دعواتكم لزميلنا المفكر د.الباقر العفيف بالشفاء العاجل
|
|
 نكات تضحك لامن تطرش
|
مسطول بحب وما قادر يدق حنك مع الحبيبة .
قام سأل صاحبو المسطول التاني . قالو ياخ أفتح حنك مع الحنان كيف ؟
صاحبو قالو : ياخ الجكسي ما بيجي الا في السياسة .
قام صاحبو أتشجع ومشي قال ليها : رأيك شنو في الانفصال هههههههههها
|
|
  
|
|
|
|
|
|
|
|
Re: نكات تضحك لامن تطرش (Re: Osman Musa)
|
واحد هو ومرتو بتاعين سطلة .. المرة نقت ليهو الصنف ما تمام
مشى إجتهد جاب ليها صنف ممتاز .. لفه السجارة وأداها تجرب
جرت ليك نفسين تلاثه سطلت ..الراجل شفقان عايز يعرف
جودة السجارة .. سألهاا شديدة؟ ردت .. اللة يسلمك .. هههههههه
| |
|
|
|
|
|
|
|
|
|
Re: نكات تضحك لامن تطرش (Re: نادر الفضلى)
|
واحد اشتري لوحين تلج ...
لما وصل العربية لقي واحد منهم مكسور اتنين ...
رجع لي سيد التلج داير يغيرو ...
سيد التلج قال ليهو ... ناوى تبني بيهم عتبتين قدام البيت ولا شنو ؟
| |
|
|
|
|
|
|
|
|
|
Re: نكات تضحك لامن تطرش (Re: يحي قباني)
|
وهاك دي يا نادر
( 7 )
مسطول في برنامج تلفزيوني قالولو عبر لينا عن رايك في الحاصل في البلد بصراحة .
قاليهم : وين الحرية ؟
وين الصحة ؟
وين التعليم ؟
وين الحقوق ؟
وين موديني ؟
أنتو منو ؟
وين النور ؟
وين أنا ؟
وأكككككككك ..........
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
وهاك دي يا قباني
( 8 )
مسطول عينوه مدير سجن . من أول يوم جمع المساجين كلهم طابور . وقال ليهم : أنا هنا داير انضباط . ما داير
.. أي شفتنة و قلة ادب . والما داير ينضبط . يتفضل يمشي بيتم . هههههها
| |
|
|
|
|
|
|
|
|
|
Re: نكات تضحك لامن تطرش (Re: الهادي محمد ابراهيم)
|
وال ( 10 ) دي هدية أخونا الهادي محمد ابراهيم
..
مسطول سألوهو عن أسباب السخانة الفي البلد دي من شنو .
قاليهم : السبب كلو من مشجعين الكورة . شابكننا سودانا فوق سودانا فوق لا حدي ما دقو بي السودان الشمس . ههههها
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
تلاته مساطيل ركبو امجاد . بتاع الامجاد عرفم ليك مساطيل . قام دور العربية وبطله .
وقاليهم : خلاص وصلنا . المسطول الاول قام ادهو حق المشوار . المسطول التاني قالو يديك العافية . المسطول التالت .
مشي علي سواق الامجاد زطاخ خبتو كف . وقاليهو : ياخ ما تسوق براحة انته داير تنتهي مننا التلاته ؟ ههههههه
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
مسطول محكوم عليه بالاعدام بشنقو فيو قام أشر بيده نزلووه
سألوه مالك :
قال ليهم : انتو مجانين ؟! !.
قربت اموت !!
(منقولة من الفيسبوك .. من كابتن الطاهر هوارى)
| |
|
|
|
|
|
|
|
|
|
Re: نكات تضحك لامن تطرش (Re: محمد مجيدو)
|
مسطول اتصل على برنامج ما يطلبه المستمعون قال للمذيع:
امبارح لقيت شنطة فيها خمسين مليون وأربعة غويشات دهب وسلسل وبطاقة صراف آلي بي اسم أحمد إبراهيم بنك امدرمان الوطني.
المذيع قال يا سلام عليك احييك على الامانة متين ح تجي مبنى الاذاعة ومعاك الامانات.
المسطول قال ليه لا يا استاذ شكلك فهمتني غلط أنا عايز أهدي للزول دا أغنية تعيش إنت ويدوم خيرك.
| |
|
|
|
|
|
|
|
|
 Re: نكات تضحك لامن تطرش (Re: محمد مجيدو)
|
Quote: واحد قال لمرتو ..
إنتي ليه ما بتزعلي ولا بتغييري لمن اشاغل البنات؟؟
قالت ليهو ... انتا يا حبيبي زي فريق الهلال ساكي البطولات الخارجيه
بس عمرك ما بتشيلها .....
|
مجيدو هههههههههه
بت بالغ
وكمان بت لف ؟
عروس بتسأل في صاحباتها قالت ليهن كيف اعرف زوجي بحبني شديد
قالن ليها لو بغير شديد معناها بحبك شديد
طوالي قالت لزوجها امبارح في المواصلات في شاب ظريف قام لي من الكرسي
قال ليها والله دا شاب شهم
قالت ليهو وكمان دفع لي حق المواصلات
قاليها والله دا شاب كريم
افففففففففف زهجت وفكرت في فكرة جامدة
اتفقت مع ود الجيران اسمو الناير وفهمتو الفكرة ووافق وقبل ما اجي زوجها دخلتو جوة دولاب الملابس
وبعد زوجها جا قالت ليهو بعد ملابس العرس تاني ما جبت لي ائ ملابس جديدة
كيف ما جبت ليك اتي بتنسي ؟
ما جبت ليك توبين وتلاتة فستانين وامكن كمان اكتر
وطوالى مشى على الدولاب وفتحو
كدي يا الناير زح شوية دي مش التياب الجبتها ليك بعد العرس
كدي يا الناير زح شوية ودي مش الفستانين الجديدة بعد العرس ؟
كدي يا الناير قوم على حيلك عشان اوريها الملابس الجبتها بعد العرس كلها
هههههههههههههههه
عثمان موسى كل التحايا والاشواق
يلا يا مجيدو ارح هنا مافي زول بجيب ليك خبر هنا مع التحية يا سعادتك هههههههههه
| |
|
|
|
|
|
|
|
|
|
Re: نكات تضحك لامن تطرش (Re: عبدالله ود البوش)
|
واحد مرتو ما راكبة عدلها ..
جوهو ناس الحلة قالوا ليهو :
ياخي مرتك دي أمبارح شايفنها طالعة من بيت المهندس العزابي داك ..
قال ليهم : هو ذاتو و لا مهندس و لا حاجة .. فاكيها في روحو ساي ..
| |
|
|
|
|
|
|
|
|
|
Re: نكات تضحك لامن تطرش (Re: عصام دهب)
|
دي قوية يا نادر الفضلي .
وهاك دي .
.......
قاليك سوداني سافر أمريكا للعلاج وهو ما بعرف لغة ..
الدكتور سألو عن كي النار الفي بطنو ( وات از زيس ) قال للدكتور ( ذ ي س از تش تش أح ) هههههههها
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
هههههههههه
حلفاويين في امتحان تربية اسلامية
السؤال من هي الصحابية التي رافقت النبي في غزوة تبوك
واحد ما عارف الاجابة لكز اخوه بقول ليه السؤال نمرة ستة شنو؟
داك بالرطانة قال ليه هانين تنين يعني (أم هاني)
صاحبنا كتب فاطمة مجيد ....
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
نكاتكم كلها بتضحك بالجد وكا ربة. ..لكن النكتة الخلتنا نضحك ضحك
متواصل لامن شرقنا نكتة المسطول العينوه مدير السجن وعاوز انضباط
ونظام جوه السجن..
ودمتم بالف خير وصحة وعافية
| |
|
|
|
|
|
|
|
|
|
Re: نكات تضحك لامن تطرش (Re: اميرة السيد)
|
بتنا أميرة السيد
هاك الجديدة دي .
...
قاليك حمارين ماشين جمب سلخانة . شافو الخرفان معلقة مسلوخة في السلخانة .
قام الحمار قال للحمار المعاهو : الوأحد ينبسط الما طلع خروف ههههههههههههههههههها
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
مره كنت في النادي و دخلت الحمام،؛ لقيت واحد في الحمام اللي جنبي؛ بيقول ازيك و سكت و بعدين لقيته بيقول يابني سامعني بقولك ازيك، قلتله الحمد لله، قالي ايه الاخبار، قلتله كويس، قالي انت بتعمل ايه عندك ؛ قلتله حكون في الحمام بعمل ايه يعني، قالي لوحدك، ضحكت و قلتله اه لوحدي، قالي طب انا جاي، قلتله تيجي وين ياعم انت عبيط،؛ لقيته بيقول . .... . .طب اقفل يا احمد دلوقتي عشان في الحمام اللي جنبي واحد حمار فاكرني بكلمه .
>>>>>>>>>>>>>>....................>>>>>>>>
الله يجازي شيطان عقلك يا احمد ياخي...
طرفة ضحكتنا بالجد.. زي طرفة مدير السجن المسطول المجنون..
ودمت بخير وصحة وعافية
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
مسطول شليق ﺷﻼﻗﺔ ﺳﻤﻊ ﺟوطﺔ ﻋﻨد ﺍﻟﺠﻴرﺍﻥ ,ﺳﺄﻝ ولدو ديل مالم " ﺍﻟﺤﺎﺻل ﺷﻨو ؟
ولدو خجل يقول ليهو جارنا طلق مرتو
ﻗﺎﻣ ﻗﺎل ﻟﻴﻬو ﻋرﺑﻴﺘﻬم ﺍﺗﺴرﻗت !!!!...
ﻃﻮﺍﻟﻲ ﺍﻟمسطول ﻟﻔﻰ ﻋﻤﺘﻪ ﻭ ﻣﺸﻲ ﻟﻲ ﺟﺎﺭﻫم ﻳوﺍﺳﻴﻬو ﻗﺎﻝ ﻟﻴﻬو:
ﻳﺎ ﺯﻭﻝ ﻣﺎ ﺗزﻋل ﻧﻔﺴك, ﺍﻟﺤﻤد ﻟﻠﻪ ﺍﺭﺗﺤت ﻣﻨﻬﺎ،
ﻳﺎﺧﻲ ﻛل ﻣﺎ ﺍﻣﺸﻲ ﻣﻜﺎﻥ ﺍﻟﻘﺎﻫﺎ ﻣﻊ ﻭﺍﺣد ﻣن ﺍﺻﺤﺎﺑك ﺍﻭ ﺍﺻﺤﺎﺏ ﻭﻟدﻙ، ﻭﺑﻌدﻳن ﻣن ﺷﻜﻠﻬﺎ ﺯﺍﺗو ﻣﺎ ﻛوﻳﺴﺔ، ﻭﻣﺎ ﺣﺼل ﻣﺸﻴت ﺷﺎﺭﻉ ﺯﻟط، ﺇﻻ
ﻟﻘﻴﺘﻬﺎ ﻭﺍﻗﻔﻪ . ﺑوظوﻫﺎ ﺍﻭﻻﺩ ﺍﻟﺤﻠﺔ، ﺭﺍﻛﺒﻨﻬﺎ ﻟﻴل ﻭﻧﻬﺎﺭ ﺍﺗﻌﻠﻤوﺍ ﻓﻴﻬﺎ ﺍﻭﻻﺩ ﺣﺎﻣد ﻭﻧﺎﺱ ﻓرﻳق ﻭﺭﺍ ﻭﺍﺻﺤﺎﺏ ﻭﻟدﻙ ﺑﺘﺎﻋﻴن ﺍﻟﻜوﺭﺓ !!!...
ﺍظن ﺍﻭﻝ ﻣﺎ ﺍﻧت ﺗﻨوﻡ ﺍﻭ ﺗﻜوﻥ ﻣﺴﺎﻓر ﺑﺠوﺍ ﺑرﻛﺒوﻫﺎ ﻛﻠﻬم ﺑﺎﻟدﻭﺭ ﻭ ﺍﻟﻠﻪ ﺍﻟﻤﻜﻨﻴﻜﻴﺔ ﺑﺘﺎﻋﻴن ﺍﻟﻤﻨطﻘﺔ ﺍﻟﺼﻨﺎﻋﻴﺔ ﻣﺎ ﺍظن ﻓﻲ ﻭﺍﺣد ﻓﻴﻬم ﻣﺎ ﺑﻌﺒص
ﻓﻴﻬﺎ !!!!....
ﻭﻛل ﻣرﺓ ﺑﺠﻲ ﻋﺎﻳز ﺍﻛﻠﻤك ﺍﻟﻘﺎﻙ ﻣﺎﻑ، ﺣﺘﻲ ﻣرﺓ ﻗﺎﻟوﺍ ﺷﻔﻊ ﺍﻟﺤﻠﺔ ﻧزﻟوﺍ ﺑﻴﻬﺎ ﺍﻟﺨوﺭ !!!!!...
ﺍﻧﺘﻬت ﻋدﻳﻴل ﻭ ﺍﻟﻠﻪ، ﻳﺎﺧﻲ ﺭﻳﺤﺔ ﺩﺧﺎﻧﻬﺎ ﺩﻱ ﺑﺸﻤﻬﺎ ﻣن ﺟوﻩ ﺑﻴﺘﻨﺎ !!!!...
ﻟﻜن ﺍﻗوﻝ ﻟﻴك ﺣﺎﺟﺔ ﻣﺎ ﺗزﻋل ﺑﺘﻜوﻥ ﻣﻊ ﻭﺍﺣد ﻣن ﺷﺒﺎﺏ ﺍﻟﺤﻠﺔ ﺍﻟﻤﺴﺎطﻴل ﺩﻳل ﺑﻠﻌب ﺑﻴﻬﺎ ﻭﺑﻠف ﺑﻴﻬﺎ ﻭ ﺍﺧر ﺍﻟﻠﻴل ﺑزﻫﺞ ﻣﻨﻬﺎ ﺑﺠﻴﺒﻬﺎ ﻟﻴك ﻗدﺍﻡ
ﺍﻟﺒﻴت ﻭيزﻭﻍ !!!!!...
ﺻرﺍﺣﺔ ﻛدﺍ، ﺍﻧﺎ ﻭ ﺍﻟﻠﻪ ﻗﺒﺎﻝ ﻛدﺍ ﺭﻛﺒﺘﻬﺎ، ﻭﻣﺎ ﻋﺠﺒﺘﻨﻲ، ﻭﺍﻟﻠﻪ ﺍﻟﻌﻨدﻱ ﻓﻲ ﺍﻟﺒﻴت ﻣش ﻗدﻳﻤﺔ؟ ﻋﻠﻲ ﺍﻟﻴﻤﻴن ﺍﺣﺴن ﻣﻨﻬﺎ.
ﺟﺎﺭﻩ ﻭﻗﻊ ﺑﻲ ﺳﻜﺘﺔ ﻗﻠﺒﻴﺔ ......؟
| |
|
|
|
|
|
|
|
|
|
Re: نكات تضحك لامن تطرش (Re: اسامة محمد ابوبكر)
|
في واحد عندو هايس وفي واحدة من نسوان الحله
الجنبهم محجوزه في المستشفى
ونسوان الحلة عايزين
يزوروها وعددهم 10 ..
المهم اتفقوا مع صاحب الهايس يوديهم للمستشفى عشان
يزوروها وكل واحدة تدفع ليهو 100 ..
وبعد ما اتفقوا
معاهو بقى كرسي واحد فاضي فقال ليهن : ياريت
تشوفن واحده معاكن عشان نكمل العدد ..
قالن ليهو : والله ده عددنا بس !
قال ليهن : خلاص توكلناعلى الله ..
المهم ركبن كل النسوان في الهايس ولما اتحرك جات
واحدة من بعيد تجري بتحاول توقفو ..
فقال : حلو نشيلها معانا عشان يكمل العدد ..
والنسوان يقولن ليو :
ما تقيف دي فلانة المنحوسة ....ماتقيف
والله ما ختت رجلها في شي الا خرب وانهدم !!
قال ليهن : لالالا انتو ما عايزني أستفيد ..
المهم وقف وفتح ليها الباب
واول ماركبت قالت ليهن : هوي انزلن عوضية طلعت من المستشفى
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
شافع شليق مدخل اهلو كل يوم في احراج جاهم ضيف
ختو ليهو الغداءالضيف بياكل والشافع قاعد جنبو
وعندهم كلب بعاين للضيف،الضيف حبه يتظارف
قال للولد: كلبكم ده بعاين لي كده مالو،
الشافع قال ليهو: ما قاعد تاكل في صحنو
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
نفرفش شويه الله يديكم العافية ...
قالوا واحد مسطول النار ولعت في بيتهم دخل البيت وطلع ولده تاني دخل وطلع بنته تاني دخل وطلع زوجته تاني دخل وخرج ساكت وتاني دخل وخرج برضوا ساكت لمن كررها خمسه مرات سألوه الناس ليه بتدخل وتطلع بتعمل في شنو .. فقال لهم بقلب في حماتي ..
بس أكيد دا ما سوداني ...
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
مسطول داير يغسل عربيته بدا يغسل من النمره قالو ليه بديت بي النمره ليه ؟؟! أنقروا قال ليهم شنو ؟؟!
قاليهم مره بديت من السقف لما تميت الغسيل لقيت دي ما عربيتي
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
إمام حلفاوى يخطب بالناس الجمعة
قال..: مادايرين نطول كتير سألهم تعرفو (قصة) غصة نوح ..؟؟
قالو..: آآآي نعرفها..
قال..: خلاص أغم الصلاة!
بعد الصلاة سألهم.. تعرفو (قصة) غصة إبراهيم..؟؟
قالو..: آآآي نعرفها..
قال خلاص..: الجمعة الجاية.. ماتاجو! ! ! !
منقوله ..
وأنا شخصيا بحب الحلفاويين شديد جدا ولهم كل إحترام وتقدير ..
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
رباطابي عنده جار شايقي
الرباطابي كل ما تجيه نزلة برد ولا حمى ينادي الشايقي جاره ويقول ليهو بالله أمانة في ذمتك كان أنا مت تعرس مرتي
أولاد عم الرباطابي زعلوا منه .. قالو ليهو ياخي إنت نحنا ما مالين عينك تقول للشايقي كان مت عرس مرتي
قال ليهم يا أخوانا الشايقي دا قبل كدا غشاني في تلاجة باع لي تلاجة خربانة عاوز إتسد فيهو المقلب
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
يا عصام فقيري
انتو ليه دائما بتخلو الزوجات هن الكعبات والمكروهات من ازواجهن... وليه ما يكون العكس
وان الزوج هو المخلي حياة زوجته في جحيم لا يطاق .. وان الزوجة دي كانت بتكره ليها
واحدة اسمها ميمونة كراهية شديدة ولمن مرضت وعرفت نفسها حتموت نادت ميمونة وقال ليها
عليك الله انا حلفتك ووصيتي الأخيرة انه بعدما انا اموت تتزوجي راجلي . وهو اساسا بيعزك
وبيقدرك... ولمن اخواتها سألوها لشنو اخترتي ميمونة دي بالذات .. قالت ليهن : اصلي مغروضة فيها
وعذبتني في حياتي دي ودايراها تتعذب في حياتها مع الراجل السجم رماد ده...\
اها كده النكتة دي ما بتجي ولا شنو يا عاصم فقيري.. .. هههههههه...ههههههه؟؟
والله يديك الصحة والعافية
| |
|
|
|
|
|
|
|
|
|
Re: نكات تضحك لامن تطرش (Re: اميرة السيد)
|
مساء الخير
واحد بشرب من ست العرقي بالدين وحسابو كتر ابت تديهو وقالت ليهو
قروشي خليتها لي الله باخدن منك يوم القيامه
قال ليها
كدي افتحي الموضوع ده يومالقيامه عشان يطلعو زيتك
| |
|
|
|
|
|
|
|
|
|
Re: نكات تضحك لامن تطرش (Re: اميرة السيد)
|
ودي برضو عن أهلنا اليمنيين .
______
يمني مع الدكتور في العيادة .
قالولو فحص البول بي مية والفسحة بي مية .
قاليهم في عيادة هناك جمبنا . بي خمسين بس وكمان البول والفسحة من عندهم . ههههههههههها
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
دي من بيت الكلاوي لجميع الأخوه والأخوات متداخلي هذا البوست وللجميع خالص الود والتقدير ...
ﻣﺴطوﻝ ﻗﺒﻀوﻫو ﻧﺎﺱ ﺍﻹﻟزﺍﻣﻴﺔ .. ﻗﺎﻟو ﻟﻴﻬو ﺗﻘﻀﻲ
ﺍﻟﺨدﻣﺔ ﺑﺘﺎﻋﺘك ﻓﻲ ﺍﻟﻌﻤﻠﻴﺎﺕ
ﺃﻭﻝ ﺷﻬرﻳن ﻗﺎﻡ ﺑﻴﻬو ﻟﻐم ﻗطﻊ ﻛرﻋﻴﻨو الإتنين ..
ﺟﺎء ﻟﻠﻀﺎﺑط ﻗﺎﻝ ﻟﻴﻬو : ﺧﻼﺹ ﺃﻣﺸﻲ ﺑﻴﺘﻨﺎ
ﺍﻟﻀﺎﺑط ﻗﺎل ﻟﻴﻬو وﻳن .. ﺑﺎﻗﻲ ﺍﻟﻤدﺓ ﺗﻘﻀﻴﻬا ﻟﻴﻨﺎ طﺒﺎﻋﺔ ... ﺑﺎﻟﻜﻤﺒﻴوﺗر
ﺗﻼﺗﺔ ﺷﻬوﺭ ﺑﻌد ﺩﺍﻙ ﻭﻗﻌت ﻓﻴﻬو ﺩﺍﻧﺔ ﻗطﻌت ﻳدﻳﻨو الإتنين ..
ﺍﻟﻀﺎﺑط ﻗﺎل ﻟﻴﻬو .. ﺑﻌد ﺩﻩ ﻣﻤﻜن ﺗﻤﺸﻲ ﺑﻴﺘﻜم ..
ﻗﺎﻡ ﻗﺎﻝ ﻟﻠﻀﺎﺑط .. ﻻ ﻋﻠﻴك ﺍﻟﻠﻪ ﺃﺭﺑطوني ﻓﻲ ﻗﻨﺎﻳﺔ وﺯﻋِّﻔوﺍ ﺑﻲ ﺍﻟﻘﺼر ﺍﻟﺠﻤﻬورﻱ ...
| |
|
|
|
|
|
|
|
|
|
Re: نكات تضحك لامن تطرش (Re: Esam Nouh Osman)
|
يا أميرة السيد .. العفو .. زي ما قال زميل لينا هنا مجرد نكات ليس الا
واحد من الأفارقة العجم مسلم جاتو منحة دراسية في الأزهر .. علموه العربي زي ما هو (لغة عربية فصحى)
بعد ستة شهور بقى يتكلم زي أبو لهب زمان
ماشي ليهو مشوار قام وقف تاكسي
بدأ الخطاب مع بتاع التاكسي:
الأفريقي: السلام عليكم أيها السائق .. إني أريد الذهاب إلى حدائق القبة
طبعاً بالتشكيل
بتاع التاكسي كان ضارب ليهو واحدة قوية من الصباح
رد عليهو: قال ليه صدق الله العظيم يا ابني أوولي رايح فين ..!
| |
|
|
|
|
|
|
|
|
|
Re: نكات تضحك لامن تطرش (Re: Asim Fageary)
|
عشان اميرة ما تزعل
مرة راجلها قال ليها امشي في شيخ عنده درس في الجامع، المرة مشت لقت الدرس عن طاعة الزوج، جات راجعة الراجل سالها قال لها الشيخ قالكم شنو؟ قالت له: قال لنا كلام مسيخ، قال الجنة تحت كرعيك المشققات ديل 
رباطابي شايل خرطوش وساكي ولدو، قال للولد اقيف ما داير ادقك، الشافع قال له : طيب ساكني بالخرطوش داير تحلب مني بنزين؟
رباطابي بتاع عطور جاهو حنكوش قال ليهو اديني ريحة يشموها من اربعة شوارع، الرباباطابي قال ليهو : الا اعوس لك ابري
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
رباطابي زوجته جنها نقنقة .. يوم مساهره بيهو ،،
قاليها أنا داير انوم ،،
قالت ليهو تنوم ليه؟؟!! نعستااااا،،
قاليها ابدا 😬
بس منزلين حلم جديد ماشي احضرو
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
مسطول عنده كديس معذبه عذاب شديد
يجدعه في المسجد يجي راجع
يجدعه في الكوشة يجي راجع
يجدعه في السوق يجي راجع
اخر شيء شالو وطلع بيه الصحراء ورماه وشرد منه
بعد ساعتين دق على المرة في البيت :
قال ليها الكديس رجع ؟؟
قالت ليه أيوه ياهو ده جمبي
قال ليها أدي التلفون ده ... الله لا بارك فيهو ...
خليه يوصف لي الطريف أنا ما عرفت أرجع اليت.
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
سلام Osman Musa
أحييك على البوستات الرائعة الممتعة .
أنا جاية أشتكى ليك من الهادي أبوبكر .....
النكتة بتاعة الكديسة الما بتتوه أبدا قربت تموتني من الضحك ...الله يديكم العافية .
حقيقة كل النكات فى البوست مضحكة جدا .واصل و كلنا متابعين
تحياتى .
| |
|
|
|
|
|
|
|
|
|
Re: نكات تضحك لامن تطرش (Re: نعمات عماد)
|
Quote:
سلام Osman Musa
أحييك على البوستات الرائعة الممتعة .
أنا جاية أشتكى ليك من الهادي أبوبكر .....
النكتة بتاعة الكديسة الما بتتوه أبدا قربت تموتني من الضحك ...الله يديكم العافية .
حقيقة كل النكات فى البوست مضحكة جدا .واصل و كلنا متابعين
تحياتى . |
شكرا يا اخت نعمات على الاطراء الزائد
والحقيقة لو ما أهلنا بقولو الشكرو قدامه نبزوه والله لا يجيب يوم شكرك
الا ان عثمان موسى ده أنا بحب بوستاته جدا جدا ،،، واحلى حاجه إنه شايت بعيد من الحاصل في المنبر ولاعب جناح مع اللاين زي أدروب.
| |
|
|
|
|
|
|
|
|
|
Re: نكات تضحك لامن تطرش (Re: الهادي ابوبكر)
|
بوست *******
بس كدي اقرا القفشه دي:
رباطابي عنده فرن
جاهو واحد قال ليهو: داير عيش
الرباطابى قال ليهو: العيش لسة ماطلع
داك سالو: فى النار لسة
الرباطابى: لا فى الجنة..
تحياتي لك ولضيوفك الكرام وما تحرمنا من السمك الطاعم دا😊😊
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
يا عثمان ...
انا في نكتة بت لذينا ... مره حكيتها لقروب كدا قاموا ودوها الخور ...
اها ان شاء الله هنا ما يقوموا كمان يدفروها الخور ...
قالوا واحد صاحبو عيان في المستشفى وعملوا ليهو عمليه ....
قام زارو في المستشفى ولقى الاولاد قاعدين بره ..
سالهم .. ابوكم عندو شنو ؟؟ هوما كان كويس ..!!!!
الاولاد خجلوا يقولوا للراجل عندو بواسير ..
قاموا قالوا ليهو .. عندو التهاب في اضانو ..
صاحبك دخل على الراجل لقى الغرفه مليانه دكاتره وممرضين ومعاهو مرتو وبناتو ..
وحاول يتظارف .. وطوالي شبكو ليك ....
يااخي انتا طوالي مدخل فيها اصبعك .. ومره مدخل مفتاح .. ومره مدخل خشبة ..
واي حاجه تلقاها حاشره جوه ... كيف ما تلتهب يعني ؟؟؟؟؟
| |
|
|
|
|
|
|
|
|
|
Re: نكات تضحك لامن تطرش (Re: محمد مجيدو)
|
محمد هارون
مجيدو
حبابكم نيابة عن عثمان موسى
الزول ده اصلو كدي يظهر ويغطس زي جنا الوزين ،،، هسع يطلع لينا بي المكسيك ...
................
المهم قال حلفاوي اول مرة يخش المسجد يصلي
بعد الصلاة خلصت قاعد
وليد فايتاه ركعتين سلم مع الجماعة
سأل الحلفاوي ... قال ليه انا فاتتني ركعتين وسلمت مع الجماعة اعمل شنو
قال ليه في زول شافك قال ليه لا قال ليه خلاص أعمل نايم.
| |
|
|
|
|
|
|
|
|
|
Re: نكات تضحك لامن تطرش (Re: الهادي ابوبكر)
|
سلامات مربعات للشباب الجميلين والشابات الجميلات
ومعليش . أهو حال المعايش .
°°°°°°
وهاكم دي .
صعيدي مسطول رجع من السفر لقي بيتو مليان صراصير قام غير كالون البيت ههههههههها
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
ودي عن أهلنا اليمنيين
°°°°°°°°
يمني جديد في أمريكا . شاف ال ( ك لا ب ) المدربة بتوزع
الجرايد فى البيوت. قام صاحبو اﻻمريكى سألو
ايش رايك فى العلم عندنا في أمريكا ؟
اليمني رجع اليمن ومعاهو صاحبو الامريكي
وهم ماشيين في الطريق في العاصمة صنعاء جمب سيارة قديمة اليمني شال حجر ورمي الحجر في السيارة القديمة
قام طلع من تحتها ( ك ل ب ) ( و س خ ا ن ) ومجلبط زيت . قام اليمني قال للأمريكي شايف ال ( ك ل ب ) ده ؟
قالو نعم . قالو ده ميكانيكي ههههههههههه
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
جعلي سالوه ليه بتكره الشوايقه؟؟؟ قال عشان مقالبهم دي .
قالوا ليه كدي احكي لينا واحدة حصلت معاك
قال ليهم انا كنت في القيف بصطاد سمك و جنبي شايقي بصطاد ،،،
اها جبادتي وجبادة الشايقي اتشربكن وقبضن سمكة
انا والشايقي اتشبكنا انا بقولوا السمكة دي هولي وهو بقولي دي اللتي ،،،،
شوفت لي جعلي من هناك جاي قلت قريبي ده يحكم بيناتنا
الجعلي قال ما في حل غير السوط تتباطنوا والبيركز يشيل السمكة ،
اها اتكيفت قلت السوط ده ما حقنا ..
قلعت عراقيي اول حاجة وقلت للشايقي مية سوط مية سوط .
الشايقي اداني مية سوط ركزت ركزة جد .....
جاء دوري مسكت السوط قلت للشايقي اها دورك جاء ،
قالي في شنو؟؟؟!!! في السميكة دي...؟؟؟ شيلا ... ...
| |
|
|
|
|
|
|
|
|
|
Re: نكات تضحك لامن تطرش (Re: Osman Musa)
|
وأحد في السوق عندو أرنب للبيع .
جاهو مسطول قالو : أنتو عندكم القرد بي كم ؟
صاحب محل الارانب قالو : يا أخوي ده أرنب
قام المسطول قالو : أنا بسأل في القرد ما بسأل فيك . هههههههههههههها
| |
|
|
|
|
|
|
| |
Osman Musa
نادر الفضلى
يحي قباني
الهادي محمد ابراهيم
جلالدونا
محمد مجيدو
الهادي ابوبكر
عبدالله ود البوش
عبدالرحمن يسن حسين
سليمان القرشي
خالد علي محجوب المنسي
عبد الحميد البرنس
اسامة محمد ابوبكر
ملهم كردفان
كمال رفاعة
Asim Fageary
مهدي صلاح
محمد عمر الفكي
نعمات عماد
Mohammed Haroun
عزالدين عباس الفحل
حيدر حسن ميرغني
محمد حيدر المشرف
فيس بوك
تويتر
انستقرام
يوتيوب
بنتيريست