|
|
 بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :)
|
قبل ان اكتب انطباعي الشخصي عن اللقاء، أود ان احي الإخوة و الأخوات القائمين على أمر هذا اللقاء، و اخص بالتحية و الشكر الأخت د. داليا الكباشى، فقد كانت شعله من النشاط، و الدينمو المحرك للقاء، فقد أشرفت على اللقاء بطريقة أخرجته على أبهى ما يكون.
فقد حاز اللقاء على 15 من 10 فى كل شئ، الحضور رائع، المكان جميل، الأكل شهى، الغناء شجي، أما الاستقبال و الحفاوة و الكرم لا يوصف.
عبدالرحيم منصور
الخرطوم
*
**
ترقبوا المزيد من الصور
*
**
|
|
 
|
|
|
|
|
|
|
 Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: منال)
|
الله يديهم العافية بورداب وبوردابيات الوطن الغالي، ويحفظهم، وينمي العلاقات الانسانية الشريفة، الكريمة، المحبة، بينهم.
وأن ينمي علاقات سودانيزأون لاين لعلاقات طموحة، إنسانية رفيعة، تكون مثار غبطة من الآخرين
...........
ونهنى الأخ عبد الرحيم بما قاموا به نحوه
...........
ربنا دائماً يجعلهم سائرين الى الأمام في العلائق الانسانية، بورداب السودان.. ونسأل الله أن لايجعل بينهم دخيل أو مندس، أو عدو للمحبة الخلاقة والانسجام والتواؤم، والتوادد، والتعاطف، والتآذر، والتكاتف، والتعاضض، والتعاون،والتلاحم، والتواصل، والأريحية، والطيبة السودانية..
| |
|
|
|
|
|
|
|
|
 Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: Abdelrahim Mansour)
|
Quote: ممثل نظام الذل والاهانة الان في ضيافة النظام المستبد
وا عجبي من اناس يعملون علي تشويه سودانيي الخارج وسودانيات الخارج
وعمر الظلم والاستبداد قصير حتي ولو طال في نظر العصابة
التحية للصادقين والصادقات من اهل الوطن الجريح
عبد الرحيم منصور بوق لعبد المحمود ممثل السفارة او السودان في الامم المتحده |
يا صبري الكلام ده ما سليم منك.
يا أخ صبري دي كانت لمة وما عندها علاقة بالنظام والظلم والإستبداد والبوق والفوفوزيلا!!!
الأخ عبد الرحيم منصور كان ضيف لبورداب الخرطوم زيو وزي أي واحد من بورداب الخارج لما يجي الخرطوم ويقابل البورداب الهنا.
عندك أي حسابات معاهو ما تصفيهو في بوست مخصص لإحتفال البورداب بإخوانهم الضيوف من الخارج.
لو ده كان بوست عن ندوة سياسية ممكن نلقي ليك العذر بس الحكاية غير يا عمك
تقبل تحياتي.
| |
|
|
|
|
|
|
|
|
|
Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: Mohammed Awad)
|
| Quote: في ضيافة النظام المستبد |
صبري الشريف النظام المستبد ديل منو بالضبط ؟
شوف ياصبري نحن - بورداب الخرطوم - ما قاعدين نتعامل مع الناس على اساس انتماءاتهم السياسية والعرقية ولا الدينية فاهم ولا لا .. وبعدين تعال هنا انت ذاتك مش ضيفناك واحترمناك هل حصل يوم واحد زول اتكلم معاك في سياسة ولا قال ليك انت كدا ولا كدا ... والجلسة دي كانت جلسة عائلية واستقبلنا فيها اخوة لنا وماكان المجال مجال سياسة وانت جربت بنفسك ... لو سمحت تعال خم مداخلتك دي واتخارج لينا من هنا الله لا اعادك .
____
اخونا عبدالرحيم
شكرا للبوست وشكرا لقبولك وتلبيتك الدعوة
ونعتذر لك نيابة عن هذا المعتوه
| |
|
|
|
|
|
|
|
|
 Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: Mohammed Awad)
|
الأحبة:
شول اشوانق دينق
خضر حسين خليل
Mohammed Awad
عبدالعزيز الفاضلابى
عبدالوهاب علي الحاج
بشير أحمد
ahmed haneen
محمد عبد الماجد الصايم
سلامات
أشكركم و بشده، الأمر أهون ان نضيع زمننا في الرد عليه، و إننا إن ردننا على كل من فتح فاه لصار الحجر مثقال بدينار.
خلونا نركز في توثيق هذا اللقاء التاريخي، الذي بذل فيه الإخوة و الأخوات بورداب و بوردابيات الخرطوم زمنا ليس بالهين في الإعداد و التنسيق و العمل لإخراج اللقاء على أبهى ما يكون، و قد كان.
عبدالرحيم منصور
الخرطوم
*
**
| |
|
|
|
|
|
|
|
|
|
Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: Ali Sirelkhatim)
|
شكرا لكم بورداب الخرطوم
شكرا لتواصلكم الاجتماعي الجميل
داليا يا بت اهلي
يمين اباهي بك الشمس
العوض يا سيد الحارة
يديك العافية في عضامك
طارق الامين صديقي وود دفعتي
يديك العافية ويخلي ليك الحاجة
شول-بيناوي-نعيم-ناذر-خضر-آل حيمورة
فيصل-حذيفة-كبسور-وهبة-تبلدينا-طارق ود جيرانا
عصام عبد الحفيظ-ناجي الملك-محمد عادل -فادية- انعام عبد الحفيظ...الخ...الخ
شكرا ان جعلتم للفرح معنى
ناكفتكم كتير لمحبة يعلمها الله
احببت طيبتكم من على البعد
تسعدني لماتكم دايما
اجد فيها سلوى وانا بعيد في تلك الفيافي
احبكم جميعا
احبكم بجميع اطيافكم السياسية التي تنسونها وتتواددون
| |
|
|
|
|
|
|
|
|
|
Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: Abdelrahim Mansour)
|
ألخ المنصور والأخوة بورداب الخرطوم سلامات
قلنا ليكم الأخ عبدالرحيم اين ما حل سوف يكون اضافة
انسان شعلة من النشاط والتفانى فى خدمة الآخرين
وصدقونى لولا معزتكم عندنا كنا حسدناكم على وجوده بينكم
ومقبل الأيام سوف تظهر لكم معدن الرجل أكثر فأكثر
ونحن على الرقم من الحزن الذى خيم علينا بفراق أخ عزيز وأمين عام الرابطة السودانية الأمريكية الا أننا الآن فى غاية السعادة
لأن الأخ عبدالرحيم ومن دون شك سوف يزرع المزيد من الابتسامات بينكم وسوف يواصل العطاء من الخرطوم الجميلة
والأخ عبدالوهاب الف حمدلله على سلامتك وبركة الشفناك طيب
وعلى الرقم من أن المعرفة ما زالت بيننا اسفيرية الا أننا والله نحس بك أكثر من أخ
وشكراً للأخ بكرى سيد الحوش صاحب الفضل الكبير فى خاق فرصة لأبناء الوطن الحبيب للتلاقى والتعارف
الأخ مزمل خيرى كيف حالك يا غالى والله عدسة المنصور رجعتك 10 سنوات للخلف أمسك فيهو قوى يا أبوجوان
الأخ عماد الشبلى شكراً للتوثيق لكن يالحبيب انتظر شوية وحاتشوف العجب من كاميرة المنصور
الأخ صبرى الشريف عليك الله أطلع منها
Quote: الأخ المنصور سلامات
لا تأبه يا أخى للذين يحاولون أن يجردونا من أجمل ما فينا
وهو سودانيتنا التى نفتخر ونعتز بها
فهم تراهم يدخلون دون سلام أو تحية ويصرون على لغة التهكم والسخرية والاساءة لكل من يخالفهم الرأى
وهم بإسم المعارضة المظلومة يدعون لأنفسهم حق تقييم الآخرين ووصفهم بأبشع الأسماء
كانما المعارضة عندهم تعنى زرع الضغائن والأحقاد حتى فى الأفراح والأعياد
حمانا الله وإياكم والجميع من ضيق الأفق والضغينة وقصر النظر
أدامكم الله يا صديقى وأنتم تعملون دون كلل وبكل تفانى فى خدمة الآخرين |
الأخ الريس العوض المسلمى تحيانتا ليك يا راقى
Quote: شكرا عبدالرحيم منصور فقد اسعدتنا بحضورك وتشريفك
وكنت صاحب دار وليس ضيفا فجالت كميرتك وسط الحضور فاشاغت البهجة والسرور ...
نتمني ان نتلقيك في مقبل الايام .. وتحياتنا عبرك لكل بورداب امريكا وواشنطن ونيويورك .. |
سلام لكم جميعاً وابقوا عشرة على المنصور
| |
|
|
|
|
|
|
|
|
|
Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: حسن حماد محمد)
|
الأعزاء بورداب الخرطوم ( لا عزاء لبورداب الهامش)
لكم أجمل التحايا و الود ..
أما وقد فضحكم و فضح أفعالكم العزيز عبدالرحيم منصور فأنني أعلن لكم عن برنامج إستقبالي لدى زيارتي للسودان ( زول جرئ) و نزهي ..
- أول هام أبعدوني عن اللحوم وخاصة قندهار والدجاج وخلافه لأني قرفان من الحاجات دي .. وبما أنني نزهي فحقيقة سأكتب ما أشتهيه هنا ..
1 ـ فول بالجبنة و زيت سمسم من معاصر الهميم بالصابونابي أو معاصر الحاج محمد أحمد بابكر من أم روابة.. يا حبذا لو كان من مطاعم عرمان بأمدرمان أو الأنصاري أو مطعم سعد بودنوباوي .. أبوالعباس is ok كسانوتشات.
1 ـ سمك بلطي من سوق الموردة مطعم العم الراحل السوكي .. وبالعدم سمك صير أو أقاشي من بانت شرق جوار د الباقر home أو بيت عمي العزيز البكباشي أحمد بشير طمبل جار د الباقر.
ـ كوارع حاجة آمنة في الصحافة شرق .. يا سلام .. أجمل كوارع X أجمل شوربة أكلتها في حياتي ..
ـ لمة ونسة تكون فيها إنعام حيمورة وشقيقها علاء أعضاء البورد ومعاهم أعدقائي في البورد وهبة و عصام دهب .. بعدين آل كباشي و المسلمي .. يا ريت تلموا لي في أجمل أعضاء البورد من بري الخرطوم ـ عاصم الحزين ـ والله فاقده بالجد .. و معاهو زهير الزناتي .. وياحبذا لو قطعتوا تذكرة لبنت أهلي المحس نادية عثمان و معاها ناس أبنوس .
ـ وجلسة حلوة مع أخي الأكبر الفرجوني وآل البنا العظماء .. ياريت و ياريت
ـ صلاة جمعة في جامع شروني مع شيخ يحيى ـ يا سلام ـ والذي يعيد لي الصفاء الروحي بخطبه الجميلة وصوته الشجي وخاصة حينما يرتل القرآن ..
ـ أعزائي بورداب الخرطوم لكم كل الود و المحبة ودام جمعكم و دامت لمتكم.
| |
|
|
|
|
|
|
|
|
|
Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: عادل نجيلة)
|
بورداب الخرطوم حلووووين كعادتكم
ضيوف بورداب الخرطوم نورتوا البلد و بالجد إتمنيت لو
كنت معاكم ، إجازة سعيدة للجميع و إن شاءالله ترجعوا بالسلامة
يا صبري انت مش الناس ديل إستقبلوك بنفس الحفاوة و المحبة ؟ في زول
منهم سألك عن إنتماءك ولا جهويتك ؟ تفتكر كلهم متفقين معاك في توجهاتك
الدينية و الحزبية ؟ ابدا" و اكيد لا بس عادة اللمة الزي دي ما ندوة سياسية
ولا تطبيل لحزب معين دي لمة اهل و اصحاب و احباب بدون فرز كيمان ... ياخي
إتق الله في الناس و بطًل رمي بالباطل ..
| |
|
|
|
|
|
|
|
|
|
Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: heba Elmahi)
|
ياسلاااااااااام على بورداب الخرطوم .. قاتل الله الغربة الكربة البتحرمنا من اللمه الحلوه ..
دائما تنشروا الفرح والمحبة واللمات الحميمه .. نعم الخوه الصادقة النبيله ..
شكرا بكري ابوبكر .. تعرف كل ما ادخل الحوش ده بدعي ليك (غايتو لو غفر لك يبقى انا السبب) هههههههه
شكرا .. طارق اللمين .. ود الناس الطيبين .. لوجود الحلوين فى دارك وحسن استقبال ..
نسأل الله ان تعمر دارك الثقافية .. وبكره تبقى اكبر واوسع بكتييييييييير ..
مشكور الكريم الهميم اخو الاخوات / العوض المسلمي .. والله انت محل فخر ..
وتسلم البطن الجابتك .. مهما قلنا في حقك برضو مقصرين .. تسلم ..
داليا .. دكتورتنا الجميله .. بك القلوب ترفرف بالبهجة والمحبة (داخل مستشفى الشعب ..برضو ) ههههه
كل بورداب الخرطوم .. الانعامتين .. ياخ ديل انا ما بقدر اكتب عنهم اي شيء ... كل الفرح والسرور ..
كل بورداب الخرطوم .. انتم الفرح .. انتم اهلنا الطيبين الحلوين .. ربنا ما يحرمكم من بعض ..
بورادب الخارج الضيوف ... يا سلااااام عليكم .. حقيقي تستاهلوا كل انواع الاحتفالات ..
نسأل الله ان ترد الغربة .. وتنالوا كل المقاصد يارب ..
شكرا ليكم كلكم كنا معكم بحواسنا .. فانتم الجمال اينما حليتم ....
يا سلااااام يا وهبه فرحته لما شفتك وانت بصحبتك العافية .. ان شاء الله ما تشوف شر ..
أسأل الله أن يظلكم جميعا تحت ظله يوم لا ظل إلا ظله ..
ودمتم في الحفظ ..
| |
|
|
|
|
|
|
|
|
|
Re: بورداب الخرطوم، حفاوة و كرم و استقبال حار بالبورداب الزائرين - كالعادة صور كميات :) (Re: عفاف الصادق بابكر)
|
Quote: شكرا لكم بورداب الخرطوم
شكرا لتواصلكم الاجتماعي الجميل
داليا يا بت اهلي
يمين اباهي بك الشمس
العوض يا سيد الحارة
يديك العافية في عضامك
طارق الامين صديقي وود دفعتي
يديك العافية ويخلي ليك الحاجة
شول-بيناوي-نعيم-ناذر-خضر-آل حيمورة
فيصل-حذيفة-كبسور-وهبة-تبلدينا-طارق ود جيرانا
عصام عبد الحفيظ-ناجي الملك-محمد عادل -فادية- انعام عبد الحفيظ...الخ...الخ
شكرا ان جعلتم للفرح معنى
ناكفتكم كتير لمحبة يعلمها الله
احببت طيبتكم من على البعد
تسعدني لماتكم دايما
اجد فيها سلوى وانا بعيد في تلك الفيافي
احبكم جميعا
احبكم بجميع اطيافكم السياسية التي تنسونها وتتواددون |
طارق جبرين
والله حننتني
رايك شنو نقوم نلم الجماعة ديل كلهم ونجيك هناك؟ علي الاقل نهرش ليك المغاربة ديل امكن يرضو يدوك اجازة
عبد الرحيم منصور ياخ صورنا وينا؟؟؟
| |
|
|
|
|
|
|
| |
Abdelrahim Mansour
معتز القريش
منصوري
omer osman
طارق جبريل
عماد الشبلي
Mohammed Awad
Omar Bob
الامين موسى البشاري
معاوية عوض الكريم
الشاذلى خيرى عبد الله
احمد محمد بشير
مزمل خيرى
khaleel
MOHAMMED ELSHEIKH
العوض المسلمي
ناذر محمد الخليفة
هاشم أحمد خلف الله
SHIBKA
حامد محمد حامد
Ahmed musa
عبدالعزيز الفاضلابى
شول اشوانق دينق
خضر حسين خليل
عبدالوهاب علي الحاج
بشير أحمد
ahmed haneen
محمد عبد الماجد الصايم
حاتم الياس
Faisal Elrasheed
انور التكينة
Maawya Hussein
بكري عباس علي
Ali Sirelkhatim
شهاب الفاتح عثمان
هاشم محمد الحسن عبدالله
حسن حماد محمد
عفاف الصادق بابكر
ابو يسرا
بكري الخير
داليا الكباشى
عزام حسن فرح
فايزودالقاضي
أحمد الصديق
معتصم محمد صالح
فيس بوك
تويتر
انستقرام
يوتيوب
بنتيريست