﺭﺏ
ﻭﺍﻟﺘﻘﺎﻃﻌﺎﺕ ﺑﻴﻦ ﺍﻟﺘﺸﺮﻳﻌﺎﺕ ﺍﻟﻮﻻﺋﻴﺔ ﻭﺍﻻﺗﺤﺎﺩﻳﺔ، ﺍﻷﻣﺮ
ﺍﻟﺬﻱ ﻗﺎﻝ ﺇﻧﻪ ﻳﻔﺘﺢ ﺑﺎﺏ ﺍﻟﺼﻴﺪ ﺍﻟﺠﺎﺋﺮ ﻭﺑﺎﻟﻤﻘﺎﺑﻞ ﻳﻌﻤﻞ
ﻋﻠﻰ ﺍﻧﻘﺮﺍﺽ ﺍﻷﻧﻮﺍﻉ ﺍﻟﻨﺎﺩﺭﺓ .
ﺍﻟﺠﺮﻳﺪﺓ
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
رحلات الصيد او ما يسمي بالسفاري
لم تتوقف بالسودان اقلاها حسب ما بشوف في كوستي . لكن اظنها كانت بتصاديق
ولها منسقين ومرافقين ومعدين وعملة صعبة وقروش وراها مستفيدين
والتصريح دة بخلي الرحلات اكثر من ذي من قبل وتقل الحيوانات الكانت زمان في ضهر كوستي وهسة ابعد من كوستي مافي
| |
|
|
|
|
|
|
|
|
|
Re: الخرطوم عاصمة الجهل (Re: عبدالحفيظ ابوسن)
|
يا دفعه .... وضيوفك .. سلام ..
أنا بتخيل لي حكاية اختفاء الكتب
يرجع لعدم اهتمام الناس بالقراءة كما هو في الماضي
وذلك لانتشار الوسائط الالكترونية بكثره ..
وبمجرد البحث بواسطة قوقل .. تستطيع ان تقراء ما تشاء ..
كما انتشار اشرطة الفيديو .. والتكنلوجيا الحديثه
مكنت الفرد من مشاهدة احدث الافلام وهو في منزله ..
-----
من الطرائف ...
الاب يريد ان يشجع ولده على المذاكره .. وقال ليه :
اذا جبت لي الاول على الفصل بجيب ليك عجله .. ( يقصد يطلع الاول على الفصل )
الولد قبل التحدي ... وتاني يوم جاء لابوه وقال ليه ..
جبتلك الاول على الفصل ... اخليه يدخل ولا تطلع تشوفه بره ... 
تحياتي ...
| |
|
|
|
|
|
|
|
|
|
Re: الخرطوم عاصمة الجهل (Re: محمد مجيدو)
|
سلامات يا ود ابوسن,,| Quote: اريت الدعاية دي لو كانت في الفيران |
هسة الفيران سألوك ؟؟
إلا كان قاصد فيران الكبارى غايتو وجقور السدود!!
عينكم للفيل وتطعنو في ضلو,,
ياخ الحال والله مؤلم وموجع خاصة لمن يتفكرون ومن يتعمقون,,
الكارثة أكبر مما نتصور جميعا والجهل فعلا أصبح يتم تصديره
من المركز الكان مفروض يصدر وعي وتثقيف وعلم وحضارة,,
تحياتى
| |
|
|
|
|
|
|
|
|
|
Re: الخرطوم عاصمة الجهل (Re: Hatim Alhwary)
|
الأستاذ عبد الحفيظ أبو سن
اتابع دائما البوستات التي تسطرها هنا لان مواضيعك كلها ذات فائدة للجميع
وقولك هنا ان الخرطوم عاصمة الجهل هي الحقيقة بعينها... والشئ الغريب ان
في كل ركن مدرسة خاصة وجامعة خاصة .. والمعروف ان المدارس والجامعات
دائما تشع منها النور والثقافة والعلم ... ولكن للأسف دائما نجد العكس هنا .. لان
هذه المدارس والجامعات هي تجارية بحتة...
وبالمناسبة اقرأ في البوستات التي تكتبها انك من كوستي,,,وانا أيضا
مولود في كوستي وقرأت الأولية في مدرسة كوستي الأولية نمرة 3 والمدرسة
الوسطى في مدرسة كوستي الاميرية والثانوي في القوز.. ودخلت جامعة الخرطوم
وكمان اشتغلت مدرس في مدرسة كوستي الاميرية الوسطى لمدة سنة واحدة
قبل قبولي بجامعة الخرطوم ... واتذكر ان اشهر أستاذ لدينا في مدرسة كوستى الأولية رقم 3
هو أستاذ صلاح صاحب الاستوديو الشهير .. استوديو صلاح..
( معليش يا عبد الحفيظ .. حورنا ليك البوست لبوست ذكريات... ولكن من قراءاتي لك اعرف
انك تحب مدينتنا التي ترعرعنا فيها وقضينا فيها الطفولة والشباب.. وكانت كوستي دائما
مدينة الثقافة والعلم... ولا ننسى ابدا مكتبة مصطفى صالح...
( اكتب لك من آخر الدنيا .. من مدينة نيويورك بالولايات المتحدة)..وهاجرنا اليها منذ عام 1990م..
| |
|
|
|
|
|
|
| |
عبدالحفيظ ابوسن
محمد أبوالعزائم أبوالريش
سيف اليزل سعد عمر
اسماعيل عبد الله محمد
أحمد الشايقي
محمد الطيب محمد
معاوية الزبير
عوض الشيخ حامد العوض
محمد مجيدو
أيمن الطيب
Hatim Alhwary
فيس بوك
تويتر
انستقرام
يوتيوب
بنتيريست