|
|
 طالما حسين خوجلي امس ما في .. اتجدع بي دي
|
بنية زي موية المطر
تنزل وفيها ارهاص الخصوبة
رايقة زي لون السحر
عايز اكتبك
موضع حروف
ما بشبه القول المعاد
ما اصلي فيك
لحظة برق كان التقانا كما المعاد
واتبسم قدر
مقدم وجودك جوة في عمق المشاعر
كان امل
واتوقدت كل المشاعر من زناد
قدحك علي لما انفجر
واتحولت كل المشاعر ارتياد
لي منبع الوهج البشع منك بريق
يلصف حروفي
ويبقى قي كل الفواصل
بدء الاناشيد الوداد
صدحت عصافير الصباح
لما جوايا اتدوزن وتر
واتلونت
مواسم الفرحة بي
حسنك لما زاد
وانعكس علي ضفة النيل
القمر
وبقيت معاك
اغزل من الاحساس
مناديل التلاويح القدوم
قبل المعاد
وفرحنا جد
انا وانت والروعة السهر
كهوف الليل
مغارات المشاعر
للحيارى
في مسارات ديمة ما بتعرف نهاية
والبدايات كانت عناد
قلبا شعر
لذعة البرق الهوى
تيار كهارب كان سرى
من مقلتيك
واستقر جوة في جوف الفؤاد
ووهبت ليك
خفقات قليبي اليك
والاعصاب وتر
شان اغنيك وانتشي
اجمل اغاني الاشتياق
ما اصلي فيك
ادمنت احساس الوله
وعرفت كيف طعم التضاد
لي زول تذوق
فيك الوان السكر
من غير سكر
يازولة لي
رغم المسافات العجاف
وبيني بينك
تنتفي الحالة الهزيمة
وتندحر
كل الاماني الكان عقيمة
والمشاعر
في مسامات الدواخل
تبقى في حالة احتشاد
والقصيد سال وانهمر
عن شوارعنا المشبعة بالامان
والطابية والسوق الكبير
والرادي في قلب القهاوي
(من غير ميعاد)
والسيرة نازلة على البحر
ويلمع بريق الصحو
في عيون النهار
خليني فيك
خليك جواي
اتملى بالحالة السهاد
طهر وعفاف
زي نيلنا والبنوت ترد
ديمة باقيلن ضهر
خليك معاي
كلما يباعد بينا يفرقنا الزمن
القاك في حروف التناد
وتلقيني في الغيم الحضر
وبس
|
|
 
|
|
|
|
د.محمد حسن
فيس بوك
تويتر
انستقرام
يوتيوب
بنتيريست