هل أمثال هؤلاء نموذج لشباب بحري ؟؟؟؟

مرحبا Guest
اخر زيارك لك: 03-19-2024, 07:01 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة عبود عبد الرحيم محمد الخليفة(عبود عبد الرحيم)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-13-2008, 01:54 PM

عبود عبد الرحيم
<aعبود عبد الرحيم
تاريخ التسجيل: 03-14-2008
مجموع المشاركات: 5434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
هل أمثال هؤلاء نموذج لشباب بحري ؟؟؟؟

    منذ فترة تعاني أسرتي وسكان أحدي البنايات في حلة خوجلي من (بعض) شباب المنطقة
    الذين لا نعرف لهم عملا يتكسبون به ... ولا علما يتعلمونه
    فهم يتواجدون في الشارع خلال ساعات العمل والدراسة والاجازات
    وبالامس أكملوا الناقصة فنجدهم طوال ايام العيد يتحلقون في الموقع المحبب لهم
    يتصايحون بأصوات مخجلة ويطلقون الصفافير الصارخة دون اكتراث بالشارع وسكان المنطقة
    حيث انهم يتخذون من هذا المبني السكني ملجأ لهم يمارسون فيه كل أنواع الازعاج العام
    ولا يمنحون الطريق حقه
    ولأنهم لا يحترمون أنفسهم فأنهم يتسببون بالاساءة لأهلهم واسرهم
    وذلك من خلال اللعنات (بعدم التربية)التي يطاردهم بها سكان المنطقة


    فشلت كل محاولاتي الشخصية بالتعامل بالحسني معهم
    فكنت أطلب منهم الابتعاد عن جوار منزلي
    فيذهبون لدقائق معدودة ولكنهم يعودون وكأنهم الذباب يتحلق حول قصعة سكر
    وأبلغت شكواي للمصلين بمسجد الشيخ خوجلي
    فاستنكر علي بعضهم بانني تحدثت عن جميع الشباب وهؤلاء جزء منهم
    فضاعت مع هذا المفهوم القضية الاساسية
    وتوجه لوم الشيوخ الي شخصي بأنني أسأت الي كل شباب حلة خوجلي
    ولم يتكرم احد منهم(سامحهم الله) بكلمة حق ونصح للشباب المتفلتين
    وأبلغت ادارة النظام العام في الخرطوم بحري
    وكأنهم يعلمون بأن شرطة النظام العام قادمة اليهم
    فتجدهم قد (فروا) في لمح البصر

    وتتواصل كل مظاهر الازعاج العام
    ولأنهم ابعد ما يكونون عن أخلاق الأسر المحترمة والشباب أصحاب الحارة واخوان فاطمة
    فانهم يختارون الأوقات التي تخلو فيها المنازل من الرجال بسبب العمل
    فيطفقون في ممارسة تلك الاساليب التي تؤكد خواء الفكر
    يتسكعون في منطقة بعينها ولا يسلم نساء وبنات الحي من لسانهم
    هل من المعقول ان يكون امثال هؤلاء نموذجا لشباب بحري عامة ؟؟؟ وشباب حلة خوجلي خاصة ؟؟؟

    حسبي الله ونعم الوكيل
    ولا حول ولا قوة الا بالله العلي العظيم
                  

12-13-2008, 02:07 PM

Abureesh
<aAbureesh
تاريخ التسجيل: 09-22-2003
مجموع المشاركات: 30182

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    الأخ عبود،

    لماذا ذهبت الى المصلين فى المسجـد؟

    هل من أجل مناقشـة الموضوع والتماس رأيهم فقط، أم لأخذ القانون فى أيديهم كما يتم
    عادة فى مثل هـذه الأحوال، عندما يستنفر البعض المصلين؟
    وكنت ممسكاً نفسى حتى قرأت رأى المصلين الذى أوردته، فحمـدت الله.. يا أخى لو لم يكن
    ذلك موقف المصلين لكان موقفهم الأخر كارثة على حلة خوجلى كلها، فأتقى الله.. ولا تشعل فتنة
    دون أن تدرى.
    التصرف الأمثل هو اللجوء للشرطـة وليس للمصلين.
                  

12-13-2008, 02:20 PM

عبود عبد الرحيم
<aعبود عبد الرحيم
تاريخ التسجيل: 03-14-2008
مجموع المشاركات: 5434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: Abureesh)

    شكرا لك أخي ابو الريش
    ولكني لم أجد حرجا في اللجوء الي المصلين
    لأنك لو تعرف أهل المنطقة فانهم (تقريبا ) أسرة واحدة
    واللجوء الي المسجد كان تقديرا مني لكبار أهل المنطقة
    وادراكي أن بعضهم يمثلون أولياء أمور لهؤلاء الشباب
    ليس من اجل اخذ القانون بيدهم ولكن من خلال توجيه النصح لايقاف الشباب عما يفعلونه

    وفي تقديري أن لجوئي الي الشرطة قد يحمل اساءة لكبار حلة خوجلي
    وهذا ما حدث لاحقا
    حيث ان صوت اللوم وصلني بسبب ابلاغي الشرطة ووصول عربة الدورية الي الحي
                  

12-13-2008, 06:45 PM

محمد مختار جعفر
<aمحمد مختار جعفر
تاريخ التسجيل: 11-15-2005
مجموع المشاركات: 4927

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    الأخ / عبود عبد الرحيم ..
    تحية وسلام ، وكل عام أنت وأسرتك بألف خير ...

    قرأت ما كتبته ، بل أعدت قراءته لأننى من سكان هذه المدينه الهادئة
    والمتميزة ، وقد شدنى الموضوع كرجل إعلامى ولأنك أيضا إعلامى وتمثل سلطة وهى الصحافة ،
    أضف الى أنك من سكان هذا الحى ، كان لابد من أن تستفذك مثل هذه الممارسات المنفلتة
    وغير اللائقة وغير الكريمة ، من شباب ينتظر منهم الكثير ولا تمت الى شباب النخوة بشيء ...
    حقيقة أرى ما فعلته هو عين الصواب ، بأن تلجأ الى أولياء أمورهم فى بيت من بيوت الله
    التى هى أساس النصح والتوجيه بل هو ممبر هام لمثل هذه الأمور وتأكد أنها وسيلة تبليغيه
    جيده لأنهم يوصلونها الى أسرهم ، ومن ثم يعلم هؤلاء الشباب أن ما يمارسونه قد وصل الى أسرهم
    وأعتقد أنها أجدى نفعا من محاولات الشرطة التى يصعب عليها تعقبهم خاصة أنهم شلة ..
    .. كل ذلك أخى عبود هو نتاج البطالة واللا مبالاة طالما أنهم يجدون الفراش والمأكل !!!
    ... والله إنى وجدت شبابا يعملون فى مجال الصباغة ( بهوجية ) وهم يحملون شهادات علمية عليا
    يسعون الى الى وظائفهم وتخصصاتهم ولكنهم لا ينتظرون ، بل يضربون فى الأرض بحثا عن الرزق
    أعتقد لا بد من مصادقتهم والتعامل معهم بوسيلة الحسنى ، وقد تطول ولكن الكلمة الطيبة علاج
    يبقى أثرها وإن طالت ...
    لك تحيتى .. محمد مختار جعفر
                  

12-13-2008, 08:09 PM

محمد احمد سنهورى
<aمحمد احمد سنهورى
تاريخ التسجيل: 07-31-2006
مجموع المشاركات: 367

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    انت السكنك بحري شنو !!
                  

12-13-2008, 08:31 PM

Marouf Sanad
<aMarouf Sanad
تاريخ التسجيل: 12-02-2004
مجموع المشاركات: 4835

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: محمد احمد سنهورى)
                  

12-13-2008, 08:30 PM

Kamal Karrar
<aKamal Karrar
تاريخ التسجيل: 11-16-2006
مجموع المشاركات: 3734

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    الأخ/ عبود

    تحية وإحتراما...

    قد سائني ما ساءك... وتلك تصرفات لا يقبلها أي واحد منا...

    وشباب بحري بُراء من أن يوصموا هكذا تعميما...

    فتلك فئة موجودة في كل الأمكنة في هذا الزمن الرديء..
                  

12-14-2008, 08:58 AM

عبود عبد الرحيم
<aعبود عبد الرحيم
تاريخ التسجيل: 03-14-2008
مجموع المشاركات: 5434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    شكرا لكل الذين شاركوا بآرائهم هنا

    منذ الامس السبت وكنت في موقع العمل بالصحيفة
    تلقيت هاتفا من المنزل بان (العطالة المتسكعين) عادوا مرة أخري لأقرب منطقة جوار المنزل
    وبدأوا في قذف باب الشارع بالحجارة والزجاج
    مع استمرار الاستفزازات لأسرتي (زوجتي وطفلي)
    وتوجيه الاساءات الي شخصي (الغائب) في ذلك الوقت علي مسمع من أسرتي
    فأجريت اتصالا بالخليفة مصطفي حفيد الشيخ خوجلي وامام المسجد الذي يجاورنا بالسكن
    وعلمت منه انه بالمسجد
    فطلبت منه بعد اذنه ان يتوجه الي جوار المنزل ويشهد بنفسه ما يحدث
    بعد قليل اتصل بي وقال انهم تفرقوا ووجد شابا واحدا تعرفت عليه زوجتي بانه من المجموعة
    وتحدث اليه الخليفة ناصحا بينما شدد هو علي الاتكار بانه جزء مما حدث وقال انهم آخرين
    والخليفة مصطفي نفسه شكا منهم وقال لي انهم سبب في رحيل اسرتين كانا يستاجران منزل بجوارنا
    حيث ابلغوه بانهم يرحلون حفاظا علي بناتهم واسرهم من شغب هؤلاء الصبية

    وايدني في فتح بلاغ لدي الشرطة
    وكذلك قال لي اثنان من الجيران(عماد والطيب) في نفس العمارة التي نستأجر فيها شقة
    واجريت اتصالا بشرطة النجدة والعمليات (999) فجاءت العربة ولم تجد منهم احدا


    وفي المساء تكرر المشهد الاستفزازي
    حتي ان الشك داخلني في نفسي ان كنت ارتكبت جناية في حق أحدهم
    وراجعت نفسي لأعرف هل وجهت اساءة لأسرة اي أحد منهم من قبل
    وعندما تأكدت انني لم افعل ما يدعو لكل ذلك ...
    احتسبت امري لله
    والتزمت منزلي

    وصباح اليوم الأحد توجهت الي قسم شرطة أمن المجتمع بحري
    وسجلت بلاغا مكتوبا وفيه أوصاف الشباب وموعد تجمعهم ...
    وانا كلي اسف علي ما جري

    واسأل الله الهداية لي ولهم
                  

12-15-2008, 00:04 AM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    لا حول ولا قوة الا بالله العلي العظيم

    والله يا اخ عبود تالمت جدا لقصتك وما يمسك يمسنا جميعا

    تابعت قصتك بامعان ولم اري سوي انك فعلت الصواب

    ولم اتخيل في حياتي ان يكون السودان اصبح حاله هكذا

    واصل مع رجال الشرطة ولا تترك الامر للعساكر الصغار بل ابحث

    عن ضباط كبار وقضاة حتي يعينوا رجال مباحث يراقبوا المنزل

    حتي يقبضوا علي هؤلاء الشرمزة الشريرة..واذا امكن ادخل واسطات

    كضباط او قضاة من الاهل ...لكن ااسف كثيرا ان الامر اصبح عداء بينك وبينهم

    نسبة لانشغالك في العمل وترك المدام والاطفال لوحدهم..

    انا شايف اسلم طريقة فقط لاجل اسرتك الصغيرة ان تحاول شغل هؤلاء الشباب

    بعيدا عنك وعن اسرتك...حتي اذا اضطررت ان تدخل من هم اجدر بالاصلاح بينكم

    وليس بالضروري ان يكونوا من المسجد (بالرغم من استغرابي الشديد لما بدر منهم)

    وفي العدم مواصلة الجهود مع رجال الشرطة والقضاء مع وضع ان تعزل من المنطقة في حسبانك.

    ارجوا ان توفق في جهودك..وارجوا ان توافينا باخبارك معهم سواء في هذا البوست او في

    الايميل الخاص بي لانك فعلا اقلقتنا...ولم اكن اتوقع ابدا ان يحدث مثل ذلك في السودان..

    ايضا اسالك بالاستعانة بالقران والدعاء حتي يهدي الله هؤلاء الشباب...وتوجد اسماء الله العظمي

    مخصصة لهذه الحالات ودعاء الكرب ودعوة المظلوم وقراءة يسن وصلاة الحاجة وصلاة التسابيح..
    وغيرهم.
                  

12-15-2008, 01:58 AM

ترهاقا
<aترهاقا
تاريخ التسجيل: 07-04-2003
مجموع المشاركات: 8388

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: ASHRAF MUSTAFA)

    ياخوى طالما فيها إزعاج للاسرة شوف ليك عكاز مدبب واكسر ليك اتنين منهم والله تاني
    ما تشوف خلقهم اصلو العينة دى ما بتجي إلا بالعين الحمرة - ياالبع ليك واحد فيهم كف بي صفارته
    بلاش قلة ادب بتعت شفع

    والله يدي العافية
                  

12-15-2008, 02:01 AM

ASHRAF MUSTAFA
<aASHRAF MUSTAFA
تاريخ التسجيل: 08-04-2008
مجموع المشاركات: 11543

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: ترهاقا)

    شكرا ترهاقا

    واقترح ذهاب جميع بورداب الخرطوم للتحدث معهم واقناعهم بترك هذا الجرم المشين

    نريد ان نسمع من جميع بورداب الخرطوم اما في هذا البوست او تخصيص بوست آخر بسرعة شديدة

    وجزاهم الله كل خير
                  

12-15-2008, 02:28 AM

ترهاقا
<aترهاقا
تاريخ التسجيل: 07-04-2003
مجموع المشاركات: 8388

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: ASHRAF MUSTAFA)

    Quote: واقترح ذهاب جميع بورداب الخرطوم للتحدث معهم واقناعهم بترك هذا الجرم المشين


    الاخ أشرف كل عام وإنت والاسرة بخير

    حقيقة الاخ عبود في مشكلة كبيرة والحاصل ده شيء ما مريح ويجب على جميع الاخوة
    البورداب الموجودين في الخرطوم أن يرتبوا الامر لإيقاف هذه المسخرة كان بالنصح ما نفع بالشلوت
    لان الاخ لجأ إلي كل الجهات القانونية والاسرية على حد قوله ، ولا اعتقد أن الصعاليق دييل من اولاد بحري بس
    ساكنين في بحرى وشكلهم ما عارفين قيم وأخلاقيات التعامل مع الجيران

    ونسمع من بورداب الخرطوم كل خير إنشاء الله
                  

12-15-2008, 07:26 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    أغلب الشباب ديل خريجين أو أقلو عندهُم الثانَوِية ... ومُتعطِلين لأنهُم ما مِن حِزب الحكومة أو مُتوالِياتِها ... شاب خريج ما لاقي ليهو شُغُل في حكومة السجم دي ... يسوي شنو غير يقنِب في ضُل بيوت الحِلة ... عاوزينهُم يدمدمو فوق البيت ويتكسرو ... معقول ده طلب ... لوم الشباب دى طِعين في الضُل الفيل هداك هو البِحمينا نطعِنو شنو وكتين خارِب لينا البلد ... ماف زول بيقدر يحبس ليهو شاب مِتل التور فوق البيت ... يقولو شنو يعني قنِب حدا أُمك لامَن يفرِجا الله ... الوجع عام ... ما تزيدو وجع الشباب وجع ...
                  

12-15-2008, 07:45 AM

Hassan Makkawi
<aHassan Makkawi
تاريخ التسجيل: 02-27-2008
مجموع المشاركات: 6157

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عزام حسن فرح)

    أخى عبود

    جرب الوصفة دى:

    أعزم الشباب ديل طشت فول كارب تحت أقرب شجرة من البيت

    وعشرة ونسة....وبعد كدة لو شفتهم يكونوا جايين يخدموك وبس

    لن تندم
                  

12-15-2008, 08:44 AM

فيصل عثمان الحسن

تاريخ التسجيل: 01-08-2005
مجموع المشاركات: 4528

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: Hassan Makkawi)

    أخى عبود

    جرب الوصفة دى:

    أعزم الشباب ديل طشت فول كارب تحت أقرب شجرة من البيت

    وعشرة ونسة....وبعد كدة لو شفتهم يكونوا جايين يخدموك وبس

    لن تندم

    عبرت تماما يا أخ حسن مكاوى عما كنت أنوى كتابته , كلنا كنا
    شباب يفع فى أعمارهم , بس ما كنا بنضايق الجيران , وكانت لدينا طاقة
    نبددها فى لعب كرة القدم وغيرها من المناشط الأخرى عندما كانت البلد
    بخيرها , زى ما قال ليك الأخ حسن يا أخ عبود , يا أعزمهم صحن فول
    يا دق معاهم دافورى مع حاجة باردة , وشوف تانى كان واحد منهم جاء
    سبب ليك ازعاج , لكن صدقنى كان مشيت شرطة النظام العام وقبضتهم
    وحوكموا , سوف يبتدعون وسائل أخرى لأذيتك ومضايقتك , الحل الثانى
    هو مغادرة هذه المنطقة .مع أمنياتى لك ولأسرتك براحة البال .
                  

12-16-2008, 04:45 PM

GeerTor Tong
<aGeerTor Tong
تاريخ التسجيل: 07-17-2008
مجموع المشاركات: 976

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عزام حسن فرح)

    Quote: ومُتعطِلين لأنهُم ما مِن حِزب الحكومة أو مُتوالِياتِها ... شاب خريج ما لاقي ليهو شُغُل في حكومة السجم دي ... يسوي شنو غير يقنِب في ضُل بيوت الحِلة ... عاوزينهُم يدمدمو فوق البيت ويتكسرو ... معقول ده طلب

    يا عزام
    إنت هسع بكلامك مع الحكومة واللا ضد الحكومة؟
    كلامك دا بيدي أنصار الحكومة فرصة التهكم والسخرية لأنك
    ببساطة تثبت بأن فليلو الأدب هم الذين ليسوا مع الحكومة
    إنت لو كنت عاطل بتعمل إزعاج للجيران؟
    لا تجعل الغضب يعميك عن الحقيقة وخاصة أن عبود هنا طرح موضوعاً
    إجتماعي عام في أحياء كثيرة بالخرطوم وتسيسك له يقف مع خط عبود السياسي
    وكلامك دا بيعني بأن شباب المؤتمر الوطني ما بيعملوا زي دا لأنهم اتوظفوا؟
    قير تور
                  

12-15-2008, 08:09 AM

زهير الزناتي
<aزهير الزناتي
تاريخ التسجيل: 03-28-2008
مجموع المشاركات: 12241

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    العزيز عبود

    عيد سعيد عليك وعلي الأسرة

    أراك قد أستسهلت الحلول والتي لم تجديك فتيلاً مع هؤلاء الشباب أمامك حلين لا ثالث لهما :
    1/ الهروب والإنتقال لمنزل آخر وهذا حل أعتقد بأنه جبان .
    2/ فتح حوار مع هؤلاء الشباب ،، لأنهم طاقات معطلة ولا تجد من يستثمرها ، أكيد الشباب ديل
    عندهم هوايات وأهتمامات وإنت زول شاب وقريب من سنهم وتقدر تفمهم وعندك أهتمامات متعددة
    أكيد حا تلقي قاسم مشترك معاهم ،، يعني تفردهم وشوف النتيجة شنو ،، علي الأقل تكون عملت
    ثواب في الشباب ديل ، ياخي لو جبت ليك رقعة شطرنح وقعدت معاهم في ضل الحيطة ولعبتها معاهم
    تكون حليت مشكلتك ومشكلة الحي كله ، ودي علي سبيل المثال ،، وفي مليون طريقة وطريقة ،،،
    الحوار ثم الحوار يا عبود ،،، سيبك من حركات الجماعة ديلك والبوليس والعساكر ،، يا أخي
    إنت راجل هلالابي ،،، يعني ديمقراطي ... جرب الوصفة وأفتح صفحة جديدة ونحن في إنتظار إنجلاء الموقف ...
                  

12-16-2008, 04:54 PM

GeerTor Tong
<aGeerTor Tong
تاريخ التسجيل: 07-17-2008
مجموع المشاركات: 976

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: زهير الزناتي)

    Quote: / فتح حوار مع هؤلاء الشباب ،، لأنهم طاقات معطلة ولا تجد من يستثمرها ، أكيد الشباب ديل
    عندهم هوايات وأهتمامات وإنت زول شاب وقريب من سنهم وتقدر تفمهم وعندك أهتمامات متعددة
    أكيد حا تلقي قاسم مشترك معاهم ،، يعني تفردهم وشوف النتيجة شنو ،، علي الأقل تكون عملت
    ثواب في الشباب ديل ، ياخي لو جبت ليك رقعة شطرنح وقعدت معاهم في ضل الحيطة ولعبتها معاهم
    تكون حليت مشكلتك ومشكلة الحي كله ، ودي علي سبيل المثال ،، وفي مليون طريقة وطريقة ،،،
    الحوار ثم الحوار يا عبود ،،، سيبك من حركات الجماعة ديلك والبوليس والعساكر ،، يا أخي
    إنت راجل هلالابي ،،، يعني ديمقراطي ... جرب الوصفة وأفتح صفحة جديدة ونحن في إنتظار إنجلاء الموقف

    إنت مشيت كويس لكن اللي خلاك تضيف الكلام العوجة دا شنو
    Quote: إنت راجل هلالابي ،،، يعني ديمقراطي

    دا أكبر مصيبة عبود زاتو
                  

12-15-2008, 08:33 AM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    الأخ عبود...تحياتي
    امر مؤلم وتصرفات صعب التعامل معها
    ولكن قدم لهم دعوة حاورهم فى الاسباب ...
    وان كانت لديك امكانيه فى توظيف اى منهم بتكون بدات فعلا فى عملية اصلاح هؤلا الشباب ...

    ارجو ذلك وحاول اقناع اى منهم قبول وظيفه

    تحياتي
                  

12-15-2008, 08:50 AM

العوض المسلمي
<aالعوض المسلمي
تاريخ التسجيل: 11-27-2007
مجموع المشاركات: 14076

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    عبود سلام

    بالجد اقلقتنا جدا لهذا الامر الذي استغرب في السابق وجوده

    ولكن لابد من بحث الاسباب ,,

    علي كل طالما هم اولاد منطقه واحده فلابدان الامر في نهايته باذن الله ,,

    قلبي معك اخي عبود
                  

12-15-2008, 10:30 AM

elfadl abdellatif
<aelfadl abdellatif
تاريخ التسجيل: 06-06-2008
مجموع المشاركات: 682

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    الاخ عبود
    كل سنة وانت واسرتك واسرة تحرير الصحيفة بالف خير
    موضوعك هذا ذكرني بمجموعة من الفتية كانوا يقومون بدور المسحراتية في الحي .. وهو عمل جليل فيه استثمار للطاقات .. ولكن المشكلة كانت في الطريقة المزعجة التي كانوا يؤدون بها ذلك العمل .. و قد علمت فيما بعد انها ظاهرة عامة .. فكتبت عنها في صحيفة الدار مفكرة بعنوان بلاغ ضد المسحراتي .. قروهو وبقوا اصحابي بعد داك
    الشباب يا عبود طاقات جبارة نهدرها ونحن نحتاج الى التخاطب معهم على قدر عقولهم .. ودي مهمة صعبة جدا عايزة الخطيب ينزل لمستوى تفكير المخاطب .. وربنا يهدي الشباب لما فيه خيرهم وخير اهلهم ووطنهم
                  

12-15-2008, 12:43 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: elfadl abdellatif)

    Quote: انت السكنك بحري شنو !!

    وبحرى مالا ؟؟
    المنطقه التي يسكن بها الاستاذ عبود يكاد يكون كل قاطنيها أكثر من أهل وأسره واحده وإن كانت تصرفات هؤلاء الشباب المُنافيه لاخلاقيات ذلك الحى الهادئ ولناس بحرى عموماً ,, وعلي حسب علمي فإن الاستاذ عبود متزوج من اسرة خيرى بالدناقله وهي اسره معروفه لكل ناس بحرى يعني لو اتنين من نسابتو (عبدو أو عمر خيرى) ختو كراسي قدام بيتو إحتمال الصعاليك ديل مايعدو بالشارع دا ,, أما إذا كان اولياء امورهم ماقادرين علي تربيتهم فالإصلاحيات اولي بتربيتهم بدلاً من إيذاء خلق الله...

    *** هذه التصرفات لاتشبه ناس حلة خوجلي ولا ناس بحرى عموماً ,, ولذلك نقول مقولة استاذنا الطيب صالح :- من أين أتو هؤلاء؟؟؟
                  

12-15-2008, 02:16 PM

شمس الدين ساتى
<aشمس الدين ساتى
تاريخ التسجيل: 12-14-2008
مجموع المشاركات: 2642

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    صحيح وبحــري مالا

    ناس بحري أرقي ناس وأكثر تهذيبا من كثير من أحياء العاصمة

    يكفي إنه حتي اليوم شبابها يجتمع علي شاكلة نفير لمساعدة

    أحدهم إذا تضرر منزله أوحصلت له مشكلة.. حي حلة خوجلي عرفته

    منذ القدم بالحي الهادي وكنت أذهب لزيارة صديقي عبد الله بابكر

    أحمد دفع الله المحامي ويمكن تكون مشكلة هؤلاء الصبية الفراغ الكبير

    الذي يعيشونه ولكن لايمكن تعميم هذا الشر علي كل بحري

    وصحي زي ماقال عبد الكريم ..خلي عمر خيري المحامي وأبو جسم

    عاتي يقعد ليك قدام البيت وشوف تاني كان واحد فيهم مر قربه
                  

12-15-2008, 03:37 PM

عبود عبد الرحيم
<aعبود عبد الرحيم
تاريخ التسجيل: 03-14-2008
مجموع المشاركات: 5434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    شكرا لكل الزملاء هنا علي تعليقاتهم حول الأمر
    والشكر لكم جميعا علي المقترحات التي تقدمتم بها

    وبالتاكيد فانني ساستفيد من الآراء هنا
    علما بأنني واشهد الله ومنذ بداية المتاعب معهم نهجت مبدأ النصح
    والتعامل الأخوي وبالحسني ... بل أنني سبق وان جلست معهم في احدي نهارات
    يوم جمعة ... وقلت لهم ضاحكا : مادمت لا أستطيع النوم قليلا حتي موعد الصلاة
    فالأفضل ان أجلس لأتونس معكم !!! فصمتوا وغادروا موقعهم ..
    وبسبب ظروف العمل فانني بالتأكيد لا يمكن أن أبقي متابعا ومتحدثا وناصحا طوال اليوم

    ورغم أنني توجهت وفتحت بلاغا لدي الشرطة (مكرها)
    الا أنني سعيد جدا بانني لم أحتاج لتفعيل البلاغ (علي الأقل ليوم أمس)
    حيث تجمعوا في موقع ابعد قليلا عن المنزل دون ضوضاء أو ازعاج كما توقفت
    محاولات الاستفزاز التي كانت سابقا ..
    اتمني أن يستمر الحال هكذا
    حتي يكتب الله لنا وداعا لهذا الحي
                  

12-15-2008, 06:05 PM

عبدالكريم أحمد الامين
<aعبدالكريم أحمد الامين
تاريخ التسجيل: 08-04-2008
مجموع المشاركات: 6343

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    Quote: محاولات الاستفزاز التي كانت سابقا ..
    اتمني أن يستمر الحال هكذا حتي يكتب الله لنا وداعا لهذا الحي

    الاستاذ عبود عبدالرحيم
    ومن عندى اقول ليك إنشاءالله ينصلح الحال وتعود الامور الي نصابها ويجد هذا الشباب مُتنفساً له في مكان آخر ,, وأن تظل ببحرى ست الهوى والطراووووووه وأن تظل بجوبا (حلة خوجلي)...
                  

12-16-2008, 04:11 PM

عبداللطيف محجوب
<aعبداللطيف محجوب
تاريخ التسجيل: 09-13-2008
مجموع المشاركات: 753

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    أخي الحبيب ..

    عبود عبدالرحيم

    التحية وكامل الإحترام والتقدير لك ..

    في الحقيقة كان لابد لي من أن أرد عليك أولاَ .. وأعلن عن تضامني معك ثانياً ..

    ...

    أخي الكريم ..
    قرأت موضوعك الذي كتبته في سودانيز أون لاين والذي كان بعنوان .. هل أمثال هؤلاء نموذج لشباب بحري ؟؟؟؟
    وأقول لك لا .. أمثال هؤلاء لا يعبرون عن شباب بحري ..
    فيا أخي الحبيب .. حلة خوجلي .. حلة واسعة وشاسعة .. فكيف بك أن تصف 5 أو 10 أو 20 شاب من حلة خوجلي بأنهم شباب حلة خوجلي
    أخي لك كل الأحترام والتقدير .. لكن اللوم ما يقع على الناس كلها بسبب زول أو إتنين أو حتة عشرة ..
    الأخ الكريم ..
    أني آسف لما بدر من تصرف هؤلاء الشباب .. مع إني لا أعرفهم .. ولا أعرفك حتى ..
    ولكن ذكرك للعمارة في الموضوع .. و الخليفة مصطفى .. جعلني أفكر في أنك ربما تسكن في عمارة سرير ..
    أخي الحبيب .. والله المنطقة الإنت قاعد فيها دي .. نحن نعتبر الشباب الفيها .. أتفه شباب في حلة خوجلي ..
    مع إحترامي لكلٍ .. ولكن كونك تشهر بينا في منتدى زي سودانيز أون لاين ..
    في الحقيقة دي سببت لي أنا شخصياً مشاكل كتيرة .. خصوصاً مع المعارف والأهل وهاك يا تلفونات وهاك يا رسائل .. والله ..
    إنت عارف عندي قريبي ضرب لي من أمريكا .. على أساس إنو ديل نحن المقصودين في الموضوع ..
    قلت ليهو والله انا الموضوع ما شفته أصلاً ..
    فبعد ما شفت الموضوع .. في الحقيقة لم أستغرب إبداً أن يصدر مثل هذا من(أولاد الحلة ورا) .. كما يحلو لنا أن نسميهم ..

    وطرحت السؤال مرة أخرى في نهاية موضوعك ..
    (هل من المعقول ان يكون امثال هؤلاء نموذجا لشباب بحري عامة ؟؟؟ وشباب حلة خوجلي خاصة ؟؟؟)
    ومرة أخرى يكون جوابي لا
    ..
    فبما إنك من الحلة .. نقول ليك العفو والعافية .. مع إنك شهرت بينا بالسوء ..
    صحيح الحلة دي الشباب الرمم فيها أكتر من الكويسين .. لكن برضو .. حلة خوجلي لا تحكم عليها بي زول أو إتنين ..

    تحياتي .. مصحوبة بتمنياتي بإنهاء هذه المهزلة في أقرب وقت ..
    وإذا في أي حاجه ممن نساعد بيها ماف مشكلة ..

    عبداللطيف محجوب
    بإسم شباب حلة خوجلي

    (عدل بواسطة عبداللطيف محجوب on 12-16-2008, 04:13 PM)

                  

12-16-2008, 04:55 PM

عبود عبد الرحيم
<aعبود عبد الرحيم
تاريخ التسجيل: 03-14-2008
مجموع المشاركات: 5434

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبداللطيف محجوب)

    الاخ الكريم
    عبداللطيف محجوب
    سلام الله عليك وكل عام وانتم بخير
    أشكر لك اهتمامك بالموضوع وتعليقك عليه
    وأقول
    أن صيغة العنوان الذي وضعته لهذا البوست
    هي صيغة (تساؤل استنكاري) وليس تاكيدا
    وبالتالي فان محور الحدث لم يكن شاملا .. بل خصصته في أنهم (بعض) الشباب
    وحددت الموقع ...
    لذلك فان المسألة لا تشمل كل شباب حلة خوجلي
    Quote: أني آسف لما بدر من تصرف هؤلاء الشباب .. مع إني لا أعرفهم .. ولا أعرفك حتى ..
    ولكن ذكرك للعمارة في الموضوع .. و الخليفة مصطفى .. جعلني أفكر في أنك ربما تسكن في عمارة سرير ..
    أخي الحبيب .. والله المنطقة الإنت قاعد فيها دي .. نحن نعتبر الشباب الفيها .. أتفه شباب في حلة خوجلي .. مع إحترامي لكلٍ .. ولكن كونك تشهر بينا في منتدى زي سودانيز أون لاين ..
    في الحقيقة دي سببت لي أنا شخصياً مشاكل كتيرة ..

    رغم أنني لم أتجني علي أحد بدليل ما تقوله أنت شخصيا وتحته خط ....
    الا أنني أتقدم لك باعتذار شخصي لما أصابك جراء ما كتبته هنا..
    Quote: في الحقيقة لم أستغرب إبداً أن يصدر مثل هذا من(أولاد الحلة ورا) .. كما يحلو لنا أن نسميهم ..

    أنا جديد عهد بالمنطقة ولم تتجاوز سنوات اقامتي (المؤقتة) في حلة خوجلي 8 سنوات حتي الآن
    وظروف عملي في الصحيفة طوال اليوم لم تمكنني من التعرف علي تقسيمات الحي ... ولا ادري الي اي المسميات تنتمي المنطقة التي أسكن فيها ... ولكني أتشرف بجوار المسجد وقبة الشيخ خوجلي .
    Quote: فبما إنك من الحلة .. نقول ليك العفو والعافية .. مع إنك شهرت بينا بالسوء ..
    صحيح الحلة دي الشباب الرمم فيها أكتر من الكويسين .. لكن برضو .. حلة خوجلي لا تحكم عليها بي زول أو إتنين ..

    أقول ليك حاجة ؟
    لست الرجل الذي يحمل في نفسه شيئا تجاه الآخرين مهما كانت درجة العداوة معي
    وبالامس مساءا بعد عودتي من العمل كنت اتمني أن أجد نفس الشباب لاجلس اليهم
    واسألهم : ماذا فعلت لكم ؟؟ ولماذا تواجهوني بهذه العداوة ؟؟
    وهل يعرفني أحد منكم واخطات في حقه من قبل ؟؟
    ولكني لم اجد أحد
    وصباح اليوم أخبرني أحد الجيران المحترمين أنه تحدث اليهم بالأمس نهارا عندما وجدهم متجمعين
    ووبخهم علي تصرفاتهم وسألهم عن سبب كل ذلك
    وقال لي الجار المحترم أن هؤلاء الشباب تعاملوا معي بهذا المستوي
    لأنني وصفتهم بمدخني البنقو (!!)
    وكل الذي أذكره أنه وبعد يأسي من الحديث اليهم في بدايات الامر
    واستمرار جلوسهم حتي ساعات متاخرة من الليل في الجزء المظلم
    من ظل العمارة وجوار نافذتي الوحيدة الي الشارع
    قلت لهم ان هذه الافعال لا يقوم بها الا (السطلنجية) ...
    وعند أول بلاغ للرقم (999) سألني رجل الشرطة أن كان هؤلاء الشباب يدخنون البنقو
    قلت له انني لا يمكن ان اقول ذلك لأنني لم أشاهدهم يفعلون ذلك
    فقال لي الشرطي انهم يرصدون مجموعات من الشباب في تلك المناطق القريبة من النيل
    وعندما تحدثت الي الشباب في ذلك الوقت رويت لهم ما دار بيني وبين الشرطة
    وحذرتهم مباشرة من أنهم يجلبون الشك لانفسهم بهذه التصرفات .
    Quote: وإذا في أي حاجه ممن نساعد بيها ماف مشكلة ..
    عبداللطيف محجوب
    بإسم شباب حلة خوجلي

    أشكرك يا اخي الكريم
    فالموضوع الآن برمته لدي شرطة أمن المجتمع ببحري
    مع اسفي الي ماوصل اليه الأمر
    وتاكيد كامل استعدادي لتسوية ودية وسحب البلاغ
    بل وحتي الي تقديم اعتذار لهم اذا كان الامر يتطلب ذلك
    حتي ننعم بالهدوء في منزلنا وبين اسرتنا الصغيرة ...
    الي ان يقضي الله امرا كان مفعولا
                  

12-17-2008, 10:58 AM

عبداللطيف محجوب
<aعبداللطيف محجوب
تاريخ التسجيل: 09-13-2008
مجموع المشاركات: 753

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    التحية لك ..

    Quote: مع اسفي الي ماوصل اليه الأمر


    ولكن أعذرني ..

    كان من الأجدى أن تحل الأمر بأقل لهجة من ما أتبعته ..

    فبالأمس القريب ..

    أتونست مع أولاد الحلة عن الموضوع ..

    قالو ما عارفين الحاصل .. لكن واحد قال لي أي .. الزول ده قام في الجامع .. وقال أولادكم وما اولادكم .. بطريقة ما حلوة .. وما ظريفة .. وما بتعجب ..

    وكونك وصفتهم بشاربي البنقو .. أعتقد دي كمان حاجة تاني ..

    المهم ..

    أعتقد هنا يمكن الخطأ..

    فمن البداية ..

    لو كنت حليتها سلمياًً .. أعتقد ده كلو ما كان حصل ..

    على العموم اتمنى جداً ..

    إنك تحلها سلمياً وتتنازل عن البلاغ ..

    وأنا شايف كده أحسنــ ..

    ..

    وحتلف تلف وحترجع لكلامي .. ماف داعي للتشهير ..

    والحل أحسن يكون حلو .. وسلمي .. والله والله غير كده ما بتنحل ..

    وأعتبرني كأخ ..

    Quote: وظروف عملي في الصحيفة طوال اليوم لم تمكنني من التعرف علي تقسيمات الحي ... ولا ادري الي اي المسميات تنتمي المنطقة التي أسكن فيها ... ولكني أتشرف بجوار المسجد وقبة الشيخ خوجلي .



    لا تقسيمات ولا مسميات ولا حاجه .. دي ونسة ساي بتونسها ..

    وكلنا جنب الجامع .. وإمكن أكون أقرب منكــ .. وكلنا نتشرف ..

    Quote: والله المنطقة الإنت قاعد فيها دي .. نحن نعتبر الشباب الفيها .. أتفه شباب في حلة خوجلي .. مع إحترامي لكلٍ


    دي وجهة نظر .. ولكل زول وجهة نظر .. لأني قلن بنعتبر .. وفي النهاية ألحقتها مع إحترامي لكل .. عشان أأكد إنها وجهة نظر ..

    وفي النهاية تمنياتي بأن تنتهي هذه المشكلة .. في أقرب وقت ..

    وأقول ليك تاني .. لو في طريقة نحلها حنحاول .. لأنو نحن شباب زي بعض ..

    وفي النهاية نحاول نتفاهم .. ولكو زول ياخد حقو .. مدام القضية كبرت كده ..

    تحياتي ..

    عبدو..
                  

12-16-2008, 05:28 PM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: هل أمثال هؤلاء نموذج لشباب بحري ؟؟؟؟ (Re: عبود عبد الرحيم)

    قير تور ... إحتِراماتي

    Quote: يا عزام
    إنت هسع بكلامك مع الحكومة واللا ضد الحكومة؟
    كلامك دا بيدي أنصار الحكومة فرصة التهكم والسخرية لأنك
    ببساطة تثبت بأن فليلو الأدب هم الذين ليسوا مع الحكومة
    إنت لو كنت عاطل بتعمل إزعاج للجيران؟
    لا تجعل الغضب يعميك عن الحقيقة وخاصة أن عبود هنا طرح موضوعاً
    إجتماعي عام في أحياء كثيرة بالخرطوم وتسيسك له يقف مع خط عبود السياسي
    وكلامك دا بيعني بأن شباب المؤتمر الوطني ما بيعملوا زي دا لأنهم اتوظفوا؟
    قير تور


    كلامي ده مِن الواقِع وأي جامِعي أو صاحِب خِبرة عاطِل شرف ليهو ... عارِف ليه ... لأنو عاطِل وده بِدُل على إنو ما زول المؤتمر الوطني ومُتوالِياتا ...

    أنا مِن سُكان بحري - الشعبِية ... قبل فِترة عملنا ورقة عن المَوضوع ده بِأسماء مُعظم الجامِعِيين الفي الشعبِية شِمال مِن محطة أشواق كابلي لِغاية خور شمبات شِمالاً وحتى شارِع الهِجرة غرباً ... حصرنا أسماء الجامِعِيين في كشف وأسماء ذو الخِبرات في كشف ... وبعدين طلعنا المحسوبين على المؤتمر الوطني وأحزاب الإنشِقاقات ... لقينا الجامِعِيين ذو الأتِجاهات غير الإسلامَوِية عِندها ضَلَله (جمع ضُل) بِإسماءِهِم - هذا ضُل فُلان وهذا ضُل فُلان والضُل ذاتو بتمرحل بعد الساعة 12 ظهراً يزحف العاطِل إلى الضُل الآخر الذي بِزوالِهِ يبدأ برنامِج تاني خاااالص - ما علينا ... المُهِم لقينا الجامِعِيين المُتآمرين - أقصُد الذين ينتمون أو يُحسبون على المؤتمر الوطني - ماخدين ليهُم مرتين - فيهُم الماخِد مرة راجِل عديل كده - وساكنين فِلل وراكبين موديل السنة ... يا قير تور ... أنا ما قاعِد أنضُم ساي ... هديك الشعبِية ما بعيده عليك أمِش وتحرى وإبدأ مِن حلة المُجاهِد (المحطة رقم 2 مِن أول شارِع الكبري) ...

    قلت المَوضوع إجتِماعي ... طَيِب يا سيدي ... الإجتِماعي ده ممكِن يتحلا بِدون قرار سِياسي ... مُمكِن ... يعني العطالة مَوضوع إجتِماعي بتحلا كيف إجتِماعِياً ... ما عيب الواحِد يسأل ... حتى لو في عمري ده ... وأها أنا بسألك موضوع العطالة الهو إجتِماعي مُمكِن يتحلا كيف بدون قرار سِياسي ...

    شباب المؤتمر الوطني ما بيقعدو في ضُل البيوت ... بيقعدوا جوه البيوت ... هُم فاضيين مِن لياليهم الخاصة ...

    إحتِراماتي ...
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de