الهولندية راسها والف سيف تنزل معاي السودان الرجاء (مقترحاتكم ) .

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 11:27 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
26-10-2015, 09:51 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


الهولندية راسها والف سيف تنزل معاي السودان الرجاء (مقترحاتكم ) .

    09:51 AM Oct, 26 2015
    سودانيز اون لاين
    مني عمسيب- هولندا
    مكتبتى فى سودانيزاونلاين



    التحية للجميع ..

    غايتو يا كارولين الفيك اتعرفت وعارفاك دايرة تطبقي مثلنا السوداني ( وصل الكضاب للباب ).
    طبعآ قلبي علي وطني وقلب حكومتي علي حجر حسب نتي وحبي للسودان قاعدة اشكر ليها السودان
    شكر ما تتخيلهو لدرجة مطلعة ليها هولندا بقد القفة عديييييييييييييييييل ههههههههههه .واهو يا بت نفيسة
    الكضب حبلو قصير .
    اها اسه اعمل شنو آآآناس انا ما هامة عشان هي نازلة معاي لكن هامة عشان حا تنهي علاقتي الجميلة بيها
    عشان حا تعتبرني كضااااااابة وهم جنهم وجن الكضب ..
                   |Articles |News |مقالات |بيانات

26-10-2015, 10:01 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    وهنا تذكرت قصة صديقنا حسن احمد ( ابو الحسن ) هو من اولاد ام روابة ومشي يقرأ
    في روسيا اتعرف ليهو بوحدة خواجية هناك واتشبكت فيهو لانه هو ود ما بشبه كل البشر
    زي ماتقولو كدا زول براااااهو في كل حاجاتو ! الله يطراك يا ابو الحسن حي كنت او ميت
    والموت في الرقاب . قامت الخواجية دي اتشبكت فيهو شبكة مبالغة اها قومي يوم قولي
    ليهو الا امشي معاك السودان قدر ما حنسها واقنعها وقال ليها السودان دا غابة ولو مشيتي
    ما اظن تجي راجعة تموتي هناك قالت ليهو ( تور تور) بس بمشي ههههههه قال خلاس حا اوديها
    وتتحمل مسؤليتها ههههه وطبعآ هو مفهما انو من اولاد ام روابة اها سافروا لما وصولوا مطار
    الخرطوم قالت ليهو دا مطار ( ام روابة ) ؟ هههههههههه . اها اسه لو كارولين جات معاي اقول ليها
    دا مطار وين ؟ الله يسألين وشوف عيني العنكبوت باني ملك وبعيالوا في عرش المطار !!!!!!!

    (عدل بواسطة مني عمسيب on 26-10-2015, 10:03 AM)
    (عدل بواسطة مني عمسيب on 27-10-2015, 08:03 PM)

                   |Articles |News |مقالات |بيانات

26-10-2015, 10:07 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    في انتظار مقترحاتكم ..

    ولي عودة .
                   |Articles |News |مقالات |بيانات

26-10-2015, 10:17 AM

Yasir Elsharif
<aYasir Elsharif
تاريخ التسجيل: 09-12-2002
مجموع المشاركات: 27301

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    الأخت الحبيبة منى

    ومالو تنزل تنزل..

    علي الأيمان السودان يعجبها.. بس إنت قوي قلبك.. ديل بحبوا البهدلة أسأليني منهم..

    السودان دا تزورو بس وتجي راجعة..

    ياسر
                   |Articles |News |مقالات |بيانات

26-10-2015, 10:18 AM

محمد المسلمي

تاريخ التسجيل: 08-08-2009
مجموع المشاركات: 16978

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    مني سلام اتوكلي علي الله وجيبيها معاك
    لما تشوف استقبال اهلك ليك والبكاء بي
    مخاخيته وناس الحلة يتلموا فيك واهلك
    يضبحوا الخروف ويعلقوه ويجوا كل
    الناس تسلم عليك ناس يبكوا وناس
    يضحكوا وشئ سلام احضان وشئ بوس
    وسوقيها معاك لي الناس لي أهل الماتوا وإنتي
    مسافرة وعزيهم واحد واحد وتاتي يوم سوقيها
    معاك كم مناسبة فاتت للتهنئة وبعد ذلك ببدا
    برنامج الزيارات لأهلك ومعارفك والمناسبات
    الاجتماعية والرحل وخلافه


    -----------
    يعلم الله ربما تقول ليك خليني مع الناس الطيبين ديل
    ده الموجود عندنا في العالم كله ملفي (:
                   |Articles |News |مقالات |بيانات

26-10-2015, 10:13 AM

aosman
<aaosman
تاريخ التسجيل: 04-02-2002
مجموع المشاركات: 3399

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)


    لكن بالغت يا بت عمسيب. ذكرتيني بقصة حقيقة حصلت زمان لكم كنا طلتب في تركيا واحد صاحبنا سوداني متزوج تركية, والتركية مصرة تمشي السودان, المهم قال ليها شوفي يا بت الناس أنحن حياتنا في السودان بدائية جدا وعندنا في بيتنا رواكيب وقطاطي وشوفها صورهم وقال ليها عادي تلاقي الغنماية مربوطة في كراع العنقريب, التركية اصرت ومشت و كانت خايفة جدا كيف تعيش حياة بدائية. المهم لمن مشت إتفاجأت جدا بأنه صاحبنا أهله أغنياء جدا وكانوا ساكنين في المنشية وشاكلتوا جنيس شكل قالت ليهو قالت ليهو تكضب علي ليه؟ المهم من الزيارة ديك وبقى في السنة يمشي السودان مرتين, مرة يوديها ولمن يجي راجع تحلف ما ترجع معاهو, ويرجع براهو وبعد فترة يرجع تاني يجيبها.
    واحد تاني صاحبنا متزوج أسترالية كانت في تركية, اها ده قصتو زي قصتك ما وراها الحقيقة, أصرت تمشي السودان تاخد شهر, لمن مشت ما قدرت تكمل الأسبوع ورجعت وقالت لينا أنا يادابي فهمت دول العالم التالت يعني شنو؟ كنت زمان مفتكرة تركيا من دول العالم التالت.

    غايتو شيلي شيلتك وربنا يكون في عونك
                   |Articles |News |مقالات |بيانات

26-10-2015, 10:30 AM

اباذر عبد العال
<aاباذر عبد العال
تاريخ التسجيل: 26-03-2015
مجموع المشاركات: 874

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: aosman)

    عيشي الواقع طوالي وخليها تجي ضيفه عزيزه في الوطن الحبيب
    وكمان وديها قندهار..تضرب شية وشطه باليمون شديدة السخونه....ههههه و سفن اب بالروب
    وتشرب شاي في شارع النيل... والواحه مول وعفراء مول وبرج الفاتح... الخ وايطلي بيتزا في بحري

    كدا تكون طافت العاصمه المثلثه
                   |Articles |News |مقالات |بيانات

26-10-2015, 10:35 AM

طلحة عبدالله

تاريخ التسجيل: 14-09-2007
مجموع المشاركات: 15449

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: aosman)

    سلام يا مني
    قال ليك السوداني إتزوج على مرتو واحدة خواجية
    أها قال يجيبا السودان.. أول ما وصلوا قامت مشت
    مع مرتو السودانية ناس عرس .. الخواجية الرشيقة
    شافت ليك نسوان السودان ماشاءالله الواحدة تقعد في
    (البنبر) تغطيهو .. قالت لى ضرتا السودانية إنتن كيف بكون
    كبير وماكن كدا ..؟ السودانية قالت ليها بنشرب ( الملاصة)..
    لو شربت الملاصة بتكوني ماكنة .. قالت ليها خلاص أنا
    عايزة ملاصة .. قامت جابت ليهو كورية كبيرة مليانة ..
    أها الخواجية كل ما تشيل بقة تعاين لى جسما وتسأل
    يا حاجة كدا ماشي كويس ؟؟خخخخخخ
    قام الراجل مات .. أها مرتو السودانية تشيل وتثكل وتوصف
    والخواجية ما جايبا خبر .. قامت مرة من ناس البكاء قالت
    ليها إنتي لازم تعملي زي مرتو السودانية .. الخواجية مشت
    مسكت في طرف ضرتا وبارتا .. دي تكثل وتوصف والخواجية
    تقول وراءها أنا برضو .. أنا كمان .. نفس الشعور .. هههههه.

    السودان كويس بى ناسو وأهلو وبساطتم وحنيتم .. جيبيها ساي ما
    تشيلي هم يا مني عمسيب .
                   |Articles |News |مقالات |بيانات

26-10-2015, 10:26 AM

محمد مجيدو
<aمحمد مجيدو
تاريخ التسجيل: 06-07-2013
مجموع المشاركات: 2141

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    العزيزه منى ...

    صاحبتك دي حبابها الف في السودان ...
    سوقيها شارع النيل .. واقعدو مع ستات الشاي
    وركبيها الرقشه ... واحضرو ليكم كم حفله طربانه
    وخليها تزور سوق الناقه .. وتاكل اقاشي بالشطه ..
    يا سلام ... برنامج جميل ...
    كما قالت ليك ارجعي انتي هولندا .. وخليني هنا ...

    تحياتي ,,,
                   |Articles |News |مقالات |بيانات

26-10-2015, 10:39 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: محمد مجيدو)

    التحية لاحبتي الحضور ..

    واطمنك هي جاية جاية والخواجات يندرعوا في العدو هههههههههههههههههه .


    ولي عودة .
                   |Articles |News |مقالات |بيانات

26-10-2015, 10:39 AM

سيف اليزل الماحي

تاريخ التسجيل: 26-12-2006
مجموع المشاركات: 2909

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: محمد مجيدو)

    .



    كلمي ناس بيتكم يضايروا البيت، والحكومة تضاير الشوارع والوزراء، وأنا لاني خارج السودان بديك عناوين كم شاب ظريف يقنعوها ليك ان السودان ده هولندا التانية!


    .
                   |Articles |News |مقالات |بيانات

26-10-2015, 10:45 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: سيف اليزل الماحي)

    كدي النبدآ بمداخلة الأخ العزيز ... سيف اليزل الماحي .
    Quote:
    كلمي ناس بيتكم يضايروا البيت، والحكومة تضاير الشوارع والوزراء، وأنا لاني خارج السودان بديك عناوين كم شاب ظريف يقنعوها ليك ان السودان ده هولندا التانية!

    وليه دا كلو وهي منو ؟ وانا ما كتبت دا كلو عشان اعمل ليها كدا كل الكتبتو عشان قلت ليها كلام مامفروض
    اقولو من اساسو ولكن زي ما قلت مستحيل اسيئ لي وطني ولو قاطعني كل العالم دي الفكرة يا حبيب .. برغم من
    انها فكرة مسممة . ولك الشكر ..

    بالمناسبة الخواجات ابسط مننا في كل تفاصيلهم وقنوعين اكتر مننا بكل حاجاتنا قبل حاجاتهم .
    وهذا للامانة قبل المعلومية .

    ولك الشكر .

    (عدل بواسطة مني عمسيب on 26-10-2015, 10:48 AM)
    (عدل بواسطة مني عمسيب on 26-10-2015, 10:49 AM)

                   |Articles |News |مقالات |بيانات

26-10-2015, 10:40 AM

Hani Arabi Mohamed
<aHani Arabi Mohamed
تاريخ التسجيل: 25-06-2005
مجموع المشاركات: 2143

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    جيبيها وتعالي نضيّفكم ونشيلكم فوق راسنا
                   |Articles |News |مقالات |بيانات

26-10-2015, 10:51 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Hani Arabi Mohamed)

    الأخ الحبيب .. هاني .

    لك التحية ولوطني الحبيب .

    Quote: جيبيها وتعالي نضيّفكم ونشيلكم فوق راسنا

    ودا المعتمدة عليهو والمقوي عيني يعني باختصار الانكسر في الوطن مجبور فيكم
    واللهم نسألك أن تصلح حال بلدنا واحوالنا .

    ولك حبي .

    (عدل بواسطة مني عمسيب on 26-10-2015, 10:52 AM)
    (عدل بواسطة مني عمسيب on 26-10-2015, 10:55 AM)

                   |Articles |News |مقالات |بيانات

26-10-2015, 11:00 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    الأخ الحبيب .. ياسر .

    لك تحياتي ..
    قلت لي :
    Quote:
    ومالو تنزل تنزل..
    علي الأيمان السودان يعجبها.. بس إنت قوي قلبك.. ديل بحبوا البهدلة أسأليني منهم..
    السودان دا تزورو بس وتجي راجعة..

    والله السودان من ناحية معشر وناس واستقبال بعجب ودا المعتمدة عليهو ودا هنا مربط الفرس
    البفصل بينا وبينها لانهم هم معدمين من الناحية الاجتماعية دي , بالذات لما تكون حاجة ( اكسترا) زي
    الشعب السوداني المضياف .

    ولك الشكر .


    ***************
    سوقني معاك يا حمام .
                   |Articles |News |مقالات |بيانات

26-10-2015, 10:56 AM

اسامه العريفي
<aاسامه العريفي
تاريخ التسجيل: 28-02-2014
مجموع المشاركات: 690

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Hani Arabi Mohamed)

    الله يعينك يا بت عمسيب
    موضوعك ده ذكرني موضوع عكسي وانحنا
    طلبة بالهند في اواخر ثمانيات القرن الماضي
    اتصل علي الوالد وقال لي انا سوف اسجل لك
    زيارة بالهند خلال اسبوعين والله انا للوقت قاعد
    اضاير خلعة عجيبة والغريبة انو ما جاء

    مرحب بضيفتك وصدقيني سوف تستمتع وسط الأهل
                   |Articles |News |مقالات |بيانات

26-10-2015, 11:04 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: اسامه العريفي)

    الآخ الحبيب ... المسلمي ..

    لك التحية ..
    Quote:
    مني سلام اتوكلي علي الله وجيبيها معاك
    لما تشوف استقبال اهلك ليك والبكاء بي
    مخاخيته وناس الحلة يتلموا فيك واهلك

    والله يا مسلمي دا المعتمدة عليهو والحا يدهشها يعني حا نخليها مندهشة كدا
    لما نقرب نرجع لانه كل يوم بجوني ناس بسلموا علي بنفس الطريقة ههههههه
    غايتو يا جنناها يا دهشناها ههههههه وكلو وارد في العلاقات السودانية المميزة .

    ولك القدير ..


    *************
    بحبك يا وطني
    بريدك يا وطني .
                   |Articles |News |مقالات |بيانات

26-10-2015, 11:14 AM

محمد علي البصير
<aمحمد علي البصير
تاريخ التسجيل: 24-06-2011
مجموع المشاركات: 4208

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: اسامه العريفي)


    الكنداكة بت عمسيب ـ أكيد حاترفعي رأس السودان
    ياخ دا حيكون برنامج يحتاج توثيق
    بس أهم حاجة عاوز أقولا ليك
    اياك تمشي ايام الحر الشديد
    إما أيام الشتاء ( ديسمبر أو يناير)
    أو تنتظري لحدي الخريف ( يوليو أو أغسطس)

    منى برجع ليك على مهل
                   |Articles |News |مقالات |بيانات

26-10-2015, 11:07 AM

الطيب عباس
<aالطيب عباس
تاريخ التسجيل: 22-09-2015
مجموع المشاركات: 1860

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    تحياتي

    المشكلة انو بلدهم بتنقلو بالعجلات ماف كتاحه زي بلدنا دي ههه المهم كتري من الانتي بايوتك معاك ههههه
                   |Articles |News |مقالات |بيانات

26-10-2015, 11:21 AM

عبد الله شم
<aعبد الله شم
تاريخ التسجيل: 03-05-2013
مجموع المشاركات: 2211

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: الطيب عباس)

    منى ازيك

    جيبيها ساهي انا عازما في سوق الناقه من اسي
    شية ومعاها شربوت كمان وممكن بقنية كاربة
                   |Articles |News |مقالات |بيانات

26-10-2015, 11:24 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: الطيب عباس)

    الأخ العزيز .. عثمان بالانجليزي .

    لك التحية والتقدير .. وشكر المرور .
    Quote: ذكرتيني بقصة حقيقة حصلت زمان لكم كنا طلتب في تركيا واحد صاحبنا سوداني متزوج تركية,
    والتركية مصرة تمشي السودان, المهم قال ليها شوفي يا بت الناس أنحن حياتنا في السودان بدائية جدا

    صدق يا عثمين قصص كتيييرة مشابهة ومتشابهة زي دي لكن نتايجها بتكون فقط ذو حدين يا الاحساس الايجابي
    يا الاحساس السلبي ! يعني بعرف لي كم صديق متزوجين ليهم خواجيات لما زاروا السودان اول مرة انبهروا بيهو عديل!
    والعكس تمامآ في اسر تاني ! حتي عيالنا السودانيين من ام واب ومولودين هنا منهم الحبه السودان جدآ ومنهم الرفض
    تاني يزوروا ! يعني وباختصار منطقة احساس اوسطي ما بسهولة تجدها ودا المحيرني !

    ومشكور يا حبيب علي المداخلة اللطيفة والقصص الواقعية المفيدة . ونتمني أن يصبح السودان كما نريد ويتقبل الله دعواتنا
    وامنياتنا ولو بالكضب لتكون الحقيقة المشرفة لاننا شعب يستحق ويستاهل كل جميل . ولك كل التقدير اخي اسامة .

    **************
    بحبك يا وطني
    بريدك يا وطني .
                   |Articles |News |مقالات |بيانات

26-10-2015, 02:30 PM

Adam Youssif
<aAdam Youssif
تاريخ التسجيل: 26-03-2015
مجموع المشاركات: 534

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    بت عمسيب
    لك التحية انتي ما كضبتي ليها و لا حاجة ..جيبيها ووديها المتحف القومي ولفي بيها في الخرطوم والمقرن
    هم اصلا بيحبو التغيير والحاجات الغريبة عليهم
    تحياتي
                   |Articles |News |مقالات |بيانات

26-10-2015, 05:06 PM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4846

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Adam Youssif)

    .
    يا منى يقوووووووم ود خالتن لينا يعرس ليهو سويدية ويجيبه البلد ،
    طبعاً أهلنا بيجو يتفرجو فيها ... الخواجية ذاته شقية ... يوم معانا في
    الدافوري .. ويوم راكبه ليها جمل .... أها يوم قالت إلا تاكل ام فِتفِت ،
    يامنى الخواجية ما دار تموت ، تعالي شوفي ليكي جنس طراش ، وبت
    خالتنا تغسل ليها في راسه بالمويه البارده وتقول: هسع كان الله أدانا الشعر دا مالو

    يا زوله أسمعي كلامي .. ديل دايرين يستكشفوا عوالم مجهولة زي سودانا دا ،
    على العموم أنا بكون هناك خلال نوفمبر/ديسمبر .. لو الأمور مشت تمام
    ومعزومين رحلة البجراوية إن شاء الله .

    سلمي لي عليها
                   |Articles |News |مقالات |بيانات

26-10-2015, 05:16 PM

صديق الموج
<aصديق الموج
تاريخ التسجيل: 17-03-2004
مجموع المشاركات: 19433

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: محمد فضل الله المكى)

    يازوله سوقيها بس ابعديها من ناس النظام العام و التلفزيون ما يطلع اللمبى يطمم بطنها الباقى كله مقدور عليه،،،
                   |Articles |News |مقالات |بيانات

26-10-2015, 05:56 PM

محمد فضل الله المكى
<aمحمد فضل الله المكى
تاريخ التسجيل: 29-03-2008
مجموع المشاركات: 4846

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: صديق الموج)

    .
    كان ملاوزة تسوقيها قولي ليها هناك حتلبسي
    حجاب كامل .. عيونك بس زي قدود الجلد

    يمكن المزنوحة تغير رايها
    بمناسبة مزنوحة دي .. إتو الطيب شيقوق وين؟
                   |Articles |News |مقالات |بيانات

26-10-2015, 11:18 PM

نادر الفضلى
<aنادر الفضلى
تاريخ التسجيل: 19-09-2006
مجموع المشاركات: 5036

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: محمد فضل الله المكى)

    منى

    سلام

    لو ما صورتى ليها السودان جنة ما عندك مشكلة
    من إنطباعات خواجات زاروا السودان برجعوا مبسوطين
    بيبهرهم أكثر شى معاملة وترحاب وضيافة السودانيين
    بيلقوا حميمية من الناس شى ما عرفوه فى حياتهم
    وبيقدروه شديد

    أذكر فى خواجية شابة من عندنا فى أمريكا لبت دعوة صديق
    سودانى، قابلتها عندما رجعت كانت فى غاية الإنبساط
    حتى رحلة عودتها لأمريكا كانت بالطائرة المصرية وكان معاها
    عائلة سودانية راجعها من إجازتها بالسودان، فترة الترانزيت فى القاهرة
    كانت طويلة أكثر من 12 ساعة .. كان برنامج قضته مع الأسرة
    ومعارفهم فى القاهرة عوازيم وضيافة، فى مطار نيويروك فاتتهم
    الطيارة المحلية، الأسرة السودانية أحد معارفهم السودانيين بنيويرك
    ضيفهم وباتوا عندهم .. بتحكى لى مندهشة .. ما مر عليها شى زى دا

    الطريف قالت لى أى شاب سودانى لاقاها يادوب عرف نفسه
    ويقوم يطلب منها الزواج .. ضحكت وهى تقول مستغربة بأنه كيف
    بدون تعارف جيد يطلبوا الزواج .. ما أكضب عليك البنية جميلة
    جمال .. ورقيقة وظريفة .. شبابنا كان معاهم حق ... زولتك كيف؟
                   |Articles |News |مقالات |بيانات

27-10-2015, 00:44 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 12780

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: نادر الفضلى)

    Quote: إنطلقت زغرودة فرح صاخبة من بيت حاج سوميت مسافرة عبر بيوت الحِلة لترطضم
    بالجبل القابع في الناحية الغربية ليترجمها بدوره ويردها للحِلة في شكل صدى غازل
    كلّ أُذن صاغية أو لآهية ليخبرها أنّ الكرير ود حاج سوميت نجح للجامعة. ثمّ أعقبتها
    زغرودة ثانية وثالثة لِيتدافع أهل الحِلة إلى بيت حاج سوميت وحاجة البِخيتة لمباركة
    نجاح ولدهن الكرير...
    إستطاع الكرير بذكائه ونباهته أن يجتاز المرحاة الجامعية بتفوق ليواجه مرحلة من أصعب
    المراحل في حياته، ألا وهي رحلة البحث عن العمل. رغم تفوقه لكنه فشل في الحصول على
    عمل. تذكر الكرير في غمرة محنته تلك الزغرودة التى إرتدّت من قمة الجبل يوم نجاحه
    وهو يرى آماله العراض ترطضم بجبال المحسوبية والرشاوي والفساد وترتدَّ إليه خاسئة
    وهي حسيرة.
    إلتحق الكرير بشركة (لآف)، وأصبح مدوّر طاحونة مع الخريجين في الأزقة والحواري،
    والكل منهم يفكر في المخارجة إن شاء الله لوآق الوآق وقد توزعوا على الركشات والأمجادات
    والهايسات ما بين سواق غدير وكمساري شِفِت...

    بعد عدة محاولات إستطاع الكرير أن يصل إلى إقناع حاج سوميت وحاجة البخيتة بفكرة
    السفر إلى أمريكا البقت حلم الوليدات لحدهن، زي ما بتردد بت الحاج دايماً في الحِلة.
    حاجة البخيتة مرقت الدِهيبات الداخراهن لليوم النفر ده وحاج سوميت رسّل البلد باع
    عيدان الأرض والبِقيرات بعد أن حصل الكرير على التأشيرة لأرض الأحلآم.
    مرّت الأيام كالخيال أحلآم ليجد الكرير نفسه في رحلة بين طيات السحاب كانت نهايتها
    في مطار (جى آف كندي). إستقبله الأصحاب وأولاد البلد، وطوالي أخدوهو على
    الشقة. بعد فترة رآحة لمدة ثلاثة أيام ما كان على الكرير إلا أن ياكل نارو ويواصل رحلة
    البحث عن العمل التي بداءها في السودان.
    الجماعة ما قصروا معاهو، شبكوهو ليك وصايا: شوف يا الكرير، البلد دى هنا ما زي
    السودان. ماتمشي تعمل فيها قلبك حار يشوتوك.
    : أسمع يا مان، الجماعة ديل هنا لو إشتغلوا معاك مفكات أعمل فيها ما سامع يا مان
    إقنور زم.
    : أعمل حسابك من الـ42 وهارلم، والبرونكس يا مان دي محلات ختره.
    أصبح الكرير متسكع بين البرادوي في منهاتن، وفلتون إستريت في بروكلن من دكان
    يماني لدكان يماني حتى تحصل على شغل مع أحد اليمانية.
    لم يكن الكرير مرتاح للشغل مع اليماني، نسبةً لأنّ اليماني بيبيع القناني. ظلّ مداوم مع
    اليماني على مضض إلى أن تحصل على شغل مع يهودي في دكان لبيع الملابس
    (ديسكاونت). أصبح الكرير مرتاح للشغل الحلال رغم إنه ساكن في برونكس والشغل
    في بروكلن وبيقضي يومو كلو من ترين لترين.

    أبو صلعة أصبح وآفد رسمي على حاج سوميت وحاجة البخيتة من قِبل الكرير. الكرير
    يشيل ويرسل، والحاجة ما مقصرة مع الحاج تشيل وترشد فيهو شى دمعة جداد، شى
    لحمة محمرة، شى قراصة بالسمنة والسُكّر، تُرمسة الشاي مطنبجة اليوم كلو وسُكريّة
    السُكّر مقوزة سُكّر، والحاج يشيل ويطعِم ويجغم،و يضرب في المِلحات والقراريص
    والزلابيا. سكريهو طاير السماء، والدغت رادمو حد الردم، والرطوبة مخلياهو يجرجر
    في كرعيهو يااااا الله. الكرير يشيل ويرسل في أب صلعة، وقدر ما يضرب تلفون
    الحاج يشتكي من الأمراض.
    مرّت السنين وبداء الكرير يفكر في الوالد والوالدة والبلد، ودرب الرجعة. لكن يرجع كيف؟
    لو رجع بدون ورق ما عندو طريقة تاني يدخل أمريكا. طيّب يعمل شنو؟
    الجماعة نصحوهو إنو يتزوج زواج بيزنيس. والفكرة وقعت للكرير تب.
    في رحلة البحث عن عروس ورق، التقى الكرير بمليسا. مليسا فتاة في مُقتبل العمر وعنفوان
    الشباب، ممشوقة القوام، على قدرٍ كافٍ من الجمال، خفيفة الظل، وتعمل في مجال التمريض.
    ده كلووووو الكرير ما عندو فيهو غرد، لكن مغرود بالحيل في الورق. إتفق الكرير مع
    مليسا على 2000 دلار.
    بدأت إجراءت المحاكم وكان لابُد أن تتخللها لقاءات بين الكرير ومليسا. دوّرت التلفونات
    بيناتهن، وهاك يا لقاءات في المقهى الفلاني، في الحديقة الفلانية، في شقة مليسا في
    منهاتن، ومدورين نقاش جاد بخصوص الورق. تكررت اللقاءات وبدأت الكُلفة تترفع
    شويّة شويّة إلى أن شعر الكرير بعواطفه تنجرف نحو مليسا. ظلَّ الكرير يقاوم عواطفه
    التي إعتبرها من عمل الشيطان، لكن يبدو أنّ شيطان العاطفة تملك مليسا من الجانب
    الآخر، ظلت هي الأُخرى تحاول طرد الهواجس من دواخلها.
    أصبحت كلما ترى الكرير تزداد ضربات قلبها فتردد بينها وبين نفسها: اووووه نو...
    اوووووه ش........ت...

    كان لابُدّ من البوح والمصارحة لتصبح أُسطورة أبو الداردوق جد جد. بدل زواج الورق
    أصبحت مليسا زوجة الكرير شرعياً، لتتحول بقدرة قادر من مراة ورق، لمراة راجل.
    كان لابُد للكرير أن يشتقّ من إسمه إسم يكون خفيف على أولاد وبنات جون نسابتو. فقام
    بتعديل إسمه إلى (كرج سوما) بدل الكرير ود سوميت.
    بعد عدة إتصالات تردد فيها الكرير بمصراحة الوالد، إتوكل وراح فاكي ليهو البص.ثارت
    ثورة حاج سوميت، والحاجة تحاول أن تهدي ثورته من خلف دموعها لكن دون جدوى.
    صلايب السكري زادت والدغت طار السما، والمُسكن الوحيد كان أب صلعة.

    بعد أن تحصل الكرير على الجنسية قرر أن يصحب زوجته لزيارة البلد والأهل. حاول
    الكرير المستحيل لإقناع والده السماح له أن يأتي برفقة زوجته لكن باءت كلّ محاولاته
    بالفشل الزريع، وإنفتحت الواسطات والأجاويد على حاج سوميت.
    حاج العوض: يا حاج سوميت إستهدى بالله. يازول البتسوي فيهو ده غلط، والزواج أصلوا
    قسمة ونصيب.
    حاج سوميت: يا حاج العوض ده كلام ده! دايرني كمان أخليهو يجيب لي الكافرة في البيت؟.
    حاج العوض: يا حاج سوميت الله يرضى عليك لاتكسر خاترو، الولد مشتهيكم وداير يجي
    يشوفكم.
    حاج سوميت: اليجى برا. الكافرة دى لاتجي معاهو.
    حاج العوض: عاد ده كلام ده يا حاج سوميت؟ كمان هو مو دايركم تشوفو مرتو.
    حاج سوميت: شافا بلا يخمها. كمان قال أسما مريسة! شفته المصيبة الوقعت فوقنا يا حاج
    العوض!؟. كافرة وأسمها مريسة ودايرني أدخلا بيتي؟ أنا عاد مانى حالف الكافرة مابتجي
    داخلة هنا.
    المهم بعد رجّة، وبعد تحنيس حتى وافق حاج سوميت أن تحضر مليسا مع الكرير...

    زفّ الكرير الخبر لمليسا التي لم تستطيع أن تتمالك نفسها من الفرحة، فهي في شوق شديد
    جداً لزيارة السودان والتعرف على أهل الكرير رغم علمها برفض حاج سوميت لها. تعلمت
    مليسا بعض المفردات العربية، وقامت بتجميع كميّة من الأدوية وموازين للسكري والدغت
    لتأخذها معها لمساعدة الناس في البلد.
    في اليوم المحدد شدّ الكرير ومليسا الرحال للسودان. كان الكرير طوال الرحلة يحاول تهيئة
    مليسا للوضع في بيتهم ، وإستقبال والده لها الذي سيكون في غاية البرود. مليسا كانت متفهمة
    الوضع تماماً ومهيئة نفسها للتعامل مع الصعاب التي ستواجهها.
    حطت الطائرة في مطار الخرطوم، وظهر الكرير ومليسا. كان إستقبال الأهل للكرير حافل جداً،
    عداء والده الذي إستقبله إستقبال عادي جداً، في نفس الوقت الذي إستقبل فيه مليسا إستقبال بارد
    جداً. سلّم عليها بطرف أصابعينو، ولم يخفي كِجنته لها...

    مرّت الأيام رتيبة، وجو البيت مكهرب في الوقت الذي تحاول فيه مليسا كسر الرتابة وإزالة
    الحواجز بينها وبين نسابتها، وحاج سوميت موجوع وجع شديد جداً وكلما سنحت له الفرصة
    مع الكرير يعاتبو: ده آخر تربيتنا ليك يالكرير! تجيب لنا كافرة في البيت؟
    الكرير: يا أبوي لكن...
    حاج سوميت مقاطعاً: لكن شنو؟ شوف، تانى وكت تدور تجينا تجى براك. الكافرة دى لاتجيبا
    لينا.
    كلما يحاول الكرير يتفاهم مع أبوه، حاج سوميت يقاطعو: أها داير تقول شنو؟ بعد جبلنا كافرة
    غزيتا في البيت!. الكافرة دى المرّة الجاية ما تجى معاك. كرهو ليك الإجازة.
    قرر الكرير السفر إلى بورتسودان لمدة إسبوعين في مهمة، بينما آثرت مليسا أن تقعد مع
    نسابتها في فترة غياب زوجها.

    حاجة البخيتة ما زالت متوصية بالحاج الذي يبدو إنه في يوم من الأيام ضرب ضرب شديد
    جداً في زلابية الحاجة وتورت فوقو السكري والدغت والنحار وجميع أنواع الأمراض. حاولت
    مليسا بحكم خبرتها في مجال التمريض المساعدة لكن حاج سوميت حلف الكافرة ما تقربو.
    بعد إشتداد المرض عليهو أقنعوهو بأن ياذن لمليسا فوافق على مضض.
    بدأت مليسا معه العلاج بروح ملآئكية ترد الروح والغمّة تزيلا، وقامت بوضع برنامج يومي
    كامل لحاج سوميت يبداء بوجبة خفيفة في الصباح البآكر تعقبها تمارين رياضة خفيفة، مع
    المداومة الكاملة على قياس الدغت والسكري. وجبة الغداء تقدم له مع مراعاة القيمة الغذائية
    بعيداً عن مهيجات الدغت والسكري وكذلك العشاء. كانت مليسا تقوم بكل هذا بروح طيّبة
    جعلت حاج سوميت يرتاح لها من جووووه قلبو، وكان يكون دوماً في حالة تشوق شديد لتمارين
    الصباح الرياضية التي كانت عبارة عن السير لمسافات تتخللها عشرة ونسة ظريفة بين الحاج
    ومليسا، يحاول فيها حاج سوميت تعلم بعض مفردات الإنجليزية من مليسا، ومليسا تشيل وتحفظ
    في كلامو وهي تمازحه وتضاحكه مرددةً بعض المفردات التي تسمعها منه بلكنة مكوجنة،
    وحاج سوميت يقول لها ضاحكاً: أمانة ماك ممسوخة.
    وهي تردد: ممخوسة هاج، ممخوسة.
    حاج سوميت كان عطشان وجاهو الري. فرهد وإنتعش وضاق طعم العافية بعد أن فارقته سنين
    عددا. أصبح اليوم كلو دارش ونسة مع مليسا، وعادت البهجة لجو البيت، كما عادت الصحة
    لحاج سوميت، وأصبح يفر سن سن بسبب وبلا سبب ضارباً بالقاعدة عرض الحائط.

    بعد أن قضى الكرير مهمته ورجع، ذهب ليجلس مع الحاج في الديوان، وكان قد لاحظ عليه
    علامات الإرتياح وسريان الصحة في جسمه.
    سأل الكرير والده مستفسراً: أها يا أبوي، إن شاء الله الكافرة دى تكون إنسترت معاك، في
    سفرتي دى؟
    ردّ عليهو حاج سوميت بسرعة وهو متعجب غاية العجب: كآفرة!!! يا ولدي على بالطلاق
    كافرة أُمّك المدموسة بهناك دى... والله قال كافرة قال!!!!!!!!!


    ود المدير ...
                   |Articles |News |مقالات |بيانات

27-10-2015, 06:13 AM

نادر النور آدم
<aنادر النور آدم
تاريخ التسجيل: 29-04-2010
مجموع المشاركات: 1126

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: معاوية المدير)

    الفاضلة منى عمسيب والضيوف الكرام
    عندنا قريبنا عايش في أمريكا اتزوج واحدة من هناك وعندهم بتين، أول مرة تجي معاهو السودان أخد شقة في حتة راقية في الخرطوم وقريبة على النيل قعدو فيها زي يومين تلاتة كدة مرحلة انتقالية.. يلا بعد داك اخدهم ومشو الحلة هناك طبعا بكل معطيات الحلة المعروفة للجميع ههههههههههههه الجماعة انبسطو كويس وضبحو واحتفالات خاصة وانو الأطفال اول مرة يجوهم وكدة يلا لمن كملو يومين تلاتة في الحلة رجع بيهم الخرطوم الخواجية قعدت في الشقة اليوم الأول تاني يوم من الصباح قالت ليهو الحلة بس.. عليك امان الله مشو كملو باقي شهرهم في الحلة ورجعو مبسوطييييييين وما خلت حاجة ما صورتها
                   |Articles |News |مقالات |بيانات

27-10-2015, 06:34 AM

سيف اليزل سعد عمر
<aسيف اليزل سعد عمر
تاريخ التسجيل: 11-01-2013
مجموع المشاركات: 9093

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: نادر النور آدم)

    سلام الحبيبة بت عمسيب

    سوقيها معاك طوالي...
    حتستمع متعة غير طبيعية حتى في صعوبات السودان.
    زي ما قالوليك الزملاء..كم عزاء وكم فرح. وكباية شاي في شارع النيل
    وفطور في قندهار ولفة في سوق ام درمان.

    نتمنى ليك اجازة سعيد.
                   |Articles |News |مقالات |بيانات

27-10-2015, 06:37 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: نادر النور آدم)

    بتكوني ما عملتي أي حاجة لو قضت الاجازة في العاصمة
    ولو عايزة تدهشيها جد زوريها الجزيرة ومن هنا بقدم لكما الدعوة في حلتنا
    وبكلم احمد اخوي يجهز ليكما اتنين حمار مكادي تركبا عري بس ولو حسيتما بانكما سلكتما فاطلبا بردعة
    لكن أخير لكما عري ساكت فلو انزلقت البردعة فردلب تقعا على رقبتكما وتجيبا لنا رقبة كمان مراح احمد اخوي كلو ما احلنا منكما
    سمح ؟
    ولازم تزوريها خالي البلولة ود علوبة عشان تعرف معنى الري الانسيابي وكيف يتم توصيل المياه من خزان مكوار بسنار حتى يروي كل هذا المشروع
    الذي كان عملاقا ......... اخخخخخخخخخخخخ
    .
    .
    الدعوة جادة بالجد
    .
    .
    اتخيلت المنظر يا نادر النور ههههههههههههه
    .
    وهذا مع التحية والاحترام لراعية البوست وضيوفها
                   |Articles |News |مقالات |بيانات

27-10-2015, 06:48 AM

نادر النور آدم
<aنادر النور آدم
تاريخ التسجيل: 29-04-2010
مجموع المشاركات: 1126

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: عبدالله ود البوش)

    Quote: اتخيلت المنظر يا نادر النور ههههههههههههه
    اتخيلتو تب واتخيلتهن بي حميرن ماشات بالشلابي ويتونسن


    لكن عندي سوعال
    Quote: سلكتما
    دحين ما عصرت عليهما؟
                   |Articles |News |مقالات |بيانات

27-10-2015, 07:02 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: نادر النور آدم)

    Quote:

    دحين ما عصرت عليهما؟

    ولا عصرتا عليهما ولا شتين
    ثم انه كلامي دا غيرك اتا وشاشوق مافي زول بجيب خبرو فاستمتع بالرحلة ودع القيادة لبانقا
    .
    .
    قلت لي الخواجية حرنت في السواجير ؟
    ابت تفوت كلو كلو
                   |Articles |News |مقالات |بيانات

27-10-2015, 07:19 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 12780

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: عبدالله ود البوش)

    Quote: ولا عصرتا عليهما ولا شتين
    ثم انه كلامي دا غيرك اتا وشاشوق مافي زول بجيب خبرو فاستمتع بالرحلة ودع القيادة لبانقا


    القالك مِنو ؟،
    السلكة التحميك القعدة، ؤُ تخليك ليلك كلو حايم بالحشان
    زي المناحة ...
                   |Articles |News |مقالات |بيانات

27-10-2015, 07:28 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: معاوية المدير)

    Quote: القالك مِنو ؟،


    ههههههههههههههه
    الشرك قبض وهو في شاشوق غيرك اتا يا المهود ؟ زنبار قداد الهبوب
    ثم انه ما اسما السكلة اسما التسلكة .... التسلكة العلاجا بسكن حجار البطارية هههههههههه هي والدبرة واحد
    وبعد دا كلو مشتاقين يا عميكة
    عولاق واحد
                   |Articles |News |مقالات |بيانات

27-10-2015, 07:37 AM

عبدالله ود البوش
<aعبدالله ود البوش
تاريخ التسجيل: 12-08-2009
مجموع المشاركات: 6639

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: عبدالله ود البوش)

    ود المدير ونادر اختوني خلوني ادودر القمرتين ديل اركن في تقات حلتنا
    عشان نغني ليهن يا حلة تنوري الليلة يا حلة تنوري
                   |Articles |News |مقالات |بيانات

27-10-2015, 07:38 AM

اباذر عبد العال
<aاباذر عبد العال
تاريخ التسجيل: 26-03-2015
مجموع المشاركات: 874

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: عبدالله ود البوش)

    Quote:
    وبكلم احمد اخوي يجهز ليكما اتنين حمار مكادي تركبا عري بس ولو حسيتما بانكما سلكتما فاطلبا بردعة
    لكن أخير لكما عري ساكت فلو انزلقت البردعة فردلب تقعا على رقبتكما وتجيبا لنا رقبة كمان مراح احمد اخوي كلو ما احلنا منكما
    سمح ؟



    ههههههههههههههههه

    وصف مبااااااااااااااالغة
                   |Articles |News |مقالات |بيانات

27-10-2015, 09:18 AM

نادر النور آدم
<aنادر النور آدم
تاريخ التسجيل: 29-04-2010
مجموع المشاركات: 1126

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: اباذر عبد العال)

    Quote: ادودر القمرتين ديل اركن في تقات حلتنا


    عس عس عس
                   |Articles |News |مقالات |بيانات

27-10-2015, 10:49 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: نادر النور آدم)

    اخي الحبيب اباذر .. سلام يغشاك .
    Quote:
    عيشي الواقع طوالي وخليها تجي ضيفه عزيزه في الوطن الحبيب
    وكمان وديها قندهار..تضرب شية وشطه باليمون شديدة السخونه....ههههه و سفن اب بالروب
    وتشرب شاي في شارع النيل... والواحه مول وعفراء مول وبرج الفاتح... الخ وايطلي بيتزا في بحري
    كدا تكون طافت العاصمه المثلثه

    يا ابا ذر اقول ليك قولة الخواجات فيهم ميزة مافي منافس ليهم اللهي البساطة والقناعة وبعد دا بحبوا
    المغامرات واي شئ ما مألوف ممكن يتعايشوا معاهو يعني من الناحية دي انا ما عندي اي مشكلة ولاهامة
    بيتنا الفي الحي الشعبي ولا حياتنا العشوائية لانه دا هم البلفت نظرهم وبدهشم ههههههههه صدقني جد انا
    معاشراهم وعارفة طريقتهم كيف وتعايشهم في كل البئات المختلفة دا البشجعك تتعامل معاهم بكل بساطة
    انا اسه ما هامة عشان ماشة معاي بتاتآ هامة فقط عشان حا تواجه واقع انا قلت ليها عكسو بالرغم من اني متأكدة
    هي ما عندها اي مشكلة بالواقع الخيالي القلتو ليها ولا الواقع السئ المعاش . هنا دي مشكلتي وفي الحالتين كانت
    حا تمشي معاي لانها ما بهما واقع البلد قدر انها تغير من حياتها ولو في احلك الظروف . وبالمناسبة هي تفتيحة وعارفة
    اي شئ لانها بتتعاون مع المنظمات وبذات المهمتها الشأن الافريقي . ومن خلال النت والاعلام حقهم يعني مثقفة ما محتاجة
    كضب بس زي ما بقول المثل ( عيبك بعيبني يا شقي الحال ) اها الحكومة خلتنا في الوضع ! اما بخصوص الاماكن الوصفتها
    لي اكيد بوديها . وهي شدة ما الله اداها يا اباذر عندها ( جتار ) قالت شايلاهو معاها وماشة تعمل حفل في السودان في الساحات
    الكبيرة ههههههه بالمناسبة لو شفتوها بتحبوها جدآ وبتحب السودانيين والفن السوداني . وحافظة اغنية ( يانور العين ) وردي
    ومدحة ( السراي ) دا كلو بتسمعني ليهو لما تجيني بجتارها ههههههههه وهي متمسكة بي عشان انا بصبر عليها في حفظ الاغاني
    السودانية وبحفظها ليها وبكتبها ليها بالحروف الانجليزية عشان تقدر تحفظها . وهي انسانة ذكية ولماحة وتفتيحة وبتتكلم معاي شوية
    عربي وانا مصرة اخليها تكون من ناطقي اللغة العربية هههههههههه . وتسلم يا اباذر .

    ولك الشكر يا اخي اباذر .

    (عدل بواسطة مني عمسيب on 27-10-2015, 10:52 AM)

                   |Articles |News |مقالات |بيانات

27-10-2015, 10:59 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    ود العريفي .. حبابك يا خوي ..

    Quote: لله يعينك يا بت عمسيب
    موضوعك ده ذكرني موضوع عكسي وانحنا
    طلبة بالهند في اواخر ثمانيات القرن الماضي
    اتصل علي الوالد وقال لي انا سوف اسجل لك
    زيارة بالهند خلال اسبوعين والله انا للوقت قاعد
    اضاير خلعة عجيبة والغريبة انو ما جاء
    مرحب بضيفتك وصدقيني سوف تستمتع وسط الأهل

    ههههههههههه شفت كيف التنشنة ؟ اها انا اسه حتي لو ما كضبت عليها بكون متنشنة
    ما هم ولا عدم راحة فقط تفكير في المحافظة عليها ما تمرض ولا تجيها اي حاجة ولا اي مرض
    والله يا ود العريفي الاجازة بنتظرها بافارغ الصبر عشان امشي اتجدع واشوف روحي اها اسه
    بقيت اسيب روحي واشوف الشابة اللذيذة دي ههههههههههه يعني اجازة خالية من الدسم لكن
    نسأل الله يستر الحال وما نشوف فيها مكروه ولا مرض . ومشكور وتحياتي للعقاب .
                   |Articles |News |مقالات |بيانات

27-10-2015, 11:09 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    آآآالمريود .. طلحة ود عمو عبد الله .

    تحيات بنكهة البن . خخخخخخخخ ههههههههه

    Quote: السودان كويس بى ناسو وأهلو وبساطتم وحنيتم .. جيبيها ساي ما
    تشيلي هم يا مني عمسيب .

    ماهو دا ذاااااااااتو المكسر الخواجية قال ليك شنو ؟ ههههههه يا طلحة ما شفتها لما تجي
    وتجيب ( الجتار ) وتغني لي وردي يا نور العين شئ عجب والعجب الاكبر لما تعزف لي مدحة
    السراي الجافو النوم وعقدو الرأي هههههه ياخي هي حقيقة مدهشة وحا يحبوها ناس السودان
    لانها بتحبهم وهي انسانة حقوقية ومع قضايا الشعوب . اها واقول ليك حالفة تشيل جتارها وتعمل
    حفلة في السودان اها شوف الا امشي اشوف ليها تصريح يعني اجازتي دي وهبتها ليها اسه أكان
    مشيت لي عمرة حصلت تبارك ود شيخ الدين مو كان اخير لي خخخخخخخخخخخ .

    وتسلم يا فردة .
                   |Articles |News |مقالات |بيانات

27-10-2015, 11:20 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    يا شباب نعمل استراحة ... بهذه المدحة المفضلة لي ( كارولين ) وعزفتها باجمل صورة !!

                   |Articles |News |مقالات |بيانات

27-10-2015, 11:29 AM

عبدالكريم الاحمر
<aعبدالكريم الاحمر
تاريخ التسجيل: 09-01-2013
مجموع المشاركات: 424

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    يامنى ماعندي ليك وصية لانو الجماعه اصلو ماقصرو لكن دا امتع بوست على الاطلاق لانو فتح باب كان الحديث عنه شبه مغلق اها وجات المناسبة
    شكرا لك ولضيوفك وربنا يعينك ... الورطات الزي دي انا مجربا والله مابخل مني ولكن الواحد بفكر في الحاجة البتخلي ضيفو مبسوط
                   |Articles |News |مقالات |بيانات

27-10-2015, 12:03 PM

عزيز
<aعزيز
تاريخ التسجيل: 12-04-2002
مجموع المشاركات: 3273

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: عبدالكريم الاحمر)

    الحبيبة أم الشفيع
    لك الشوق والأمنيات

    كل ما ذكره الأخوة ليس بمدهش للهولندية عادي جدا لأن كل أنواع الأكل (Lekker) بالنسبة للهولنديين..

    ثاني يوم من وصولك شوفي واحدة من الشبات تاخذها الحمام المغربي وبعدها عند أعظم حنانه وشوفي ليها ثوب سوداني وحفلة رابة بإنصاف مدني
    وقبل ما ترجع التجرب الساونه السودانية بالشاف والطلح وأهدوا ليها فتيل خمرة ماركة الحبوبات المعتقة.. وبعد داك ما جاد به الزمن من زيارات وونسات..
    أبعديها من الأكل في قندهار والأماكن المفتوحة حتى لا تصاب بأي نوع من الأمراض البكتيرية وذلك لأن معدتها غير متعوده عليها.. خذيها أماكن السمك والأفضل المشوى وليس المقلي وذلك للزيوت
    إذا مرضت لن تستمتعوا بالإجازة.. أعملوا حساب الماء والطعام وأبهريها بالموروثات فهي بالحق مدهشه.. جددي لها الحنة قبل الرجوع بيوم وتكون حنة عروسه كاملة الدسم. وبعدها أستعدي لفتح مكتب سياحة ما بين السودان وهولندا..
    زيارة سعيدة وإجازة طيبة لك ولكارين الشليقه هههههه..
                   |Articles |News |مقالات |بيانات

27-10-2015, 08:17 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: عزيز)

    احبتي المرور الكريم .. لكم تحياتي وتقديري وحبي .

    واعتذر لعدم الرد نسبة لظروفي المخستكة واكيد لي رجعة للرد .

    وكارولين بتسلم عليكم بالاحضان السودانية .

    وقلبي الحابيكم ما خان لياليكم . اهداء من كارولين للجميع وحسب ما قالت دي اجمل اغنية تسمعها .

                   |Articles |News |مقالات |بيانات

27-10-2015, 09:49 PM

صلاح جادات
<aصلاح جادات
تاريخ التسجيل: 15-10-2010
مجموع المشاركات: 23447

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    بت عمسيب سلام
    ها ها ها
    ماتشيلي هم تمشي تلقي البساطة والعفوية والناس داخلة مارقة من غير احم ولا دستور تندهش وتصدقك في كل كلامك
    نحن سمحين بعفويتنا وطيبتنا التي يعتبرها البعض سذاجة
    يجو نسوان الحلة يحننوها ليك ويمشطوها والابتسامة علي الوجوه تنسي هولندا والدنيا بما فيها
    Quote: التحية للجميع ..

    غايتو يا كارولين الفيك اتعرفت وعارفاك دايرة تطبقي مثلنا السوداني ( وصل الكضاب للباب ).
    طبعآ قلبي علي وطني وقلب حكومتي علي حجر حسب نتي وحبي للسودان قاعدة اشكر ليها السودان
    شكر ما تتخيلهو لدرجة مطلعة ليها هولندا بقد القفة عديييييييييييييييييل ههههههههههه .واهو يا بت نفيسة
    الكضب حبلو قصير .
    اها اسه اعمل شنو آآآناس انا ما هامة عشان هي نازلة معاي لكن هامة عشان حا تنهي علاقتي الجميلة بيها
    عشان حا تعتبرني كضااااااابة وهم جنهم وجن الكضب ..
                   |Articles |News |مقالات |بيانات

28-10-2015, 01:50 AM

يحي قباني
<aيحي قباني
تاريخ التسجيل: 20-08-2012
مجموع المشاركات: 12613

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: صلاح جادات)

    Quote: تاخذها الحمام المغربي

    يا عزيز ... الحمّام المغربي وصل السودان ؟

    كان كده انا طولت طول ...

    و الله ناس السودان ما فضل ليهم الا شراب السجار ...
    __________________________________
    بت عمسيب ازيك ...

    سوقيها ياخ و خليك زي ما انتي ... اصلو ما تغيري الواقع ...

    كانها ما موجودة ... و شوفيها كيف حتنبسط ...
    _________________________________

    حكمة الأسبوع ... بالانجليزي :

    BE YOURSELF
    Everyone else is already taken
                   |Articles |News |مقالات |بيانات

28-10-2015, 06:43 AM

معاوية المدير
<aمعاوية المدير
تاريخ التسجيل: 24-03-2009
مجموع المشاركات: 12780

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: يحي قباني)

    Quote: ههههههههههههههه
    الشرك قبض وهو في شاشوق غيرك اتا يا المهود ؟ زنبار قداد الهبوب
    ثم انه ما اسما السكلة اسما التسلكة .... التسلكة العلاجا بسكن حجار البطارية هههههههههه هي والدبرة واحد
    وبعد دا كلو مشتاقين يا عميكة
    عولاق واحد


    يا اخي والله شوقنا رقبتو مخالف .
    غايتو نحن عندنا اسما السلكة، حكمة الله إنتو برضو بتعالجوها بي سكن حُجار
    البطارية ؟!.
    بس الدبرة بتجي للحمارة والسلكة بتجي بسبب الركوب العِرِي، الزول النجيض
    بيورّك، لكن بت عمسيب ؤُ ضيفتا ديل ما ظنيت يقدرن علي الوِريّك، كيف الشورة ؟...
                   |Articles |News |مقالات |بيانات

28-10-2015, 07:58 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: معاوية المدير)

    الحبيب .. مجيدو ..

    صباحك زين ..
    Quote:
    صاحبتك دي حبابها الف في السودان ...
    سوقيها شارع النيل .. واقعدو مع ستات الشاي
    وركبيها الرقشه ... واحضرو ليكم كم حفله طربانه
    وخليها تزور سوق الناقه .. وتاكل اقاشي بالشطه ..
    يا سلام ... برنامج جميل ...
    كما قالت ليك ارجعي انتي هولندا .. وخليني هنا

    ههههههههه قلت لي خلاصة الكلام تقعد هي وارجع انا لكن صدقآ لي كلامك في حوادث
    زي دي حصلت وانا شاهدها عليها وعايشين في السودان بمنتهي القناعة وسعيدين كمان
    يا مجيدو الخايفة منو وعامل لي تنشنة خايفاها تمرض وتتعولق لي هناك وتنسني حنان الزيارة
    بس ندعو الكريم يستر زيارتنا وضيفتنا لما نرجع سالمين ولو دارت تقعد هي حرة هههههههه .

    ولك شكري بنكهة المودة .
                   |Articles |News |مقالات |بيانات

28-10-2015, 08:07 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    حبابك اخوي الحبيب .. ود البصير ..

    سلامآ يغشاك ويوقيك .
    Quote:
    الكنداكة بت عمسيب ـ أكيد حاترفعي رأس السودان
    ياخ دا حيكون برنامج يحتاج توثيق
    بس أهم حاجة عاوز أقولا ليك
    اياك تمشي ايام الحر الشديد
    إما أيام الشتاء ( ديسمبر أو يناير)
    أو تنتظري لحدي الخريف ( يوليو أو أغسطس)
    منى برجع ليك على مهل

    تسلم يا حبيب ويرفع شأنك واكيد السودان رافعنو ومن غير تردد ولا بنساوم
    السودان سودانا ونحن اسيادو وتذهب الحكومات بشرورها من حيث اتت ويدوم
    السودان بخيره وطيب ذكراه المعتقة . ومشكور يا حبيب ونعدك بالتوثيق وارساله
    لك بكل تفاصيله . وفي انتظار عودتك البتسر .

    مع خالص حبي .


    ***************
    احبك يا وطني
    اريدك يا وطني .
                   |Articles |News |مقالات |بيانات

28-10-2015, 08:15 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    ألأخ العزيز .. الطيب ود عباس .

    لك عاطر التحايا .

    Quote: تحياتي
    المشكلة انو بلدهم بتنقلو بالعجلات ماف كتاحه زي بلدنا دي ههه المهم كتري من الانتي بايوتك معاك ههههه

    يا طيب انت في هولندا ؟ معذرة علي السؤال . لانه المعلومة دي مهمة جدآ
    بالنسبة للناس المقيمين هنا اي معلومة العجلات صاح العجلات من اهم وسائل
    المواصلات بالنسبة للشعب الهولندي ودي من الملفتات للنظر ودليل علي العملية
    والوعي الشعبي . وبالنسبة للانتي بايوتك اكيد بكتر من جميع الحبوب . ومشكور اخي
    علي المرور الثر .


    *************
    شمس الصباح
    والصباح ربااااح
    شمسك يا وطني .
                   |Articles |News |مقالات |بيانات

28-10-2015, 08:22 AM

عادل ابراهيم احمد
<aعادل ابراهيم احمد
تاريخ التسجيل: 30-06-2014
مجموع المشاركات: 1922

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    تحياتي اختي منى

    الحفاوة والترحاب وقراءة طيبة الناس في العيون كفيلة بستر كل عيوب الوطن ..

    في اجازتي الاخيرة قابلت كثير من الاجانب بالسودان والله مبسوطين جدا ..

    في البجراوية قابلت فرنسيين معسكرين عديل ..

    اهم حاجة ان يكون هنالك برنامج مكرب للزيارة .. وتاجير سيارة فور وويل ..
                   |Articles |News |مقالات |بيانات

28-10-2015, 08:32 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    العزيز .. عبد الله شم .

    لك عاطر التحية ..
    Quote:
    جيبيها ساهي انا عازما في سوق الناقه من اسي
    شية ومعاها شربوت كمان وممكن بقنية كاربة

    يعني من اسه حا نختك في برنامج الزيارة الترفيهي ايوا بلاهي كتر لينا من الشربوت
    والبقنية ولو لقيت مريسة برضو هههههههههه عشان نوريها مشروباتنا البلدية المنعشة
    انت عارف يا شم انا كل يوم وتاني حا اعمل ليها قراصة مرة بالويكة ومرة بادمعة عشان اوريها
    البتزا البجد لانهم هم سرقوا فكرتنا وعلمنوها انت قائل البتزا دي شني ؟ مو قراصة علمانية هههه

    اسمع القصة دي : عندي صديقآ لي في امريكا من الشوايقة مربياهو حبوبتو وبحبها جدآ اها عمل ليها
    زيارة وجابها امريكا وحبوبتو نوع الشايقيات المسيخات ههههههه قام يوم قال ليها يا حبوبة الليلة انا عازمك
    بتزا . قالت ليهم بتزا دي شني ؟ قال ليها دقيقة النمشي اتناولها واجيك مشي جابها وختاها جنبها وفتحها ليها
    قال لي يا مني بمنتهي الثقة حبوبتي قالت لي : ما توقولي قراصي هههههههههه . اها شفت الاتفاق علي الحقائق
    كيف ؟ انا ذاتي بالنسبة لي البتزا قراصتنا سرقوها الخواجات وعلمنوها هههههه . ومشكور يا حبيب علي الدعوة
    المقبولة مقدمة وان شاء الله ما اعدمكم وياها المحرية فيكم والجايباني ليكم .. وان شاء الله الاقيك في وطنا الحبيب .

    ودمتم ودام وطننا الاب .
                   |Articles |News |مقالات |بيانات

28-10-2015, 08:43 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    استراحة يا شباب مع اسمر جميل .. ودي الاغنية التانية المشغولين بيها مع كاروليين عشان تحفظها وتقدمها للشعب
    السوداني في زيارتها . ولي عودة .

    اسمر جميل ..

                   |Articles |News |مقالات |بيانات

28-10-2015, 09:08 AM

Sudany Agouz
<aSudany Agouz
تاريخ التسجيل: 27-04-2002
مجموع المشاركات: 8806

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    الإبنة الحبيبة منى بت عمسيب ..

    عارفة يا منى .. امكن صاحبتك كارولين دى تكون كتّابة .. لما تندمج مع
    ناس السودان الطيبين ديل .. وتشوف العادات والتقاليد .. واللمات
    السمحة .. والأفراح والزغاريد .. ومن هناك شمس تقطع ضنب الفار ..
    وكتاحة بيجاى .. والشارع أبو حفر .. كمان ممكن تلعبوا معاها لعبة أم الحفر ..
    .. بالمناسبة .. لازم تخليها تزور الأقاليم .. عشان تشوف السودان
    على أصوله ..
    أها .. بعد كده .. تشوفى الكتاب ينطبع .. ويتنشر .. وتبقى انت
    السبب فى نجاح " كارولين فى السودان " .. وتبقى الحكاية ..
    زى حكايات " سوبر مان " ..

    مين عارف .. الزمن الفرندقس .. يعمل فينا ايه ..
    وزى ما قالوا .. " الدنيا فونية .. والزمن كباس "
    وخليكى مع الزمن يا منى .. يا بتى ..

    وعليكى الله منى .. ابقى أحجزى لى نسخة من الكتاب دا ..
    وخلى كارولين تمضى لى فيهو ..
    مين عارف .. امكن الكلام دا .. يطلع صحى ..

    أها .. يا منى .. خليتك بعافيه .. طول ما الجدادة حافية ..
    أبقى عشرة ..
    عمك العجوز ..
    ارنست
    +++
                   |Articles |News |مقالات |بيانات

28-10-2015, 01:59 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Sudany Agouz)

    الأخ الحبيب .. آدم يوسف ,

    لك عاطر التحايا .. والشكر علي كرم المرور .

    Quote: لك التحية انتي ما كضبتي ليها و لا حاجة ..جيبيها ووديها المتحف القومي ولفي بيها في الخرطوم والمقرن
    هم اصلا بيحبو التغيير والحاجات الغريبة عليهم
    تحياتي

    مشكور علي الثقة والله السودان كان لينا مراد يا ادم يا خيي نلقاهو جنة من الجنان
    وهو بكل هذه المقدرات والمقومات ممكن يكون لكن الله يرحمنا بالعقول والنفوس
    الغير امأرة بالسوء كام نقدر نعيش كلنا في رفاهية ورخاء . السودان الناقصو شنو غير
    امانة الحكام وقلة عقولهم .. نسأل الله أن يرفع ما خت علينا ويصلح الحال .

    ولك الود والشكر اخي .

    (عدل بواسطة مني عمسيب on 28-10-2015, 02:38 PM)

                   |Articles |News |مقالات |بيانات

28-10-2015, 02:22 PM

عزيز
<aعزيز
تاريخ التسجيل: 12-04-2002
مجموع المشاركات: 3273

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Sudany Agouz)

    Quote: يا عزيز ... الحمّام المغربي وصل السودان ؟

    كان كده انا طولت طول ...

    و الله ناس السودان ما فضل ليهم الا شراب السجار ...
    __________________________________


    قباني يا قريبي
    سلام وأشواق ومبروك للحبيبة وربنا يفرحك بيها

    الظاهر عليك حا توه في ود درو والدباغه يا قريبي

    يا تو سجاير يا قباني لو مشيت السودان بقولوا الخواجة داقس وفاطي ورقه كامله موش سطر
    هناك الحمام المغربي والحمام التركي والمساج الصيني وللأسف ده حد معرفتي وسمعي قد يكون هناك ما ليس أذن سمعت وعينا رأت..
    أبقى مارق على السودان متع نفسك بالدهشة والعولمة..
                   |Articles |News |مقالات |بيانات

28-10-2015, 04:46 PM

Yousif A Abusinina
<aYousif A Abusinina
تاريخ التسجيل: 12-11-2008
مجموع المشاركات: 1907

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: عزيز)

    بت الخاله غايتو براك بتسويها فى روحك

    على اخر الزمن تطلعى كضدابه عديل كدة

    لحقتى الجماعة الفى بالى بالك

    الله يكون فى عونك
                   |Articles |News |مقالات |بيانات

28-10-2015, 08:20 PM

إسماعيل ببو

تاريخ التسجيل: 17-05-2013
مجموع المشاركات: 339

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Yousif A Abusinina)

    العزيزة منى لك التحايا والتقدير
    كنت في السودان خلال عيد الأضحى المبارك. أها في يوم كدة مزاجي حكم وقلت أمشي أجيب الخدار أنا ذاتي. عندي كيس مليتو قروش فُل ورجعت بنفس الكيس مليان خدار!!!!. طبعاً من الخمسطاشر مريت بمحطة الرومي ومن ثم محطة حميدان وبعدها بشوية توقفت يمين لألقي نظرة على العمارة الكانت ساكنة فيها المرحومة الدكتورة رشيدة عمسيب. بعدها مشيت شوية وقبل ما أصل نهاية الشنقيطي ألتفت شرقاً لبيت كان مألوف لي.
    المهم... نرجع لموضوع البوست وأنا بقدم لك خيارات مختلفة شوية من الجماعة ديل.
    أولاً : والمهم وقبل السفر بحوالي أسبوعين لابد من التفكير في تناول جرعات الوقاية من الملاريا... إنت وصحبتك لأن صحبتك دي البعوض حيستمتع بيها.
    ثانياً: كل يوم جمعة تُقام حلبة صراع مثيرة وممتعة بالحاج يوسف وفيها خواجات كتار، والمصارعون في الغالب من أبناء النوبة والبقارة. مصارعة عديل ... مانع ياكل ضعيف و زولاً باطل ما بدخل الحلبة.
    ثالثاً: تاخديها لسوق ليبيا في محلات للعصيدة بالدُخن وملاح الكَوَل، والنساء هناك حريفات من دارفور أو كردفان واحترامهن زايد خاصة للخواجات. وقولي ليها الكول دا عبارة عن نبات مخمّمر ومعالج بالبخار وخالي من الدهون الحيوانية. خليها تضرب لغاية ما تتكرع الكول حقنا دا (ما تنسي تشيلي معاك صابون فنيك).
    وفي النهاية قولي ليها زي ما عندنا جاردن سيتي ومطاعم شارع النيل والهوت دوغ والهوم ديلفري وهلم جرا.... برضو عندنا سوق ليبيا
    وقولي ليها: ديل أهلي....
    وشكراً
                   |Articles |News |مقالات |بيانات

28-10-2015, 08:38 PM

Basamat Alsheikh

تاريخ التسجيل: 15-08-2015
مجموع المشاركات: 2589

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: إسماعيل ببو)

    عزيزتي الغالية بت نفيسة

    انا عاوزة اديكي وصية ..
    وانا متأكدة ان الهولندية دي بعد ما ترجع من زيارة السودان حتكوني انتي اعز صاحبة ليها
    وتاني حتجننك جن وتقول ليك كل سنة لازم نزور السودان..\
    أولا لزم توديها أي قرية من قرى السودان وتوريها الكرم السوداني الحقيقي.. وناس القرية كل
    يوم حيعزموها في بيت وحيحتفلوا بيها احتفال..
    ثانيا امشي معاها حديقة الدندر .. وهم طبعا بسموها السفاري... وحتبسط آخر اببساط( وبيني وبينك انا ما شفت
    حديقة الدندر لكن الناس الشافوها قالو حاجة ما تخلص .. وتضاهي أروع السفاريات في العالم..
    ثالثا اقري اقتراحات الناس الكاتبة ليك فوق وعندهم اقتراحات جميلة اعملي ببعض منها..
    ..
    انا عندي زميلة معاي في الدراسة أمريكية ولمن حكيت ليها بالكرم السوداني استغربت وما صدقت وقلت ليها دي الحقيقة
    ووافقت تزور معاي السودان الصيف القادم... وانا متأكدة احتمال تقول خلوني هناك وما راجعة أمريكا تاني...
    واحتمال صاحبتك الهولندية تقول ليك خلوني هناك وما راجعة هولندا تاني..
    ودمت بالف خير وصحة وعافية
                   |Articles |News |مقالات |بيانات

28-10-2015, 08:48 PM

نصار
<aنصار
تاريخ التسجيل: 17-09-2002
مجموع المشاركات: 11660

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Basamat Alsheikh)

    بت عمسيب خليك من اسوق زولاو زولة من الغرب للسودان
    و خليك من الزمن العلينا دا
    زمان كنا بندرس في الهند
    راجعين اجازة كان جمبي خواجة لطيف ونسة و ضحك
    اول ما شفنا غباش الخرطوم من الجو
    اديتو ضهري
    بالجد حاجة محرجة و مؤسفة
                   |Articles |News |مقالات |بيانات

29-10-2015, 08:24 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: نصار)

    العزيز .. ود فضل الله ..

    لك تحياتي وشوقي .. والله يشهد اشتقة لي مسدرتك .
    Quote: .
    يا منى يقوووووووم ود خالتن لينا يعرس ليهو سويدية ويجيبه البلد ،
    طبعاً أهلنا بيجو يتفرجو فيها ... الخواجية ذاته شقية ... يوم معانا في
    الدافوري .. ويوم راكبه ليها جمل .... أها يوم قالت إلا تاكل ام فِتفِت ،
    يامنى الخواجية ما دار تموت ، تعالي شوفي ليكي جنس طراش ، وبت
    خالتنا تغسل ليها في راسه بالمويه البارده وتقول: هسع كان الله أدانا الشعر دا مالو
    يا زوله أسمعي كلامي .. ديل دايرين يستكشفوا عوالم مجهولة زي سودانا دا ،
    على العموم أنا بكون هناك خلال نوفمبر/ديسمبر .. لو الأمور مشت تمام
    ومعزومين رحلة البجراوية إن شاء الله .
    سلمي لي عليها

    تصدق يا ود فضل الله ازيدك علم المرأة الاوربية بقت تتجه لزواج الاجنبي بذات في المانيا
    وبحبوا الاطفال المكس لانهم فعلآ قمة الجمال والذكاء بكونوا عدنا اصحابنا كتااار متزوجين من
    اوربيات واطفالهم متعلقين بالسودان . لكن كمان انتوا بالغتوا ام فتفت شنو البتاكلوها ليها ؟ ههه
    ديل قايلنهم زي بطونا دي بطون خالية من البطترية والمضاد للبكتريا تصدق يا ود فضل الله بخافوا
    من البكتريا اكتر من الموت والغريبة هنا مرض تواجد البكتريا شائع جدآ عشان كدا حا احرص عليها واشيل
    اكبر كمية من الاكل الجاهز من هنا عشان ما تمشي تمرض لي وتتعوق لي ههههه وتفقدني طعم الزيارة .

    ولك الشكر آآآآآالحبيب .
                   |Articles |News |مقالات |بيانات

29-10-2015, 09:33 AM

مدثر صديق
<aمدثر صديق
تاريخ التسجيل: 30-04-2010
مجموع المشاركات: 3150

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    NubianMeroePyramids30sep2005sudan2sudan.jpg Hosting at Sudaneseonline.com

    مروي أو مرواه بالعربيةو ميدوي أو بيدوي باللغة المروية وبالاغريقية (Μερόη) جميعها أسماء لمدينة مروي هي مدينة اثرية في شمال السودان تقع علي الضفة الشرقية لنهر النيل، تبعد حوالي 200 كيلو متر من العاصمة السودانية الخرطوم.
    40.jpg Hosting at Sudaneseonline.com

    متحف السودان القومي في الخرطوم، السودان. يعتبر من أكبر المتاحف السودانية يقع علي شارع النيل جوار مبني قاعة الصداقة حيث يتجة المدخل الرئيسي له تجاه النيل الأزرق وقبل التقاء النيلين مباشرة.
    جري التجهيز لافتتاح هذا المبني منذ الستينات وتم افتتاح المتحف عام 1971م ويحتوى على جميع فترات الحضارة السودانية من العصور الحجرية وحتى الفترة الإسلامية مرورا بالآثار النوبية والمسيحية.
    41.jpg Hosting at Sudaneseonline.com

    التقاء النيل الأزرق بالنيل الأبيض
    ....
    ...
                   |Articles |News |مقالات |بيانات

31-10-2015, 06:22 AM

أيمن الحاج

تاريخ التسجيل: 18-12-2014
مجموع المشاركات: 471

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مدثر صديق)

    Quote: بالمناسبة هي تفتيحة وعارفة
    اي شئ لانها بتتعاون مع المنظمات وبذات المهتما بالشأن الافريقي . ومن خلال النت والاعلام حقهم يعني مثقفة ما محتاجة كضب


    أكيد زيارة ناجحة بلدنا غير ناس المنظمات فيها شنو !

    حللتو اهلا ونزلتو سهلا
                   |Articles |News |مقالات |بيانات

31-10-2015, 09:47 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: أيمن الحاج)

    العزيز .. ود الموج . لك التحية ..

    Quote: يازوله سوقيها بس ابعديها من ناس النظام العام و التلفزيون ما يطلع اللمبى يطمم بطنها الباقى كله مقدور عليه،،،

    والله النظام العام الايجينا مافي زول طاريهو . مالك علينا يا ود الموج
    نحن ماشين نغير تجيب لي مقطوعين الطارئ ديل . غايتو الا يقبضوها
    وهي بتحيي في الحفلات في الميادين العامة وفي الحالة دي الا نعمل
    دعوة للسفير الهولندي بتاعها عشان ناس النظام العام وحكومتهم ما بخافوا
    من الله قدر الدول الكبري ههههههه .

    ولك الشكر ..
                   |Articles |News |مقالات |بيانات

31-10-2015, 09:51 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    الأخ العزيز .. نادر الفضلي .

    لك عاطر التحايا .
    Quote:
    لو ما صورتى ليها السودان جنة ما عندك مشكلة
    من إنطباعات خواجات زاروا السودان برجعوا مبسوطين
    بيبهرهم أكثر شى معاملة وترحاب وضيافة السودانيين
    بيلقوا حميمية من الناس شى ما عرفوه فى حياتهم
    وبيقدروه شديد

    ونان هي القيامة القيامة دي في شنو ؟ غايتو الشئ الوصلت ليهو الكضب
    حبلو قصير وان شاء الله تاني ما بجيب سيرة وطني الحبيب لا بالسمح لا بالشين
    خشمي عندي ههههههه عشان ما اعيش في توتر زي دا تاني . والف شكر يا نادر
    علي المرور والقصص اللذيذة .
                   |Articles |News |مقالات |بيانات

31-10-2015, 09:57 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    ود المدير صاحبي المفضل .. لك التحية والشوق ..

    Quote: ردّ عليهو حاج سوميت بسرعة وهو متعجب غاية العجب: كآفرة!!! يا ولدي على بالطلاق
    كافرة أُمّك المدموسة بهناك دى... والله قال كافرة قال!!!!!!!!!

    هههههههههههه حاج سوميت القي مرادو محل ما يقبل أكان جاب حق الخواجية المسيكينة هههههههه.
    والله الخواجات ديل احلي ناس .. ووهذا للأمانة قبل الصحوبية والزيارة المرتغبة .

    ولك الشكر يا صاحبي .
                   |Articles |News |مقالات |بيانات

31-10-2015, 10:05 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    الأخ الفاضل .. نادر النور . صباحك زين .

    Quote: قعدت في الشقة اليوم الأول تاني يوم من الصباح قالت ليهو الحلة بس.

    ههههههه ايوا كلامك صاح هم بحبوا الحياة الزي دي وكتير اتناقشت معاهم وقالوا لي دا نوع
    من التغيير المهم جدآ في حياتهم . وبالمناسبة لدرجة ممكن يعرضوا نفسهم للمخاطر لكن ما بهمهم
    والله يا نادر بجيبوا لينا برامج اسبوعية في التلفزيون عن زياراتهم لافريقيا وهم واطفالهم موش افريقيا
    الزي السودان افريقيا العالم المجهول ناس الكهوف واللبس البودائي لسه ومشوا هناك بمنهتي الرضا
    وجوا مبسوطين وسعدين وبتمنوا تاني الرجعة ! قلت ليك ديل ناس بعرفوا نفسهم براهم هههههه .

    ولك الشكر علي المرور واضافة المفيد من قصص .
                   |Articles |News |مقالات |بيانات

31-10-2015, 10:11 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    اخوي الحبيب ... سيف اليزل لك التحية وللاسرة الحبيبة .

    Quote: سوقيها معاك طوالي...
    حتستمع متعة غير طبيعية حتى في صعوبات السودان.
    زي ما قالوليك الزملاء..كم عزاء وكم فرح. وكباية شاي في شارع النيل
    وفطور في قندهار ولفة في سوق ام درمان.
    نتمنى ليك اجازة سعيد.

    اسوقها دي ولا علي كيفي وزي ما قلت الخواجات يندرعوا في العدو ههههههههههه
    هي من اسه وضعت خطتها وتصورها وقالت لي يا مني رأيك شنو نقطع تذاكر مفتوحة
    يعني مافيها زمن الرجعة ! قلت ليها يا ممسوخة دايرة تكسري ركبة وتشربيني المغلب ههههه
    وصدق بتعملها ممكن جدآ اقوم من النوم القاها سافرت شلعوها الخوالده وسكنت هناك هههه
    ياها حالتهم هههههههه .

    ولك الشكر يا الحبيب .
                   |Articles |News |مقالات |بيانات

31-10-2015, 10:15 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    اليكم اخر اقوال كارولين :

    يا مني رأيك شنو نقطع تذاكر ذهاب من غير اياب !! يعني دايرة تشربني المقلب عشان
    لو مشينا حلة ود البوش وعجبتها تكسر لي ركبة هناك وتاني ما اشوفها باعيني ههههههه

    غايتو اهي مشكلة جديدة جاتني في رأسي ههههههههههههههههه.

    ولي عودة .
                   |Articles |News |مقالات |بيانات

08-11-2015, 12:52 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    حباب النشمي .. ود البوش ..

    لك التحية .. وعاطر الاشواق .. ومشكور علي كرم الضيافة مقدمآ .
    قلت لي :
    Quote: بتكوني ما عملتي أي حاجة لو قضت الاجازة في العاصمة
    ولو عايزة تدهشيها جد زوريها الجزيرة ومن هنا بقدم لكما الدعوة في حلتنا
    وبكلم احمد اخوي يجهز ليكما اتنين حمار مكادي تركبا عري بس ولو حسيتما بانكما سلكتما فاطلبا بردعة
    لكن أخير لكما عري ساكت فلو انزلقت البردعة فردلب تقعا على رقبتكما وتجيبا لنا رقبة كمان مراح احمد اخوي كلو ما احلنا منكما
    سمح ؟
    ولازم تزوريها خالي البلولة ود علوبة عشان تعرف معنى الري الانسيابي وكيف يتم توصيل المياه من خزان مكوار بسنار حتى يروي كل هذا المشروع
    الذي كان عملاقا ......... اخخخخخخخخخخخخ
    الدعوة جادة بالجد
    .

    علا يا نشمي خوي أكان ناس الحلة هيلتكم عملوها لي مفرجة وفريجة وونسة شن اسو ؟ ههههههههه
    يعني يلبسوا من عصرآ بدري ويجوا يتفرجوا في الكافرة الما عندها وليان هههههههههههههه . لكن بيني
    وبينك ياهنا الماشين نزور الحلالات لانها من البرامج المفيدة ليها . ومشكور علي الدعوة الكريمة .

    ودمت .
                   |Articles |News |مقالات |بيانات

08-11-2015, 12:59 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    يا نادر النور سيب المكاوة هههههههههههه

    Quote:
    Quote: اتخيلت المنظر يا نادر النور ههههههههههههه
    اتخيلتو تب واتخيلتهن بي حميرن ماشات بالشلابي ويتونسن

    وما تنسي الحمير ديل جزء من التراث السوداني للترحيل يعني خلاس عشان
    عملتو ليكم رقشات بقيتو ناسين الحمير ؟ هههههه والله انا كل ما امشي السودان
    لازمن اركب لي كارو اولاد حلتنا بضحكو فيني والله صحي .

    ومشكور يا عزيز علي الاستراحة الخفيفة .

    (عدل بواسطة مني عمسيب on 08-11-2015, 01:00 PM)

                   |Articles |News |مقالات |بيانات

08-11-2015, 01:04 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    حبابك ود الاحمر اخوي ..

    ومنور ومشرف .. ومشكور علي دعم المعنويات .. ونتمني عودتك تاني .

    اقتباس :
    يامنى ماعندي ليك وصية لانو الجماعه اصلو ماقصرو لكن دا امتع بوست
    على الاطلاق لانو فتح باب كان الحديث عنه شبه مغلق اها وجات المناسبة
    شكرا لك ولضيوفك وربنا يعينك ... الورطات الزي دي انا مجربا والله مابخل
    مني ولكن الواحد بفكر في الحاجة البتخلي ضيفو مبسوط


    لك الشكر ..

    (عدل بواسطة مني عمسيب on 08-11-2015, 01:06 PM)
    (عدل بواسطة مني عمسيب on 08-11-2015, 01:07 PM)

                   |Articles |News |مقالات |بيانات

08-11-2015, 07:52 PM

Munir
<aMunir
تاريخ التسجيل: 11-02-2002
مجموع المشاركات: 10435

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    هووي يا مني .. أوعك توديها سوق الناقة وقندهار والمحلات الشعبية دي .. تقوم تجيها مصيبة وتمرض تموت ليك في يدك تبقي في مشكلة ..
    أمشي بيها أمواج وسبيكترا وأوزون ووو .. وأدعي الله ترجعيها لأهلها بالسلامة .. دي مسئولية ..
                   |Articles |News |مقالات |بيانات

09-11-2015, 07:48 AM

آدم صيام
<aآدم صيام
تاريخ التسجيل: 11-03-2008
مجموع المشاركات: 4724

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Munir)

    والله كان دايرة تشيل ليك (ظنب رقبة) وديها البلد ديك واتخلصي منها!

    أولا: فكرة إنو عندها فيزة دي خليها جانبا، ستدفعي 586 جنيه لتسجيل أجانب ويشيلها منك العسكري بضراء الحمام في المطار وتاني تمشي تدفعيها عشان يختمو ليك على جوازها،
    ونفس السناريو ده ممكن يتكرر معاك في الخروج والضابط أبو نجمتين عينو لختم التسجيل ويعكلت ليك في حمرتها وعينو التانية على الدولارات الحتمرقو بيها من دونه تقول حقتو!.

    - تعيشي على نغمة السودان ناسو طيبين وإطراء فالصو؟ كلهم اتغيرو إلا - من رحم ربي- يعزموك ويضبحوا ليك ويدفعوك تمنها طبيق طبيق! السودانيون يتسوقون بالموروث الخلقي
    القديم أكثر من تسوقهم بالله الواحد القهار في الربع قرن الأخير.

    الغريبة الوساخة!!! التقول استايل، هسع أنا لمن بوردابي من الخرطوم أو السودان عموم يكتب هنا ده عن السودان بكل فخر أتحسس إيمانياتي طوالي...
    لو الخواجية دي قالت ليك حتستمتع بالوساخة يكون يا هي كضابة زيك ولا سودانية في جلباب خواجية فالصو .

    لا يمكن لكائن بشري أن يقضي شهرا في السودان دون أن يهلك بوباء غير معلوم أو أقله يصاب إصابة بالغة بواحد أو كل من:
    إسهال مفاجئ (كوليرا) أو حمى حمراء/صفراء أو وِردة ملاريا باتعة أو ماء ملوث أو انتقال جراثيم من فوهات الأدبخانات البلدية مباشرة بواسطة سفراء الذباب العملاق الفيروزي.
    أو أن تكون قد تعشت بشية حمير متبلة بضبان جاف أو جداد فطيس. أو أن يأتي سيل مفاجي فتخرج أمراض من باطن الأرض قد دُفنت مع أصحابها في موتة سنة ام عضام أو سنة ستة،
    فضلاً عن أبوفرار وأهو الحمد لله أمراض الكلى و السرطانات متوفرة على قفا من يشيل وقولي مرض السكر يا بت أمي، قال ليك آخر إحصائيات بلغ عدد السكريين والسكريييات 2 مليون بالقديم
    – طبعا الإحصاء دا ولا نصه صحيح-
    أها الموية كوم: تشربيها الموية من وين ؟ كل البيوت مويتهم ملوثة ولا ما ح تزوروهم؟ وموية الكرستال زاتها غير صحية ، كميين مصنع فالصو. والموية الفالصو الكريستال دي زاتها
    حتقد جيوبكم قبل ما يقدوها ليكم الدراويش المتظارفون!

    على كلٍ، عشان شوية صداقة تقوموي تضحي بنفس حرم الله اقتيادها إلى التهلكة ؟
                   |Articles |News |مقالات |بيانات

09-11-2015, 11:38 AM

Osman Musa
<aOsman Musa
تاريخ التسجيل: 28-11-2006
مجموع المشاركات: 17393

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: آدم صيام)

    سلام ليك و لي الهولندية
    وعليك الله نزلتك من ضهر ال K L M وبي الدرب التحت طوالي
    علي رفاعة بدون توقف ولا حتي في تفتيش الباقير . الخرطوم حزينة و زعلانة من عجاجة المعتمد .
    رحلة موفقة وأجدعينا بي صور مع الهولندية من الشرفة الشرقية لجسر رفاعة وصورتين جم كماين الطوب وموردة الحطب .
    وحدثينا عن الرحلة بي عينك وبي عين الهولندية عشان نشوف فرق الشوف . أوعك تاكليها ملاح الكرارة والورق . تاني ما ح ترجع .
                   |Articles |News |مقالات |بيانات

10-11-2015, 08:13 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: Osman Musa)

    عزيز العزيز زالاسرة العزيزة ... لكم تحياتي وحبي وشوقي .

    قلت لي :
    Quote: كل ما ذكره الأخوة ليس بمدهش للهولندية عادي جدا لأن كل أنواع الأكل (Lekker) بالنسبة للهولنديين..
    ثاني يوم من وصولك شوفي واحدة من الشبات تاخذها الحمام المغربي وبعدها عند أعظم حنانه وشوفي ليها ثوب سوداني وحفلة رابة بإنصاف مدني
    وقبل ما ترجع التجرب الساونه السودانية بالشاف والطلح وأهدوا ليها فتيل خمرة ماركة الحبوبات المعتقة

    ايو يا عزيز من الناحية دي انا ما ملاوزة بس خايفة من المرض وزي ما عارف مرضهم كيف
    بطونهم النضيفة دي اي حاجة بتتقلب بكتريا عشان كدا والله خايفة .. لكن باقي قولك خلي علينا
    وبالمناسبة حا اوديها ( توتي ) .. ويا عزو لو سمحت دايراك تديني فكرة بسيطة لزيارة اصحابكم الهولندين
    معاك للسودان للتنوير يا عزو .. وفي انتظارك .


    ولكم كل الود .
                   |Articles |News |مقالات |بيانات

10-11-2015, 08:21 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    حبيب قلبي ... سوداني العجوز ..

    لك تحياتي وحبي ...
    Quote:
    عارفة يا منى .. امكن صاحبتك كارولين دى تكون كتّابة .. لما تندمج مع
    ناس السودان الطيبين ديل .. وتشوف العادات والتقاليد .. واللمات
    السمحة .. والأفراح والزغاريد .. ومن هناك شمس تقطع ضنب الفار ..
    وكتاحة بيجاى .. والشارع أبو حفر .. كمان ممكن تلعبوا معاها لعبة أم الحفر ..
    .. بالمناسبة .. لازم تخليها تزور الأقاليم .. عشان تشوف السودان
    على أصوله ..

    بالضبط يا الحبيب دا الموديها ذاتو ههههههه الفوضي دي طبعآ هم بحبو الفوضي
    واها بتلقاها بوفرة هناك .. تصدق يا سوداني هي اسه موهيأ اكتر مني هههههههه
    فرحانة طايرة طير ههههههههه وهولندا كلها عرفت كارولين طايرة السودان هههههه
    وبخصوص الكاتب لو ما كتبت الشافتو في السودان اكيد بتحكي بيهو .. غايتو يا حبيب
    الواحد يعيش علي اعصابو لما ترجع ربنا يكتب السلامة للجميييع .

    ولك كل الود يا وجداني الفي سوداني .
                   |Articles |News |مقالات |بيانات

10-11-2015, 08:30 AM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    يا شباب .. استراحة في مدينتنا ( لايدن ) المدينة التعليمة ... الجميلة .

    من أجمل المدن الهولندية ...

                   |Articles |News |مقالات |بيانات

10-11-2015, 01:09 PM

محمد البحر
<aمحمد البحر
تاريخ التسجيل: 26-08-2012
مجموع المشاركات: 633

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    مشيتو السودان ولا لسه يا بت عمسيب
                   |Articles |News |مقالات |بيانات

16-11-2015, 12:22 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: محمد البحر)

    الكلس حبيبنا ... المتسيب ابو سنينة ..

    لك الحب وواشواقنا الكتيييييييييرة . مسجل غياب يا متسيب ههههه .

    Quote: بت الخاله غايتو براك بتسويها فى روحك
    على اخر الزمن تطلعى كضدابه عديل كدة
    لحقتى الجماعة الفى بالى بالك
    الله يكون فى عونك

    يا ابو سنينة الكضب في شأن الوطن حلالالالالالالالالالالال ههههه .. والله الفي بالي
    هم الخلونا نكضب ونتمني يشيلو الذنبين كضبنا وكضبهم وقادر يا كريم .

    ولك كل الشوق يا متسيب .
                   |Articles |News |مقالات |بيانات

16-11-2015, 12:25 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    العزيز ود بحر .. يغشاك السلام .

    Quote: مشيتو السودان ولا لسه يا بت عمسيب

    لسه لكن قربنا واكيد بنبلغكم قبال الحضور بيوم .


    ولك الشكر علي الاهتمام ..
                   |Articles |News |مقالات |بيانات

16-11-2015, 12:30 PM

وضاحة
<aوضاحة
تاريخ التسجيل: 16-01-2005
مجموع المشاركات: 8968

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    يا حب مشتاقيين
    مالك ومال المشاكل تسوقيها تضربة ملارياء تبقي في مشاكل تانية اصلكم مصنفين ارهابيين يقولوا كتلوها ههههههههه
                   |Articles |News |مقالات |بيانات

16-11-2015, 02:05 PM

doma
<adoma
تاريخ التسجيل: 04-02-2002
مجموع المشاركات: 15894

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: وضاحة)

    يا بت نفيسه سوقيها بقلب قوي عندي تجربه مماثله قبل شهرين مع بتي النصف خواجيه التي زارت الخرطوم لا ول مره. اولا عجبوها الناس وطيبتهم لحد العشق
    . زارت سوق ام در وهتشت منه. مشت ناس الشيخ غريب الله حقيقه ما بعرف هل بالقاف ام الغين وحمدالنيل ومتحف السودان القومي وقالت راسها وستين الف سيف الا تمشي البجراويه .
    ودتني في حر يقلي البن وكانت اول مره انا المولوده ومتربيه في الخرطوم ونواحي ود بانقا ازور اهرامات ميروي والمدينه الملكيه . قمنا بجوله قصيره
    نيليه وشافت مقرن النيلين .
    بالنسبه للبعوض اشتري ناموسيه من الاشياء المحرجه لنا وملفته لانظارهم اكوام القمامه في معظم شوارع الخرطوم المتراميه حد البصر
    بس قولي ليهاناس المحليه ياخذون الفلوس ويتركون القمامه زينه للشوارع ومتعه للبصر.
    عن الشوارع فحدث ولا حرج حفر واوساخ ومخلفات ا لبناء
    ء تحتاج عربه دفع رباعي او unimog
    . ح تشوف بيوت وعمارات جميله وناس رااكيه عربات اخر موديل وبتاكل ما لذ وطاب وجموع المساكين عز عليهم صحن البوش
    . ح تشوف ا اطفال دون الثامنه عشر ينامون في العراء ينتطرون الفجر ليقوموا باعمالهم اليوميه كغسيل العربات مسح الورنيش .
    ستحدثك عن حقوق اللطفل قولي لها الخرطوم مدينه بلا قلب يرحم .
    ستساللك عن الحكومه فقولي لا نعلم غير انهم رجال متدينون جاءووا ليخرجونا من الظلمات الي النور .

    (عدل بواسطة doma on 16-11-2015, 06:34 PM)

                   |Articles |News |مقالات |بيانات

16-11-2015, 01:42 PM

ABDALLAH ABDALLAH
<aABDALLAH ABDALLAH
تاريخ التسجيل: 25-08-2007
مجموع المشاركات: 6321

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    أستاذه منى تحياتى ربنا يوصلكم بالسلامه لأرض الوطن الحبيب.
    بعد سلام الأهل يكون جميل تذهبى بالضيفه الهولنديه العزيزه لبلدنا
    أم ضواًبان .
    الخواجات بحبوا الأشياء الصادقه والنابعه من داخل وجدان الأفراد .
    فى الزمن الجميل عندما كنت فى السودان عدد من الخواجات والجواجيات
    حضروا لزياره لبنك السودان وبالأخص ممن كانت لزيارتهم إرتباط بالعمل
    النقابى أخذت معظمهم بزياره لأم ضواًبان وكان إعجانهم بتلك الزياره يفوق حد الوصف .
    ما تنسى أهلنا الصوفيه ديل أهل جذب .
                   |Articles |News |مقالات |بيانات

17-11-2015, 12:21 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: ABDALLAH ABDALLAH)

    كيفك يا منقة ؟ مشتاقوووون ..
    Quote:
    يا حب مشتاقيين
    مالك ومال المشاكل تسوقيها تضربة ملارياء تبقي في مشاكل تانية اصلكم مصنفين ارهابيين يقولوا كتلوها ههههههههه

    يا وضوح مالك دايرة تخوفيني علي العلي ههههه غايتو العلي حا اعملو التطعيم والادوية
    وكل مستلزمات الحالة الصحية شايلاها بعد دا الا موت الحوادث البلعربات الشغالة بالدرب
    هههههههه او المافيها فرامل دا شئ الوحيد المرشح ههههه والله يجيب العواقب سليمة .


    تسلمي يا طشاش ..
                   |Articles |News |مقالات |بيانات

17-11-2015, 12:25 PM

مني عمسيب
<aمني عمسيب
تاريخ التسجيل: 22-08-2012
مجموع المشاركات: 15632

للتواصل معنا

FaceBook
تويتر Twitter
YouTube


Re: الهولندية راسها والف سيف تنزل معاي السودا (Re: مني عمسيب)

    احبتي المرور .. لكم شوقي واعتذاراتي .. لعدم الردود ولي عودة ولو في العمر بقية .

    ولكم من كل بستان زهرة ..

    image-2015-09-8.jpg Hosting at Sudaneseonline.com

    (عدل بواسطة مني عمسيب on 17-11-2015, 12:26 PM)

                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de