دعواتكم لزميلنا المفكر د.الباقر العفيف بالشفاء العاجل
|
|
 الخرطوم ... عاصمة الجسور
|
Quote: ارتبط كل جسر بذكرى وبعضها كان معبرا للانقلابات العسكرية
الخرطوم: كمال إدريس
الخرطوم، «العاصمة المثلثة» للسودان كيان حضري يتمثل فعليا بثلاث مدن كبرى هي: أم درمان العاصمة الوطنية للبلاد، والخرطوم العاصمة السياسية والإدارية، والخرطوم بحري العاصمة الصناعية. وكان سكان «المدن» الثلاث يتنقلون بينها عبر النيلين الأبيض والأزرق، وكذلك النيل الرئيسي الذي ينتج عن التقاء النيلين عندها بواسطة المراكب الشراعية والبواخر النيلية. وظل الوضع على هذا الحال حتى مطلع القرن الماضي حين شيد «كوبري النيل الأبيض» الرابط بين الخرطوم وأم درمان، و«كوبري النيل الأزرق» الرابط بين الخرطوم والخرطوم بحري. ولاحقا شيد جسر ثالث هو «كوبري الزعيم الأزهري» ـ تكريما للرئيس الاستقلالي الراحل إسماعيل الأزهري ـ بين الخرطوم بحري وأم درمان، في عهد الرئيس الراحل جعفر النميري خلال عقد السبعينات من القرن الماضي. غير أنه بعد وصول عدد الجسور إلى ثمانية، توقف العمل على بناء المزيد منها لأسباب تتصل بالتمويل. ولكن هذا التوقف لن يطول. إذ يؤمل أن تحتضن العاصمة السودانية جسرين جديدين خلال الأشهر القليلة المقبلة ليقفز عدد الجسور إلى 10 تربط بين مدن «العاصمة المثلثة»، للتخفيف من الاختناقات المرورية التي تنوء بها الطرق. وهذا مع أن الخطط لم تراع الزيادة المطردة في عدد السيارات الجاري استيرادها يوميا بمعدل 50 ألف سيارة في العام، ويتركز 80 في المائة منها في العاصمة. |
بقية التقرير المثير حول كباري الخرطوم
هنا : http://www.aawsat.com/details.asp?section=67&issueno=11...icle=522117&feature=
|
|
 
|
|
|
|
|
|
|
 Re: الخرطوم ... عاصمة الجسور (Re: كمال ادريس)
|
الأعزاء
الاخ / عبود عبد الرحيم و المتداخلين
عند بدايه دراستنا في المجر تم تعريف الشعب المجري لنا
بأنه شعب بُناه الجسور و هم بحق بُناه الجسور و القطارات
و هذا ما دفعني للإلتحاق بقسم إنشاءات الكباري
و رغماً عن أن الزمن خلانا نعيش و نعمل في أمريكا
حيث الإمكانيات الضخمه و الجسور المكلفه
تبقي الخرطوم هي عاصمه جسور محبتنا الرائعه
صورتين لجسر بودابست المعلق أثناء اللإنشاء و حالياً
و هو الجسر المقام علي نهر الدانوب
و الذي يربط بين مدينتي بودا و بشت المكونتين للعاصمه
الهنغاريه بودابست أو بودابشت كما ينطقها أهلها
بدأ البناء في هذا الكوبري سنه 1839 و أفتتح في عام 1849
و سمي الكوبري بإسم Istvan Széchenyi (شتيفان سيشني)
السياسي و الكاتب المجري
The "Széchenyi" Chain Bridge Year 1840
The "Széchenyi" Chain Bridge Today
| |
|
|
|
|
|
|
|
|
|
Re: الخرطوم ... عاصمة الجسور (Re: MOHAMMED ELSHEIKH)
|
| Quote: ما شفتو الجسور فى دبى ولا السعودية تقول الخرطوم عاصمة الجسور |
ياجماعة الخير
انتو ما شفتو نفق الشفا
اسالو منوعمران صالح,,,
على الطلاق دا يلقاه البشير يكبر فوقو 10 سنوات
ما اظن بجى عمدة حى الشفاء يوم الافتتحاح ولا فى امير حيقص الشريط
نفق وخلاص كلف كم,,,طولو كم ,,مين الدافع الفلوس
لكن نحن لو الله مدا فى العمر سنمر به
لكن نرجع نقول كتير الفشفاش على ام الفضل
كبرى النيل الابيض ,,كان فى نهر الجانج الهند
غردون الكافر الذى مات على ايدى قوات المهدية
عو من خلد اسمه فى هذا الكبرى ,,ومعاه كلية
بالله زول ز دا بفرط فى تمثالو
| |
|
|
|
|
|
|
|
|
|
Re: الخرطوم ... عاصمة الجسور (Re: MOHAMMED ELSHEIKH)
|
الطشاش في بلد العمي شوف
أنتو قارنو بي أفريقيا وتشاد وأرتريا والدول الميته دي
غايتو انا من الإنقاذ جاتني كده في واحد من الكباري الجاية
تحولت مدينتنا واراضينا الى سكنيه وإستثمارية وحاجات ما سمعنا بها ولا خطر على قلب مواطن
الكباري دي الجايينا منها كتير
فعلاً حسنه للإنقاذ والحق يقال -
ما يجي واحد ناطي يقول لي كلامكم المسيخ داك ؟
الحق يُـقال !!
هشام
| |
|
|
|
|
|
|
|
|
|
Re: الخرطوم ... عاصمة الجسور (Re: Hisham Ibrahim)
|
سلام للجميع
لكن دي حاجة غريبة والله
زول بيوثق لكباري عاصمتو
تقولوا ليهو شفت المجر ودبي والسعودية وجنوب افريقيا ؟؟؟؟
اكتبوا عن جسور وكباري البلاد الشفتوها دون انتقاص لحق الزميل الاستاذ كمال ادريس
في الكتابة عن جسور بلاده والاحداث التي ارتبطت بها
عالم عجيبة !!!!
| |
|
|
|
|
|
|
|
|
|
Re: الخرطوم ... عاصمة الجسور (Re: عبود عبد الرحيم)
|
عبود والجسور
قول لكمال وين جسور المحبة
نحنا دايرنو يكتب لينا عن جسور اسمرا
وقوليه امانة في ذمتك طول ايام قعادك في الخرطوم لحضور الملتقي هل قطعت بكوبري توني الجديد
وهو علي مرمي حجر من مكان انعقاد جلسات المؤتمر
| |
|
|
|
|
|
|
|
|
|
Re: الخرطوم ... عاصمة الجسور (Re: عبد اللطيف السيدح)
|
جسور محبة لكل المتداخلين والقراء الكرام... كنت ارجو ان يتحول البوست بحسب طرح الاخ عبود الى بوست كباري من كل انحاء الدنيا.... يعني كل زول قاعد في مدينة يلقط صورة لكبري او اتنين ... ومنها تعم الفائدة.
للخ السيدح .... نعم قطعنا كبرى توتي وكانت الصورة المرافقة للمادة في الصحيفة هي صورة الجسر الاحدث في السودان.... ولو مامصدقني هاك الصورة دي والزول ده شاهد على انني كنت هناك
| |
|
|
|
|
|
|
|
|
|
Re: الخرطوم ... عاصمة الجسور (Re: كمال ادريس)
|
مامصدقني هاك الصورة دي والزول ده شاهد على انني كنت هناك
عفوا تذكرت
انكم فطعتوا الكوبري يوم مادبة غداء ناس سكر كنانة العملوها ليكم في برج الفاتح
وشكرا الاخ عمر صديق الذي تبرع بعربته يعني من الكوبري جادت قريحتك برصدهذه المشاهد
بالصورة والقلم علي حد التعبير المألوف لدي محرري صحيفة الدار
| |
|
|
|
|
|
|
| |
عبود عبد الرحيم
الرفاعي عبدالعاطي حجر
كمال ادريس
MOHAMMED ELSHEIKH
محمد حيدر
مصطفى توفيق
abuguta
Hisham Ibrahim
عبد اللطيف السيدح
فيس بوك
تويتر
انستقرام
يوتيوب
بنتيريست