سوف يكون التشييع والصلاة على أمنا الحاجة آمنة لطفي عبد الله ، زوجة الأستاذ محمود محمد طه ،في تمام الساعة الثامنة مساء اليوم بأم درمان ..مقابر البكري.. رحمها الله ورحمنا جميعاً برحمته الواسعة المسهبة.. لقد كانت بحق وحقيقة أم لكل السودانيين، بسعتها الكبيرة وعطفها الجياش ومساعدتها لكل الناس والمساكين وأصحاب الحوائج والطلبة والمعسرين.. رحم الله أمي آمنة رحمة واسعة
(عدل بواسطة منصوري on 05-31-2014, 10:57 AM) (عدل بواسطة منصوري on 05-31-2014, 11:15 AM)
05-31-2014, 11:37 AM
منصوري منصوري
تاريخ التسجيل: 09-28-2003
مجموع المشاركات: 2504
((يا أمنا)) يا أمنا .. يا (ستنا) ياجارية فى جوه الخلايا ودمنا غيرك منو، البفرح، قبل نفرح، وكت ننجح؟ غـيـرك منــو .. الـدمعاتــو تجــرى تسابق الريح والمطر لما نرجــع من سفــر ولمن يواجهنا الخطر؟ يا حليلك (ات)، غيرك منو الشايل همــومنا وكت نهم لـو فـى الخيال، أو فـى حلم؟ ياسامقة ذى شجر النخيل ، ثابت ومغروس من زمان أحساسى بيك (أمونه) ، يا أم (الحنان) يتسامى، يسرح بى بعيد .. فوق التعابير والشعر عاجز، مكتفنى الحرف .. ولو موية "البحر العريض" تصبح حبر كلمــاتى فيك ما تســاوى يـوم ، قـومتك فجــر ذى البتتحدى النجوم .. وبعد الصلاة ، وبركة دعاك ماعـــــرفتى نـــوم ، وشاى (اللبن)، نايم على (منقد) فحــــم .. أصحى (أت)، وقوم ( للعلم) (الشاى، اللقيمات، المدرسه، كراس الرسم) (أمنة) ياست الأمم و(منورة) مهمومه بى تحصيل علم حلمـانه بـى حـال العيـال يوم بكره، أبقو بنات، رجال مهمومه ماليها العشـم يا حليلك (أت) والدنيا عيد والدمعة نازلة على الوحيد وكبروا الصغار، وحتى (السجم) أصبح بعيد ... فنان يداعب فى الوتر رحال .. ومفتون بالسفر أصبح غريب ، طول العمر (لا ضاق حنان ، لا جاب خبر) خلاك للهم والفقر ** لا الشوق يجيبو لا ريد أعيدو أرجعو من يوم أياديك ودعو، وماشاف دموعك بدعو خلاك هناك، يا ستنا .. يا (أم ) در، براك (أمونه)، وحدك ... قلبك، عليهو جناك .. دم - نازف - وجناك ، تقول حجرا أصم قليبو ناشف، وماهو عارف بكره ( بتخدر بلادو) ، والخير يعم .... والدايرو كلو تشوفو عينو لكن محال القالو أم لكن محال القالو أم _______________
سوف تكون سرادق العزاء وليالي وأيام المأتم بمنزلها .. الثورة.. الحارة الرابعة.. مقابل شارع سينما الرابعة.. أقرب لشارع الشنقيطي.. تحت عمارة وبناية علي الإمام.. بقالة نون الغذائية سابقاً..
05-31-2014, 03:48 PM
منصوري منصوري
تاريخ التسجيل: 09-28-2003
مجموع المشاركات: 2504
وقفت مع الإستاذ محمود محمد طه في الحارة والباردة. وقفة مرأة سودانية شامخة، رافعة رأسه عالياً.. ولما كان الأستاذ محمود محمد طه الفي إيدو ماها هيلو.. هيل المساكين والفقراء كل ما زاد من رزق.. لما استقر في أم درمان.. الثورة.. دبـّر من جاي ومن جاي.. اشترى لها منزلها هذا بالثورة الحارة الرابعة.. كان بيت عادي من الجالوص المطرطش بالأسمنت.. بناتها الآن من قام بإصلاحه لها حديثاً، من حر عرقهم.. اشتراه لها إكراما لها وسجله باسمها.. لما كان مهندساً متجولاً.. في السكة حديد.. ثم الأعمال الحرة.. ثم تأسيس مكتب هندسة في السوق العربي عمارة أب نعوف.. هذه الأعمال كانت تدر عليه عائداً خرافياً.. وكت الناس ما كان بيعرفوا القروش.. كان كلها تروح على أصحاب الحوجة.. وآخر اليوم يستلف حق صحن الفول في فطور المكتب.. لما كان شغله الهندسي الحر ، في النيل الأبيض.. خطط تلاتة أرباع مشاريع النيل الأبيض.. معظم الأنصار والرأسمالية الوطنية هناك يعرفونه.. واحدين كانوا يكونوا معترضين على أفكارو.. لكن لايساوموا بي غيرو. عشان يخطط لهم مشاريعهم الزراعية.. ويشق قنواتها.. ويفتح برابخها ويشق الترع والقنوات.. ويمسح مسار المياه.. يسلمك قبل المواعيد المقترحة.. يصمم لك أحسن مما تتصور أنت في الأول.. لو في حاجة ظهرت بعد المقاولة معه .. و( الكويتيشن ) وتطلبت أسمنت زيادة وخرسانة. وحديد. وأجور شق ترع.. يتحملها هو ولو طلع خسران من المشروع.. اتخذ كوستى مقرا له وأجر فيها بيت سنوات عديدة لامن انتهى من تخطيط مشاريع النيل الأبيض.. ورجع العاصمة.. يغيب في الخلاء في المشاريع مع عمالو.. يجي باللاندروفر بتاعتو آخر الأسبوع مرات.. كل الناس أصحاب الحوجة يعرفوا حا يجي متين.. لما يجي البيت ويكون استلم قروش من صاحب المشروع.. ما بيختها في بنك.. ولا دكان.. عندو تربيزة حديد في الصالون.. يفرغ كل مافي جيبه فوقها.. آلاف آلاف في الستينيات.. وكت ما بيعرفوا الناس حتى مئات الجنيهات.. تجي أنت صاحب حوجة تقول.. والله مرتي واضعة وداير حق السماية.. يقول ليك: كدي أشرح لى موضوعك كلو.. يكفيك كم؟ تقول يكفيني كدا.. يقول ليك أمشي التربيزة ديك.. عد المبلغ الأنت قلتو .. شيلو.. يجي واحد تاني يقول والله يا مهندس محمود عندي لوري الوحيد العليهو معايش أولادي وأربي لى في ولاداً أتما.. واللوري كسر كرونة في المزروب.. عايز حق الإسبير.. كذلك يقول ليهو كم حق أسبير الكرونة.. يقول ليهو كدا! يقول ليهو روح التربيزة ديك عدو وشيلو.. وهكذا يعطيك كأنو حق.. ويعلمك الأمانة كمان يقول ليك أهو ديك التربيزة روح عد شيل القروش كمان لو صادفك في الشارع وسألتو ما بيعد القروش.. يدخل يدو في جيبو ويخمش ويديك.. موش موش يديك لالالالالا معروف عنو يدخل يدو في جيبو يخمش قدر ما تخمش.. ويخرجها ويفتح يدو.. وفيها القروش في بطنا.. يقول ليك شيل أنت .. ليه؟ عشان ما تكون يدو هي العليا ويد السائل هي الدنيا لما هو يفتح يدو وفيها القروش..! طبيعي يد السائل تكون هي العليا من فوق لى يد الأستاذ.. ليه! عشان يكون عندك حق.. موش صدقة ولا سؤال ليه! عشان هو بيفتكر أن الشعب السوداني الأغبش دافع الضرائب هو الذي علمو. لغاية ما طلعو مهندس.ز عشان كدا أي واحد بيسألو من أفراد الشعب.. يكون بيسألو حقو وليس يتصدق عليه.. أها عشان الحكاية ما تلوص ساكت.ز ويبقى زولا كل العندو ينفقو قام اشترى لى أمنا آمنة هذا البيت في الثورة الحارة الرابعة.. رحم الله أمنا آمنة لطفى عبد الله رحمة واسعة.. فهي أيضا مرأة ما ساهلة حسبا ونسبا من آل لطفي إسياد النهضة التعليمية والدينية في رفاعة وغيرها..
Quote: لقد كانت بحق وحقيقة أم لكل السودانيين، بسعتها الكبيرة وعطفها الجياش ومساعدتها لكل الناس والمساكين وأصحاب الحوائج والطلبة والمعسرين.. رحم الله أمي آمنة رحمة واسعة[/QUOTE
رحم الله أمنا آمنة رحمة واسعة وألحقها بالأخيار الأبرار في أعلى عليين وخير مقام
((يا أمنا)) يا أمنا .. يا (ستنا) ياجارية فى جوه الخلايا ودمنا غيرك منو، البفرح، قبل نفرح، وكت ننجح؟ غـيـرك منــو .. الـدمعاتــو تجــرى تسابق الريح والمطر لما نرجــع من سفــر ولمن يواجهنا الخطر؟ يا حليلك (ات)، غيرك منو
((يا أمنا)) يا أمنا .. يا (ستنا) ياجارية فى جوه الخلايا ودمنا غيرك منو، البفرح، قبل نفرح، وكت ننجح؟ غـيـرك منــو .. الـدمعاتــو تجــرى تسابق الريح والمطر لما نرجــع من سفــر ولمن يواجهنا الخطر؟ يا حليلك (ات)، غيرك منو
نفعنا الله بعلمها وجاهها لها الرحمه والمغفرة
05-31-2014, 04:32 PM
منصوري منصوري
تاريخ التسجيل: 09-28-2003
مجموع المشاركات: 2504
الأستاذة الفاضلة منى عمسيب.. ما قصرتي تب.. تعزيتك وصلت لى أهلك.. أنتو يا ناس رفاعة عاد! ما بتقصروا.. يديكي العافية، ويحفظك ومن حولك من كل مكروه.. وربنا يريكي ما تحبين في الدنيا والأخرى..
05-31-2014, 04:41 PM
منصوري منصوري
تاريخ التسجيل: 09-28-2003
مجموع المشاركات: 2504
رحمها الله بواسع الرحمات. وجعل البركة في بناتها،،واولادها ومحبيها الكثيرين.. لا اشك انها امراة عظيمة ونبيلة ،،تلك التي علي الدوام بيتها مفتوح للجميع.. وجميع امرها خير لهم كرما وطيبة. تلك زوجة الاستاذ الخلوقة البهية..
05-31-2014, 09:14 PM
امجد الجميعابى امجد الجميعابى
تاريخ التسجيل: 01-08-2013
مجموع المشاركات: 2623
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
منصوري
محمد على طه الملك
Mohamed Adam
عادل البراري
احمد حمودى
مني عمسيب
مامون أحمد إبراهيم
فيصل محمد خليل
مبارك عبدالرحمن احمد
Kostawi
mekki
عبدالعزيز عثمان
امجد الجميعابى
ABDALLAH ABDALLAH
فيس بوك
تويتر
انستقرام
يوتيوب
بنتيريست