لماذا دخل السائق الى هذا المكان ياترى ...توجد صورة معبرة.

Quote: هل ذهب لسقيا ...ام من اجل الرحيل.

Quote: الفاضلابي صدقت والله . . . الصورة التانية غاية الروعة وتحتاج لبوست منفصل . . الطبيعة الجبلية هي لشرق السودان ؟

Quote: سلامات يا عبدالمنعم اكان ما اخاف الكضب الصورة الاخيرة دي من الفاضلاب بالمناسبة لمحتك في المنبر ده انك زي قلت قريت في اتبرا شكلك زي قريت عطبرة الغربية الجنب الكبري صح؟

Quote: الأخ عبد المنعم تحية طيبة ليك وللمشاركين صور جميلة ومعبرة جداً وعلى ما اعتقد صورة الكارو قدام مكتب برنامج الأمم المتحدة للإنماء دي في الدمازين وهو بجوار فندق الصديق وغرب المستشفى العسكري في حي الرياض، لأن الدمازين في فترة من الفترات كانت تعاني من العطش رغم أنو خزان الروصيرص فركة ولكن ياهو حال البلد المايل وتقبل تحياتي

Quote: يكون دخل يقدم لجوء أأأأأه يا منعم فترنا من الغربة حدو وين !!؟ اتقلعنا من جزورنا هسي كنت اكون في جبل ام على راكبة لى حمار زى دا وماشة ارد الموية من البئر والخضرة حولينى ومعاى بنات الفريق نتسامر ونضحك وجدايلى مضفرة ومليانة كركار ولبسة لى زمام وحاجة تانية كده بتقولة جدتى نسيت اسمها عقد كده فيه خرز اسود وابيض بتلبس مع دهب اسمها شنو يا مك وحات الله كنت بكون احلى واجنن ليك اولاد الفريق طبعا الحب بكون مختلف حب خالى من عاهات الزمن دا

Quote: وك Awad H. Abdalla والله فعلاً شئ يدعو للتساؤل ، بس أنا تفسيري إنو الزول دا بينقل ليهم الموية وبعدين دخل المكتب عشان يحاسب ، وربما بالمرَة كمان "يحاسب" يا "وضَاحة" إنت بت ناس منو في أهلنا ناس جبل أم على؟ أنا درست ستة سنين الإبتدائية في جبل ام على لأنو حلَتنا "قدو" ما كان فيها مدرسة في ذلك الزمان السحيق (الوكت داك إنت بتكوني لا في الحِرا لا في الطِرا هههه). طبعاً ناس جبل أم على كلهم أهلنا ولي منهم أصدقاء أعزاء، ولعلمك ، جبل أم على من أوائل قرى المنطقة التي أدخلت مياه المواسير (for lack of a better word) في البيوت ، وكان ذلك في أوائل السبعينات على ما أعتقد ـ لصاحب البوست ، ولكِ ، وللجميع أطيب التحايا

(عدل بواسطة عبد المنعم سيد احمد on 11-09-2014, 08:07 PM)

Quote: Fares Ahmed · ‎‏ الصورة التانية من الصومال والبنية صومالية لاحظ اللبس والخرفان الصومالية الابيض والاسود والزيل للعلم

شكرا لك فارس ....ومرحبتين حبابك
تفاصيلهم وتفاصيلنا فى بوادى الرعى واحدة
هذه البنية اخذت الاوسكر بجدارة
تسلم عزيزى ..سرتنا مشلركتك

Quote: اللاااااااااااااااااااااااااااااااااااااااااه يامنعم بوست رائع وعبقري .. بس فات عليك امران : جمال حميرنا الذي يظهرجمال بناتنا اذا تصورن علي ظهورهم .... وفوقه ان حميرنا ودوده واليفه وبتسمع الكلام .. محل ما يوقفوها بتقيف ولا تستنكف من حمل الماء او الحسان .. وقبلانه تعيش معانا في السودان وان (سواق) الحمار دخل مبني الامم المتحده عشان يجيب ماهية الحمار فهو موظف بالمنظمة الدوليه مثله مثل كثير من البهائم الموظفه بوكالات الامم المتحده في كثبر من دول العالم الثالث .. سلامي لك ولوضاحه ملكة التصوير بدون كاميرا .. وقول ليها الفيه خرز ابيض واسود وبلبسوه في الرقبه اسمه فرج الله .. لو ما اكون غلطان .. واهنئ ذو اليد علي صورة المرحاكه اللوحه عمر علي حسن

الزعيم عمر على حسن
والله ياريس ..الواحد سعيد ..بمدادك القيم اللماح
وبمرورك الازرق الفخيم ...وحبابك الف
انت عارف على قولك ..صاحب
الحمار ..يكون جاى يقبض ماهتو الشهرية
ماهو كمان يكون بيأدى فى عملو الانمائى المائى
بدلا عنهم ...هههههه
والله ده كلام عجيب خلاص ..
ماعرفنا المستوظف ..منو
الحمار وله صاحب الحمار.
قالو المكتب ده ..فى الدمازين.
فتأمل ...ماوصل اليه
حال البلاد والعباد
شكرا لمرورك الانيق

Quote: جميل حتي المتعه[/QUOTE مرحبتين حبابك ازهرى حروفكم تزيد اللوحة بهاءا.