في يوم مباراة سيد البلد امام حي العرب بورتسودان كتب صحفي مريخي في جريدة يومية ان كل المريخاب مع السوكرتا ... ومضي الصحفي في احلامه بان يعود (بركة) الذي اذاقهم المر للتسجيل في مرمي المعز .. وقال الصحفي اياه ان مجتمع المريخ سمي مباراة الهلال مع حي العرب (ام المعارك )... وفي اليوم الثاني بعد الرباعية المجلجلة بحثت عن كلمة لذلك الصحفي حول المباراة ... فلم أجد شيئا !!!! قال أم المعارك قال !!
11-01-2008, 06:16 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
ويوم الاثنين يدخل مريخ العرضة جنوب ملعب استاد بورتسودان وهو يعاني من (رهاب بركة العرب) ... ويواجه المريخ هلال الساحل الذي يدخل المباراة بحسابات معقدة ...
أمة الهلال تدعم أبنها الوفي هلال الساحل ... واذا كان المريخ سيواجه حي العرب او مريخ الثغر ما كان ذلك يعنينا في شيئ ولكنه الهـــــلال سيد البلد والبر والبحر والساحل كمـــان !!!!
11-01-2008, 06:21 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
رغم ان سيد البلد يريدها مولعة نار ليحسم مغامرات مريخ العرضة جنوب في مقبرة الخصوم ... الا أن فوز هلال الساحل بهدف واحد في لقاء الأثنين يعني ان نرفع ايدينا للجماعة ونلوح لهم (باي باي) ... وتنتهي مغامرات واحلام القبيلة الحمراء في الفوز ببطولة محببة في الديار الزرقاء المتألقة وبعيدة المنال عن الحفرة الحمراء ....
11-01-2008, 06:41 PM
haroon diyab haroon diyab
تاريخ التسجيل: 06-20-2007
مجموع المشاركات: 23215
والله ماعارف الهكر ده لحس الباسوورد ولا لحس حاجة تانية شنو ياعمكــ شايفك بقيت تهضرب وتكتب ليك كلام ماعندو راس ولا قعر
Quote: رغم ان سيد البلد يريدها مولعة نار ليحسم مغامرات مريخ العرضة جنوب في مقبرة الخصوم ... الا أن فوز هلال الساحل بهدف واحد في لقاء الأثنين يعني ان نرفع ايدينا للجماعة ونلوح لهم (باي باي) ... وتنتهي مغامرات واحلام القبيلة الحمراء في الفوز ببطولة محببة في الديار الزرقاء المتألقة وبعيدة المنال عن الحفرة الحمراء ....
ساحل منوا وشاطي منوا وحاتك تعملوا من الهلالين اصحاب الاصفار الدولية الكبييييييرة منتخب وتجوا ماشين في شارع العرضة سااااااااااكت تنغلبوا....!!!
بعدين في اقتراح بسيط ممكن تقدموا للجماعة في الزريبة ايه رائكم تدعموا الرشاشة الصغير بجيش المدربين ديل.....يمكن يخففوا من الفضيحة المتوقعة.
Quote: ساحل منوا وشاطي منوا وحاتك تعملوا من الهلالين اصحاب الاصفار الدولية الكبييييييرة منتخب وتجوا ماشين في شارع العرضة سااااااااااكت تنغلبوا....!!!
والله يا عمكـ انت بتطمئن في نفسك سااااااااكت !!!
Quote: ايه رائكم تدعموا الرشاشة الصغير بجيش المدربين ديل.....يمكن يخففوا من الفضيحة المتوقعة.
تعرف يا عمكـ ... نحن الهــلال دا بنريدو في كل الأحــوال ... ورغم احترامنا وتقديرنا للديبة الا انه أقل قامة من تدريب الهلال ... والدبلوماسي الرائع قاقرين نحمد له استجابته لنداء الهلال لكنه ايضا يفرض عليه وضعه الدبلوماسي كثير من القيود التي لا تتناسب مع الكورة ...
لكن صدقني يا مان ... جالدنكم جالدنكم ... وين ما تقبلوا تلقوا قائد كتيبة أسياد البلد (سيدا) أي مش بتعرفوه ؟؟؟؟؟ تلقاهو (كالعادة) رافع كأس الممتاز ... تواليا سادسا (مع خليفة اغنية سيد البلد).... دي برضو هضربه ؟؟؟؟!!!!
بالمناسبة كماااان :
شوقنا بحر (ابيض متوسط) طبعا.... لأنو أصلو ما ممكن يكون بحر (أحمر) صغير كدا !!!!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبود عبد الرحيم
haroon diyab
فيس بوك
تويتر
انستقرام
يوتيوب
بنتيريست