عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل
الشاعر البلولة حاج الامين شاعر وابن شاعر حيث والده الشاعر الامين ود بندي ترعرع ودرس في ريفي شندي وزار وجالس كثيرا من الشعراء وخاصة في منطقة البطانة حيث اخواله في ود حسونة وهو ينظم الشعر بكافة انواعه ولكنه بارع في فن الدوبيت ويتميز بان قافيته في الغالب ثلاث او اربع احرف مثل شعر ابوصلاح وعكير الدامرومدائح الشيخ حياتي ونجده يوقع قصائده باسم خال فاطنة او متوكل حاج الامين ويطلق عليه البعض عكير الصغير او امير شعراء حجر العسل للتعريف بشعره ساورد هنانسخة كاملة من ديوانه ادبيات المتوكل الذي لم ينشر والذي يحتوي علي الاتي: اولا : قصة تعارفه مع شيخ شعراء البطانة والبطاحين الشاعر محمد ود نايل والمجاراة بينهم ورثاءه لود نايل ثانيا : رثاءه للشيخ محمد صديق طلحة والذي ابدع فيه بتفرده بقافية اول الرباعيات تعطي اسم ود طلحة كاملا ولاعجابي بها قلت للشيخ خالد ود طلحة عندما قابلته ان هذه القصيدة في رثاء والدكملم ولن يستطيع احد نظم احسن منها. ثالثا: رباعيات وقصة في وصف امراة شبب بها الشاعر ارجو ان تنال رضاءكم (عدل بواسطة عمر صديق on 06-08-2008, 10:55 PM)

06-08-2008, 11:34 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
بسم الله الرحمن الرحيم الشاعر البلولة حاج الأمين أدبيات المتوكل في المجاراة مع ودنايل والمراثي لقد نشأت وإن لم اقل في أُ سرة شاعرية ففي أسرة تعني بالأدب كثيراً لهذا نشأ معي حب الأدب والأدباء والشعر والشعراء . أبي – أطال الله عمره – ينظم الشعر بكل ألوانه عدا الفصيح لأنه رجل أُمي ولكنه موهوب وكان موضع الاحترام من شعراء زمانه الذين سمعوا منه أو سمعوا عنه . هكذا نشأت ونشا معي حُب الشعر والشعراء . وعندما كنت يافعاً كان يزور أبي عدد من الشعراء من جهات مختلفة فكنت لا أبارح الزائر وأتحايل بتقديم الخدمات له حتى يتثنى لي سماع ما يدور بينه وبين والدي . كثيراً ما سمعت في هذه الجلسات قدرا كبيرا من الأشعار وعلي رأسها فن الدوبيت واختزنت منها كثيراً من أسماء الشعراء الذين أثروا الساحة السودانية بإشعارهم . وأنا يافع حفظت جل أسماء شعراء الحقيبة وعلي رأسهم صالح عبد السيد أبو صلاح وسيد عبد العزيز وعبيد عبد الرحمن ومحمد ود الرضي وعبد الرحمن الريح وبطران والخليل وعتيق والعشوق والمساح والعمرابي والعمري والعبادي وغيرهم وحفظت أيضا أسماء شعراء البطانة وعلي رأسهم الشاعر الفحل أحمد عوض الكريم أبوسن وودنايل وود آمنة وود شوراني وود رانفي وغيرهم .وعندما كبرت قليلاً وأصبحت املك حق السفر إلى أي مكان أريده زرت غالبية الشعراء الذين ذكرتهم في سابق كلامي ولكني لم أوفق في زيارة شاعر تعلقت به كثيراً من خلال أشعاره ألا وهو الشاعر محمد نايل البشير شاعر البطاحين المشهور بود نايل. وقد حدث انه في مطلع عام 83 أو قل أخريات 82 ذهبت إلي قرية أخوالي ومقبع الولي العظيم الشيخ حسن ود حسونة "رضي الله عنه" في زيارة ودّية وبعد أن أمضيت أيام الزيارة بأرض ود حسونة غادرتها وأنا في طريقي إلي الخرطوم ومن الخرطوم إلي قريتي كجينة بريفي شندي . وكان أن ركبت علي ظهر البص بعد أن اختتمت رحلتي بجلسة شاعرية نظمها لي شعراء القرية ولا أنسي بأن أقول أن قرية ود حسونة هي القرية الوحيدة التي يقطن بها أكبر عدد من الشعراء ومجتمع ود حسونة بصفة عامة مجتمع شاعري فكل واحد من القرية أما من الشعراء أو الذين يحبونه أو الذين لا يمنعونه . و كنت في ذلك الوقت متعطشاً إلى الدخول في عالم الشعر وفك طلاسمه ولا أنكر بأن الله قد مّن علىّ بموهبة قرض الشعر ولكن لم أضرب شعر الدوبيت حتى زيارتي لود حسونة قبل هذه المرة وبحب الاستطلاع وجدت أن كل الشعر المعاش في تلك المنطقة هو شعر الدوبيت وعندها بدأت أنظم شعر الدوبيت وكان أن وجدت شعراء المنطقة قد أظهروا الاهتمام بتلك الرباعيات الشاعرية بناء عليه أصبحت كلما طلبوا مني الخوض في موضوع خضت فيه . وفي ختام تلك الرحلة ركبت علي ظهر البص وما دفعني لذلك حلاوة الجو ورفقة طيبة من الشعراء حيث ركب معي علي رأسهم العم العمدة ود الأعسر والأخ عبد الفراج وود دقمة الذي كان يعمل بنقطة بوليس ود حسونة والخال حسن محمد عبد الرحمن وكلهم من الشعراء وكنا علي ظهر البص ونحن نتداول أبيات الشعر حتى وصلنا راكوبة صغيرة تتوسط الطريق بين ود حسونة والخرطوم وهذه الراكوبة بها بنتان مخلّقتان تصنعان الشاي وقد جرت العادة بان ينزل الركاب يرتشفون أكواب الشاي ويدفع كل واحد أكثر من ثمن كوب الشاي في شكل مساعدة بوجه خفي . نزلنا من البص ونزلت من البص أيضا ً فتاة غضة ولكن لم تنزل لتناول كوب الشاي وإنما نزلت لتختم رحلتها في هذه الراكوبة دلالة علي أن أهلها يسكنون بالقرب من هذه الراكوبة ، أخبرني الخال حسن أن الراكوبة تقاصد سلمة ود نايل بعد أن أخبرني بهذه المعلومة طلب مني وبإلحاح أن أقول فيها بيتاً تهربت من هذا الطلب ولكن تحت إصرار الخال حسن محمد عبد الرحمن وبقية المجموعة وجدت لزاماً عليّ أن أقول فيها وهناك دافع اكبر من ذلك هو السمات الجميلة التي وهبها الله لتلك الفتاة فإنها وبكل صدق تستحق أن يقول الإنسان فيها شعراً . فقلت فيها : نزل التبري في السلمة البناتا عُدال ناير خدو مرسوم حاجبو ذي الدال الظبي البتوتل وفي المحاص قدّال خلت قلبي لاف ذي بكرة البدال عندها نادي الخال حسن الرفاق وطلب مني أن أسمعهم الرباعية ففعلت . وركبنا علي ظهر البص ثانية مواصلين رحلتنا وفي ركوبنا هذا ظهر علي جانب البص رجل جاوز الخمسين أو خانق الستين يرتدي ملابساً بيضاء لا تنم علي سحنة سكان تلك المنطقة الذين لا يهتمون بنظافة الزى كثيراً نسبة لظروف السكن والعمل وقلة المياه وطبيعة الأرض الحمراء . رجل سمح الطلعة ناير الوجه عندما رأي العمدة ود الأعسر وود قمة كست فمه ابتسامة عريضة وطلبو منه أن يرافقنا علي ظهر البص وقال له ود الاعسر "الليلة ضهر الباظ فيه شاعر" فقال له "شاعر غيرك أنت وود قمة" وبعدها ركب الرجل معنا . وعندما أستقر به المقام علي سطح البص قال لي الخال حسن "دا الشاعر ود نايل" ما قالها إلاّ وقمت بالرغم من سير البص حتى صافحته ولم أصدق عينيّ بأن أقابل الشاعر الذي تمنيت لقاؤه بهذه السهولة وعلي ظهر بص وبدون مقدمات إنها لصدفة وكقول المثل رب صدفة خير من ألف وعد . لم أكمل صمتي إلاّ وخرجت من فمي هذه الرباعية: فرصة سعيدة نتعرف عليك يالشاعر ومن تبينا حسب السمعة بيك بنشاعر تجدني الليلة مغتر وبي إفتخاراً شاعر اسمع منك القول البفيض بي مشاعر التفت إلىّ مبهوراً وطلب مني أن أرددها له فرددتها حتى ظننت انه حفظها . وعندها سال مني الخال حسن فأخبره . اعتبرت هذه الرباعية فاتحه خير وبعدها هيأت كل أحاسيسي بان أسمع منه أكبر قدر من شعره الذي أحفظ فيه الكثير بالنقل ولكن كانت نتيجة هذه الرباعية غير ذلك إذ أن العم محمد نايل لاذ بصمت لم أدري لماذا ، وحسبت أول الأمر إنه يريد أن يقول شيئاً ولكن زاد صمته حتى تأثر به البقية ولم يقطع ذلك الصمت إلاّ كلمات متباعدة حتى شارفنا المدينة أي الخرطوم وبطبيعة الحال ينزل الركاب من ظهر البص إتباعاً لقانون المرور . (عدل بواسطة عمر صديق on 06-09-2008, 00:35 AM)

06-08-2008, 11:46 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
انتقلنا إلى داخل البص وبعدما تحرك قليلاً توقف ، لقد نفد وقود البص. و تشتت الركاب علي ظهر البسيطة كلٌ جلس مع أليفه اما انا فقد أبتعدت من البص قليلاً وجلست القرفصاء مسترجعاً حلاوة المقابلة مع الشاعر ود نايل ومرارة صمته . فاجأني الخال حسن وأنا في لحظة تفكير عميق بطلب متكرر بأن أقول رباعية في آدمية يحبها كثيراً وما كان يدري أنها بداخل البص حتى دخلنا فيه قبل لحظاتومع اصراره قادني من يدي حتى أمعنت النظر فيها فوجدتها لا بأس من القول فيها فقلت : دخــلت الباظ لقيتـا معــانـا ردت بصري بي شع عينا فوق لمعانـا موفورة جمـال مـن الحفـل قنعانـا ما بتحمل سهاما الروس معاها إعانـا وبعد ذلك نادي لود د قمة وود الأعسر واعجبا بالرباعية التي أتت من شاب لم يركب حسان الرباعيات إلا لماماً . وحاول الخال حسن أن يخرج بالشاعر محمد نايل من صمته ولكنه فشل في ذلك . سألت الخال حسن عن صمته فأخبرني بأنني غدرت به و تعجبت من هذه الإجابة ولم افقه ما يريد الخال حسن بقوله انني غدرت بودنايل ولذلك طلبت منه التفسير فأوضّح لي أن ود نايل قد وضع في رأسه إنك تمتحن في مقدرته الشعرية ولم تساعده القريحة علي سرعة الرد لهذا شعر بالحرج وهذا ما قاله في سرية للخال حسن . فتح الله علينا بجالون وقود وتحركنا حتى وصلنا حلة كوكو وصلنا الحلة ولم يتفوّه العم محمد نايل بكلمة واحدة ، نزل قبلي من البص فلحقت به لأمسح من رأسه ما أخذه عني، لحقت به وسلمت عليه ثانية وكشفت له عمّا بداخلي أخبرته بأنني معجب بأشعاره محققاً المثل العربي الذي يقول "والأذن تعشق قبل العين أحياناً" وقلت له : شـــــيخ الشـــــــــعراء يـــــــا ود نـــايل أسمح لي كـــان قصر اللسان مونــــايل أهل الحكمة قالو الما توضع ما نــــايل وبحر الشعر تسحاب غير أوانو منايل هنا قال لي صدقت والله يا ابني بحر الشعر من غير أوانو منايل وأنا عفوت عنك وأهنيك لما تملك من قريحة وخاويتك لوجه الله . من هنا بدأت معرفتي بالشاعر محمد نايل ، معرفة وقعت بالصدفة وتفرقنا بعدها أصدقاء . فارقته في حلة كوكو وما فارقته حتى شعرت بالحنين إليه مرة أخري . تواصل بيننا حبل المودة وتكررت بيننا اللقاءات وكل مرة أقابله فيها أجد فيه جانباً لم أكتشفه في المرة السابقة . إنه شاعر فذ شغل سكان البطانة والنيل يتكلم عن النيل وكأنه قد ولد علي ضفتيه ويتكلم عن سكان البطانة وهو من أهلها كلام الرجل القح . وقد أخد كأس السباق علي شعراء عصره أكثر من مرة وعلي سبيل المثال لا الحصر تباري سبعة من شعراء البطانة علي الوصول بالابل لامرأة بعينها في منطقة بعيدة وقد بدأ القول شيخ شعراء البطانة أحمد عوض الكريم ابوسن حين قال : بعد ما أتفنّط الزهمول وصوته جبك مشيك عنّه ومسارعك برق ونايبك كك علي ست أم مرادا مني أبت تنفك هجم كاضم كذي حاضن الحباره برك فإذا بود نايل يقول في فصاحة متناهية ورقة في الأسلوب : السمع الصنعلو مقيل عنالو مدك أسرع من فوح هرع البروق لا شك علي اللي ليمو لي كل البريدو ترك في دورو البعيدقبل الهجوع برك وهذه تعني آخذه قصب السباق . (عدل بواسطة عمر صديق on 06-09-2008, 00:39 AM) (عدل بواسطة عمر صديق on 06-09-2008, 00:41 AM)

06-09-2008, 00:53 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
وفي غالب رباعياته لا تجده يريد الاستقرار في الدنيا التي لا يتعلق بها إلاّ صغار النفوس وضعاف الإرادة فنجد أن الشاعر محمد نايل قد رثي نفسه في أكثر من رباعية و كأنه يعلم إنه لن يستقر في هذه الدنيا ويشعرك دائماً أن الأيام لابد منقضية فمثلاً \\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\\في المي دايمه كان يسهل معاها ودادا اكون في سعاده أمسي وأصابح الخدادا وفي مقطع آخر :- كان الخظ يساعدني وتلازمو حياتي بنقد حب قنيديلاً سرق له الشاتي ففي كل هذه المقاطع تشعر بمرارة الفراق في حلقك . محمد نايل شاعر يتفرد بأسلوب يعجز الوصف وفي مرة اجتمعنا فيها بادرني بسؤال قائلاً لي هل شفت مشتول حجرة النيل فقلت له لا قال لي ولكن أنا شفته قلت له وين فقال لي :- مشتول حجرة النيل شفته في دينكاوي شرّ وفرعو بوزم للهجيرا بكاوي منتوجو الآلذ من عجوة البركاوي يا قاضي الغرام منعوهو عندي شكاوي قلت له ياعم محمد طبعاً أنا عايش جوار النيل و مشتول حجرة النيل هذا بشوفو كل يوم ولكن أذن لي في أن أجاري هذه الرباعية قال لي أنا ما قلتها ليك إلا عشان تجاريها فقلت :- مكلوف الرشيد الفي لجامو بلاوي تفاح سدرو لي كل البشوفو بلاوي منتوجو البدل أهل المسيد وخلاوي فوق حور الجنان أدا الكريم علاوي لقد أعجب بهذه الرباعية كثيراً وعلق علي المقطع الأخير قائلا ما دام فوق حور الجنان أدا الكريم علاوي نحن نقول شنو تاني ومن هنا بدأت بيننا المجاراة: ذاك الرجل المهيب يجلس معي علي الأرض ويفتح أذنيه لكل ما أقول مظهراً اهتماما لا يتماشى مع شخصية مبتدئة . وفي لحظة تعريف عن معلمات مدرسة جمعته بن ظروف ووجد ما وجد فيهن من الذوق والعفة عرفني بأسمائهن ولكن بطريقة فريدة حيث قال : نجاة وعفاف وسلمي وآسيا مراكب قلبي في لُجة غرامن راسيا كان الدنيا للاعمار بقت متناسيا حجة وعمرتين وتلاته تب مي قاسيا فوجدت نفسي أقول له وأنا شاردٌ في شخص بعيد: نجاة وعفاف وسلمي وآسيا تحت عرش المتوج بي تذلل جاثيا كان من طيبا هبي ليك نسيم الماسيا تعيش في سعادة ما تلاقيك حاجه قاسيا وبعد سألته لماذا جعل نجاة حجة والأخريات عُمر فضحك من قولي هذا وطلب مني أن أقول فيها شيئاً فقلت ولكن بلسانه: نجاة نجفة ونجاة ندفه ونجاة رجواي نجاة ريدك نحل جسمي وفقدت دواي نافرة حي ودونك مدفعاً عواي كريم المولي رمشة عين تجيب دعواي

06-09-2008, 03:38 AM

Balla Musa

Balla Musa
تاريخ التسجيل: 12-30-2004
مجموع المشاركات: 15238

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
الأخ عمر صديق مرحب بيك فى ديار بكرى وأكيد ستكون إضافة قيمة لهذا المنبر.

06-09-2008, 08:45 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: Balla Musa)
الاخ بلة موسي شكرا علي المرور والترحيب وانشاء الله اكون كما قلت

06-12-2008, 00:39 AM

munswor almophtah

munswor almophtah
تاريخ التسجيل: 12-02-2004
مجموع المشاركات: 19368

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
نجاة نجفة ونجاة ندفه ونجاة رجواي نجاة ريدك نحل جسمي وفقدت دواي نافرة حي ودونك مدفعاً عواي كريم المولي رمشة عين تجيب دعواي

06-12-2008, 12:07 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: munswor almophtah)
مرحبتين حباب شاعرنا ود مفتاح ومرحبتين حبابك يا ولدة الصلاح حقيت الشكر با الفارس الجحجاح وقفلت الشعر بالضبة والمفتاح مرحبا بك يا صاحب المسادير وحارس بيت القصيد وسعدت بمرورك

06-09-2008, 09:48 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
نواصل مع الشاعر البلولة حاج الامين:- بعد فترة زمنية ليست بالطويلة أتاني برباعيتين يقول فيهما : نجاة ريله ونجاة بهمه ونجاة نجواي نجاة ريدك كسر قلبي وسكن جواي كان بالصدفة يتلاقن هواك وهواي أسعد يوم أصابح وجهك الضواي * * * * * ما بنساك يا ست ريدي ليك طّراي بساهر الليل أعدد في نجومو براي أفكر في لقاك وينبهم بي الراي أتوسل أردد أخر السراي لعدم اهتمامي بتمكين المعني وربط القافية كالعم محمد فأنا لا أتمهل في كتابة الرباعية فيمكن أن اكتب الرباعية على عجل ولكنها لا تكون ككلام الفطاحل فقلت وبسرعة : نجاة وصفك صفاتو تمحّن القرّاي خصرك بين عواليك سنة البرّاي غناك عبدتو أصبح لي مباع وشراي متفرش جمر هجرك لهيبو خلاي من هنا حلت بيننا المجاراة ولما ذكرته أنفا جعلت العم محمد يقول وأنا أجاريه وأذكر من هذه الرباعيات قيض من فيض . فقال : أمك من خيول ود دمامه جوّاد إنت جنيبه ماضاق لاوحك قوّاد توليد ناماسيدك للصفوف فوّاد أربشيك بياكل الدوسه مو خوّاد * * * * قلت : بت الروقلن مسكن قفي الهوّاد خلت قلبي بطن المستحيل هوّاد ناس لبني الزمان ما برقو ليك روّاد جنّي البي غلب أهلي وشقو العُوّاد * * * * قال : عشة وريثة التامات قدام وجداد جمال واخلاق وزوقاً كمل العداد في المي دايمه كان يسهل معاها وداد اكون في سعادة أمسي وأصابح الخداد قلت : زوقاً فيهو ما بتحصا الحروف تعداد سلطان الجمال في خدو ضوّا مداد حسان الدنيا قبلك أصغرت بي شداد وصغرت من جمالك والحكايه سداد قال : ملكون شمه توليد ناما قالق ساسو جاهل وخلقو ماهل وديسو حازم أنصاصو قوامو قوام معبًد خيل ورقً نحاسو الزوق والعفاف والحشمة ديل ميراسو قلت : عفريت الفراق في قلبي لاك أضراسو فاقد الولّع الشمعة وفتح كراسو الزول المتبّر لي سبايب راسو أنا جنيت به قالو الناس بلع حراسو قال : عاجبني الملك قلبي وبشيقني حديسو عاجبني الفرش لوح الكتيفات ديسو عاجبني البعيده علي الندايد ميسو في المجلس يساوي الفقري والبي كيسو قلت : آسر قلبي ما عرفو البشر تخليسو واضح في هواه وما بدور تدليسو كل الشافو هوّم فيهو طلو طليسو ما بجالس بشر زوقو وعفافو جليسو (عدل بواسطة عمر صديق on 06-09-2008, 09:52 AM)

06-09-2008, 09:59 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
قال : قبيل أُمك كتير دلت سرج منقود وإنت الحشمة ذاتا مدرعابا عقود ادرو ما ها ما بيتع عليك بي نقود جديدة حييتي حظاً كان زمان مفقود قلت : جدك من خيار خيل الرشيد منقود إنت حشيمة ناتره واهيفك معقود فطحل قومو ما بنيل من سناك وقود كيف عيني غيرك ينضمن بي رقود قال : سلكت عليك طريق الريده هاكي يميني شوقك وشرها بيك كل يوم راميني كان ما معاي قلة ختوه شن حاميني ازور وأفشي سراً منطويبو كميني قلت : تمكن في غرامك وعن سواك حاميني هدّ حصن هُداي من الصواب عاميني لو كم القدر بالحظ تصافحو يميني تاني ألاقي جيش جالوت وما هاميني قال : جل الصّورك ذادك جمال وأخلاق تمنيت النفايل كلمة الخلاق فوق لوح الكتيفات برّعي الكلاق للدايرات ذمك دربك هرف ذلاق قلت : جل الصّورك أداك مكاناً راق بناك مشكور وعند الامة كالبراق لمستي العوسه فينا ووصلت الحراق ليه يا ملكه نحن معاك كما الوراق وأردفت : جل الصّورك وهدّل معاصمك وكمل خلقتك ومن إنّ عاصمك رضوان للأرض من حورو خاصمك وزعلان القمر دايماً مخاصمك هنا أوقف العم مد المجاراة حيث قال :- مرسول ليك سلامي مع النسيم يوماتي يامهرة عكود البي الدرع بتاتي كان الحظ يساعدني وتلازمو حياتي بنقد حب قنديلا سرق لو الشاتي فقلت : أهدي ليك تحايا ملازمه لي خلجاتي في بعدك شقاي وفي لماك نجاتي كان المولي هوّن لي قضاء حاجاتي ألازم باب سيادتو اتمهن حجاتي هكذا كانت المجاراة بيني وبين العم محمد نايل ولكل مجاراة قصة أو حدث ولكن لا أريد أن أطيل . (عدل بواسطة عمر صديق on 06-09-2008, 02:51 PM)

06-09-2008, 11:41 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
. وتوالت بيننا اللقاءات والجلسات التي كان يحضرها عدد كبير من الشعراء وفي نهاية كل لقاء نفترق ونحن في شوق للجلوس. في عام 83 حصل للشاعر ود نايل موقف محرج جداً وهو موقف معروف بالنسبة لمعاصريه وهو موقفه مع صديقه الدكر إذ أن العم محمد نايل و علي حد قوله قام معه في البحث عن أغنامه المسروقة ولكن حدث شئ لم يتوقعه أحد إذ أن الدكر نصب شراكه ووجه التهمة لود نايل باشتراكه في سرقة الأغنام وأدخله سجن كوبر ولما خرج من السجن كما خرج يوسف عليه السلام وأقيم احتفال بهذه المناسبة وقد صور الشاعر هذا الحدث بالشعر حيث قال :- يالدكر يخيب مسعاك عليّ جنيت جناية حجتك صارعاك ما السبب الأساسي اللي سأيمتي دعاك ولدك يكون دقوراً والله أمو معاك ولدك من سفاحاً امو مي شرعيه لا قبض الحرامي ولا قبض لو سعيه ورّيتو الأسد خلاهو صّد عليّه وهدك القماح خلاك قبض في نيه سليمان المسمّي علي أبوك ما صحّ من شاف الهدوم قلبو تركش وزحّ اداني السجن قايل الحجر بتلحّ مالك راح و عوضك بقالك وحّ يالدكر بقيت تعبان ولدك ما نجح ولدا بليد وجبان ولدك ودّر المال تبيع ما بان عقب ما يقلعن ياشدرة أم ضبان أتاريك زول مقالب وإحتيال قشاش عديم إيمان فقدت نعاج وراسك داش قجيت لي شرك فخاً هبر معلاش ما سمعنا الغراب في زريبه يوم بنحاش موهوم فيك قبل بي شكرك إتونس لامن بان لي عيبك تب لقيتك أخس أتاريك صوره ساكت في الهدوم مندس عديم إيمان ومفلس لا عضم لا مجس قبل حاسيك رفبقاً للطويلة سعيتو إنت مكرت شرط الخوه ماراعيتو يالدكر علي بعد الشمت وعيتو المتلك بقد نقارتو إن دعيتو قبل حاسيك رفيقاً سيد كرامه وهيبة قمت معاك بي صفا لا مكر لا ريبه عرضتك متاعبي معاك ونيتي الطيبة كلما تقوم علي موضوع تصد بي خيبه يالدكر بحسبك دكري آب نقاره إن متربو بياخد الخوده بي فقاره نيتي إن شاء الله تبقالك تحت عقاره بعد البدنه تصبح من جماعه فقاره نيتي إن شاء الله ليك تحوش وتبقي ليك ورا وقدام بقرةً شوش كل ما تشيل كراعك ماشي ليك تكوش وعصراً بدري فيك متفرجين ناس بوش الخبر اليقين متل الرواهو جهينه خبر آب تكو ماضيكم موضحو بينه السيتوها لي . إنت ونسيبك هينه راجايكم براكم قاعده فوقكم دينه الدكر معاهو نسيبو شيخ إدريس لبدوا لي مباحث شرطه البوليس قايلين بيني ما بين الحرامي حديس ما بدروني صافي نذيه وناعل إبليس حزراك منو ما بتعاشر الحساني أنا عاشرتو بي توب سمعه سيئه كساني قمت معاهو بي مجهود وبرضو نساني أخر القصة في جوه السجن دساني هنا قلت له ياعم محمد أنت راجل وطني وكل المجتمع يحبك ويحترمك فقد جمعت كل الحسانيه في شخصيه رجل واحد ، فشكرني علي هذه الملاحظة فقال :- ما بقصد ألوم لي كل من حساني لكن لومي بس للدكر العاداني ما لقيت لي وجيعاً من خدمتو هداني لامن في زنازين السجن سداني داير رد شرف يالدكر أركز قوي ماشه عليك قنابل من سلاحاً جوي للجار البعيد نارك شراراً يكوي هنا قال لي العم محمد أنت عارف أنا بقصد شنو بي القنابل المن السلاح الجوي ، قال لي أنا اقصد كل الشعراء الذين يعرفون ود نايل والله يا ابني أنت أول الناس المقصودين بالكلام دا فقلت له مافي عوجة إن شاء الله ،

06-10-2008, 09:31 AM

Asaad Alabbasi

Asaad Alabbasi
تاريخ التسجيل: 04-18-2008
مجموع المشاركات: 1969

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ياعمر يا ود الصديق إنت زولي تب وماني مخليك0 هذا مع ترحيبي وتحياتي ووعدي بالعودة إلى هذا البوست الرائع0 أخوك أسعد الطيب العباسي

06-11-2008, 01:59 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: Asaad Alabbasi)
الاستاذ الاديب سلالة الادباء شكرا لك علي الترحيب ومرورك برنجية سعدت بنيلها وانا قرات لك كثيرا في هذا الضرب من الشعر و ولك الاعجاب والود كله

06-11-2008, 02:04 AM

Magdi Ahmed Elsheikh

Magdi Ahmed Elsheikh
تاريخ التسجيل: 03-11-2008
مجموع المشاركات: 7720

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
الاخ عمر صديق... تحياتي... ما شاء الله عليك.... وبكرة بجيك ود شيقوق يسكن معاك سكنه ... انت زولو طااااااااااااااب.

06-11-2008, 05:47 AM

Ahmed Yousif Abu Harira

Ahmed Yousif Abu Harira
تاريخ التسجيل: 10-19-2005
مجموع المشاركات: 2030

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: Magdi Ahmed Elsheikh)
الأخ/عمر صديق مرحبا بك عضوا في هذا السوق الكبير وشكرا لك على هذا الحديث الشيق عن عمنا الشاعر/أمحمد ودنايل ودالبشير والشاعر بلولة حاج الأمين. ومتابعين.

06-11-2008, 10:46 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: Ahmed Yousif Abu Harira)
ود ابو حريرة شرفني حضورك واهدي لك هذه الرباعيات التي سترد في اخر ادبيات المتوكل قبيلة البطاحين البنسمع بيها حتى مرتها بتقابل الضيوف في شبيها لو شافوها ناس للضيف بصدو جبيها تاني تقابل الآلاف تقول لبيها قبيلة تعلم الما بعرفو معني الخوّه كرم وشجاعة وإقداماً معاهو مروّه إن حبوك يشيلوك في عيونهم جوّه إن بغضوك يسولك فعلة السعلّوه خيرم ديمه دافر مستفيض غير شُوّه فرساناً متل أسد الضواري ام حُوّه كم من عاشرم بالطيبه نسّو بُنُوّه وكم كم أنقذو الورطان وقع في هُوّه بي جزء منهميوم الظروف جمعتني في جلسة أنسي من ناس خلاف قنعتني أحيو لي روح في الماضي ما وسعتني لكن بالأسف عين ظبيتم صرعتني

06-11-2008, 09:02 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: Magdi Ahmed Elsheikh)
د مجدي شكرا علي مرورك ومرحب بي ود شيقوق وكل عشاق الدوبيت ديل ناسي طااااااااااااااب

06-11-2008, 12:56 PM

Biraima M Adam

Biraima M Adam
تاريخ التسجيل: 07-05-2005
مجموع المشاركات: 27498

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
الأخ عمر صديق ألف شكر على شعر البادية متابعين بأهتمام .. بريمة

06-11-2008, 02:50 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: Biraima M Adam)
الاخ بريمة اشكرك حتي تستغيث ونواصل في شعر البادية

06-11-2008, 04:35 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ونواصل مع البلولة وودنايل:_ هنا قال لي العم محمد أنت عارف أنا بقصد شنو بي القنابل المن السلاح الجوي ، قال لي أنا اقصد كل الشعراء الذين يعرفون ود نايل والله يا ابني أنت أول الناس المقصودين بالكلام دا فقلت له مافي عوجة إن شاء الله ، وقلت له ماذا فعل يوسف أبوشري فقال :- في شان يوسف أب شري شفت فيه نفيله واضح سيد مرّوه وبي كرامتو كفيله ما تعاون معاك للخطة متخفيله ما عاداني ما أصبح رفيق للقيله مشكور يوسف أب شرا تب معاي ما قصّر ادي شهادة لي عند المقدم فسّر في السواها شيخ إدريس معاك إتحسّر تخطيطك وقع فوق الحجر وأنكسر ما يجحد جميلة دار أبوي حاشاي عيني قويه بيهن بفخر فاشاي ود كيكه وقدور و محمد العشاي قلبو الهوبه ظابطين لي جبنه وشاي فوقي اتالبو الفرسان فصاح القول حسين بلال وود كرار وود شانقول قدامن كبيرنا الشايب المعقول علي ود السمينه الدكري المصقول الأحمر محمد ود بجب مو هيّن يفّرج غمتك حتى إن بقيت مدّين إن عاشرتو طيب عشره جانباً ليّن وإن كاشرتو أحذر منو سيفو يذيّن قالو لي البطاحين كلهم هيّاج في الكرنوس سمعت هناك نترة أب عاج جايين كلهن بي لوري طه الحاج ريُّحن الحسين اللي الحجج رتاج ود البكري ود بت نايل المقدام في كل المواقف ديمه بي قدام إيدو سخيه لايبخل ولا ندام عند الحاره دايماً للمحن صادام

06-11-2008, 04:40 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ونواصل مع البلولة رجعنا ثانية إلى موضوع القنابل المن سلاحاً جوي فقلت له :- ياود نايل القدر اللعين ظلام والكون كالمحيط للخير والشر لام مكيده مدبره ومدروسه مافي كلام دخولك للسجن كالخمرة والأزلام مكتوب القدر قبال بني الاجسام ومجبورين نطاوع القدرو الرسّام يوماً بي نداوه نجالس البسّام ويوماً في السجن لا ضو ولا نسّام أردت أن أزيد ولكن استوقفني هنا وقال لي دا والله كفاية خالس وديل قنبلتين ما بدورن زيادة ، هذه صفحة من صفحات الشاعر ود نايل وصفحاته كثيرة ولكن لا يسع المجال لها . عندما تزوجت عام 84 سافرت بعد الزواج لود حسونة ومعي زوجتي وطبعاً الشاعر ود نايل متزوج في ود حسونة امرأته الصغيرة، أمضيت أسبوع وخلال كل هذا الأسبوع لم يحضر لود حسونة. عندما رجعت قابلني في حلة كوكو، قابلني منبهراً وأخبرني أنه سمع خبر زواجي وطلب من الخال حسن أن يوصله لنا ولكن الخال حسن أخلف وعده. بعد السلام قادنا لدكان من أهل البلد وقدم لنا أكواب البارد وزجاج البيبسى والباسطة والبسكويت فلو نظرت إلى الشيء الذي وضعه أمامنا لما صدقت عينيك . طلب مني أن نرجع معه سلمة ود نايل وأصّر علي ذلك وبعد اعتذار شديد سمح لي ولكن بعد أن واثقته بالحضور إليه في السلمة ... فارقته وأنا عاتب علي نفسي لماذا لم أذهب معه كي أروي غليل روحي المتعطشة له

06-11-2008, 08:35 PM

سمية الحسن طلحة

تاريخ التسجيل: 11-19-2006
مجموع المشاركات: 4735

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)

Quote: هذه صفحة من صفحات الشاعر ود نايل وصفحاته كثيرة ولكن لا يسع المجال لها .

عمر صديق
لك أطيب تحية
فقد أجزلت العطاء
نتابع بإهتمام ونطمع في :
ثانياً
و
ثالثاً
من أدبيات المتوكل

ودمتم بكل خير .

06-11-2008, 11:52 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: سمية الحسن طلحة)
الاستاذة سمية بت طلحة انشاء الله ساورد ثانياوثالثا بعدالانتهاء من اولا والذي تبقي فيه الكثير واسعدتني متابعتك ورأيك يمثل راي العارفين بفنون الدوبيت وضروبه

06-12-2008, 01:32 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ونواصل مع البلولة حاج الامين ليحكي لنا انه عندما جاء الي الخرطوم في طريقه الي شرق النيل حيث سلمة ود نايل موطن الشاعر محمد ود نايل ولكن كانت المفاجاة ان ود نايلقد انتقل الي رحمة مولاه وفارق المي دايمة حسب ما قال في اشعاره التي اوردناها انفا-------------------- حيث قال البلولة :- ... فارقته وأنا عاتب علي نفسي لماذا لم أذهب معه كي أروي غليل روحي المتعطشة له أبداً ولكن لا ضير مادمت سأحضر له في السلمة وفي زيارة خاصة . هكذا فارقته ... وكل يوم أحدد مواعيد الزيارة تبعدها الأيام وظروف الحياة حتى أتت المرة الأخيرة هيأت نفسي وزوجتي وطفلي وحددنا المواعيد وأرسلت للخال حسن بأن يقابلنا في الخرطوم ليرافقنا إلى السلمة ... قابلني الخال حسن وليته لم يقابلني ذاك اليوم، قابلني وتكسو وجهه غبره ... بعد تلعثم صابني بسهام خبر هدّ حصن صبري حتى خارت قواي ، قال لي "ود نايل مات" فصحت فيه بصوت غيرت سحنته المفاجأة ود نايل مات ؟ مات كيف ؟ .. قال لي : قل استغفر الله ود نايل مات وكل من عليها فان . انحدرت علي خدي دمعة مرة وساخنة ، مرةً مرارة فراقه وساخنة سخونة فقده . بعد أن أشبعت الأرض في الدمع وما شبعت مسكت يراع الآسي وكتبت :- (عدل بواسطة عمر صديق on 06-12-2008, 01:46 PM)

06-12-2008, 06:43 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ياجرس البطانة الفيها داوي صليلك أســفار الآدب يطمـح علـيها قليلك متواضعاً صغار القوم يعرفو الليلك فُت الدنيا خليت السواد لـي خليلك حـاشا وكلاّ ما شفت الكلام ما بيلك حـاشا وكلاّ ما لاقاني زول ما بيلك هــاش للضيف وبارد لليمُرّو سبيلك صعباً في المراس أسداً يفكو سبيلك راجـح كــفه في كل الأمــور في جيلك واجباً شــرعي فوق أدب الزمن تبجيلك فت الـدنيا حــولـين نــحن بناجيلك سائل المولي في السعداءيكون تسجيلك عقلك تــام علي فعل الصواب هاديلك طاعم لهجة قمري البان يحاكي هديلك مـتزوّج بنــات الشعر مــافي عديلك الله يعوضك حــــور الجنان في عديلك طبعك زاكي عن غير الصواب ناهيلك زهــت إيامنا بيك والزمن زاهيلك عندك دنيا مافيش فيها حاجةً هيلك وغارت الآخرة من الدنيا تمت هيلك

06-12-2008, 07:45 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
كـم مـن جاهو فيضك وبالقدوم ناويلك وكم من جاهو فيضك ودار يجي يخاويلك فقدناك فـــجأه ما تعوضنا إلا عويلك منو البمسك طريقك خــل يجي يساويلك رب الــقدره بي نــفس الرضا مغزيلك يفوق قول الفطاحل في الروايه هزيلك فــي سلــطان شعر كلم الزمن تنزيلك أريت لــو مت آخــر شان نجي نعزيلك قــولك كـلو حكمه علي الكرامة يحيلك ما بقاسيك تقــول عندك مــلك بوحيلك يـا ود نايــــــل الأصبح زمناً محيلك موت الحكمة في شعراء الزمن بي رحيلك رحل يا أبونا وين يمشي القبيل بشكيلك رحل يا نــــايل الــكل الوطن ببكيلك ندعو المولــي يغفر لـيك ويبقي وكيلك سكــونك في عدن كــل حورة تجي تحكيلك ود نــايل رحلت وفت زاهي خميلك نويــحنا وراك لاراعيتو لاهاميلك فى ريعان شبابك والشباب ناميلك عشان حافظ رقـد لازم تتنى زميلك " حافظ ابراهيم الشاعر المعروف"

06-12-2008, 07:52 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ياسلطان أوانك والزمن صانيلك فاقداك الحسان والكان بجي يغنيلك فاقداك المكارم في بطانتك ونيلك مختار فيك رب الكوثر البانيلك توجناك ملك دايرين نجي نهنيلك حُكم المولي نافذ لي جنودو تنيلك كل العاشرك من قلبو متمنيلك خالد في الجنان وثمارا متدانيلك مبطر في الشعر والألهمك راعيلك سواك فرضه فايق في القريحه رعيلك كت داخرك صديقاً للزمن ساعيلك تجدني الليله بي ساخن الدمع ناعيلك سمعت خبر رقادك والمرض كافيلك سألت المولي عزة قدرتو يعافيلك زملت رحالي لكن قسمه ما أوافيلك فرقت عليّ كيفن بالشعر أوفيلك من ما قمت فايت للبنيبو فصيلك أدبك فطره أبوك بي فلته مو موصيلك ساتر للرباعه موشحن بي أصيلك فجرك بسمة في ضحاك نسمةحكمه أصيلك عند وضع الربط حرف الروي مباريلك أخدت القاش علي كل البجي يباريلك متحسّر عليك شاعر قبيل قارّيلك يبكي عليك بطانتك بي ظباك وريلك احتار القبيل بي كل سر يفشيلك واحتار العشيم والكان يجي يعاشيلك كل زولاً يشوفك يبجلك هاشيلك سمت روحك وأبت هذي الدنيه تشيلك

06-12-2008, 08:55 PM

Elsanosi Badr

Elsanosi Badr
تاريخ التسجيل: 03-29-2008
مجموع المشاركات: 4166

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: عمر صديق)
حبابك يا ولد آلصديق حبابك يا عمر دود الخلا اب عاجات حباب حديثك عن الخالدين تاجات حباب الزينين الخلدوا الكلمات حباب اهل القريض الكيف الجبال راسيات

06-15-2008, 07:37 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوف الشاعر البلولة حاج الامين-مجاراة مع ودنايل ومراثي وغزل (Re: Elsanosi Badr)
الاخ السنوسي بدر ابن البادية لك اجزل الشكر واتم التقدير للترحيب عن طريق الشعر ومعا للتعريف بمصدر هام من مصادر الثقافة السودانية وكن بخير وشكرا لك مرة اخري

06-15-2008, 11:35 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
يا ود نايل الكل الزمن شكارك وينك لينا يالدايماً حكيمة أفكارك وينك لينا يالفايته أب شكيمة أبكارك وينك لينا يا لجرح الفؤاد تذكارك وينك لينا يا لخلقك إلهك وبارك وينك لينا يا اللايكه الحشود أخبارك ذايده الحوجة فيك أبيت زمناً خبارك عليك أقبلنا ما أتعوضنا غير إدبارك صعب دربك علي البعدك ختمت كبارك فت الميس وطامح للبكيل عبّارك فت الدنيا واقفين بالحشود أحبارك في حفظ الله تلقي البيت بخيت ومبارك نايل الحكمة نايل الرفعة نارت دارك فوق لي أعزل الأنجم طلع مقدارك شرقان فيك لي قلباً بإخلاص دارك أجمل من عيوش الغير بشوقو عدارك شد نويحي قال لي عدوي الله أجارك وين يا نايل المابات مضيّن جارك من غابة الشعر ترحل غلبنا هجارك دايرنك تقطع شان نلم نجارك

06-15-2008, 11:38 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
في السودان علم شاقه البلود أنوارك بستان للبجيلك مثمر فتق نوّارك في أبو دليق قلك واقفين صفوف زوارك وفي النيل لينا شيخاً والبلوله حوراك في دينكاوي في السبعات بفني هزارك وكل الجاتو نغمه مناهو لو كان زارك هجرت الدنيا طايعين لي قبول أعزارك تلقي البيت بياض إن شاء الله كيف إزارك ماك شاعراً مسكتو وبيهو ناقح طارك وماك شاعراً بتمرق بره من إبطارك الموت داهمك قبال يتم إخطارك ندعو المولي من رحمه ونعيم إمطارك منو البمسك سلاحك ونلقي عندو عيارك منو البنظم كلامك أو يباري ضيارك حقو السمعو نفسك من بعيد وديارك يبنو عليك بنيّه ويبقو من زيارك كلامك مسكو في بطانتك خيار أخبارك كلامك عند حرائر بنشلن في أبيارك هنية الظلا ظلك أو شرب في أزيارك وبئس الباغضك لو البيجر في تبارك

06-15-2008, 11:44 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
يا بستان هنانا اللينا داني ثمارك لو بي إيدنا تطلع بالألوف اعمارك في عزة عظمتك زاهيات أقمارك منو البعدك بيعمر في الصداقة عمارك أمير في الباديه عز الليل متلعبه نارك ممكن في النظم يهدي البضلو منارك قلبك ضاوي من سود الضغاين نارك مشيت مطلوق وكيل ما يحرقك دينارك إنت فطين ورافع بالمحبه شعارك أخلاقك حميده وظاهره في اشعارك أظنو زمناً من عالم سيُقْبل عارك وكان ما الموت مقدر انت ما ببتعارك يا الخيرك موفرّ مو المقصّر دابك فطاحلة الزمن إنبهرو من آدابك من طيب الكلام حليان دفر سيدابك في رعايه الله نحن وراك فوق ديدابك هادي زمان وشادي آمان الها جابك نديم زاوات ، سليل اوات، اصال أنجابك بخيت الحال جناياً إنكشف لو حجابك يصير كالنابغه البي دعوه إترجابك تساوي ضبيحه لم الضيف تقولو حبابك ود نايل إسم والعمده عنوان بابك لي تخليد حياة الناس وهبت شبابك والما يسوو الكلام إنشهرو بي أسبابك

06-16-2008, 09:36 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ويواصل البلولة في رثاء ود نايل حليلك إنت لمّ تطل تضوي رحابك حليلك إنت يا الغيث المسّري سحابك حليلك إنت زمره عرفتك صالحابك حليلك فت خلفت السواد لي أصحابك عمت شهرتك وكل بقعه تتحكابك فاقداك البلود وفاقدنك أولاد كابك يا قطر الأمان السعدو بيك ركابك لو حضرك لبيد كان مسك في ركابك كم عمرت ليالي الأمة تتسلابك وكم مجلس تنظم بيك وإتجلابك أصانصيرك مجهّز لي صعود طلابك نورّت وشي الزمن في لحظتو الطلابك

06-16-2008, 12:55 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
نلت رياسة حذت كياسة ماشف نابك كيف الدوله عندك صوله عالي جنابك حاتم طي علي فعل الفضايل أنابك قدرك جاناشالك أذاناماخلانانتهنابك خانق القيف خريف وصيف معلّي تسابك ظريف ولطيف حليف وأليف أصيله أنسابك ملك الموت مقدّر إلا لو كان سابك نقدم ميه بدلك كان يسدو حسابك السودان بهز شان وحّدو إتخصابك نصبر ونستكين لكن جرحنا مصابك نسأل ربنا الأنزل عليك الصابك يغفر زلتك ومليكتو تتوصابك كل ما مرّ يوم حسرة القلوب جايشابك فتنا زي عريس كل الخلوق هايشابك يا نايل رقدت عليك تنوح كيشابك فتح وشوف بلودك وكبف تماما اشابك + + تشبيه تشابك التمام بملاقاة النساء في مناسبات العزاء عند ذكرهن لمحاسن صفات الأمواتوالتمامنبات صحراوي طيب الرائحة يستخدم كبخور (عدل بواسطة عمر صديق on 06-17-2008, 00:02 AM)

06-16-2008, 11:44 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
فتنا يا دليلنا ونحن في كُتّابك ومن يوم داك مشت النعمه في أعتابك يافطحل زمانا اللينا هادي كتابك بعد عيشك طمرتو تشيل معاك بتابك ؟ يا الملك العلي كل السلاطين تاجك يا لراوي المحكل بالنجاح إنتاجك ممكن في النظم ليك حكمة في منتاجك ليشنو رحلت يا الكل البلد محتاجك ليشنو رحلت يا الكل البلد محتاجك ليشنو رحلت يا الكل البلد محتاجك هنا جمد الكلام في لساني وأغرورغت عيناي بالدموع فأصبحت لا أري الورق أمامي لهذا أوقفت البكاء بالكتابة والمداد ورجعت للبكاء بالوجدانيات . هكذا انطوت حقبة منيرة من حقبات التاريخ علي واحد من أوائل من شيدو صرح فن الدوبيت .. ولو ملأت كل أوراق الدنيا لما أوفيت هذا الشاعر ما أشعر نحوه .

06-17-2008, 00:03 AM

Magdi Ahmed Elsheikh

Magdi Ahmed Elsheikh
تاريخ التسجيل: 03-11-2008
مجموع المشاركات: 7720

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)

Quote: ياجرس البطانة الفيها داوي صليلك
أســفار الآدب يطمـح علـيها قليلك
متواضعاً صغار القوم يعرفو الليلك
فُت الدنيا خليت السواد لـي خليلك

حـاشا وكلاّ ما شفت الكلام ما بيلك
حـاشا وكلاّ ما لاقاني زول ما بيلك
هــاش للضيف وبارد لليمُرّو سبيلك
صعباً في المراس أسداً يفكو سبيلك

راجـح كــفه في كل الأمــور في جيلك
واجباً شــرعي فوق أدب الزمن تبجيلك
فت الـدنيا حــولـين نــحن بناجيلك
سائل المولي في السعداءيكون تسجيلك

عقلك تــام علي فعل الصواب هاديلك
طاعم لهجة قمري البان يحاكي هديلك
مـتزوّج بنــات الشعر مــافي عديلك
الله يعوضك حــــور الجنان في عديلك

طبعك زاكي عن غير الصواب ناهيلك
زهــت إيامنا بيك والزمن زاهيلك
عندك دنيا مافيش فيها حاجةً هيلك
وغارت الآخرة من الدنيا تمت هيلك

هيييييييييييييييييييييييييييييع عافي منك

ات ود شيقوق ما اديتو خبر يازول..عاد مااتلومت طاااااااب .

06-17-2008, 00:28 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: Magdi Ahmed Elsheikh)
تسلم يا دكتور علي المرور والله ود شيقوق ونادية عثمان وكل عشاق الدوبيت اديتم خبر من العنوان لكن كما يقول المثل السوداني الخيل الاصيلة بتجي في الاخر واقعد عافية

06-17-2008, 09:36 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
في يوم 24/1/89 جاءني الأخ مصطفي الوسيلة علي من أبناء قريتنا العظيمة كجينه جنوب حجر العسل - فأخبرني إنه سمع بتأبيني هذا للشاعر محمد ود نايل وأتاني كما يقول بقدمه : حيث قال :- كلماتك رصينه حوت حلول ومسايل ماتو تحت بيها بقيت كسول متحايل عرفوك ي البطانه وفي كرب ود نايل سلطان ديره ونديم ذاوات وأرقي عوايل

06-17-2008, 02:01 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
لقد نكأ جُرحاً قد إندمل فمسكت اليراع تحت رباعيته كتبت :- أسلوبك متين كدريد وسحبات وايل وكلماتك بجن فوق الرباعا أوايل شفتك بي أكد ما جابو لي قوايل ضبحك جدعة ما بتفرز خلوف وشوايل يا عمدتنا يا رايتنا يا قاضينا يا ود نايل يا رايدنا يا قايدنا يا فاتينا كل مسايل كان الموت بفوت نفديك بكل وسايل أكلنا الصاد عليك وشربنا دمعاً سايل ليشنو رحلت يا عصفور تركت خمايل ليشنو رحلت يا الساعدك بسند المايل ليشنو رحلت يا الليل السترلو عمايل ليشنو رحلت يا اللابس النزاهة شمايل وينك لينا يا الأسد النوايبو نشايل وينك لينا يا التلب اللزوم الشايل وينك لينا يا الكفك بجود بي الشايل وينك لينا يا العينه أم سحاباً شايل البلولة حاج الأمين عبد الله 24/1/1989 أقدم آيات الثناء لكل من وقف معي مشجعاً لوضع هذا التأبين وأخص بالشكر الأخ عثمان الجيلي فضل الله الذي لولا اهتمامه به لما خرج في ثوب يراه أحد . فله الشكر بقدر ما اهتم وهم وله الثناء بقدر ما اندفع . متوكل حاج الأمين عبد الله

06-18-2008, 01:56 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
بهذا يكون الجزء الاول من ادبيات المتوكل قد انتهي حيث تعرفنا علي علاقته بودنائل والمجاراة بينهم وسوف انتقل الي الجزء الثاني والثالث في بوست جديد بنفس العنوان لتفادي خطأ في العنوان لايمكن تعديله وشكرا

06-18-2008, 01:56 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
بهذا يكون الجزء الاول من ادبيات المتوكل قد انتهي حيث تعرفنا علي علاقته بودنائل والمجاراة بينهم وسوف انتقل الي الجزء الثاني والثالث في بوست جديد بنفس العنوان لتفادي خطأ في العنوان لايمكن تعديله وشكرا

06-18-2008, 06:29 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ساواصل في ادبيات المتوكل بناء علي رغبة الشاعر البلولة حاج الامين والذي قال ان هذه المواصلة ستحفظ وحدة وتسلسل ادبيات المتوكل وعندما اخبرته بالادباء الذين تداخلو وقف عند الاخت سمية الحسن طلحة وقال لي انه يعرف الحسن ود طلحة ووصفه بالشاعر المجيد ذي الثقافة والتعليم المرموقين وبطلب مني اهدى هذه الرباعية لها حيث قال: سمية انشاء الله فوق كل المراتب تسما بت ودطلــحة فــي سودانا نعم الاسما اسياد الفخار اهــــل المقام الاسما احفظا يا حفيظ بي كـن وســر الاسما

06-18-2008, 10:23 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
سمية الحسن طلحة وكل اهل البطانة وكل عشاق الدوبيت لاشك ان الناظر محمد صديق طلحة عليه رحمة الله فقد عظيم لكل اهل السودان ولذلك قد رثاه الكثيرين ولكن رثاء البلولة له في ادبيات المتوكل لااعتقد ان احدا يمكن ان يجاريه وذلك لان الرباعيات كلها بها قافية في اخرها بحيث نجد كل ثلاثة رباعيات لها قافية واحدة ولكن الشئ العجيب ان حروف بداية كل ثلاثة راعيات هي م ح م د ص د ي ق ط ل ح ه وكما هو واضح تعطي هذه الحروف التي تبدأ بها كل رباعيات اسم محمد صديق طلحه وتابعو معي وفي انتظار تعليقاتكم

06-19-2008, 08:14 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
ونبدأ مع البلولة حاج الامين في الجزء الثاني من ادبيات المتوكل الخاص برثاء ود طلحة : بسم الله الرحمن الرحيم الإنسان بطبعه لا يريد الأتراح ولكن تخللها للأفراح هي سنه الحياة . لقد ربطتني أواصر المودة بشاعر البطانة المعروف المرحوم محمد ود نايل البشير ، واستمرت بيننا حياة حبيبه وفجأة خطفته مني يد المنون فتجرعت كاس الصبر عليه وعندما مرت الأيام قليلاً وبدأت أسترجع هانئ حياتي معه مسكت اليراع وأبنته تأبين الابن للوالد والأخ للأخ والصديق للصديق . تسّرب هذا التأبين في بعض الأنحاء ووصل لجزء من البطاحين . وبعد فترة زمنيه أتت الفجيعه بفقد شيخ أوانه وسلطان زمانه الشيخ محمد صديق طلحه. وكنت أعلم أن محمد ود نايل رافدا من بحره الزاخر . قابلني بعض البطاحين وكل من يلقاني ابتدرني بالسؤال لماذا لم تأبن شيخ العرب ؟ كنت أتهرب لأن معرفتي بشيخ العرب ليست دقيقه وعلاقتي به ليست لصيقة . ولكن مكانته السامية والطلبات المترامية أوجبت علي تأبين هذا الرجل العظيم . ولو كنت من أقاربه لألجمت المصيبة لساني ولما استطعت أن أكتب فيه حرفاً واحداً . فألي ما كتبت عنه أنتقل : بلوله حاج الأمين 13/3/1993 م

06-19-2008, 09:16 AM

الطيب شيقوق

الطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)

الاستاذ عمر صديق

الدكتور مجدى

Quote: لكن كما يقول المثل السوداني الخيل الاصيلة بتجي في الاخر

لا والله ما في الاخر لكل اللوم بيجي بالغفلات سااااااااى وتاني مانا فايتين بلد الدامبوي والدانقوى ده يا عمر اخوى .

الدامبوى والدانقوى دى مفردات ناس الحلفاية ما سمعوا بيها لكن يا مجدى جاييك وجهز كراستك الحديث هنا بيكون مشاتر طااااااب غير اليوي والسلعلع والطلح والطندب واللعوت والكتر والتبر والحنتوت والانيس والشخلوب والطباعة والمحارة ما عندنا نضم طااااااااب .

06-22-2008, 01:37 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: الطيب شيقوق)
ود شيقوق الشاعر خريف الرازة تسلم والبوووووووووووووووووووووووووووست نور وبالمناسبة مفرداتك دي القلتها لي دكتور مجدي ذكرتني قصة تحكي عندما كان قسم المساحة بكلية الهندسة بجامعة الخرطوم مقصور علي الذكور فقط بحجة ان عمل المساحة في الخلاء ويصعب علي الجنس الناعم, قيل ان اول طالبة ارادت الالتحاق بالقسم كان رئيس الشعبة بان قال لها: نحن اولاد الخرطوم عندنا فيهم رأي خلي البنات ................................... كمان ياود شيقوق كلامك دا صعب علي ابناء الريف خلي ناس الحلفايا

06-19-2008, 09:22 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
1 م مــن ولدوك لـم تصرخ بل إستهلالك ح حاكيت فيهو جداً مــن بركتو ملالك م مسكت ثدي الرضاعة وأظنولم يحلالك د داير لك شريك تقـسم معاهو حلالك 2 ص صادق فـيك اسمك وبالنــعم ظلاّلك د دايم خيرو يُـسرا والصــعب ذلاّلك ي يا دوب مـن نطقت والفــلاح هلاّلك ق قــمر الحكمة من علياهو إتدلاّلك 3 ط طابت هــذه الدـنيا البـقت شايلالك ل لـوولك تاج عمر سنتين ظروف مايلالك ح حويت الحنكةفي السبعةالأيام خايلالك ه هدـية أبوك بالـهدي والصلاح كايلالك (عدل بواسطة عمر صديق on 06-19-2008, 01:08 PM)

06-19-2008, 01:14 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
4 م مشكور من طفولتك بين رباعتك وجيرتك ح حميد في السيرة معروفك مقتّي هجيرتك م من حبّاك مرفوع واللّباك في حيرتك د دا شان معزولة في بداية الخلايق جيرتك 5 ص صميم من قمت عند الأُمة خيرة خيرتك د دهين قولك سمين عالية ورصينة ذخيرتك ي يتمحّن عشيمك في عطاك و دخيرتك ق قط ما عبّروك كايلين وعرفو أخيرتك 6 ط طليق لفظك طليق كفّك مضئية بصيرتك ل ليلك طاوي قايم شايلة فيك حصيرتك ح حين ما تدلهم تمرق سماك نصيرتك ه هالك من دخل بحرك بتبلعو صيرتك 7

06-19-2008, 06:39 PM

سمية الحسن طلحة

تاريخ التسجيل: 11-19-2006
مجموع المشاركات: 4735

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
لك الشكر أخي عمر صديق والشكر موصول للشاعر الأديب البلولة حاج الأمين الذي كنا ننصت لأدبياته في خشوع وأنت توالينا بسلسلها الذي لانود إنقطاعه ولامقاطعته لولا أن الواجب يحتم علينا رد التحية إن لم يكن بالإمكان الإتيان بأحسن منها فلست في معرض مجاراة لهذا الشعر الفاره الفخيم ( ولكنني أدلي بنزر يتاح لي * ولاعيب ذو فقر إذا قدم النزرا) سمية انشاء الله فوق كل المراتب تسما بت ودطلــحة فــي سودانا نعم الاسما اسياد الفخار اهــــل المقام الاسما احفظا يا حفيظ بي كـن وســر الاسما بلولة ومن جنانكم جاتنا أطيب نسمة في كسب المكارم وافرين النصيب والقسمة يا البي صارم قوافيك الأمور منحسمة يدوم عزك وليك الدنيا يوت مبتسمة

06-22-2008, 01:05 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: سمية الحسن طلحة)
بت ود طلحة لكي الشكر الجزيل علي هذا القدم الموقل في الشاعرية وسوف ارسل تحيتك للاخ بلولة وبسعدني ويسعده مشاركتك وشكر ا ثانية ايتها الاديبة المالكة لناصية الشعر الجيدوازاهير الكلام

06-22-2008, 01:48 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
7 م ما تميت خمسة عشر عزلت سميرك ح حكّمت العقل مولاك رضاك وضميرك م مصحف ثم سنة صلاة نبيها أميرك د دامع في الذكر طارد هواك تشميرك 8 ص صيى دابك دريفين التلوب بشّيرك د دوماً في الفريق فاقد العشيم وعشيرك ي ياما ليك كف فاضح النذير وبشيرك ق قالق في الصلاح خدّام عُلاك مشيرك 9 ط طال باعك علي عمرك ختمت كبيرك ل لم ينضب معينك يا الحكيم تدبيرك ح حزت كياسة ليك فصاحة في تعبيرك ه هميم وفهيم تحيّر للبعيد وخبيرك

06-22-2008, 01:51 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
10 م مسكت أولاد ابوك وعدلت عوجة راسا ح حافاك با الوداد خاتاك تاج فوق راسا م مسلّح بي فضايل أقلّ فيها فراسا د دفّيع البهيل هيلك قديمة وراسا 11 ص صفيت لي حسابا تم مضيت كراسا د دقيت النحاس ضربت معاهو جراسا ي يات الجوك تلوب خاتة الحجر في اضراسا ق قدت زماما يا التلب الصحيح حّراسا 12 ط طحينك من كترتو يقلّب الدرّاسا ل ليلك ضاوي عقلك للبضلّو دراسا ح حُب الناس مزكيك وبقيت نبراسا ه هادي زمان صعاب كل آن عرفت مراسا (عدل بواسطة عمر صديق on 06-22-2008, 01:53 AM) (عدل بواسطة عمر صديق on 06-22-2008, 10:21 PM)

06-22-2008, 08:22 AM

الطيب شيقوق

الطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)

عزيزى عمر

كيفك

Quote: وبالمناسبة مفرداتك دي القلتها لي دكتور مجدي ذكرتني قصة تحكي عندما كان قسم المساحة بكلية الهندسة بجامعة الخرطوم مقصور علي الذكور فقط بحجة ان عمل المساحة في الخلاء ويصعب علي الجنس الناعم, قيل ان اول طالبة ارادت الالتحاق بالقسم كان رئيس الشعبة بان قال لها: نحن اولاد الخرطوم عندنا فيهم رأي خلي البنات ...................................
كمان ياود شيقوق كلامك دا صعب علي ابناء الريف خلي ناس الحلفايا

والله ضحكتني

ات عارف يا عمر اخوى لما كنت محامي بمدينة السوكي اكان اهلي عرب البادية بيجوا المكتب جارين عكاكيزهم ولو عندهم قضية سرقة ضانية بس بجوك زى عشرين واى واحد فيهم عايز يتكلم مع المحامي . ومرات بقول ليهم انا حرم اكان ما سمعت نمة ما اعتب للمحكمة وناسك يقوموا يتجادعوا عليك بالنم يا زول ناس البندر يجوا يتفرجوا في مكتب المحامي الصار خيمة الحاردلو .

الظريف انو القضاة دائما بيكونوا جايين من الشمالية او الخرطوم ولما تبدأ الجلسة ويجي دورى في ال cross examination وهو مناقشة الشاهد بقوم بدخل مفردات بدوية خالص زى وسم البهائم الشخلوب والطباعة والمحارة ومرات اوصاف للقش او النباتات زى الرزة والانيس والتبر . واحد من القضاة رمى قلمه في الطاولة قال لي وت شيقوق جيب لى مترجم انا ما عارف بكتب في شنو .

جاييك راجع

06-22-2008, 09:38 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: الطيب شيقوق)
ود شيقوق فعلا اختلاف المفردات بين اهل الحضر والبادية امر معهود منذ سالف الازمان في بلاد العرب ولذلك قرأنا في كتب الادب ان من كان يريد ان يتمكن ابنه من الشعر واللغة العربية يرسله الي البادية لينهل من معين لغتها ويعرف غريب الفاظها ومعانيها بل اننا نجد ان الشخص الواحد تختلف لغته عندما ينتقل من البادية الي الحضر وفي هذا تحضرني قصة الشاعر علي بن الجهم الذي عندما حضر من البادية وكانت مفرداته متاثرة بتلك البيئة قال في مدح الامير: انت كالكلب في الوفاء وكالتيس في قراع الخطوب فانكر عليه بعض شعراء بغداد في ذلك الوقت هذا الاسلوب ولكن قيل ان الامير تقبله منه لانه كان يدرك انه قد اتي من البادية لتوه وعبر عن مدحه بما يحثه ويعرفه من كريم الصفات وامر ذلك الامير بان ينقل علي بن الجهم الي محيط يمثل قمة حياة الحضر وقضت توجيهاته بن يكون مقره في حي الرصافة في بغداد ولم يلبث هذا الشاعر وبعد ان تشبع بمفردات الحضر ورق طبعه واختلفت عند الالفاظ والمعاني ان قال : عيون المها بين الرصافة والحسر جلبن الهوي من حيث ادري ولاادري وعلي ذات المنوال اري ان ود شيقوق قد حدثت له هذه النقلة وبعد ان كان يتحدث عن انواع النبات والانعام اصبح يتحدث عن باص الروصيرص وكذلك نحن علي ذات المنوال ولك شكري ومودتي

06-22-2008, 10:09 PM

سمية الحسن طلحة

تاريخ التسجيل: 11-19-2006
مجموع المشاركات: 4735

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
4 م مشكور من طفولتك بين رباعتك وجيرتك ح حميد في السيرة معروفك مقتّي هجيرتك م من حبّاك مرفوع واللّباك في حيرتك د دا شان معزولة في بداية الخلايق جيرتك 5 ص صميم من قمت عند الأُمة خيرة خيرتك د دهين قولك سمين عالية ورصينة ذخيرتك ي يتمحّن عشيمك في عطاك و دخيرتك ق قط ما عبّروك كايلين وعرفو أخيرتك 6 ط طليق لفظك طليق كفّك مضئية بصيرتك ل ليلك طاوي قايم شايلة فيك حصيرتك ح حين ما تدلهم تمرق سماك نصيرتك ه هالك من دخل بحرك بتبلعو صيرتك 7 لوحة نتأملها ...

06-23-2008, 07:32 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: سمية الحسن طلحة)
الاخت سمية بت ود طلحة نشكرك علي المرور والمتابعة وفعلاهذه لوحة شعرية تحاول ان تجد في كلماتها اوصاف شيخ محمد عليه الرحمة ارجو بعد اكتمال هذه المرثية ان توصليها لشيخ خالد ود طلحة لانني كنت قد وعدته بارسالها له

06-23-2008, 10:45 AM

الطيب شيقوق

الطيب شيقوق
تاريخ التسجيل: 01-31-2005
مجموع المشاركات: 28804

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)

شيخ العرب ود الصديق

Quote: وعلي ذات المنوال اري ان ود شيقوق قد حدثت له هذه النقلة وبعد ان كان يتحدث عن انواع النبات والانعام اصبح يتحدث عن باص الروصيرص وكذلك نحن علي ذات المنوال.

هو بص الرصيرص براهو آ عيسي ؟

06-23-2008, 11:53 AM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: الطيب شيقوق)
ود شيقوق ياعزيزي الباص جا علي وجه المثال لاكثر وهنالك امثلة كثيرة وانت سيد العارفين علي اختلاف استخدام ادوات ومفردات اللغة حسب البيئة التي يعيش فيها الانسان ودي ذكرتني واحد بلدياتنا لاعلي قول زكريا حامد انه لم هذا البدوي الخواجات ومعه طفلهم يرطن بالانجليزي استغرب ذلك وقال والله حاجة عجيا رايبة حتي شافعم بتكلم بالانجليزى

06-23-2008, 12:13 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
13 م مما البرلمان هموبو جات أخبارو ح حسوبو الجنين شقو المجال ما تبارو م ميّزو لي حشودو الوقّروهو كبارو د دلت بي اصواتا كل الناس بقت أحبارو 14 ص صندوق الفرز مرقت حقيقه استارو د دخلت البرلمان فيك المعاك إحتارو ي يخجل من دخل ذيّك يشوف إقتارو ق قلبو يقولو شن ناسك وشن إختارو 15 ط طلعت ذكرتك عامه البلد لي امصارو ل لميماً كانو ضدك من جماعتك صارو ح حقيت كل قول يالغير عداد انصارو ه هديت الكان مقصّر والطويل قصارو

06-23-2008, 01:07 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
16 م مدد البرلمان إتجددت جددّت ح حسادك تضيع لا نالو لا تهددّت م محال تمسك عداوه وتعفي ما ترددّت د داوي نحاس عُلاك ياللي النصر عددّت 17 ص صالح الأُمة صالحك حاشا ما تمذذّ ت د دراكاً تسعي لي خير منو ما تلذذّ ت ي يمين الجاك تهب لي طلبو ما تعذذّ ت ق قلمت الكان مشاتر وللفتن جذذ ّت 18 ط طلّ عهد جديد ومعاهو ما تكممّت ل لبسو الكاب وإت بي عزّك اتعممّت ح حليف ليك النجاح يا اللي الرتب تممّت ه هذي نفيله فيك ولي الشروخ رممّت

06-23-2008, 11:03 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
19 م مواكب كل وضع في الأمه بتجاريهو ح حاكم كل عهد ثابت تقول جاريهو+ م ممكن في أساسك وكل فن داريهو د دستور البلد حافظ جوه وقاريهو 20 ص صامت والله ناطق كل زمن ماليهو د دكيت النظارات الواطي من عاليهو ي ياك صاحب الكرامات والكتاب تاليهو ق قمر السبعتين مين البهل تاليهو ؟ 21 ط طابور التواريخ ما ذكر حاكيهو ل لزوماً ذي سيادتوا كل زول باكيهو ح حسيت عبرتو وشميت عبير ذاكيهو ه هل في هذه الدنيا البجي يحاكيهو +"نيلو" اذ يطلق اهل الشمال لفظ الجاري علي نهر النيل

06-24-2008, 12:50 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
22 م مذياعاً نحس نقل الخبر وصلّو ح حرّك كل سوداني الحداد فصلّو م مافيش زول عليك دمعاتو إتعصلّو د دفنوك في صدر كل النباك حصلّو 23 ص صبراً يساوي فقدك ما عرفنا محلّو د دردرنا الزمان ما دام عطاك رحلّو ي يا حاتم زمانو الفوقو نزلو وحلّو ق قرضو الليلة عبراتم وبالصاد حلّو 24 ط طعم الدنيا فقدك في النفوس غسّلّو ل لفيفاً ناح عليك ما فيش لفظ مسّلّو ح حاسرين الرؤوس ندعوه نتوسّلّو ه هانيء تعيش جوار الفي الختام رسّلّو

06-24-2008, 02:48 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
25 م ما طلعت شمس فرقك جروح تتجدّد ح حفت ألسن الشعراء البكاها مردّد م موت الأمة حق بس فيك صبرنا مهدّد د داهمنا إنصراع بي وراك ما بسدّد 26 ص صاقعه خبر رحيلك لي الحسيس ومبلّد د دارفينك تلوب بس إنت ما بتتقلد ي يومك زعزع الصابو اليتم وإتجلّد ق قدر المولي كان بقدوهو تبقي مخلّد 27 ط طويت ذاكي التواريخ وفيك قلبنا موجّد ل لحاف إن شاء الله ليك من قوف جنانو منجّد ح حسناتك تفوق المات شهيد وإتهجّد ه هاش عايش معزز في نعيمو ممجّد

06-24-2008, 10:45 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
28 م مختار فيك إلاهك بي رضاه يغمرك ح حليم وعليم رءوف ورحيم يطيّب أمرك م ممتسلين نطيع أمرو ونلازم جمرك د دعواتنا الجميع من طيب جنانو يعمرك 29 ص صابك شيء مقدّر لي ختامك أدرك د داركك القدر ولو غيرو ما نال بدرك ي يباب أصبحنا غيرك ووين سفينه صدرك ق قليل القلتو فيك مثقاله ذر من قدرك 30 ط طل اشعاري ذرات من ينابيع نهرك ل لميما يساوي من تاريخ عظمتك شهرك ح حكم المولي ليك إن شاء الله في طول دهرك ه هابّي عليك نسيم رضوان ونافحك زهرك البلولة حاج الامين_ قرية كجينة - حجر العسل 13/3/1993 م

06-25-2008, 07:49 AM

سمية الحسن طلحة

تاريخ التسجيل: 11-19-2006
مجموع المشاركات: 4735

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: عمر صديق)
الأخ عمر ودالصديق جزاك الله خيرا وأنت تصلنا بمنابع الإبداع ، وأعتبر وصيتك وصلت لشيخ خالد. 7 م ما تميت خمسة عشر عزلت سميرك ح حكّمت العقل مولاك رضاك وضميرك م مصحف ثم سنة صلاة نبيها أميرك د دامع في الذكر طارد هواك تشميرك 8 ص صيى دابك دريفين التلوب بشّيرك د دوماً في الفريق فاقد العشيم وعشيرك ي ياما ليك كف فاضح النذير وبشيرك ق قالق في الصلاح خدّام عُلاك مشيرك 9 ط طال باعك علي عمرك ختمت كبيرك ل لم ينضب معينك يا الحكيم تدبيرك ح حزت كياسة ليك فصاحة في تعبيرك ه هميم وفهيم تحيّر للبعيد وخبيرك

06-25-2008, 08:59 PM

عمر صديق

عمر صديق
تاريخ التسجيل: 06-06-2008
مجموع المشاركات: 14776

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: عشاق الدوبيت: تعالو شوفو الشاعر البلولة حاج الامين-مجاراة مع ودنايل ومراثي وغزل (Re: سمية الحسن طلحة)
الاخت سمية الحسن طلحة شكرا لكي علي المرور والمتابعة وبهذ يكون الجزء الثاني من ادبيات المتوكل قد اكتمل وهو كما اسلفت في رثاء ناظر البطاحين الشيخ/ محمد صديق طلحة وهذا الرثاء الذي يتكون من 120 بيت و30 رباعية وكل تلاثة رباعيات بدايتها تعطينا اسم محمد صديق طلحة ولها قافية مختلفة ومع اعجابنا بهذه المرثية المتمميزة الا انها لا تساوي شيئا بما عرفته البلاد عن الراحل شيخ ودطلحة نسال الله له الرحمة والقبول

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]