منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 08-24-2017, 10:21 AM الصفحة الرئيسية

مدخل أرشيف للعام 2015م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

أبو حجار وناس أبو حجار

11-18-2015, 07:39 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


أبو حجار وناس أبو حجار

    07:39 AM Nov, 18 2015

    سودانيز اون لاين
    أبوبكر عباس-الإمارات
    مكتبتى
    رابط مختصر

    أبو حجار دي مدينة صغيرة جنوب سنجة.
    ناس سنجة عندهم نادي موظفين كان بداية التسعينات فيهو تقليد كوتشينة عجيب!
    خاتين ليهم طربوشين بتاعة الباشوات الزمان لونن حُمر
    البياخدو إسنا* في النادي بلبسوهم الطربوشين ديل لحدى ما إتنين تانين إتسيكوا** يلبسوهم الطرابيش دي.

    يعني يدوك الإسنا اليوم يلبسوك الطربوش، تاني يوم أول ما تعتب النادي، الجرسون بتاع الكافتريا يجري المكتب جري من غير ما زول يكلمو، يجيب الطربوش يديك ليهو، ويقول وهو فرحان أوي:
    تشرب إيه يا باشا!!

    ــــــــــــــــــــــ
    * للزميلات بالمنبر: إسنا تعني في لعبة الويست: تلتاشر يد مقابل صفر في واحدة من التوزيعات
    ** برضو للزميلات: السيك يا ها الإسنا
                   |Articles |News |مقالات |بيانات

11-18-2015, 08:09 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    جنوب سنجة وقبل أبو حجار في محطة أبحاث أم بنين للإنتاج الحيواني
    المحطة دي اعتقد عملوها الإنجليز لتحسين إنتاج الحليب من أبقار الكنانة
    التحسين دل كانوا متبعين فيهو سياسة الإنتخاب للابقار عالية الإنتاجية
    عشان تصل بعملية الإنتخاب دي لسلالة عالية الإنتاجية بتحتاج ليك عشرات السنين لو ما لميات السنين!
    أنا حضرت الأيام الاخيرة لهذه المحطة ولم أكن أعمل بها، ساكت كان بجيبني الدرب والزمالة،
    وكانت بها أبقار تنتج قريب تلاتين لتر في اليوم وبسجلات محفوظة توريك كل تاريخها العشاري والإنتاجي، وكذلك الفحول.

    المهم جوا ناس الإنقاذ في مستودع الخزف وباعوا البقر والمحطة وقالوا:
    هي لله هي لله
    لا للعلم لا
    والزارعا الله في الحجر بتقوم
    يرزقكم من السماء يغير حساب
    ساكت بلف يفتحوا ويقفلوا حسب عملكم
    أني أشم رائحة المسك.

    زمان قبل الإنقاذ، داخليات مجمع شمبات جامعة الخرطوم كانوا بسموهن حسب اسماء المحطات البيطرية والزراعية بالسودان.
    داخلية أم بنين دي كانت أرضية ومجاورة المرسى مكان تصنيع العرقي، كانت وكر جلسات عرقي محترم للطلاب، وكل المحترمين عاشقي العرقي الشمباتة أكيد مرووا منها، فلها التحية.

    أبو حجار لقدام
                   |Articles |News |مقالات |بيانات

11-18-2015, 08:29 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    جنوب أم بنين وقبل أبو حجار ولسع على ضفاف الأزرق في مدينة اسمها مايرنو
    مايرنو دي مدينة خالصة للهوسا
    تختلف عن سنجة في انو بيوتها كلها بها أشجار النيم ولا يوجد كلــــب واحد بالمدينة
    الهوسا ديل كراهيتم في الدنيا دي الكـــــــلاب!
    عشان كدا دا المثل بتاع المدن: " مزنزق زنقة كلــــب في حلّة فلاتة"

    مايرنو دي كانت بتنافس سنار في فكيات (جمع فكي) الكورة
    الكورة أهلي إتحاد
    واحد من ناس الإتحاد قال لناس الأهلي:
    جبنا لينا فكي من سنار بشوفك الكورة في الطشت

    بتاع الاهلي قال ليهو: قوم كدا
    سنطة وعبشين جابو ليهم فكي من مايرنو، جا مدني راكب ليهو تمساح، بركنو في نادي الجزيرة، جابوا ليهو شاي بلبن، شرب الشاي وخلى اللبن في كبايتو!!
                   |Articles |News |مقالات |بيانات

11-18-2015, 09:19 AM

هاشم عبدالله بشير
<aهاشم عبدالله بشير
تاريخ التسجيل: 11-15-2012
مجموع المشاركات: 729

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    Quote: جنوب أم بنين وقبل أبو حجار ولسع على ضفاف الأزرق في مدينة اسمها مايرنو


    تحياتى ابوبكر

    متابع البوست دا باهتمام شدييييييد
    بس وصفك لمدينة مايرنو جانبك فيهو التوفيق فهى بعيدة عن مدينة ام بنين وابو حجار بمسافة زمنية تقدر تقريبا بساعة ونص او ساعتين


    مدينة مايرنو تبعد عن سنجة تقريبا ساعة الا ربع وتبعد عن سنار تقريبا20 دقيقة
                   |Articles |News |مقالات |بيانات

11-18-2015, 09:21 AM

هاشم عبدالله بشير
<aهاشم عبدالله بشير
تاريخ التسجيل: 11-15-2012
مجموع المشاركات: 729

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: هاشم عبدالله بشير)

    اذا اردت ان تثري البوست فناشد معي الاخ وسعادة المستشار/ عثمان الحسن ابوروف بالحضور
                   |Articles |News |مقالات |بيانات

11-18-2015, 09:30 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: هاشم عبدالله بشير)

    الزهايمر يا هاشم
    كلامك صاح مايرنو قبل سنجة

    الاماكن دي أرتبطت عندي لما إشتعلت بأبي حجار لمدة تلاتة شهور في بداية التسعينات وكنا في رحلات اسبوعية بين سنار، سنجة أم بنين وأبو حجار

    الزهايمر
                   |Articles |News |مقالات |بيانات

11-18-2015, 09:56 AM

نصر الدين عثمان
<aنصر الدين عثمان
تاريخ التسجيل: 03-24-2008
مجموع المشاركات: 3549

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    أبو بكر .. تحياتي،


    Quote: جابو ليهم فكي من مايرنو، جا مدني راكب ليهو تمساح، بركنو في نادي الجزيرة، جابوا ليهو شاي بلبن، شرب الشاي وخلى اللبن في كبايتو!!



    أصلي....
                   |Articles |News |مقالات |بيانات

11-18-2015, 10:06 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: نصر الدين عثمان)

    Quote: ر/ عثمان الحسن ابوروف

    يا هاشم، فعلا انا داير من البوست دا أشكر ناس أبروف ديل
    ما بعرف عثمان وما أظن هناك من يتذكرني منهم (الفترة كانت قصيرة)، لكن إنطبعت عندي حاجات عنهم حبيت أعمل ليها هاي لايت
                   |Articles |News |مقالات |بيانات

11-18-2015, 11:58 AM

علي عبدالوهاب عثمان

تاريخ التسجيل: 01-17-2013
مجموع المشاركات: 5472

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    حبيبنا أبوبكر .. تحياتي ..
    أبوحجار كذلك قرية بالقرب من أرقو في الشمالية ريفي دنقلا زمان .. على بقريبا 30كلم
    أهلها تشكيل من الدناقلة والعرب والمحس ( عشان كده ناس حلوين )
    قلت في نفسي ظهر واحد من ناس أبوحجار ..
    التحية لأهل أبوحجار في دنقلا وفي أبوحجار الوسط ..
    هذا الوطن كما نسخة مكرره بشر وإجتماعيات وكمان اليوم في الاسماء

    شكراً أبوبكر .. مودتي ..
                   |Articles |News |مقالات |بيانات

11-18-2015, 12:22 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: علي عبدالوهاب عثمان)

    قرية الصابونابي وسيرو الجعليين من قرى ريفي أبو حجار.
    بالصالونابي مسيد الشيخ الصابونابي الذائع الصّيت
    بعد نهاية أسبوع وأنا راجع من مدني لأبي حجار، لاقيت واحدة زميلتنا من بنات الدباغة ومعاها امها.
    قلت لحاجة زينب أم ندى ماشين سنار؟
    قالت لي ماشين زيارة للشيخ الصابونابي
    قلت ليهم دربكم معاي، نصل سنجة بالمواصلات وهناك بنمشي نسوق عربية لبطري بوصلكم جوة المسيد.
    قالت لي: الله يبارك فيك ويغطيك، أمك شديدة؟
    قدر ما حاولت أدردقم عشان أعرف ماشين المسيد لياتو غرض؛ أبّن (رفضن) يوررني!

    بعد زمن طويل لاقيت ندى في السوق الشعبي الخرطوم ومعاها زوجها وشفعها
    بعد السلام والمطايبة والتعريف همست ليها قائلا: عرفت سبب زيارة الشيخ الصابونابي
    ابتسمت وقالت: بيانو باين
                   |Articles |News |مقالات |بيانات

11-18-2015, 12:24 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    سلام يا نصر الدين
    يا أخي، زمان كنا بنهزم الاتحاد دوم بقوة فكياتنا الاصليين ديل
                   |Articles |News |مقالات |بيانات

11-18-2015, 12:28 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    اللمين إبراهيم من الفيسبوك، يا اخي، أنا قررت أمنحك لقب مستنير أول، بسبب المحبة البيناتنا
    لكن نبيل لا لا

    سلام يا العلي علي
                   |Articles |News |مقالات |بيانات

11-18-2015, 12:45 PM

muntasir

تاريخ التسجيل: 11-07-2003
مجموع المشاركات: 2581

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    قبل ما اقرأ ابداعك افتراضك بجهل الزميلات بالوست دي مش بنية الوعي الشنو كدة بتاعت كبر[/B ]
                   |Articles |News |مقالات |بيانات

11-18-2015, 12:56 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: muntasir)

    غايتو يا علي، أحلى ناس في ريفي دنقلا هم ناس السير،
    لكن لو ناس ابو حجار بشبهوا ناس أبي حجار
    قطع شك بكونوا حلوين
                   |Articles |News |مقالات |بيانات

11-18-2015, 01:00 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    يا منتصر، يا أخي، أجمل تعبير ولّ كلمة عند المثقفين ديل عاجبني؛
    ما تعبير "بنية الوعي التناسلي" بتاع كبر دا
    عاجباني كلمة "صيرورة"
    يا أخي، قدر ما حاولت ألقى ليها فجّة أنزلها فوقها في أدبي المنثور دا؛ غلبني!
                   |Articles |News |مقالات |بيانات

11-18-2015, 01:09 PM

انور تاج السر

تاريخ التسجيل: 11-18-2006
مجموع المشاركات: 760

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: muntasir)

    يا سحلى عليك الله ده شنو تمساحك الداقس ده؟! الرواية الصحيحة انو التمساح شرب اللبن و خلا الشاى فى الكباية.

    بعدين فى سيرو النار كانت بتولع فى التراب بدون أى سبب و فى النهاية اكتشفو انو غاز طبيعى، لكن الكيزان زهدو فى استخراجو بدعوى هى لله هى لله.


    تحذير مكعب: أوعى تفط مداخلتى دى و الا أدخلتك فى زمرة الظلاميين:)
                   |Articles |News |مقالات |بيانات

11-18-2015, 01:18 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: انور تاج السر)

    Quote: يا سحلى عليك الله ده شنو تمساحك الداقس ده؟! الرواية الصحيحة انو التمساح شرب اللبن و خلا الشاى فى الكباية.

    الفكي يا أنور هو أصلا سحار
    لو في زول صاحبك شاكي انو سحار
    جيب ليهو لبن في كورة
    لو أباهوتختاهو طوالي
                   |Articles |News |مقالات |بيانات

11-18-2015, 01:43 PM

انور تاج السر

تاريخ التسجيل: 11-18-2006
مجموع المشاركات: 760

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    يا ابوبكر أنا قلت كلامى بناءاً على معرفتى الوثيقة بى فكى مايرنو فى ذلك الوقت لأنه لا يلجأ الى السحر بل عندو direct access :)
                   |Articles |News |مقالات |بيانات

11-18-2015, 01:50 PM

علي دفع الله
<aعلي دفع الله
تاريخ التسجيل: 08-31-2012
مجموع المشاركات: 3652

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: انور تاج السر)

    شيخي في الاستنارة تحياتي
    بصفتي هوساوي سابق احب انوهك انو الشيوخ الكانو بجوكم في مدني ديل فرز تاني ...
    اما الكنوج الكبار بمشوا لي هلاريخ...
    .....
    عليه جرى التنوية..
    حوارك في الاستنارة
    علي الفولاني
                   |Articles |News |مقالات |بيانات

11-18-2015, 02:25 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 27528

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: علي دفع الله)

    لمّا قريت كلامك في بوست عثمان محمد صالح بتاع انّو دي آخر مداخلة ليك في المنبر كنت ح ادبرس و اتصل عليك احنّسك لكن اتذكّرت انو الحردي - آكشوالي إدّعاء الحردي - المتكرر أحد علامات الإستنارة وكدا قلت مافي داعي النصبر شوية
    وأهو حدسي صدق كالعادة
                   |Articles |News |مقالات |بيانات

11-18-2015, 02:47 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: محمد البشرى الخضر)

    يا أنو، وأنا قلت كلامي بناءً على دراسة:
    مصعب صاحبنا المشترك بتعرفو؟ مرّة جانا في البيت بعد إتّا حاربتنا، وعيونو كانن حُمر، شكيت فوقو جبت ليهو حليب نوق في كورة بلاستيك صفرا
    قدر ما حنستو، رفض يشرب
    عاينت لاضانو الشمال لقيت فيها طفقة صغيرة
    شنو ليك دليل ولّ ما دليل؟
                   |Articles |News |مقالات |بيانات

11-18-2015, 03:15 PM

انور تاج السر

تاريخ التسجيل: 11-18-2006
مجموع المشاركات: 760

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    فصعون؟؟!!لا كان كدى صدقتك تب، دليل و نص:)
                   |Articles |News |مقالات |بيانات

11-18-2015, 03:38 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: انور تاج السر)

    Quote: الشيوخ الكانو بجوكم في مدني ديل فرز تاني

    علكم الله، يا أخوانا، "فرز تاني" بتاعة المستنير علي دفع الله موش تستاهل هامش نشرحا فوقو للزميلات وناس الخرطوم؟!
    هلاريخ بتاع الساعة كم؟
    نحن جيل المشجعين بتاع تيم حمد والديبة وصلاح بمبان
    الفرز الاول بتاع كل حاجة في الكورة دي كان عندنا هناك
                   |Articles |News |مقالات |بيانات

11-18-2015, 03:49 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    إتّا يا ود البشرى، مُلِم بمراسلات بكري الرسلها لي في اليوم داك؟ ولّ بس داير تشارك وتصحح؟
    لو لا انو نشر الخاص تجاوز؛ كنت أفحمتك.
                   |Articles |News |مقالات |بيانات

11-18-2015, 04:07 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 27528

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    هي تفحمني كيف هل كلامي غلط؟ هو يمكن ناقص عشان كدا بعدله ليقرأ
    (الحردي أو إدعّاؤه علامة من علامات الإستنارة و إستدرار تعاطف بكري و جرّه للمراسلة في الخاص )
    أها كدي كيف :)
                   |Articles |News |مقالات |بيانات

11-18-2015, 05:59 PM

اسامه خليفه
<aاسامه خليفه
تاريخ التسجيل: 03-29-2008
مجموع المشاركات: 2003

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: محمد البشرى الخضر)

    بوست شحمان جدا بسيد البوست وضيوفه الكرام ... سلام

    بس مااالك فطيت دار عقيل ياخي تلك المنطقة الجميله المشهوره باشجار النيم الكثيفه قبل ما تدخل ابو حجار ...

    حجزنا مقعدنا قداااام ومتابعه
                   |Articles |News |مقالات |بيانات

11-18-2015, 07:24 PM

دينا خالد
<aدينا خالد
تاريخ التسجيل: 06-26-2006
مجموع المشاركات: 9367

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: اسامه خليفه)

    قلبك قال شحححححححح ؟
    شكرا ....

    معنى صيرورة في معجم المعاني الجامع - معجم عربي عربي

    صَيْرورة ( اسم ):
    صَيْرورة : مصدر صار
    صَيرورة ( اسم ):
    مصدر صارَ / صارَ إلى
    صار ( فعل ):
    صارَ / صارَ إلى يَصير ، صِرْ ، صَيْرًا وصَيْرورةً ومَصِيرًا ، فهو صائر ، والمفعول مَصِير إليه / صارَ إلى يَصُور ، صُرْ ، صَوْرًا ، فهو صائِر ، والمفعول مَصُور
    صارَ الشَّيْءُ : صَوَّتَ
    صارَ الشَّيْءُ إِلَيْهِ : أَمالَهُ ، قَرَّبَهُ ، البقرة آية 260 فَصُرْهُنَّ إِلَيْكَ ( قرآن )
    صارَ وَجْهَهُ إِلَيْهِ : أَقْبَلَ بِهِ عَلَيْهِ
    صارَ الأَمْرَ : تَحَوَّلَ مِنْ حَالٍ إلى حالٍ
    صَارَ إِلَيْهِ : رَجَعَ
    صار الحقُّ واضحًا : أصبح كذلك ، والفعل صار من أخوات كان يرفع المبتدأ وينصب الخبرَ بمعنى انتقل من حال إلى حال صار الهلالُ بدرًا ،
    صار أثرًا بعد عين : أصبح خبرًا ،
    صار يضحك : أخذ وشرع
    صار الأمرُ إلى كذا : انتهى إليه ، رجع ،
    صار الأمر إلى قراره : انتهى وثبت
    صار الشَّيءُ : وقع وتَمَّ صار ما توقعته
    صارَ إلى يَصُور ، صُرْ ، صَوْرًا ، فهو صائِر ، والمفعول مَصُور
    صارَ صارَ صَوْرًا : صَوَّتَ





    -------------
    بس ادخللها فى جملة مفيدة صعب ...
    يا بكور شنو الحجار الكتيرة دى ياااااى !
                   |Articles |News |مقالات |بيانات

11-18-2015, 10:24 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: دينا خالد)

    الله يا اسامة! يا أخي هسع دي لو قلت لي وصف لي دار عقيل بقول ليك:
    الواطة خريف، والارض كلها خضراء وقدام دار عقيل ولد صغير برعى ليهو في ضان ابيض بأسود وحملان ما عندها حد تنطط وأبو الحصين يتقافز مع مرح الحملان وحركتها
                   |Articles |News |مقالات |بيانات

11-18-2015, 10:35 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    بالله يا ابا نورا إتّا من السير؟!
    يا أخي، من زمان عندي احساس انك محتلف
    وزي البعرفك
    أول مرّة أشوف لي حتّة أهلها مهتمين بأبراج الحمام وضاربنها باللون الأبيض كانت السير وأنا معزوم فيها غدا مع أهل زولة زميلة معانا بدنقلا
    لاحقا اكتشفت انو بيوت الحمام بكل المنطقة مكان اهتمام
    المهم نثبت ونقول ناس السير غير
                   |Articles |News |مقالات |بيانات

11-18-2015, 10:50 PM

munswor almophtah
<amunswor almophtah
تاريخ التسجيل: 12-02-2004
مجموع المشاركات: 18898

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    ياخ البقر الكنانيات دى مافى طريقه تلحقوها فى دكتور من جامعة الجزيره
    إسمه إسماعيل عيسى بيطرى حضر فى الإنتاج الحيوانى فى جامعة قويلف
    بأونتاريو كندا وزرناه والبروف الذى كان مشرفاً عليه يعرف أسماء
    البقر الكنانيه كلها _ ياخ تحايانا وبوستك رائع من ما جميعو.
                   |Articles |News |مقالات |بيانات

11-18-2015, 10:52 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    أنا براي القلبي شحّ؟!
    في عرس آمونة بت وهب بأبي حجار، جعفر الشيخ إدريس فقدوهو في العشا، صاحبو قال: الشيخ ادريس زعلان لانو كان بريد آمنة دي!!
    عمك عجوز بياكل في أكلو قال ليهم: وهو منو الما بريد آمونة دي؟
    أمشوا نادوهو خلوهو يتعشى عشاهو
    لكن جيتك أغاظت أحمد التجاني ونبيل الحاقد
                   |Articles |News |مقالات |بيانات

11-18-2015, 11:04 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6440

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    بالله هو أتاري كدي!
    وأنا أقول مالا البوستات دي قاعدة في حتتا ليها كم يوم مافي زول هبشا

    طيب ياخ اسأل لينا أمونة عن السيرورة
    و دا بياضي: "سير سير يا مستنير"
    ----
    التعديل لاستبدال البشير

    (عدل بواسطة معاوية الزبير on 11-18-2015, 11:06 PM)

                   |Articles |News |مقالات |بيانات

11-19-2015, 03:28 AM

هاشم عبدالله بشير
<aهاشم عبدالله بشير
تاريخ التسجيل: 11-15-2012
مجموع المشاركات: 729

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: معاوية الزبير)

    بوست دسم جدا جدا جدا

    تسلم كتير ابوبكر

    بالمناسبة فى التسعينات والدى (اطال الله عمره) كان مدير مدرسة ابوحجار المتوسطة وبيتنا كان على بعد خطوات من المدرسة

    بس تصدق لو قلت ليك اني جيت ابوحجار مرتين تلاتة بس رغم اني من سنجة

    بمناسبة البيطرة

    اكيد بتعرف الدكتور على بشير عبدالله عليه رحمة الله
                   |Articles |News |مقالات |بيانات

11-19-2015, 04:57 AM

Elsanosi Badr

تاريخ التسجيل: 03-29-2008
مجموع المشاركات: 3758

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: هاشم عبدالله بشير)

    علي ذكر ابو حجار دي في قبيلة اسمها حجار في تشاد والناس ديل بيلعبيو كشتينة زي الترتيب اها في واحد من اهلك ناس المتمة ديل تاجر مشي يلعب معاهم يمين جروهو خمسين لامن مرض وقالو مغطنو بالبطانية بتاعة الجيش الخشنة ديك ضحوية كاملة
                   |Articles |News |مقالات |بيانات

11-19-2015, 05:45 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: Elsanosi Badr)

    Quote: ياخ البقر الكنانيات دى مافى طريقه تلحقوها

    تعرف يا منصور، لو الإنقاذ دي تأخرت شوية عشر سنين، كان هسع كل البقر المع الناس الحايم هناك كا يكون من إنتاج محطة ام بنين؟؟
    كيف؟
    سألتني؟!
    بعد عملية الإنتخاب التمت هناك كان الناس إنتقلت حاليا لموضوع نقل الأجنة، والتقنية دي حاليا أصبحت متاحة وسهلة جدا
    الكان المالك يجب بقرتو الحايل وناس المحطة يزرعوا ليهو فيها بويضة مخصبة من أم وأب بالمحطة
    يعني بقر الناس كلو يشتغل حاضنات لعدة سنين وبعد داك بيكونو قطيعم براهم.

    سألتني تاني هل في طريقة يتلحق؟
    أيوة في، لو مثلا مثلا أنا وأسرتي تنازلنا عن أحلامنا ببناء بيت بكلفورنيا وشلنا جزء من القروش دي عملنا بيها معمل وحظيرة وسكينا المنطقة بحثا عن ترب أم بنين الهايم في الأرض وأشترينا منو للمحطة الجديدة، وتكلفلنا بمرتب العاملين بالمركز الجديد دا
    خلال عشرة سنين بتكون في طفرة كبيرة في إنتاج الحليب
    أو لو أسرتي رفضت تتنازل عن كالفورنيا، نشوف لينا كم وزير كدا كويس، نقنعم بدل وهم وأسرهم يركبوا لانكروزرات، نركبم كورلات وبالفرق بتاع العربات يعيدوا المركز تكون خدمة نقل الأجنة مجانا

    تحسين السلالات المحلية أحسن من التهجين بالسلالات الاوربية من ناحية تأقلم

    هذه المداخلة مبنية على تصور انو ما في زول قاعد يعمل في حاجة هناك حاليا.
                   |Articles |News |مقالات |بيانات

11-19-2015, 06:17 AM

Siddig Elghali


للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    أبوبكر عباس

    تحياتنا لك ولأهلنا ناس أبوحجار والرماش
    ناس أبوحجار ديل بقارة عديل وديل ناس فريقنا سواء أكان أسرة حامد حاكر أو مهدي ابراهيم ، ومعهم ناس الرماش أهل الخليفة عبدالله والمزيد ، ان شاء الله يضبحوا ليك تور كلالي .


                   |Articles |News |مقالات |بيانات

11-19-2015, 09:37 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: Siddig Elghali)

    Quote: طيب ياخ اسأل لينا أمونة عن السيرورة

    يا معاوية، آمونة دي جنّها وجن الأسئلة المباشرة
    هسع أنا سألتها من الصيرورة؟!
    أنا سألتها وافترضتها لون أساسي وخصمتها تجي قبل تسعة يوم وطلبت منها الجيّة خلال سبعة يوم!
    عناد منها جات بعد تسعة يوم وردت لي في موضوع تاني يا هو بتاع الصيرورة دا!
    البت دي هي القال فيها عاطف خيري -الكان بحب بشعرو محمد المشرف- قال فيها بصيغة المذكر:
    ﻳﺎ ﻓﺮﺱ ﻛﻞ ﺍﻟﻘﺒﻴﻠﺔ ... ﺗﻠﺠﻤﻮﺍ
    ﻳﻜﺴﺮ ﻗﻨﺎﻋاتنا ﻭﻳﻔﺮ ... ﻳﺴﻜﻦ ﻣﻊ ﺍﻟﺒﺪﻭ ...
    ﻓﻰ ﺍﻟﺨﻼ
    ﻣﺎ ﻳﺮﺿﻰ ﻏﻴﺮ ﺍﻟﺮﻳﺢ ﺗﺠﺎﺩﻟﻮ … ﻭﺗﻘﻨﻌﻮ

    فشنو، السيرورة دي بردوا ليك عليها، لكن وين؟
    الله ورسوله أعلم!!
                   |Articles |News |مقالات |بيانات

11-19-2015, 09:56 AM

Haytham Ghaly

تاريخ التسجيل: 01-20-2013
مجموع المشاركات: 2941

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    Quote: تحياتنا لك ولأهلنا ناس أبوحجار والرماش



    سلام للهنا كلهم

    على ذكر هذه الأماكن والبقاع الجميلة وعشان تحلى الجلسة مع المستنير وامونة

    والصيرورة وفي مقولة أخرى السيرورة


    واحد يلحقنا باغنية السايق الفيات سريع
                   |Articles |News |مقالات |بيانات

11-19-2015, 10:10 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: Haytham Ghaly)

    والله، يا سنوسي، الخمسين في الغربة بتجيب الحمى أم برد،
    يا اخي أنا ممكن أخرب ورقي كلو كلو، لكن العلي يميني ما يفتح من يدي
    لو جروني خمسين تلقاني باقي اليوم كلو أهضرب:
    كان اكسر البليهات*، ما لي وما الدوهات**!

    ــــــــــــــــ
    * البليهات = الاولاد
    ** الدوهات = الإتنينات

    (عدل بواسطة أبوبكر عباس on 11-19-2015, 10:21 AM)

                   |Articles |News |مقالات |بيانات

11-19-2015, 01:43 PM

بدر الدين مهدي

تاريخ التسجيل: 01-20-2013
مجموع المشاركات: 174

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    بالإضافة لأبحاث أم بنين للثروة الحيوانية
    هناك مركز أبحات أبو نعامة الزراعي وله مدينة كاملة تسمى الأبحاث وكلية زراعية ومصنع كناف أبو نعامة
    هذا زمن كان هناك دولة تهتم بالأبحاث البيطرية والزراعية
    مركز أبحاث أبو نعامة كان يمد المزارعين بالتقاوي المحسنة وأذكر منه أبو نعامة ١ وأبونعامة ٢
    بالإضافة للإنتاج البستاني الكبير والخضر والفاكهة التي تورد لسوق سنجة والألبان والبيض والفراخ
    بين أوحجار في منطقة اسمها ود الجاك اشته رسكانها بزراعة القطن وتربية المواشي هذه المناطق كان سكانها لا يعرفون الهجرة ولا يرغبون بها لما يتمتعون به من خيرات وفيرة ودخل جيد وأمن اجتماعي وترابط
    قل أن تجده في بقية السودان وكل الناس أهل وأصحاب والآن لا نبكي على الماضي الجميل لكن نسأل الله أن يبدل الحال بأحسن حال
                   |Articles |News |مقالات |بيانات

11-19-2015, 02:31 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: بدر الدين مهدي)

    Quote: أبوبكر عباس

    تحياتنا لك ولأهلنا ناس أبوحجار والرماش
    ناس أبوحجار ديل بقارة عديل وديل ناس فريقنا سواء أكان أسرة حامد حاكر أو مهدي ابراهيم ، ومعهم ناس الرماش أهل الخليفة عبدالله والمزيد ، ان شاء الله يضبحوا ليك تور كلالي .

    أول حاجة يا صديق قالها لي مهندس الكهرباء الحلفاوي في ميس الموظفين في ليلتي الاولى بأبي حجار: متزوج؟
    قلت ليهو: يا دوب إتخرجتا السنة دي
    قال لي قبل تتم الحول بتعرس من هنا
    قلت ليهو والزمن داك كنت قليل الإستنارة: بناتم سمحات؟
    قال لي: لا لا، القصة ما قصة سماحة براها، البلد دي فيها ناس عجيبين، أنا دا الموظف الرابع الجاي من برة وح يعرس من هنا ودي بس إحصائية السنة دي!
    نططت عيوني ورفعت مجسات الحذر لللون البرتقالي، وقلت في سري ح أراقب عرق المحبة في أي قهوة يدوني ليها
                   |Articles |News |مقالات |بيانات

11-19-2015, 02:50 PM

حاتم محمد عثمان
<aحاتم محمد عثمان
تاريخ التسجيل: 02-28-2014
مجموع المشاركات: 245

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)



    تحياتى وودى د.أبوبكر عباس

    نتابع بوستك متابعة جيدة

    ابونعامة وكلية الزراعة و مركز الابحاث

    مركز ابحاث ام بنين (بروف الوسيلة رحمه الله , وبروف ادم حسن متعه الله بالصحة والعافية وبينهما القائمة تطول)




    Quote: بمناسبة البيطرة

    اكيد بتعرف الدكتور على بشير عبدالله عليه رحمة الله



    الاخ هاشم عبدالله بشير هل هناك بيطري في السودان لايعرف البروف علي بشير (رحمه الله)
    استاذ التشريح المتفرد , وما اظن تانى كليات البيطرة في السودان تنجب نسخة تانية من بروف علي
    الذي كان يدرس التشريح بإسلوب السهل الممتنع (نسبة لصعوبة وتعقيد المادة) .


                   |Articles |News |مقالات |بيانات

11-19-2015, 02:54 PM

حاتم محمد عثمان
<aحاتم محمد عثمان
تاريخ التسجيل: 02-28-2014
مجموع المشاركات: 245

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)
                   |Articles |News |مقالات |بيانات

11-19-2015, 04:10 PM

عبدالكريم الامين احمد
<aعبدالكريم الامين احمد
تاريخ التسجيل: 10-06-2005
مجموع المشاركات: 32509

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: حاتم محمد عثمان)

    Quote: الجدل العجاجو قايم في كتابات ازبيلا عن فيافي وربوع الصعيد والمقص العجيب الذي ارسله الاخ سنهوري
    مما شكل في راي حراك ايجابي حول الكتابة...والامكنة والكاتب والنظرة الي المراءة و جغرافيا السرد وسرد الجغرافيا
    ويمكن ان تطل نقة عن الهامش وعن التمكن من زوايا واركان وكراكير الوطن ومعانقة كل اشيائها وممارسة الدهشة عبر الوجادين الممكن تكتب زي الصديقة ازبيلا... وربة وضوء مسلط علي بقعة عالية الجمال بتخلي الزول يحلم ببص ملي بالناس البتكتب والناس البتعكس دواخلها حرف وموسيقي وفن يحلقوا في رحلة طويلة في كل فيافي و وديان السودان... حيث الطعامة الاندهاش والناس الطيبة ونبيلة وموهوبة...
    ,,,,,,,,,,,,
    اذن انها هارون محطة للسكة حديد عندما القطار يعبر بصافرته تلك التخوم الموازية للنيل الازرق في عبور عكس التيار النهر العاتي..
    لا ادري لماذا البدايات هي هارون ؟؟؟..ولما ليس جلقني اوخليل او ود النيل بكان القمري قيل..او ابوحجار حيث كمبو كثر الدخلو كلو ودر...
    ولكن فلتكن هارون هي بداياتنا نصعد منها شمالا وجنوباثم نعبر الازرق شرقا ثم نضرب عباب التخوم غربا في اعالي مناطق مشاريع زراعة الامطار وليالي الجنقو في رحلات ام بحتي وقد نحتسي مرايس من العيش و بعض الكولميت ونضرب الزقني في تخوم حدود بلاد الاحباش... فكل شي وارد في حمي جمر الحي الذي ولع عبر كتابات ازبيلا ومقص سنهوري....!!!



    http://sudaneseonline.com/board/167/msg/%D8%A7%D8%B2%D8%A8%D9%8A%D9%84%D8%A7-%D9%88%D8%B3%D9%86%D9%87%D9%88%D8%B1%D9%8A-%D9%81%D9%8A-%D8%AF%...1%21-1253246153.html


    -------------

    Quote: بهبابة من سعف اشجار الدوم ضاربة جذورها عميقا في فيافي الصعيد البعيدة
    شاربة من موية النيل الازرق لمن يرسل رزاره للضفاف عند قيسان, كرمك, دمازين ,رصيروص
    جلقني, ام درمان, فلاتة وبنزقة, وود النيل محل القمري (قيل) وبعيدا حتي القربين وفيافي الصهباء نواحي ضيعة (كمال جار النبي)....
    بتلك (الهبابة) ولع فيني (جمر الحي) واشتهيت وجبة من الكجيك وشواء (فار البوص) وكديس الخلاء وذلك المخلوق الذي يشابه كثير (اللاكوست) المرسوم علي جنبات فانلات اولاد البندر عندما رايتهم في زيهم الانيق في ذلك الزمان البعيد.....
    شوال فرش لا ادري لماذا (شوال) وليس الا شوال فقط..لعل ذلك اتيا من فوبيا ذلك المكان الذي ينشط فيه الالاف من البشر وتحرق الاطنان من محروقات البترول وتدور المئات من المحركات وعتاد غربلة الارض
    ليصبح الناتج هو (شوال)....
    فليكن شوالنا مخلفات لدقيق ردي (السحن) وتمارس بين مسامه (حشرات) عسلية اللون اوجدت لنفسها مساحة داخل تلكم الكيلات التي سحنتها طاحونة (ود اب كريعة) وحولتها الي بودرة الذرة التي في (استاندرها)كان عليها ان تكون بيضاء اللون ولكن هي الان تميل الي لون العسل في اطراف تلكم الالوان المتمردة علي لون البودرة الاساسي...... انه طعام الفقراء (البني كربو) هو عجينة ذلك الدقيق الردي الصناعة الملي براغيث الارض وتصنع منه عصيدةقادرة في ادني معدلات تماسكها في تجاوز اختبارات السماكة للصخور في اعلي معامل قياسات التماسك دقة وكفاءة وانضباط..عصيدة يمكن ان تطلق عليها بكل ارتياح انها يمكن ان (تفلع) وقادرة بكل يسر علي تهشيم (راس) ادمي ان استعملت في خناقة ليس ابتزالا لها بل دقة في توصيف تماسكها وصلابة ايوناتها..
    في تلكم الفيافي وعندما يرسل النيل الازرق باطنه عبر فيضانه النشيط او عبر مراكب مدهشة يقودها رجال يغيبون خلف الشفق الي مسافات بعيدة في سطح ذلك النهر ويعودن الينا حاملين اطنان من (السمك) وانواعه المدهشة تباع علي ضفاف النهر الذي يكسوه(الطين الازرق) ويلتف حولهم سماسرة الاسماك واصحاب المطاعم ومخزني السمك ومحولينه الي اسماك ناشفة قادرة علي البقاء لسنين عديدة حتي تجد لها سوقا يحملها الي بيوت وكنابي وقطاطي الفقراء في اطراف القري الكثيرة ومعسكراتهم المنتشرة في غيط ذلك المكان المدهش الجغرافيا والمناخ.....
    اذن انه الكجيك .....


    يا زول ارجوك لاتهابش في مثل هذه الامكنة الموغلة في جمال الانسان والمكان
    حتي لانعود الي هكذا مدارات فارقناها فراق الطريفي لجملونو..... والكتابة عن هذه الجغرافية وانسانها العظيم وجع خرافي و كاروشة لاتفاوم

    وتحياتي للجميع
                   |Articles |News |مقالات |بيانات

11-19-2015, 04:43 PM

بدر الدين مهدي

تاريخ التسجيل: 01-20-2013
مجموع المشاركات: 174

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: عبدالكريم الامين احمد)

    إبداع يا عبد الكريم حلقت بنا في دنيا عجيبة
    كمال جار النبي وماأدراك ما كمال جار النبي امبراطورية الزراعة المطرية
    وكأني بحسن بياع الناس في سوق سنجة الكبير يحشد الجنغو ويشتري لهم حاجياتهم من تمباك وتموت تخلي وفراد (جمع فردة )
    ويدفع عنهم ثمن وجبات الفطور والشاي في ضلالات النساء التي أصبحت أثراً بعد عين وينتظر حسن بياع الناس طلبات كبار المزارعين ليبيع لهم العمال ولذلك سمي بياع الناس
    وعندما تخرج جرارات كمال من مخبأها ومسستودعاته بالقرب من سنجة الثانوية تنبىء ببداية الخريف وموسم ومصدر رزق للسواقين والزياتين
    ولكمال في مشروعه مدينة سكنية متكاملة بها بئر ماء وطاحونة وشفخانة وحياة متكاملة حسب ما علمت ممن دقش جهات الضهاري ونواحي الصهباء
                   |Articles |News |مقالات |بيانات

11-19-2015, 04:43 PM

بدر الدين مهدي

تاريخ التسجيل: 01-20-2013
مجموع المشاركات: 174

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: عبدالكريم الامين احمد)

    إبداع يا عبد الكريم حلقت بنا في دنيا عجيبة
    كمال جار النبي وماأدراك ما كمال جار النبي امبراطورية الزراعة المطرية
    وكأني بحسن بياع الناس في سوق سنجة الكبير يحشد الجنغو ويشتري لهم حاجياتهم من تمباك وتموت تخلي وفراد (جمع فردة )
    ويدفع عنهم ثمن وجبات الفطور والشاي في ضلالات النساء التي أصبحت أثراً بعد عين وينتظر حسن بياع الناس طلبات كبار المزارعين ليبيع لهم العمال ولذلك سمي بياع الناس
    وعندما تخرج جرارات كمال من مخبأها ومسستودعاته بالقرب من سنجة الثانوية تنبىء ببداية الخريف وموسم ومصدر رزق للسواقين والزياتين
    ولكمال في مشروعه مدينة سكنية متكاملة بها بئر ماء وطاحونة وشفخانة وحياة متكاملة حسب ما علمت ممن دقش جهات الضهاري ونواحي الصهباء
                   |Articles |News |مقالات |بيانات

11-19-2015, 06:06 PM

معاوية الزبير
<aمعاوية الزبير
تاريخ التسجيل: 02-07-2003
مجموع المشاركات: 6440

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: بدر الدين مهدي)

    Quote: فشنو، السيرورة دي بردوا ليك عليها، لكن وين؟
    الله ورسوله أعلم!!
    بالله! يعني نظام تحتفظ لنفسها بحق الرد في الزمان والمكان المناسبين.

    اسمع، عبد الكريم كيكي دا من الحكايين القدامى الذين عفّروا ساحات المنبر بغرائب قصص الجن
    فا شنو ما بوصيك.
                   |Articles |News |مقالات |بيانات

11-19-2015, 07:54 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 27528

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: معاوية الزبير)

    Quote: الموغلة
    ياااااه يا كيكي, لينا منها سنين وسنين
    يازول وين انت ؟ ان شاء الله بخير و عافية
    بركة المستنير اتراجع عن حردته المعتادة (بعد مسنجر بكري عشان ما يزعل) و مرقك لينا الليلة :)
                   |Articles |News |مقالات |بيانات

11-21-2015, 10:45 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: محمد البشرى الخضر)

    بستغرب كيف الناس بتخلي بوستاتي تمشي للصفحة التانية!!
    سلام لكل الحلوين ونقول لعبد الكريم: حيّاك الغمام
    بجيكم بالصف
                   |Articles |News |مقالات |بيانات

11-21-2015, 11:16 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    Quote: بمناسبه ابوبكر عباس دي. الزول ده غاشيكم ساي اسمه لا ابوبكر ولاود عباس. اسمه الحقيقي بابكر ود امنه. والله يابابكر بوستاتك بنقراها لمن ريالتنا بتسيل
    دكتور محمد الرازي الطيب بابكر

    اليوم دا أنا سعيد لسبب؟!
    لا، لسببين:
    الأول: تشريف الخال د. محمد الرازي لي من نافذة الفيسبوك بالمداخلة الحنينة دي، وسبب الحنان فيها يعود لإنحيازو لأختو آمنة بت الشيخ أبقناية، ولجدو بابكر أبقناية!
    آمنة دي غير إنها أمي، مشهورة في الدباغة بآمنة بت العالم ورثت عن أبوها الطيب، الطيابة وحب الناس ليها، وما زالت تونس في الناس وتطايبم وتوادهم.
    هي الزوجة التانية لأبي، وفي سن بنتو الكبيرة الشام، صنعت لنا بصداقتها الفريدة مع حاجة شامة علاقة متفردة مع أولاد أخواتي من أبوي تتفوق في بعض التقاطعات مع الأشقاء، هذه العلاقة الفريدة معهم حمتنا مع بعض من عوز سنين الإنقاذ العجاف، فحياها الغمام هي وحاجة شامة زي ما بقول عبد الكريم، وللخال العظيم المودّة

    بابكر ود آمنة أخت الرازي
                   |Articles |News |مقالات |بيانات

11-21-2015, 11:58 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    تاني يوم مشيت البطري سلمت نفسي، شرحو لي طبيعة العمل ومسكوني للمساعد البيطري عشان أتحرك معاهو باللاندرفر لتكملة إجراءات التعيين بالمجلس.
    بعد خلصنا الإجراءات، المساعد ساقني بيتم وهو من ناس البلد و مولود بأبي حجار، وقف العربية جنب بيتم وقال لي: إتفضل، حاولت أتنصل، لكن في ناس لمان تعاين في عيونم بتعرف انو ما عندك خيار تاني.
    أستغربت، الزول دا كيف رتّب موضوع خروف الغذا الجاهز دا، مع ناس بيتم والزمن داك الكويتيون ما كان جابوا لينا الموبايلات، ولا كرمونا ودشنونا من هامش أرباح ونستنا!
    كل مسميات اللحوم العرفتها في الدباغة وشمبات كانت حاضرة وفن طبيخ ما شفتو
    بعد شبعتا رخيت كل مجسات الحذر، وقلت يارب نبوة المهندس الحلفاوي تتحقق.
    لاحقا عرفت انو صديقي البيطري الجديد هو وحيد أمو ويقم هو امو فقط في ذلك البيت الجميل
    أنّبت روحي على سوء ظني في سبب الودّ لي، وصار ذلك البيت بيتي ولمدة سبعين يوم كامل مدّة إقامتي بأبي حجار لم أتناول وجبة الغدا خارج هذا البيت.
    لمان تعاين لورا تقول: الناس دي بتسوي كدا لشنو؟
    ما لقيت إجابة غير أقول: ديل يا هم ناس أبي حجار

    في خاطري ان أقوم يوما بزيارة خاصة لذلك الصديق

    (عدل بواسطة أبوبكر عباس on 11-21-2015, 12:15 PM)

                   |Articles |News |مقالات |بيانات

11-22-2015, 06:20 AM

احمد التجانى احمد
<aاحمد التجانى احمد
تاريخ التسجيل: 11-11-2006
مجموع المشاركات: 3083

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    Quote: لكن جيتك أغاظت أحمد التجاني ونبيل الحاقد



    يا ابكر فى زول بزعل من الترتيب العمله بيده , انت قايل امونة فاضية ليك اليومين دى , والله كان كتبت عن ابو لهب زاته مش ابو حجار ما كان جات لولا انى اترجيتها اثناء سياحتها بالخارج وطلبت منها بس تجى زى الطيف كدة مداخلة واحدة ما تذيدها


    لكن لو عارفك بتكتبنى فى مداخلة واحدة مع نبيل الحاقد بتاع الفيسبوك من تحت ما كان تعبت التعب دة مع امونة , برضو من كراماتى زيارة القاص كيكى لهذا البوست ولعلمك انا الان وبسببك داخل معاه فى معارك حامية الوطيس تدخلت فيها اطراف اخرى


    والحمد لله لحد هسة النتيجة فى صالحى بس ساعدنا باللنكات لاعمالك الادبية الكاملة عشان كيكى دة تانى يجى داخل بوستاتك بس عشان يحيوك هو والغمام ويتخارج

                   |Articles |News |مقالات |بيانات

11-22-2015, 06:48 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: احمد التجانى احمد)

    Quote: ناك مركز أبحات أبو نعامة الزراعي وله مدينة كاملة تسمى الأبحاث وكلية زراعية ومصنع كناف أبو نعامة


    يا صديق، يا أخي، من الحاجات النادم عليها في الفترة ديك عدم زيارتي لمصنع الكناف ولليلة دي كل ما أشوف لي شوال ذرة سودانية بدبي قاعد أحاول أتخيل شكل نبتة الكناف وبعد مداخلتك دي أول مرّة أغوغلها.


    هل هو نفسو نبات التيل؟

                   |Articles |News |مقالات |بيانات

11-22-2015, 06:59 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    يا هاشم، يا أخي، دكتور علي بشير دا ما كان استاذنا أكاديميا وبس!


    هو الفتح عيونا عشان ننتبه بشكل عميق لعلم التشريح المقارن


    هذا العلم من المفترض أن تُدرس مقدمته في الثانوي العالي فهو يوسع أفق الطالب



    دكتور علي بشير كان مختلفا عن الناس!


    ما داير أنداح عنو لشيء أكتر من كدا

                   |Articles |News |مقالات |بيانات

11-22-2015, 11:15 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: أبوبكر عباس)

    Quote: برضو من كراماتى زيارة القاص كيكى لهذا البوست ولعلمك انا الان وبسببك داخل معاه فى معارك حامية الوطيس تدخلت فيها اطراف اخرى


    تعرف يا أحمد، صديقك حياهو الغمام


    تقريبا كل أسبوع قاعد أشوفو مع جماعة كدا، هو لا يعرفني، وقاعد ألقي عليهم التحية وبسري بزيد علي التحية بقولي:


    وحياك الغمام يا كيكي

                   |Articles |News |مقالات |بيانات

11-23-2015, 04:52 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: أبو حجار وناس أبو حجار (Re: بدر الدين مهدي)
                   |Articles |News |مقالات |بيانات

11-22-2015, 01:54 PM

الامين الشيخ
<aالامين الشيخ
تاريخ التسجيل: 09-07-2015
مجموع المشاركات: 72

للتواصل معنا

FaceBook
تويتر Twitter
YouTube


صورة مهمة (Re: أبوبكر عباس)

    Untitled10.jpg Hosting at Sudaneseonline.com




    بتعرفو الزول دا ياناس ابوحجا [IMG]

    Untitled10.jpg Hosting at Sudaneseonline.com



    [/IMG]

                   |Articles |News |مقالات |بيانات

11-22-2015, 01:55 PM

الامين الشيخ
<aالامين الشيخ
تاريخ التسجيل: 09-07-2015
مجموع المشاركات: 72

للتواصل معنا

FaceBook
تويتر Twitter
YouTube


Re: صورة مهمة (Re: الامين الشيخ)

    البعرف الزول دا يا ناس ابوحجار ليهو جائزة .
                   |Articles |News |مقالات |بيانات

11-23-2015, 04:28 AM

هاشم عبدالله بشير
<aهاشم عبدالله بشير
تاريخ التسجيل: 11-15-2012
مجموع المشاركات: 729

للتواصل معنا

FaceBook
تويتر Twitter
YouTube


Re: صورة مهمة (Re: الامين الشيخ)

    Quote: دكتور علي بشير كان مختلفا عن الناس!


    رحمه الله رحمة واسعة ووسع مرقده
                   |Articles |News |مقالات |بيانات

11-23-2015, 04:54 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: صورة مهمة (Re: هاشم عبدالله بشير)

    بعد الغدا الكارب داك، وبين العصير والمغرب طلعنا مشينا محطة القطر، الزمن داك طريق الأسفلت كان يا دوب وصل أبوحجار، وكان الناس بتجي بالعربات لحدي ابوحجار وبعد داك تركب القطر للدمازين. عرفنا انو الخط قاطعاهو المطرة ولقينا جمهرة ناس كتيرة في الإنتظار. جنب ست شاي قعدنا للقهوة وبسري قلت ليها إن شاء الله تكبي عرق المحبة كلو!! جوا قعدوا معانا تلاتة شباب لابسين قيافة ومختلفين عن بقية الركاب، من مقلب حديث زي ما بقول العبادي، عرفنا انهم أساتذة شغالين في الدمازين، رددت هامسا: شرطا يكون لبيس من هيئة التدريس وسافر خلاني وين؟ وأهو إنقطعوا هنا، قلت ليهم ما في مشكلة تمشوا معانا الميس لحدي ما المشكلة دي تتحلى. خلوني أوصف ليكم الأساتذة ديل:
    - التلاتة مهندمين زي ما في الأغنية
    - الثلاثة في نهاية التلاتينات تقريبا
    - واحد أسمر بدخن بشراهة
    - واحد خمري شايل ليهو كيس زي بتاع الصعود فيهو توم مقشر، طلعو بلع ليهو تومة
    - واحد أصفر لا يسكت ولا تملّه ويبدو انو موسوعي، بإختصار مجنون، أدهش الناس بالونسة وناس المحطة اتلموا حولنا، وخلصوا علي القهوة والشاي والكركدي كلو
    بعد المغرب مشينا الميس وتعالوا شوفوا الليلة البديعة دي:

    (عدل بواسطة أبوبكر عباس on 11-23-2015, 04:56 AM)
    (عدل بواسطة أبوبكر عباس on 11-23-2015, 04:57 AM)
    (عدل بواسطة أبوبكر عباس on 11-23-2015, 05:00 AM)
    (عدل بواسطة أبوبكر عباس on 11-23-2015, 07:41 AM)

                   |Articles |News |مقالات |بيانات

11-23-2015, 05:19 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28963

للتواصل معنا

FaceBook
تويتر Twitter
YouTube


Re: صورة مهمة (Re: هاشم عبدالله بشير)

    [green]الاخ ابو بكر عباس

    الاخوة المتداخلون الاعزاء - خصوصا هاشم ابن الاستاذ عبد الله بشير الرجل العملاق الكرهني الرياضيات ذاتا

    عيني وقعت صدفة في البوست دا و ما خليت فيهو حرف حتى الصيرورة ذاتا .

    المهم طالما نحن في سياق الحديث عن مدينة ابي حجار التي تبعد من بلدنا (الدندر) مسافة 35 كيلو متر تقريبا رايت ان اشارككم بهذه السالفة ( على قول الخليجيين) لطالما اننا من بئية تلتقي فيها الكثير من الامور المشتركة .

    بسم الله نبدأ بهذه القصة الحقيقية مع اضافة بعض اللمسات التجميلية ( لصيرورتها) حلوة وكدا .


    شاب من دولة عربية شقيقة في مقتبل العمر التقى بصديقى الملازم شرطة وقتها ، احمد ابراهيم الجرّاي وذلك في عام 1983م. الاخ احمد رجل طيب وعفوي وعلى نياتو . يسكن الاخ الجراي في قريته السريفة احدى قرى الدندر.

    تقابل صديقي احمد مع هذا الشاب المصري في احدى المقاهي بمدينة ود مدنى . هذا الشاب قال للاخ الملازم أحمد الجراي انا بعمل مدرب لكرة القدم في بلدي ..... ولدى الرغبة ان اعمل في السودان . كان الاخ احمد مكلف من قبل اعضاء نادي قريتهم السريفة للبحث عن مدرب للفريق الرياضي للقرية وعلى طول عرض على ذلك الشاب ان يعمل معهم لتدريب فريق القرية الرياضي . تفاكر الاثنان حول العرض واتفقا عليه كما اتفقا على ان يأتي ذلك الشاب المدرب للقرية بعد اسبوع من ذلك اللقاء .

    الملازم احمد ابلغ شباب القرية بالاتفاق مع المدرب المصري وقد فرح الجميع بهذا النبأ وبدأوا يجهزون انفسهم لاستقباله الاسبوع القادم .
    اها الراجل ناس الحلة كولهم ، حتى الحريم ، منتظرنو يجي عشان يشوفوا المدرب العالمي دا ، واللعيبة كمان طلبوا كسوة رياضية جديدة لنج والحمد لله اتبرع ليهم بيها احد الخيرين بالقرية . و احتفاء بمجئ المدرب العالمي الناس جهزوا عجل متلاب عشان يضبحوهو كرامة للمدرب الجديد .

    طبعا اخونا احمد ابراهيم الجراي ما وصل لاهلو لحدي هسه منتظر يجيب معاهو المدرب العالمي الى الحلة الحجل بالرجل لزوم يحشحش بيهو قدام اهلو وبنات عمو وكدا . وناس الحلال المجاورة كوووووووولها ، بما فيهم ناس البردانة قرية الراوي ، سمعوا ليك بالخبر ومنتظرين يوم حضور المدرب العالمي عشان يجوا يشوفوهو .
    طبعا زمان ما كانش في موبايلات عشان الناس تتابع تحركات الضيف من مدنى مرورا بالحاج عبد الله ومدينة ود الحداد وسنار ثم سنجة ومدينة الدندر الى قرية السريفة محطة الاستقبال .

    المهم الناس جاهزة ورابطة المتلاب ( العجل) تحت ضل الميمة ورامين ليهو حزمة قصب لزوم العلوق وكدا وفي إنتظار المفاجأة لانو الضيف زمان بتهردب فيك ساى بدون سابق انذار .

    اها يا اخوانا الواطة مغربت والناس لموا بهائمهم في الزرائب وحلبوها وولعوا ليها التقّابات لزوم طرد الباعوض منها - الدنيا كانت قمراء بييييييييييضة والشفع مشوا يتجمعوا في الحقاقيب ( الملاعب) لزوم اللعب بشليل وين راح اكلو التمساح والرمة الحباسة دقوها في راسا وام العتينوبة وحرت وكدا . اها في الساعة ديك الشفع سمعوا ليهم صوت برينسة يرفع وينزل في طرف الحلة . النجيض في الاولاد جري متلهما يشوف الحاصل شنو - وفيهم الخواف القام تارس متلهّم امو فاكر ديل القراحين جايين يقرحوهم . الاولاد النجاض ترسوا جهة صوت البرينسة ولقوها متلككة في طين الخور الوراء الحلة وشافوا نفرين واقفين متحيرين جنب البرينسة . الاولاد قربوا منهم وفرزوا عمهم الملازم احمد الجراي وشافوا معاهو زولا اصفر عرفوهو راجل غريب . واحد من الشفع ديل شاطر ونجيض ترس من حينو اتلهم الحلة ويصيح المدرب جاء - المدرب جاء اما بقية الاطفال الراكزين سلموا على عمهم احمد الجراي وسألوهو من الزول المعاهو دا منو ؟ ووراهم بأنه دا المدرب العالمي . الاولاد فرحوا وكل واحد ملص عراقيهو وربطو في صلبو ورايحين يلزوا ليك في البرينسة من الوحل نامن طلعت في صقيعة ناشفة ودورت ، وطوالي اتشعبطوا ليك فيها بوراء وهم يهتفون المدرب جاء المدرب جاء المدرب جاء .

    المدرب الدولي إتكامل الحلة والناس منتظرنو كويمات كويمات . الشاهد ان المدرب عزل اسمح لبسة عندو لزوم مقابلة ناس الحلة وكدا ، لكن اللبسة للاسف فحّطت فيها البرينسة في الطين من خلف رشتو بطين بادوب اراضي الدندر وخلتو ليك زى المبرّص .

    المدرب اصيب بنوع من الاحباط وقبل يصل الحلة اتلفت على احمد الجراي وقال ليهو ( ميدانكم منجّل؟) احمد قال ليهو ليش هذا السؤال ؟ المدرب قال ليهو ( إزّاي ندرب فريقكم في المطر والطين دا؟) احمد قال ليهو ما تنزعج الايام ما كلها هكذا .

    البرينسة وصلت الحلة واحمد وجه السواق عشان يتلهّم بالمدرب خلوة مطرّفة بعيدة من الجماهير لزوم يخرتو الطين منو ويجيبوا ليهو جردل موية وطشت يتبرد زين ويغير ملابسو ويتكامل الناس .
    المدرب العالمي استحم واتهندم كويس وطلع للجماهير وكانوا واقفين رقل رقل .

    المدرب وصلهم وبدأ يسلم من اول الصف لحدى النهاية . الجماعة طوالي تكوا التور للضبح وشخخخخخخخ ضبحوهو وهم بكبروا . بعد التور هدأ من الفرفسة نادوا المدرب العالمي يفطوا لزوم التبريك والمباركة ولسان حال اهلنا بقول (يدينا خيرك يا المدرب ويكفينا شرك)


    المدرب فطّ الكرامة ويتلفّت جاى وجاى ما ناقش اي حاجة من الفطّان دا ذاتو .

    بعد داك ساقوهو للراكوبة الوهيطة وجلسوهو في عنقريب قد ( بكسر القاف) مهول بالحيل مفروشة عليهو مرتبة مانعة وفوق للمرتبة برش صارموجة وهو برش مزركش بعدة الوان من التفتة (مادة ملونة) . المدرب جلس في العنقريب وبلامس بأنامله في ضفيرة البرش بالدس . عجبو البرش بالحيل وراح معلق : هذا سجاد حلو أوي إزاي بتصنعوهو؟ رد ليهو واحد من كبار الحلة قال ليهو ( دا برش غالي كمّل قروشنا جت جت؟ جت ؟ جت؟ ايش جت ؟ استفسر المدرب العالمي عن معنى كلمة جت . نط واحد من ناسنا الكبار قال ليهو خليني اجلس حداك عشان ابيّن ليك يا السيد المدرب . حداك ؟ حداك؟ حداك؟ اتلفت المدرب العالمي للملازم شرطة أحمد مستفسرا ايش حداك؟ . يعني محازيا لك او جنبك يا محمد هكذا جاء رد الملازم احمد للسيد المدرب .

    من عادات اهلنا لما يضبحوا التور اول حاجة بجيبوها للمزمزة ام فتفت التور النيّة معاها فنيجين عتّي عشان تلحق الضيف سريع . اها دقائق مافي الجماعة جابوا ام فتفت في صحانة صغار وختوا في وسط كل مجموعة من الرجال صحين ام فتفت وفنيجين عتّي ووهطوا صحن مانع امام المدرب العالمي وقالوا ليهو قول بسم الله وأبدأ اكل . لحمة نية؟ لا عفوا انا ما باكلش لحمة زى دي – المهم الناس بتأكل في ام فتفت دي بنهم والمدرب يعاين سااااااااى . الجماعة استعجلوا العشاء للمدرب العالمي وبعد

    أكل الكرامة قام مخاطبا الجماهير وكانت الكلمة عصماء ورصينة تخللتها بعض المفردات التي لم يتم استيعابها . طبعا شكر ليكم ناس الحلة رجال ونساء شيب وشباب ووعد بأن يبدأ برنامجه التدريبيي بعمل لقاء تنويري مع فريق القرية الرياضي في صبيحة اليوم التالي والجماعة صفقوا ليهو شديييييييييد وطوالي جلس في العنقريب .
    بعد داك الراجل اعتذر للجماعة من عدم مقدرته على السهر اكتر من كدا وطلب من الملازم احمد ان يذهب به الى محل رقاده . ذهب الاثنان الى ديوان حاج الجراي ديوان واسع ومهول يتوسطه سرير مفروش ومعطّر وكاجين ليك فيهو الناموسية من الباعوض وكعادة اهلنا خاتين ليهو كورة نعومة مليانة حليب تحت العنقريب . الراجل إتناول الحليب شرب زيييييين وإتغطى ونام . طبعا الديوان معروش زنكي والزنكي فيهو اخرام مسامير التثبيت .
    بعد الناس ناموا قام ليك بريق ( تصغير برق) من قدام عندنا بسموهو البرق القبلي ( بكسر القاف وتسكين الباء - يعني منسوب للقبلة) والمعروف عندنا في الصعيد هناك لو البرق القبلي دا شلع من قدام مطرتو بتكون قبض ايد مضمونة يعني .

    البرق شغال وشغال وجاب ليهو سحابة سوداء خاميها من قدام ومتلهّم بيها قرى الدندر . والمدرب نائم يشخر ساى . بعد نص ساعة تسمع الزنك طق طق ( بفتح الطاء وتسكين القاف ) بداية المطرة وبعد شوية الطق طق زادت حجما وإنهمارا و عملت صخب و ضجيج شديييييييييييد ويبدو مع الموية ذاتا في حبات برد عندما تقع في الزنك وكأنو حجر شتروا بيهو الزنكي مما زاد من انزعاج وقلق المدرب العالمي. غزارة صبيب المطرة جعلت سقف الديوان يمتلئ موية وبدأ يصب داخل الديوان . المدرب قام منزعجا من النقيط بتاع الموية على سريره وصار محل ينزوى في الديوان الموية لاحقاهو تنقط فيهو وكمان طلع من الناموسية الباعوض يقرص وينوني ليهو في اضنيهو . المسكين غلبو النوم وظل صاحيا مرهقا وحزينا للصباح .
    اها الواطة اصبحت ممطورة مطرة سمحة بعد صبنة ( عطش من عدم المطر) طويييلة وكادت هذه الصبنة ان تحرق كل مزارع الذرة والسمسم التـــي يعتمد عليها المواطنون . اها ناس الحلة استبشروا بالمدرب الدولي خيرا وقالوا كراعو لينة فيها البركة يعني لانو المطرة تزامنت مع قدومو للقرية . كل واحد من ناس الحلة جاء الصباح مبسوط متلهم الديوان النازل فيهو المدرب وشايل شاهيهو او قهوتو معاها شعيرية او قمح مدور. اها المشكلة الكبيرة عند اهلنا هناك اى واحد جاب موجودو للضيف لازم الضيف يضوقو يعني مافي حاجة اسمها اعفوني انا شبعت ، لازم تشرب تشرب عشان الزول الجاب ليك موجودو ما يزعل منك . المدرب تعب تعب شديد من الشواهي والقهاوي والقموح (جمع قمح) واظنكم سمعتوا بالمثل الشائع عند اهلنا هناك البقول أكل القموح وعرس السموح بطول العمر . بعد شوية المدرب العالمي عايز يكب الذوغة من الشواهي والقموحات وقال للملازم احمد وديني الحمام ياخ . احمد ملأ ليهو الابريق موية طاااااب وقال ليهو ارح . المدرب قال ليهو وين ؟ مش قلت عايز الحمام؟ ايوا نعــم . طيب حمامكم وين؟ احمد قال ليهو اتبعني ياخ . المدرب قال ليهو لوين ؟ احمد قال ليهو اوديك الحمام المدرب قال ليهو اوكي اوكي يلا نروح . احمد اتقدم والمدرب ماشي وراهو لحدى طلعوا من الحلة بررررررررة متلهمين اللعوت والكتر القائم طرف الخيران . إزاي ماش بينا بعيد كدا اصبر اصبر قربنا نصل الحمام ، كان ذلك هو رد احمد للمدرب العالمي .الكلام دا كلو حصل قبل تقريبا 25 سنة وهسه السريفة صارت حاجة تانية الحمامات بانيو وكدا .
    المهم زولنا تجاوز إمتحانين الاول سهرة ممطرة حملته الى السهر مع الباعوضة حتى الصباح والامتحان الاخير الذى استطاع تجاوزه هو الصنغيرة على الامشاط !!!!!!!

    عاد المدرب العالمي مع الملازم الجراي الى الديوان المخصص اليه وهو مشحون بالكثير من المرارات التي لم يجرأ على الافصاح عنها .

    إنصرف كل واحد من اهل القرية بمواعين الشاي والقهوة وغيرها وقد إنصرف همهم بعد ذلك الى تجهيز الفطور للمدرب العالمي . صحيح هنالك حراك نسوي في بيت اخينا الملازم احمد لاعداد مائدة خاااااااااااااصة للمدرب العالمي من النواشف وغيرها من المشتقات اللحومية التي ابدعت النساء الغريبات ( طبعا عندنا نخبويون تزوجوا من قبائل اخرى محسيات وشايقيات دنقلاويات وكدا) هذه الشريحة من النساء الغريبات كان كان يناط اليهن صناعة الاكل الافرنجي للضيف مثل الكوفتة والمحشي والقيما والسجوك ووضع البيض بالطريقة الهندسية المعلومة والتي يعملن فيها على إحاطة البيض بنوع من الخضار وكدا وايضا صناعة التحلية بألوان احمر اصفر اخضر زى شفق المغارب .
    وفي مثل هذه المناسبات تكلف العمات والخالات بتنظيف عفشة الخروف - الكرشة وعمل المرارة بمهارة غير عادية . صحون صغيرة فيها المرارة (الكبدة والفشفاش والكلى وام فتفتفت ) وبجوارها فنجان من العتي وهذه مهمة لا توكل للنساء الغريبات لانهن لا يملكن احترافية العمات والخالات في إعدادها او ربما ظنهنّ ان هذا ليس من عمل النواعم وإنما عمل ينبغي ان تنفرد به متقدمات العمر .

    بعد ان تم تجهيز الفطور في المطبخ تماما قام بعض الشباب بنقله الى الديوان . كانت الصواني الاولى عادية يعني كسرة وحبات رغيف مجدعة باطراف الصينية وصحن دمعة وصحن مرارة يغلب عليه اللون الاحمر (فشفاش يعني) وصحن شعيرية مفلطح !!

    بعد قليل حضر شابان يحملان صينية مانعة بالحيل كل منهما عاضى طرف جلابيتو باسنانو وممسك بطرف الصينية ونفسو قائم من حيمولة الصينية . كانت هذه الاخيرة هي المائدة التي تم اعدادها بصورة خاااااصة للمدرب العالمي وقد اختاروا ليشاركه في المائدة بعض وجهاء القرية وغيرهم من الرسميين المعنيين بالرياضة في محلية ريفي الدندر كافة .

    تم توهيط مائدة المدرب العالمي في نص السباتـــــة وبأطرافها تباريق ( جمع تبروقة) ليجلس عليها المدرب والذين تم اختيارهم لمشاركته مائدته .
    كان صحن المرارة امام المدرب العالمي وقد لاحظ المدرب ان المرارة عبارة عن لحمة نيّة ( غير منجّضة) فلم يمد يده اليها ولكنه لاحظ الاخرين يمدون اياديهم بشراهة ليخمشوا منها الكبدة وام فتفت بس تاركين القليل من الفشفاش .

    بعد تناول الافطار والشاي والقهوة قام المدرب العالمي مخاطبا الجماهير ( طبعا النسوان واقفات وراء صريف القش المعمول حوش للديوان و بعاينن برقراق القش ) مبينا لهم ان إستراتيجيته التدريبية ترتكز على المحاور الاتية :-

    اولا : ان يأخد جولة داخل القرية للوقوف على معالمها ومن ثم التحرك الى ميدان التدريب للتأكد مما إذا كان مستوفيا للمعايير المطلوبة .
    ثانيا : عقد لقاء تنويري مع فريق القرية الرياضي يطلعهم فيه على خططه و إستراتيجياته التدريبية .
    ثالثا : إجراء مباراة ودية بين فريق قرية السريفة الذى تعاقد لتدريبه وفريق قرية البردانة الرياضي حتى يتمكن من معرفة مواطن القوة والضعف في فريق قرية السريفة ومن ثم الاتجاه لاصلاح مراكز الضعف فيه .
    ثالثا : مشاهدة فرق الاشبال بالقرية للتعرف على ما يملكون من مهارات يمكن ان يغذى بها الفريق الاول مستقبلا .

    رابعا : مراجعة الموقف المالي للفريق والبحث عن موارد جديدة يمكن ان تزيد من إيراداته .
    هلا هلا بعد إجراء بعض التدريبات لفريق كرة القدم قرر المدرب العالمي السفر للخرطوم مع اخينا الملازم أحمد الجراى .

    كنت آنذاك طالبا في السنة الثالثة بكلية الحقوق جامعة الخرطوم و ساكنا في داخلية فلسطين التى يفصل بينها وكلية الحقوق شارع الجامعة .


    كان صديقي الملازم وقتها احمد الجراي يزورني في الداخلية احيانا وهو لابس كاجوال لأن العساكر كانوا وقتها يتحفظون من دخول الحرم الجامعي بملابسهم العسكرية .
    كانت الساعة السادسة مساء عندما كنت جالسا مع بعض الزملاء على النجيلة ونحن نرتشف شاى المغربية من البوفيه الذى يتوسط ثلاث داخليات . وبينما كنا جالسين بالعراريق والسراويل الطويلة أتاني احد الزملاء مهرولا وأبلغني بوجود ضيفين في عنبري احدهم سوداني والثاني ليس بسوداني ولكنه من الدول العربية . كرطعت الكباية سريع وإستأذنت الزملاء ثم توجهت الى العنبر . وجدت صديقي احمد ومعه ذلك الضيف . رحبت بهما ونزلت للبوفيه لاحضار شاى إليهما ثم عدت وبدأت حديثي مع الاخ الملازم احمد الذى عرفني بالضيف المرافق له ثم رحت متسائلا عن احول اهلنا في الدندر وكيف الخريف معاهم وكيف حال البهائم شبعانة ولا ضارباها السوفة ؟

    كان الضيف الاجنبي يتلفت يمين وشمال غير آبه بما يدور بيننا من حكي وبعد ذلك طلبت من الاثنين ان يذهبا معي لكافتيريا النشاط لتناول بعض المشروبات الراقية وكدا .

    ذهبنا الى كافتيريا النشاط وكان ضيفنا الوجيه متهندم هندمة شغلت ابصار الجكس الجامعي .


    طلبنا الحاجات الباردة والايسكريمات وكدا . كان المدرب العالمي بتونس معانا بصوت منخفض أكان ما رخيت اضانك ما بتسمعو ذاتو يبدو دا لزوم البرستيتش وكدا والطلبة والطالبات بعاينوا لينا ساااااااااااااى .

    بعد إنتهت الجلسة التفاكرية هذه قررنا العودة الى الداخلية لتناول وجبة العشاء في الصفرة الما خمج . طبعا زمان لو جوك عشرة ضيوف ممكن تخمهم كلوووووووولهم وتتلهم بيهم صفرة الجامعة وكل طالب بخمش ليهو صينية وبتلهم بيها الاطعمة ويختار البعجبو من الارزاز والشعيريات والالبان والطحنيات والكبود . الحاجات الوحيدة الما شفتها في الصفرة كبدة الابل النية والعتي .

    يا زول المدرب العالمي خمش ليك الصينية ودبل ليك من كل صنف وقام سألني قال لي الاكل دا كدا كل يوم وفي كل وجبة ؟ قلت ليهو نعم . قال لي بتدفعوا عليهو ؟ قلت ليهو لا ابدا دا كلو ملح ساااااااااااى . ملح إزاى – يعني مجانا . الراجل اتكيف كيف ما عادي . اكلنا زيييييييييين ومشينا الداخلية لزوم الراحة وكدا .

    بعد شبعنا ونسة مع المدرب العالمي عن الدندر وكدا والصعاب التي واجهته في الرحلة الى قرية السريفة وطلوع الخيران ( قام الاخ الملازم احمد بطلب السماح لهما بالمغادرة ولكن المدرب العالمي قاطعه قائلا ( يا اخي احمد اعذرني انا تاني ما بقدر ارجع بلدكم وبحاول اقعد مع الطيب دا هنا في الجامعة لحدى اجد لي فريق رياضي خرطومي لتدريبه ) الاخ احمد ألحّ عليه بالذهاب معه لمكان اقامته لمزيد من التفاكر حول الموضوع ولكن دون جدوى.

    المدرب حرن طب من المشيّة مع اخينا الملازم احمد وقد اصرّ على الاقامة معي في الجامعة . بالجد كدا اصرار المدرب العالمي على البقاء معي في الداخلية ازعجني جدا .

    الطالب في الداخلية مخصص ليهو سرير واحد ولو انا اتحملتو وقبلت بمبيتو معاى لاكثر من يوم قد يسبب مضايقة للزملاء الذين يسكنون معى في العنبر. العنبر مخصص لأربعة طلبة فقط والسراير معدة بنظام طابقين ( سرير دور ارضى وسرير آخر يعلو السرير الارضي ) . طبعا نوع السراير دا مزعج جدا لانو اكان ربنا قسم ليك تسكن مع واحد بتقلّب كتير عينك ما بتغمض للصباح وكان كمان بقى زول بجوعر مع الشخير وا شقاوتك .

    صحيح بيحصل أن نستضيف بعض الاصدقاء والاهل الذين يأتون بين الفينة والاخرى ويمكن للطالب الحصول على سرير فاضي بسبب غياب صاحبه ومرات بتكون في مراتب زائدة ممكن تخمش ليك واحد وترميهو في البلاط وتنوم . بس الشغلانية دي ممكن ليوم او يومين او حتى اسبوع اما ان يأتيك واحد وكمان غريب وبعد غريب كمان اجنبي وبعد اجنبي كمان مدرب عالمي فهذا محتاج لأن تقيف ليهو الف احمر عشان تستر حالك معاهو .

    المهم في اليوم الاول نوّمتو في سريري وذهبت للمبيت مع بعض الزملاء . ولما جيت الصباح بدري للعنبر لقيت المدرب العالمي ما موجود وسألت منو الزملاء وقالوا لي زولك مشى على الصفرة عدل لزوم شراب الشاي . بيني وبين نفسي قلت عييييييييييك الزول لقى البلد مخرّف وعايز يستكين معاي طااااااااااااب . انتظرتو لحدى ما جاني راجع وحكى لي بأنه مستعجل وطالع بدري يدوّر ليهو لشغل في الخرطوم ويجيني راجع المساء قلت ليهو خير . قال لي اليوم المساء ما ترتبط بأي حاجة انا عازمك مع زملائك المعاك في العنبر في فندق راقي جدا على شاطئي النيل . قلت ليهو خير بحاول ابلغهم بالدعوة واوريك بعد ترجع . يا زول انا فرحت فرحة ما عادية قلت الزول دا باقي لي متروس فلوس ودعواهو للاخوان دي بتخليهم يقبلوا إقامتو معاى لاي فترة .

    المدرب العالمي إتلبس سمح وإتعطر سمح وطبق حقيبتو وإتلهم المدينة .

    نعم لقد غادرنا المدرب العالمي في صبيحة ذلك اليوم وترك بعضا من لوازمه الشخصية في عنبرنا بالداخلية . لم يعد الينا في مساء ذلك اليوم ولم ندر الى اين كان متجها ولم تكن ثمة وسيلة للاتصال به للاستفسار عن مكانه او متى سيعود الينا . تملكنى شيئ من القلق على المدرب العالمي ( انسان ضيف وضيف غريب وضيف اجنبي ومدرب عالمي يا رب احفظه من كل شر) هكذا كان لسان حالي يقول .

    لم يعد الينا في صبيحة اليوم الثاني وقد تملكتنى الحيرة . هل اذهب للشرطة للتبليغ عنه ؟ لا لا احسن الصبر الراجل دا يمكن يكون عنده اهل او علاقات في الخرطوم فربما يكون مع أي من معارفه . دعنى انتظر حتى مساء ذلك اليوم . تحركت في ذلك الصباح للمحاضرات في الكلية التي يفصل بينها وداخليتنا شارع الجامعة كما اسلفت . كنت شارد البال قلقا على ضيفي . كانت كيستي الطالبة معنا تحكي لي ولم يكن تفاعلي معها بالطريقة المألوفة لديها . بدأت عيونها ترسل اشارات حيرة وإستغراب ( مالك يا الطيب حاسي بيك اليوم ليس بطيب الامس شنو الحصل ؟ بعتني ؟ بدلتني ؟ سمعت ولا جابوا ليك؟
    دا كلو ما حصل يا أميرة - انت حاشاك البيع - الحاصل اني منزعج من ضيف غريب واجنبي جاني في الداخلية وترك موجوداته الشخصية في عنبرنا وطلع ولم يعد الينا حتى الان .

    قالت لي ما تقلق ياخ بيكون مع احد معارفه .

    انتهت فترة الدراسة وعدت الى الداخلية . تناولنا وجبة الغداء وإتلهمت سريري . وكلما تصاف عيوني عفش المدرب العالمي في العنبر يعاودنى القلق مرة اخرى . تحركت وقت العصرية الى الميدان الشرقي للجامعة حيث تقام مبارة بين فريق طلاب كلية الاداب وطلاب كلية الاقتصاد . أنتهت المبارة بفوز فريق كلية الاداب .

    عدت للداخلية وتاني عيني وقعت في عفش المدرب العالمي وتاني الهواجس عادت . أمسكت بكتاب وبدأت اتصفح فيه وفي تلك الحظة جاءني الملازم احمد ابراهيم الجراي لزوم السلام على المدرب العالمي - اخبرته أنه خرج منا قبل يومين تاركا بعضا من موجوداته معنا في العنبر ولم ندر اين ذهب ولا كيف نتصل به لنمطئن على حالته .

    أحمد قال لي ما تنزعج ياخ المدرب دا غالبا يكون ذهب لأحد اصدقائه في جزيرة توتي .
    أتونسنا انا والاخ الملازم احمد حتى الساعة العاشرة مساء . بعد ذلك قرر الاخ احمد الذهاب الى مسكنه في بري ودعته وعدت للنوم .

    الساعة 12 ليلا سمعت حد ينقر على الباب ... من هذا يا ترى ؟

    فتحت الباب وكان العائد الينا - والحمد لله - هو المدرب العالمي . عاد الينا وكان يحمل مظروفا منتفخا .

    أين ذهبت اخي محمد؟ لقد اقلقني تأخيرك

    آسف أخي الطيب فقد كنت ابحث عن فريق رياضي لتدريب لعيبته وقد حصلت على اكثر من عرض لكنها غير مجدية .

    افرغ المظروف في سريري وكانت محتوياته عبارة عن صور فوتوغرافية لبعض العوائل المعروفة في الخرطوم وامدرمان وبحري وخطابات كثيرة جدا تعمد فتحها امامي وكانت اغلبها رسائل عاطفية وخطابات من طلاب يدرسون بالخارج لذويهم في السودان .

    من اين لك بهذه الخطابات اخي محمد؟

    عليك ان تقرأ وتتصفح وتستمتع بس اما من اين لي بها ..... سكت وكأنه يريد ان يقول لي هذا ليس من شأنك .

    لكن دى اسرار وحاجات خاصة بأسر وعائلات وطلبة يدرسون بالخارج كيف لي الاستمتاع بتقصي اسرار الناس يا محمد ؟

    لا تنزعج اخي الطيب طول بالك وحتشوف ألف خير - كان ذلك هو رد المدرب العالمي .

    قام المدرب العالمي بوضع ذلك المظروف داخل دولاب ملابسي .

    سحبت له المرتبة من السرير وطرحتها له ارضا لينام عليها وافترشت البطانية على السرير ووضعت المخدة تحت راسي ونمت سريعا من شدة التعب .

    الواطة اصبحت و صلينا الصبح وبعد شروق الشمس ذهبنا الاثنان الى الصفرة لتناول الشاي .

    اثناء ما كنت بجهز في نفسي للخروج للكلية قال لي انه مصمم للذهاب لمدينة بحري بحثا عن فرق رياضية محتاجة لخبير تدريب رياضي .

    خرج قبلي تاركا جميع لوازمه في عنبرنا بما فيها المظاريف التي اودعها داخل دولاب ملابسي .

    تحركت انا للكلية وفي بالي الكثير من التساؤلات ....

    عاد الينا المدرب العالمي في وقت متاخر جدا حاملا ايضا مجموعة من المظاريف والخطابات البريدية وكميـــــــة من الورق الابيض في حجم A4 .

    كان المدرب العالمي قد لاحظ ان مذاكرتي للمواد الاكاديمية تعتمد على القراءة والكتابة في آن واحد وعادة ما استعمل ورق ابيض مستعمل ( يعني بكتب على ظهر اوراق مستعملة لتركيز المعلومة ) . قام اهداني باكتتين من الورق الذى احضره معه . يا زول انا فرحت طب بالهدية لاننا اوشكنا ان ننتهي من الامتحانات ومن ثم السفر للاهل لقضاء الاجازة بالدندر . فالورق من طراز a4 ممكن ان اهديه لشيخ الوالدة بقريتي البردانة (الشريف عبد الله ود الخليفة) التي إعتادت زيارته قبل نتيجة الامتحانات عشان يكشحا بفاتحة مهولة تعمي ابصار الاستاذة الذين يقومون بتصحيح الامتحانات . فالورق من طراز a4 يستعمل من قبل مشائخنا وجميع مشائخ الصوفية لكتابة البخرات والحجبات . البخرة عبارة عن ورقة يتكب عليها الشيخ آيات قرآنية وتطبّق في شكل مكعبات وتعطى للمريض او المعيون عشان يمشي يولع النار في المبخرة ويرمي عليها البخرة بتاعة الفكي ويغطي نفسه ببطانية والدخان عاكل جواها نامن تقح قح قح قح من اثر الدخان بعد داك بقولوا الشيطان بيطير منك طوالي .

    استلمت الورق من المدرب العالمي . بعد داك المدرب العالمي تاني إتلهم الدولاب ووضع المظاريف التي احضرها مع مظاريف اليوم الاول . وبعد الناس ناموا قام فتح المظاريف امامي وكانت ايضا تحمل صور ورسائل من الخارج الى بعض الاسر في السودان .

    يا ربي المدرب العالمي دا بجيب الحاجات دي من وين وعايز يعمل بيها شنو ؟

    إستمر المدرب الاجنبي مواصلا في سيناريوهات خمش المظاريف البريدية لفترة اسبوع تقريبا .

    المفجأة ان طالعتنا بعض الصحف في صبيحة يوم من الايام وهي تحمل عناوين عريضة على صفحاتها الاولى مع صورة المدرب العالمي معروضة عليها وهي تقول :

    الصورة أعلاه لمواطن اجنبي من دولة شقيقة تعامل مع مجموعة من السودانيين بأسماء مختلفة منها ( محمد مجدى و منصور سراج واحمد زيدان)
    وفي تفاصيل الخبر يقول :
    هذا الشخص يحمل مفتاح سحري يستطيع ان يفتح به كل صناديق بريد الخرطوم ليسرق كل محتوياتها كما انه إحتال على الكثير من الاسر ونهب منها مصوغات ذهبية واموال نقدية وقد تم القبض عليه في شرطة القسم الاوسط الخرطوم فعلى من تعامل معه او عرفه عن قرب الاتصال بشرطة القسم الشرقي بالخرطوم فورا .
    تخيلوا وانا في جو إمتحانات صعبة جدا افاجأ بهذه الكارثة . كل من إطلع على الصحف وقرأ هذا النبأ من أصدقائي الذين شاهدوا المدرب معي اتاني مندهشا وهو يطلب مزيد من الايضاحات حول كيفية تعرفي به وكيف اتاني للداخلية . بالجد اصبت بحالة من الهستيريا ولم ادر ماذا افعل .

    المهم اتمحنّت جنس محنة واتصلت ببعض الاخوة من الطلاب النجاض . الجميع كان رايهم أن اذهب لقسم الشرطة واروي لهم قصة علاقة المدرب العالمي معاى دي كيف بدت واين انتهت ؟ وكمان قالوا لي شيل معاك المظاريف البريدية كمعروضات وبعض الطلاب الفيهم فائدة قالوا لي ابشر بالخير نحن بنشهد ليك بشرط يجي الملازم احمد الجراي عشان تكون شهاداتنا سكين في ودكة ( سمعتوا بي سكين في ودكة دي ؟) . يعني شهادة مسبكّة .

    يا زول بيني وبين نفسي قلت كلام اسلم نفسي للشرطة دي دا كلام ني بالحيل وكلام اولاد بندر سااااى وديل حيورطنى احسن افكر لي في درب تاني للمخارجة .

    انقروا عملت شنو ؟

    في الحقيقة كان للمرحوم الراحل مولانا الباشمهندس محمد احمد حجاز - طيب الله ثراه - دور لا ينسى .

    طيب من هو الراحل محمد أحمد الحجاز هذا؟

    رجل قيادي إسلامي اصوله في بربر ولكنه ولد وترعرع في مدينة سنجة . كان رئيس إتحاد الطلاب المسلمين في لندن . أكمل دراسة الماجستير في الهندسة المدنية هناك ثم عاد للسودان للعمل في سكك حديد السودان ومنها إنتقل للعمل كشريك تجاري للرجل المثير للجدل محمد عبد الله جار النبي الذى آلت إليه كل أصول شركة شفرون عندما قررت الاخيرة ترك التنقيب عن النفط في السودان في أعقاب تطبيق الشريعة في السودان . كان الشريكان ( حجاز وجار النبي) يعملان معا في تجارة البن بين السودان وأوغندا عن طريق البواخر النيلية .

    للراحل الحجاز علاقة بأسرة شيقوق وكان ويزورنا عادة خلال المناسبات . وفي اثناء تجواله يوما ما وسط اهله ناس شيقوق صادفت عيناه إحدى حسناواتنا وقرر ان يتزوجها .

    صحيح كان حجاز متزوجا قبل ذلك ولكنه راى ان العلاقة البيننا وبينهم تحتاج لمزيد من التمتين !! من خلال الزواج لذا قرر الزواج من بنت عمتنا هذه .

    غايتو اليوم داك ناس شيقوق بقوا كويمات كويمات ينخسوا في الواطة بالقش لزوم الشورة . الحقيقة المتقدم اليهم ليس بالرجل الساهل كان كلما يزورنا بقول لي ارح يا الطيب نمر على الاهل بيت بيت . واشهد انه كان لا يمر والا جيوبه مليانة ضحاكات كان بيعصر بيده اليمنى دون ان تعرفه اليسرى للعجزة والمحتاجين .

    المهم تم الزواج و كنت انا وقتئذ في المرحلة الثالثة في جامعة الخرطوم 1982 م وكنت كثير التواصل معه وتوطدت علاقتي به واستمرت هكذا الى ان وافته المنية فجأة في العام المنصرم بكمبالا عندما سافر اليها - أي كمبالا - بعد انقطاع منها لاكثر من 20 عاما .

    كنت اعلم ان للمرحوم الباشمهندس حجاز علاقات بالكثيرين من صناع القرار.اتصلت به وابلغتة بموضوع المدرب العالمي وما نشرته عنه الصحف وظروف الامتحانات وعلى الفور طلب منى مقابلته في موقع معين صبيحة اليوم التالي وقد كان. .

    التقيته وركبت معه في السيارة والمعروضات ( المظاريف في يدي) وتحرك بي الى اين ؟ ما كنت ادري .

    زولك توووووووووووووش دخل بي مكتب مدير عام جهاز الاستخبارات في عهد مايو . حيا بعض بحرارة وانا اعاين ساااااااااااى - جابوا لينا الحاجة الباردة والشاي الما خمج وطوالي حجاز فاتح سعادة اللواء بالقول ( مش عندكم واحد مجرم اعلنتم عنه في الجرايد؟

    اجابه سعادة اللواء نعم هو شخص مجرم وللاسف من دولة عربية شقيقة .

    طيب سعادتك انتو مش قلتو اى حد تعامل معاهو يجيكم ؟

    ايوا نعم الاعلان الصحفي كان يقول هكذا يا باشمهندس .

    طيب سعادتك خودكم هذا المجرم فقد كان من المتعاملين معه والدليل خودكم هذه المظاريف البريدية خمشا من يدي وسلمه إياها.
    علمت ان الحديث فيه نوع من المزحة المقصود بها التخويف لذا كنت متماسكا جدا ومطمئنا جدا .

    تداخلت انا اثناء دردشتهما وقلت ليهم يا اخونا ارجوكم خلوني أكمل الامتحانات وبعد داك ودوني المشنقة .

    بعد لحظة سعادة المدير رفع تلفونه وتحدث مع مدير شرطة القسم الاوسط وحكى ليهو بقصتي وطلب منه إستلام المعروضات وتمكيني من مقابلة المدرب العالمي في مكان حبسه للتحدث معه ومن ثم اطلاق سراحي فورا .


    بالفعل ذهبت لوحدي للقسم الشرقي وسلمتهم المعروضات وسمح لي بمقابلة المدرب العالمي ......




                   |Articles |News |مقالات |بيانات

11-23-2015, 05:38 AM

هاشم عبدالله بشير
<aهاشم عبدالله بشير
تاريخ التسجيل: 11-15-2012
مجموع المشاركات: 729

للتواصل معنا

FaceBook
تويتر Twitter
YouTube


Re: صورة مهمة (Re: الطيب شيقوق)

    Quote: اخوة المتداخلون الاعزاء - خصوصا هاشم ابن الاستاذ عبد الله بشير الرجل العملاق الكرهني الرياضيات ذاتا


    تحياتى واحترامي سعادة المستشار

    الرسالة دى ح تصل للوالد

    بمناسبة الملازم احمد الجراي كان هناك استاذ يحمل نفس الاسم تقريبا

    هلا انعشت الذاكرة يا حبيب
                   |Articles |News |مقالات |بيانات

11-23-2015, 06:28 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28963

للتواصل معنا

FaceBook
تويتر Twitter
YouTube


Re: صورة مهمة (Re: هاشم عبدالله بشير)

    Quote: الرسالة دى ح تصل للوالد


    والله توصلها اخنقك من الحنك للحنك هههههههه

    ابوك دا نحن لهسه بنخاف منو

    يا حليل اساتذة الزمن الجميل - كان اي منهم عالم في مجال تخصصه و كانوا مهندمين و نضااااااااااف و حتى لما تمر جهة بيت المعلم تشم ريحة الطبيخ من سقط لقط .

    بمناسبة الملازم احمد الجراي كان هناك استاذ يحمل نفس الاسم تقريبا


    هلا انعشت الذاكرة يا حبيب



    نعم هنالك الاستاذ محمد حمد الجراي و هذا كان رفيق لاستاذنا عبد الله بشير عندما كنا طلبة آنئذ و ايضا الاستاذ الراحل عثمان الجراي و دا كان الدفعة القدامنا توفى بسبب صاعقة اصابته - رحمه الله


                   |Articles |News |مقالات |بيانات

11-23-2015, 06:44 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: صورة مهمة (Re: الطيب شيقوق)

    أطالب بكري أبوبكر بزيادة الشيك لهذا الأسبوع
    عليك الله، يا بكري، من كم زمن الطيب شيقوق وكيكي ديل ما كتبوا ليك كلام "طاعم" دا!! دي بركاتي!
    زيد القروش يا زول
    سعيدين يا شيقوق بها الطلّة
                   |Articles |News |مقالات |بيانات

11-23-2015, 06:47 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: صورة مهمة (Re: أبوبكر عباس)

    الزميل حاتم، سلامات
    يا اخي، موصيني عليك دكتور أحمد عبد الرحمن اسماعيل، وقال لي: حتم دا زمزوق كبير أديهو في ونستك بتاعة أبو حجار دي عبار عبارين من مريسة ناس أبوحجار البترد الروح ديك
                   |Articles |News |مقالات |بيانات

11-23-2015, 07:21 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: صورة مهمة (Re: أبوبكر عباس)

    سمعت المدينة بالضيوف المحترمين التلاتة بميس الموظفين
    صلوا العشاء بدري كعادة أهل الكيف دائماً!
    تقاطرت الجموع نحو الميس وفي صُحبتها الخراف العمباليق (جمع عمبلوق)، أعيان المدينة وجميع الموظفين.
    الضيوف انخلعوا، إنصرف الأعيان بعد أن رحبوا بالضيوف وترسوا البيت بموونة شهر.
    طلعنا سراير الميس كلهن ورصيناهن في شكل دائرة كبيرة، بين كل سريرين ختينا مروحة تربيزة لطرد البعوض.
    توزع العذابة لخدمة الخراف وجركانات المشروب الروحي وزعوها زي توزيع المراوح وبدأ السمر
    جريت كرسي ومسكتا ترتيب الشواءات
    موش الناس لمان تكون بتشرب في السودان كلهم بتكلموا في وكت واحد؟ وما في واحد بسمع التاني بقول شنو؟
    أبدا اليوم داك كان غير!
    ما في زول قال بقم غير الأستاذ المجنون
    بدأ الجلسة بكاس صغير ثمّ أنشد:
    الشم خوخت بردن ليالي الحرة
    والبراق برق من منه جاب القرة
    شوف عيني الصقير بي جناحه كفت الفرة
    تلقاها أم خدود الليلة مرقت برة
    ***
    الخبر الأكيد قالوا البطانة اترشت
    وسارية تبقبق للصباح ما انفشت
    هاج فحل أم صريصر والمنايح بشت
    وبت أم ساق على حدب الفريق اتعشت

    بصوت عذب وأداء غاية في الروعة، أول صحن مرارة ختيتو ليهو قدامو ومشيت المطبخ ظبط ليهم السلطات ومليت الصحون فول مدمس
    ولقيت لي مسجل فيهو شريط بتاع عثمان حسين، جبتو عشان أسجل فيهو ونسة الزول المصيبة دا.
                   |Articles |News |مقالات |بيانات

11-23-2015, 07:38 AM

الطيب شيقوق
<aالطيب شيقوق
تاريخ التسجيل: 01-31-2005
مجموع المشاركات: 28963

للتواصل معنا

FaceBook
تويتر Twitter
YouTube


Re: صورة مهمة (Re: أبوبكر عباس)

    Quote: بصوت عذب وأداء غاية في الروعة، أول صحن مرارة ختيتو ليهو قدامو ومشيت المطبخ ظبط ليهم السلطات ومليت الصحون فول مدمس
    ولقيت لي مسجل فيهو شريط بتاع عثمان حسين، جبتو عشان أسجل فيهو ونسة الزول المصيبة دا.


    والله يا ود العباس انت لذيذ بالحيل الله يديك العافية على هذا الحديث الشيق

    غايتو زولك يكون طرب طرب جد بعد ما وهطتا ليهو صحن المرارة قدامو
                   |Articles |News |مقالات |بيانات

11-26-2015, 07:23 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: صورة مهمة (Re: الطيب شيقوق)

    أكاد أجزم يا أخوانا، أنو لا أحد في السودان يتفوق على ذلك الأستاذ في حفظه للدوبيت والمسادير.
    كان بتحدى الحضور بأن يأتوا ببداية أي مربع وسوف يتم بقية المربع
    قمت بتسجيل شريط كامل وكان ما زال يحكي.
    بالليل بعد الباقات كملن والصاجات نشفن، قمت ومعي صاحي آخر بتوزيع الذين فشلت سيقانهم على حملهم علي بيوتهم ولمان رجهنا الميس كان الصبح أذّن، ووجدت واحد من الأساتذة ما زال صاحيا وقال لينا:
    وروني بيت المريسة بوين خلوني أشرب لي كورة من وش المريسة الصباحي، دا علاج مصرح بيهو
    ضحكت وقلت ليهو: الصرّح بيهو منو؟
    زعل وقال لي: أسمح لي أقول ليك أنك حكيم غنم جاهل.
    وواصل: يا جاهل، سنة 33 كان الدكتور منصور حسيب بعمل مساعد باحث مع دكتور أنجليزي في سنجة دي حول مرض الكلازار، في نهاية بحثهم أوصى الدكتور الإنجليزي بجعل المريسة وجبة رسمية لمرضى الكلازار بمستشفى سنجة وأتفقوا مع متعهدة عظيمة كان تبر وتورد المريسة للمستشفى يوميا.
    بعدين يا جاهل، منصور حسيب دا المسمين عليهو داخلية حسيب بمجمع الطب يا طرطور الدكاترة، لو مغالطني حول المعلومات دي، أرجع لذكرياتي في البادية لحسن نجيلة يا جاهل.
    شدّة ما إتكيفت منو، سقناهو في الصباح داك حقق أمنيتو وجا راجع نايم في العربية
    نص النهار بعد قام من النوم رفع لي يدو وداير يتكلم، عملت ليهو حركة بيديني الأتنين بمعنى: ما في مشكلة.
    قال لي: عندك بندول؟
                   |Articles |News |مقالات |بيانات

11-28-2015, 11:51 AM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: صورة مهمة (Re: أبوبكر عباس)

    Quote: شدّة ما إتكيفت منو، سقناهو في الصباح داك حقق أمنيتو وجا راجع نايم في العربية
    نص النهار بعد قام من النوم رفع لي يدو وداير يتكلم، عملت ليهو حركة بيديني الأتنين بمعنى: ما في مشكلة.
    قال لي: عندك بندول؟

    بعد الغذا قعد جنبي وقال لي: شكرا يا أخي، علي سعة الصدر بتاعك والأريحية، يا أخي، المريسة دي كانت باردة جدا ولّ أنا كنت سكران؟
    قلت ليهو: بادرة جدا وزبدها كتير لحدي ما لوّن ليك شنبك أبيض
    مسح شنبو وقال لي: أوعة تكون صورتني؟!
    قلت ليهو: لسع الموبايلات أم كاميرا دي ما جات.
    واصل: كدي قول لي سبب واحد بخلي المريسة دي حرام؟ حاجة بتخليك سعيد؛ ليش حرام؟!
    قلت ليهو: كدي خليني أقوم أظبط ليكم قهوة، قالوا القهوة بتفك السعادة.
                   |Articles |News |مقالات |بيانات

12-05-2015, 05:39 PM

Faisal Saad
<aFaisal Saad
تاريخ التسجيل: 08-23-2015
مجموع المشاركات: 104

للتواصل معنا

FaceBook
تويتر Twitter
YouTube


Re: صورة مهمة (Re: أبوبكر عباس)

    Quote: قالوا القهوة بتفك السعادة


    ماركة مسجلة حصريا و كرت كرتونة..
                   |Articles |News |مقالات |بيانات

11-26-2015, 07:46 AM

الامين الشيخ
<aالامين الشيخ
تاريخ التسجيل: 09-07-2015
مجموع المشاركات: 72

للتواصل معنا

FaceBook
تويتر Twitter
YouTube


Re: صورة مهمة (Re: الامين الشيخ)

    معقولة !!!
    ناس ابوحجار نسوا صلاح جحا ؟؟؟؟؟
                   |Articles |News |مقالات |بيانات

11-27-2015, 03:58 PM

عثمان الحسن أبوروف
<aعثمان الحسن أبوروف
تاريخ التسجيل: 11-14-2010
مجموع المشاركات: 363

للتواصل معنا

FaceBook
تويتر Twitter
YouTube


Re: صورة مهمة (Re: الامين الشيخ)



    الأخ أبو بكر عباس

    الحبيب هاشم عبد الله بشير

    السلام عليكم رحمة الله تعالى وبركاته
    راجع ليكم برواقة

    أبوحجار عالم جميل
    وسوف نستفيض فى الحديث
                   |Articles |News |مقالات |بيانات

11-27-2015, 04:03 PM

عثمان الحسن أبوروف
<aعثمان الحسن أبوروف
تاريخ التسجيل: 11-14-2010
مجموع المشاركات: 363

للتواصل معنا

FaceBook
تويتر Twitter
YouTube


Re: صورة مهمة (Re: الامين الشيخ)

    الأخ الأمين الشيخ

    يسعد مساك

    صلاح جحا

    من الإداريين الأفذاذ الذين عملوا بأبي حجار وكان رجلا طيبا ولين العريكة وكان يعرف كيف يتعامل مع أهل الحضر والبادية وله فى ذلك ملح وطرائف

    أذكر بأنه كانت تربطه علاقات طيبة مع معى عمي الناظر أحمد يوسف أبورورف والوالد العمد الحسن أبوروف طيب الله ثراهم أجمعين
                   |Articles |News |مقالات |بيانات

11-27-2015, 04:19 PM

عثمان الحسن أبوروف
<aعثمان الحسن أبوروف
تاريخ التسجيل: 11-14-2010
مجموع المشاركات: 363

للتواصل معنا

FaceBook
تويتر Twitter
YouTube


Re: صورة مهمة (Re: الامين الشيخ)


    ناس ابوحجار نسوا صلاح جحا ؟؟؟؟؟

    صلاح حجا
    يذكرنى بالأستاذ / محمد سعد دياب الذى تشرفت به عندما كان ناظرا بمدرسة سنجة الثانوية وعمل ايضا بمدرسة رفاعة مع اخى الأكبر محمد الحسن أبوروف

    وهذا الجيل من الرعيل الأول من المدرسين المخضرمين ونسأل طولة العمر لمن يعيش منهم والمغفرة والرحمة من أنتقل إلى الرفيق الأعلى

    فى تلك السنون كانت سنجة وأبوحجار وسنار والدمازين ترتبط بالقطار من الخرطوم إلى الدمازين وما أجملها من أيام

    كسرة :

    صلاح حجا جائه أحد المهندسين مغاضبا لان أحد العمال تعدي عليه بالفاظ غير مناسبة وجحا يعرف عملائه وجميع السواقين والموظفين ويعرف ظروفهم

    قال للمهندس ما ذا حدث لك مع هذا العامل
    قال المهندس العامل اساء إلى وإليكم واساء إلى امهاتنا

    قال صلاح جحا
    كدي أشرب القهوة وروق وسوف أتخذ إجراءات مناسبة
    بعد شراب القهوة

    قال صلاح جحا

    حقى وحق أمى عفيتو وامشي حل حقك وحق امك معاه

    صلاح جحا كان يعرف أن العامل يعول أسرة كبيرة ولا داعى لقطع الأرزاق
                   |Articles |News |مقالات |بيانات

11-27-2015, 04:32 PM

عثمان الحسن أبوروف
<aعثمان الحسن أبوروف
تاريخ التسجيل: 11-14-2010
مجموع المشاركات: 363

للتواصل معنا

FaceBook
تويتر Twitter
YouTube


Re: صورة مهمة (Re: عثمان الحسن أبوروف)




    تقع أبوحجار إلي الجنوب من سنجة حوالى نصف ساعة أو اقل بالسيارة حوالى 30 كيلومتر جنوبا

    العاديق ( النيل الأزرق ) ينحنى حبا وإحتراما ويتقوس متحضنا ابوححار
    وفى هذه الإنحاء تقع الدبيبة شرق أبوحجار وسيرو الجعلين وسيرو باقرمة شمال أبوحجار
    وإلى الجنوب تقع عبل وأبونعامة وود النيل

    إلي الجنوب الشرق تقع قرية العمارة وكنيزة عرب وكنيزة فلاته
    إلى الشمال تقع دار عقيل شرقها تقع قرية الصابونانى والتى يوجد فيه مسيد الشيخ الصابونابي طيب الله ثراه

    وإلى الغرب تقع الصهباء والضهاري ( وهو مصطلح يعنى المناطق الخلوية أو مناطق الزراعة والبر والبعيدة عن العمران )

    يعود تاريخ أبوحجار إلى أيام السلطنة الزرقاء

    ويوجد بها قبر جدي الشيخ إدريس سليمان أبوروف الرفاعى والذي يوجد ضريحه بالقرب من ضريح الشيخ ود خالد الكنانى
    والشيخ إدريس المولود فى عام 1790 والمتوفى عام 1866 م

    وهو والد الأمير المرضى إدريس سليمان أبوروف أمير الجزيرة وسنار والذي حاصر وهجم على سنار أبان الثورة المهدية حوالي 1885 م

                   |Articles |News |مقالات |بيانات

11-27-2015, 05:18 PM

هاشم عبدالله بشير
<aهاشم عبدالله بشير
تاريخ التسجيل: 11-15-2012
مجموع المشاركات: 729

للتواصل معنا

FaceBook
تويتر Twitter
YouTube


Re: صورة مهمة (Re: عثمان الحسن أبوروف)

    وتحية واحترام حبيبنا العمدة عثمان ابوروف

    بعد دا اقعدوا فراجة جاكم سيد الشي
                   |Articles |News |مقالات |بيانات

11-27-2015, 05:31 PM

أبوبكر عباس

تاريخ التسجيل: 03-04-2014
مجموع المشاركات: 6116

للتواصل معنا

FaceBook
تويتر Twitter
YouTube


Re: صورة مهمة (Re: هاشم عبدالله بشير)

    مرحب العمدّة أبروف،
    عطرّت البوست بأريج نسمات آل أبروف
    يا اخي، من الحاجات العالقة بذاكرتي بالرغم من قصر الإقامة هناك، حنيّة النيل عند المدينة ولو وقفت علي الشاطيء جنب العيادة البيطرية بتشوف عناق النيل للمدينة دي بشكل واضح.
    شكرا لزيارة البوست ويا ريت تواصل وتستلم الريادة
    التحية لكل آل أبو روف بالصعيد
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de