غائب في النوم طوال 15 يوماٍ .... ماوراء الطبيعة .... Paranormal

Quote: قصة مثيرة للإهتمام و لحدي ما تتم القصة نسجل الملاحظات التالية: 1. الطالب ده حسب القصة إنو قبل ما ينوم ضبط منبه الموبايل و و صله بالتيار الكهربائي عشان يشحن البطارية ،،، يبقي السبب شنو إنو الموبايل يطفي ؟! إلا تكون الكهرباء قطعت الخمستاشر يوم الكان هو نائم فيها. 2. طالب بالسنة الرابعة - جامعة أكيد عندو دقن و شنب و بهتم بمظهرو و بالتالي بكون حلق الدقن يوم الأحد قبل ما يمشي الجامعة ،،، فاشنو مفروض أول ملاحظة يلاحظ ليها و كت يعاين في المراية إنو يلقي شعر دقنو بقي طويل و عشوائي و محتاج حلاقة ،،، فمروض طوالي يسأل نفسو (كم لبثنا؟). 3. شخص نائم لمدة 15 يوم مفروض وكت يقوم من النوم يحس بإعياء شديد لنقص السوائل في جسمو و يكون جعان شديد برضو فأول شي مفروض يفكر إنو يعملو هو يحاول يشرب مويه و يعمل سنده خفيفه ،،، يعني أهل الكهف بعد ما سألوا أنفسم كم لبثنا طوالي بعديها فكرو في الأكل فرسلو واحد منهم المدينة عشان موضوع الأكل.

Quote: اصابه نسيان ،،شبك الهارد دسك،،فهود.. نسيانا لم يمنعه من مباصرة واجباته البيولوجية ، بصورة او اخري...