نادي الفلسفة السوداني ينظم المؤتمر السنوي الثاني بعنوان الدين والحداثة
ياسر عرمان:نحو ميلاد ثانٍ لرؤية السودان الجديد قضايا التحرر الوطنى فى عالمم اليوم
مالك عقارا:اطلاق عملية تجديد و اعادة بناء الحركة الشعبية و الجيش الشعبي لتحرير السودان
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 10-23-2017, 06:19 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

غيمه و نِغيمه

10-25-2015, 11:58 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5805

للتواصل معنا

FaceBook
تويتر Twitter
YouTube


غيمه و نِغيمه

    11:58 AM Oct, 25 2015
    سودانيز اون لاين
    أبوذر بابكر-
    مكتبتى فى سودانيزاونلاين



    كنتى الغيمة
    والدنيا خريف
    وكنتى النسمة
    والدنيا هجير
    وعيون الواطا كانت
    مكحله بالندى
    كنتى الفرحة
    والدنيا عيد
    يا وعد عمرى الأخير
    وكان عرس الشمس والنور
    النهار برش الرقيص
    شغف الفراشات بالزهور
    عبق البنيات قام فرح
    اتمد فى طرب النشيد
    ونبت بدور
    فوق السباته
    ارتاح عليها اتوسدا
    ضلا ضليل
    احساس اليف
    حلما جميل
    موال وريف
    انشرا فى الروح و المدى
    وقوس قزح كان زى عريس
    زرع فى وجناتك الوانو
    فى جرتق سماحك وابتدا
    دوباى مطعم بالنجوم
    دفق فى الليله الحانو
    غنوات مزركشه بالعديل
    نمات تهز عصب الغيوم
    وتبدا البنيات الرقيص
    وقوس قزح واقف عريس
    ضو عديلو
    هلال وخرزة وقرمصيص
    مد غناهو لى عينيك
    بياض الفال
    خدار الريده يتفتح
    طرب موال
    بشد حيلو
    وجنب عينيك كتب اسمو
    نحت فى الفجه عنوانو
    مبسوط يبشر في بهاك
    يشيل شباله من القمره
    يقدل فى بساط ليلو
    يا بنيه يا ريحة الأرض
    فارسك رفيق الروح
    يا ساكنه فى عمق النبض
    يا عشم البجيك مجروح
    وشايل شيلو
    يا بنيه يا تومة الملاك
    يمين قومتى بى جيتك
    مسير روح الصبر
    ساهرتى بى شغف الحوجا
    تمرتى جنبات العمر
    نورتى فرقات الدجى
    سافرتى فى الخاطر
    مشاوير انبهار
    ستفتى حاجات السفر
    ومرقتى زى حس النغمة
    جميلة من عصب الوتر
    جملتى عتب الإنتظار

    وبقيتى دار
                   |Articles |News |مقالات |بيانات

10-27-2015, 01:45 PM

إدريس محمد إبراهيم
<aإدريس محمد إبراهيم
تاريخ التسجيل: 03-13-2006
مجموع المشاركات: 2635

للتواصل معنا

FaceBook
تويتر Twitter
YouTube


Re: غيمه و نِغيمه (Re: أبوذر بابكر)

    الله عليك يا أباذر ياخ ... منتهى الروعه والالق الجميل ... وتاني كمان .. الله عليك ....
                   |Articles |News |مقالات |بيانات

10-29-2015, 08:19 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5805

للتواصل معنا

FaceBook
تويتر Twitter
YouTube


إمتنان (Re: إدريس محمد إبراهيم)

    كتر الله خيرك يا إدريس

    و زادك سماحة و طيب و طيبة

    وسعادة فياضة
                   |Articles |News |مقالات |بيانات

10-29-2015, 05:09 PM

الصادق اسماعيل
<aالصادق اسماعيل
تاريخ التسجيل: 01-14-2005
مجموع المشاركات: 8444

للتواصل معنا

FaceBook
تويتر Twitter
YouTube


Re: إمتنان (Re: أبوذر بابكر)

    فوق
                   |Articles |News |مقالات |بيانات

10-31-2015, 06:48 AM

Abdalla Gaafar

تاريخ التسجيل: 02-10-2003
مجموع المشاركات: 1435

للتواصل معنا

FaceBook
تويتر Twitter
YouTube


Re: إمتنان (Re: الصادق اسماعيل)

    ابوذر يا صديقي

    نسيم حرفك هواك
    ضد اتجاه الريح غناك
    حلمك غيوم
    تطلع من النيل المهاجر فيك
    قصيد
    يازول مهاجر
    لي جمال ضحك البنية
    السارحة في عمرك قدر
    حلمك مطر
    يرسم علي خاطر الدفاتر
    خطوتك والليل حداك
    قدرك هواك
    للمستحيل
    والدنيا نيل

    مليون سلام

    عبد الله جعفر
                   |Articles |News |مقالات |بيانات

11-02-2015, 08:58 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5805

للتواصل معنا

FaceBook
تويتر Twitter
YouTube


يا بن جعفر (Re: Abdalla Gaafar)

    ذات شغف يا صاحبى

    كنا ننشد:

    يا عطرَها
    لو أن غيمةَ
    تسكن خاطرَ المطر
    تفكُ أسرَ قطرةٍ
    تبلُ شوقَ زهرةٍ
    كنتُ جئتكِ
    وفرحتى ايقونةٌ
    نجمةٌ صبيةٌ
    تخبئ وردَ حلمِها
    فى محاجرِ القمر

    ذاك كان مبتدأ الشغف بسر الغيوم و سحرها
    وكان خبر المداد شائعا بين مرابع النشيد

    فهل تطيق فراقا أيها الوجل ؟

    هل نطيق غيابا ؟

    أحييك

    وأهديك كل ما فى الود من عطر

    وكل ما فى الإعزاز من إخضرار
                   |Articles |News |مقالات |بيانات

11-02-2015, 08:52 AM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5805

للتواصل معنا

FaceBook
تويتر Twitter
YouTube


إمتنان (Re: الصادق اسماعيل)

    سلام و تقدير يا الصادق

    إنت ذاتك فوق والله
                   |Articles |News |مقالات |بيانات

11-03-2015, 09:50 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19957

للتواصل معنا

FaceBook
تويتر Twitter
YouTube


Re: إمتنان (Re: أبوذر بابكر)

    أبا ذر المطر

    تحايا وسلام يا صاحب

    أما بعد

    هنا :

    انشرا فى الروح و المدى
    وقوس قزح كان زى عريس
    زرع فى وجناتك الوانو
    فى جرتق سماحك وابتدا
    دوباى مطعم بالنجوم
    دفق فى الليله الحانو
    غنوات مزركشه بالعديل
    نمات تهز عصب الغيوم

    ***

    ضجّتْ الأركان برنات نواقيس كانت ترقد في بيات شتوي

    سلمتْ يمناك
                   |Articles |News |مقالات |بيانات

11-05-2015, 12:40 PM

أبوذر بابكر
<aأبوذر بابكر
تاريخ التسجيل: 07-15-2005
مجموع المشاركات: 5805

للتواصل معنا

FaceBook
تويتر Twitter
YouTube


يقين الحضور (Re: ابو جهينة)

    حياك الخالق يا أبا جهينة
    فدوما عندك الخبر الأكيد

    ولديك الظل المديد

    نتفيأ حرفك فنسعد

    اسعدك الله يا صديقى
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de