|
أعتقد أن هذا هو الطريق الأمثل لحل مشاكلنا ومشاكل البلد .. من يتبنى الفكرة ؟؟
|
كنت استمع الى برنامج حتى تكتمل الصورة في لقاء مع رئيس جهاز شؤون العاملين بالخارج
ورد على لسان المذيع إنو في دولة أروبية هناك حزب للمغتربين
الحقيقة الكلام دا مخمخ معاي وفكرت في كمية الناس الشردوا من السودان
تقريبا كدا عددهم أكبر من الفضلو خصوصا بعد انفصال الجنوب
أها لو نحنا عملنا الحزب دا ووضعنا ليهو رؤية سياسية واضحة وجامعة
تفتكروا ح ينجح ؟؟
أتمنى نناقش الموضوع بجدية ونطرح الأفكار لهذا الحزب
ويكون اسمو (حزب المغتربين السوداني )
|
|
|
|
|
|
|
|
Re: أعتقد أن هذا هو الطريق الأمثل لحل مشاكلنا ومشاكل البلد .. من يتبنى الفكرة ؟؟ (Re: cantona_1)
|
تحياتي يا معتز..
لنفترض اننا سجلنا حزبنا هذا لدى مسجل الاحزاب ..
طيب اين سيكون مقر هذا الحزب ؟ واين ستكون قياداته وكيف سنختارها ؟ وكيف سيعقدون اجتماعاتهم؟ ..اللهم الا عبر الفيديو كونفرانس..
انا متأكد انو اول ما يكونوهو حا تشتعل الحرب بين مغتربي الخليج ومغتربي امريكا واستراليا واوروبا على الرئاسة.. وبعد فترة وجيزة حا ينشق هذا الحزب الوليد للاحزاب التالية :
حزب المغتربين ـ القيادة الجماعية منطقة الخليج. حزب المغتربين ـ الاصلاح والديمقراطية (دا بتاع الجماعة الامريكان) حزب المغتربين القومي المتحد ـ (دا بتاع مغتربي اوروبا) حزب المغتربين الاتحادي (دا بتاعين المفنشين والكاسرين ركبة في بلاد الاغتراب)
اما المتطرفين من المغتربين فحتما سيشكلون حركة مسلحة اسمها " حركة تحرير السودان من المرلكسين فيه" ..هاهاها
لذا يا صديقي المغتربين يجب ان ينخرطوا في منظمات المجتمع المدني .. عبر كيانات اجتماعية خدمية .. ويأخذوا حقوقهم من هؤلاء الساسة ..
غير كدا حا ندخل في دوامة اللعبة السياسية الفاشلة..
تحياتي ومشتاقين..
| |
|
|
|
|
|
|
Re: أعتقد أن هذا هو الطريق الأمثل لحل مشاكلنا ومشاكل البلد .. من يتبنى الفكرة ؟؟ (Re: عادل ابراهيم احمد)
|
التحية لصاحب البوست .. إقتراح جميل ولكن كيف سيكون التطبيق وأقترح ايضاً ان تكون الدائرة الانتخابية للمغتربين في المدن او المناطق التي يكون فيها عدد المغتربين أكثر من عشرة الف يعني مثلا ( قطر دائرة ) الامارات ( دائرتين ) السعودية ( عشرة دوائر ) هكذا ( يا معتز .. هذا على سبيل المثال .. ما يزعلوا مننا ناس قطر والامارات ) لكن بصراحة من الصعب تكوين حزب للمغتربين ..
Quote: طيب اين سيكون مقر هذا الحزب ؟ |
استاذنا عادل .. مع التحية .. طبعاً محل الحزب يكون في مدينة جدة بالمنطقة الغربية بالسعودية أكبر تجمع للسودانيين في الخارج .. وكمان يا استاذنا عادل كل اعضاء البرلمان والوزراء والسياسين والدستوريين تلقاهم هنا في رمضان والحج وفي عمرة ربيع أول يعني وجودهم هنا اكثر من السودان .. تعرف في عمرة رمضان ممكن تجد النصاب القانوني للبرلمان يعني كده جلسة في صالة فندق التحية لك اخي عادل .. والتحية لصاحب البوست استاذنا معتز ..
| |
|
|
|
|
|
|
Re: أعتقد أن هذا هو الطريق الأمثل لحل مشاكلنا ومشاكل البلد .. من يتبنى الفكرة ؟؟ (Re: معتز القريش)
|
الأخ العزيز معتز
Quote: ورد على لسان المذيع إنو في دولة أروبية هناك حزب للمغتربين |
طبعاً الفكرة مستحيلة وغير قابلة للتطبيق، باعتبار أن أقصى طموح لأي حزب سياسي هو تولي الحكم، فهل في هذه الحالة سيحكم الحزب من المنفى؟
المذيع اتسرع في فكرة البلد الأوروبي. أعتقد أنه يقصد حزب المغتربين في أستراليا وهو مكون من ذوي الأصول النيوزيلندية المقيمين في أستراليا وطموحاته ومطالبه غير سياسية بل معيشية كمساواتهم بالمواطنين الأستراليين في الخدمات.
هناك أيضاً حزب في باكستان يسمى مهاجر قومي موفمنت MQM وهو مكون من ذوي الأصول الهندية (وسلالتهم) الذين اختاروا الهجرة لباكستان بعد انفصالها من الهند انطلاقاً من دوافع دينية والذين يتعرضوا للتمييز العنصري باعتبارهم باكستانيين درجة ثانية.
بعدين الانتماء للأحزاب عادة ما يستند على قناعات وأفكار معينة وليس على الحالة المكانية للشخص.
يمكن أن يتشكل تنظيم للمغتربين ليكون بمثابة لوبي ضغط لتحقيق مطالبهم، ولكن حزب سياسي يضم أشخاص الرابط الوحيد بينهم أن الظروف أوجدتهم خارج الوطن .. I don't think so
| |
|
|
|
|
|
|
Re: أعتقد أن هذا هو الطريق الأمثل لحل مشاكلنا ومشاكل البلد .. من يتبنى الفكرة ؟؟ (Re: hassan bashir)
|
Quote: كنت استمع الى برنامج حتى تكتمل الصورة في لقاء مع رئيس جهاز شؤون العاملين بالخارج
ورد على لسان المذيع إنو في دولة أروبية هناك حزب للمغتربين
|
الاخ معتز تحياتى اولا مافى مغترب بمعنى مغترب فى اوربا وامريكا وهؤلاء مهاجرين ولاجئين ومن حيث المعنى واللغة ذاتها فى فرق بين المهاجر والمغترب وبين اللاجئ والمغترب وبعدين مافى زول قاعد يدفع من اوربا والا امريكا العتاوات اللى بيدفعوها المغتربين فى الخليج ولا فى زول فيهم عنده علاقة بجهاز المغتربين ولا بيزور جهاز المغتربين عشان يجدد جوازه السودانى ولا يعمل ليه خروج ولا اصلا قاعد يسافر بحواز سودانى ! ثانيا اذا تكوين حزب باسم المغتربين لسودانى اوربا حقيقى فتاكد ان من وراء هذا الحزب هو المؤتمر الوطنى وسفاراته فى اوربا لانو عمل فطير زى ده ما بيقوم بيه الا المؤتمر الوطنى وايضا تاكد بان الحزب حيكون متوالى وحيكون من ضمن احزاب الفكة المتوالية مع المؤتمر الوطنى , وزى ما قال ليك اخونا حسن بشير , الحزب بيقوم على البرامج وبالبرامج وليس على الاماكن !
| |
|
|
|
|
|
|
Re: أعتقد أن هذا هو الطريق الأمثل لحل مشاكلنا ومشاكل البلد .. من يتبنى الفكرة ؟؟ (Re: خالد حاكم)
|
الأخ/ معتز تحياتي فكرة تكوين حزب للمغربين فكرة جميلة ومسحيلة، سبقتها فكرة تكوين جاليات، حتى هذه اللحظة لم تتكون جالية الرياض- السعودية بسبب المشاترة من ناس وأجهزة حكومية وحزبيين كثر، علما بأن مصلحة المغتربين يمكن أن تتحقق بتجاوز كل ذلك مثلا بعمل قوائم متجانسة( حزبيا، جهويا، قبليا، فكريا، محبة ساكت لوجه الله) وذلك لتكوين مراكز ربحية بالداخل والخارج، وأن تخدم هذه المراكز الربحية ( شركات، شراكات) مؤسسيها وجمهور السودانيين وغيرهم. تجمعات الهنود والبنغلاديشيين والباكستانيين وأعمالهم ونشاطاتهم التجارية مثال حي......
| |
|
|
|
|
|
|
|