دعواتكم لزميلنا المفكر د.الباقر العفيف بالشفاء العاجل
|
|
 ود شيقوق وودالبوش وود المنسي هام
|
نحمد الله خجينا الببسي ,,,, وما اترعناهو قدام الناس
لا بنعرف النعيز ولا دوا الكديس
اولاد مدن
شفنا السينما وسمنا أ لاب يو
ف شنو
كيف يعني تقولو
انا بتاع عشر ولعوت
وبعد شويه تقولو باكل الحنبق والبانقيقا من البحر
هوي انا بتاع
زهور وغروب الشمس علي ضفة النيل ترسل اشعتها المذهبة نحو ظلال الاشجار المنحية تقيم صلاة الشكر صوب الكائنات في اعماق النهر المتدفق كعاشق هرول نحو عشقيته في حب مستهام
ف شنو
شوفو ناس الضهره وين وناس السرحه والسعيه والبقر رضعن
وعلق للحماره وشدها
امشو سري
واركبو عري
ما تتباطو
فتكم عافية
باي
|
|
 
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: الموجعني عياطم لي في مباجحاتم ,,, قايلني منهم
كلامهم كوتر شي افرزو وشي يغلبني
لا شركنا للطير
ولا قبضنا الصير |
ههههههههه
حاشاك يا ود أبوسن
والله يا يابا لو ربوك في ناطة سحاب ياك ود ابوسن
جنى بطانة
ومن شينبك دا
نفخ في نار بيعرات البقر للشاي المقنن
السمك بتقول لي حوت
الكبريتا كسفريتا
الشباك في المطبخ قال المطبخ قال( التوكل ) عندكم دمبوية
كدي عاين في عيوني في ود مدن عيونو كدا إت الشمش صقعتك لآمن تصر عينك
يعني التكنك كربت في وسطك البنطلين دا خلاس ود مدن
جنى بطانة جنى بطانة وإن سكنت كوستي
هههههههههههه هيييييييييع
أنا الككو الفجخ الطين أنا الضب الوقع في العجين
| |
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
اها جنس النضمي ده بخلي الزول يتلبب عكازو
ها زول ود مدن
لبست الشارلستون واكلت اللكوم
لا شفت الدوكة ولا بعرف المعراكة
قالو
بتولعو البعر في الواطة العزازه لامن تهبد النار ,, تنفضو الرماد وتكتحو الدقيق وتدوهو اللبن وتاكلوها عصيدة لبن لا حله لا كانون
احمد الله بنولع البوتجاز بدون كسيريتا اتوماتيكيا
وبناكل الباسطه ولا بنلحس ورقتها
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالله ود البوش)
|
ها اللخو الجهارات دي حقتكم ,,, لانا بنعرف الشيش بيش ولا اليك ,,,لا صفجرجت لا اطعن هنا
لعبنا في الكراسي مصنقرين ,,,, ونجرك الخمسين لامن تقول يامين
هيع خلو الليجي اب راسن متل اللدايه قايلني بخاف منو ,,, نعمنك ما حدثوك
نحن ناس اقنعني بالمنطق
خلي اليجي امنطقو ليك منطق لامن يصد راجع لي غنيماتو وينخس في سنونو
بندراوي ونص وخمسه وميه ,, بعرف الفنيله وما بقول قينله
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
| Quote: لبست الشارلستون واكلت اللكوم |
هههههههه
الشارليستون ... أكيد تريفرا ولونو كبدي أو اصفر يا عررريب
والجزمة كعبا أظنو ضهر مسدس هههههه
تقيف في صف السينما لما ودوك كوستي من البطانة من عصراً بدري
هييييييع عرريب ودقش المدينة
| Quote: لا شفت الدوكة ولا بعرف المعراكة |
لكن كان برسلوك تجيب الطايوق والدقوقة ###### الزيت
Quote: قالو
بتولعو البعر في الواطة العزازه لامن تهبد النار ,, تنفضو الرماد وتكتحو
الدقيق وتدوهو اللبن وتاكلوها عصيدة لبن لا حله لا كانون
احمد الله بنولع البوتجاز بدون كسيريتا اتوماتيكيا
وبناكل الباسطه ولا بنلحس ورقتها |
ولعت في كبر وأكلت في كبرك الباسطة
حرّم إن أكلتها زمان كان جاتك حصبة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: د.محمد حسن)
|
Quote: امممممممممك عمك حسبو براهو شتت قصبو
انا هين بجيك شيقوق واخليك تقول القوق
وادق ليك الجهارات واتا تقول فوق
وفي اللخار اقوليك سنة يا وِرْوِ تاني بتجي السوق |
ههههههههههههههه
فرش ههههههه
العرريب في شئ مهلوس لي
دقش كوستي وإتفنجر وسوا في تِكة سروالو لمبة
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
| Quote: عيييييييييييك علا يكون متفنجر بعقالو مدروع زي السبحة في رقبتو |
ههههههههههههههه وهيييييييييع وكُف كرف
يا ود ابو سن جاتك صاقعة الدندر البتخوي
دنقر وصنع لي السما الليلة شن بتسوي
دفرنا قِدامنا رعد الليل دويهو مضوي
في الأسم ودشيقوق هيل ابوهو مضوي
أرقد عافية يا جنى البطانة المتبندر
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
تعرف يا دكتور ناس الصي ديل مدرعني جنس تدريع
يكدو فوق الدليب والدوم لامن كسر سينناتم ويحلو بالحمبق واللالوب والنبق
الواحد مشمر سروالو زي المكوك وخايض المويه ,,, يطارد في الصبر والارنب بي سفروقو
نحن اولاد بنادر ومخنا حاضر
لاخضنا طين لا سكينا الوزين
نقرطع في البستي كولا ساي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: نحن اولاد بنادر ومخنا حاضر
لاخضنا طين لا سكينا الوزين
نقرطع في البستي كولا ساي |
حرررم الطين تكون تخمج فيهو في ضهاريك وقت الهجير ومحكاكتك في تكة سروالك الكراعو واحدة طويلة وواحدة قصيرة
حت مرات تكون متلهم المحكاكة وبالك مع الزرزور تقوم بالغلط تخمش العنكوليب من رقبتو ههههههههههههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: أحمد الشايقي)
|
قالو يا الشايقي ناسك ديل واحدن فيهم اتدلي ليهو في حله بعيده ,, وجابو سيره الزونباره
قالو ليهو يتعرفها
قالهم أيا
اها رسلو ليهم شافعين بالحمير في الهجير يكوسوها في الحلال
جو متراوحين للعصير فرحانين شايلين الزونباره
زولك مسكها
وقلبها جاي جاي
وقال
هيع اريت موحومد اخوي معانا والله بضربها ضرب
| |
|
|
|
|
|
|
|
|
 Re: ود شيقوق وودالبوش وود المنسي هام (Re: أحمد الشايقي)
|
حرم الليلة علا نخلي ضبانك اور وانوني
عليك الله شوف الجنا المتلصق في جنوي البنادر ومجفلين منو ومو رضيان بينا نحن اهلو
بقت عليك يا ود اب سن حكاية الغراب الداير احاكي قدلة الطاؤوس وغلبتو المحاكا
الخترا داير ارجع لمشيتو قام نساها كلو كلو
ما شايفو اسع اعرج ساكت واتعولق
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: ههههههههههههههه وهيييييييييع وكُف كرف
يا ود ابو سن جاتك صاقعة الدندر البتخوي
دنقر وصنع لي السما الليلة شن بتسوي
دفرنا قِدامنا رعد الليل دويهو مضوي
في الأسم ودشيقوق هيل ابوهو مضوي |
هيييييييييييييييع والحالة لسع ما ترا ليهو لورا وجاهو دافر
هيييييييييييييع تور الجاموس اب رقادا لخ
قت ليك الليلة بنخلي ريحتو صنان صنان
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالله ود البوش)
|
قت ليك يا ود المنسي وشيقوق حكاية ود اب سن دا ذكرتني حكاية الجنا الجانا في حلتنا
مع ولدنا البقرا في الخرتوم وقالينا الجنا دا من الخرتوم
اها قنا نقوم بالواجب والزمن داك الجداد عزيز خلاس
حرم الجدادة ما بتنضبح الا تكون عيانة ول سيدا عيان
والمح مابتتجض علا واحدتن تنفش ول تمزر ول لي ضيفا من البندر افطروهو بيها
اها رسلوا الشفع افروا بالحلة القطوا المح وعارفين الجدادة المبيضة والجدادة المعنقدة والراكضة وام محا ممز عارفنها
اها جابو البفطر جنا الخرتوم
وبعد دخلوا ليهو الفطور جا مارق واحد اضحك وماسك قدومو بيدو العسير كاتما انفجار الضحكة
مالك يا جنا بتتكشم زي نار الهلبة
قال الجنا دا غشاكم ساهي مو من الخرتوم كان بعيدا كيفن اكون من التكلة الفكي حامد
كيفن عرفتو ؟
قال انا ما باكل محير الجداد
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالله ود البوش)
|
ها زول ها ما تتنبر ساي
نحن الدوابي بنسيهن حبل لي وسار العناقريب
وابواندرق ضناب للحمار
ده زمان قبل النهضه
هسه ناس بندر بنركب الهاي لوكسي
ما سافرنا فوق ضهر لوري شاحنلو عيش
بنقفل القزاز وبنشغل الرزاز لامن الواحد يبقي صاقط زي نخره جرقاس
قايليني ما خابركم وخابر جغوبكم والكراكير والدانقا ,,, خابرن من التلفزيون لا رسلوني لي طايوق ولا شديت واسوق
لا لبست الخوسه فوق الضراع ولا شمرت كايس الصراع
لمو فارسكم ماتاكلو الضباع
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: ها زول ها ما تتنبر ساي
نحن الدوابي بنسيهن حبل لي وسار العناقريب
وابواندرق ضناب للحمار |
خد ما بتشوف زولك رجع لاصلو وقال انا اخو البت اللكعت قرن الخمرة النازة
من اللول قلنا ليك ما تبقى عليك حكاية الغراب وتباري اللالاية
اركز وشنق طاقتك وغني بنات الريف جفلن زي ما قاليك ود الشايقي مع تحياتي ليو
ما تبقى زنبار قداد هبوب ساهي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
ههههههههههههههههههههههههههههههههههههههههههه
دا ما اياهو الجايب ليكم القوب يا عولق الصعيد
اخير نحن بنلعب ام بعيرة ببعر العنز
.
.
طور الجمال بسوي القوب لوووووووووووووووووووووووووووووووووووول
كلموا عولكن اتلقي لاسع في غباهم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: قايلني مثل ابوالرقيع
قبضوهو مع الطير
قال فار
قبضو مع الفيران
قال طيره
ود بندر بندراوي قايلني بقهي فوق بنوت البندر الزي الكاستر بالرز ومكتوح فوق سكر
مارق علا بجيك اب راسا مدقوس متل التبشة المفجوخه |
أثبات هوية
الأسم : عبدالحفيض .... كدي بنادوك أهلك
الجد ود أبو سن إتكامل بطانتك قبُل ماتهلك
النِضيضيرات أكربا بي دلق وأقدل بي مهلك
ما تدرع البِنِطلين وقِمِيص أفرنجي ما شبهك
الكستر بي الرز دا هولنا ناس الضهاري إت عرفتو من وين سمعت بي في قناة النيل
الأزرق
شن فطرت الليلة بي مح وحوت كوستي السمح وطاعم ؟؟؟
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
ههههههه
ود حنوتا
فاطر بي سمك مع الصديق عضو المنبر
معاوية الزبير
فوق خشم البحر
رواكيب السمك
وشربنا قهوة حامد
الله لا جاب عقابكم
ماكم ناس قص الاتر خابرنو
الواحد غنمايتو تروح سنوات يشوف جنا جناها ولا صوتو يقول
حرم بهيمتي
نحن ناس الجي بي اس وقوقل مابس ,, بنقراك بالدي ان اي
هسعتي يكون قايلها اكله
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
ها جنا هوي انقرع
اسما القفور دي ألتكم
ابوسروال وطبق الدار
انا حفوظي العثولي بقولوها لي كده
اتدلعت ومصيت البزه
ما زيكم
يجيبو ليكم قزازه البستي كولا وهنبوكه ويقولو بزه
اكلت الايس الكريم وشربت الايس كوفي
قالوا واحدن ليكم عجبو الايس كريم صراهو في هدومو في شنطه الحديد وركب حمارتو موديهو الحله
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
الاصدقاء اعلاه
للبوست قصة
حين يتملكني الحزن ألجأ للفوضي ,,, والعبث ,,, والهظار الذي يحرج عن الخط
ولي حزنا خاصا ولود البوش مثله ويزيد
فلأخرج نفسي واخرج ود البوش
والمرفعين بعرف جوعار اخوهو
وانتو ما بتزعلو مني
احبكم
وبرضو ود بندر
| |
|
|
|
|
|
|
|
|
 Re: ود شيقوق وودالبوش وود المنسي هام (Re: عبدالله ود البوش)
|
حرم ان جيت لي حولك ما نخليك
.
.
.
وبالفعل صديقي الراقي عبدالحفيظ ابو سن خليتني اضحك زي العولاق
وطلعتني من تلك الموجة العنيفة الى رحاب القرقراب البرئ
الله اديك العافية
لك كل الود والمحبة الصادقة ومثلها لود شيقوق وود المنسي ودكتور محمد حسن والشايقي
والى اللقاء
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: ههههههه
ود حنوتا
فاطر بي سمك مع الصديق عضو المنبر
معاوية الزبير
فوق خشم البحر
رواكيب السمك
وشربنا قهوة حامد
الله لا جاب عقابكم
ماكم ناس قص الاتر خابرنو
الواحد غنمايتو تروح سنوات يشوف جنا جناها ولا صوتو يقول
حرم بهيمتي
نحن ناس الجي بي اس وقوقل مابس ,, بنقراك بالدي ان اي
هسعتي يكون قايلها اكله |
مالك عوجت خِشيمك وقتا سمك في خشم البحر
كان تتمها وتقول آكلنا حوت
ولا دا كان درس امس ( عبيدة عطا الله المعلم ) وروك الحوت اسمو سمك
قص الأتر ...
بصارة وموهبة من المولى الكريم في عُلاه
قاصاً للدريب الزي عقاب التيه
مافي خبير بشق التيه علي بلد الدوابي
دحين يا وجنى أرجع لي عقابك
قتا لي بقيتو بتاعين جي بي أس
ها ألبل بتركبو ليها جي بي أس هههه في رقبتا ولا في السرج العليهو تويجيري أو مرعيد
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
يا ود اب سن
ها زول امسك ناسك ديل فراملن سفنحة مربوطة بدلقون اخدر ما بتوقفن
وكان جاك داك قطر بس
اجي متلهمك زي تور ود الحسين كلامك الريحتو سقافة سقافة الكتبتو دا ما بعرفوا ليك
عرفتو انا بس عشان اهلي قروني زيادة لووووووووووووووووووول
امسك الواحد من اضانو واضرب ليهو فيها تلفون قوليهو هولن ام بعيبش غرقت هههههههههههههه
.
.
قال بمص البزة قال
البزة نحن بنتشريها للدغور وعلبة النيفيا بنكشحا في الوطا ونمردغ ايدينا منها في التراب عشان ندفسا سعوط
ونغني فوق الكسكتة دردق بي يا اللوري دردق بي ونطلع العالي وندلا بالدقداق
هييييييييييييييييييييييييع نحن البنتمشش بالضريسا مسنووووووووووووووووووووحا بالغبا
قال بمبرز قال
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: روضه شنو يا زول
ده عيب عديل
حرم الروضة ما شفتها إلا بعد وديت بتي ليها
روضه ! قايلنا مايصين
روضتنا دفيسبه الشارع ده
بزه ! بزه شنو
تتلهمك اي مره والده وعندها فضل لبن |
امممممممممممك ناس الصعيد انقرضو
الروس الروس
حباب التروس
من الدفسا للقطع نفسا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: امممممممممممك ناس الصعيد انقرضو
الروس الروس
حباب التروس
من الدفسا للقطع نفسا |
هههههههههههههه
وهيييييييييييع يا ودالبوش
زولك رقد ستا
القرية والريف ما بتنكر
كُت جاي وأول لي
هوي يا وليد
يا ............
إتلحلح وأقيف دُغري
وهات سدرك معا سدري
لكن حنَّ ورجع لي اصلو
الرجوع للحق فضيلة
حرَّم ود أبوسن لو رضع البزة ود شيقوق فطر في جهلو بي الهوت دوق
وودو الحضانة
حرَّم ود ابوسن لو لحس لي أيسكريم
ودشيقوق دفرو في عربة أطفال للحديقة يغير هوا لكي ينام بالليل غرير العين
ود ابوسن حنكو بي تمرة ناشفة
وسقو بي الباية من يومو ماشاف بزة
ههههههههههههههههههههه
ود شيقوق الككو الفجخ الطين
وأنا الضب الوقع في العجين
وود البوش في ضراعو سكين
افتح بوست جديد قول في قتا الرووووب
وتبت لي ربي ورجعت لي أصلي
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
Quote:
حرَّم ود أبوسن لو رضع البزة ود شيقوق فطر في جهلو بي الهوت دوق
وودو الحضانة
حرَّم ود ابوسن لو لحس لي أيسكريم
ودشيقوق دفرو في عربة أطفال للحديقة يغير هوا لكي ينام بالليل غرير العين
ود ابوسن حنكو بي تمرة ناشفة
وسقو بي الباية من يومو ماشاف بزة
ههههههههههههههههههههه
ود شيقوق الككو الفجخ الطين
وأنا الضب الوقع في العجين
وود البوش في ضراعو سكين
|
هههههههههههههههههههههههههههههههههها مسنوووووووووووووووووووووح
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: بنحلي بي كريم شانتي وفواكهه ما شفتها انت ولا سمعت بيها
بناكل الباسطه ونشرب الايس كوفي |
عاين دا كضاب كيييييييييف؟
انا عااااارف بتحلي بحنبك الطندب والمخيت والغضيم والقنديل
انا خايف تقوم تقرش ليك فرع هيكبيب يغطس حجرك دا
تخريمة ساي :
يا حليل ( الهيكبيب) دا من اخطر الاشجار للجمال - جغمة واحدة من فرع هيكبيب بتكتل الجمل .
هذا النوع من الاشجار انقرض تماما في الصعيد الان .
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
كوستي صارت جردا
لمو فيها قطع
حطب عواسه والحطب داك حق الحروم
ولسه شغالين
اقطع احرق للفحم وجيه حالك مع ناس الغابات ادفع الرسوم
زمان كنا بنهاجر لي تمر ابونا والسيسبان ناكل ساي
ولا حديقه المفتش كلها فواكه حتي الباباي ,, بقت شيشه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
| Quote: اقطع احرق للفحم وجيه حالك مع ناس الغابات ادفع الرسوم |
اي والله - زمان القنديل واليوي ( دا اليوي الغنت فيهو بت مسيمس مدحا في ود حبوبة عندما قالت فيهو (اسد اليوي)
و اليوي دا من الاشجار التي يصعب الوصول الى ساقها من فظاعة شوكها وقوة عودها وغزارة فروعها - اهلنا زمان كانو بيعملوا من حطبها الملودات للحش - كان عود الملود يحرق بالنار و يقشر عشان المزارع يتجدع بيهو وقافي ساي .
كان الهيكبيب و السلعلع والعنبة وكانت ثمار الكوك ( الكوكة ال.....) يا المنسي
كان شدر الطلح في اطراف الحلة لل..... والصمغ واللحايا
كان الابنوس والصباغ والقنديل والاندراب
كانت التمليكة والبرنجة والضنباية والظبرطاية تنمو باطراف القرى
كانت الحلة ايام الخريف ما بتنشق من ابو اللصيق البتلاقا في الدوداب
كان وكان وكان
يا حليك يا بلد حماتك من ضباط الجيش وحراسك من سلطات الغابات هم الذين كشفوا عورتك للجفاف والتصحر
الجوع والعوذ وعدم انشاء مشاريع تستقطب الايدي العاملة هي التي اجبرت الشباب للانصراف لعمل الفحم وابادة اي نبات على سطح الارض
لو كنت المسؤول في هذا البلد لوزعت البوتوجاز مجانا للناس حتى يستغنوا عن الفحم تماما
يبقى السؤال الملح - كيف نحارب الطابق البوخة - يا عبد حفيظ اخوي - حتى تعود بيئة لما كانت عليه ؟
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبيد الطيب)
|
كيفك يا العبيد اخوي
والعيد مبارك عليك وعلى جناك
Quote: أفرح كتير ساعة المغيب لمَن حريق طَلحِك يقيف
وجنب الهشاب فى كم قِطار يتهادى صمغو على الرّصيف
ما الرّاعى والريم والطيور محتاجه لى ضُلُّو الوريف
وين ُ ُإنتصارك لى الورود ؟ ما قلتى إحساسِك رهيف
كيف يِرضَى ليك تِتعَصفرى وتأتِّمى البرَم البِقوم |
والله يا العبيد اخوى - الله يكرمك - شيخ حنفي - احييهو من هنا - ابياتو دي حقو ناس حماية البيئة يرسموها ويعلقوها شعار في جدران حيطانهم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: د.محمد حسن)
|
Quote: قايلني بحلي بي عنكوليبه ولا امص لي لعلوبا
بنحلي بي كريم شانتي وفواكهه ما شفتها انت ولا سمعت بيها
بناكل الباسطه ونشرب الايس كوفي
عان ده
بلدكم الحمار كان ربطو فيها يقوم فازي |
مالك رجعت تهضرب تاني بعدما أعترفت
ابوسن كان مشتهي الكوفي مكياتو والايسكريم بس قول أنا وليد بطانة بجيب ليك منهن وبجيك في كوستي
في الضحية الجاية دي بإذن الله لكن ما تقعد تنطط زي عتود البرم هنا وهناك
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
هههههه
عتود البرم
كان ضبحو ما بزيل قرم
وكان خلو ما بعشر غنم
قت لاك نحن لهجتكم دي بنعرفها تراث ,,, دراسة تاريخ
ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم
شغالين حبوبه ونسينا
والطغيان فيكم لمبه ام شريط
لا بتعرفو الرتينه ولا مشيتو شارع كارتينا
قوعادنا معاكم بندور نثقفكم بس
وين ناسك عردوا
سامع حس كرعينهم في ص......هم يسون طج طج طج
هيع قولو
خالي الحوته
بقيلكم
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: هههههه
عتود البرم
كان ضبحو ما بزيل قرم
وكان خلو ما بعشر غنم
قت لاك نحن لهجتكم دي بنعرفها تراث ,,, دراسة تاريخ
ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم |
ألحق يا ودشيقوق وودالبوش
أتصلت بي صديقي أبوعبيدة عطاالله وجاب لي خبر المسنوح المتنكر لبطانته
قال لي خلي أي شئ
يوم عرسو ( يوم الحنة ) ما سكنو 5 أيام بطلعو بس في الشوك من كرعي زبعدها 15 يوم
ماشقين لي كرعي في زيت وموية وبالليل بلسيو لي الشقوق بي ودكة ويحرقوها في الشق
وبعد دا ولي الليلة كرعي بتولد يتارات كهريائية مع ملاية السرير
شق الأرض القرير ما بقفل
هههههههههههههههههههههههههه
وكان ما سكت وأعترف بطلع باقي الكلام
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: ناس بنادر كهاربنا تبقبق براها
كنتو بتجونا المغارب تحبسو اللمبات تتفرجو وترجعو ضهرتكم تحكو وما يصدقوكم
شغالين حبوبه ونسينا
والطغيان فيكم لمبه ام شريط
لا بتعرفو الرتينه ولا مشيتو شارع كارتينا
قوعادنا معاكم بندور نثقفكم بس
|
كضاااااااااااب ات فاكرني ما شفتك بتذاكر بنار التقابة ومباري اللهبة بجاي وبجاي عشان تشلع ليك في الكتاب للقراية ؟
انت الضو بلا عيدان علا تكون شفتو في اب لمبة جيهة المقينص
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
عليك النبي يا المنسي كدى ارجع لصابك دا قول ليهو ورينا كيف زولنا دا كان بفج رقراق القطيةQuote: andaring;andaring;andaring;andaring;andaring;andaring;
andEgrave;andIgrave;andiacute;andszlig;andatilde; |
القطية بت الناس وفجها
دي بسيطة يا أخوي شيقوق في ظل ما ملكني له أبوعبيدة من معلومات عنه
معلومات بتجيب راسو أبـ رويس
لو أنتهى بنخلي المستور في حجرو لكن كان جاب سيرة الباسطة والايسكريم
بنطلع الداندرمة من سرامسها
ههههههههههههه
أنا الككو الفجخ الطين
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: خالد علي محجوب المنسي)
|
خليهو يا المنسي وقولو
هوى يا وليد ...
حصل سادرتا بالديداب
وقدامك مراحك وراكب الخباب
ودربك طولوا يملا العين
سحاب وغبار ومويتو سراب
وهوى كرباجك البكاى
يبكى على ضهور الضمر الانجاب
وتسرى الليل وما تضوق هجدة
لو كان النجم ما غاب
وبعد أيام تجيك لفته
ويلوحلك فى البوادى سحاب
وتكرف من دعاش العينة تملا رئاك
عطر وأطياب
تلقى الوادى خضر زى تقول
ماكان خراب ويباب
وبت ام ساق تقييل من ضحاها
على المعالى ونسمة الهباب
وتفرش ليك حزمة نال تحت
سيالة تريانة فروعها قراب
وتنفخ كل آهاتك مع المزمار
تصوغ الحان ملانة شباب
وتنسي الدنيا كل الدنيا
ماعندك معاها حساب
خلاف برقا يشيل حرقاص
أو رعدا تقول رصاص وكت فركع
هوى يا وليد ...
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
Quote: العبيد
خبارك ما بتقول سلام
جابتك ريحه قام نداهو يهتف [/QUOT
سمحين النافلة سلاااام ومعزة
مستمتع كتير بي ونستكم الطاعمة دي
لكن يا أب سن الخريف في البادية قالو عجيب
والأيام دي شارفنا كتير و نتلفت وقلبنا يرزم رزيم
البرق البِشيل البَارح
فوق كَرَبه ووديَّن وفوق حلالا سارِح
بنُّوتَنْ متل صيد الخلا المِتمَارِح
عَصَمَن ريَّهِن فوق ابسنابَنْ قارِح
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبيد الطيب)
|
كدي قول ود بادي ده فكو دربو , هو زاتو يحمد سيدو مرقها في السعودية ,, دي قولي اللول
كان ربطو فيها الحمار يعرد منها
رمتني بدائها وانسلت
ديل اتو ,, شقوق كرعينو زي شق الواطة القرير ,,, مفرطات ,,, والواحد كان انبطحلو فوق لحاف ومط كراعو ,,, سكين بس يشرط الملاية فتقتين
الواحد فيكم إلا يملوا ليهو شقوق كرعينو ودك ضان ,,
المسوح ولا بظهر فيكم ,,,
عريسكم لامن يمرق من بيتو , يمصرو توبو يجيب ليهو قزازة زيت
نحن واخوي محمد حسن
ناس ساونا ,,, وحمام الزيت ,,, ونضيف الوش
هسع ديل بتعرفوهم ولا كان عرفتوهم زاتو , علي بالجزيمة تقعو وتقومو في خلاكم ده شهرين ما تمرقو تمنهم
تعرفو النيفيا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
ها المساخيت لقيتو امها مافي ,,, عاد كان كده ه......وا فيها
بصاصي ليكم بي الطوالة ساكت , علا بجيكم وبنقي شعيركم
الجنا الراسو متل الدلييه داك وينو ,,, ابو العريس ,,, اي ياهو زاتو ,,, الا يمرقنو كرعينو المتل المساويك ديل
الكوك ببين عند المخاضه
قول ليهو شمر ساي وارجا الراجيل
اكان ضرب يقع
وكان ضربوهو يقع
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: الطيب شيقوق)
|
يااااااه
توب الزراق ذكرني فاطنه بت حليمه ,, ربنا يرحمها
وذكرني حليمه امها الله يرحمها
حبوبتي بت حليمه لابسه توب زراقها ,, وراقدها فوق هبابها حق القد ,, تندقر فوقها ,, تسلم عليها ,,, ما بتسلم عليك ,,, تتكرفك كريف خرمان ,, وتقلدك عليها لامن كرعينك ما يشيلنك
كان الزمن اخدر
يوم داك جاي من البندر
شارع الخرطوم كوستي اخداااااار
ولم اره لسنوات هكذا
اخدر ,,, فرحت وحزنت ,,, خدار عدار ساي ,,,قش قايم بروس ولاهو فيهو فايده للبهايم ولا الناس
في الشارع لاقانا مراح بقر بي عجالن ,,, رازات وضامرات ,,,
خريف ام سعن صرفه وجراد
العبيد آخوي
الناس هجرت السعيه
وهجرت الجروف
والمترات والسلوكه
مرقو الدهب
وليبيا
وبقو نجوم فوق اليوتيوب كما امانه الراعي السوداني
شوال التيراب بي 400 ألف
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: الدابي بولعو ليها النار شان يمرق
|
هي لكن نارا قدر دي ما بتحرقنا اللتين هههههههههه
| Quote: موسي رجل فاضل وراجلا كلس وشيال تقيله |
بخبرو زين حرم رفيق غربتي في الرياض راجلا تعمتد عليهو وقلبك جامد طَبْ
ودعيتو للمشاركة في هذا البوست ووعد خيرا
لكن حرم كان جا .... ناس الصعيد انقرضوا
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: والله يا العبيد اخوي ما براك اخوك لما يسمع بنعمة الخريف دا يتقلب ويئن في عنقريبو داير يلحق يشوف بسمة المزارع والراعي
اشتهيت يا العبيد اخوي اشوف البهائم وهن مدبرات عشان املا عيني في الزراق الاخضر سايل في الاوراك
الزراق لاولاد البندر هو توب الزراق الاندثر كان زمان يلبسنه النساء كبار السن
ولا شنو يا يا ود البوش والمنسي واب سن؟ تفسيري دا فيهو كلام؟ بس الفرق بين الاتنين في التشكيل |
قلت توب الزراق والنيلة والعراطم ....
وبجيب همبريب ودعاش وبختلط مع العسَّاف و...
زوبَن لي الهياج ملا عُرفو كُلُّو ضريرة
إتدَردَم قفاه بقا حيلُو كُلُّو خبيرة
أهجم الزُّرق عَراطْمُو محبكات بي النِيلة
وكان باجَحتُو ببكي..عندو طبعة رزيلة
الشطرتين الأخيرتين..................
العراطم هي الشفاه شوف يا المنسي أخوي مفردة عراطِم دي تريانة كيف
ومحبكات اي مدربات ومدقوقات والنيلة هي نيلة توب الزراق
أها أوعاك تباجحو يا العبيد............!
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: يدقوقك فوق ......
خلو الليجي
دربي زلق
وصعيب
علي وصف البوصف
عاذر |
يا زول هوي موسى دا ختري والمرعفين بعرف جوعار رفيقو
ولو جا اصلو ما في صالحك قال بعرفك من زمنك البتقبض معاهو القبور هههههههههه
وقالوا السروالو مقدود ولا بتشنقل
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: عبدالحفيظ ابوسن)
|
Quote: يااااااه
توب الزراق ذكرني فاطنه بت حليمه ,, ربنا يرحمها
وذكرني حليمه امها الله يرحمها
حبوبتي بت حليمه لابسه توب زراقها ,, وراقدها فوق هبابها حق القد ,, تندقر فوقها ,, تسلم عليها ,,, ما بتسلم عليك ,,, تتكرفك كريف خرمان ,, وتقلدك عليها لامن كرعينك ما يشيلنك
كان الزمن اخدر
يوم داك جاي من البندر
شارع الخرطوم كوستي اخداااااار
ولم اره لسنوات هكذا
اخدر ,,, فرحت وحزنت ,,, خدار عدار ساي ,,,قش قايم بروس ولاهو فيهو فايده للبهايم ولا الناس
في الشارع لاقانا مراح بقر بي عجالن ,,, رازات وضامرات ,,,
خريف ام سعن صرفه وجراد
العبيد آخوي
الناس هجرت السعيه
وهجرت الجروف
والمترات والسلوكه
مرقو الدهب
وليبيا
وبقو نجوم فوق اليوتيوب كما امانه الراعي السوداني
شوال التيراب بي 400 |
هسي يا ود أبوسن
عليك الله سيدك زولاً بقول متل كلامك دا
كان لحس ايسكريم ما كوفر بي
تخت عليك يا المسنوح جنى البنادر لصيق ودناوة
ها جنى إنقرع وصد لي ضانك وسعيتك وأنف آهات مع مزمارك
في ضل سيالة كبيرة ورامية فريع
قتا لي لقيت أبوعبيدة
انا ذاتي لما مشيت المجر ما كت بلغتا يفت شنو هههههههههه
| |
|
|
|
|
|
|
|
|
|
Re: ود شيقوق وودالبوش وود المنسي هام (Re: جلالدونا)
|
Quote: ههههه
لا والله
اتلاقينا في بكاء حار في الحله ,, محاسن علي دوكه تزوجت حديثا وتوفيت فجأة , تقبلها الله
الجو كان حزين
لكن برضو جبنا سيرتك ,, وحكي لي |
الدوام لله ربنا يرحمها يغفر لها ويسكنها فسيح جناته
وإنا لله وإنا إليه راجعون
شكيتو علي الله عطا الله
ههههههههههههههههههه
طبعاً يحكي ويضحك المسنوح
| |
|
|
|
|
|
|
|
| |
عبدالحفيظ ابوسن
خالد علي محجوب المنسي
عبدالله ود البوش
د.محمد حسن
الطيب شيقوق
أحمد الشايقي
عبيد الطيب
جلالدونا
فيس بوك
تويتر
انستقرام
يوتيوب
بنتيريست