ومضات من الواقعية السحرية في بوستات عواطف إدريس الإسماعيلية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 12-12-2018, 05:44 PM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-11-2015, 06:42 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


ومضات من الواقعية السحرية في بوستات عواطف إدريس الإسماعيلية

    06:42 AM Nov, 09 2015
    سودانيز اون لاين
    الطيب شيقوق- سلطنة عمان
    مكتبتى
    رابط مختصر

    لبرالمة سودانيز

    لمن فاتهم المولد


    بسم الله الرحمن الرحيم نبدأ


    Quote: قبل أيام قليلة زارتني إحدى الصديقات العزيزات وهي على فكرة رغم صغر سنها وحداثة عهدها بالزواج

    لكنها تتميز بالحكمة والدهاء في حل مشاكلها الزوجية فالحق يقال أنها استفادت كثيرا من دراسة علم

    النفس والاجتماع ( ماجستير علم اجتماع ) قالت لي صديقتي أنها بدأت تشعر منذ فترة ليست بالقصيرة أن

    هناك برود انجليزي يعتري علاقتها بزوجها وأن هذا الأمر ليس بعاديا ونظرا لأنها تؤمن بالمثل الذي يقول

    ( فتش عن المرأة ) أصبحت على يقين أن هناك أمرأة أخرى تقاسمها شعور زوجها رغم أنها لاتدري كنه هذه

    العلاقة فقد تكون صداقة أو أي شيء آخر المهم أن هذه العلاقة ألقت بظلالها على حياتها الزوجية . بدأت

    صديقتي كما تقول بتتبع الأثر في هدوء تام حتى توصلت عبر هاتفه النقال إلى الغريمة وذلك من خلال

    تكرار رقم معين وفي أوقات محددة ,, سألت صديقتي زوجها بكل هدوء وبلا تشنج كما يحدث في أغلب الحالات

    المشابهة إن كان على علاقة بامرأة أخرى بيد أنه نفى وبكل ثقة وجود أي أنثى غيرها في حياته ,, غيرت

    صديقتي خطتها ولجأت إلى مدخل آخر وهو مواجهة الغريمة وجها لوجه ومعها كل الدلائل والمستندات ,,

    بالطبع إنهارت الغريمة ولكن في الوقت نفسه أكدت لها أنها علاقة بريئة أي مجرد صداقة خصوصا وأنها

    بحاجة لرجل في رجاحة عقله لتأخذ برأيه فيما يتعلق بمشاكلها الزوجية التي لا تنطفيء نارها صيفا ولا

    شتاء . لم تغضب صدقيتي بل قالت لها بكل هدوء أنها قد اختارت الشخص الغلط ذلك لأن زوجها لم يدرس

    القانون ولا علم النفس حتى يفيدها في شيء ثم أضافت لتقول لها " ربما قدم لك نصائح تكون لها نتائج

    عكسية لذلك من الأفضل أن تلجأ إلى المكاتب القانونية وهي على قفا من يشيل وفي نهاية اللقاء الهاديء

    نوعا ما حذرت صديقتي غريمتها ضمنيا من مغبة الاتصال بزوجها ونظرا لأنها تعلم علم القين أن الغريمة

    ستخبر الزوج بسر هذا اللقاء فقد بادرت هي وأخبرته بما فعلت لأنها تريد المحافظة على بيتها وعلى حبه

    لها ولم تنس صديقتي أن تؤكد لي أن زوجها رغم طيبة قلبه رهافة عواطفه التي تجعله صيدا سهلا تعتبره

    أفضل بكثير من غيره لذلك سوف تتمسك به مهما حدث لأنها تملك الآليات والوسائل التي تضمن لها الإنتصار

    في أشرس المعارك بلا خسائر في المعدات والأرواح ..

    قالت صديقتي بعد هذه القصة أنها بصدد وضع خطة دفاعية تحمي بها قلب زوجها من الوقوع في شباك النساء

    الهائمات على وجوههن وما أكثرهن في دول الخليج ,, وانها جاءت لتستشيرني هل تلعب في هذه الخطة

    الدفاعية باتنين واحد أربعة أم تلاتة خمسة واحد ,, قلت لها أنا أحب كرة القدم ولكن لست مدربا

    محترفا كالبرازيلي زاجالو كي أضع لها خطة محكمة تضمن لها اغراق شبكة الفريق المنافس بعشرات

    الأهداف ,, ضحكنا طويلا ثم بدأنا نتحدث عن أسباب تدهور الحالة الصحية للحب بعد الزواج مباشرة

    بالنسبة للسودانيين بصفة خاصة ,, وجدنا عدة أسباب قابلة للحل ومع ذلك أقترحت لها كتابة صيغة

    جديدة على بطاقات دعوات الزواج نصها كالتالي :

    بعد قصة حب عاصفة استمرت لأكثر من عشرة سنوات وبعد أن تأكد للطرفين أنهما مناسبين لبعضهما وأن

    حبهما سيسصمد أمام كل العقبات ( يا جبل ما يهزك ريح ) ندعوكم بكل ثقة و فخر لتناول طعام العشاء

    وحضور الحفل الساهر المقام بقاعة أمسيتي يوم الخميس المقبل الموافق 15 - 11- 2007 وذلك بمناسبة

    عقد قران المهندس فلان إبن فلان رجل الأعمال المعروف من ربة الحسن والجمال الدكتورة فلانة بنت فلان

    صاحب ورئيس مجلس إدارة جامعة يا ماخد الدروس الخصوصية يا مضمن النمر النهائية ( طبعا الألقاب مهمة)

    والعاقبة عندكم في الملمات .. قلت لصديقتي يجب أن يكتب أيضا على ذيل البطاقة مايلي :

    حتى لا تتهمونا بالكذب وترويج الإشاعات فقد ينتهي الحب بانتهاء مراسم الزواج مثلما ينتهي العزاء

    بانتهاء مراسم الدفن ... وفتكم بعافية ,,,
                   |Articles |News |مقالات |بيانات

09-11-2015, 07:18 AM

ismeil abbas
<aismeil abbas
تاريخ التسجيل: 17-02-2007
مجموع المشاركات: 10789

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    واصل فى الومضات قد تضىء الطريق لبعض المتعثرين أحياناً...ألأخت عواطف زولة كلها فهم...تحياتى لك أخ/الطيب ولها.....
                   |Articles |News |مقالات |بيانات

09-11-2015, 08:40 AM

نعمات عماد
<aنعمات عماد
تاريخ التسجيل: 08-03-2014
مجموع المشاركات: 6434

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ismeil abbas)

    تحايا عاطرة لصاحب البوست الموفق و ضيوفه

    و للمحتفى بها المبدعة العزيزة عواطف .
                   |Articles |News |مقالات |بيانات

09-11-2015, 08:58 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: نعمات عماد)

    شكرا ابو السباع

    تسلم العملاقة نعمات عماد

    عفوا التعديل للخطأ الجابتو الشفقة

    (عدل بواسطة الطيب شيقوق on 09-11-2015, 11:49 AM)

                   |Articles |News |مقالات |بيانات

09-11-2015, 09:03 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    وهنا تكتشف الاسماعيلية أن المعدة ليست هي الاقرب الى قلب الرجل

    خلونا نشوفها إكتشفت شنو المسنوحة دي تعالوا معاي


    Quote: أحبتي في كل شبر من المليون ميل مربع ,, إخوتي في المنافي والمهاجر ,, يسعد صباحكم ...


    يقول ( صلعم ) نحن قوم لا نأكل حتى نجوع , وإذا أكلنا لا نشبع ,, هذا الحديث الراقي جدا يؤكد أن

    الأكل ليس غاية بل وسيلة من وسائل الاستمرارية والديمومة فضلا عن ذلك فهو يدحض المقولة التي ظلت

    ردحا من الزمن تؤكد أن أقصر الطرق إلى قلب الرجل معدته سيما وأن كثيرا من الرجال حين يتعرفون على

    نصفهم الآخر لا يسألون إن كانت طباخة ماهرة أو شيف في مطعم ,وإذا كان الأمر كذلك فلن تقبل أي إمرأة

    أن تتزوج رجلا لا هم له سوى بطنه فالمعدة بيت الداء وما ملأ الإنسان وعاء شرا من بطنه و المرأة عموما

    لا تحب الرجل الأكول لأنه بالضرورة سيكون ثقيل الظل والدم بارد الإحساس قليل الحركة ولا يتوانى في صرف

    ثلاثة أرباع المرتب في المواد الغذائية وإذا طلبت منه زوجته في يوم ما قارورة عطر تقوم الدنيا و لا

    تقعد!! فالعطر يطير في الهواء أما الأكل الذي سيصل إلى معدته في نهاية الأمر فهو متعة لا تعادلها

    متعة ,, أود هنا يا إخواني بعد هذه المقدمة الطويلة والمملة بعض الشيء أن أشكر صاحب الاقتراح

    د. أبوبكر يوسف إبراهيم على هذا الاقتراح الرائع عشان لو في استضافة في اتجاه معاكس أو غير معاكس

    يحضر شعوره ففي سودانيز أون لاين يوجد أكثر من فيصل قاسمي ولكن حينما نفضل الصمت على الجعجعة

    الفارغة ليس جبنا ولا خوفا ولا قلة حيلة ولكن احترام النفس واجب فإذا لا تحترم نفسك كيف تتوقع

    إحترام الآخرين ؟ وإذا كان الكلام من فضة ففي أغلب الأحيان يكون السكوت من ذهب خصوصا في سودانيز

    أون لاين حيث تجد كل من هب ودب يريد محاكمتك على شاردة وواردة وإذا أختلف أحدهم معك في الرأي

    ينصب لك المشانق ويستدعي كل مفردات الإساءة الشخصية لأنه يدرك تماما أن هناك من يصطادون في الماء

    العكر وهناك من يقلبون ( الشباشب ) ولا مؤاخذة لكي تستمر الشكلة مثلما يحدث في الاتجاه المعاكس

    بتصدقوا يا جماعة قالو المخرج دايما بكون قالب شبشبو بالاتفاق مع فيصل القاسمي عشان الشكلة تستمر

    ساعة كاملة قدر زمن البرنامج !! عموما آسفة للخروج عن النص وأرجو أن تعذروني فقد سبق وأن قلت

    لكم أنني إنسانة إنصرافية حتى النخاع وكثيرا من الأوقات أنصرف عن الموضوع المكلفة به وأقعد أتونس

    وأشمشر مع النسوان في مكاتب زهرة الخليج و لمن المدير يضرب و يقول لي وين الموضوع ؟؟ أقوم بسذاجة

    أقول ليه موضوع شنو ؟ يقوم يقول لي هو أحنا بنهظر ولا شو ؟ ( لبناني طبعا) أقوم بعد داك أتذكر

    أقول ليه آه موضوع الزوج المطيع ؟ يقوم يقول لي ولو! ,, أقول ليه والله يا سعادة المدير لفيت أبو

    ظبي كلها شارع شارع ومول مول ما لقيت زوج واحد مطيع كلهم سي السيد وعينهم حمرة وشرارة وبالذات

    السودانيين الواحد تلقاه ماشي هناك على بعد عشرة أمتار ومرتو ماشة وراهو وكلو دقيقة يتلفت ويحمر

    ليها ولو قالت عايزة تشتري حاجة من المول يديها ليك فرد نهرة يخليها زي الصرصار قدام الناس ويقوم

    بأعلى صوت يقول ليها الغدا شنو يا ولية ؟ تقوم تقول ليه بامية مفروكة ,,يقوم يقول ليها وشنو كمان

    تقول ليه وكسرة ,, وشنو كمان ؟ وبس ! بس ليه ؟ أجي يا ود أمي مش إنتو قلتو إنو أقصر طريق لمعدتكم

    الحب وليس لأكل ؟ أها يا حبيب القسا أنا بحبك وبموت فيك ومن اليوم دة ما حأطبخ غير طبخة واحدة وبس

    ومرات كمان حأضرب عن الطبيخ فليس بالخبز وحده يحيا الإنسان !!!

    أها يا جماعة الخير بالرغم من أنني لا أعرف حتى الآن من أين جاء هذا المثل العجيب بيد أنه قد

    يكون صحيحا أو العكس وحتى نصل إلى الحقيقة كاملة أرجو من الاخوة الأعضاء أن يزودونا ببعض الأجندة

    السرية عن أقصر الطرق إلى قلبوبهم الزاخرة بالمحبة وفتكم بعافية ,,,

    تخريمة :

    يقول الشاعر الكبير نزار قباني :

    يعانق الشرق أشعاري .. ويلعنها

    فألف شكر لمن أطرى , ومن لعنا

    فكل مذبوحة دافعت عن دمها

    وكل خائفة أهديتها وطنا

    وكل نهد .. أيدت ثورته

    وما ترددت في أن أدفع الثمنا

    أنا مع الحب , حتى حين يقتلني

    إذا تخليت عن عشقي .. فلست أنا ..



    جنها تبدأ بالحب طبعا
                   |Articles |News |مقالات |بيانات

09-11-2015, 09:22 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ومن تجليات طوفي القلبت فيها الهوبة كمان بوست بعنوان :


    بنات زي العسل ومالهمش في الطيب نصيب !!!!



    Quote: الرائعه الاستاذه/ عواطف

    صبحك الله بالخير، انقطعت عن مراسلتك فتره اتمنى ان لاتكونى قد نسيتينى فى زحمه الايام والمشاغل

    هنالك مواضيع اتمنى ان تحاولى طرحها فى البورد

    الموضوع الاول

    كيف تحب زوجتك صدقينى هنالك ازواج يحبون زوجاتهم جداً

    الموضوع الثانى

    وهذا مايورقنى

    بعيد عنك بوره البنات السمحات فى بنات زى العسل، حلوات ومتعلمات، واخوات رجال ذى مابقولوا بس

    الرجال ماعارفة ليه مابحاولوا يكونوا جادين معاهن فى مساله الارتباط

    هل العيب فى البنت لانها اتعلمت واتثقفت واصبحت فى كثير من الاحيان هى الماسكه البيت

    هى البتصرف وهى المسؤله حتى من اخوانها ام هنالك اسباب اخرى

    وتشكرى

    *******

    صباحكم سعيد وعمركم مديد يا أمة الأمجاد أينما كنتم وحيثما حللتم وإنشاء الله دايما ناجحين وفايزين

    بركة الجمعة الجامعة والدعوة السامعة ,,,

    جاءتني الرسالة أعلاه من إحدى القارئات المنتظمات لسودانيز أونلاين وهي رغم صغر سنها وحداثة عهدها

    بالكتابة والشأن الإجتماعي غير أنها والشهادة لله تكتب الأدب وكأنها طه حسين وتهتم بالمواضيع

    الأجتماعية بصورة تؤكد حسها الوطني العالي لذا قررت تشجيعها بتناول الموضوعين ولنبدأ بالموضوع

    الذي يؤرق الإبنة العزيزة رانيا وهو البنات الحلوات اللي ما لهمش في الطيب نصيب ,,

    بالفعل إخواتي العزيزات إخوتي الأفاضل هناك ملاحظة هامة وهي أن هناك عدد كبير من البنات المتعلمات

    جميلات الخلقة والأخلاق ولكن حظهن العاثر يحول بينهن وبين الزواج الذي هم أمل كل فتاة أكملت

    تعليمها وإذا صادف أن وجدت فتى أحلامها لا يكون جادا معها بل يظل يماطا ويسوف حتى تصل بها الأمور

    مرحلة اليأس فتتركه طائعة مختارة إنتقاما لكرامتها التي أهدرت خلال تلك السنين العجاف وما أن

    تتخلى عنه سرعان ما يرتبط بفتاة أقل منها جمالا وتعليماوأدبا وخلقا فما هي أسباب تلاعب الشباب

    بمشاعر صاحبات العلم والأدب والجمال ؟ هل لتحملهن مسئولية البيت دور في ذلك ؟ وهل الدراسة العليا

    والثقافة الزايدة لها دور في هذه الظاهرة ؟؟ ولماذا يفضل الشاب فتاة أقل تعليما وأصغر عمرا من

    تلك التي لعب بمشاعرها وأحاسيسها ردحا من الزمن ؟ وأخيرا ماهو مصير هؤلاء الفتيات ومنهن أخوات

    وصديقات وزميلات دراسة ومعلمات بالجامعات و موظفات وغيرهن ممن لا يردن من هذه الدنيا سوى الستر ,,

    والغطا,, إخوتي وإخواتي لابد من وقفة جادة لمناقشة هذا الموضوع بكل أبعاده وتداعياته على المدى

    البعيد وفتكم بعافية ...
                   |Articles |News |مقالات |بيانات

09-11-2015, 11:45 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17412

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    سلامات أستاذ شيقوق
    والتحية للأستاذة عواطف .
    اليومين دي في السودان في البلد والفطير بي اللبن حدو الركب .
    و الهمبريب ضارب و العتان لا صرار لا خلال .. حرية ههههها
                   |Articles |News |مقالات |بيانات

09-11-2015, 11:51 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Osman Musa)

    عثمان موسى

    سلام

    والله بختك اضرب ساااااااااي و ما محتاج ليك لكنان هههههههه
                   |Articles |News |مقالات |بيانات

09-11-2015, 12:11 PM

ANWAR SAYED IBRAHIM
<aANWAR SAYED IBRAHIM
تاريخ التسجيل: 02-12-2014
مجموع المشاركات: 537

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    لا حول ولا قوة الاّ بالله

    يا اخى !! يا اخى !! يا اخى !!

    ( ياااااا خلف الله )

    ما عاوز معاك اىّ كلام

    ح اكلّم ليك مولانا عباس هههههههههههههههه

    أدهم

    مودتى وبس

    ......
                   |Articles |News |مقالات |بيانات

09-11-2015, 01:42 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ANWAR SAYED IBRAHIM)

    يا أنور و سيد

    كيييييييييييييييييييفك ؟

    ياخ ما منى انا من عمك الوات ساب
                   |Articles |News |مقالات |بيانات

09-11-2015, 01:55 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    \

    السلام عليكم يا شباب

    والله يا شيقا أخجات تواضعي وختيتني في مكانا ما مكاني

    بصراحة أنا يا دوبك بفك الخط في الكتابة وفي ناس فطاحل

    زيك . وزي كل ال×وة الدخلو في البوست

    عموما لكم حبي ، وتقديري ، ةمعزتي فردا فردا

    الكتابة في سودانيز أون لاين ليست بلأمر السهل

    بل هي السهل الممتنع

    شكرا لكم جميعا ....
                   |Articles |News |مقالات |بيانات

09-11-2015, 02:04 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ANWAR SAYED IBRAHIM)

    أنور ...

    مرحب بيك

    من غير ما تكلم أي حد إنت مكان ترحيب وتقدير
                   |Articles |News |مقالات |بيانات

10-11-2015, 05:21 AM

ANWAR SAYED IBRAHIM
<aANWAR SAYED IBRAHIM
تاريخ التسجيل: 02-12-2014
مجموع المشاركات: 537

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: عواطف ادريس اسماعيل)

    العزيزة الاخت والاستاذة عواطف

    السلام عليكم ورحمة الله

    شكرا جميلا .. جزيلا

    كما قال اخوى الطيب شيقوق .. فانتم تضفون على المنبر طعم خاص .. وفقكم الله .. (طبعا بينى وبين ود شيقوق مودّة خاصة جدا .. فهو رجل اصيل)

    فانى مشتاق اليه وافتقدناه جميعا الفترة السابقة

    شكرا مرة اخرى على الترحاب والتراحيب

    سعداء بكما

    لك مودتى كما للاخ الطيب

    انور
                   |Articles |News |مقالات |بيانات

09-11-2015, 02:03 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Osman Musa)

    أخي عثمان

    إجازة سعيدة

    بالهنا والشفا

    محبتي
                   |Articles |News |مقالات |بيانات

09-11-2015, 02:01 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: نعمات عماد)

    نعوم

    كل الحب

    وكامل الإعزاز والتقدير
                   |Articles |News |مقالات |بيانات

09-11-2015, 02:01 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ismeil abbas)

    أخي الحبيب سمعة

    هذا عهدي بك دائما سباق في السراء والضراء

    تلك هي أخلاق وشيم الكرام ....

    شكرا لك
                   |Articles |News |مقالات |بيانات

09-11-2015, 02:28 PM

Basamat Alsheikh

تاريخ التسجيل: 15-08-2015
مجموع المشاركات: 2593

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: عواطف ادريس اسماعيل)

    فقد ينتهي الحب بانتهاء مراسم الزواج مثلما ينتهي العزاء
    Quote)
    >>
    <<
    >>

    العزيزة الحبيبة عطوفي
    يا ها دي المصيبة الخايفين منها... انتهاء الحب بانتهاء مراسم الزواج.. ويا ها دي
    الفكرة المعششة في خيال البنات من المصائب البشوفوها قدامن وعشان كده بترددن
    في الزواج ويبحثن عن الحقيقة فين...
    ويا ربي في حب بستمر طوالي بعد الزواج حتى يفرق بينهم هادم اللذات ؟؟
    ودمتي بالف خير وصحة وعافية
    ..
    عزيزي الفاضل ود شيقوق
    شكرا على طلتك البهية الانيقة وجبت لينا اليوم حاجة من بيت الكلاوي زي ما بيقولوا..
    فهذه الومضات البراقة للكاتبة الاديبة الرائعة الانيقة عواطف ادريس هي ومضات
    فعلا ذات فوائد كبيرة وتقدم لنا الكثير المفيد عن فلسفة هذه الحياة ووقائع تحدث دائما
    في مجتمعنا السوداني ...
    بس يا ود شيقوق عواطف بتغيب كثير ولمدة طويلة عن المنبر العام.. ويا ريت تطل علينا
    من وقت لآخر بمثل هذه الومضات البراقة.
    ودمت بالف خير وصحة وعافية
                   |Articles |News |مقالات |بيانات

09-11-2015, 04:13 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12740

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Basamat Alsheikh)

    Quote: ويا ربي في حب بستمر طوالي بعد الزواج حتى يفرق بينهم هادم اللذات ؟؟

    انت فاهمة غلط يا بتنا ...

    هادم اللذات هو العرس ذات نفسه ...

    عشان كده خليك كده ... الدنيا ما بتسوى :)
    ___________________________
    التحية لود شيقوق على ( الاجترار ) الجميل و لأختنا عواطف ...

    (عدل بواسطة يحي قباني on 09-11-2015, 04:15 PM)

                   |Articles |News |مقالات |بيانات

09-11-2015, 04:39 PM

Basamat Alsheikh

تاريخ التسجيل: 15-08-2015
مجموع المشاركات: 2593

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: يحي قباني)

    هادم اللذات هو العرس ذات نفسه ...

    Quote)
    >>
    >>>
    >>>

    عزيزي الفاضل يحي قباني
    يعني انت جبتها من الآخر,,, وكل يوم بتأكدوا لينا ان العرس وهم كبير وانه فعلا
    الحب ينتهي بانتهاء مراسم الزواج...
    وطيب الاحتفالات والافراح أيام العرس لشنو؟؟ مش كان احس يوم العرس يعملوا صيوان
    للحزن وانتهاء أيام الفرح وبداية الاحزان والمشاكل بدل من خسارة الأموال في الصرف
    على ايجار القاعات الفخمة والفنادق خمسة نجوم والمطربين .. ومش كده وبس .. كمان سمعنا
    ، والعهدة على الراوي، ان العشاء بيستوردوه من لندن بطائرة خاصة.,.. وبعد ده كله العريس يطلق العروس
    بعد انتهاء شهر العسل او ، اذا طالت المدة ، بعد سنة من الزواج.. يعني موت وخراب ديار...
    معقولة يا جماعة الكلام البيقولو الأستاذ يحي قباني صحيح..؟؟
    وهسع يا دوبك عرفت الامريكان ديل ما بيتزوجو لي شنو !!! عارفين ان الزواج هادم الملذات..
    ودمت بالف خير وصحة وعافية
    ..
                   |Articles |News |مقالات |بيانات

09-11-2015, 05:16 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Basamat Alsheikh)

    طوفي جيتي ؟

    الف مرحب بيك

    إتأخرت لكن بقيتي زي ناظرنا منصور العجب الله يرحمه لما يجوهو ضيوف و يكلموهو يقولوا ليهو في ضيوف في الديوان بكلم النسوان يجهزن الفطور و يقعد يتمحرك في البيت فترة طوييييييييييييلة لحدى الضيوف يتملموا من القعدة و يفكروا يمشوا - اها بعد داك بنهز الوليدات عشان يخمشوا الصينية بكل المطايب و يمشوا قدامو وهو لابس توب التوتال وعراقي الساكوبيس الما خمج ويلا يمر ليك على الضيوف واحد سلام باليد بس مش بالاحضان شفتي كيف ؟
                   |Articles |News |مقالات |بيانات

09-11-2015, 05:13 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: يحي قباني)

    ههه يا ودقباني ليه الإحباط دة

    خمسة وسبعين في المية من ناس المنبر دة ما متزوجين

    خليهم يجربوا ياحي ولا شنو رليك

    عموما معزتي لك
                   |Articles |News |مقالات |بيانات

09-11-2015, 05:11 PM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Basamat Alsheikh)

    العزيزة بسمات

    ما أجملك وأنت تنثرين البسمات كشذى زهر ولا زهر

    أشكرك على الإطراء وعلى كل هذا الود الذي طوقتي به

    عنقي .. مداخلتك الرائعة أثرت الموضوع وأسرتني

    شكرا لك
                   |Articles |News |مقالات |بيانات

09-11-2015, 05:21 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: عواطف ادريس اسماعيل)




    بسمااااااااااااات


    ما تخافي كلام طوفي دا - لكل قاعدة شواذ يمكن يكون نصيبك في الشواذ ديل يا بت امي
                   |Articles |News |مقالات |بيانات

09-11-2015, 05:24 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ود قباني

    سلام

    هادم اللذات هو العرس ذات نفسه ...

    عشان كده خليك كده ... الدنيا ما بتسوى :)


    بسسسسسسسسسسسسسسسسسسسسسسسسسسسسسسسسسسس مافي كلام

    خذوا الحكمة من افواه القبانيييييين
                   |Articles |News |مقالات |بيانات

09-11-2015, 05:28 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    وهنا الإسماعيلية كتبت و فاتتكم بعافية حيث قالت :

    كل عام وأنتم بألف خير وصحة .. تامين ولامين ..ومنورين في حوش بكري الخزين .. دخري السنين .. طبعا

    حتقولو كسير تلج مش ؟ أبدا والله لقد أعلنت عليه الحب من قبل وما زلت على ذمة هذا الحب .. المهم..

    بصراحة كدة المرة دي العريس فعلا قنبلة .. سماحة الزول طول وعلا زي ما بقول الفنان .. لكن طول عمري

    برفض العرسان .. بطلع فيهم ألف عيب وعيب .. واحد بقول عليه عبيط وأهبل .. والتاني عديم شخصية

    والتالت مفلس وعدمان والرابع سكران وحيران والخامس , مافيش لغة مشتركة هو بتكلم عربي وأنافرنسي

    وإنجليزي كمان !

    فضلا عن ذلك التجارب القدامي كلها زي مابقولوا الجماعة ( مخستكة ) المتزوجين عن حب مش ولابد ! أما

    المتزوجين على أساس قسمة ونصيب ديل فعينك ما تشوف إلا النور كل يوم شكلة لي رب السماوكمان تعال

    شوف المتزوجين بناء على رغبة الأهل .. ديل عليك أمان الله من يوم الدخلة وكل واحد مقبل على الحيطة

    أولادهم بس أتقول أطفال أنابيب مع إنهم غريبة بشبهوا الأبو والأم شبه عجيب يا ربي دة من شنو ؟

    بتصدقوا يا جماعة كل ما أقيف في الإشارة بركز على المتزوجين عشان بس ألقى إتنين بحبو بعض وأقوم

    على ضوء ذلك أغير فكرتي في الزواج لكن أول ما أتلفت ألاقى كل واحد مقبل على جهة تانية أو ألاقى

    اتنين متشكلين لدرجة إنهم ما شافوا الإشارة لما ولعت خدرا لغاية ما الزهاجة الوراهم يزمروا ليهم

    بعض صديقاتي المتزوجات زادو الطين بلة .. كل ما أفكر في العرس يجوا ناطين .. هووووي أحسن ليك

    كدة free woman in free land مااااااااالك ؟ الجابرك شنو على القراية أم دق ؟ يااخونا دي حالة

    شنو دي ؟المهم عايزة أقول ليكم العريس دة لقطة.. قنبلة عديل كدة طول وحلا !! بالإضافة إلى ذلك باقى

    لي سنة واحدة وأتحسب عانس وأقعد أكتب في مذكراتي وإنت تجوا تقروا .. عارفاكم شمشارين وبتموتوا على

    الشمارات .. عشان كدة قررت أوافق على العريس دة لأنه قنبلة من مجاميعه وما بتفوت لكن قبل كدة

    عايزاكم تنصحوني عشان ما أفشل وأقول يا ريت اللي جرى ما كان .. بس النصيحة تكون صادقة من القلب

    وأخوية لوجه الله تعالى .. ..

    داخل النص : الفرح حيكون حاجة ما حصلتش والدعوة عامة ..

    خارج النص : بالله واحد من الشاطرين في نزيل الأغاني ينزل لي أغنية قنبلة وأهديها بدوري لعريس

    الغفلة !!

    وفتكم بعافية ..
                   |Articles |News |مقالات |بيانات

09-11-2015, 09:30 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8178

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    Quote: و العتان لا صرار لا خلال .. حرية ههههها

    ودعمى عِتمان ,, ارجو ان اكون قد فِهمتك خطأ

    عواطف كيف حالك ,, وما داير اقول ليك الاخبار
    شنو عندى ود اختى كرهنى الكلمة دى الليامات دى سعا ليهو نوع التلفون
    البقشوهو باللَّصْبَع ياعلمات ودالبوش ,, شابكنى الاخبار شنو الاخبار شنو,,
    التقول انا قناة الجزيرة ,, ود شيقوق صارقيلو قبض.
                   |Articles |News |مقالات |بيانات

10-11-2015, 04:37 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: عبدالعزيز الفاضلابى)

    الفاضلابي

    Quote: نوع التلفون
    البقشوهو باللَّصْبَع ياعلمات ودالبوش ,,


    امانة ما غطستوا حجر الموبايل يا سليل الفاضلاب
                   |Articles |News |مقالات |بيانات

10-11-2015, 04:55 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    هل ممكن ان تشتعل جذوة الحب مرة اخرى بعد مواتها ؟

    سؤال تجدون الاجابة عليه في هذه الرزنامة العواطفية





    Quote: قولي ( أحبك ) .. تزيد تزيد وسامتي

    فبغير حبك لا أكون جميلا ..

    قولي ( أحبك) كي تصير أصابعي

    ذهبا .. وتصبح جبهتي قنديلا

    قولي ( أحبك ) كي يتم تحولي

    فأصير قمحا , أو أصير نخيلا

    الآن قوليها , ولا تترددي

    بعض الهوى لا يقبل التأجيلا

    قولي ( أحبك ) كي تزيد قداستي

    ويصير شعري في الهوى انجيلا

    سأغير التقويم لو أحببتني

    أمحو فصولا , أو أضيف فصولا

    وسينتهي العصر القديم على يدي

    وأقيم مملكة النساء بديلا ..

    قولي ( أحبك ) كي تصير قصائدي

    مائية و وكتابتي تنزيلا

    ملك أنا .. لو تصبحين حبيبتي

    أغزو الشموس مراكبا وخيولا

    لا تخجلي مني , فهذي فرصتي

    لآكون ربا .. أو أكون رسولا


    *** *** *** ***

    أسعد الله صباحكم بكل خير يا أمة الأمجاد والماضي العريق مع أطيب المنى لكم بدوام الصحة والعافية,,,

    مكالمات كثيرة وصلتني تحمل احتجاجا واضحا وصريحا من قبل بعض الأخوة يؤكدون من خلالها أنني قد

    تحاملت عليهم لحساب الزوجات فضلا عن ذلك فهم يفيضون رقة ومشاعر , يتلون آيات الهوى على زوجاتهم

    صبحا ومساء , يقطفون الأزهار من الحدائق معرضين أنفسهم للخطر,, يدفعون نصف مرتباتهم لداماس و عفرا

    مول وكل مراكز التسوق في حين أن أغلب النساء لا يفقهن شيئا في ثقافة الحب ولا يرددن على مساعمهم

    الكلمات الرقيقة الموازية رقة مشاعرهم فوعدتهم ببوست مقابل لذلك البوست الذي جرح شعورهم النبيل

    ولكن قبل ذلك حاولت التأكد من صدق قولهم بطرقي الخاصة جدا فوجدت كل ماقالوه صحيح 100% فهنيئا

    لزوجاتهم بهذه المشاعر الجياشة وهذا الحب الجميل وعقبال باقي الزوجات !!( قولن آمين )

    اليوم سأوجه رسالتي لبعض الزوجات بعد أن تأكد لي أن البوست السابق قد أتى أكله حين اتصلت بي

    صديقتي أمال خضر السيد التي تسكن معي في نفس البناية لتؤكد أن زوجها وحبيب عمرها الذي عاشت معه

    ثلاثين عاما وقاسمته الحلوة والمرة اشتعلت جذوة الحب لديه من جديد بعد أن كان في بيات شتوي ,

    بمجرد قراءته للبوست السابق حيث أصبح يهديها في كل مساء وردة و يلقي على مسامعها أحلى الكلام

    شعرا ونثر أما الهدايا فحدث ولا حرج وفي احتفالهم بعيد زواجهم الذي تعود ابناؤها على إقامته لهما

    سنويا ظل صاحيا حتى الثلث الأخير من الليل علما أنني عندما ذهبت لأشاركهم حفل عيد زواجهما في العام

    الماضي وجدته في ثبات عميق رغم أن الساعة كانت يا دوبك العاشرة مساء لذلك نحمد الله على النتائج

    التي نتمنى أن تكون دائما إيجابية ..

    إخواتي يشتكي بعض من الأزواج من برود مشاعر زوجاتهم وعدم تجاوبهن معهم في الحديث الرقيق فيشعرون

    بالصدمة ويعزفون عن هذا النوع من الكلام أو يوجهونه لغيرهن أما البعض الآخر فيقول إذا قلنا

    لزوجاتنا كلاما حلوا أو قدمنا لهن هدية بدون مناسبة تبدأالواحدةمنهن بالشك وتقول لنفسها دة أكيد

    عامل عملة مش كويسة عشان كدة عايز يمسح جوخ يغطي بيه عملتو السودا ولا ننسى أن بعض الزوجات لا شغل

    لهن سوى الصدود فكلما تقرب منها زوجها صدته بعنف وهي تقول يا راجل ما تستحي أولادك بقوا رجال دون

    إدراك منها أن الرجال جميعهم أطفال وفيما ينعلق بالفئة الأخيرة من الزوجات جافات الأحاسيس والمشاعر

    فهن من اللي عايشات الدور خالص يعني الواحدة منهن تقوم بدور الزوجة المرئي على أكمل وجه حنة ..

    دخان .. دهب .. بيت نضيف ومرتب .. أبناء أذكياء وناجحين في دروسهم .. وزوج مسلوب الإرادة أمام

    شخصيتها المتسلطة والرادعة التي لا تعرف من المفردات سوى التي تستخدم في الأمر والنهي فقط ومثل هذه

    الزوجة من سابع المستحيلات أن تدلل زوجها أو تسمعه كلام غزل معسول لذيذ حتى ولو كانت تعيش في

    كردفان زي ما بقول أخونا العزيز الفنان , الرقيق عبدالقادر سالم,, على كل واحد منكم أيها الأخوة

    الأعزاء الذين ينعمون بحب الزوجات ورعايتهن أن يضع نفسه مكان اي زوج من هؤلاء ويتصور عيشته

    حتكون كيف ؟؟ أكيد وبلا شك حتكون متنيلة بستين نيلة والف بعد الشر عليكم وفتكم بعافية ...
                   |Articles |News |مقالات |بيانات

10-11-2015, 05:58 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    انت فاهمة غلط يا بتنا ...

    هادم اللذات هو العرس ذات نفسه ...

    عشان كده خليك كده ... الدنيا ما بتسوى :) --------
    ---------------------------------------------
    معليس يا جماعة ما بعرف اعمل اقتباس وده كلام اخونا يحيى قباني ،،،


    الأخت بسمات غايتو كلام الشفيف يحيى قباني ده ما تستهوني بيه لانو ده بيت القصيد وده الشي البحصل في اغلب الزيجات السودانية وده الواقع المعاش ( وبالاجابة على سؤالك هو ليه العرس بعملو فيهو حفلات وصالات وبزخ والسبب هو انو الزوج بيكون مقتنع انو ده اااخر فرح ليهو وبعدو ما حا يشوف اي فرح في حياتو ) وفعلا هادم اللذات هو العرس زااااااتو والله العظيم زده قسما عديييييل ما فيهو لو واسالي مجرب ولا تسالي طبيب ولا شنو يا جماعة بسامت دي وروها ما تمش تتورط ساي ...

    ود شيقوق الرجل الحصيف الشفيف لك التحية من قبل ومن بعد على هذا البوست الجميل الذي يشبه صاحبته جمالا والقا ووعدا وتمني فالاستاذه عواطف ادريس تستحق ان تفرد لها مساحات ومساحات لانها كاتبة من طراز فريد فلها لونية خاصة في الطرح والاسلوب الجميل السهل الممتنع الممتع والموغل في التفاصيل الصغيرة الجميلة التي تعطي النص حلاوة وطلاوة وطعم خاص بس ما عارف هل هي متزوجة ام ان كل هذه الكتابات التي تكتبها من وحي خيالها الخصب ام انها من وحي تجارب صديقات او معارف فااذا كان من وحي خيالها فهذا لعمري ابداع ليس بعده ابداع لانو الايدو في النار ما زي الايدو في الموية ولا شنو يا استاذه عواطف .... باله اعملي لينا بوست وسميه فخ الزواج عشان برضو نحن الازواج نلقى حظنا من كتاباتك .. وفتكم بعافية ... واصل يا ود شيقوق في سبر هذه الاغوار الغير مطروقة ..... بوست جميل ياخي


    تحياتي : ياسر العيلفون .....
                   |Articles |News |مقالات |بيانات

10-11-2015, 06:56 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ياسر السر)

    الاخ ياسر السر ابن العيلفون

    Quote: فالاستاذه عواطف ادريس تستحق ان تفرد لها مساحات ومساحات لانها كاتبة من طراز فريد فلها لونية خاصة في الطرح والاسلوب الجميل السهل الممتنع الممتع والموغل في التفاصيل الصغيرة الجميلة التي تعطي النص حلاوة وطلاوة وطعم خاص


    ثمَّة منهج مميز لكتابات الاخت عواطف ، يا ياسر اخوي ، يمكن ان توصف بالاجاثا التي قيل عنها (أنها تبتعد عن التأويل الرمزي للحدث لتمنح القارئ متعة الوصول إلى التأويل الواقعي وفك طلاسم الغموض والغوص في بحر التشابك الساحر لعلاقات شخوص الرواية ببعضهم من جهة وبالحدث من جهة أخرى، وتضع الجميع (القارئ والحدث وأبطال القصة ) تحت رهبة قدسية المكان الذي اختارته مسرحاً لأحداثها)

    اطال الله عمرك و عمرها

    (عدل بواسطة الطيب شيقوق on 10-11-2015, 07:00 AM)

                   |Articles |News |مقالات |بيانات

10-11-2015, 07:04 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    و ما تغركم المظاهر كمان

    Quote: صباحكم مشرق وسعيد حيثما كنتم في الإقامة الجبرية داخل الوطن أو الهجرة القسرية خارج الوطن !!!

    تصف الشعوب الأخرى الشعب السوداني رغم حماقته ورد فعله السريع على أنه شعب طيب ومسالم تخدعه

    المظاهر ولا يغوص في أعماق الأشياء ويفلفلها كما تفعل الشعوب الأخرى المولودة بسنونها ,, يعني

    باختصار ما بتقدر تخم ليك مصري و لا تتفهلو على لبناني ولا تنصب على إماراتي مثلما يفعل الآخرون لأن

    أدوات النصب غير متوفرة لدينا وإذا حاول أحدنا أن ينصب على أحد يجد نفسه وقد رفعت عليه ألف قضية

    نصب واحتيال وتم التشهير به في مشارق الأرض ومغاربها لأنها كما يقولون سالفة غير عادية لذلك تكون

    فضيحته بجلاجل وتقوم الدنيا ولا تقعد عشان الناس مش متعودة إنه سوداني ينصب على أحد عموما يبدو إني

    خرجت من الموضوع شوية زي ما قلت ليكم سابقا إنسانة إنصرافية يعني لو عايزة أمشي المستشفى بلقى

    روحي في أبوظبي مول ولو عايزة أغني رجب حوش صاحبك عني أقوم أقول رمضان حوش ذو القعدة عني وهكذا

    دواليك طبعا دواليك دي من الثانوي العام بسمعها لكن لحدي هسة ما عارفة دواليك يعني شنو مرات أقول

    يمكن قاصدين دواليب المهم نحن كشعب فعلا طيب ويهتم بالمظهر دون الجوهر وعشان أأكد ليكم الكلام دة

    حأوريكم جملة أمثال تدل على سطحيتنا وعدم مقدرتنا على التخلص منه هذه الظاهرة .

    * واحد سوداني شين جدا لكنه قمة في الذكاء قال لازم أعرس واحدة حلوة جدا ولو غبية عشان تجيب بت

    على سماحة أمها وذكاء أبوها وفعلا لقى واحدة آية في الجمال لكن ما عارفة كوعها من بوعها قدر ما

    حاولو معاه أصر طالما هي جميلة خلاص الباقي كله هين أول ما ولدت تصورو جابت شنو ؟ بت شينة زي

    أبوها وغبية زي أمها وغبية ,, وما تغركم المظاهر !!!


    * واحدة سودانية معانا في أبوظبي زوجها شغال في الدفاع قاموا فنشوه أيام حرب الخليج لما دول

    الخليج اتقلبت على دول الضد وهي التي وقفت ضد غزو دول التحالف لإخراج العراقيين من الكويت فسموها

    دول الضد وهي السودان واليمن والأردن وفلسطين وموريتانيا طبعا الجماعةالخليجيين رد فعلهم سريع جدا

    زي ما بطردوا ليك المدرب الأجنبي سواد ليل لو فريقهم انهزم , قاموا طردوا كل أبناء دول الضد من

    الدفاع المهم زوجة صاحبنا لما فنشوه كانت عزاية نعاية وكل ما تزورها واحدة عشان تكفر ليها تقول

    ليها أنا ندمانة ندم السواد والرماد عشان خليت الراجل المتعلم الجامعي وهسة بقى وزير وعندو تلاتة

    بيوت وعرست الجاهل اليادوبك مخلص الإعدادية عشان مغترب وهسة فنشوه لا عندو بيت ولا حقوق عشان شايل

    سلفية,,, وبرضه أرجع وأقول ما تغركم المظاهر!!!

    * سوداني مغترب قال عايز يتزوج بت حلوة بشرط تكون بت عيلة وأبوها يشغل مركز مرموق وفعلا وصفوا ليه

    واحد عميد كلية الهندسة في جامعة معروفة قال خلاص دة حيكون راجل فاهم جدا وسوف يقدر المشوار

    الطويسل القطعتو من أبوظبي للخرطوم ومن أمبدة للمنشية عشان أخطب بته ,, أول سؤال سأله قال ليه

    سعادتك بتشتغل وين وساكن وين ؟ قال ليه مغترب في أبو ظبي وساكن في أمبدة !!! رد عليه بازدراء

    شديد مغترب وساكن في أمبدة ؟؟؟؟ ياخي أنا عربيتي ما بخليها تمشي أمبدة أديك بتي تسكنها في أم

    بدة ياخي ما تمتد رجليك قدر لحافك ,, وما تغركم المظاهر !!!

    * سودانية قالت ما بتعرس أبدا إلا إذا لقت واحد غنيان جدا عشان يعيشها في عالم تاني ويشيل كمان

    أهلها معاها وفعلا قعدت وقعدت لامن لقت واحد عنده مال قارون ولكن !! كان بحاسبها على الهوا الطاير

    والنفس الطالع ونازل لما احتجت على بخله قال ليها لو ما عملنا كدة كان لمينا القروش دي ؟؟ وبرضو

    ما تغركم المظاهر !!

    * حاشية : أنا غايتو عشان سودانية مية المية غرتني المظاهر واتخميت في زول خمة عدوكم بس ما

    تسألوني هو منو عارفاكم شمشارين وبتحبو الشمار لكن من ستر مؤمنا ستره الله يوم القيامة وفتكم
                   |Articles |News |مقالات |بيانات

10-11-2015, 11:52 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17412

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    بتنا وكاتبتنا الحلوة و العزيزة علينا عواطف
    سلام و ليك القومة
    وللأخ الأستاذ شيقوق الشكر علي حدف اللمبة جهات كتاباتك الأصلها نابلة ضو من زمن .
    ..
    يا شيقوق صاحبك قالك أنت ما بتجي الا وكت قطع العيش . ؟
                   |Articles |News |مقالات |بيانات

10-11-2015, 12:02 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17412

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Osman Musa)

    ود العم أستاذ الفاضلابي
    سلام
    أنا يا أخوي في البلد رميت لسان جاك نيلسون في أول لفة . ومن بيت فرح
    لي بيت ترح . لأبد من حك المكدب من جليد بروكلن و الوقوف و سط زحمة حمير البنطون القديم . حرية جد جد

    بعد أرجع دأير أجيبلك معاي شوال دوم سكري من أم عجاجة شرق عطبرة و برضو أحتمال صور من الفاضلاب ترجع للعام 1889 .
    تحياتي

    (عدل بواسطة Osman Musa on 10-11-2015, 12:27 PM)

                   |Articles |News |مقالات |بيانات

10-11-2015, 02:59 PM

Basamat Alsheikh

تاريخ التسجيل: 15-08-2015
مجموع المشاركات: 2593

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Osman Musa)

    انو الزوج بيكون مقتنع انو ده اااخر فرح ليهو وبعدو ما حا يشوف اي فرح في حياتو ) وفعلا هادم اللذات هو العرس زااااااتو والله العظيم زده قسما عديييييل ما فيهو لو واسالي مجرب ولا تسالي طبيب ولا شنو يا جماعة بسامت دي وروها ما تمش تتورط ساي ... (Quote)
    >>>
    >>>
    >>>

    عزيزي الفاضل ياسر السر ( العيلفون)
    شكرا على هذه النصائح القيمة.. لكن عشان نتأكد أكثر عاوزة أوجه نداء ( وبصورة جادة)
    للمتزوجين والمتزوجات يجونا هنا ويورونا هل فعلا كلامك وكلام الأستاذ يحيى قباني صحيح
    وهل فعلا الزواح ذات نفسه هاد اللذات.. ومافي أي فرح بعد الزواج...( وهسع انا بعدما قريت
    كلامكم ده فرحت فرحة شديدة لاني من قبل رفضت ثلاثة شبان تقدموا لوالدي يطلبونني للزواج
    ولكن كنت قد رفضت فكرة الزواج من أساسه بسبب رغبتي في اكمال الدراسة الجامعية أولا..
    لكني هسع زدت أسباب ثانية اذا جو عرسان تانين.. لكن بالجد عاوزة ناس عندهم خبرة وتجارب
    إيجابية او سلبية في مسيرة الزواج يكتبوا لينا عن هذه التجارب .. وهل هناك زيجات ناجحة
    وبدون مشاكل... بس عليكم الله مافي واحد يجي يقول المشاكل لا بد منها لانها بهارات الحياة وبدونها
    الحياة بتبقى روتين...
    تناقشت امس مع الصديقة العزيزة امتثال وقالت لي ان قباني وياسر العيلفون بيهظروا وكلامهم ما كلام
    جاد وهم بيفرفشوا من اجل اثراء البوست وجعله اكثر فكاهة وأكدت لي ان هناك زيجات ناجحة جدا جدا
    وقالت لي بالانجليزي They are only kidding .. وقالت لي واذا انت اقتنعتي بكلامهم .ز خلاص ما تزوجي
    سوداني واتزوجي ليكي امريكي.. واندهشت لتفكيرها السلبي... وأكدت ليها باني اذا تزوجت فلن اتزوج غير سوداني
    وممعن في السودانية .. وياريت يكون قروي من البادية .. من اهل الكرم والشهامة والمروءة والنخوة السودانية الاصيلة
    الاتغنى بيها شاعرنا الكبير اسماعين حسن ود حد الزين....
    ودمت بالف خير وصحة وعافية
                   |Articles |News |مقالات |بيانات

10-11-2015, 03:33 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Basamat Alsheikh)

    العزيز عثمان موسى

    Quote: يا شيقوق صاحبك قالك أنت ما بتجي الا وكت قطع العيش . ؟


    هههههها قول ليهو نحن ناس درتية ساااااااااي

    هو مش سمع بالعافية درت يا عثمان اخوي ؟
                   |Articles |News |مقالات |بيانات

10-11-2015, 03:39 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    بسمات

    سلام


    Quote: وأكدت ليها باني اذا تزوجت فلن اتزوج غير سوداني
    وممعن في السودانية .. وياريت يكون قروي من البادية .. من اهل الكرم والشهامة والمروءة والنخوة السودانية الاصيلة



    هيييييييييييييييع كع خلى يجوا ناس ود المشرف يقولوا كلام مع نضميك السمح دا

    وين العبيد الطيب طاشي؟ مالوا ما جاء سمع نضم البنية دي
                   |Articles |News |مقالات |بيانات

10-11-2015, 03:45 PM

محمد الكامل عبد الحليم
<aمحمد الكامل عبد الحليم
تاريخ التسجيل: 04-11-2009
مجموع المشاركات: 1966

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: Basamat Alsheikh)

    تحية

    ماذا تريدون من الحب هو السؤال... المساكنة الوادعة مرفوعة لقوة ارتياد مشوار الحياة....تحويل الضجيج الي همس...والعتمة الي نور...والسؤال الي اجوبة متعددة ملونة... والخيارات الي ايسرها...والعطر الي سلام للنفس وهدوء للخاطر...الغضب الي لغة اخري...والمعاناة الي صبر يرتاد حواف التأمل ويملأ الصفحة البيضاء بالكلام....
                   |Articles |News |مقالات |بيانات

11-11-2015, 05:20 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: محمد الكامل عبد الحليم)

    اخي الاديب مولانا ود الكامل

    لك التحايات الزاكيات


    Quote: ماذا تريدون من الحب هو السؤال... المساكنة الوادعة مرفوعة لقوة ارتياد مشوار الحياة....تحويل الضجيج الي همس...والعتمة الي نور...والسؤال الي اجوبة متعددة ملونة... والخيارات الي ايسرها...والعطر الي سلام للنفس وهدوء للخاطر...الغضب الي لغة اخري...والمعاناة الي صبر يرتاد حواف التأمل ويملأ الصفحة البيضاء بالكلام....



    ربما يكون السؤال الاكثر إلحاحا هو ؟

    ماذا نريد من منٌ نحبٌ ؟

    تحبني وتعشقنيُ أمنحني هذا الحبً ..

    لا اريد كلماتٌ ولا حروف ، أريد أحساًسا وشعورا

    أين أنت حينٌ يغمرنيُ الألمُ .. ويعلو ملامحيَ الحزنُ ؟

    أين أنتٌ حين تهاجمنيٌ الوحدهُ..

    وتأسرنيُ الغربـهُ وانا معكٌ ؟؟

    أين أنت حين أتامل بالمرآه ولا أرى

    سوى أطراف معالميُ ؟؟
                   |Articles |News |مقالات |بيانات

11-11-2015, 05:59 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    وهنا كمان ( الحلة بصل و المرأة كرعين) ههههههههههههههههها

    Quote: تحية وتقدير للأخ عادل عوض الذي يدير مقهى للإنترنت في أكسفورد بالمملكة
    المتحدة وقد اتصل مؤخرا مؤكدا أنه يتابع عن كثب كل ما يجري في سودانيز أون لاين
    معتبرا هذا المنبر الوطن الثاني لهم في غربتهم التي لا ترحم .


    لا أدري ما هو سر تعلق أمة الأمجاد بثقافة المطبخ حتى أصبحت كل الأمثال المعروفة ذات
    صلة وثيقة بهذا المطبخ فمثلا عندما يكون الشخص قليل حياء ولا يستحي يقولون عليه مكحل
    عينه بالشطة ,,, أو عينه زي البصلة في الروب أماالشخص صاحب المناخير الكبيرة يقولون
    عليه نخرته زي كوز الكنافة وقد قال أحد شعراء حلمنتيش لحبيبته تبقي تاكا وأبقي كسلا
    تبقى حلة وأبقي بصلة وقال آخر لحبيبته التي شرته شرة الله يلاقينا قدام مدخل داخلية
    الطالبات بجامعة الخرطوم وقد سمى ذلك المكان في زماننا بحبل الغسيل من كترة المشرورين عليه:

    يالغسلتنا وشريتنا
    لما نشفنا ليه ماكويتنا
    يالفي كانون هواك حميتنا
    لامن زيتنا فاح شميتنا.

    أتذكر في منتصف الثمانينات كنت أجلس مع صديقتي وزوجها في بهو إحدى الفنادق وكانت أمامنا تربيزة زجاجية جميلة فالتفت زوج صديقتي نحوها قائلا بالله شوفو رجلين التربيزة ديل سمحات كيفن ؟؟ ضحكت صديقتي ذات الروح الرياضية التي يحسدها عليها زين الدين زيدان اللاعب الفرنسي الذي نطح اللاعب الايطالي عندما استفزه ليلقي به أرضا وقالت لزوجها إنت عندك عقدة سيقان ولا شنو ؟؟ طبعا بحسها الانثوي عرفت أنه معقد من سيقانها التي تشبه سيقان الباعوضة ولكن عقلها يوزن بلد ,, متعلمة , مثقفة ,, واعية ,, مرحة ولكن كل ذلك لم يشفع لها ولم يغفر لهاعند زوجها كون سيقانها أشبه بسيقان المعزة فرد قائلا إنت ما سمعت بالمثل البقول الحلة بصل والمرة كرعين ؟؟ ضحكت صديقتي من سذاجة زوجها الطبيب من أعماقها ولم تعلق كي لا يتمادى في سطحيته فقد تزوجته بعد قصة حب عاصفة ولا تود أن تخسره بسبب سيقانها النحيفة علما أن صديقتي لو كانت تعرف أن بنات اليوم استطعن التغلب على كل العيوب حتى السيقان يتم حقنها بإبر الأنسولين كما يتم التغلب على النحافة الزايدة بأقراص خاصة بالحساسيةأطلق عليها (تشاهد غدا) لسرعة مفعولهاوهي تأتي من فرنسا عبر تشاد لكان لصديقتي ردا آخر غير ذلك التعليق الموجز ,, بالنسبة لي كان الأمر مهينا جدا كيف توضع المرأة ذات العقل والروح مع الحلة أم بصل على بوتجاز واحد ؟؟ لم أعلق على هذا الموضوع حفاظا على مشاعر صاحبتي لأنها زي ما بقولو كانت مكسرة في راجلهاولا تنظر إليه سوى بعين الرضا وهي عن كل عيب كليلة .
    كانت تلك هي المرة الأولى التي أسمع فيها مثل الحلة بصل ولكن صدقوني فقد سمعته بعد ذلك عشرات المرات لأكتشف أن الرجل الشرقي على وجه العموم والسوداني على وجه الخصوص يهمه المظهر وليس الجوهر ولغاية اليوم دة ما سمعت واحد قال عايز واحدة مثقفة أو راسها مليان. كله واحد عايز عروس تكون شروطه.. جميلة ,, بيضاء ,,, ذات شعر اسود فاحم وطويل حتى ولو كانت جاهلة المهم جميلة تسر الناظرين ويتباهى بها أمام أصدقائه ويستعرض بها في الشارع العام والمناسبات حيث يتساءل السطحيون أمثاله دي مرة منو بالله ؟؟ والله دي مرة عبدالله ,, وعبدالله الشين التعيس المفلس دة جاب اللقطة دي من وين ؟؟ وإنت مالك ؟ حاسدو ولا بغران وبعدين يااخي اللي بسأل ما بتوه !! يعني إنت هسة لو فتشت زي الناس ما كان لقيت ليك واحدة أحلى من بت عمك الوشها زي وش السخلة دي (هاها ها ها ) يضحكون من أعماقهم ومعهم زوج بت العم الداقسة و القاعدة في البيت براها طول اليوم زي الشيطان تغسل وتكنس وتلبس وتضبخ وتأكل أفواه وأرانب ولا تعلم أنها مادة للونسة والسخرية بحضور إبن الستين في سبعين المدعو زوجها.
    لم اسمع طوال حياتي بإمرأة متعلمة وحاصلة على شهادات يكون شرطهاالأساسي للزواج شاب وسيم أو غني , طويل أو صاحب إبتسامة ساحرة ... ولم أسمع أبدا إلا ما ندر أن تتزوج متعلمة مثقفة برجل جاهل ولكنه صاحب جاه ومال وسلطان لأن هذه المتعلمة المثقفة تريد زوجا يخاطب عقلها وروحها وليس جسدها من مفهوم الحلة بصل ,, وفي الوقت ذاته ياما شاهدت رجالا من حملة الشهادات العليا متزوجين بديكورات جميلات لكن سماحة جمل الطين الواحدة منهن لو اتكلمت في مكان عام في حضور زوجها يتمنى أن تبتلعه الأرض في تلك اللحظة ومع ذلك نجده سرعان ما يغفر لها غلطها من منطلق ذنب الجميل مغفور وتستمر الحياة رغم عدم وجود لغة مشتركة وأرضية للحوار المهم مرة جميلة وذات سيقان أشبه بسيقان الفيل لكي لا تكون ضمن من يتحسسن سيقانهن عندما يسمعن مثل الحلة بصل .
    يا سادة يا كرام بصل ايه وطماطم أيه ؟؟ كيف يكون شعوركم لو قلنا السلطة جرجير والراجل
    يورو ؟؟ هل سيكون رد فعلكم بحجم رد فعل النساء اللواتي يطنشن حينما يسمعن بأن الحلة
    بصل ؟ هناك فئة ضالة من الفتيات تأثرن بالحلة بصل ولجأن إلى عدة حلول آنية ودائمة
    لحل المشكلة وإن دل هذا على شيء إنما يدل على عدم ثقتهن بأنفسهن وبأن جمال الروح
    أبقى وأشمل بينما جمال الجسد إلى زوال ,, أرجو من الإخوة الذين ما زالو يصرون على أن
    الحلة بصل والمرة ... أن يرتقوا بفكرهم البصلي هذا وأن ينظروا إلى الوجه الآخر للمرأة
    الأنثى الرقيقة.. الأم الحنون ,,, الزوجة المخلصة ,,, الأخت الشفوق ,,, و الإبنة البارة .

    أتمنى من جميع المتدخلين أن يخرجوا من المطبخ وأن يغسلوأيديهم من البصل قبل التداخل وفتكم بعافية.

                   |Articles |News |مقالات |بيانات

11-11-2015, 07:01 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ابسمات الشيخ عبد الرحيم اختي الفضلى لك التحية انتي وصديقتك الأميرة وبعد كلامك ده
    --------
    وقالت لي ان قباني وياسر العيلفون بيهظروا وكلامهم ما كلام
    جاد وهم بيفرفشوا من اجل اثراء البوست وجعله اكثر فكاهة وأكدت لي ان هناك زيجات ناجحة جدا جدا
    وقالت لي بالانجليزي They are only kidding
    ---------
    (معذرة ما بعرف اعمل اقتباس وذكرت هذا الشي امس)
    ولكن عدت هنا لتأكيد ما ذكرته لك وهو ( ان العرس هو هادم اللذات ) وكمان اقسمت ليك قسما عديييل ما فيهو لو والايدو في الموية ما زي الايدو في النار ,, وانا ايضا معاك اناشد المتزوجين السعيدين ان ياتو هنا ويحدثونا عن سعادتهم وقد يكون هناك سعداء ولكن انا لا علم لي بهم ولم اراهم قط وها انا ذا منتظر معك تجاربهم لسردها هنا ,,,, غايتو انا وقباني اخوي كل يبكي على ليلاه واللله اعلم ... وفتك بعافية انتي واالاميرة ...


    واعود مرة اخرى لموضوع البوست والمثل البيقول ( الحلة بصل والمرة .......) انا اعترف انني كنت من مناضلي هذا المثل الزائف والذي سبب لي نكسة العمر ولكن انا الان اعترف بان هذا المثل غير مجدي وغير صحيح وما اتمناه الان هو زوجة تكون ( مثقفة ... فاهمة ... واعية ... حكيمة ... حنونه ...... صبورة .... خلوقة .....رومانسية وما شرط تكون جميلة المهم تكون مقبولة وجمالها نسبي وما شرط تكون متعلمه لان الحياة اكبر مدرسة وهي كفيلة بتعليمها كيف تدير بيتها وكيف تحافظ عليه وعلى زوجها ... والله يهون القاسية ان شاء الله
    ومرة ثانية التحية للمبدعة الاستاذه عواطف ولي ود شيقوق صاحب البوست ... ]......
                   |Articles |News |مقالات |بيانات

11-11-2015, 07:18 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ياسر السر)

    العزيز ياسر العيلفون

    طاب نهارك

    Quote: وما اتمناه الان هو زوجة تكون ( مثقفة ... فاهمة ... واعية ... حكيمة ... حنونه ...... صبورة .... خلوقة .....رومانسية وما شرط تكون جميلة المهم تكون مقبولة وجمالها نسبي وما شرط تكون متعلمه لان الحياة اكبر مدرسة وهي كفيلة بتعليمها كيف تدير بيتها وكيف تحافظ عليه وعلى زوجها ... والله يهون القاسية ان شاء الله


    طيب يبقى السؤال يا ياسر اخوي - هل تقبل اي ترشيح من والدة أو اخت أو خالة أو عمة؟

    و لا عايز تكتشف الحاجات دي انت شخصيا ؟
                   |Articles |News |مقالات |بيانات

11-11-2015, 08:08 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 04-03-2014
مجموع المشاركات: 2123

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    التحايا للجميع
    الزواج اقسام

    القسم الاول ويبدأ من تحريش العريس ليلة الزواج ( ما تخليها تحكمك بدأ برش اللبن والاقوان ووقعت في الواطه )
    القسم التاني ويبدأ من حضور بتاعين الحفلة ولم العدة وعد القروش الاندفعت
    باقي لك يا بسمات بعد القسم التاني ال قرب يودي العريس قسم الشرطة فضل فيها حب


    المهم
                   |Articles |News |مقالات |بيانات

11-11-2015, 07:53 AM

عبيد الطيب
<aعبيد الطيب
تاريخ التسجيل: 31-08-2012
مجموع المشاركات: 1629

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    الطيب أخوي سلااام ومعزة
    وتحيات زاكيات للأستاذة انيقة الكتابة عواطف إدريس
    ولكل زوار هذا البوست
    عواطف كتابتها رائعة،وكشكول فيها نكهة الكتاب القدماء والمخضرمين والشباب ،حيث أنها ، تناقش عاداتنا ومسلماتنا، وموروثنا،
    بكتابة جمعت بين الأدب والسخرية اللطيفة،والخوض في المجتمع، دون شتارة وإسفاف، وأحيانا تتكأ ،
    علي أمثال ،وعبرها تُعيد شخوص ، إلي الواجهة، تعالج بهم مشاكل إجتماعية
    لكن بت أبوي إدريس دي، ما ركبت دور وشافتنا هناك في البادية، "قطِّي قدحك"
    أبوك بمشي بخطب ليك، وبرسل أخوك يجيب الشيلة،وبعقل ناقتين تلاتة ل التكفا، وإنت بتكون خاطر أو مسافر ولا في المدرسة، إ
    ن كان ثانوي أم متوسطة، تقابل أحدهم وبعد، يسالمك، يقول ليك: جانا مرسال ناس أبوك قالوا: يوم الجمعة الجاي عرسك وتكفاتك
    شفت كيف ياعواطف...! لا خبر ولا حتي نظرة، خليك من التفاهم و.....الخ
    دي السبب البخلِّي قولهم:"المرة ...والحلة بصلة"
    ودي السبب البخلي، إنسان في قامة الهلالي يقول لي زوجته: إنت بت الأضينة، بل ذهب أبعد من ذلك، بحث عن رخصة الدين في "مثني وثلاث ورباع"
    لأنه محروم من، "هِنْهين" ، العذاري الذي افتقده ..!
    مرة يا الطيب أخوي ونحن في عُرس بالبادية، والعذاري يقفن مد البصر، يشدون من غنا الجراري، دخلت فتاة حلبة الرقص، وكانت جميلة وقوامها ممشوق،
    وشعرها وهي ترقص، يتدلي إلي القدمين، وكان الحاج...، راكبا علي بعيره، يستمع لغنا الجراري، وعندما شاهد هذه الفتاة وجمالها،قال مرددا:
    وحاة الخلق العباد دي غير فلان ولدي مافي زول يتوسد ديسها!
    وقد كان بعد إسبوع تم العرس ...!
    من صداقاتي في البادية وفي المدينة وفي الغربة، أثبت مثل قالته لي حبوبتي الله يرحمها:
    الزول يفتش ويختار الجمال ويختار الحسب ويختار العلم و....الخ لكن
    "المرأة لغامية فقط، والزول الملغوم بتقع ليهو الزوجة الكويسة، ياولدي..!
    ملغوم بمعني محظوظ ولكن أهل البادية مفردة "ملغوم" بمعني محظوظ، ل
    ا يطلقونها إلا علي المرأة التي تسعد زوجها وزوجها يسعدها، وعلي الخيول الأصيلة، إذا ملكها احدهم
    الأديب ود الكامل شكرا علي هذه المداخلة السامية ، وشكرا يا الطيب أخوي علي تساؤلاتك القيمة جدا
    الأخت بسمات شكرا لشدة الحيل،و أتمني من قلبي وأدعو الله أن تكوني "ملغومة" علي قول حبوبتي حتي تسعدي وتُسعدي
                   |Articles |News |مقالات |بيانات

11-11-2015, 08:23 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: عبيد الطيب)

    الاخت الفاضلة اخلاص بت المشرف

    الف شكر على طلتك البهية

    وفي انتظار حبيبتك بسمات للرد على تلك الاستفسارات او ربما تتفضل بإضافة مزيد من الاقسام .
                   |Articles |News |مقالات |بيانات

11-11-2015, 08:58 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    حبيبنا العبيد ود حاج الطيب

    عساك طيب



    Quote: عواطف كتابتها رائعة،وكشكول فيها نكهة الكتاب القدماء والمخضرمين والشباب ،حيث أنها ، تناقش عاداتنا ومسلماتنا، وموروثنا،
    بكتابة جمعت بين الأدب والسخرية اللطيفة،والخوض في المجتمع، دون شتارة وإسفاف، وأحيانا تتكأ ،
    علي أمثال ،وعبرها تُعيد شخوص ، إلي الواجهة، تعالج بهم مشاكل إجتماعية


    أصدقك القول يا العبيد . الاخت عواطف لديها منهجها الخاص لمخاطبة قضايا إجتماعية بأسلوب ممتع و جاذب للقارئي. فكلما أقرأ لها موضوعا يحضرني بالاسلوب المتميز للخال الممتع شوقي بدري الذي يتنقل بقارئه من موضوع لموضوع دون ان يشعر القاري باي ملل .
    Quote: لكن بت أبوي إدريس دي، ما ركبت دور وشافتنا هناك في البادية، "قطِّي قدحك"
    أبوك بمشي بخطب ليك، وبرسل أخوك يجيب الشيلة،وبعقل ناقتين تلاتة ل التكفا، وإنت بتكون خاطر أو مسافر ولا في المدرسة، إ
    ن كان ثانوي أم متوسطة، تقابل أحدهم وبعد، يسالمك، يقول ليك: جانا مرسال ناس أبوك قالوا: يوم الجمعة الجاي عرسك وتكفاتك



    ههههههها دي ياها البقت في اخيك يا العبيد


    تسلم اخي العبيد ود ابوي الطيب
                   |Articles |News |مقالات |بيانات

11-11-2015, 08:45 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: عبيد الطيب)

    ود شيقوق الحصيف الشفيف الرهيف لك التحية مثى وثلاث ورباع وردا على كلامك ادناه :
    اقتباس
    -------------------------------------
    طيب يبقى السؤال يا ياسر اخوي - هل تقبل اي ترشيح من والدة أو اخت أو خالة أو عمة؟

    و لا عايز تكتشف الحاجات دي انت شخصيا ؟
    ------------------------------------

    يا خوي انا لازم اقف على الاختيار بنفسي ولازم يكون في تفاهم قبل الفاس ما يقع في الراس لانو ولله الحمد حا تكون هذه المرة الثانية والتجربة الثانية لذلك لابد من توخي الحذر في الاختيار والقسمة ما معروفة ليا وليك كانت خافية ... ولا شنو
    شاكر ومقدر ردك وتواصلك الجميل ...

    تحياتي : ياسر العيلفون ....................
                   |Articles |News |مقالات |بيانات

11-11-2015, 09:04 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ياسر السر)

    قريبي ياسر ود العيلفون



    Quote: يا خوي انا لازم اقف على الاختيار بنفسي ولازم يكون في تفاهم قبل الفاس ما يقع في الراس لانو ولله الحمد حا تكون هذه المرة الثانية والتجربة الثانية لذلك لابد من توخي الحذر في الاختيار والقسمة ما معروفة ليا وليك كانت خافية ... ولا شنو


    ألا تعقد يا ياسر أخوي كلامك هذا ينبغي ان ينسحب للطرف الاخر؟

    برضو من واجبها هي ألا تشفق فلازم كمان تفتشك يمين و شمال و شكلا و موضوعا حتى تطمئن بأنها قد وجدت فيك فارس أحلامها الكامل الدسم .
                   |Articles |News |مقالات |بيانات

11-11-2015, 01:54 PM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ود شيقوق مرة اخرى لك التحية وفيما يختص بالطرف الأخر فانا جاهز لما يراه هو من طريقة او كيفيه لتقصى الحقائق عني يمينا وشمالا وان شا ء الله اكون عند حسن الظن وبالمناسبة ياخ عايز اسالك من اخ عزيز علي وهو الاخ الاستاذ نجيب مصطفي حسن واتمنى ان يكون بخير لقد عرفت انه معكم في سلطنة عمان فله تحياتي وسلامي ...
    وطالما طلعنا قرايب فما في عوجة تب خلاص فتش معنا على الطرف الآخر والفيه خير ربنا يسويه ... وما تنسانا من مقالات الاستاذه عواطف الجميلة المشوقه ...


    تحياتي : ياسر العيلفون .....
                   |Articles |News |مقالات |بيانات

11-11-2015, 04:30 PM

محمد الكامل عبد الحليم
<aمحمد الكامل عبد الحليم
تاريخ التسجيل: 04-11-2009
مجموع المشاركات: 1966

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ياسر السر)

    تحية استاذنا شيقوق...

    نريد ممن نحب أن نحبه اكثر....بالتنازلات المتبادلة... بناء خارطة طريق ظنية نستجيب عن طريقها للتوقعات.... ايجاد علاقة رياضية للاهتمامات المشتركة ... استذكار لغة العيون....والجيوب ...والبطون...
                   |Articles |News |مقالات |بيانات

12-11-2015, 04:37 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: محمد الكامل عبد الحليم)

    قريبي

    اصلا ناس العيلفون اما قواسومة ( عبدلاب) او محس . كان بقيت قاسمي ياكا البتارثني و بارثك

    Quote: ود شيقوق مرة اخرى لك التحية وفيما يختص بالطرف الأخر فانا جاهز لما يراه هو من طريقة او كيفيه لتقصى الحقائق عني يمينا وشمالا وان شا ء الله اكون عند حسن الظن وبالمناسبة ياخ عايز اسالك من اخ عزيز علي وهو الاخ الاستاذ نجيب مصطفي حسن واتمنى ان يكون بخير لقد عرفت انه معكم في سلطنة عمان فله تحياتي وسلامي ...
    وطالما طلعنا قرايب فما في عوجة تب خلاص فتش معنا على الطرف الآخر والفيه خير ربنا يسويه ... وما تنسانا من مقالات الاستاذه عواطف الجميلة المشوقه ...



    الاخ نجيب الرجل الطيب الخلوق بالحيل معانا سوف يبلغ تحاياك يا قريبي

    عندي ليك عروس كلها خير بس امها مصيبة اكان خمشتها ابعدت بيها من امها بعيد فقد غنمت يا عشاي
                   |Articles |News |مقالات |بيانات

12-11-2015, 04:39 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    خالي ود الكامل

    Quote: ايجاد علاقة رياضية للاهتمامات المشتركة


    نان شنو الرياضية دي ؟ ههه
                   |Articles |News |مقالات |بيانات

12-11-2015, 05:34 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ود شيقوق صباحك طلت الياسمين صباح الخير عليك وعلى الجميع هنا ...
    اولا نحن محس بس ما بنرطن فنحن احفاد الشيخ ادريس ود الارباب وهو من اولياء اللله الصالحين وباقينا موزع على توتي وبري وشمبات والدبيبة والعيلفون وحلة حمد وحلة خوجلي وواوسي فكل هؤلاء محس فاذن بقت الصداقة قرابة ولا شنو ,,,
    اها يا خوي قلت لي عندك عروس لي ؟ خير والف خير وطالما هي من طرفك اكيد هي بت اصول وامها مقدور عليها ان شا الله بس ادينا راس الخيط يا حبيب وباشر مهامك من هسة اديناك الضؤ الأخضر (GO AHEAD ) والفيها خير ربنا يسويها ...


    تحياتي : ياسر العيلفون ........
                   |Articles |News |مقالات |بيانات

12-11-2015, 05:46 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ياسر السر)

    اخي ياسر

    الله يديك العافية

    باقي لي بوست عواطف عايز يتلهم الاعمال الخيرية هههها

    طالما انت محسي التفاصيل بتلقاها عند زول محسي من قرية واوسي وهو متزوج خالة البنية المرشحة يا ابن العيلفون
                   |Articles |News |مقالات |بيانات

12-11-2015, 05:50 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    1820
    تاريخ التسجيل: 08-06-2010
    محل الاقامة: أرض الله الواسعه
    :
    عنوان مكتبتى بسودانيزاونلاين دوت كم:
    FaceBook Page:
    Google Plus Page:
    Instagram:
    Pinterest:
    Twitter Page:
    YouTube Channel URL:
    اكلات مفضلة: المشويات
    الاسم الحقيقى: ياسر عبد القادر السر
    التلفون:
    الجامعة/المعهد: جامعة أم درمان الأهلية آداب لغة إنجليزية كلية الترجمة
    الحالة الاجتماعية: Married
    العنوان الدائم:
    الفنان المفضل: الموسيقار محمد وردي وعميد الفن أحمد المصطفى وكل جيل العمالقة
    اللون السياسى:
    الهوايات المفضلة: الإطلاع - الموسيقى
    الوظيفة: سكرتير -
    تاريخ الميلاد: 28-5-1971
    درست المرحلة الابتدائية فى ......و سنة....: العيلفون
    درست المرحلة الثانوية فى ......و سنة....: العيلفون
    درست المرحلة المتوسطة فى ......و سنة.... : العيلفون
    شاعرك المفضل: كل شعراء بلادي -خاصة شعراء الحقيبة
    عدد الاطفال: 1
    معلومات اضافية:
    مكان العمل:
    مكان الميلاد فى السودان: العيلفون


    هههههههههههههههههها عيك اتاريك عايز تدبل بيها

    لا لا كان كدا نشوف ليك واحدة مطلقة بس ههههههههههه.
                   |Articles |News |مقالات |بيانات

12-11-2015, 06:31 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ود شيقوق الجميل ....

    شوف الاقتباس ده وركز معاي شوية لانو رد الاخير بيقول انك ما قرات الرد الاسبق فشوف كلامي هنا بتعرف انو انا من الاول قلت ليك دي التجربة التانية :


    Quote: يا خوي انا لازم اقف على الاختيار بنفسي ولازم يكون في تفاهم قبل الفاس ما يقع في الراس لانو ولله الحمد حا تكون هذه المرة الثانية والتجربة الثانية لذلك لابد من توخي الحذر في الاختيار والقسمة ما معروفة ليا وليك كانت خافية ... ولا شنو

    وياخي ايه المشكلة انو اتزوج بكر او فتاة ( وهل لانني لي تجربة سابقة لذا لايمكنني ذلك من الدخول في تجربة ثانية ؟؟؟) ( مثنى وثلاث ورباع) وليه المجتمع بيرفض الفكرة دي ويتناسى انو الانسان من حقو ان يعيش حياتو بالصورة البتسعدو وتريحو وليه المجتمع بيحجم على الرجل المتزوج ان لا يعيد التجربة ويضحي بالعيش والرضاء في جو غير ملائم له وغير مريح له ويدوس على سعادتو وراحتو اليس من حقه ان يبحث عن سعادتو وراحتو بالحلال وبما احله الله السؤال موجه ليك وللاخوه هنا جميعا ... لكن كلامك ما باباه ولو وجدت مطلقة وبت حلال فلا غبار عليها ونبني لينا عشة صغيرة ونعرشها برموش عينينا ونفرشها بحرير ايدينا ... وربنا يقدم الفيه الخير ....

    تحياتي : ياسر العيلفون .....
                   |Articles |News |مقالات |بيانات

12-11-2015, 07:06 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ياسر السر)

    يا ابن العيلفون - برضك قريبي سودانيا و جغرافيا - شفت كيف؟



    Quote: لكن كلامك ما باباه ولو وجدت مطلقة وبت حلال فلا غبار عليها ونبني لينا عشة صغيرة ونعرشها برموش عينينا ونفرشها بحرير ايدينا ... وربنا يقدم الفيه الخير ....


    دا الكلام البكسر الحمام ذاتو يا ابن عمي .

    بس مواليد 71 انا اكبر منك بأكثر من عشرة سنوات

    انا بطبعي ملول و ما براجع الكلام الفات

    بس عندي طلب تفاصيل كما يقول المحامون .

    هل ممكن نعرف كم عدد تجاربك التي لم تكن موفقة في الزواج؟

    بوست عواطف فك الدرب خلاص ههههههها
                   |Articles |News |مقالات |بيانات

12-11-2015, 07:20 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ما تزهج ياسر اخوي - المحامون برايون و نضامون - لانك بتاع لغات لازم نحاسب هههههه
                   |Articles |News |مقالات |بيانات

12-11-2015, 08:29 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2812

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)

    ود شيقوق انا زول لغات لكن زماااان كان عندي رغبة ادرس قانون لكن لراي خاص تحولت الرغبة لدارسة اللغة الانجليزية وهو برضو كلو كلام وحكي ههههههههه ولا شنو ،،،،، ويا خوي نحن اهل بعلاقاتنا الجمعتنا هنا في المنبر ده وكلنا اخوه واخوات اهل وفارق العمر لا يشكل بيننا فارق فانت اكبر مني سنا وعلما وادبا وخبرة وكرما وعقلا ولك كل احترامي ونحن كمان يا خوي خلاص عمرنا عدى وفات والكتوف اتلاحقت زي ما بيقولو ده لو ما عندك مانع طبعا !!

    اما بخصوص التجربة فلدي تجربة واحده فقط مع الزواج ومازالت مستمره حتى تاريخ كتابة هذه السطور والحمد لله رزقت ببنت ( منة الله ) وهي الان في التاسعة من عمرها ولكن هل يضرني ان اتزوج مرة ثانية .. زي ما بيقولو من شابهه اباه فما ظلم فالوالد رحمه الله كان متزوج من 3 نساء الى ان توفاه الله ...

    اما عن تعلقيك القلتو ( ده الكلام البكسر الحمام زاتو ) والله ضحكت حتى ظن من معي في المكتب انني اصبت بالجنون فاشكرك على هذه الضحكة في هذا الزمن الغابر .. ويا خوي ده كان زمااان الحمام هسة بقى يتكسر في حاجات تانية حامياني زي موبايلك شنو وعربيتك شنو وساكن وين وعندك كم من النقود وهلم جرا ..... ولك تحياتي وسلامي ... وزي ما قلت بوست عواطف راح شمار في عرسه ههههههههههههههه غايتو استاذه عواطف حا تقول لينا خليتو لكم ارعو في هههههههههههههه لك ولها تحياتي ...


    تحياتي : ياسر العيلفون ......
                   |Articles |News |مقالات |بيانات

12-11-2015, 09:04 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: ياسر السر)

    العزيز أبو منة الله

    Quote: اما بخصوص التجربة فلدي تجربة واحده فقط مع الزواج ومازالت مستمره حتى تاريخ كتابة هذه السطور والحمد لله رزقت ببنت ( منة الله )


    خلاص بان السبب و غاب العجب

    تعرس طوالي حنشوف ليك الودود و الولود يا ياسر اخوي
                   |Articles |News |مقالات |بيانات

12-11-2015, 01:05 PM

محمد الكامل عبد الحليم
<aمحمد الكامل عبد الحليم
تاريخ التسجيل: 04-11-2009
مجموع المشاركات: 1966

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: الطيب شيقوق)


    تحية استاذنا شيقوق...


    عندما ندعو الي (ايجاد علاقة رياضية للاهتمامات المشتركة) نقصد بها احترام كل طرف لأهتمامات الطرف الاخر...علاقة تعايش وقبول...أو المشاركة ما امكن في تلك الاهتمامات أو تذويب الختلافات بشاأنها بروح رياضية....



    ولكل المتداخلين احترامي المستدام..
                   |Articles |News |مقالات |بيانات

12-11-2015, 03:47 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: ومضات من الواقعية السحرية في بوستات عواطف (Re: محمد الكامل عبد الحليم)

    تسلم عزيزي الكامل على التوضيح

    ادام الله الود بيننا يا عزيزي

    وربك يجيب لينا ود الكامل التاني
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de