زواج للمرة الثانية

نعى اليم ...... سودانيز اون لاين دوت كم تحتسب الزميل معاوية التوم محمد طه فى رحمه الله
الاستاذ معاوية التوم في ذمة الله
رابطة الاعلاميين بالسعودية تحتسب الاعلامي معاوية التوم محمد طه
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 11-12-2018, 01:09 PM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
08-11-2015, 07:35 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


زواج للمرة الثانية

    07:35 PM Nov, 08 2015
    سودانيز اون لاين
    محمد عبد الله الحسين-الدوحة
    مكتبتى

    ‏(علي و عواطف يجلسان منفردين) ‏
    ‏( أعمارهما تبدو متقاربة... في بداية أو منتصف الأربعين تقريبا )‏

    ‏( يتناقشان و قد بدت على محيّاهما الجدية)‏
    عواطف – طيب ...ليه اختِرتني أنا بالذات
    ‏- لأنه شايفك مناسبة معاي ‏
    ‏( عواطف تنظر إليه باهتمام و هو يتابع حديثه) ‏
    ‏- واعتقد إنه بنكون متفاهمين و سعيدين مع بعض
                   |Articles |News |مقالات |بيانات

08-11-2015, 07:41 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    ‏- بعدين عندي سؤال خااص.... بس ماعايزة أتدخل في حياتك الخاصة
    ‏- لا لأ أبدا قولي...قولي..‏
    ‏- إنت متزوج ليك خمستاشر سنة صاح؟
    ‏ (يهز رأسه موافقاً)‏
    ‏- طيب شنو الحصل و خلاك تفكر تتزوج على مرتك؟
    ‏- ( بعد تردد) ..ما مرتاح معاها ‏
    ‏- ليه مش انت اخترتها من الأول؟... و لا كانت مفروضة عليك؟
    ‏- ايوة اخترتها براي
    ‏- طيب؟
    ‏- لكن ..( ثم يصمت)‏
    ‏- مالك سكتّ؟...‏
                   |Articles |News |مقالات |بيانات

08-11-2015, 08:05 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    ‏- و الله ما عايز اتكلم عنها ساكت لأنه ...لأنه ..بينّا عشرة و كده
    ‏- طيب وقت العشرة دي انت مقدّرها للدرجة دي متزوج عليها ليه؟
    ‏- شوفي إنتي ما تختيني في حتة ضيقة زي
    ‏- أنا ما ختيتك في حتة ضيقة لكن عايزة أفهم..... عايزة اقتنع
    ‏- أنا ما مرتاح مع مرتي.......... باختصار ما في بينا تفاهم.‏
    ‏- طيب البضمن شنو إنه ما تجي تغيّر رأيك برضه بعدين؟ ‏
    ‏- أنا عارف ما حأغيّر رأي
    ‏(يواصل)‏
    ‏- أولاً نحن أعمارنا متقاربة ...و إنت متعلمة اكترمنها و مثقفة....‏
    ‏( تنظر إليه في إهتمام و شبه تردد)‏
    يواصل:...‏
    ‏- بعدين أنا فكرت كويس و مقتنع
    ‏( تفكّر أو تسرح قليلاً...ويواصل هو)‏
    ‏- يعني أنا لو مرتاح ...ما كنت أصلاً فكرت في الزواج
                   |Articles |News |مقالات |بيانات

08-11-2015, 08:51 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    ‏- نفسي اقتنع بكلامك ‏
    ‏- يعني كلامي ده ما مُقنِع؟
    ‏- أنا ما قلت كده
    ‏- يا عواطف ثقي بالله وخلّي التردد ‏
    ‏- ما برضه لازم أتردد ..لأنه الموضوع بالسهولة دي
    ‏- أنا عاارف
    ‏- عشان كده حقو تديني فرصة أفكّر
    ‏- لغاية متين كده يعني؟
    ‏- أسبوع و بورّيك الحاصل شنو
    ‏- لأ أسبوع ده كتير
    ‏- خليها يومين
    ‏- خلاص قول تلاتة يوم
    ‏- يعني يوم الخميس
    ‏- آآآي
                   |Articles |News |مقالات |بيانات

09-11-2015, 04:20 AM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    خلال الأيام الثلاثة كانت عواطف( و هي في عجلة من أمرها) قد تداولت الأمر مع صديقاتها المقرّبات بعد أن عرضت عليهم فكرة زواجها من( علي). علماً أنه ليس لديهن سابق معرفة به.
    و بعد طرح الموضوع مع صديقاتها ازدادت حيرةً بل و ازدادت ارتباكاً. حيث لم تخرج منهنّ برأي موحّد. فقد كانت آراءهنّ متباينة. فهناك فمنهُنّ من نصحتها بالتروي و أخذ الحذر. و منهُنّ من شجّعتها على المجازفة (باعتبار أنها لن تخسر شيئاً). و منهُنّ من ذكّرها (بشكل غير مباشر) ببعض الزيجات المشابهة و التي فشلت. بعد مقابلة صديقاتها كانت عواطف تستعرض في ذهنها وجهات نظرهنّ في حيرة:
    ع- في رأي ما تتردي... لأنك ما حتخسري حاجة
    م- رأيي أنا إنه لو ما أتأكّدتي كويس ما تدخلي في حاجة زي دي
    ح- حقه نكون موضوعيين الزواج من راجل متزوج ما عيب و لا مشكلة
    س - في زيجات كتيرة كان الزوج متزوج و كان الزيجة التانية ناجحة
    ب- أنا ما عارفة لييه نحن بنضيّق الفرص على أنفسنا؟
    ك – في رأي إنك ما تستعجلي.... ده قرار مصيري
    أ- أنا من ناحية مبدئية ما بقبل أخرب بيت واحدة تانية و أشتت أولادها.
                   |Articles |News |مقالات |بيانات

09-11-2015, 04:45 AM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    ( يوم الأربعاء)
    تبقّى لعواطف يوم واحد حسب اتفاقها مع (علي ) و لكن لم تصل إلى قرار حتى الآن.فقررت أن تذهب إحدى معارفها كانت قد تزوجت من رجل متزوج من قبل.
    (بعد الاستقبال و المجاملات)
    عواطف: و الله أنا جاياك في موضوع....شورة يعني و كده
    - خير اتفضلي
    - باختصار .....في واحد عارض لي الزواج
    - مبروك
    - لا لسه ..هو ده الموضوع العايز استشيرك فيه
    - ( و قد تنبّهت حواسها بشدة) اتفضلي
    - الراجل مناسب إلى حد ما ...و لكنه متزوج
    - عنده أولاد
    - أيوه ...باولاده
    ( بعد صمت و تفكير لعدة لحظات)
    - و الله يا عواطف ما عايزة أقول ليك شنو
    - قولي ..أنا عايزة رأيك
    - و الله الناس بتختلف و كل زول تجربته بتختلف لأنه الناس ما زي بعض
    - طيب ...أسألك بطريقة تانية. إنتي شايفه تجربتك ناجحة و لا فيها مشاكل؟
    - بالنسبة لي أنا متزوجة لي ثلاثة سنوات و الحمد لله ما عندي مشاكل و حتى الآن بعتبر زواجي ناجح.
    * اكتفت عواطف بما سمعت. و خرجت و قد أحست بانها كادت أن تصل إلى قرار.
                   |Articles |News |مقالات |بيانات

09-11-2015, 05:44 AM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    (مساء يوم الأربعاء)
    تلقت عواطف اتصالا هاتفيا من رقم لم تعرفه لأول وهلة.
    - ألو
    معاي منو؟
    - ما عرفتيني طبعا .إنتي ما نسيتي الناس
    - آه (ص) ...إزيك ...كيفك ..مشتاقين
    (بعد دقائق من تبادل التحايا و السؤال عن الأحوال)
    ص : عارفة ضربت ليك ليه؟
    عواطف:لأ
    ص: سمعت خبر كده...
    عواطف – ايوا؟
    ص: إنك عايزة تتزوجي راجل مرة
    عواطف : و الله مجرد فكرة ......لكن لسه ما اتخذت قرار
    ص: ما تسمعي كلام النسوان .لأني عااارفهم حيقولوا ليكي ما تعرسي راجل مرة عشان شنو و شنو ..
    عواطف: ايوا؟
    ص: شوفي مستقبلك و قيّمي الموضوع براك..إذا شايفه إنه الراجل ده إنسان كويس و مسئول أصله ما تتردي..إلا إذا كان سمعتي عنه كده و لا كده.
    و أخيراً انتهت المحادثة.
    ( بعد المحادثة كانت عواطف تحس بارتياح عكس الأيام الماضية)
                   |Articles |News |مقالات |بيانات

09-11-2015, 07:29 AM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    (يو م الخميس)
    (عواطف و هي تتوقع مقابلة أحمد تحس بأن قلبها يميل للموافقة على عرض علي)
    ( يصل علي)
    (بعد وصول علي و الانتهاء من السلام و المجاملات العادية)
    - اها ...إن شاء الله خلاص اتوصلتي لقرار( يبدو كأنه يتوقع أن توافق)
    - ( و هي تتعمد تأخير الإجابة) و الله ما عارفة أقول ليك شنو
    - ( قال و هو يستحثّها على الحديث) خير..
    - و الله يا علي متحيّرة و ما عايزة أحيّرك معاي....
    - يا خي تأكدي إنه حنكون سعيدين و ما حأقصّر معاك
    (صمت من جانبها)
    - ...و خليك متفائلة
    - انا متفائلة و الحمد لله
    - طيب خلاص خلينا نحسم الموضوع
    - (صمت يغلب عليه الموافقة)
    - (متشجّعاً) قولي خير
    - (مكرّراً)..قولي خير ...بعدين أنا و الله محتاج ليك بشدة
    ( يواصل حديثه)
    - و شايف إنه حنكون سعيدين مع بعض , ...
    ملحوظة: .....و استمر النقاش و الحوار بينهما لمدة طويلة
    ......
    و في النهاية.......
    يبدو أن عواطف قد اقتنعت إلى حدٍ كبير
    - خلاص الخِيرة في ما اختار الله
    - نقول مبروك؟
    عواطف - ..........
    * و أخيراً
    وافقت
    عواطف
                   |Articles |News |مقالات |بيانات

09-11-2015, 10:21 AM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20346

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    سلام محمد

    سرد ممتع جدا وكأنك تعيش أجوائه ومشاوراته.

    طبعا حسب التجربة الشخصية ، فوحسب تجارب عديدة عند أهل وأصدقاء ومعارف ، فإن التوفيق من الله في مثل هذه الزيجات.
    الفشل والنجاح بيد الرجل أولا ، وإذا إختلّ ميزان العدل من جانب الرجل فإن الأمر إلى فشل لا محالة.
    الزوجة الأولى لإن رأت بأن زواجها في إنحدار مستمر فإنها بحدس الأنوثة تعرف إن كان زوجها سيتزوج من أخرى ، وهنا يكمن الحل والذي هو بيدها فقط بتغيير كافة إستراتيجيتها الزوجية من كل النواحي. ولكن إن كان الزوج يريد الزواج متعللا بأسباب واهية ، دون أن تكون للزوجة الأولى أي يد في توجهه هذا ، فالطبع لن تفيد أي محاولات .

    دمتم
                   |Articles |News |مقالات |بيانات

09-11-2015, 10:43 AM

صبري طه

تاريخ التسجيل: 10-08-2009
مجموع المشاركات: 9661

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    تحياتي محمد ...

    في حالات قد يكون العريس غير مُقنع والعروس ما مُقتنعة ومن حولها غير مُقتنعين بل وأقنعوها برأيهم.. ورغماً عن ذلك يحصل النصيب في الأمتار الأخيرة ...

    والغريب والمُدهش أن يكون أنجح زواج !!


    دُنيا يا حبيب !!
                   |Articles |News |مقالات |بيانات

09-11-2015, 04:45 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: صبري طه)

    صبري طه
    تحياتي
    فعلا يا صبري القسمة و النصيب هما الفاعل الرئيسي أما العامل البشري فدوره هامشي ‏أو وهمي و كثيرا كما تفضلت تنجح الزيجات التي تتم بدون ترتيب.‏
    آسف لتأخّر الرد بسبب المشغوليات.‏
    أشكرك اخي العزيز ‏
                   |Articles |News |مقالات |بيانات

10-11-2015, 12:20 PM

محمد عبد الله الحسين
<aمحمد عبد الله الحسين
تاريخ التسجيل: 02-01-2013
مجموع المشاركات: 5043

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    أبو جهينة سلام
    يا أخي متأسف جدا جداً متأسف لأني دقست كتبت الرد و بالإنشغال افتكرت إنه ‏أرسلته. بس اليوم براجع في التعليقات اتفاجأت إني ما رديت عليك فآسف للخطأ غير ‏المقصود إطلاقاً.‏‎

    إقتباس( طبعا حسب التجربة الشخصية ، فوحسب تجارب عديدة عند أهل وأصدقاء ومعارف ، فإن ‏التوفيق من الله في مثل هذه الزيجات‎.
    الفشل والنجاح بيد الرجل أولا ، وإذا إختلّ ميزان العدل من جانب الرجل فإن الأمر إلى فشل لا محالة‎.
    الزوجة الأولى لإن رأت بأن زواجها في إنحدار مستمر فإنها بحدس الأنوثة تعرف إن كان زوجها سيتزوج ‏من أخرى ، وهنا يكمن الحل والذي هو بيدها فقط بتغيير كافة إستراتيجيتها الزوجية من كل النواحي. ولكن ‏إن كان الزوج يريد الزواج متعللا بأسباب واهية ، دون أن تكون للزوجة الأولى أي يد في توجهه هذا ، ‏فالطبع لن تفيد أي محاولات‎( ‎
    تعليق:‏
    أنا بعتقد إنه 70% من نجاح الزواج بيد المرأة ( الكلام ده كان زماان) لكن في الوقت ‏الحالي انعكس الوضع لأنه الراجل بيحاول يرضي الملرأة بأي طريقة فالمحافظة على ‏الأسرة بتكون من مسئولية الراجل.‏‎
    أشكرك على التعليق‎
                   |Articles |News |مقالات |بيانات

10-11-2015, 12:31 PM

ابو جهينة
<aابو جهينة
تاريخ التسجيل: 20-05-2003
مجموع المشاركات: 20346

للتواصل معنا

FaceBook
تويتر Twitter
YouTube


Re: زواج للمرة الثانية (Re: محمد عبد الله الحسين)

    تحياتي أخي محمد عبدالله الحسين

    لا عليك أخي العزيز.. السهو بيحصل ..

    أما بعد

    بالفعل نجاح مسيرة الحياة الزوجية بيعتمد في المقام الأول على الزوج ، هذا إن كان يريد بالفعل أن تسير دفة الحياة دون أن تؤثر أي مشاكل أو إنفصال أو زواج من أخرى على تربيته لأبنائه وبناته.
    ولكن أحيانا ، تدفع بعض الزوجات أزواجهن دفعا نحو خانة الزواج من أخرى ، وإن حدث ذلك تبدأ سلسلة أخرى من المنغصات ...

    دمتم
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de