|
دعواتكم لزميلنا المفكر د.الباقر العفيف بالشفاء العاجل
|
|
 Re: إقالة مدير الجمــارك (Re: عبدالله كع)
|
هو الزول لقبوخروف حيكون كيف؟؟؟؟؟؟؟
انت ماعارف انو جماعة من اهلنا حلفوا ان يزبحو من اليوم داك عمك لبد و لكن تحت حراسة .
غايتو انا ما عارف حايعيش كيف في السودان الحل الوحيد اللجوء زي ماشرد ناس و شخصي منهم هذه هي عدالة السماء
| |
 
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
| Quote: هو الزول لقبوخروف حيكون كيف؟؟؟؟؟؟؟ |
سلامات يا كع,
معقولة بس ياكع!!!
شفت ليك يوم زول واحد فى الدنيا دى آذاه خروف!!
حصل يوم خروف عمل ليك حاجة!!!الخروف حصل
يوم سأل ليه زول؟؟؟
شوفو ليكم حاجة تانية وأنسبوا لها ما شئتم من بنى
البشر,,,,,,لكن الخروف ده عليكم الله خلوه فى حالو!!
لاقانى أمبارح مهموم وعيونو ورمانة من البكا وقال
الزول السموه عليهو ده ظلموه بيه ظلم ماحصل ولا
ح يحصل!!!
قولو تور!!!قولو تيس!!!قولو مرفعين بتاع فطايس!!
لكن الخروف صاحبنا ده,,,,, خلوه فى حالو ,,
كع دي بنطقوها كيف يا حيبب,,,مرفوعة أم منصوبة
ما أظنها تكون مكسورة فقط للضرورة الموسيقية!!
شتات وورونا البعده منو!!الخوف يكون كديس خلا,,,,ياكل وينكر!
تحياتنا يا كع !!!
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
والله ده خبر بي مليون جنيه ( بالجديد )
بس يا خوانا كدي لأدوها صنة شوية يمكن بكرة يعينوه مدير جهاز المغتربين ...!
أها بعدين تمشوا وين ؟؟؟
أصلهم الناس ديل يقطعوا من هني ويوصلوا من هني ..!
وعجبي !!!!!!!!!!!!
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
سال المامور الانجليزي شيخ العرب ابوسن :
انتو حاكمكم ده كيف معاكم؟
فرد شيخ العرب :
هو كويس ومو بطال ولكنه طووووووووووووول
ففهم الخواجه قصد شيخ العرب
ولهذا نقول ان صلاح تب مافيه كلام ولكن بحسان الرتب طوووووووووول
وتحياتي
| |
|
|
|
|
|
|
|
|
|
Re: إقالة مدير الجمــارك (Re: العوض المسلمي)
|
Quote: ولهذا نقول ان صلاح تب مافيه كلام ولكن بحسان الرتب طوووووووووول
وتحياتي |
سلام يا المسلمي
الزول دا زمان نزل ليهو فيدو في لقاء تلفزيوني علي اليمن لو كنت انا و واحد من الرجال الا تمسخر عليهم كان صفقته و لو اتشنق بعدها
دا راجل لا يحترم ادميه الناس . وما عنده الفاظ بمليم وزول همجي
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
| Quote: إقالة مدير الجمــارك |
طيب تم الخبر ولا هاماك الجمارك بس..
أصدر الرئيس عمر البشير أمس قراراً باحالة وترقيات عدد من قيادات الشرطة وشمل القرار اعفاء 4 لواءات للتقاعد بالمعاش وهم:
مدير الادارة العامة للمرور عزالدين سيد احمد
مدير شرطة ولاية الجزيرة اللواء عبدالعال علي هارون
اللواء ميرغني كوة
وتم ترفيع 25 عميداً الى رتبة لواء
مؤونة عام من الود
| |
|
|
|
|
|
|
|
|
 Re: إقالة مدير الجمــارك (Re: ود الباوقة)
|
يا ود الباوقة سلامات يا حبيب,
Quote: امنياتنا له بموقع جديد يخدم من خلاله الوطن والمواطنين ...
ود الباوقة |
ياخ أضحك الله سنّك,,,,, وأين هو الوطن واين صاحبى حسن,,,
لقيتك زول حايم تفتش فى الشبك
يوم سبدرارت ويوم ديناصورات!!!وسجالك الخفيف مع ملح المنبر
محمد عادل أضحنى ملئ شدقى( حديث الطبلة وكده)
حتى الآن لم أسمع منك بخصوص البنغالى منفذ غزوة ناوا داك وخبره شنو ؟؟؟؟؟؟؟؟؟
الرجاء الإهتمام يا حبيب,
وبيناتنا الخوة رغم الحاصل,,,,,
اخوك السغير,
| |
|
|
|
|
|
|
|
|
|
Re: إقالة مدير الجمــارك (Re: ود الباوقة)
|
| Quote: امنياتنا له بموقع جديد يخدم من خلاله الوطن والمواطنين ... |
يا ود الباوقه سلام
يخدمهم ولا ينهزرهم ويذلهم ؟؟!!!
رحمك الله يا ابي ورحم عصاتك فما خرجت يوما وهي ليست بيمينك تتو كآ عليها ولك فيها مآرب اخري .
| |
|
|
|
|
|
|
|
|
|
Re: إقالة مدير الجمــارك (Re: كمال سالم)
|
انها شهادة لله فقد عرفت صلاح احمد الشيخ منذ ان كان موظف جمارك قبل عسكرة الجمارك وقبل ان تاتي الانقاذ واشهد الله انه من اكثر اهل السودان عفة في المال العام كان يسكن وهو موظف جمارك في غرفة جالوص واحدة بالديوم الشرقية ديم القنا، وووصل صلاح الشيخ الى اعلي منصب في الجمارك ولم يري عنه اي انسان ثراء او يشك احد في نزاهته ، والنزاهة هى القيمة المفقودة الان في الوطن، صلاح الشيخ مدير عام الجمارك رجل فقير يعيش على راتبة وكذلك اخوته ومنهم صديقي عثمان الذي يهاجر كل يوم من منزله بالزهور الى عملة في حلفاية الملوك متشعبطا في حافلات كل الخطوط دون ان تسمح ظروفه حتي باقتناء موتر00000
ولاعلاقة لشهادتي بالانقاذ او تاييدها او موقف صلاح منها او عمله معها وربما لو لم اكن عرفته عن قرب لكان تعليقي مثلما علقتم به لكونه من رموز حكم لم يكن بيني وبينه ودا في يوم من الايام ولكن الحق يجب ان يقال صلاح الشيخ مواطن سوداني اغبش من عائلة غبش تقتلهم العفة وعزة النفس00000 قد لا يعجب البعض وجه صلاح او طريقة كلامة ولست هنا في الدفاع عن وجه او لهجة استخدمها ولكن اشهد الله ما عرفته الا نزيها ولدرجة لا يتخيلها الكتيرين00000
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
| Quote: انها شهادة لله فقد عرفت صلاح احمد الشيخ منذ ان كان موظف جمارك قبل عسكرة الجمارك وقبل ان تاتي الانقاذ واشهد الله انه من اكثر اهل السودان عفة في المال العام كان يسكن وهو موظف جمارك في غرفة جالوص واحدة بالديوم الشرقية ديم القنا، وووصل صلاح الشيخ الى اعلي منصب في الجمارك ولم يري عنه اي انسان ثراء او يشك احد في نزاهته ، والنزاهة هى القيمة المفقودة الان في الوطن، صلاح الشيخ مدير عام الجمارك رجل فقير يعيش على راتبة وكذلك اخوته ومنهم صديقي عثمان الذي يهاجر كل يوم من منزله بالزهور الى عملة في حلفاية الملوك متشعبطا في حافلات كل الخطوط دون ان تسمح ظروفه حتي باقتناء موتر00000 |
ياراجل خاف الله ده قطع عيش ناس كتار وقفل بيوت كتيرة ,,,ربنا لا عاده والناس ديل كلها في عنقة الي يوم الدين
| |
|
|
|
|
|
|
|
|
|
Re: إقالة مدير الجمــارك (Re: محمد عادل)
|
Quote: انها شهادة لله فقد عرفت صلاح احمد الشيخ منذ ان كان موظف جمارك قبل عسكرة الجمارك وقبل ان تاتي الانقاذ واشهد الله انه من اكثر اهل السودان عفة في المال العام كان يسكن وهو موظف جمارك في غرفة جالوص واحدة بالديوم الشرقية ديم القنا، وووصل صلاح الشيخ الى اعلي منصب في الجمارك ولم يري عنه اي انسان ثراء او يشك احد في نزاهته ، والنزاهة هى القيمة المفقودة الان في الوطن، صلاح الشيخ مدير عام الجمارك رجل فقير يعيش على راتبة وكذلك اخوته ومنهم صديقي عثمان الذي يهاجر كل يوم من منزله بالزهور الى عملة في حلفاية الملوك متشعبطا في حافلات كل الخطوط دون ان تسمح ظروفه حتي باقتناء موتر00000
ولاعلاقة لشهادتي بالانقاذ او تاييدها او موقف صلاح منها او عمله معها وربما لو لم اكن عرفته عن قرب لكان تعليقي مثلما علقتم به لكونه من رموز حكم لم يكن بيني وبينه ودا في يوم من الايام ولكن الحق يجب ان يقال صلاح الشيخ مواطن سوداني اغبش من عائلة غبش تقتلهم العفة وعزة النفس00000 قد لا يعجب البعض وجه صلاح او طريقة كلامة ولست هنا في الدفاع عن وجه او لهجة استخدمها ولكن اشهد الله ما عرفته الا نزيها ولدرجة لا يتخيلها الكتيرين00000 |
وأنا اشهد بمثل ما شهدت...بالحق يا عبدالله...
فالرجل عفيف ونظيف...وكذلك كل اهله...واخوانه...لم نري او نسمع منهم او عنهم
غير نزاهتهم وعفتهم بدءا بوالدهم عمنا احمد الشيخ الله يرحمه...وبيتهم في ديم
القنا لم يتغير بتغير حال صلاح...وهو من قديم لا يعرف المجاملة ولا المحاباة
حتي مع اهله...فالرجل نقي لكن يبدو ان المنصب كره الناس بالرغم من ان صلاح...
هو نفسه صلاح...الذي كان يجلس معنا في طرف سرير بدكان جدنا الحاج عبدالكريم
بحي القنا...
الرجل يطبق قوانين صارمة وهو جهة تنفيذية ولا يعرف المجاملة من ربي ما خلقوا
يسوي شنو يعني...
نحن زمان في بداية اغترابنا ولما كان صلاح ضابط جمارك وبنعرفو زي ما بنعرف
بقية اهلنا...كنا نظن ان شحن التلفزيونات لأهلنا ما مشكلة...لكن تبين لنا خطل
ما زعمنا بمجرد ان طلبنا من صلاح مساعدتنا...طوالي عمل فيها ما بعرفنا خالص
هذي هي طبيعة صلاح التي عرفناه...وتأكدنا منها بعد ان وسطنا والده وكان رجلا بسيط
وبشوش الله يرحمو...ووسطنا اخوانه...من بعده ولم تفلح كل محاولاتنا...وحتي حينما اصبح مديرا
للجمارك...وأنا ابن حلته...او هكذا ازعم...رفض ان يسلم علي لحظة دخولي المطار
الا بعد ان تجاوزت عتبات الجمارك...وهو لا يفتعل هذه التصرفات فهي طبيعته..
هذي شهادة مني لله ورسوله...
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
صلاح راح وصلاح في الطريق وكلهم مافيهم صلاح لأنفسهم ناهيك لغيرهم .. الشغلانة والعلة والخلل في هذه الرموز اللا دينية الشيطانية .. نساءل الله أن يعجل هلاكهم ودمارهم يارب
الشفيع
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
Quote: رفض ان يسلم علي لحظة دخولي المطار
الا بعد ان تجاوزت عتبات الجمارك...وهو لا يفتعل هذه التصرفات فهي طبيعته.. |
اعتقد انه بهذه الصفات يصلح لان يتولى جهاز المغتربين ..
و الاستاذ تاج الدين يصبح مدير الجمارك .. لتصبح هيئة اقتصادية .. تناطح جهاز المغتربين .. و تتلاحق الكتوف و لا بأس من ان يصبح كلاهما برتبة المشير ..
مجرد اقتراح .. خاصة و ان الجهازين يكملان بعضهما و يتمتعان بالقدرة الثلاثية .. أسوة بسوبر ريد !
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
يا جماعة انتو الفرحانين ليها شنو؟ هل بتعتقدوا انو الانقاذ عندها كوادر بديلة أحسن من هذا الرجل الهمجي؟ ما كلهم أحمد وحاج أحمد
بعدين ما شايفين كيزان المنبر في وادي وانتو في وادي وهل بتفتكروا عمر البشير بفكر أحسن منهم .. لعلها استراحة محارب يعود بعدها وهو أكثر عنجهية وتنطع على الفاضي ..
ربنا يقلعهم كلهم من جذورهم ويريح البلد المسكين والمواطن الغلبان من شرورهم
عمر
| |
|
|
|
|
|
|
|
|
|
Re: إقالة مدير الجمــارك (Re: Omer Abdalla)
|
القرار جاء متأخراً جداً بعد أن أذل هذا الفريق كثيراً من أبناء الشعب السوداني
و كان سببأ أساسياً لأكل أموالهم بالباطل ( المكوس ) ، و علمت من مدة طويلة
كثرة الشكاوى ضده و التي وصلت للرئيس و لكنه كان متمسكاً به قيل لضبطه لعملية
الوارد ، صحيح أن الرجل كان حازماً في التعامل مع الوزراء و غيرهم من المسؤولين
الحكوميين ، و لكن له الكثير من القرارات التعسفية الجائرة مثل منع سيارات المغتربين
من الدخول كإفراج مؤقت إذا كانت موديل السنة ، و قد كان لي معه موقف في أغسطس 2007م
بهذا الشأن و تسبب في خسائر كبيرة لي و أضرار معنوية وغيرها لي و لأسرتي ، و لعلي
أفتح بوستاً أتناول فيه التفاصيل . و الخلاصة أن الرجل كان يعمل ضد الشعب و ضد الدولة
أيضاً بتأليبه للناس عليها ، مما حدا ببعض من تعسف معه بالتهديد - و ربما فعل - بإهداء
سيارته الكروزر لجبهة عبد الواحد محمد نور !!
و السؤال المهم : هل سيسير خلفه متبعاً خطا سلفه في التعسف و أخذ الأموال الطائلة بغير وجه حق ؟!
عبد الرحمن الطقي ،،،
| |
|
|
|
|
|
|
|
|
|
Re: إقالة مدير الجمــارك (Re: معتصم محمد صالح)
|
اللواء نصر الدين مدير سودانير السابق
استراح (استراحة محارب) شوية كده وهو الآن
مدير الجمارك .. وصلاح سيستريح أياما" (استراحة محارب)
برضو وسيعود لمكان (أفدح) ... الأمر كله على سبيل التغيير
(تغيير المود أو المزاج) بعد فترة طويلة فى المواقع
التى شغلوها .. لا أكثر ولا أقل....فحواء السودان عقرت
ولن تنجب أمثال هؤلاء - Super men - ...
لكم الود
عبد الرحمن قوى
| |
|
|
|
|
|
|
|
|
|
Re: إقالة مدير الجمــارك (Re: Giwey)
|
وفى عهده تنامى عدد مرضى السرطان والفشل الكلوى!
بسماحه لللبان الفاسدة والبسكويت الفاسد والمعلبات الفاسدة والدقيق الفاسد والاسمدة الفاسدةوالمبيدات الفاسدة والمحاليل والادوية الفاسدة وحتى الاسمنت الفاسد ودخلت سلع غير مطابقة للمواصفات مثل اطارات السيارات والبطاريات والاجهزة الكهربية! دخلت فى عهده سلع مزيفة ومقلدة ومورس الغش التجارى فى كثير من السلع المستوردة! تهرب الكثيرين من سداد الرسوم الجمركية كليا او جزئيا ! فى عهده تمت اعفاءات جمركية لمنظمات المؤتمر الوطنى واذرعته فى العمل المدنى!
استغرب ان يعتلى منصب مدير الجمارك شخص لم يتلقى تعليما جامعيا راقيا فى ممرفق من اهم المرافق واشدها خطورة على الاطلاق ويحتاج لقدرات اكاديمية وادارية عالية!
كيف نصف شخص تمت فى عهده كل هذه التجاوزات بالنجاح!
جنى
| |
|
|
|
|
|
|
| |
معتصم محمد صالح
عبدالله كع
مرتضي عباس
أيمن الطيب
طلال عفيفي
Abomihyar
خضر الطيب
فيصل محمد خليل
العوض المسلمي
doma
محمد فرح
Nasruddin Al Basheer
حيدر حسن ميرغني
Shazaly Magzoub
عبد المنعم سليمان
كمال سالم
بدرالدين يعقوب
Hisham Ibrahim
الطاهر عثمان
يوسف الولى
محمد عادل
nazar hussien
السنجك
اسعد الريفى
Osman Musa
Omer Abdalla
عبد الرحمن الطقي
Giwey
jini
فيس بوك
تويتر
انستقرام
يوتيوب
بنتيريست