دعواتكم لزميلنا المفكر د.الباقر العفيف بالشفاء العاجل
|
|
 بعد سد مروي :سيودع السودان الفقر إلى الابد!!!!!!!
|
و ستودع الفتيات العنوسة..
و الشباب الاغتراب..
و ستودع المستشفيات القطط..
و البيوت السايفونات..
و الهلال صلاح ادريس..
و سيودع الزحام النشالين..
و المدارس ستودع تجهم المعلمين..
و سيودع ود الباوقة الرياض..
و ستودع الباوقة الكثبان الرملية..
و نخيلها سيودع الجفاف..
النازحون في دارفور سيودعون المعسكرات..
سيودع اوكامبو الجنائية
و الجنائية ستودع قضاتها..
و ستودع لاهاي الأراضي المنخفضة..
و طارق ابوعبيدة سيودع الحمامات النائحات..
و سيودع بله موسى علي تاج الدين
و كوستاوي بريمة..
و سنودع بعضنا البعض ربما..
*
*
*
الوداع.
|
|
 
|
|
|
|
|
|
|
 Re: بعد سد مروي :سيودع السودان الفقر إلى الابد ! (Re: محمد بابكر)
|
اصلاً اوكامبو دة عاوز ليه رد كبير زي دة عشان يأمن ...واهو في الاخر أمن وركع
حتي اوباما نفسه ركع لما شاف الرد ....واقتنع ياعمك ...ويبدو ان السد سيحدث
تغيراً كبيراً علي احوال ودخول كل السودانين اكثر مما احدثه اكتشاف النفط
وكمان الكهرباء مش ستودع الانقطاع فحسب انما سيودع السودانين العسر في دفع
الفواتير ..وستكون ارخص كهرباء في العالم خصوصاً انو السد قد تم تشيده من اموال
النفط السودانية ، ارجو الا تسمعو كلام المغرضين انو اموال السد هي عبارة عن
استثمارات اجنبية ...والشركات التي قامت بالسد هي عبارة عن مستثمرين ستزيد اعباء
السودانين بالفواتير ودي فقط اصوات نشاذ...
| |
|
|
|
|
|
|
|
|
 Re: بعد سد مروي :سيودع السودان الفقر إلى الابد ! (Re: سيف النصر محي الدين محمد أحمد)
|
Quote: .ويبدو ان السد سيحدث
تغيراً كبيراً علي احوال ودخول كل السودانين اكثر مما احدثه اكتشاف النفط
وكمان الكهرباء مش ستودع الانقطاع فحسب انما سيودع السودانين العسر في دفع
الفواتير |
بالله يا عنكبة لسه في سودانيين متفائلين قدر ده؟
دي حاجة تحير..ناس ليهم كم و خمسين سنة عايشين على وعود ثم وعود تتبعها وعود لم يتحقق
منها ولا وعد واحد و لسه مجهزين نفسهم لتقبل وعود جديدة ....احيي صمودهم ياخي.
| |
|
|
|
|
|
|
|
|
|
Re: بعد سد مروي :سيودع السودان الفقر إلى الابد ! (Re: عبد العظيم احمد)
|
وانت تعيش فى المملكة
ورينى واحد بحشر نخرتو فى سد
ولاكبرى
ولا بقول بغم
... السد ولا نظام الكفيل
ياطويل العمر
...
ماتقدر تفتح شباك شقتك.. كان داير تشم هواء
ولا تقدر تلتفت وانت فى سيارتك
والا اتهمت بمعاكسة الحرمة فى السيارة المقابلة
فى بلد لا تستطيع المرأة ان تجلس مع زوجها فى مقدمة السيارة
ياطويل العمر
.. السد .. ينهد ويبقى نظام الكفيل الى الابد
| |
|
|
|
|
|
|
|
|
|
Re: بعد سد مروي :سيودع السودان الفقر إلى الابد ! (Re: عبد العظيم احمد)
|
يا عبد العظيم يؤسفني اقول ليك انك اوف بوينت عديل كده..
اولا منو القال ليك انو الغربة هي شقق فاخرة و عربات مكندشة؟؟
ده تصور اسطوري للغربة ما بيجي الا من عقلية مؤسسة على الاساطير و مستعدة على الدوام
لتقبل المزيد منها....زي اسطورة توديع الفقر الى الابد دي!!
يا خي انا هنا ما بطالب بغير الواقعية و التواضع..
و القليل فقط من الواقعية يا عبد العظيم يرحمكم الله.
بعدين الظاهر عليك سنوات الاقامة في اوروبا خلتك متحامل على السعودية خالص.
منو القال ليك يا طويل العمر المرة ما بتقعد مع زوجها في المقعد الامامي في العربية؟؟
و حكاية "بغم" دي في السعودية موجودة و بكثرة..كلف نفسك شوية و طالع الصحف السعودية..
شوف الناس قاعدين يقولوا بغم كيفن..ما تسلم نفسك للاعلام المغرض و الكيزان!!
الكبري في السعودية شي عادي يا عبد العظيم..لما يتعمل ما في زول بيجي يفتتحه
ولا يقعدوا ناس زي ناس عبد العظيم يتكلموا عنو لسنوات..
تتكلم عن الحرية..يقولوا ليك عملنا ليك كبري!
تطالب بالديمقراطية..ينطو ليك في حلقك و يقولوا ليك يا زول ديمقراطية شنو؟
انت ما شايف الكباري دي؟؟
الرد..الرد يا عبد العظيم و انشا الله تكونوا ودعتو الفقر الى الابد يا خوي!
| |
|
|
|
|
|
|
| |
خضر حسين خليل
أسامه الكرور
ibrahim alnimma
عبد العظيم احمد
Hisham Ibrahim
Nader Abu Kadouk
هند محمد
فيس بوك
تويتر
انستقرام
يوتيوب
بنتيريست