مبروك سيدي الرئيس نيلكم درجة المجستير والعقبى للدرجة الرفيعة(صورة)

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 23-09-2018, 12:38 PM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-11-2015, 09:07 AM

ود الباوقة
<aود الباوقة
تاريخ التسجيل: 21-09-2005
مجموع المشاركات: 46519

للتواصل معنا

FaceBook
تويتر Twitter
YouTube


مبروك سيدي الرئيس نيلكم درجة المجستير والعقبى للدرجة الرفيعة(صورة)

    08:07 AM Nov, 08 2015
    سودانيز اون لاين
    ود الباوقة-الرياض
    مكتبتى

    نبارك جميعاً لسيدي الرئيس نيله درجة الماجستير من جامعة الجزيرة .. ونؤكد عزمنا على المواصلة والمضي
    قدماً نحو العلا .. وسنجمع كل متقهقري الوطن ونجعلهم سلماً لإعتلاء المجد.


    قفْ أيها الشعرُ بلغ أمةً فينا *** طف واسأل الركب دانينا وقاصينا

                   |Articles |News |مقالات |بيانات

08-11-2015, 09:10 AM

عمر عبد الكريم علي
<aعمر عبد الكريم علي
تاريخ التسجيل: 24-06-2013
مجموع المشاركات: 310

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: ود الباوقة)

    الكلام ده طال عليه الزمان واستطال
    تقريباً قبل سنتين
    بقيت مامتابع أخبار (سيدك) الرئيس كويس
                   |Articles |News |مقالات |بيانات

08-11-2015, 09:11 AM

ادريس خليفة علم الهدي
<aادريس خليفة علم الهدي
تاريخ التسجيل: 11-10-2005
مجموع المشاركات: 5374

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: عمر عبد الكريم علي)

    ود الباوقة اختشي
                   |Articles |News |مقالات |بيانات

08-11-2015, 01:10 PM

Deng
<aDeng
تاريخ التسجيل: 28-11-2002
مجموع المشاركات: 46594

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: ادريس خليفة علم الهدي)

    ود الباوقة أختشي (2)
                   |Articles |News |مقالات |بيانات

08-11-2015, 01:14 PM

سيف اليزل سعد عمر
<aسيف اليزل سعد عمر
تاريخ التسجيل: 11-01-2013
مجموع المشاركات: 9008

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: Deng)

    Quote: الكلام ده طال عليه الزمان واستطال
    تقريباً قبل سنتين
    بقيت مامتابع أخبار (سيدك) الرئيس كويس


    ود الباوقة بقيت تغرف من الواتساب ولا شنو!؟
                   |Articles |News |مقالات |بيانات

08-11-2015, 01:16 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31058

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: سيف اليزل سعد عمر)

    .
    درجة الماجستير في شنو يا ود الباوقة .....؟؟؟؟؟؟؟؟؟؟
                   |Articles |News |مقالات |بيانات

08-11-2015, 01:25 PM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 12607

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: ABUHUSSEIN)

    <sudansudansudansudan41.jpg Hosting at Sudaneseonline.com
    <sudansudansudansudansudan52.jpg Hosting at Sudaneseonline.com
                   |Articles |News |مقالات |بيانات

08-11-2015, 01:37 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15453

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: معاوية المدير)

    هههههههههههههههههههههههههههههههههههههههههههههههههههههههههههههههههههههههه
                   |Articles |News |مقالات |بيانات

08-11-2015, 02:12 PM

muntasir

تاريخ التسجيل: 07-11-2003
مجموع المشاركات: 3441

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: مني عمسيب)

    سحرتني الزرقاء من مارونِ *** إنما السحر عند زرق العيونِ
                   |Articles |News |مقالات |بيانات

08-11-2015, 02:25 PM

عبد العزيز محمد عمر

تاريخ التسجيل: 16-02-2013
مجموع المشاركات: 2713

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: muntasir)

    الماجستير لو ما الواحد بقى زي ( الترزي ) ولا ركب في كرعينو ( مكنة كلب حر )... ما بيخلصو

    دا ماجستير ما أريد به وجه الوطن
                   |Articles |News |مقالات |بيانات

08-11-2015, 02:58 PM

ABUHUSSEIN
<aABUHUSSEIN
تاريخ التسجيل: 14-08-2002
مجموع المشاركات: 31058

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: عبد العزيز محمد عمر)

    اوع يكون عايز يغترب كمان .... ؟؟؟؟
                   |Articles |News |مقالات |بيانات

08-11-2015, 03:49 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12425

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: ABUHUSSEIN)

    ماجستير في البلادة
                   |Articles |News |مقالات |بيانات

08-11-2015, 06:46 PM

عمر التاج
<aعمر التاج
تاريخ التسجيل: 08-02-2008
مجموع المشاركات: 6785

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: يحي قباني)

    منح معهد إسلام المعرفة في جامعة الجزيرة درجة الماجستير في علوم الشريعة للرئيس عمر البشير، الذي قدَّم أطروحته تحت عنوان: «تحديات تطبيق الشريعة في المجتمعات المعاصرة». وقال المعهد إن البشير انتظم في دراسة استمرت ثلاث سنوات.
    نشر في الصحافة يوم 27 - 08 - 2012

    ما تغالطوا ساكت يا معارضين
    الفترة مابين 2010-2012 البشير كان منتظما في الدراسة
    شوفوا الكان حاكمكم في الوقت داك منو؟
    أنا من جانبي لا أكذب ود الباوقة ولكن أسئله بكل عفوية ...
    هي وينا المعرفة العايزين ياسلموها
    ثم وينا الشريعة العايزين يطبقوها
    ثم وينا المجتمعات المعاصرة
    وين الاطروحة وين ..
    ووين الجزيرة ووين
    وين الملايين ... الشعب العربي وين ... ويييين؟







    التعديل: البوست يا اما حارسو سيدي بله إما مسكون، تكتب كلام يظهر كلام تاني بسم الله سبميت

    (عدل بواسطة عمر التاج on 08-11-2015, 08:37 PM)

                   |Articles |News |مقالات |بيانات

08-11-2015, 06:50 PM

Deng
<aDeng
تاريخ التسجيل: 28-11-2002
مجموع المشاركات: 46594

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: عمر التاج)

    سؤال.

    يا جماعة هل ده نفس الماجستير، القال فيه عوض ابراهيم عوض، الرئيس يستحق فيهو درجة الدكتورة ولا ده ماجستير تاني كمان؟؟
                   |Articles |News |مقالات |بيانات

08-11-2015, 06:58 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7478

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: Deng)

    ود الباوق أصلك ما تختشي وحدنا الدكتوراة

    سجن سجن غرامة غرامة
                   |Articles |News |مقالات |بيانات

08-11-2015, 07:13 PM

امين علي الشيخ
<aامين علي الشيخ
تاريخ التسجيل: 21-08-2012
مجموع المشاركات: 320

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: حمد عبد الغفار عمر)

    ههههههههههههههههههههه
    غايتو يا ود الباوقة مافي زول لديه مثل قدرتك لقنطرة الرئيس
    للشوت مثل ما تفعل 😂😂😂
    والله انا لو منو أعتقلك وامنعك من الكتابة
    زول بشتن الرئيس ذيك مافي 😂😂😂😂😂
    تلات باللاي العملتو فيهو بي بوستاتك عايز ليهو
    لجنة 😂😂
    ثم تحياتي
                   |Articles |News |مقالات |بيانات

08-11-2015, 09:55 PM

خضر الطيب
<aخضر الطيب
تاريخ التسجيل: 24-06-2004
مجموع المشاركات: 6432

للتواصل معنا

FaceBook
تويتر Twitter
YouTube


Re: مبروك سيدي التعيس نيلكم درجة المجستير وال (Re: امين علي الشيخ)

    https://www.0zz0.com


    والله الزول العامل عيونو ذي ضب الادبخانات دا اصلو ما بختشي يا ود المدير :)
                   |Articles |News |مقالات |بيانات

08-11-2015, 10:43 PM

يحي قباني
<aيحي قباني
تاريخ التسجيل: 20-08-2012
مجموع المشاركات: 12425

للتواصل معنا

FaceBook
تويتر Twitter
YouTube


Re: مبروك سيدي التعيس نيلكم درجة المجستير وال (Re: خضر الطيب)

    يا عمر ...

    الرؤساء بمنحوهم دكتوراه فخرية عادةً ...

    ناس الجزيرة ديل استخسروها فوقه ولا شنو ؟
                   |Articles |News |مقالات |بيانات

09-11-2015, 03:16 AM

Elhadi

تاريخ التسجيل: 06-01-2003
مجموع المشاركات: 4495

للتواصل معنا

FaceBook
تويتر Twitter
YouTube


Re: مبروك سيدي التعيس نيلكم درجة المجستير وال (Re: يحي قباني)

    البشير شهادتو كترت شايف..

    فهو سابقاً قد نال شهادة الـ ICC أو الـ ICCt انترناشونال في لاهاي الهولندية



    ــــــــــــــــــــــــــــــــــــــــــــــــــــ

    لكن ضب الأدبخانات دي بالغت فيها يا خضر
                   |Articles |News |مقالات |بيانات

09-11-2015, 04:12 AM

Elhadi

تاريخ التسجيل: 06-01-2003
مجموع المشاركات: 4495

للتواصل معنا

FaceBook
تويتر Twitter
YouTube


Re: مبروك سيدي التعيس نيلكم درجة المجستير وال (Re: Elhadi)

    Quote: يا جماعة هل ده نفس الماجستير، القال فيه عوض ابراهيم عوض، الرئيس يستحق فيهو درجة الدكتورة ولا ده ماجستير تاني كمان؟؟


    ياهو نفسو يا دينق... لكن أب عمم ديل مغطين عنوان الرسالة التقول خجلانين منها (تحديات تطبيق الشريعة في المجتمعات المعاصرة ) ... شفتا كيف ؟؟

    ــــــــــــــــــــــــــــــــــــــــــــــــ

    أما بمناسبة " البروف " عوض إبراهيم عوض.. فكدي بما إنو ود الباوقة ما ظنيت يرجع تاني للبوست المهبب ده... فكدي هاكم اسمعوا الفيديو التحفة ده



    شفتوا كيف :)
                   |Articles |News |مقالات |بيانات

09-11-2015, 05:17 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1805

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: ود الباوقة)

    يا بق بق انت بتهبل بي تاج راسك وسيدك دا هههههههه كده

    ولا انت قاصد ..؟
                   |Articles |News |مقالات |بيانات

09-11-2015, 05:46 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15429

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: الطيب عباس)

    وقتها كتب الدكتور عمر القراي
    شهادة الرئيس وشهادة المتملقين
    Quote: د. عمر القراي

    ( ستكتب شهادتهم ويسألون) صدق الله العظيم

    لو ان الرئيس عمر البشير، قد حصل على درجة الماجستير، في أي علم من العلوم، لما اقمنا وزناً لهذا الخبر، ولما علقنا عليه ..
    ففي عهد الانقاذ، ومع استشراء الفساد العام، وتدهور التعليم، اخذت شهادات الدكتوراة، توزع بلا حساب على عناصر المؤتمر الوطني،
    ممن هم دون الرئيس ببعيد .. فكل من اصبح، لولائه الحزبي، مسؤولاً كبيراً، وهو عاطل من أي كفاءة، وجاهل بكل شئ، وخال من جميع المناقب،
    منح الدرجة العلمية، بواسطة زملائه الذين عينوا سياسياً في قمة الجامعات، ليقوموا بهذا الغرض، من ضمن اغراض اخرى،
    في طليعتها منع الطلاب من الثوة على النظام، ولو عن طريق تجهيلهم، وابعادهم، والتحيز لطلاب المؤتمر الوطني ضدهم، والاستعانة بالأمن للاعتداء عليهم،
    داخل الحرم الجامعي، وحرمانهم من ممارسة نشاطهم المعارض للسلطة. واعضاء المؤتمر الوطني، حين يمنحون بعضهم الشهادات العلمية،
    ويوثقونها في مكاتب الدولة، يعتبرون ذلك من ضمن التمكين، الذي طردوا به آلاف الموظفين، واحتلوا اماكنهم، دون كفاءة، واعتبروا قطع ارزاقهم، من الصالح العام.

    على أن الخبر استحق الوقوف عنده، لأن الماجستير الذي ناله السيد الرئيس، كان عن اطروحة بعنوان (تحديات تطبيق الشريعة في المجتمعات الاسلامية )!!
    ولأن الجامعة التي منحته تلك الدرجة العلمية، ليست الجامعة الإسلامية، أو جامعة القرآن الكريم، أو كلية الاتصال بقرية فداسي بالجزيرة،
    والتي سجل لها الطلاب على انها كلية اتصالات حديثة، فوجدوا انها معهد ديني، وان الاسم يعني الاتصال بالله، عن طريق دراسة الفقه !!
    وإنما منحته الدرجة العلمية، جامعة الجزيرة العريقة، التي كان على قيادتها، اساتذة أكفاء، ومواطنون شرفاء، مثل بروفسير عبد الرحمن العبيد،
    وبروفسير عصام عبد الرحمن البوشي، فإذا انحدرت مؤسسة عريقة بهذا المستوى، الى هذا القاع، فكم من التردي حاق بهذا الوطن السليب ؟!
    ولما كان الموضوع سياسياً بالأساس، فقد أعلن الخبر السيد مدير جامعة الجزيرة، واشادة بالرسالة، رغم ان هذا ليس مجال تخصصه !!
    ولما كان في ذهنه تساؤلات الناس، واستنكارهم، فقد سارع بالتأكيد على ان الرئيس قد استوفى المستلزمات الاكاديمية المطلوبة !!
    وهذا يعني فيما يعني، حضور المحاضرات، لو كانت الدرجة قد منحت عن طريق الكورسات.. أوالتفرغ للبحث، لو كانت عن طريق البحث،
    وكل هذا لا يمكن تصديقه، لأن مهام الرئيس، وواجباته، لا تسمح بالفراغ، الذي يمكنه من الدراسة والبحث، وهذا هو السبب،
    في ان الناس لا يحصلون على الدرجات العلمية، بعد ان يصبحوا رؤساء دول !! ولو صدقنا كلام مدير الجامعة، لكان فيه إساءة بالغة للرئيس ..
    لأنه ترك مشاكل الوطن المشتعل بالحروب، والملئ بالقوات الاجنبية، وترك هموم الشعب الثائر، الذي ملأ الشوارع بالمظاهرات،
    والتردي الاقتصادي المريع، والارتفاع الجنوني في الاسعار، واستشراء الفساد، الذي اصبح يتحدث عنه حتى اعضاء المؤتمر الوطني،
    الدبابين، أمثال اسحق فضل الله، ترك كل ذلك ليتفرغ للكتابة عن تطبيق الشريعة، الذي عجز عنه عملياً، وأدت محاولاته الفاشلة،
    الى تقسيم الوطن، واشعال اطرافه بالحروب، وتفاغم كل هذه المشاكل، التي عجزت الدولة، وهو على قمتها، من حلها..
    ومن عجب ان مدير الجامعة اضاف بان الرسالة متميزة، لأنها جاءت من واقع تجربة عملية !! ( راجع الراكوبة -1/9/2012).

    لو ان مواطناً، سودانياً، واحداً، لا يحق له ان يمنح درجة علمية، بخصوص تطبيق الشريعة الإسلامية، لكان ذلك المواطن، هو السيد عمر حسن البشير !!
    وذلك لأنه المواطن الوحيد، الذي حكم لأكثر من عشرين عاماً، ثم لم يستطع تطبيق الشريعة !! ولو كان يفهم الشريعة ومقاصدها،
    ويفهم اشكالات تطبيقها في المجتمع المسلم المعاصر، لتجاوز تلك الاشكالات، واستطاع ان يطبقها.. أو لعلم من معرفته النظرية، التي منح بسببها الدرجة العلمية،
    وتجربته العملية المكللة بالفشل، ان الشريعة لا يمكن تطبيقها اليوم، ولذكر ذلك في الواقع، وخلص اليه في بحثه !! ولكن الرئيس البشير جاء بانقلاب عسكري،
    ولم يبين لنا حكم الانقلاب في الشريعة، أهو موافق لها أم مخالف لمبدأ الشورى؟! ثم صعّد الحرب في الجنوب، وادعى انها جهاد، لأن حكومته تطبق الشريعة،
    التي يكون الجهاد ضد الكفار من تبعاتها، وبعد ان قتل آلاف الشباب المضلل باسم الشريعة، في احراش الجنوب، قام البشير بمصالحة الحركة الشعبية،
    وعيّن زعيمها المسيحي المرحوم الدكتور جون قرنق النائب الأول لدولة الشريعة، ورفعه فوق نائبة الاسلامي العريق، السيد علي عثمان محمد طه !!
    ولم يخبرنا البشير عن حكم الشريعة في ذلك، خاصة وان تجربة تطبيق الشريعة، معلومة، وموثقة، فقد صالح النبي صلى الله عليه وسلم اليهود في المدينة،
    فهل كان من الممكن، ان يعين حيي بن احطب اليهودي نائباً له، فوق ابوبكر الصديق رضي الله عنه؟!
    لو لم تكن مهزلة منح الرئيس الماجستير، مسرحية سيئة الاخراج، لسأله احد الممتحنين : لقد ذكرت بعد تجربة عشرين سنة من الحكم،
    وبعد انفصال الجنوب، انك سوف تطبق الشريعة الآن، وإنما كان مطبقاً من قبل، شريعة ( مدغمسة).. فمن الذي (دغمس) شريعة الله ؟
    وهل كان وجود الجنوبيين مبرراً شرعياً يجوز تلك (الدغمسة) ؟! وإذا كنت بحسب اعترافك لم تطبق إلا الشريعة (المدغمسة)،
    فهذا هو مجال خبرتك، فكيف تحضر الآن، رسالة ماجستير من واقع التجربة، عن الشريعة الصحيحة ؟! لو كان في الممتحنين، عالم حقيقي،
    يشرف لقبه، لسأل الرئيس : ما هي النتائج العملية الماثلة لتطبيق المشروع الحضاري، الذي قام على الشريعة الإسلامية ؟!
    هل تحسنت أخلاق الناس؟! هل عم الخير والرخاء ؟! هل زادت الدولة قوة، ومنعة، وانتصرت على اعدائها واسترجعت حلايب والفشقة ؟!
    أم ان اجزاء من دولة الشريعة، تقع الآن، رغماً عنه، تحت سيطرة القوات الدولية ؟! ثم ألم يحلف الرئيس بالطلاق،
    انه لن تدخل قوات دولية السودان، وإنها لو دخلت للبس الزي العسكري، وحاربها بنفسه ؟! هل كان كل هذا الكذب من ضمن تطبيق الشريعة ؟!

    وفي حادث جلد فتاة الفيديو الشهير، تحدث السيد الرئيس في أحد لقاءاته، معلقاً على تصريح مدير الشرطة، بأنه سيتم تحقيق فيما حدث،
    فقال (تحقيق في شنو ؟ دا تطبيق حد من حدود الله)، وكرر هذا الكلام، في لقاء تلفزيوني مع احد الفضائيات !!
    ولقد جلدت فتاة الفيديو خمسين سوطاً، ومعلوم بانه ليس هناك حد يتم فيه الجلد خمسين جلدة، فلا يمكن ان يكون جلدها قد تم حداً !!
    فإذا كان السيد الرئيس لا يعرف هذه الابجديات، فهل يمكن ان يكون قد عرف اشكالات تطبيق الشريعة ؟!
    ثم هل كانت الشريعة قائمة حين جلدت فتاة الفيديو ؟! هل كان السارق يقطع، والزاني المحصن يرجم ؟!
    أم كان نائب رئيس الجمهورية القائد سلفا كير ميارديت المسيحي ؟! وإذا عجز الحاكم عن تطبيق جميع الأحكام،
    على جميع المواطنين، فهل يصح ان يطبق بعضها، ويترك بعضها، فيؤمن ببعض الكتاب، ويكفر ببعض ؟!
    ثم يكافأ على كل هذه التحريف والتشويه للشريعة، بأن يمنح درجة الماجستير في تطبيقها ؟!

    وكأن تملق اساتذة جامعة الجزيرة، وتدليسهم، لا يكفي، فكتب د. حسن التجاني احمد
    (اشهد اني كنت أحد الذين تشرفوا بحضور مناقشة رسالة الماجستير التي قدمها الباحث السوداني عمر حسن احمد البشير ...
    هذه رسالة قوية محكمة تم اعدادها بصورة متأنية دلالة على إلمام الباحث بمشكلة بحثه الحقيقية وهذا مربط الفرس.
    الباحث هو رئيس الجمهورية السوداني الذي شقت سمعته الطيبة كل ارجاء المعمورة لم يشعر احد في لجنة المناقشة
    بهذه الصفة وقد ظهر في هذه اللجنة بصفة الطالب فقط يتلقى التوجيهات العلمية ...)(الأهرام اليوم 28/8/2012م).
    ولأن الله اراد فضح هذا المتملق، فقد قال( من طرائف المناقشة كان الباحث قد اسهب في شرح فكرة بحثه واخذ زمناً مقدراً
    هذا لا نمنحه نحن الباحثين عند المناقشة فهمس لي احد الحضور في اذني : الراجل من اللجنة يوقف الرئيس حسب ضوابط اللجنة
    فقلت ضاحكاً لا يستطيع أحد فقط لان إلمام الباحث بفكرته مقنع لأن نسمع وتسمع اللجنة دون مقاطعة ) !! (المصدر السابق).
    ولو كان هذا الدكتور نفسه مؤهلاً بالقدر الكافي، ولو كان على علم بأسس مناقشة الاطروحات العلمية، لعرف ان إلمام الباحث بموضوعه،
    وتعبيرة الجيد عنه، ليس سبباً، يمنع اللجنة من ايقافه إذا اسهب .. بل ان من يملك موضوعه حقاً، لا يحتاج الى الإسهاب،
    لأنه يستطيع ان يعبر عن فكرته بقوة، في الوقت المحدد الذي نصت عليه اللوائح. ولكن السبب الحقيقي، في ان اللجنة لم توقف الرئيس،
    هو ما عبر عنه الشخص الآخر، وهو خوف اللجنة من الرئيس، والطمع في رضاه .. وهو ما من اجله أعطته الدرجة التي لا يستحقها،
    على حساب الحق، والأمانة العلمية، ومكانة الجامعة العريقة.

    ولم يكتف هذا الدكتور العجيب، بما كشف لنا من تلك المهزلة، بل أظهر المزيد حين قال
    (حين انتهى السيد الباحث من طرح فكرته اشار الاعلامي البروفسير عوض ابراهيم عوض شكراً للباحث المتميز
    عمر حسن فابتسم الرئيس ابتسامة عريضة واشار للحضور باصبعه على البروف في كناية منه مازحاً
    بصورة ضحك لها الحضور جميعاً " خلاص بدينا كسيير تلج" )(المصدر السابق). فالرئيس وان بدا مازحاً،
    إلا انه اعتبر ثناء د. عوض ابراهيم عوض عليه، نوع من التملق، وسماه " تكسيير تلج" وهو فعلاً كذلك، والتملق،
    والإنتهازية ليست جديدة على عوض ابراهيم عوض، منذ ان كان مذيع نميري، الذي يعلن باسمه تقتيل، وتكفير معارضيه !!
    فهاهو قد أصبح في ركاب الانقاذ، بروفسيراً واساتذته لم يحصلوا على هذه الدرجة .. ماذا قال د. عوض ابراهيم عوض،
    بعد ان وصفه الرئيس بالتملق؟! يواصل الدكتور حسن فيقول (البروف عوض طالب اللجنة ان يضيف السيد الباحث فصلاً
    آخر للبحث وان تمنحه اللجنة درجة الدكتواره الا ان اللجنة رأت ذلك غير ممكن)!! وعوض حين اقترحه، يعلم انه غير ممكن،
    ولكن ذلك لا يهمه، المهم هو رضا الرئيس عنه، وهو يفكر في منصب اعلى مما هو فيه الآن !!

    اللهم ان هؤلاء رجال لا يرعون لله عهداً ولا ذمة، ولايشرفون الشعب السوداني، بل لا يشرفون أهلهم وذويهم،
    الذين يقتلون الآن في دارفور، وكردفان، والنيل الأزرق، ويتضورون جوعاً في الخرطوم، ويشردون من قراهم في الشمالية،
    وتباع مشاريعهم في الجزيرة، وتفتك بهم الفيضانات والامراض في الشرق، ثم تأتي الجامعة، التي أنشأها هذا الشعب المنكوب،
    فتتغاضى عما جرى له، وتشيد بجلاديه، وتمنحهم الدرجات العلمية، جزاء على الموبقات التي ارتكبوها. وتغطى هذه المهزلة،
    بشهادة دكاترة متملقون، لا هم لهم غير إرضاء الحاكم، وتجنب غضبه، والطمع فيما يعطي من حطام الدنيا، ولو تم ذلك بشهادة زور،
    سيسئلون عنها، في يوم تجف من هول سؤاله اسلات الألسن.

    د. عمر القراي
    [email protected]

                   |Articles |News |مقالات |بيانات

09-11-2015, 05:52 AM

عبدالله عثمان
<aعبدالله عثمان
تاريخ التسجيل: 14-03-2004
مجموع المشاركات: 15429

للتواصل معنا

FaceBook
تويتر Twitter
YouTube


Re: مبروك سيدي الرئيس نيلكم درجة المجستير وال (Re: عبدالله عثمان)

    التعليقات

    #476755 [الدكتور]
    0.00/5 (0 صوت)
    09-24-2012 11:08 AM
    يعيش التاليم الالىىىىىىىىىىىىىىىىىىىىىىىىىىىىىىىىىىىى
    دى حكومة الكاترة والبشير احسن منهم فى شنو ؟ زول على راس حكومة كلها دكترة هو يقعد سااااااااى
    468353 [محمد سعيد]
    00/5 (1 صوت)
    09-14-2012 02:28 PM
    بصراحة لم يعجبنى التجريح والسباب للرجل التى ربما قد يستسيغها من تعود على ادبيات نشرة "الراكوبة"
    لكننى كنت اتمنى ان ارى نقدا علميا للبحث نفسه وهل البحث منقول أو كتب له بواسطة شخص* ومحتويات البحث
    اذا كنت قد اطلعت عليه ، والمآخذ العلميه عليه وهل يستحق هذه الدرجة العلمية أم لا؟ كما ان تهجمكم على المؤسسات العلمية
    فى بلدنا غير موضوعى وفيه ظلم كبير لهذه الجامعات ورجالاتها. المقال "نفسه حار" ويشتمل على كثير من الانفعال
    و العموميات ويا ليت نقرأ لاخونا د. القراى تناول ونقد منهجى لموضوع هذه الرسالة فى المستقبل بعد اطلاعه عليها!
    63943 [الوافر ضراعو]
    0/5 (0 صوت)
    09-09-2012 12:46 AM
    المشير عايز يأّمن مستقبلوا يا جماعه ، طيب بعد ما تشيلو (الكتاحة) ويلقى نفسو (ام فّكو) ، حيمشي وين ؟؟ ناس قطبي و العتباني
    ومصطفى اسماعيل دكاترة وعندهم جوازات كندية وبريطانية ، رئيسكم ده يمشي وين ؟؟؟
    الراجل شاف انو النياشين و المشيرية حقتو دي ، ما حتنفعوا وما حتأكلو عيش ، يعني لازم يدعم نفسو بي شهادة ، ناس عصام البشير و عبدالحي بلقوا ليهو (عقد) في الخليج ، وعشان كدى الراجل مشى صلّح حلقومو وظبّط امورو
    يعني عايزين الزول يركب حنطور زي مبارك ولاّ يمشى زي زين العابدين ونميري يقعد عاطل ساي و ياكل من سنامو ويبيع دهب الوليّه ، هسي انتو بترضو لرئيسكم الكلام ده ؟؟




    #463921 [بكرة احلي]

    70837.jpg Hosting at Sudaneseonline.com











    0.00/5 (0 صوت)
    09-08-2012 11:48 PM
    تسلم د.عمر القرائ على الكلمات الفي الصميم ده والله ريحتنا وياريت نشوف ليك مقال كل يوم




    #463699 [أوكامبو]











    0.00/5 (0 صوت)
    09-08-2012 03:53 PM
    برضو ما بحلك من المحكمة الجنائية الدولية و أرجى الجاياك يا بتاع الماجستير المزور




    #463690 [خالد محمد]











    0.00/5 (0 صوت)
    09-08-2012 03:33 PM
    استاذى الفاضل اضيف لمقالتك الثرة بعضا من مخالفة الحكومة للشريعة فى حادثة فتاة الفيديو سواء القضائية
    او الشرطة ومن بعدهم امير المؤمنين ،، الجلد وحسب القانون تكون المراة قاعدة وداخل القاعة ولا يحضر احد من الرجال غير القاضى وتجلدها امراة وهذا ايضا وارد فى لائحة كيفية تنفيذ العقوبة ثم يكون مفرقا على غير المواضع المهلكة وبسوط متوسط الحجم وغير مبرحا ، القضائية تعلم تماما وقد نشرت بيانا اعترفت فيه بالخطأ وهو خطأ متعمد من القاضى يستوجب محاكمته مثله ممثل الفتاة لان الجريمة تنقسم لجناية وجنحة ومخالفة وهى عموما تكون نتيجة قصد جنائى من المتهم وسبق وان اوقفته من العمل ونقل لغرب السودان ثم اوقف بعد نشر الفيديو واعيد لعمله بعد التصريح الذى جاءه من اقوال الحاكم ،، حقيقة ان كان يعلم الرئيس هذه الاشياء الشرعية وسكت عنها فلا يجوز له ان يقدم ماجستير فى الشريعة لانصراف النية الى عدم التدين واتباع منهج الشرع وان كان لا يعلمها وهو الاصح فلا اعتقد انه وصل مرحلة يمنح فيها درجة الماجستير فى الشريعة ،، ثم ما علاقة عوض ابراهيو وهو المتخصص فى الاعلام بالشريعة ثم هل يجوز وحسب قانون التعليم العالى السماح للبشير وهو عسكرى لم يحرز درجة البكالوريوس او الدبلوم العالى فى اى علم ان يمنح الماجستير ،، اسالوا احمد على الامام وجلال الدين محمد عثمان رئيس القضاء فهم من يقوم بتدريسه اصول الفقه والميراث ،، حسب قربى من جلال كقانونى فهو حتى الان لم يكتب اى سابقة قضائية وهذا امر اخر نتناوله فى امر القضاء وظلم العباد وما حادثة فتاة الفيديو ببعيدة ،، شكرا لانك اوفيت واديت الامانة دكتور القراى ،،




    #463641 [حسكنيت]











    0.00/5 (0 صوت)
    09-08-2012 02:06 PM
    غبت عنا كثيرا يا دكتور..فلا تحرمنا من مقالاتك الثرية




    #463607 [مستاء من النظام]











    0.00/5 (0 صوت)
    09-08-2012 01:04 PM
    هؤلاء ادخلوا التزوير في الشهادات بصورة واضحة الرئيس ومدير الجمارك وما اشبةاين شهادات الجامعات لهولاءديل اصلوا ماقرو جامعة منهم قرا في معهد 6شهور خارج السودان وبقدرة قادر عمل دكتوراه سمعنا في السابق الجامعة بتاريخ زمني هل يعقل جامعة الازهري والقران الكريم توزع شهادات بهذا الكم عجبي.




    #463581 [باسطة]











    0.00/5 (0 صوت)
    09-08-2012 12:20 PM
    أنا ليهم بقول كلام قسموها و صقيرها حام

    كل حاجة قسموها و كل واحد أخذ نصيبو، طبعاً لا يعلم هؤلاء أن العلم لا يقسم، و لو كانو يعلمون و لو كان هو نفسه يعلم لقام بتجميد هذه الدراسة لحين إنقضاء باقي السنوات المتبقية في حكمه ثم بعد ذلك يقوم ببحثه و يقدم رسالته من كوبر و لا من لاهاي و لا من أي ترب قريبه على كل حال نقول أن القلم لا بزيل بلم و موصها و إشرب مويتها..




    #463540 [الضائع]











    0.00/5 (0 صوت)
    09-08-2012 11:27 AM
    والله يا دكتور الفراي ربنا يحفظك لينا سالم ويبعد عنك الاذى
    واكتر شيئ ملفت في مقالاتك انها بتورينا انك متابع وانت لااااازم تتابع ومتابعتك دقيقة جدا ودا شي مطمنا لاننا محتاجين للزيك كلهم لازم يتابعو الحاصل عشان يكشفوا الحقائق للشعب ولك مني كل الشكر والتقدير




    #463477 [sabra150]











    0.00/5 (0 صوت)
    09-08-2012 10:04 AM
    والله عجب ؟؟ ماتستحوا !!! يأساتذة آخر زمن ؟؟ هو وأمثاله فاقد تربوي دخلوا بعضلاتهم وضعف إستيعابهم !! ليكون إداه لتنفيذ الأوامر مهما كانت حتى لو (فنكس ) ويستحق دكتواره في الكذب والبذاءه ولف البنقوا والرقص الماجن الخليع، وهذه الشهادة سوف نعطيها له أمام الخالق يوم الحسرة والندامة ونحن شهداء ذلك ، وعوض إبراهيم عوض هو مثل كبيرهم الذي علمهم السحر (الروح الطاهرة في الجسد الفاسد ) عجبى للمهازل التى شهدناه من المتسودنين شذا الأفق




    #463371 [سودانى شديد]











    5.00/5 (1 صوت)
    09-08-2012 04:12 AM
    شكرا دكتور القراى على المقال الرصين و انا متأكد انه مقالك ده بس احسن من ذلك الماجستير المزعوم. أحب دائما قراءة ما بين السطور ، لماذا لم يتقدم البشير برسالة ماجستير طوال سنين حكمه ال 23+؟ أظن أن ذلك لديه صلة بمؤتمر الحركة الآل كابونية (الإسلامية سابقا) القادم لأن البشير لديه الرغبة (على ما أظن) لتولى كرسى الزعامة و ترك مقعد الرئاسة على شاكلة (خامنئى فى إيران) و ما أدراك ما (مصلحة تشخيص النظام).
    أما الدكتور / عوض إبراهيم عوض (شفاه الله) فأرجو منه أن يذهب سريعا لمقابلة أى طبيب نفسى حتى لا تتدهور حالته أكثر من ذلك.

    (كتمت)




    #463344 [أستاذ جامعى غلبان]











    5.00/5 (1 صوت)
    09-08-2012 01:36 AM
    ماتستبعدوا بكره عوض إبراهيم عوض يكون بروفسير ممتاز Professor Emeritus من جامعة كسير التلج دى!!!




    #463327 [سمبر]











    5.00/5 (1 صوت)
    09-08-2012 12:28 AM
    وين النسخه الالكترونبه يا سيدى الريس الرجاء نشر الرساله لعموم الفائده




    #463309 [واحد فرحان]











    5.00/5 (1 صوت)
    09-07-2012 11:38 PM
    والله صحي مالكم زعلانين مالين الدنيا ضجيج هو الرئيس ممكن يعمل اي شئ الناقصكم شنو- ناس حاقدة ساي وبعدين عمر القراي دا ما عندو دكتوراة الرئيس اخدأقل منو ما اخد بروفيةتعريب بروف للذين يعرفون اللقة(غ) العربية.
    اولا الرئيس ماخلاص حل مشكلةجنوب كردفان والنيل الأزرق وقبلها دارفور
    و ثانيا حل ليكم مشكلة العطالة
    وثالثا حتى اساتذة الجامعات بقوا يطلعوا برا البلد بالكوم انا واحد منهم من بدري
    ورابعا بعد دا اليتفرغ للبحث لأنو ما في واحد فينا محتاج لي شئ اهو الكل ماكل وشارب وكله شئ تمام التمام وحتى دخلنا بقى من اعلى الدخول في العالم- اذن الرئيس ما عندو أي مشاكل مع الرعية.

    انشاء الله الرئيس بعد سنتين (أصلو الدكتوراة بتعاتهم ما بتاخد أكتر من كدة) حيخلص الدكوتراة ويغترب كمان أها المافي شننننننننننننننننننننننننننننو يا ناس




    #463302 [ابوهبة]











    0.00/5 (0 صوت)
    09-07-2012 11:19 PM
    نحياج دائمآ لكلماتك حبيبنا د. عمر ... ربى يحفظك ويرعاك




    #463287 [fatmon]











    5.00/5 (1 صوت)
    09-07-2012 10:47 PM
    عوض أبراهيم عوض ما غيرو أتذكر لما رجع من ماليزيا وكان مخلوع خلعه غريبه وكان بتكلم عن التراب والعجاج في السودان وإنهم سبب تخلف السودان وأشياء عجيبه عن تراب جدودنا

    يادوب وقع لي الموضوع لأنو زول واعي وعقله في راسو ما ممكن يعمل عملتوا المهببه دي غايتو فضيحه كبيره لكن تم توضيحها الآن فشكرا د. عمر القراي وشكرا الراكوبه والإنترنيت الله يخليكم لينا لفضح هؤلاء حتى نهاية هذه الأيام القليله القادمة والتي سنتخلص فيها من هذا الكابوس




    #463272 [سامي]











    5.00/5 (1 صوت)
    09-07-2012 10:14 PM
    ماجستير والله دا دوسنتاريا يااخونا القلم مابيزيل قلم رحم الله جامعة الجزيرة ودكاترتها مثل بروف كشومة




    #463245 [طالب ماجستير]











    5.00/5 (1 صوت)
    09-07-2012 09:08 PM
    الموضوع الخاص بالبحث لا يتناسب مع الطالب / عمر البشير ، لانه المسئول عن تطبيق الشريعة ولم يقم باى جهد فى سبيل تطبيقها يعنى الطالب ده عمليا راسب ، هذا زمانك يا مهازل فأمرحى ، أما بالنسبة للدكتور المذيع / عوض ابراهسم ، فهو متملق وكثير الكلام من الدرجة الاولى ، يوم حضرت برنامجا تلفزيونيا من تقديمه تخيلو الدكتور يقدم الاسئلة ويجيب عليها ويدعو الجمهور للتصفيق ويغنى مع الفنان ، هو مفتكر انه الاعلام السودانى ،الله يرحم نميرى الخلاك تظهر لينا وتفقع مراراتنا ...............




    #463243 [سلاق بيض]











    5.00/5 (1 صوت)
    09-07-2012 09:07 PM
    شعرت ببخس ماجستيري!! بس أدوني خبر لو الرئيس ناوي يعمل دكتوراة في نفس الجامعة اوقف اطروحتي والمغادرة ل جامعة أخرى.. لأنه شكلهم كده ممكن يقبلو دكتوراة في مجالي البعيد عن امكانيات مخ الرئيس!!




    #463199 [البعير]











    4.00/5 (1 صوت)
    09-07-2012 07:49 PM
    التحية للدكتور عمر القراي

    اول مره نسمع بزول يحصل علي درجة الماجستير بدون مايكون عنده شهادة بكالريوس هذه هي ثورة التعليم العالي في عهد
    ثورة الدمار الشامل في السودان كل من هب ودب بقي عنده شهادة جامعية عشان كده تدهور السودان وتدهور اقتصاده وتدهور في كل التواحي ، والحاجة البتعيظ وتفقع المراره عينة هذه العصابة تحكم السودان ، والي متي ياشعب السودان
    نصبر علي هذه المهازل وهذه المافيا ، وكما قال الاستاذ الكبير الطيب صالح ( من اين أتي هولاء )




    #463162 [القضنفر]











    3.50/5 (2 صوت)
    09-07-2012 06:38 PM
    والله عوض ابراهيم عوض فقع مرارتي اكثر من ماجستير الزول الكذاب دا...




    #463155 [حسن عبد الرضي]











    5.00/5 (1 صوت)
    09-07-2012 06:21 PM
    لك التحية دكتور القراي. والله افتقدنا كتاباتك الشجاعة.




    #463142 [njomy]











    5.00/5 (1 صوت)
    09-07-2012 05:45 PM
    د. عمر القراي ولله الله اديك يارب الف الف عافيه ودائماً ما تنال مقالاتك و أحاديثك أعجاب القراء




    #463140 [dew drop]











    4.00/5 (2 صوت)
    09-07-2012 05:44 PM
    شكرا د. عمر القراى فقد لفت الانتباه الى شئ كان غائب عن الكثيرين منّا !! وصدق الطيب صالح ( من اين جاء هؤلاء؟).. حتى العلم اصبح للبيع فى عهد الانقاذ ... بئس الحاكم وبئس العلماء .. ولكن ارجع واقول كما تكونوا يولّى عليكم فنحن من ارتضينا بذلك ونبحث لانفسنا عن الاعذار ... ما باع الامام احمد علمه وكان بين الحياة والموت فرفض الكذب لكى ينجو .. اللهم ان كان ما بنا غضب منك فازل غضبك عنّا ..وان كان هذا عقاب فانك غفور رحيم .




    #463138 [عبدالاله]











    3.00/5 (1 صوت)
    09-07-2012 05:39 PM
    والله انه نوع من البله والضحك على الذقون - قال ماجستير- الا يستحى مدير الجامعة على هذا العبط - ولو انه قال دكتوراة فخرية لكان من الممكن ان تبلع - ولكن ماجستير وفيه اطروحة كمان - ارجو من التلفزيون ان يقدم لنا برنامجا يستضيف فيه العالم والعارف بالله الرئيس ليفتينا فى امر تطبيق شريعتنا - الا الا الا تستحوووووووووووون يا هولاء كده طوالى بكل بساطة وسذاجة وعدم حياء 0 فنرجو نشر اسماء المشرفين والمناقشين لهذه الرسالة لنتأكد 0 فهل انتم فاعلووون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟هههههههههههههههههههههههههههههه





    ردود على عبدالاله


    Sudan [faten ahmed] 09-07-2012 07:53 PM

    الريس كان بياخذ دروس خصوصية والاشراف كذلك خاص والمناقشة تمت في القصر الجمهوري
    هل من محتج؟ هذا هو الانقاذ



    #463132 [ALi Osman]











    5.00/5 (1 صوت)
    09-07-2012 05:20 PM
    ما هو عوض ابراهيم عوض؟؟؟؟ وكمان بروف؟؟؟ سبحان الله والله يا ناس انا عندماجستير من جامعة الجزيرة في الرياضيات والله والله ما قول تاني عند ماجستير





    ردود على ALi Osman


    United States [ALi Osman] 09-08-2012 01:27 AM

    الانقاذ (ذ) اتعلم اللغه العربية !!!!!!!!!!!


    Saudi Arabia [احمد حمد] 09-07-2012 07:19 PM

    برضو انت ماجستيرك دا في عهد الانقاز ولا كلامي مش صاح يابتكزب



    #463130 [انا كضاب]











    5.00/5 (1 صوت)
    09-07-2012 05:20 PM
    بالمناسبه كلام شريعة (مدغمسة) واخرى من غير (دغمسة)ما قدرته افهما الا بعد الرجوع لابن أمام المشهور
    عادل, حيث ورد فى احدى مسرحياته المشهورة " شاهد ما شافش حاجة " انه كان يملك , بنطلونين واحد بعفريت
    والتانى من غير عفريت.


    (((( ملحوظة : دا انا اصلى ما عنديش بنطلون لا بعفريت وله غيرو , بس خايف من جامعة الجزيرة تجى تصادر العدة لانى طالب معاهم حوالى 23 سنة , وكل مررة بيقولو لى " انتهى الدرس ياغبى !!واقوم اضحك ليهم وهم
    يموتو بالضحك !! ومرة واحد فيهم بعد ما انشرط بالضحك قال لى " راجع محمد صبحى " بينى وبينكم انا لا فاهم اسود ولا ابيض . ارجو افادتى فى محنتى (شرطة نظام عام يمتنعون) ولكم الشكر...


    ((((ملحوظة اخيرة : انا كضاب لكن عارفكم حتصدقونى لانه بقيتو ( متعوده دايما) بدغمسه صافية وله دغمسة
    بابو عفريت .




    #463120 [امدرماني الركابية]











    5.00/5 (1 صوت)
    09-07-2012 05:00 PM
    يعني بعد سنة نقول دكتور عمر القراي ودكتور عمر البشير...؟؟؟ لاحول الله دي تتبلع ككيف يا أخوانا؟؟؟؟




    #463113 [Kunta Kinte]











    5.00/5 (1 صوت)
    09-07-2012 04:39 PM
    دكاترة آخر زمن ،

    قبل كم سنة تمنح جامعة الخرطوم الدكتوراة الفخرية للطاغية الهالك معمر القذافى قبل ان تسحبها منه بعد الثورة الليبية ... والآن تقول جامعة الجزيرة مافيش حد احسن من حد فتمنح الطاغية الآخر درجة الماجستير مصحوبة بالثناءآت والتملق ...

    ياحليلكم يادكاترتنا (الحقيقيين) ... أساتذة كلية الهندسة امثال دكتور محمد سعيد ودكتور جمال ودكتور فتح الرحمن ودكتور بشير ودكتور مصطفى اوهاج ودكتور محمد عثمان وغيرهم والذين فى معظمهم غادروا الجامعة او أجبروا للمغادرة لأنهم لم يتعاونوا مع النظام وكانوا يطبقون القوانين حتى على أبناءهم بالجامعة





    ردود على Kunta Kinte


    Sudan [مواطن] 09-08-2012 01:49 AM

    القذافي رحمه الله لم يطلب دكتوراة فخرية .. بل الكيزان هم من أعطوها له .
    ثم ان الراحل القذافي كان مثقفا أكثر من هؤلاء الكيزان وعلى رأسهم عمر
    البشير ... أطول خطاب في مبنى الأمم المتحدة ألقاه القذافي سنة 2009 ..
    كان خطابا سياسيا شاملا وجريئا ... تجده على اليوتيوب ...


    United Arab Emirates [واحد خريج الجزيرة] 09-07-2012 10:47 PM

    وما تنسي البروف عباس يوسف ابو سالمة و د. مبارك محمد علي المجذوب وغيرهم دكاترة دكاترة مش ساي



    #463108 [جلوق الكردافي]











    4.82/5 (5 صوت)
    09-07-2012 04:28 PM
    من حق البشير ان ينال ماجستيرا في احد التخصصات التاليةولا عجب :
    - الانقلابات العسكرية
    - الرقص والترقيص
    - قتل المواطنين الذين يخالفونه الراي
    -الحلف بالكذب وبالطلاق
    -زواج الارامل للمصلحة والفائدة
    -جرائم الابادة الجماعية
    - سرقة المال العام
    - تمكين الاقارب
    - تعمير حي كافوري بالبنايات الفارهة
    - كيفيةالزوغان من المحكمة الجنائية
    - مهارة تزوير الانتخابات
    - كيفية تقسيم الشعوب الى القبلية البائدة
    - كيفية تقسيم الوطن الواحد الى عدة اجزاء
    - كيفية تعويم العملات الوطنية
    - وهلممممممممممممممم جررررررررا





    ردود على جلوق الكردافي


    Canada [fatmon] 09-07-2012 10:41 PM

    نسيت علوم الفضاء في إفريقيا


    United Arab Emirates [يوسوف] 09-07-2012 10:12 PM

    دى اعمال تيبقهوا بروفسيور براه لا قبله ولا بعده



    #463102 [ابو ابتهال الجعلى]











    4.97/5 (6 صوت)
    09-07-2012 04:21 PM
    شكرا لك دكتور القراى على هذة الاستفاضة لكن كنت اود ان لاتشغل نفسك كثيرا بهذا الامر السطحى من وجهة نظرى ومن وجهة نظر الكثيرين من ابناء الشعب السودان لسببين اولهما ان هذا الامر واحد من مواضيع البروبوغاندا التى اعتادت هذة العصابة استخدامها وتخصصت وتفننت فيها اما الجانب الثانى وهو المهم فان هذة الشهادة لن تضيف لهذا الطايوق التالف اية ميزة فكرية او اكاديمية حسب التجربة والمعرفة له طوال سنوات حكمه وقد برعوا فى توزيع الشهادات العلمية لعناصرهم ولكن ماذا كانت المحصلة النهايئة لهذا العبث كما يقول الانجليز Nothing بل الادهى والامر مذيد من الخراب والدمار والتفنن فى السرقة والنهب . شكرا لك دكتور القراى مرة ثانية





    ردود على ابو ابتهال الجعلى


    Saudi Arabia [وحيد] 09-08-2012 08:48 AM

    الاخ ابو ابتهال، اخالفك الراي في ان الامر سطحي، القضية ليست قضية منح رئيس ديكتاتور درجة علمية و لا قضية الاراجوزات الذي يطبلون له، القضية اخطر و هي التفريط في الامانة العلمية و تشويه سمعة الجامعات و تلويث جامعة عريقة بهذا الهراء... كلنا نعلم ان درجات الدكتوراه و الماجستير اصبحت "توزع" على المتنفذين بحكم التمكين، و هو امر خطير لانه يقدح في الامانة العلمية لجامعات الوطن و مؤسساته العلمية... بعد ان دمر الاقتصاد و الوطن و بيعت البلاد علنا ماذا يتبقى غير امانة العلم؟ فاذا فرطنا فيها فما الذي بقي من السودان؟



    #463094 [قرفان خالص]











    3.00/5 (1 صوت)
    09-07-2012 03:59 PM
    الله الله عليك يا قراي ..

    كلام موزون ومرتب زي الترتيب ..

    وشجاعة مفقودة في كل اشباه الرجال المالين لينا الصحف والقنوات بتصريحات ونهيق ونعيق في وطن ممزق ومنتهي..

    لكن حتما ستاتي ساعة الحساب ...

    ويااا له من حساب ...

    أخخخخخخخخخخخ




    #463051 [هيثم الخلا]











    4.50/5 (2 صوت)
    09-07-2012 02:18 PM
    الدكتور عمر القراي والأخوة والأخوات القراء، لست حزينا على أن ينال البشير أو أي كائن من كان من هذه الفئة الكاذبة شهادة الماجستير أو الدكتوراة في الشريعة أو في فقه الدين، ولكن حزني والله أن تنحدر جامعة الجزيرة لهذا الدرك الأسفل، فقد شكل لي هذا إحباط شديد جدا، لأني أعلم بأن مدني هي أرض الحضارة المعاصرة، وأن مدني بها حنتوب الثانوية، التي كانت من البهاء والنظافة أيام الأب المربي هاشم ضيف الله، أن قال للطلبة بعد أطمئنانه على النظام الجميل بالمدرسة، لم تتبقى من أوساخ في حرم الجامعة إلا بقايا التسالي، ومن أراد أن يأكل التسالي عليه أن يرمي القشر خارج السور، فعجبت لتفنن هؤلاء القوم في إذلال الشعب السوداني وأحباطه، ألم يعاقب مدير جامعة الجزيرة الأسبق الأخ المسلم البروفسور التجاني الأمين الطلبة والطالبات بجامعة الجزيرة بجلدهم بالسوط، هذه والله كارثة أحلت بنا وهذا هدم منظم لإرثنا وما تبقى لنا من كريم أخلاق أن يمنح هذا البليد شهادة في الشريعة،، ونرفع الأمر إلى المولى رب العرش العظيم وهو المستعان.





    ردود على هيثم الخلا


    [SULTAN OMOM ALSUDAN] 09-08-2012 01:28 PM

    لقد اصبت بصدمة كبيرة وانا اقرأ المقال حينما وصلت الي جامعة الجزيرة .. لا يمكن ان تنحدر هذه الجامعة العريقة وانا احد خريجيها في 2003م والله لأمر مؤسف ان تفقد الجامعة امانتها العلمية .. وا اسفاي على ما آلت إليه اوضاعنا في السودان ... لا حول ولا قوة إلا بالله اللهم بعزتك وقدرتك انزع منهم ملكهم وذلهم ذلاً لم تذل به احداً من العالمين من قبل. وانا اشاركك اخي هيثم هذا الحزن.



    #463049 [سوداني متقاعد]











    4.50/5 (3 صوت)
    09-07-2012 02:17 PM
    مقاله الجيد لكنه زاد حالة القرف التي تنتابني كلما شاهدت هذا المدعو عمر البشير.

    الاستاذ القراي وصحبه الجمهوريين هم من صفوة المجتمع السوداني خلقا وعلما ووطنية.من نكاية الدنيا ان يشرد امثالهم في الدول وهم هنالك مثل دالي والنعيم والتوم وبدوي والنور اساتذه في جامعات امريكا، بينما يبقى في بلادنا غربانها بل حتى عوض ابراهيم عوض صار بروفسيرا




    #463039 [أبو الزين]











    4.00/5 (1 صوت)
    09-07-2012 01:46 PM
    أحي أحي أحيييييي فقعت مرارتي ياخي




    #463038 [مقرسم]











    4.00/5 (1 صوت)
    09-07-2012 01:46 PM
    الما شاف فيلم مرجان احمد مرجان فى السينما يشوفوا فى الطبيعة .هاهاهاهخاهخاهخخخخخخااااااااا
    والتحية لعادل امام




    #463031 [بدر]











    4.00/5 (2 صوت)
    09-07-2012 01:39 PM
    حدثنى احدهم ,,, بان د. الترابى سأل عن الشخص الذى يمكن ان يتولى خلية التنظيم داخل الجيش بعد اشتشهاد العقيد طيار مختار حمدين ؟ فكانت الاجابة ( فى واحد ملتزم لكن عيبه الوحيد كضاب كضب شديد ) فرد د. الترابى ( دا البنفع معانا تمام فى المرحلة دى )!!!!!! وكدا يعنى .





    ردود على بدر


    Saudi Arabia [ابن امدرمان] 09-07-2012 05:57 PM

    صدقت اخى بدر حتى أنه كان معروفا بإسم مسيلمة داخل القوات المسلحة منذ فترة طويلة من الإنقلاب



    #463029 [MAX]











    4.50/5 (2 صوت)
    09-07-2012 01:36 PM
    الرجاء الرجاء الرجااااااااااااااااااااء
    أي زول تاني كذاب ومنافق زي بش بش ده مايقولوا ليهو (مسيلمه الكذاب)
    لكن نقول ليهو
    عمر البشير
    لأنو ده مسيلمه زااااااااااااااااااتو لو كان عايش كان سجد ليهو عديييييييييييييييييييييييل كده




    #463024 [خالد عثمان]











    0.00/5 (0 صوت)
    09-07-2012 01:27 PM
    دكتور القراى

    لله درك ماذا تركت لحسالة البشر هؤلاء؟ حماك الله وابقاك.




    #463010 [MAX]











    4.75/5 (3 صوت)
    09-07-2012 01:03 PM
    أحي الصلعه العلميه زاتو
    ماجستير!!! وفي تطبيق الشريعه!!!!!!!!!!!!!!!!!!!
    ياخ عليك الله جيبه لينا من الآآآآآخر كده وخليها تبقى
    (الشيخ العالم البروف المشير المليونير عمر حسن أحمد البشير)!!!!!!!!!!!!!
    ماجستير ههههههههههههههههههههههههههههههههههههههههههههههههههههههههههههههههههههههههههههههههههههههه
    والله دبلوم في الدين ساي ماتنجح فيهو




    #462995 [عمك تنقو]











    3.75/5 (3 صوت)
    09-07-2012 12:44 PM
    كيف بالله لغير المسلم ان يكتب بحثا عن شؤيعة الله ؟؟؟؟ الم يقل الرسول (ص) ان المسلم لايكذب ؟؟ الم يستهل هذا الاخرق الملعون حكمه لنا بالكذب كما اعترف بذلك شيخه الترابى؟؟؟ وكيف لقاتل ولص ان يكتب عن شريعة رب العالمين؟؟ الم يقتل هذا الافاك اكثر من ثلاثمائة الف من اهل دارفور ؟؟ الم يسرق ذلك المافون كلما ماطاته يداه الآثمتان من اموالنا فبنى بها الفصور فى كافورى والمنازل والشقق فى المنشية ومحمع النصر السكنى كما اعترف بعظمة لسانه ؟؟؟ اف لكم ولما تحكمون ووويل لكم من عذاب يوم عظيم ايها المنافقون !!!




    #462991 [Magdi Sarkis]











    3.50/5 (4 صوت)
    09-07-2012 12:32 PM
    أحسنت دكتور عمر القراي ، ودائماً ما تنال مقالاتك و أحاديثك أعجاب القراء والمستمعين ؛ واضح وصريح ومباشر وشجاع ؛ وبينما يلفظُ نظام الإبادة الجماعية المجرم الفاسد أنفاسه الأخيرة تُمنح درجة علمية من جامعة عريقة لمتهم بالإبادة الجماعية وبإرتكاب جرائم حرب وإنتهاكات مريعة لحقوق الإنسان، حتى أن الباحث الهُمام سخر من لجنتة الأكاديميةالعلمية !! وياله من سقوط...وأيُ سقوط !! تُرى هل لو كان الباحث مُقدم الرسالة العلمية أحد المتهمين أمام محكمة جنايات مدينة ود مدني فهل كانت ستمنحُ له الدرجة العلمية ؟؟ حقاً نحن بحاجة لإعادة بناء أُسس الدولة السودانية الحديثة بناءً على أُطر ومباديْ وسياسات حديثة تتوافق مع متطلبات القرن الحادي والعشرين ؛ والبداية بالتعليم من مرحلة ما قبل الإبتدائي والإنتهاء بمرحلة التعليم فوق الجامعي. سؤال أخير : من هو كاتب الرسالة العلمية للباحث ؟؟




    #462990 [اكرامى حسن]











    4.00/5 (3 صوت)
    09-07-2012 12:31 PM
    هذه الدرجة ستمحى من الوجود ان شاء الله بعد ذوال النظام مثل درجة الدكتوراة الفخرية التى منحتها جامعة الخرطوم للقذافى.




    #462985 [معاوية]











    4.00/5 (3 صوت)
    09-07-2012 12:19 PM
    نعم لا استطيع ان ازايد على كلام العلامة الدكتور عمر القراى فكثير من كثير قدد حصل فى هذا البلد المنكوب ويا عزيزى كان امامك قبل ايام لازلت اتقيىْذاكرتها وهى جلوس المعتوه الخبيث الوطنى المدكتر ربيع عبد العاطى فهو ايضا مطرود من جامعة الخرطوم بسسب الغش فى الامتحان ويشهد على ذلك كل طلاب الدفعة بل طلاب الجامعة اجمع وكلية الاداب خصوصا وليس بغريب ان ينا البشير الماجستير من جامعات السجم السوها دى او الجامعات العريقة التى دمرت بمعاولهم هم وايضا سبقهم الهالك ابراهيم شمس الدين فقد منح شهادة ماجستير العلوم العسكرية ولم يدخل الى كلية القيادة والاركان ليوم واحد والكثيرين امثالهم فلك الله ياوطنىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىىى..




    #462979 [علي دينار]











    4.00/5 (3 صوت)
    09-07-2012 12:13 PM
    الرئيس عمر حسن احمد البشير، قد حصل على درجة 100% الماجستير في تقسيم الوطن





    ردود على علي دينار


    Sudan [nagatabuzaid] 09-07-2012 09:34 PM

    وين فندك على دينار كان ريحنا من الزحمة دى



    #462977 [Ali Seedo]











    5.00/5 (1 صوت)
    09-07-2012 12:11 PM
    I think this article has said it as clear as it could be
    Many thanks to Algarrai




    #462975 [ابو حازم]











    4.50/5 (4 صوت)
    09-07-2012 12:05 PM
    لعل التقدم العلمي المرموق الذي حظيت به جامعة الجزيرة خلال الربع الاخير من هذا القرن لا يخلو من بواطن الغش والكذب والتدليس في مسيرتها الاكاديمية ، ولعل للانقاذ اليد الطولى في هذا التمكين الاكاديمي ، ولذا كانت ارادة الله عز وجلّ بأن تفضح هذه الجامعة في وضح النهار بأن تمنح أحد العسكريين درجة علمية في احد التخصصات الدينية ...هذه فضيحة مدوية يشهد لها ويقرها كل من له صلة بالبحث العلمي وبلوائحه وقوانينه ..هل للبشير درجة بكلاريوس في تخصص العلوم الدينية ؟؟ ومنذ متى كانت الكلية الحربية التي تخرج فيها البشير تدرس علما واحدا من علوم الدين؟! ومنذ ان تخرج البشير ُفيها وذهب مقاتلا في احراش الجنوب بعد سنة 83 كما قال ثم جاء بانقلابه المشؤوم في 89 وقتل 29 ضابطا في رمضانه الاول ، فمتى تفرغ لدراسة البكلاريوس في الدراسات الاسلامية الذي هو شرط اساسي من شروط التسجيل لدرجة الماجستير ؟!
    من الواجب ان نضيف الى عجائب الدنيا السبع عجيبة ثامنة هي هذا الماجستير .




    #462973 [فؤاد العجباني]











    5.00/5 (2 صوت)
    09-07-2012 12:04 PM
    والله عايزين نقرأ البحث ده للفائدة




    #462967 [عزو]











    4.25/5 (3 صوت)
    09-07-2012 11:43 AM
    وجبة دسمة ليوم الجمعة الفضيل
    يسلم فمك يا دكتور القراي
    فعلا الاختشوا ماتوا
    فما هكذا تمنح الدرجات وما هكذا يتملق أساتذة الجامعات في لجان المناقشة...
    يعني ما فضل لهذا (العوض) الا أن يقوم من كرسيه ويصفق (لعمر طالب الماجستير) الذي استوفى مطلوبات الماجستير ما عارفين كيف خلال التسعة سنوات التي خلت بعد تسجيلة في معهد اسلام المعرفة....
    والغريبة أن تنحدر جامعة الجزيرة الى ذلك الدرك... فان كانت أمدرمان الاسلامية فلا غرابة فقد توزعت درجات الدكتوراه والاستاذية بتاعتا على اليسوى والي ما يسواش كما يقول ناس شمال الوادي فصارت سمعتنا في الطين بملاحظات لجان المعاينات في الدول العربية وتشكيكهم في حاملي شهاداتها...
    اهنأ يا طالب الماجستير والذين لو ما خجلوا كان (بروف عوض) يحلف طلاق الا يتم ليك الفصل الذي قال عليه ويمنحه الدرجة... ليصير (م د ح) عمر أحمد حسن البشير
    (م د ح) طبعا معروفة.....





    ردود على عزو


    Sudan [nagatabuzaid] 09-07-2012 09:45 PM

    احد الاكاديميين فى مؤسسة علمية كبيرة قال لى ان شهاداتكم العلمية من السودان التى تم الحصول عليها فى عهد حكومة البشير غير معترف بها لديهم وكثير من المؤسسات العالمية والاقليمية وتحسر على جامعة الخرطوم وتحسرت انا ايضا وكان معروف عنى اهب فى كل من تسول له نفسه المساس بالشان الوطنى ولكن حقيقة هذه المرة صمت ولكن ظللت مرفوعة الراس فى مكابرة منى وقلت له سنعود كما كنا ورد بلغته بانه يامل فى ذلك جاء البشير ذاتوا زاد الطين بله



    #462950 [اكرامى حسن]











    4.50/5 (2 صوت)
    09-07-2012 11:05 AM
    عوض ابراهيم عوض شخص عواليق منافق **** فى المواصلات العامة شغل السواق الراديو وكان فى البرنامج عوض ابراهيم عوض كانت الحلقة عن السكر قال ليهم انت ماسافرتوا دا بسموه السم الابيض الناس فى الحافلة قربت تسب ليهو دين فى رمضان.




    #462948 [خالد حسن]











    4.94/5 (5 صوت)
    09-07-2012 11:04 AM
    مسيلمة الكذاب ماجستيره دي الا تكون في ( كيفية الكذب علي الله والناس لاكثر من عقدين )
    زول ما اخد باكلوريوس يجي ياخد ماجستير طوالي ؟
    دي زي الكتاب الاخضر بتاع القذافي الكتبه ليه زول تاني .. ماجستير البشير دي يكون كتبوها ليه
    لانه عسكري والعسكري لو كان عنده مخيخ للعلم ماكان دخل العسكريه





    ردود على خالد حسن


    Sudan [nagatabuzaid] 09-07-2012 09:49 PM

    الكتاب الاخضر كتبه سودانى اسمه مين كده زكريا ياربى هو ذاتوا كاتب الماجستير ؟ لا اظنه عوض ابراهيم عوض



    #462944 [الكيشة]











    4.50/5 (3 صوت)
    09-07-2012 11:00 AM
    الاخ عمر انتفاداتك منطفية ولكن هل تمنح درجة الماحستير بدون شهادة بكالريوس بمرتبة الشرف او التأهيل؟




    #462943 [الشاهين]











    4.88/5 (6 صوت)
    09-07-2012 10:59 AM
    ربنا يحفظك يا د. القراي ويخليك ويقويك لانك قاعد تفش مغستنا وغلنا بتعبيراتك المهذبة والصادقة
    جزاك الله خير ونتمنى ان نري مقالاتك كل يوم




    #462938 [شرف الدين حسن]











    3.00/5 (1 صوت)
    09-07-2012 10:42 AM
    لماذا تمت المناقشة في مجمع الفقه العصامي _لم تنال جامعة الجزيرة _شرف إستضافة الطالب ومناقشته في عقر دارها _وماسر الطلبات التي قدمت للسيد الرئيس _بعد الجلسة مباشرة _ألم يكون التصديق عليها _هو جزء من ثمن التواطئ _والإساءة للدرجات العلمية __ نسأل أن نري في _كل مجرم وشيعته _مصير القذافي وجنده_




    #462936 [ابوذر الغفاري]











    4.50/5 (4 صوت)
    09-07-2012 10:37 AM
    هذه الشهادة سوف بتم توثيقها بجامعة ام القري والازهر الشريف
    لانو الجماعة ديل فسادهم بقي فساد عالمي وليس محليا فقط
    والماعاجبو يركب القطر
    حسبنا الله ونعم الوكيل
                   |Articles |News |مقالات |بيانات

10-11-2015, 00:03 AM

خضر الطيب
<aخضر الطيب
تاريخ التسجيل: 24-06-2004
مجموع المشاركات: 6432

للتواصل معنا

FaceBook
تويتر Twitter
YouTube


Re: مبروك سيدي التعيس نيلكم درجة المجستير وال (Re: عبدالله عثمان)

    سلام يا الهادي وقول يا هادي

    Quote: لكن ضب الأدبخانات دي بالغت فيها يا خضر


    مستحيل ما يكون صادفك الضب البشبه الانتهازي دا

    طبعاً في السودان النور قاطع الاربعة وعشرين سنة

    اها تقوم تدخل الادبخانة الله يكرمك وهي مضلمة فجأءة يظهر ليك الضب دا في السقف
    عيونو متل عيون الجنا دا ههههههه
    لا تقدر تقعد و لا تقدر تقوم , وهكذا دواليب :)
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de