سودانيز اون لاين دوت كم تحتسب الزميل عبد الرحمن محمد مامان فى رحمه الله
وفاة اخونا و زميلنا عبدالرحمن مامان إلى رحمة مولاه
الله يا مامان الرحيل المر وصمت الرباب .... سلام من الله عليك في عالي الجنان.
مامان ... إنا لله. وإنا إليه راجعون .
مامان .. الرحيل المر والدمعة الحزينة
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 25-11-2017, 11:30 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

هل تقوم باحماء السيارة في الصباح قبل الانطلاق؟

11-11-2015, 07:52 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


هل تقوم باحماء السيارة في الصباح قبل الانطلاق؟
                   |Articles |News |مقالات |بيانات

11-11-2015, 08:04 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    منذ عدة سنين وحتى اليوم، استمر في تنبيه الاصدقاء والجيران والزملاء بالا داعي لتحمية سيارتهم في الصباح - صيفاً او شتاءاً - طالما ان سياراتهم تعمل بنظام الحقن (جمع حقنة)، بالعربي injectors
    لكن حتى الآن لم يستجب احد

    الحقيقة اليومين الفاتن قمت بدراسة على الماشي - قلت اشوف الزملاء في مقر العمل الجديد - زملاء من جنسيات مختلفة - حا يستجيبو للدعوه الجديدة القديمة او حا يصروا على ما وجدو عليه آبائهم واجدادهم
    كلهم اصرو يسخنو عرباتهم قبل الانطلاق - كفر بواح

    اللهم هل بلغت - اللهم فاشهد
                   |Articles |News |مقالات |بيانات

11-11-2015, 08:22 PM

خالد عبدالوهاب

تاريخ التسجيل: 18-01-2013
مجموع المشاركات: 556

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    وتعرفها كيف شغالة بنظام الحقن ولا لا؟

    نظام الحقن ده شنو هو؟
                   |Articles |News |مقالات |بيانات

11-11-2015, 08:26 PM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 17118

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: خالد عبدالوهاب)

    Quote:
    فلتعلم ان هذا غير مطلوب للسيارت التي تعمل بنظام الحقن (injectors)
    الا اذا كنت تهوى اهدار الوقود والزمن


    غايتو عندنا هنا كان ما حميتا حكايتك بتستحمى،
    كان بي حُقن كان بي دِرِب .


    سلآمات يا زول ...
                   |Articles |News |مقالات |بيانات

11-11-2015, 08:48 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: خالد عبدالوهاب)

    لو ما فيها كربريتور معناتا شغالة بنظام الحقن
    بس اوعى تقول لي كربريتر يعني شنو :)

    نظام الحقن ظهر بصورة تجارية في السيارات في التمانينيات - اعتقد ان الغالبية العظمى من السيارات موديل 95 وانت طالع بتشتغل بنظام الحقن !
    على العموم مكنة السيارة بنظام الحقن شكلها بكون كالشكل في الصوره ادناه - لاحظ غطاء المحركة

    mazda-sky-d-gasoline-direct-injection-engine_100229827_l.jpg Hosting at Sudaneseonline.com


    مكنة السيارة بنظام الكاربريتور شكلها بكون كالشكل في الصوره ادناه - برضو لاحظ فلتر الهواء بتاع الكاربريتر
    59.jpg Hosting at Sudaneseonline.com
                   |Articles |News |مقالات |بيانات

11-11-2015, 09:00 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    حتى في درجات الحرارة تحت الصفر ما بتحتاج تسخن المحرك يا ود المدير - تشغل الانجن بلوك هيتر قبل تدوير العربية ومن ثم تنطلق طوالي
                   |Articles |News |مقالات |بيانات

11-11-2015, 09:38 PM

على محمد على بشير
<aعلى محمد على بشير
تاريخ التسجيل: 07-08-2005
مجموع المشاركات: 9081

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    نظام الحقن يعنى العربه بتوصل البنزين لغرف الاحتراق
    بواسطة بخاخات وليس عن طريقة تنقيط بواسطة الكاربريتر
    وهذا يتم فى الدوره رباعية الاشواط ( وهذا راى غير علمى
    ومن الذاكره فقط )

    يا ايمن

    انا بعرف انو نظام التسخين الصباحى هو لارتفاع زيت
    الماكينه من الكارتيل الى راس الماكينه وهذه العمليه
    تستغرف بشكل آمن الى حوالى الدقيقه فقط

    فهل انت تقصد انه لاداعى لانتظار الزيت حتى يرتفع
    الى راس الماكينه و الضغط على دواسة الوقود فور تشغيل
    السياره والانطلاق ام تقصد شئ اخر

    ارجو ان تتبسط فى الشرح ( لطفا وليس امرا )
                   |Articles |News |مقالات |بيانات

11-11-2015, 09:57 PM

سيف اليزل سعد عمر
<aسيف اليزل سعد عمر
تاريخ التسجيل: 11-01-2013
مجموع المشاركات: 8395

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: على محمد على بشير)

    أصلوا ما بسخن المكنة في درجة حرارة 3 درجات فوق الصفر الان.
    مشكلتي تسخين الكابينة وزوبان الثلج من الزجاج.
    مرة وقفني البوليس لكن الله ستر.
                   |Articles |News |مقالات |بيانات

11-11-2015, 10:00 PM

جمال ود القوز
<aجمال ود القوز
تاريخ التسجيل: 25-01-2013
مجموع المشاركات: 3640

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: على محمد على بشير)

    شخصياً عمري ماقاعد اعمل كده ..
    حتى مع عربات الكربريتر ..
    الماعندها ارتباط بي شغلة الحقن الالكتروني للوقود دي ..
    بدق استارتر وبقوم جاري الشارع طوالي ..
    والله إلا تقيف وتبطل ..
    اعتقد الشغله عندها ارتباط ببعض الاشخاص ..
    الفي طبعهم حرص زائد ..
    أو عندهم عدم معرفة ..
    ومستجدين في التعامل مع العربات ..

                   |Articles |News |مقالات |بيانات

11-11-2015, 10:03 PM

على محمد على بشير
<aعلى محمد على بشير
تاريخ التسجيل: 07-08-2005
مجموع المشاركات: 9081

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: جمال ود القوز)

    Quote: ومستجدين في التعامل مع العربات ..


    يا اخوانا انتوا بتتكلموا عن الزيت ولا الجليد والبروده ؟

    التوقيع
    واحد من المستجدين
                   |Articles |News |مقالات |بيانات

12-11-2015, 05:30 AM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: على محمد على بشير)

    Quote: انا بعرف انو نظام التسخين الصباحى هو لارتفاع زيت
    الماكينه من الكارتيل الى راس الماكينه وهذه العمليه
    تستغرف بشكل آمن الى حوالى الدقيقه فقط

    فهل انت تقصد انه لاداعى لانتظار الزيت حتى يرتفع
    الى راس الماكينه و الضغط على دواسة الوقود فور تشغيل
    السياره والانطلاق ام تقصد شئ اخر


    ارتفاع الزيت او طرطشة الزيت بشكل كافي كانت احد اسباب ضرورة احماء العربية في السبعينيات والسنوات قبلها بسبب نوعية الزيوت التي تتجمد في البرودة
    ولكن زيوت المحركات المتوفرة الآن لا تتجمد بالبرودة، وبالتالي ارتفاع الزيت لا يتطلب اكثر من بضع ثواني
                   |Articles |News |مقالات |بيانات

12-11-2015, 09:50 AM

Kamal Abdu

تاريخ التسجيل: 22-02-2007
مجموع المشاركات: 262

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    الأخ أيمن

    السلام عليكم ...

    بالجد كتر خيرك كتير ... كلامك و شرحك دا أزال الكتير من شكوكى ... ليك على من هنا و ماشى حا أعمل بكلامك دا و كمان أستأذنك فى إستخدام المعلومة دى ..

    و إعتبرنى واحد من إحصائياتك الايجابية ....

    تحياتى .......................
                   |Articles |News |مقالات |بيانات

12-11-2015, 03:18 AM

محمد حيدر المشرف
<aمحمد حيدر المشرف
تاريخ التسجيل: 20-06-2007
مجموع المشاركات: 17675

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    ايمن سلامات ..

    عرف احدهم ينزل من شقته عشان يدور العربية ثم يعود للاستحمام والفطور وشرب الشاي ..
    جبت ليهو كتلوج عربيتو من النت ..
    ووريتو انو الوقت المظلوب للحركة بعد تشغيل العربية هو 3 ثواني فقط لا غير ..
    وبرضو مصر بنزل يدور العربية ويطلع يستحنى ويلبس ويفطر عشان ينزل يلقة العربية جاهزة تش !!!!
                   |Articles |News |مقالات |بيانات

12-11-2015, 03:33 AM

خالد المحرب
<aخالد المحرب
تاريخ التسجيل: 14-01-2007
مجموع المشاركات: 5708

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد حيدر المشرف)

    احييك واحى كل المرور نعم هذا صحيح السيارات التى تعمل بنظام البخاخات لاتحتاج الى تسخين
    نحن يا استاذ ايمن تثقفنا على حاجات كتيره مازالت موجوده فى الاذهان
    حتى مع تطؤر هذه الاشياء يعنى حتى الان فى ناس بتشيك على الزيوت
    يوميا الصباح والماء شى كويس طبعا ولكن ماشديد عندنا حاجه كويسه نظافة السياره
    من الداخل والخارج نحن شعب نهتم جدا بنظافة السياره ومكن تعمل الحاجه بنفسك
    وفيها متعه زى رش الحوش وسقاية الزراعه
                   |Articles |News |مقالات |بيانات

12-11-2015, 03:50 AM

Ashraf El Bagir

تاريخ التسجيل: 20-06-2007
مجموع المشاركات: 699

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: خالد المحرب)

    تحتاج لحوالي 40 ثانية لرفع الزيت (حد افصي دقيقة) وهذه العملية مهمة جدا خاصة عند توقف العربة مدة طويلة (اكتر من يوم)
                   |Articles |News |مقالات |بيانات

12-11-2015, 03:52 AM

أبوبكر عباس
<aأبوبكر عباس
تاريخ التسجيل: 04-03-2014
مجموع المشاركات: 6693

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: Ashraf El Bagir)

    هل الرقشة تحتاج لتسخين؟
                   |Articles |News |مقالات |بيانات

12-11-2015, 04:24 AM

Mutaz Diab
<aMutaz Diab
تاريخ التسجيل: 12-10-2015
مجموع المشاركات: 55

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أبوبكر عباس)

    تسخين السيارة أصبح عادة
                   |Articles |News |مقالات |بيانات

12-11-2015, 05:08 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 11142

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: Mutaz Diab)

    يا ايمن ...

    بعض الأماكن هنا في كندا لازم تشبك العربية في الكهرباء طوالي و هي واقفة عشان البلوك هيتر يدفيها عشان تقدر تدورها ..

    حتى في قراش البيت ... تخليها طول الليل مشبوكة في الكهرباء ... ( ود المدير يكلمك ) :)

    بعد داك تنتظر الزيت يرفع شوية حتين تتحرك


    Jan-6-PlugIn.jpg Hosting at Sudaneseonline.com
                   |Articles |News |مقالات |بيانات

12-11-2015, 05:17 AM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: يحي قباني)

    Quote:
    Untitled5.jpg Hosting at Sudaneseonline.com

    شكرا يا عبد العظيم
                   |Articles |News |مقالات |بيانات

12-11-2015, 05:21 AM

نادر النور آدم
<aنادر النور آدم
تاريخ التسجيل: 29-04-2010
مجموع المشاركات: 1125

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: يحي قباني)

    مهندسنا أيمن والحضور الكريم
    بعيدا عن الناحية العلمية في الموضوع، في ناحية عملية مهمة في حكاية التسخين دي انا لاحظت مرات لمن تكون مستعجل وتطلع طوالي بتحس المكنة ما بتكون سلسة كدة في التجاوب والتعشيقات بالذات الاوتوماتيك، لكن لو اديتا دقيقتين تلاتة كدة بختلف الوضع كتير وبتبقى اكتر سلاسة وانطلاق... دا بالنسبة لينا ناس الأجواء المعتدلة والحارة، أما ناس التلج ديل حقو يخلوها مدورة من بالليل ههههههههههههههههه
                   |Articles |News |مقالات |بيانات

13-11-2015, 07:51 AM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: يحي قباني)

    Quote: بعض الأماكن هنا في كندا لازم تشبك العربية في الكهرباء طوالي و هي واقفة عشان البلوك هيتر يدفيها عشان تقدر تدورها ..

    لكن حكايتكم حكاية يا يحي قباني - انا عشت في منطقة كنا بنغطي المحرك بالبطانية عشان تدور الصباح - لكن ظروفكم - موية اللديتر ومية المساحات بيحصل ليها شنو طيب؟
                   |Articles |News |مقالات |بيانات

12-11-2015, 06:12 AM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد حيدر المشرف)

    Quote: رف احدهم ينزل من شقته عشان يدور العربية ثم يعود للاستحمام والفطور وشرب الشاي ..
    جبت ليهو كتلوج عربيتو من النت ..
    ووريتو انو الوقت المظلوب للحركة بعد تشغيل العربية هو 3 ثواني فقط لا غير ..
    وبرضو مصر بنزل يدور العربية ويطلع يستحنى ويلبس ويفطر عشان ينزل يلقة العربية جاهزة تش !!!!


    سلامات يا محمد المشرف

    اصلاً سبب البوست هو قصة مشابهه او في الحقيقة "قصص مشابهه"

    جاري السوداني في المبنى شرحت ليه كم مرة انو تحمية السيارة "لربع ساعة" كل يوم الصباح غير مطلوبة - لكن ابى يشتغل بكلامي نهائيا

    الغريبة برضو طلعت ليه التعليمات من الكاتالوج بتاع العربية بتاعتو بس برضو ما اقتنع بكلام المصنع

    lex2war.jpg Hosting at Sudaneseonline.com
                   |Articles |News |مقالات |بيانات

12-11-2015, 05:50 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1622

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    تحياتي يا هندسة
    الموضوع دا مهم في الشتاء بس اتخيلي ..
                   |Articles |News |مقالات |بيانات

12-11-2015, 06:02 AM

عبد العزيز محمد عمر

تاريخ التسجيل: 16-02-2013
مجموع المشاركات: 2663

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: الطيب عباس)



    حضرت زمن المنفلة يا أيمن ...؟؟؟
                   |Articles |News |مقالات |بيانات

12-11-2015, 06:17 AM

ياسر السر
<aياسر السر
تاريخ التسجيل: 06-08-2010
مجموع المشاركات: 2690

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: عبد العزيز محمد عمر)

    شكرا كثيرا الاخ الباش مهندس ايمن على هذا البوست المفيد والله اليوم الصباح دورت العربية وانتظرت لغاية ما سخنت لكن من بكره بقوم سداري طوالي ههههههههههههه شكرا كتير


    تحياتي : ياسر العيلفون .....
                   |Articles |News |مقالات |بيانات

12-11-2015, 06:17 AM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: عبد العزيز محمد عمر)

    Quote: حضرت زمن المنفلة يا أيمن ...؟؟؟


    يا أخي انا حضرت اواخر عهد المنفلة والحبل كمان - بتعرف نظام الحبل
                   |Articles |News |مقالات |بيانات

12-11-2015, 06:20 AM

بدر المعارف محمد المساعد
<aبدر المعارف محمد المساعد
تاريخ التسجيل: 12-05-2014
مجموع المشاركات: 191

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: عبد العزيز محمد عمر)

    على عكس كلام الاخ المهندس ايمن، سمعت من خلال برنامج يتحدث عن السيارات ، في الشتاء تحديدا ينبغي تسخيل السيارة
    ان شاء الله لمدة دقيقة ، حتى لا تسبب الماء البارد شق في راس المكاينة.

    والله اعلم هذا على حسب ماسمعته.
                   |Articles |News |مقالات |بيانات

12-11-2015, 06:43 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: عبد العزيز محمد عمر)

    سلامات يا أيمن,,

    يا باشمهندس لا بد من قليل من الإحماء ولو لثواني
    كاربوريتور أو إنجكشن لا تفرق وفكرة أنك تدور
    العربية وتضغطا طوالى علي الطريق فكرة غير آمنة
    إذا لم تكن مضطرا...تزييت جيد ضمان لأداء جيد,,
    خاصة في ماكينات الديزل ووجود السخانات وألأتومايزرز,,,

    التكنولوجيا وصلت لوجود تطبيق يمكن عن طريقه تسخين عربيتك
    من قارة أخرى,,

    تحياتى
                   |Articles |News |مقالات |بيانات

12-11-2015, 06:16 AM

Mohammed Awad
<aMohammed Awad
تاريخ التسجيل: 13-11-2009
مجموع المشاركات: 3440

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: الطيب عباس)

    سلامات للجميع

    عن تجربة وبحكم الشغل زمان بسافر كتير جدآ داخل الولايات.. اليوم المسافر فيهو بصحا من النوم وبنقر العربية طوالى وبعد داك بنتهى من برنامج الحمام والصلاة والغيار وهلم جرا بعد داك ببقى مارق. هنا العربية بتكون اخدت ليها اكتر من 30 دقيقة مدورة.
    فى مرة من المرات افتكرت روحى دورتها واخدت حمامي وشربت الشاي ومرقت لقيت روحي مادورت العربية. اتوكلت دورتها ومرقت طوالى... صراحة الفرق بين الأتنين فرق السما من الواطة...
    فى الحالة الأولة العربية سحبها ممتاز جدا وسريعة فى التخطى... فى الحالة التانية العربية سحبها شوية فيهو فرق من الأول وتحس بيها ميتانة...
    الكلام دا بينطبق على الجاز والبنزين بحكم التجربة وكلهم موديلات جديدة... لو رجعتو للمانيوال بيقول ليك 5 دقايق اقل شي مرات

    ومافى زول يجي يقول لي طارة كلتش ومش عارف ايه... بجيب شنطة العدة وبجيكم


    سخنو عرباتكم اسحن ليكم
                   |Articles |News |مقالات |بيانات

12-11-2015, 06:32 AM

عثمان الأمام

تاريخ التسجيل: 17-05-2013
مجموع المشاركات: 845

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: Mohammed Awad)

    نفس كلام الشباب ديل يا أيمن
    ما قاعد أسخن العربية وبتحرك طوالي لكن لاحظت لما اتحرك بعد دقيقتين تلاتة من التدويرة
    العربية بتكون سلسله وصوت الماكينة بكون عادي مازي لما تتحرك طوالي بكون الصوت عالي!!
    رغم إنو في الكتالوج بتاع العربية مذكور ما بتحتاج تنتظر بمجرد لمبات الانذار في الطبلون طفت.

    طبعا" التسخينة ما عندها مضار أعتقد غير ثاني أكسيد الكربون الشوية البطلع في فترة التسخينة على
    حسب كلام الشركة المصنعة.
                   |Articles |News |مقالات |بيانات

12-11-2015, 06:36 AM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: Mohammed Awad)

    Quote: و رجعتو للمانيوال بيقول ليك 5 دقايق اقل شي مرات


    mar1war.jpg Hosting at Sudaneseonline.com


    "احماء السيارة في الصباحات الباردة غير مطلوب وقد يقلل ذلك من الاقتصاد بالوقود"
    من كتلوج البي ام دبليو

    bm2war.jpg Hosting at Sudaneseonline.com

    "ابدا بالقيادة مباشرة دون تاخير، لا تنتظر حتى يتم احماء السيارة وهي متوقفة وابدا في القيادة مباشرة ولكن بسرعة معتدلة فتلك هي اسرع طريقة لوصول درجة حرارة المحرك البارد الى درجة الحرارة الطبيعية"
    من كاتالوج المرسيدس

    الناس العرباتا "كشا مشا" بشوف ليهم كتالوجات عرباتهم
    انت عربيتك نوعها وموديلها شنو - عشان اشوف ليك الكاتالوج
                   |Articles |News |مقالات |بيانات

12-11-2015, 06:28 AM

محمد مجيدو
<aمحمد مجيدو
تاريخ التسجيل: 06-07-2013
مجموع المشاركات: 1946

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    با شمهندس أيمن .. وضيوفك .. سلام

    انا عن نفسي .. بعد تشغيل المحرك ...انتظر قليلا لحين صوت المكينة يصفى وبعدين اترحك ببط ..
    وشكرا على المعلومات القيمه ...

                   |Articles |News |مقالات |بيانات

12-11-2015, 06:51 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 17118

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد مجيدو)

    Quote:
    يا اخوانا انتوا بتتكلموا عن الزيت ولا الجليد والبروده ؟

    يا علي كل زول علي حسب المنطقة العايش فيها، غايتو انا عنهن اللِتنين .

    Quote: حتى في درجات الحرارة تحت الصفر ما بتحتاج تسخن المحرك
    يا ود المدير - تشغل الانجن بلوك هيتر قبل تدوير العربية ومن ثم تنطلق طوالي

    تحت الصفر يعني كم كدا يا ايمن ؟، يا اخي انا محل قاعد المحرك دا زاتو مرات بيحرن
    خليك من يسخن . لآزم يكون عندك ريموت إستارتر عشان تبرمج العربية علي أساس
    كل بعد فترة تدوّر لمدة 15 دقيقة .

    Quote: بعض الأماكن هنا في كندا لازم تشبك العربية في الكهرباء طوالي و هي واقفة عشان البلوك هيتر يدفيها عشان تقدر تدورها ..
    حتى في قراش البيت ... تخليها طول الليل مشبوكة في الكهرباء ... ( ود المدير يكلمك ) :)


    يا قباني والله تدقس تنسى تشبك العربية في الكهرباء الصباح تلقى المكنة دي كلها مجمّدة، بعد دآك لآزم تجر العربية
    لقراش بالشي الفلآني، ؤُ تخليها في القراش لمدة ساعتين بالشي الفرتكاني، ؤُ ينفضوها ليك بالهِيّت تلقى جيبك زاتو
    إتنفض . أما ايام كنا نعيش علي ضفاف نهر المكنزي، وحات الله كنا نخليها مدورة إسبوع كامل وكان دقست
    وقفتها 5 دقايق بعد دآك إلا ترجى الصيف ...
                   |Articles |News |مقالات |بيانات

12-11-2015, 06:33 AM

Ahmed Tuhami
<aAhmed Tuhami
تاريخ التسجيل: 17-08-2015
مجموع المشاركات: 123

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    غايتو في السودان ...................... شركات الوقود مستفيدة من التسخينة دي .....
                   |Articles |News |مقالات |بيانات

12-11-2015, 06:53 AM

نادر النور آدم
<aنادر النور آدم
تاريخ التسجيل: 29-04-2010
مجموع المشاركات: 1125

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: Ahmed Tuhami)

    Quote: حضرت زمن المنفلة يا أيمن ...؟؟؟


    Quote: يا أخي انا حضرت اواخر عهد المنفلة والحبل كمان - بتعرف نظام الحبل



    ديل شنو الكوامر البقينا مبارينهم ديل كمان

                   |Articles |News |مقالات |بيانات

12-11-2015, 07:05 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 17118

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: نادر النور آدم)

    Quote: عثمان قرندى · محاسب في جهات حكومية
    باشمهندس ايمن .. عندى سيارة بيجو لو مارارتفعت حرارتها او شغلتها اقل شئ خمسة دقائق مابتتحرك من محلها .. كان صيف ولا شتاء


    دي عربية تغيانة ساكت ...
                   |Articles |News |مقالات |بيانات

12-11-2015, 07:08 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 17118

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: معاوية المدير)

    Quote: أما ناس التلج ديل حقو يخلوها مدورة من بالليل ههههههههههههههههه


    والله صحي .

    إنت يا نادر الكوامر دايرة تسخينة واللآ بتدوّ ساكت ؟...
                   |Articles |News |مقالات |بيانات

12-11-2015, 07:14 AM

محمد عبد الله الامين
<aمحمد عبد الله الامين
تاريخ التسجيل: 14-01-2013
مجموع المشاركات: 1631

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: معاوية المدير)

    Quote: اتوكلت دورتها ومرقت طوالى... صراحة الفرق بين الأتنين فرق السما من الواطة...
    فى الحالة الأولة العربية سحبها ممتاز جدا وسريعة فى التخطى... فى الحالة التانية العربية سحبها شوية فيهو فرق من الأول وتحس بيها ميتانة...
    الكلام دا بينطبق على الجاز والبنزين بحكم التجربة وكلهم موديلات جديدة... لو رجعتو للمانيوال بيقول ليك 5 دقايق اقل شي مرات


    وده الشي البحصل معاي
    اذا سخنتها عزمها مية مية
    اذا دورت واتحركت طوالي
    عزم ضعيف وميتانه ...
    سخنوو ساااااي ....
                   |Articles |News |مقالات |بيانات

12-11-2015, 07:22 AM

نادر النور آدم
<aنادر النور آدم
تاريخ التسجيل: 29-04-2010
مجموع المشاركات: 1125

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد عبد الله الامين)

    Quote: إنت يا نادر الكوامر دايرة تسخينة واللآ بتدوّ ساكت ؟...



    يا عملك ديل معشقين ترس تقيل السنة كلها ههههههههههههه
                   |Articles |News |مقالات |بيانات

12-11-2015, 07:25 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2345

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    هل المطلوب فعلاً التسخين أو التبريد للانطلاق؟ نعم ولا
    الموضوع من ناحية هندسية يتعلق أكثر بتأثيرات الحرارة على المعادن، متدنية كانت أو عالية، التغير السريع في درجات الحرارة يسبب إجهاد المعادن المختلفة في السيارة (اربعة أنواع على الأقل) فتتمدد أو تنكمش بنسب مختلفة، والمطلوب انتظار وصول درجة حرارتها إلى حدود معقولة يمكن معها إهمال تأثير هذا الإجهاد.

    عند تحميل المحرك بالانطلاق مباشرة نخطيء بمضاعفة تأثير الإجهاد الحراري إضافة للحمولة (هذا يحدث للكوب عند إضافة سائل ساخن فينكسر)، في المحرك ما يحدث ببساطة هو تشققات مجهرية في السلندرات والصمامات والكرنك مع الزمن وفي النهاية تتعطل السيارة بمظاهر تبدأ بالدخان الأبيض وخلط الزيت مع الوقود ثم انكسار الصمام.

    وغض النظر عن طريقة التموين بالوقود، حقن أو سحب، فالمطلوب أن لا يكون المحرك تحت حمولة أثناء تمدد المعدن (أو انكماشه). لذلك فالمحركات الثقيلة (الديزل) أو التوربينية (الطائرات) لا يتم تحميلها قبل تسخينها ولا يتم إطفاؤها قبل أن تبرد نسبياً وتصل لدرجة الحرارة في المدى الذي يحميها من الإجهاد الحراري (thermal fatique).

    في الطائرات والتوربينات الغازية في محطات التوليد الحراري إذا تم إطفاء المحرك سيبرد العمود الموصل للحركة وهو منحني بسبب الجاذبية، وتتلف التوربينة، نفس الشيء يحدث لعمود الكرنك في سيارات الديزل الثقيلة والقاطرات والسفن لذلك نادراً ما يتم إيقافها حتى إذا كانت متوقفة.

    سيارات الركاب (الخفيفة) الحديثة تستخدم مواد جديدة في المحركات ومعادن معالجة بطرق مختلفة لتخفيض أثر الإجهادات الحرارية، من بينها تقليل المعدن في المحرك أو تقليل الحمولة بتخفيض وزن المركبة كلها، أو توزيع الحمولة على أكثر من سلندر.
    ____
    توصيات الشركات لا تخلو من أسلوب ذكي للتسويق، انطلق بسيارتك مباشرة وتخلص منها بعد عام، نبيعك أخرى.
                   |Articles |News |مقالات |بيانات

12-11-2015, 08:02 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حاتم إبراهيم)

    سلامات يا حاتم,,
    Quote: سيارات الركاب (الخفيفة) الحديثة تستخدم مواد جديدة في المحركات ومعادن معالجة بطرق مختلفة لتخفيض أثر الإجهادات الحرارية، من بينها تقليل المعدن في المحرك
    وأبسط مثال علي ذلك قديما كان الTiming Belt عبارة عن جنزير معدني وذلك يتطلب التزييت
    الكافي والآن اصبح غالبا ما يتم تصنيعه من البلاستيك أو السيليكون أو الفايبرز زيادة على تطور
    تقنية التزييت نفسها لكن تبقى الفكرة الأساسية لابد من قليل من التسخين !!!!

    تحياتى
                   |Articles |News |مقالات |بيانات

12-11-2015, 08:11 AM

Mohammed Awad
<aMohammed Awad
تاريخ التسجيل: 13-11-2009
مجموع المشاركات: 3440

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن الطيب)

    Quote: توصيات الشركات لا تخلو من أسلوب ذكي للتسويق، انطلق بسيارتك مباشرة وتخلص منها بعد عام، نبيعك أخرى.

    ادوك الزيت يا أيمن ... تقول لى كشة مشة








    ايمن الطيب... البركة فى الشوفة ياخ
                   |Articles |News |مقالات |بيانات

12-11-2015, 09:20 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: Mohammed Awad)

    Quote: ايمن الطيب... البركة فى الشوفة ياخ


    محمد عوض يا طبنجاتو,,,
    أخبارك وأمورك يا حبيب ,,
    والله البركة في شوفتك أنت زاتك,,

    أبويمن دا كلامو كلو بنزين أنت بتاع جاز بس فما
    تلخبت الإختساسات ياخ
                   |Articles |News |مقالات |بيانات

12-11-2015, 08:27 AM

محمد يوسف طه
<aمحمد يوسف طه
تاريخ التسجيل: 10-01-2013
مجموع المشاركات: 432

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حاتم إبراهيم)

    تحياتي للجميع
    ...................


    Quote: توصيات الشركات لا تخلو من أسلوب ذكي للتسويق، انطلق بسيارتك مباشرة وتخلص منها بعد عام، نبيعك أخرى.


    وده تحديدا الغرض


    برغم ذلك التسخين ما محتاج أكتر من دقيقة الى اتنين (في الظروف الطبيعة)



















    .
                   |Articles |News |مقالات |بيانات

12-11-2015, 08:40 AM

Haytham Ghaly

تاريخ التسجيل: 20-01-2013
مجموع المشاركات: 3145

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد يوسف طه)

    بحكم اني ساكن بعيد من مكان شغلي دايماً عندي شعور اني متأخر عن مواعيد الشغل

    عشان كدا بدور واطلع طوالي


    لو ما كدا كنت حا ادور واخليها تسخن ؤ معاها شوية ابنصات كمان
                   |Articles |News |مقالات |بيانات

12-11-2015, 08:40 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2345

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    هذه التأثيرات لا تحدث في وقت واحد ومن أول قيادة بدون تسخين
    لكنها تبدأ الحدوث وتتزايد مع الوقت

    انكسار الصمام بالإجهاد الحراري عملية شائعة، إما صمام رخيص أو سخونة عالية للمحرك أو مشكلة زيت

    انكسار الصمام

    مكبس (piston) لسيارة سباق، حيث يتم تسريع عملية الإجهاد ليظهر الأثر في ساعات بدل شهور

    تشققات في شاحن تيربو للسيارات السريعة أو الشاحنات
                   |Articles |News |مقالات |بيانات

12-11-2015, 09:07 AM

أيمن الطيب
<aأيمن الطيب
تاريخ التسجيل: 19-09-2003
مجموع المشاركات: 5845

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حاتم إبراهيم)

    الموية الباردة في الحر بتشق الراس
                   |Articles |News |مقالات |بيانات

12-11-2015, 08:43 AM

Badreldin

تاريخ التسجيل: 23-05-2003
مجموع المشاركات: 338

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    سلام اخي ايمن وصباحك خير وبركة....شكرا للمعلومة القيمة ..وعندي سؤال ارجو ان اجد له إجابة عندكم ...سيارتي سنتافى هيونداي 2015 على الطابلون مؤشر يوضح استهلاك الوقود كل 100 كيلومتر البداية كانت ممتازة تقريبا 6litr/100klm
    بعدها بدأ في الارتفاع ليصل القمة اثناء اجازتي السنوية بالسودان ليصل 12.6ltr/100klmقال لي البعض لعدم جودة البنزين هناك واحتوائه على الرصاص ....بعد عودتي للسعودية تحسن الحال قليلا ونزل الى 9.9لكنه ارتفع مرة أخرى الى 11.3ارجو شاكرا توضيح الأسباب والحلول
                   |Articles |News |مقالات |بيانات

12-11-2015, 09:03 AM

قسم الفضيل مضوي محمد
<aقسم الفضيل مضوي محمد
تاريخ التسجيل: 08-01-2013
مجموع المشاركات: 1721

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: Badreldin)

    تسخينة البداية دي ممكن تكون منطقية ولكن الحاجة الما لاقي ليها تفسير هي تسخينة النهاية ...
    نحن السودانيين لما نوقف العربية وقبل ما نبطلها لازم نديها ابنصين تلاتة ونخلي دخاخينا في السماء
    هل من تفسير علمي يا ايمن ولا عوارة مننا ساي كدة
                   |Articles |News |مقالات |بيانات

12-11-2015, 09:29 AM

احمد الشيخ
<aاحمد الشيخ
تاريخ التسجيل: 23-12-2014
مجموع المشاركات: 753

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: قسم الفضيل مضوي محمد)

    شكرا ايمن على البوست المفيد
    تسخين لمدة دقيقة او اقل مفيد
    بس بدون ابنصات
    داير اسأل البنزين العادي والسيوبر هل فعلا بيأثر على المكنة ولا وجاهات ساي
                   |Articles |News |مقالات |بيانات

12-11-2015, 09:32 AM

صبري طه
<aصبري طه
تاريخ التسجيل: 10-08-2009
مجموع المشاركات: 9542

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: قسم الفضيل مضوي محمد)

    Quote: تحتاج لحوالي 40 ثانية لرفع الزيت (حد افصي دقيقة) وهذه العملية مهمة جدا خاصة عند توقف العربة مدة طويلة (اكتر من يوم)


    بل تحتاج إلى 10 ثواني كحد أدنى و 30 ثانية كحد أقصى لرفع الزيت .. ثمّ تسير بها ببطء شديد لمدة 30 ثانية أخرى .. ثمّ تنطلق بها تدريجياً ...


    هذه الإجابة النموذجية



    المصدر: الكلام دا قريتو قبل فترة أعتقد في جريدة سعودية ...
                   |Articles |News |مقالات |بيانات

12-11-2015, 09:30 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2345

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    Quote: وأبسط مثال علي ذلك قديما كان الTiming Belt عبارة عن جنزير معدني وذلك يتطلب التزييت
    الكافي والآن اصبح غالبا ما يتم تصنيعه من البلاستيك أو السيليكون أو الفايبرز زيادة على تطور
    تقنية التزييت نفسها لكن تبقى الفكرة الأساسية لابد من قليل من التسخين !!!!
    توليف درجة الحرارة مطلوب في كل المنظومات الميكانيكية، بما فيها الحنك والأسنان واللسان
    ومثلما تحتاج للتسخين في البداية فأنت تحتاج للتبريد أثناء الحركة.
    وربما تحتاج للتبريد منذ بداية إدارة المحرك كما في سيارات السباق فهذه يخرج منها اللهب منذ بداية التشغيل وبدون تبريد ستذوب في المضمار.
    المؤسف أن كل هذا التطور لم يستفد من طاقة الوقود إلا في حدود 45% والباقي يتحول لحرارة.

    الفيراري والمازيراتي واللامبورجيني هياكلها من الألمونيوم ولن تجد للحديد الصلب مكان سوى بعض أجزاء المحرك الصغيرة، البدن من البلاستيك والفايبر، وتحتاج لمبرد أضخم من المحرك نفسه وفتحات تهوية في أي مكان متاح.

    يحمد لهم أنهم حافظوا على الشكل المألوف للسيارات، صندوق مكعب مثبت فوق أربعة عجلات متساوية في الحجم ومكان للسائق في الداخل.
    ____
    بخصوص الحنك، هسع مش بتبدأ يومك بساخن؟
    ما للضروس، انت قايل شنو.
                   |Articles |News |مقالات |بيانات

12-11-2015, 09:39 AM

صبري طه
<aصبري طه
تاريخ التسجيل: 10-08-2009
مجموع المشاركات: 9542

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حاتم إبراهيم)

    يا حاتم يا حبيب .. إنت راجل مطّلع وأنا عندي الكثير من الأسئلة العلمية .. وكلما وجدت فُرصة سأوجه لك سؤالاً ...

    السؤال الأول:
    ظهرت تقنية النانو ومنها هل بالإمكان صناعة أجسام تُحاكي عملية الضغط الناتج من الحرارة التي تتولد عن طريق الوقود الأحفوري .. بحيث تتحرك المكابس المصنوعة بتقنية النانو بتفاعلها ديناميكياً مع أجسام أخرى مصنوعة بنفس التقنية (النانو) ؟

    يعني زي ما تقول كدا زي تنافر الأقطاب المُتشابهة في المغناطيس ...

    أتمنى أن أكون قد شرحت الفكرة كما يجب ...



    ــــــ

    (عدل بواسطة صبري طه on 12-11-2015, 09:39 AM)

                   |Articles |News |مقالات |بيانات

12-11-2015, 09:50 AM

عبد العزيز محمد عمر

تاريخ التسجيل: 16-02-2013
مجموع المشاركات: 2663

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: صبري طه)

    Quote: ديل شنو الكوامر البقينا مبارينهم ديل كمان


    برينسات يا أبو ندرة .. برينسات ..

    مالك عاوز تبقينا زي كومر ( عم رحمة الله )... كان بيختوا في حتة عالية ... ويدحرجوا..
    لا تسخينة .. لا منفلة ...لا حبل.. لا دفرة ...
                   |Articles |News |مقالات |بيانات

12-11-2015, 09:54 AM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 6924

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حاتم إبراهيم)

    تحياتي يا أيمن والمشاركين

    عملية التسخين دي ما ليها علاقة بالحقن هي مرتبطة بدورة الزيت وعلاقتو بخلوص الشنبر مع جدار السلندر clearance
    عندما تكون الماكينة باردة بكون الشنبر منكمش داخل المجرى في البستون Piston في الحالة دي لما تقوم بسرعة بالسيارة وهي باردة الزيت بمشي في الدورة الافتراضية ليهو وجز منه بمشي بين الشنبر والسلندر لأنو الشنبر ما تمدد كفاية عشان يضيق الخلوص دا لذلك بتشوف دخان أبيض طالع من العادم ودا دخان حريق الزيت دا وإذا استمريت تمشي بالسيارة باردة لمدة شهر (مثلا) حتلقى الزيت ناقص مهما تكون السيارة جديدة لأنو جزء من الزيت ماشي خارج الدورة العادية للزيت وح تخف الماكينة وممكن يتكسر الشنبر.
    عشان كدا التسخين لحدي ما يرتفع عداد السخانة أقل شيء في الخط الأول بشكل أمان للماكينة خصوصا إذا كان في ثيرموستات.

    موش كدا وبس في البرد دائما بتلاحظوا إنو الموية بتنقص بدون مبرر السبب إنو خراطيم الموية بتكون منكمشة وناشفة وغير مرنة وما بتكون ثابتة جيد مع كوع اللديتر والماكينة عشان كدا بتسرب عليه يبقى التسخين لفترة كافية حتمي من كافة الجوانب لحماية المحرك.
    ودمتم
                   |Articles |News |مقالات |بيانات

12-11-2015, 01:24 PM

أحمد ابن عوف
<aأحمد ابن عوف
تاريخ التسجيل: 26-04-2010
مجموع المشاركات: 7610

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حمد عبد الغفار عمر)

    شكرا ايمن

    قريت البوست كامل عشان ما اكرر اجابة زي اجابة اخونا حمد عبدالغفار (كتلها) واجتهاد اخونا حاتم

    لا اعتقد ان الجميع غير متفق على ان التسخين لوقت طويل غير مجدي بل مضر
    في اخر دراسة ان اتسخين لمدة طويلة يصب التوصيلات الكهربائية في السيارة بالتلف نتيجة ال over heating

    على العموم انا بعتمد على ابنص العربية المبرمج، لمن تدور العربية في ابنص اتوماتيك بشتغل برفع دوارن الماكينة في حتة كده بين 1500 و ال 2000 دورة
    بعد دقيقة قد تزيد او تنقص قليلا الابنص برجع لوضعه الطبيعي والاحنا بنسميها "التقسيمة" بتكون تقريبا في 1000 دورة او اقل بقليل جدا

    عندها فقط ابدا التحرك

    تحياتي
                   |Articles |News |مقالات |بيانات

12-11-2015, 01:50 PM

محمد ادريس زمراوي
<aمحمد ادريس زمراوي
تاريخ التسجيل: 04-01-2015
مجموع المشاركات: 229

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أحمد ابن عوف)

    التحية ليك يا باشمهندس / ايمن محمود

    بوست مفيد جدا

    انا غايتو كنت بنزل قبل الاولاد ما ينزلوا ونحن فى طريقنا للمدرسة الصباح مخصوص بنزل بدرى عشان التسخين مرات بحرم نفسى من الشاى او الفطور

    بس انا لازم اتاكد اذا سيارتى من نوع الحقن ول التنقيط

    مع انها موديل 2010م

    تحياتى لك
                   |Articles |News |مقالات |بيانات

12-11-2015, 02:16 PM

ahmedona
<aahmedona
تاريخ التسجيل: 08-01-2013
مجموع المشاركات: 6125

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد ادريس زمراوي)

    م. أيمن محمود .... تحياتي...

    موضوع إحماء السيارات غير ضرور تتم التوعية في إعلانات اليوبي في الشوارع...







    بس الناس مصره تسخن العربات الصباح

    (عدل بواسطة ahmedona on 12-11-2015, 02:20 PM)

                   |Articles |News |مقالات |بيانات

12-11-2015, 04:35 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 12607

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: ahmedona)


    شكراً أيمن وشكراً للجميع،

    شخصياً قنعت من إقناع الناس بعدم ضرورة التسخين، فهم يعتبروني متخلف وفي أحسن الأحوال متفلسف.
    تركتهم في حالهم وبسوق عربيتي بالطريقة الشايفها صحيحة.

    لكن سؤال:
    الكلام الجابوهو ناس قباني وود المدير ده شنو؟
    شايفهم بيوصلوا عرباتهم زي ما بنوصل نحن الموبايل
    عرباتكم هندها شاحن؟
                   |Articles |News |مقالات |بيانات

12-11-2015, 04:45 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 11142

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد أبوالعزائم أبوالريش)

    يابو الريش يا صديقي ...

    الانجكشن و الكربريتر شي ...

    ورفع الزيت للبساتم شي تاني ...

    ياخي درجة الحرارة بتصل مرات ناقص 50 ... لو ما راس المكنة دافي لا بنزين بصل بخاخ لا زيت بترفع ...

    نبوفاوند لاند و المدن الشمالية كاها لو ما شبكت عربيتك بي كبس كهربا عديل حقك راح ...

    انا حسي لما اقرش بره في الشتا هنا في اونتاريو دي ...

    لما تدور الصباح الآر بي ام بيصل 3000 و اكتر ... و العربية لو حاولت تسوقها كده تنطط معاك لو ما التقسيمه هدت شوية و الزيت اخد لفته حول البساتم ...

    لو نسيت قزازة موية من في الليل ... تلقاها اتحجرت الصباح ... :)

    هنا بيع الريموت استارتر كتير جدا عشان الناس بتدور اول تدفي العربية ماكنة و كابينه عشان تقدر تسوقها ...

    الممنوع هنا لو مشيت السوق او أي محل اثناء اليوم و خليت عربيتك مدورة كده بتأذي البيئة ...

    لكن تدوير الصباح مافي زول بسألك ...
                   |Articles |News |مقالات |بيانات

12-11-2015, 05:23 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 12607

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: يحي قباني)


    ده كلو مفهوم يا قباني،

    لكن يشهد الله أول مرة أشوف العربية البيكهربوها من العمود دي

    فهمونا .... هل ده مجرد ملف تسخين عشان يحفظ ماكينة العربية دافية؟
                   |Articles |News |مقالات |بيانات

12-11-2015, 06:51 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 6924

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: محمد أبوالعزائم أبوالريش)

    والله يا أبو الريش حيرتونا إنتو معاكم

    طيب كدي شوفو الفيديو دا



    شايف الفتحات الأربعة الكبار الركبو فيهم البستم (البستون ) ديل والفتحات الصغار الجنبهن ديل

    أها الفتحات الصغار ديل حقات دورة التبريد سواء بالزيت أو الماء زي شغلانة الشرايين والأوردة ودي دوائر التبريد المغلقة زي أورنيك 15 بتاع المالية الزيت والموية بلف فيهن ومافي طريقة يتسرب إلا بوجود خلل في السيارة .
    نجي لتبريد الفتحات الكبار بتاعة السلندر البركب فيهن البستون ومعاه الشمبر
    الشمبر دا دائرة غير مكتملة عشان يكون فيها مرونة تفتح وتقفل محكوم بياي في وسطه وإسمو مخصوص شمبر الزيت
    جدار السلندر تبريدو ما عن طريق الدائرة المغلقة الزيت بجيها من أسفل من الكرتيل مباشرة لما البستم يرفع في الشوط باتجاه رأس المكنة
    طيب مهمة الشنبر هي حبس الزيت وإرجاعه للكرتيل لما البستم ينزل من الشوط لأسفل لو الشنبر كان منكمش والدائرة بتاعتو صغيرة (السيارة باردة) الزيت دا مع ضغط السرعة العالية برشح فوق في الرأس خارج دورة الزيت وما برجع وبحترق مع البنزين أو الديزل في غرفة الاحتراق وبطلع دخان أبيض . دا غير الشنبر لما يكون ما فاتح حركتو ما بتكون منتظمة وممكن يحصل فيهو تآكل أو ينكسر مع مرور الوقت يقول العربية شنبرها بقى خفيف بقت تآكل زيت عشان كدا مع التسخين بسرعة منخفضة ضغط الزيت ما بكون قوي عشان كدا ما بتسرب لفوق لحدي ما الشنبر يتمدد وتزيد الدائر بتاعتو ويقفل الخلوص بين البستم وجدار السلندر بعد داك ممكن تتحرك بالسرعة الانت عايزها .
                   |Articles |News |مقالات |بيانات

13-11-2015, 07:45 AM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حمد عبد الغفار عمر)

    Quote: توصيات الشركات لا تخلو من أسلوب ذكي للتسويق، انطلق بسيارتك مباشرة وتخلص منها بعد عام، نبيعك أخرى.


    لو ان الشركات هدفها انو انت تنطلق بسرعة وتخرب العربية بسرعة وتشتري غيرها - طيب ما تصنع العربية من الاساس بشكل رديئ وتخرب بسرعة وانت تقوم بتغييرها خلال سنة - ليه اللفة الطويلة دي؟!
                   |Articles |News |مقالات |بيانات

13-11-2015, 10:48 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2345

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    Quote: لو ان الشركات هدفها انو انت تنطلق بسرعة وتخرب العربية بسرعة وتشتري غيرها - طيب ما تصنع العربية من الاساس بشكل رديئ وتخرب بسرعة وانت تقوم بتغييرها خلال سنة - ليه اللفة الطويلة دي؟!
    مرحبا أستاذ أيمن، الشركات هدفها الربح بالتأكيد
    لذلك وازنت تلك الشركات بين الغرضين، ففي النهاية يهمها اسمها في السوق وعدم الوقوع في يد القانون (إشارة لحادثتي التويوتا والفولكسفاغن) والتكفل بالتعويض الشخصي والحكومي.

    شركات السيارات بعد دخول منافسين جدد لا يضعون حسابات للمعايير الكلاسيكية (الجودة، الامان، الفخامة) صارت تنتج سيارات من فئات مختلفة وبأسعار في متناول الجميع، عايز السيارة ست الاسم موجودة وبالشيء الفلاني، عايز "الكشا مشا" برضو في وبنفس الاسم المشهور، دي النوعية الرديئة (غالباً بسموها اقتصادية أو شبابية) الممكن ينافسوا بأرباحها الشركات المستجدة في المجال مع المحافظة على السمعة.

    في النهاية، رأيي المتواضع أن استهلاك المنتج واقع لا محالة بالإجهاد الحراري تحديداً والذي تفضل الأخ حمد عبد الغفار بتفصيل بعض مظاهره، لكن أنت من يقرر معدل استهلاك مكونات السيارة.

    الشركات إذا كانت تحرص على المستهلك لغيرت من المبدأ القديم لمحرك الاحتراق الداخلي، فكرة إشعال الحريق داخل علب مغلقة بالتبادل عمرها أكثر من مئة سنة ويعرف الجميع أن هذا الأسلوب كفاءته لا تتجاوز 45% في أفضل الفروض والباقي يذهب هدراً في هيئة طاقة حرارية وصوت واحتكاك.
    _______
    الأخ حمد، الزيت داخل البستم لغرض التزييت فقط، التبريد يكون من خارج البستم "القميص"، التبريد بالزيت يعني ببساطة حرق الزيت وبدل الدخان يطلع بالعادم حيطلع نفس الدخان الأبيض من فتحات أخرى إذا تم استخدامه للتبريد.
                   |Articles |News |مقالات |بيانات

13-11-2015, 12:03 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حاتم إبراهيم)

    Quote: ندي سؤال ارجو ان اجد له إجابة عندكم ...سيارتي سنتافى هيونداي 2015 على الطابلون مؤشر يوضح استهلاك الوقود كل 100 كيلومتر البداية كانت ممتازة تقريبا 6litr/100klm
    بعدها بدأ في الارتفاع ليصل القمة اثناء اجازتي السنوية بالسودان ليصل 12.6ltr/100klmقال لي البعض لعدم جودة البنزين هناك واحتوائه على الرصاص ....بعد عودتي للسعودية تحسن الحال قليلا ونزل الى 9.9لكنه ارتفع مرة أخرى الى 11.3ارجو شاكرا توضيح الأسباب والحلول


    بدر الدين تحياتي
    الكلام بتاع انو نسبة الرصاص عالية في البنزين بتاع السودان صحيح - عشان كده معدل استهلاك البنزين بكون كتير (من ناحية الكم) - لاحظ برضو انو الطرمبات ما بتوضح ليك فئة البنزين ( هل هو 98، 95، 91، ..الخ)، البنزين في السودان غير مصنف.
    البنزين في السودان اسوأ انواع البنزين - عشان كده لما نقارن الاسعار مفروض ننتبه للحته دي.

    انخفاض معدل السير للتر الواحد في السعودية مقارنة بفترة سابقة ممكن يكون بسبب عدة عوامل - منها انخفاض كفاءة المحرك، الشمعات ( بسموها بوجيهات)، فلتر الهواء، حتى مقدار الهواء في العجلات .. الخ
                   |Articles |News |مقالات |بيانات

13-11-2015, 12:14 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    حمد سلامات ومشكور على الاضافات القيمة
    Quote: عملية التسخين دي ما ليها علاقة بالحقن


    زمن الكربريتر كانت البرودة بتسبب عدم كفائته في توزيع نسب الهواء والبنزين بالصورة المطلوبة وده البسبب "الرترته" عند التحرك بالعربية وهي باردة. الآن وبما انو مافي كربريتر" نظام حقن" فبالتالي ما حيكون في مشكلة في الحتة دي.



    معلومة مهمة عايز اقولها برضو " الناس لما تجي تعبي بنزين تحاول قدر الامكان تعبئ الصباح بدري او اخر الليل لما البنزين يكون بارد"
                   |Articles |News |مقالات |بيانات

13-11-2015, 01:45 PM

محمد أبوالعزائم أبوالريش
<aمحمد أبوالعزائم أبوالريش
تاريخ التسجيل: 30-08-2006
مجموع المشاركات: 12607

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    Quote: الشمعات ( بسموها بوجيهات)


    وبنسميها في السودان (البلقات) .... أو (البلكات) sparking plug
    sparkingplug.jpg Hosting at Sudaneseonline.com
                   |Articles |News |مقالات |بيانات

14-11-2015, 05:00 AM

حاتم إبراهيم
<aحاتم إبراهيم
تاريخ التسجيل: 11-08-2014
مجموع المشاركات: 2345

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: أيمن محمود)

    Quote: السؤال الأول:
    ظهرت تقنية النانو ومنها هل بالإمكان صناعة أجسام تُحاكي عملية الضغط الناتج من الحرارة التي تتولد عن طريق الوقود الأحفوري .. بحيث تتحرك المكابس المصنوعة بتقنية النانو بتفاعلها ديناميكياً مع أجسام أخرى مصنوعة بنفس التقنية (النانو) ؟
    ديل تلاتة أسئلة!

    1- نعم يمكن محاكاة عملية الضغط على المكبس باستخدام تقنية النانو، على مستوى الجزيئات.
    2- في حال استخدام الجزيئات تختلف الفكرة تماماً، لاحظ أننا ملزمون بحبس الغاز في علب محكمة في حالة الوقود الأحفوري.
    3- التفاعل الديناميكي هنا يعتمد على القوى الأخرى التي نتجاهلها عادة عندما نعمل على مستوى أكبر مثل التجاذب بين المواد والكهرباء الاستاتيكية.

    إذا كان الغرض توفير قدرة لجعل المحرك يعمل فاستبعد أن يتم ذلك بطريقة عملية يمكن تجريبها على السيارات، فالتركيز في الوقت الحالي على انتاج مواد بخصائص فريدة إضافة إلى تحسين استهلاك بعض المنتجات للطاقة. يعني يمكن مثلاً انتاج سوائل وزيوت للمحرك تعمل على الاحتفاظ بالحرارة داخل السيارة في المناطق الباردة وعلى سرعة تبديدها في المناطق الحارة.

    لاحظ أن الموضوع يدور كله عن الطاقة المطلوبة لتحريك الشخص ونقله من النقطة A إلى النقطة B.
                   |Articles |News |مقالات |بيانات

14-11-2015, 05:09 AM

صبري طه
<aصبري طه
تاريخ التسجيل: 10-08-2009
مجموع المشاركات: 9542

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: حاتم إبراهيم)

    Quote:
    ديل تلاتة أسئلة!

    1- نعم يمكن محاكاة عملية الضغط على المكبس باستخدام تقنية النانو، على مستوى الجزيئات.
    2- في حال استخدام الجزيئات تختلف الفكرة تماماً، لاحظ أننا ملزمون بحبس الغاز في علب محكمة في حالة الوقود الأحفوري.
    3- التفاعل الديناميكي هنا يعتمد على القوى الأخرى التي نتجاهلها عادة عندما نعمل على مستوى أكبر مثل التجاذب بين المواد والكهرباء الاستاتيكية.

    إذا كان الغرض توفير قدرة لجعل المحرك يعمل فاستبعد أن يتم ذلك بطريقة عملية يمكن تجريبها على السيارات، فالتركيز في الوقت الحالي على انتاج مواد بخصائص فريدة إضافة إلى تحسين استهلاك بعض المنتجات للطاقة. يعني يمكن مثلاً انتاج سوائل وزيوت للمحرك تعمل على الاحتفاظ بالحرارة داخل السيارة في المناطق الباردة وعلى سرعة تبديدها في المناطق الحارة.

    لاحظ أن الموضوع يدور كله عن الطاقة المطلوبة لتحريك الشخص ونقله من النقطة A إلى النقطة B.



    تُشكر يا حبيب على الاستجابة بالرد .. وما عدمناك ...
                   |Articles |News |مقالات |بيانات

16-11-2015, 08:35 PM

أيمن محمود
<aأيمن محمود
تاريخ التسجيل: 14-01-2013
مجموع المشاركات: 4692

للتواصل معنا

FaceBook
تويتر Twitter
YouTube


Re: هل تقوم باحماء السيارة في الصباح قبل الان� (Re: صبري طه)

    Quote: كيف تتصرف اذا انفجر احد الاطارات وانت تسير بسرعة عالية ؟؟؟

    تشير الدراسات الي ان ٦٦٪ من حوادث انفجار احد الاطارات بسرعة اعلي من ٦٠ ميل في الساعة ( ١٠٠ كيلو متر ) حوداث مميته وتشير ايضا ان معظمها يمكن تفاديها اذا استطاع السائق التصرف بصورة صحيحة وهذا ما سنتاوله في هذا البوست .

    اولآ : الوقاية خير من العلاج ويجب التعامل مع الاطارات علي انها احد الاشياء التي لا يجب توفير المال فيها لذلك يجب شراء افضل انواع الاطارات والبقاء بعيدآ عن الاطارات ذات الجودة المنخفضة .

    ثانيآ : يجب الاهتمام بضغط الهواء المناسب في الاطارات ومراجعته بصورة دورية مع التاكد من عدم وجود تشققات او انتفاخات ( لاحظ الصور ٣ و ٤ و ٥ ) .

    ثالثآ : لا تتخذ قرار السفر بسيارتك قبل التاكد بان حالة اطارتها ١٠٠٪ .

    اذن كيف نتصرف اذا انفجر احد الاطارات ونحن نسير بسرعة عالية ؟

    تخيل انك تقود سيارتك انت ومعك الاسرة في طريق سريع بسرعة ١٢٠ كليو متر / ساعة وفجأة دوي صوت انفجار قوي تلاه ارتجاج شديد بالسيارة واصدرها لاصوات احتكاك وضجة عالية .

    تجعلك المفاجأة تتصرف بصورة غريزية وتضغط علي الفرامل وتحاول الخروج من الطريق الا ان السيارة تتدور حول نفسها وتنقلب عدة مرات .

    وتنتهي الرحلة السعيدة بنهاية مأساوية وتتحول الي واجب عزاء .

    اسأل الله سبحانه وتعالي ان يحفظنا جميعآ بلطفه ورحمته التي وسعت كل شئ وسوف نأخذ هنا بالاسباب :-

    ١/ النصيحة الذهبية الاولي : قد بالسرعة المناسبة فمهما كنت محترف للقيادة هناك حدود فيزيائية اذا تخطها السيارة يصبح من المستحيل السيطرة عليها .

    ٢/ النصيحة الذهبية الثانية : عند انفجار احد الاطارات حاول ان تبقي هادئآ قدر الامكان وقم بتثبيت المقود بكلتا يديك بقوة .

    ٣/ النصيحة الذهبية الثالثة : وهي الاهم ابقي قدمك بعيدآ عن الفرامل ولا تقم بضغتها نهائيآ .

    ٤/ النصيحة الذهبية الرابعة : ابقي بمسارك ولا تحاول تغيره او الخروج من الطريق ، ابقي علي مسار مستقيم قدر الامكان .

    ٥/ النصيحة الذهبية الخامسة : اذا كانت سيارتك ذات ناقل حركة يدوي قم بتغيير التعاشيق ( السرعات ) للادني تدريجيآ ولاتقم بهذه الخطوة إلا بعد التاكد من انك تسطير علي السيارة جيدآ ( اذا كانت سيارتك ذات ناقل حركة اوتوماتيكي فسوف تقوم بهذه المهمة لوحدها ) .

    ٦/ النصيحة الذهبية السادسة : لا تحمل هم الفرامل فأن السحب ( Drag ) الناتج عن الاطار المنفجر سوف يقوم بمهمة الفرامل وتخفيف سرعة السيارة.

    ٧/النصيحة الذهبية السابعة : عند انخفاض السرعة الي ٥٠ كيلومتر/ ساعة ( ٣٠ ميل ) يمكنك ضغط الفرامل بلطف حتي تتوقف السيارة .

    * اذا كنت ثابت الاعصاب يمكنك تذكر الضغط علي رز التحذير ( الهزر / مجمع / Hazard ) .

    * اذا كنت سائق متمرس يمكنك الضغط علي دواسة البنزين قليلآ ورفع القدم منها بسرعة لان ذلك سوف يساعدك علي التحكم في المقود ( اذا كانت الضغطه خفيفة لن تزيد التسارع ).

    المصدر : Insurance Institute for Highway Safety

    https://www.facebook.com/%D8%AB%D9%82%D8%A7%D9%81%D8%A9-%D9%85%D9%8A%D9%83%D8%A7%D9%86%D9%8A%D9%83%D9%8A%D8%A9-761004930695647/https://www.facebook.com/%D8%AB%D9%82%D8%A7%D9%81%D8%A9-%D9%85%D9%8A%D9%83%D8%A7%D9%86%D9%8A%D9%83%D9%8A%D8%A9-761004930695647/
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de