|
دعواتكم لزميلنا المفكر د.الباقر العفيف بالشفاء العاجل
|
|
 Re: كديس كان حاضر في غرفة العمليات عملية قلب مفتوح في مستشفي سودان (Re: يحي قباني)
|
يا عثمان موسى قي السودان اي حاجه ممكن تحصل و عادي جدا. واحده قريبتي كانت في حالة ولادة منعسره و و الدكتور قرر عملية و اخوانها و راجلها كل زوا يجري بجيهه عشان يجيبو الخيط و الشاش و صابونة الديتول ببدكتور يعقم بيها يدينو. المهم الدكتور قتح بطنها وولدت و لمن جاء يخيط اكتشف انو الخيط غلط و بدوا يتجارو تاني يجيبو الخيط الصحيح. في الوقت ده البنج فك و مافي جرعه تاني و الكهرباء قطعت. جابوا الخيط الصحيح و طخلو العربيه في حوش المستشفى عشان الدكتور يخيط بطنها بدون بنج على ضوء العربيه. الطفل طبعا ما اشتغلو بيهو و لمن اتلفتو عليه الكديسه كانت بتلحس فيهو عادي جدا. والله على ما اقول شهيد.
| |
 
|
|
|
|
|
|
|
|
Re: كديس كان حاضر في غرفة العمليات عملية قلب مفتوح في مستشفي سودان (Re: اسامه العريفي)
|
عزيزنا الأخ العريفي
سلامات
تذكرت يا العريفي حديث المرحوم د / عوض محمد أحمد عن النظام المتبع في مستشفيات السودان في نهاية الخمسينات
وبدايات الستينات وعن طموح وأحلام وهموم العاملين في الحقل الصحي بالبلاد .
أتذكرت حديثو والله وأنا أتابع أخبار حال للمستشفيات المايل وأخبار قوة عين الكدايس .
وزي ماقل وأحد أخونا قال : أخطر قوتين الليلة في السودان هم الكدايس والجنجويد .
| |
|
|
|
|
|
|
|
|
Re: كديس كان حاضر في غرفة العمليات عملية قلب مفتوح في مستشفي سودان (Re: محمد المرتضى حامد)
|
| Quote: ولا سمعت بكدايس سواكن؟ |
سلامات ابن عمى عتمان
بمناسبة كدايس سواكن دى
قالوا قطر بورسودان انكسر فى واحدة من المحطات الخلوية
الركاب نزلوا اتجدّعوا فى الواطة تحت ضوء القمر.
واحد مَطَرِّف براهو ـ جاهو كديس يتحاوم بى جنبه, بعد شوية الكديس
قال ليهو اسمع ياخينا ـ انت واصل بورتسودان؟ الزول زول كلس ماخاف
قال ليهو ايوه.
الكديس قال ليهو ـ لوسمحت بعد تصل فى مطعم فى بورسودان اسمه مطعم الاخلاص ـ تلقى فيهو كديس ايدو اليمين مقطوعة قول ليهو جابوا ليك ولد.
زولك بعد وصل بورسودان وانجم ,, مشى مطعم الاخلاص ونادى الجرسون وطلب اكله وقعد يتلفت للكديس ابو يد مقطوعة ,, بعد شوية يشوفو ليك يتقدَّل وسط الزبائن ,, انتظر نامن جاء جنبه,, براحة مال عليهو وقال ليه ,, اسمع ياخ حصل كذا وكذا وجابوا ليك ولد. الكديس
انسحب وعلامات الرضاء تبدو على شواربه ,, بعد شويه الراجل نادى على الجرسون: الحساب من فضلك.
الجرسون قال ليهو الحساب مدفوع..
| |
|
|
|
|
|
|
| |
Osman Musa
يحي قباني
Dania Elmaki
Asim Fageary
اسامه العريفي
معاوية المدير
أيمن محمود
محمد المرتضى حامد
عبدالعزيز الفاضلابى
فيس بوك
تويتر
انستقرام
يوتيوب
بنتيريست