|
|
|
 Re: استطلاع: كسوداينة وسوداني .. هل تؤيد تأمين العاصمة بماليشا قبلية مسلحة (Re: Mohamed E. Seliaman)
|
صديقي محمد حيدر المشرف..حبابك
وحبابك ضيوفك هنا..
و الله يا صديقي لم تحيرني في المشهد السوداني المجوبك الإ اربعة حاجات:
الأولانية: رفض تسجيل الحزب الجمهوري..
والتانية: الحكم على الشابة الأثيوبية مريم يحي..
و التالتة اعتقال سيدنا الإمام ( لا رضي الله عنه ولا يحزنون ، هو الحمرة الأباها سيدي الأكبر المهدي عليه السلام..!!)
و الرابعة : (نعم) ول ابا الصادق اسماعين في هذا الخيط..!!
و الأخيرة كلفتني مساسقة في عرصات المنبر..لغاية ما عرفت تبريرها...و يا الصادق..نعمك دي يا ول ابا نعم غبينة ساكت..و اخير تراجعها يا عم..
بالنسبة.. لموضوع الإستفتاء.. اقول (لأ) و هي ليست مليشيا قبلية و انما مليشيا الجبهة الإسلامية التي يتفكك نظامها بصورة تثير الشماتة..و انا شخصيا شمتان للطيش..و الفارغة يتمها الله..!!!
نصيحة يا محمد.. ما يسمى بالقبائل العربية في غرب السودان بريئة تماما من مليشيا حميدتي.. دي مليشيا دينها المال السائب من دويلة قطر..و لو الشعب السوداني زعلان بحق و حقيقة.. اخير يفرتق دويلة قطر لمن تعرف حاجة..!!
بالنسبة لناس الجبهة الإسلامية ، فاخونا حميدتي اصبح زي بيضة ام كتيتي.. تشيلها تكتل امك .. تخليها تكتل ابوك..و الرجال اتقنطر بالله واحد..!!
نصيحتي للشعب السوداني ، اللاهي في خدرو.. حميدتي هين.. الكلام في الدواهي التحت السواهي.. او بمختصر العبارة ، الجفلن خلوهن اقرعوا الواقفات..و الواقفات ديل اسكتوا ساكت خلوهن..امرهن يحير الشيطان ذاتو..!!
لأ.. لحماية العاصمة السوداني بمليشيا حزبية ..!!!
كبر
| |
  
|
|
|
|
|
|
|
|
Re: استطلاع: كسوداينة وسوداني .. هل تؤيد تأمين العاصمة بماليشا قبلية مسلحة (Re: أحمد الشايقي)
|
صديقي و استاذي احمد الشايقي..حبابك و لينا طولة يا قريبي..
وبعد..
ابدا يا احمد ، حكاية حلف القبائل هي شغلة ابونا الشيخ عبد الها جماع حينما تحالف مع اهلنا الفونج ، تأريخيا الحكاية ليها مبرراتها و نجحت.. اما اليوم فالأمر يختلف..!!
الشغلانة يا ابوي احبولة وراها حسن الترابي و ابراهيم السنوسي و علي عثمان محمد طه...و هم اكثر لئامة ممن عرفتهم دار امسودان ، الخرطوم عندي عاصمة السودانيين و السودانيات جميعا..ولا تحتاج لحماية من السودانيين و السودانيات.. النظام تهالك تماما يا احمد..و هو لم يعد له غير اثارة الزوابع و الفقاقيع..!!
الخرتوم تحتاج حماية من وهم دويلة قطر و مالها السايب الذي اغرى و يغري ضعاف النفوس (كلمة قالها دكتور الحاج ادم.. فيما معناها ، الفقر كعب..و الناس لمن تلقى المال بتنسى ابوها و امها و دينها ذاتو..!!)..!!
الجبهة الإسلامية يا احمد نجحت في دروخة الجميع..و لكن لا ينقصني التفاؤل بان هناك بصيص امل و سوف يظهر يوما ما..!!
حميدتي لا يمثل قبيلة ، و انما يمثل نفسه فقط.. فهو مرتزق و مجرم حرب..و عاصمة السودان لا تحتاج الى مجرم ليحميها..!!!
كبر
| |
|
|
|
|
|
|
|
|
|
Re: استطلاع: كسوداينة وسوداني .. هل تؤيد تأمين العاصمة بماليشا قبلية مسلحة (Re: Kabar)
|
الصديق العزيز محمد النور كبر,
سلام واحترام وأشواق عظيمة .. من الجيد أن نلتقي في هموم الوطن فيامرحبا وكن دائما بخير,
لو رجعت لمعرفتك بي فستعلم يقيناً أن ردي لم يكن مقصوداً لذاتـه , ولكن هناك منطق دائماً في الأشياء ...
أحياناً تحتاج لمخاطبة مخالف المنطق على طريقتـه.....................
(قل لو كان معه آلهة كما يقولون إذا لابتغوا إلى ذي العرش سبيلا سبحانه وتعالى عما يقولون علوا كبيرا [ ص: 239 ]
هناك أصحاب (دار) في مديرية الخرطوم هم أولى بتأمينهـا ... مع التأمين على قومية العاصمة
مع التأكيد على غياب المنطق والوعي كذلك....
أحمد الشايقي
| |
|
|
|
|
|
|
|
|
|
Re: استطلاع: كسوداينة وسوداني .. هل تؤيد تأمين العاصمة بماليشا قبلية مسلحة (Re: عبدالله محمد أحمد)
|
| Quote: استطلاع: كسوداينة وسوداني .. هل تؤيد تأمين العاصمة بماليشا قبلية مسلحة |
قبل التصويت:
لو هنالك جهه ما ، مستعده تحمي العاصمه !. العاصمه دي، تحميها لمنو؟
هل تحميها ليحكمها الرجل النقي خوسيه موخيكا؟
أم تحميها ليحكمها المجرم عمر البشير؟
عندما تُحكم العاصمه بدستور مؤسسي نزيّه قطعاً هي لاتحتاج لحمايه من حدا ..
العصابات، المليشيات القبليه ، وكل هذه الأصنام ستسقط وتتلاشي واحده تلو الأخري!
عصابة الإنقاذ البتحكم العاصمه حالياً ، لن تهتم بحماية المواطن بقدرما هي تهتم
بحماية وسلامة القصر الجمهوري!.
.
| |
|
|
|
|
|
|
|
|
|
Re: استطلاع: كسوداينة وسوداني .. هل تؤيد تأمين العاصمة بماليشا قبلية مسلحة (Re: Kostawi)
|
المحير هو ان يفترض اي نعم يفترض دكتور محمد هو ان لحميدتي مليشيا من قبيلته... اي نعم قبيلته!!! وفووووو بالزانة يجي يختها عشان الناس تسوت و( تصوط ) فيها ببغم !!!
طيب يا دكتور وكت بتسال الناس عن عسس حميدتي وحرسانم للبندر محل جوغانة العسل!! تعال النسعالك يا دكتو حميدتي مليشتو دي قبيلتا شنو ونفرهم شني؟؟ كان غلبك قول باص عادي ااااازول.... والمربوطة بتاعة (بغم) الهنا دي اصلها ما بتسقط التلطاشر القايمة من دكتور ابو سليمان محمد E الذكرها في (سدر) البوست بتاعة: البلد ليها خمسة وعشرين سنة في الخرطوم ماسكنها بملشيات قبلية ولو ما شفت ها اي المداخلة برضو اعمل نايم... عادي يا دكتور...
زي ما الناس اعربت عن اندهاشا انا برضو بعرب عن اندهاشي للشيوعيين البقو ماسكين ضنب الككو الادوهو ليهم كيزان دارفور البقدرت قادر بقو (معاردة) وداخلين جوة اثنياتهم وصاروا عرابين للنخب الراح ليهم الدرب
زمان كتا قايل الشيوعيون بيملكو زمام المبادرة لكن ان يبقو ضنب لكيزان دارفور فدي عادي ممكن اخد فيها سيك لاني ما بتخيلها كلو كلو
| |
|
|
|
|
|
|
|
|
|
Re: استطلاع: كسوداينة وسوداني .. هل تؤيد تأمين العاصمة بماليشا قبلية مسلحة (Re: محمد حيدر المشرف)
|
34 لا
4 نعم
من واقع الاستطلاع ..
نسبة الذين يرفضون تأمين العاصمة بمليشيا قبلية مسلحة هي 89.5 %
نسبة الذين يوافقون على تأمين العاصمة بمليشيا قبلية مسلحة عي 11.5 %
كنا ومازلنا إزاء حدث سياسي/عسكري محدد جدا, حيث استعانت الحكومة السودانية بقوات الدعم السريع وهي " مليشيا قبلية مسلحة " لتأمين العاصمة السودانية الخرطوم .. من العبث بمكان تصور أن ذلك يمثل الحقيقة الخالصة رغم التأكيدات التي أطلقها زعيم تلك المليشيا في كل وسائل الاعلام .. فالخرطوم تمثل مركز الثقل الحقيقي للقوات المسلحة السودانية .. كما وتتركز فيها العديد من القوات النظامية الأخرى كالاحتياطي المركزي والشرطة السودانية بالإضافة للقوات الأمنية الأخرى و الدفاع الشعبي (ميليشيا حزبية) .. اذن تأمين العاصمة ما هو الا إكذوبة من أكاذيب هذا النظام الفاسد .. فالعاصمة التي لا تؤمنها تلك الجيوش الجرارة التي بداخلها, لن تؤمنها مليشيا قبلية مسلحة تستجلب من مناطق بعيدة ..
اعتقد أن استدعاء تلك المليشيا يمثل مناورة شديدة الغباء لأحد أركان السلطة الحاكمة في الخرطوم .. مناورة تهدف لاستعراض قوة يقوم به جهاز الامن الوطني لتوجية رسائل خرطومية داخلية للعديد من الجهات ابرزها الجيش السوداني وبعض مراكز القوة السياسية الأخرى .. والامر الأكيد أن ذلك يكون لمصلحة الرئيس السوداني عمر البشير والذي تواترت العديد من الآنباء عن مروره بظروف صحية قاهرة حالت دون تواجده في ساحة الحكم ..
خطورة ذلك تأتي من أن ذلك يشير وبوضوح لانفصام العلاقة التاريخية بين الجيش السوداني والبشير .. حيث كان الجيش السوداني بمثابة الداعم الأساسي والوحيد في أحايين كثيرة لعمر البشير .. ولجوء الرئيس البشير لخيار استجلاب مليشيا مسلحة لتأمين كرسيه الرئاسي في غيابه المرضي , لا يشير الا لحقيقة واحدة وهي انعدام الثقة في قيام الجيش السوداني بهذه المهمة .. ولذلك مآلات كثيرة ستنبئ عنها الأيام المقبلة !!!
احترامي وشكري وامتناني لجميع من شاركوا في هذا الاستطلاع ..
| |
|
|
|
|
|
|
| |
محمد حيدر المشرف
الصادق اسماعيل
عبدالرحمن عزّاز
Amani Sabir
خالد العبيد
الامين موسى البشاري
بدر الدين الأمير
Mohamed E. Seliaman
Kabar
محمد المسلمي
abas
حسين ديقول
عبد الله شم
محمد الشيخ أرباب
عمر السلمة
Nazik Eltayeb
بله محمد الفاضل
نعمات عماد
ابراهيم قناوي
اسماعيل عبد الله محمد
Jamal Mustafa
Yasir Elsharif
Mohamed Adam
Idris Logma
Artiga Gilani
بشير أحمد
elhilayla
د.محمد بابكر
مجاهد محمد الهادي
باسط المكي
Kostawi
ALWALEED ALSHEIKH
Elsanosi Badr
رشا سالم
فيس بوك
تويتر
انستقرام
يوتيوب
بنتيريست