كاتب سوداني يصف السودانيين ( السلوك التعويضي عند الشخصية )

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-10-2018, 02:39 PM الصفحة الرئيسية

مدخل أرشيف الربع الثانى للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-09-2014, 02:46 PM

usama Babiker
<ausama Babiker
تاريخ التسجيل: 07-01-2013
مجموع المشاركات: 2199

للتواصل معنا

FaceBook
تويتر Twitter
YouTube


كاتب سوداني يصف السودانيين ( السلوك التعويضي عند الشخصية )

    Quote: السلوك التعويضي للشخصيه السودانيه
    ##################
    دراما اولى:
    سوداني ينادي خليجي بكلمة "زول" .. يرد الخليجي بأنه "ما زول" .. فيكتب السوداني "قصيدة طويله مؤثره" .. معددا فيها الصفات الجميله- العظيمه- "الاستثنائيه"- للشعب- "الاستثنائي"-السوداني .. ذاكرا فيها الاخلاق/ والتاريخ /والنيل/ والحضاره/ والتعليم /والثقافه.. هذه "القصيده العصماء" سارت بها "قروبات الوطسب" ردحا من الزمن .. فرحة و منتشية لهذا الرد الذي "اراح النفوس المغبونه " بأن جعل هذا الخليجي هو الخاسر الوحيد من كونه "مازول" ..
    دراما ثانيه:
    شباب سعودي مترف يخرج للخلاء يصور راعي غنم سوداني امين وينزله على اليوتيوب اعجابا بأمانته .. النتيجه: تبتهج "جموع" الشعب السوداني في البوادي والحضر لهذا الانتصار الباهر.. الاف "الاصتيتصات" نزلت مساء ذلك اليوم على "فيسبوك" وتدفقت الرسائل على "وطسب" مدرارا.. تتغزل في هذا الحدث الذي اجبر تلك القناه العربيه بتناوله .. هذا الحدث اثار من النقاشات ماهو كفيل بحل جميع ازمات هذه الامه المنكوبه ..
    دراما ثالثه:
    كاتب خليجي يكتب عمودا صحفيا يدافع فيه عن السودانيين يتم "تشييره فيسبوكيا" اكثر من اي عمود صحفي سوداني ..
    ودراما رابعه .. وخامسه .. وسادسه .. تعلمها ولا اعلمها..
    هل تلاحظ -اخي الكريم- مالذي يربط بين كل هذه الدراما؟
    اجابه صحيحه .. نعم .. هو "التعطش" .. تعطش الأنا السودانيه "للقبول" من الاخر الخليجي-العربي .. رغبة النفس السودانيه "الملحه" في اكتساب احترام "ومحبة" وتقدير الاخر العربي .. هذه الرغبه التي تبدو "كفجوة لا قرار لها" في دواخل الفرد السوداني .. لا تلتئم الا بعبارات الثناء والحمد والشكر من هذا الاخر ..
    هذا الثقب العميق يدفع الفرد السوداني لانتزاع "الود" انتزاعا ولو كلفه الامر ان يصبح شخصيه غريبه متناقضه تائهه .. ولو كلفه الامر التضحيه بحياته ..
    مالذي يدفع الالاف من هذه "الامه" للانفعال واتخاذ وضع الدفاع عن النفس لمجرد أن شخص "نكره" قال انه "مازول" !! لماذا لا تتقبل النفس السودانيه اعلان الخليجيين انهم لايرون انفسهم "ازوالا" بطيب خاطر؟؟ .. هل يجب عليهم ان يكونوا كذلك فعلا؟ هل تشعر بالأهانه من ذلك؟؟ وهل كنا سنرى ذات القصائد ونفس "الهياج العاطفي" و تلك الردود الدفاعيه ان كان هذا الشخص النكره هو من مواطني دولة "افريقيا الوسطي" مثلا؟؟
    ثم ما الذي يدعو لهذا "الاحتفاء الوطني" لمجرد ان مواطن خليجي اثنى على شخصيه سودانيه تؤدي عملها ان لم يكن هذا الامر هو مجرد ego flattering..؟؟
    ****************
    تعريف:
    السلوك التعويضي هو أي سلوك يسلكه الفرد للتعويض عن سلوك اخر او لتغطية صفه محدده او لاخفاء حقيقه لايمكنه تغييرها.. وهو ينتشر وسط الافراد الذين "لا يتقبلون" انفسهم كما هم ولا "يعترفون" بواقعهم كما هو "ولا يتصالحون" مع حقيقة "ذواتهم" الداخليه.
    مما يبدو واضحا للغايه "ويتطلب فترة من الزمن للاعتراف به ايضا" ان الفرد السوداني غير متصالح مع كون ان لونه "لونا اسودا" لا غبار عليه .. كما انه غير متقبل لحقيقة ان هناك "مكون افريقي" يغلب على "مكونه العربي" بكل وضوح .. هذا الاضطراب النفسي - الانكار الشديد للحقيقه التي يراها الكل- جعل الفرد السوداني يسلك سلوكا تعويضيا حالما تحط به الطائره في احدى المطارات العربيه .. جعله شديد الحساسيه لا يتقبل نقد الاخر العربي .. جعله يسعى بشتى الطرق لنيل الاستحسان من الاخر العربي.. وليس صعبا تحديد مظاهر السلوك التعويضي للسودانيين عند التعامل مع العرب .. وسأذكر بعضا منها -املا منكم- ذكر اي سلوك تعويضي للشخصيه السودانيه خارج السودان شاهدتموه او سمعتم به:
    التبرع باظهار الاختلافات العرقيه في السودان:
    من الشائع ان يتبرع الفرد السوداني بتقديم "توضيح علمي" للجغرافيا العرقيه في السودان .. حيث يوضح بحماس -مشكورا- ان السودان ملئ بالقبائل العربيه والافريقيه .. هذا التوضيح يقصد به اضفاء شيئ من "المصداقيه" في حديثه .. حيث انه سيذكر بعد قليل ان قبيلته من القبائل العربيه في السودان .. ثم قد يقوم احيانا بسرد "شجرة نسب" قبيلته التي ستصل بلا شك الى قريش .. وهنا اتذكر نكتة السوداني الذي اخبر سائق التاكسي السعودي انه من "الاشراف" .. وكلكم تدرون بقية القصه.
    الانكار الضمني للون الاسود:
    يركز الفرد السوداني كثيرا على ان السودان به جميع الالوان "ههههه" .. الابيض والاسود وما بينهما من تدرج .. ثم لا ينسي ان يقول ان في السودان "اقباطا" بشيئ من الغبطه والارتياح .. كل هذا سلوك تعويضي لتفادي وصم الشعب السوداني باللون الاسود الذي سيبعده عن العرب .. وهو يعلم "حقيقة" ان 99 في المائه من السودانيين هم سود البشره.
    الحبوبه التركيه والجذور المصريه:
    وحينما يجد الفرد السوداني انه من المستحيل "انقاذ" السودان ككل من وصمة "اللون الاسود" و"المكون الافريقي" .. فانه يسلك سلوكا تعويضيا مرضيا بانقاذ نفسه فقط .. حيث انه
    وحينما يجد الفرد السوداني انه من المستحيل "انقاذ" السودان ككل من وصمة "اللون الاسود" و"المكون الافريقي" .. فانه يسلك سلوكا تعويضيا مرضيا بانقاذ نفسه فقط .. حيث انه يذكر لمستمعيه العرب -وبدون سبب- ان حبوبته تركيه وان جده لأبيه من مهاجري مصر قديما..
    الاخلاق كسلوك تعويضي:
    اكثر السلوكيات شيوعا وانتشارا .. يبالغ السودانيون كثيرا في اظهار كرم اخلاقهم وصفاتهم تجاه "الشعوب العربيه" تحديدا .. وليس تجاه كل الشعوب.. "الاحباش" مثالا .. هذا الوضع المثير للشفقه لا يؤكد الا ان كل هذه الاخلاق ليست سوى وسيله لانتزاع استحسان وتقبل الشعب العربي.. وذلك لاشباع عقدة النقص السودانيه هذه النهمه..
    اللهجه العاميه السودانيه :
    يردد الفرد السوداني باستمرار أن "الدراسات" اثبتت ان العاميه السودانيه هي اقرب اللهجات للفصحى! .. وليس الغرض من ترديد ذلك هو الغايه العلميه كما هو واضح .. وانما الغرض هو محاولة اثبات اصالة السودانيين كعرب مثلهم مثل بقية العرب .. وقد يصبح هذا السلوك الذي يبحث عن الاعتراف "اكثر مرضية" بأن يقوم الفرد بالبحث في معاجم اللغه لاثبات ان تلك الكلمه موجوده في اللغه الفصحى القديمه.
    الدين الاسلامي:
    يلتزم السودانيون بتعاليم الدين الاسلامي "عموما" بصوره اكبر عندما يكونوا في المجتمعات المتدينه في الخليج.. وليس الامر ناتجا عن التأثير المباشر كما يبدو .. وانما لمحاولة الذوبان وانتزاع الاستحسان من هذا الاخر العربي.
    التفاعل مع القضايا العربيه:
    السودانيين اكثر الشعوب معرفة وتفاعلا وتضامنا مع القضايا العربيه الداخليه .. الاهتمام الزائد و "حشر الانف" هذا يهدف الى اشاعة روح التضامن بين العرب .. هذا الاهتمام يتخذ خطوات عمليه تقول: نحن نهتم لأمركم .. نحن شعب واحد كما تعلمون.. فاهتموا لامرنا .. ولكن يصل الاحباط النفسي قمته حينما لا يهتم العرب بالقضايا الداخليه السودانيه .. فيلجأ الفرد السوداني الى سلوك اخر وهو اقحامهم واعلامهم بتفاصيل الواقع السوداني عنوة .. ثم لومهم فيما بعد على عدم الاهتمام بالسودان وعدم المعرفه به .. فالمطلوب -حقيقه- هو اهتمام العرب بنا فقط.
    قد يذكر لك السوداني مقولة مجهوله قديمه وهي بيروت تطبع القاهره تكتب والخرطوم تقرأ .. قد يذكر لك ان نزار قباني اعجب بشعراء السودان .. قد يذكر لك مؤتمر قمه عربي عقد بالخرطوم يسميه اللاءات الثلاثه .. قد يذكر لك زيارة ام كلثوم للخرطوم في الستينات .. ويخبرك ان الملك فهد درس بالخرطوم .. كل هذه المحاولات المستميته اليائسه وكل هذه الدفاعات هي وسائل تستخدم لاثبات ان السودانيين ليسوا "أقل شأنا" من اقرانهم العرب وهي توضح حقيقة مدى تحقير هذا الانسان السوداني لنفسه!
    كل هذا جعل من الشخصيه السودانيه في الخليج شخصيه غريبة مضحكه متناقضه جاده طيبه انفعاليه عنيفه هادئه امينه متعلمه مجرمه يهابها الجميع ويسخر منها الجميع ايضا .. هذا لان الشخصيه السودانيه لا تتقبل نفسها .. ولا تتصالح مع حقيقتها.. فتنتج مسخا مشوها غير مفهوم ولا يمكن التنبؤ به.
    فيا عزيزي الزول .. انت لست مطالب باثبات شيئ .. لست في حوجه لانتزاع اعجاب احد .. كن كما انت ولا تتصنع شيئا .. لا تبالغ في اظهار كرمك .. ولا تبالغ في اظهار غضبك ولا تبالغ في تأكيد عروبتك او افريقانيتك .. فلا أحد في هذا الكون تدين له بشئ .. لا تبالغ في شيئ .. الا عملك .. او حتى لا تبالغ .. فعلى قدر عملك تأتي ترقيتك .. كن انت وفقط .

    (عدل بواسطة usama Babiker on 30-09-2014, 03:57 PM)
    (عدل بواسطة usama Babiker on 02-10-2014, 07:30 AM)

                   |Articles |News |مقالات |بيانات

30-09-2014, 02:59 PM

Osama Siddig
<aOsama Siddig
تاريخ التسجيل: 08-10-2006
مجموع المشاركات: 807

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: usama Babiker)

    أكاد أجزم أن كاتب المقال ســودانى، لا يمكن أن تجد من هؤلاء "الأعراب" من يستطيع أن يتكلم عن الشــعب الســودانى بهذه التفاصيل الدقيقة.....
                   |Articles |News |مقالات |بيانات

30-09-2014, 03:28 PM

عمار عبدالله عبدالرحمن
<aعمار عبدالله عبدالرحمن
تاريخ التسجيل: 26-02-2005
مجموع المشاركات: 8669

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: Osama Siddig)

    عجبني المقال ,, او قل جلدني
    بحثت عن الكاتب في قوقل
    لم اجد الا بعض الاسماء المصرية (كمال العجمي)
                   |Articles |News |مقالات |بيانات

30-09-2014, 03:33 PM

Osman Musa
<aOsman Musa
تاريخ التسجيل: 28-11-2006
مجموع المشاركات: 17333

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: Osama Siddig)

    السلوك التعويضي ؟
    ده مو كاتب خليجي .
    الكتابة لا تختلف عن الملامح : يعني كتابات المصري تختلف عن كتابات الكويتي
    وكتابة الكويتي تختلف عن اليمني .
    وكتابة السوداني تختلف عن المغربي .
    ...
    وحتي لو كان الكاتب كمال العجمي .
    يا سيد كمال منو العلمك الكتابة في المدأرس والسلوك في البيت والشارع .. الزول ده أنت محتاجلو في خليجك وفي الخارج .
    مع كتير المحبة والاحترام يا العجمي وده ماهو سلوك تعويضي ده طبع .. طبع ..
    ....
    تحياتي أخي أسامة
                   |Articles |News |مقالات |بيانات

30-09-2014, 03:55 PM

عبدالعظيم مكى

تاريخ التسجيل: 03-03-2014
مجموع المشاركات: 1117

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: Osman Musa)

    الكاتب واضح جدا انه سودانى.
                   |Articles |News |مقالات |بيانات

30-09-2014, 04:03 PM

أيمن الفاضل
<aأيمن الفاضل
تاريخ التسجيل: 12-01-2013
مجموع المشاركات: 972

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: Osman Musa)

    أنا والله المقال عجبني جداً
    Quote: فيا عزيزي الزول .. انت لست مطالب باثبات شيئ .. لست في حوجه لانتزاع اعجاب احد .. كن كما انت ولا تتصنع شيئا .. لا تبالغ في اظهار كرمك .. ولا تبالغ في اظهار غضبك ولا تبالغ في تأكيد عروبتك او افريقانيتك .. فلا أحد في هذا الكون تدين له بشئ .. لا تبالغ في شيئ .. الا عملك .. او حتى لا تبالغ .. فعلى قدر عملك تأتي ترقيتك .. كن انت وفقط

    ده كلام سليم 100%

    الكاتب لو خليجي فانا بشكره شديد علي صراحته ونصايحه القيمة
    لو سوداني بقول ليهو لا تنه عن خلق وتاتي مثله
                   |Articles |News |مقالات |بيانات

30-09-2014, 03:52 PM

زينب محمد عبدالله

تاريخ التسجيل: 26-12-2010
مجموع المشاركات: 1491

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: usama Babiker)

    ..
    Quote: ان الفرد السوداني غير متصالح مع كون ان لونه "لونا اسودا" لا غبار عليه .. كما انه غير متقبل لحقيقة ان هناك "مكون افريقي" يغلب على "مكونه العربي" بكل وضوح .. هذا الاضطراب النفسي - الانكار الشديد للحقيقه التي يراها الكل- جعل الفرد السوداني يسلك سلوكا تعويضيا حالما تحط به الطائره في احدى المطارات العربيه ..


    .
    Quote: من الشائع ان يتبرع الفرد السوداني بتقديم "توضيح علمي" للجغرافيا العرقيه في السودان .. حيث يوضح بحماس -مشكورا- ان السودان ملئ بالقبائل العربيه والافريقيه .. هذا التوضيح يقصد به اضفاء شيئ من "المصداقيه" في حديثه .. حيث انه سيذكر بعد قليل ان قبيلته من القبائل العربيه في السودان .. ثم قد يقوم احيانا بسرد "شجرة نسب" قبيلته التي ستصل بلا شك الى قريش .. وهنا اتذكر نكتة السوداني الذي اخبر سائق التاكسي السعودي انه من "الاشراف" .. وكلكم تدرون بقية القصه.




    Quote: لانكار الضمني للون الاسود:
    يركز الفرد السوداني كثيرا على ان السودان به جميع الالوان "ههههه" .. الابيض والاسود وما بينهما من تدرج .. ثم لا ينسي ان يقول ان في السودان "اقباطا" بشيئ من الغبطه والارتياح .. كل هذا سلوك تعويضي لتفادي وصم الشعب السوداني باللون الاسود الذي سيبعده عن العرب .. وهو يعلم "حقيقة" ان 99 في المائه من السودانيين هم سود البشره.




    Quote: الحبوبه التركيه والجذور المصريه:
    وحينما يجد الفرد السوداني انه من المستحيل "انقاذ" السودان ككل من وصمة "اللون الاسود" و"المكون الافريقي" .. فانه يسلك سلوكا تعويضيا مرضيا بانقاذ نفسه فقط .. حيث انه



    Quote: وحينما يجد الفرد السوداني انه من المستحيل "انقاذ" السودان ككل من وصمة "اللون الاسود" و"المكون الافريقي" .. فانه يسلك سلوكا تعويضيا مرضيا بانقاذ نفسه فقط .. حيث انه يذكر لمستمعيه العرب -وبدون سبب- ان حبوبته تركيه وان جده لأبيه من مهاجري مصر قديما..



    ا
    Quote: اللهجه العاميه السودانيه :
    يردد الفرد السوداني باستمرار أن "الدراسات" اثبتت ان العاميه السودانيه هي اقرب اللهجات للفصحى! .. وليس الغرض من ترديد ذلك هو الغايه العلميه كما هو واضح .. وانما الغرض هو محاولة اثبات اصالة السودانيين كعرب مثلهم مثل بقية العرب .. وقد يصبح هذا السلوك الذي يبحث عن الاعتراف "اكثر مرضية" بأن يقوم الفرد بالبحث في معاجم اللغه لاثبات ان تلك الكلمه موجوده في اللغه الفصحى القديمه.



    Quote:
    التفاعل مع القضايا العربيه:
    السودانيين اكثر الشعوب معرفة وتفاعلا وتضامنا مع القضايا العربيه الداخليه .. الاهتمام الزائد و "حشر الانف" هذا يهدف الى اشاعة روح التضامن بين العرب .. هذا الاهتمام يتخذ خطوات عمليه تقول: نحن نهتم لأمركم .. نحن شعب واحد كما تعلمون.. فاهتموا لامرنا .. ولكن يصل الاحباط النفسي قمته حينما لا يهتم العرب بالقضايا الداخليه السودانيه .. فيلجأ الفرد السوداني الى سلوك اخر وهو اقحامهم واعلامهم بتفاصيل الواقع السوداني عنوة .. ثم لومهم فيما بعد على عدم الاهتمام بالسودان وعدم المعرفه به .. فالمطلوب -حقيقه- هو اهتمام العرب بنا فقط.
    قد يذكر لك السوداني مقولة مجهوله قديمه وهي بيروت تطبع القاهره تكتب والخرطوم تقرأ .. قد يذكر لك ان نزار قباني اعجب بشعراء السودان .. قد يذكر لك مؤتمر قمه عربي عقد بالخرطوم يسميه اللاءات الثلاثه .. قد يذكر لك زيارة ام كلثوم للخرطوم في الستينات .. ويخبرك ان الملك فهد درس بالخرطوم .. كل هذه المحاولات المستميته اليائسه وكل هذه الدفاعات هي وسائل تستخدم لاثبات ان السودانيين ليسوا "أقل شأنا" من اقرانهم العرب وهي توضح حقيقة مدى تحقير هذا الانسان السوداني لنفسه!


    والله العظيم ما قال الا الحقيقه ..لكن مين يفهم ...شفتوا يا السودانين نتيجه اللصيق فى انساب الغير بتفضحكم كيف
    يعنى المشكله شنو انو تفتخر بأنك سودانى وكفى؟!!! وليه بنزعل لمن العرب ينادونا بى كلمه يا زول ؟ ونجرى نفتش فى المعاجم عشان نثبت ليهم انو كلمه زول اصلها عربى

    والغريبه فى الامر بنزعل لمن القنوات العربيه ما تهتم بى اخبار السودان !!!! فى هذا الزمن اثبتوا وجودكم بين الامم فى شتى المجالات واعتزوا بى اصلكم بعدين الناس التانيين بهتموا بيكم وبى اخباركم

    عامليين ازعاج لى الناس ..نحن كدا واصلنا كدا وجدنا فلان !!! فى الحقيقه الازعاج الكتير دا والكلام فى النسب والقبيله هذا دليل على انو الموضوع فيه انه ...
    وزى ما بقولوا العود لو مافيه شق ما بقول طق ...
    وينك يا بشاشا
                   |Articles |News |مقالات |بيانات

30-09-2014, 04:02 PM

عبدالعظيم مكى

تاريخ التسجيل: 03-03-2014
مجموع المشاركات: 1117

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: زينب محمد عبدالله)

    المقال فيه كثير من الحقائق وبعض اللغوثة المافى ليها داعى.
                   |Articles |News |مقالات |بيانات

30-09-2014, 04:05 PM

زينب محمد عبدالله

تاريخ التسجيل: 26-12-2010
مجموع المشاركات: 1491

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: زينب محمد عبدالله)

    والله العظيم يا اخ اسامه صديق جانى نفس الاحساس انو الكاتب الكلام دا واحد سودانى ..وسودانى ذكى جدا لانو استطاع ان يعرف انو لو كتب الكلام دا بى اعتباروا شخصيه سودانيه
    مافى زول بيهتم بى موضوع المقال لكن قدر يعرف كيف انو الشخصيه السودانيه بتهتم بى رأى الاعراب عننا وبتديه قيمه ..وهذا فى حد ذاته
    يعضض من ما كتبه بهذا المقال
                   |Articles |News |مقالات |بيانات

30-09-2014, 04:05 PM

usama Babiker
<ausama Babiker
تاريخ التسجيل: 07-01-2013
مجموع المشاركات: 2199

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: زينب محمد عبدالله)

    https://twitter.com/sudaneyecom/status/516889862977249280
                   |Articles |News |مقالات |بيانات

30-09-2014, 05:25 PM

smart_ana2001
<asmart_ana2001
تاريخ التسجيل: 17-04-2002
مجموع المشاركات: 5695

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: usama Babiker)

    Quote: أكاد أجزم أن كاتب المقال ســودانى،
                   |Articles |News |مقالات |بيانات

30-09-2014, 06:04 PM

زينب محمد عبدالله

تاريخ التسجيل: 26-12-2010
مجموع المشاركات: 1491

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: smart_ana2001)

    فى حاجه واحده عن صفاتنا كسودانيين ماذكرها كاتب هذا المقال
    بتعريفوها ايه؟
    ...........................................
                   |Articles |News |مقالات |بيانات

30-09-2014, 06:08 PM

بدرالدين الطائف
<aبدرالدين الطائف
تاريخ التسجيل: 09-01-2013
مجموع المشاركات: 1744

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: زينب محمد عبدالله)

    Quote:
    أكاد أجزم أن كاتب المقال ســودانى، لا يمكن أن تجد من هؤلاء "الأعراب" من يستطيع أن يتكلم عن الشــعب الســودانى بهذه التفاصيل الدقيقة....


    شخصياً لم يثاورني شك بأن كاتب المقال سوداني .
                   |Articles |News |مقالات |بيانات

30-09-2014, 06:31 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: smart_ana2001)

    سلامات اسامة
    مسألة انو الكاتب خليجي دي اعتقد الشخص النزل المقال في احد المواقع كتب مقدمه بالمعنى دا انو يظن ان كاتبها خليجي فا انتشرت على كدا في الفيس و الواتساب
    عموما دي ما موضوع مهم, المهم هو ما ورد في المقال من مشاهد ومن نقاط - على رغم ما بها من تعميم وعدم دقة أحيانا
    حقو كل واحد يعملها كـ check list ويشوف كم في المية ينطبق عليه
    هل احتفيت بشريط الراعي أو مقال الصحفي السعودي, هل تستعر من اللون الأسود, هل تهتم بشرح امورنا الداخلية للآخرين وتتضايق من عدم اهتمامهم بشؤوننا ....وهكذا إلى آخر القائمة


    ___________________

    أنا شخصيا طلعت مباصي يا الله يا الله
                   |Articles |News |مقالات |بيانات

30-09-2014, 06:43 PM

ASAAD IBRAHIM
<aASAAD IBRAHIM
تاريخ التسجيل: 26-11-2003
مجموع المشاركات: 3920

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: محمد البشرى الخضر)

    زي ما سبقوني الاخوة الكاتب غالبا سوداني زهجان من سلوكيات البعض
    وكلامو صاح وابصم عليهو بالعشرة لو طلع سوداني ولا خليجي
    النقطة المهمة بتاعت نحن لحدي الليلة عاملين فيها ابو العريف وتلقي اي واحد يقول والله كان ما السودانيين
    ناس الخليج ديل لسة من أهل الكهف، ويتناسي انو اخد اجرو كامل علي اي خدمة او واجب وظيفي قام بيهو في الخليج
    وكمان الادهي والامر لسة بنفتري علي الناس ونحن بلدنا من افشل البلدان في كل شئ
    الحقيقة دائما بتوكن موجعة
                   |Articles |News |مقالات |بيانات

30-09-2014, 07:29 PM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: ASAAD IBRAHIM)

    Quote: أكاد أجزم أن كاتب المقال ســودانى، لا يمكن أن تجد من هؤلاء "الأعراب" من يستطيع أن يتكلم عن الشــعب الســودانى بهذه التفاصيل الدقيقة.....

    للسوداني أيضًا إحساس أصيل بأنه السفير الوحيد للثقافة السودانية (إن وُجِدت) ...

    وأن "هؤلاء الأعراب" لا يدرون شيئًا عن السودان؛ إلاّ القلة المحظوظة من "هؤلاء الأعراب" من جمهوره الخاص ...







    ... المهم ...
                   |Articles |News |مقالات |بيانات

30-09-2014, 07:52 PM

الصادق اسماعيل
<aالصادق اسماعيل
تاريخ التسجيل: 14-01-2005
مجموع المشاركات: 8604

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: تبارك شيخ الدين جبريل)

    Quote: وحتي لو كان الكاتب كمال العجمي .
    يا سيد كمال منو العلمك الكتابة في المدأرس والسلوك في البيت والشارع .. الزول ده أنت محتاجلو في خليجك وفي الخارج .
    مع كتير المحبة والاحترام يا العجمي وده ماهو سلوك تعويضي ده طبع .. طبع ..


    يعني يا عثمان موسى

    عملت شنو هسع؟

    دخلت بالشباك ومرقت

    الخليجي ما محتاج للسوداني من أساسهز فلستوب

    الخليجي عنده قروش، وعنده وظائف

    السوداني كان ما اشتغل فيها المصري حيشتغل والهندي حيشتغل والأردني حيشتغل


    بالله حكاية علمناهم دي ما واقعة لي كله كله

    الأساتذة السودانيين ساهموا مع غيرهم، ولو كان الأساتذة السودانيين رفضوا يمشوا الخليج، الخليجيين الله ما حيكونوا أميين لأنه السودانيين ما درسوهم.

    فعليكم الله حكاية نحن علمناهم وكمال حمزة بني دبي، ومصطفى جالون علم الملك فهد اكل المرارة والراعي السوداني رب الأمانة دي مكنات ساكت.

    الشخصية السودانيىة زى ما قال كاتب المقال (مفروض تكون نفسها) لا أكتر لا أقل، وفعلاً ما في زول مطلوب إنه يبرر لزول

    والاستيريوتايبنق حيظل ما ظل بشر في الأرض، هسع أنا مابتذكر قابلت يهودي بخيل، لكن بخل اليهود ثابت (تنميطياً) غصباً عن عمك اسرائيل عليه السلام.

    نفس الحكاية تنميط السوداني بإنه كسلان وإنه عبد حيظل لمدة طةويلة ما لم نتعلم كشعوب القيم (الإنسانية) البتتجاوز "متل هيك كلام"


    ناس بيقتلوا بعض
    مليون حرب بيناتم
    اقتصاد مدمر
    فريق قومي تعبان
    فشل ذريع في التعليم والصحة

    يقوم يحتقر ليك البنغال؟ شفته المحنة كيف

    أول مرة مشيت الخليج وبتكلم مع بنغالي، اكتشفت ليك البنغالي الشغال سواق عنده بكالريوس في الفيزياء
    ومهتم بالأدب العالمي
    وللحقيقة هو اول زول نبهني لمحمد يونس وبنك غرامين الفازوا بي نوبل

    البنغالة شالوا نوبل يالسودانيين المستخلجين
    واخدين بالكم
                   |Articles |News |مقالات |بيانات

30-09-2014, 08:06 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8139

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: الصادق اسماعيل)

    Quote: الاف "الاصتيتصات"

    دي يعني شنو؟
    دا عربي ياود البشري
                   |Articles |News |مقالات |بيانات

02-10-2014, 07:47 AM

د.يوسف محمد طاهر
<aد.يوسف محمد طاهر
تاريخ التسجيل: 13-11-2009
مجموع المشاركات: 5261

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: تبارك شيخ الدين جبريل)

    Quote: : أكاد أجزم أن كاتب المقال ســودانى، لا يمكن أن تجد من هؤلاء "الأعراب" من يستطيع أن يتكلم عن الشــعب الســودانى بهذه التفاصيل الدقيقة.....


    للسوداني أيضًا إحساس أصيل بأنه السفير الوحيد للثقافة السودانية (إن وُجِدت) ...

    وأن "هؤلاء الأعراب" لا يدرون شيئًا عن السودان؛ إلاّ القلة المحظوظة من "هؤلاء الأعراب" من جمهوره الخاص ...


    أجمل تعليق ...

    هناك شعوب بعيدة عنا جغرافياً تتقن الأكل السوداني ، والكلام السوداني
    والموسيقى السودانية ، ويعرفوا الكثير عن السودان .. فما بالك بالخليجيين!!!
                   |Articles |News |مقالات |بيانات

30-09-2014, 08:08 PM

عبد الله شم
<aعبد الله شم
تاريخ التسجيل: 03-05-2013
مجموع المشاركات: 2210

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: زينب محمد عبدالله)

    Quote: وينك يا بشاشا

    طبعا اختنا زينب ما صدقتك لقيت ليها طريف تمسك فيهو
    هو منو القال الكرم والامانة وكل الصفات الانسانية السمحة حقت العرب وبس ولماذا بعث المصطفى عليه السلام في قريش تحديداً
    الم يبعث ليتمم اخلاق ناقصة ابتداها بقريش والعرب وجزيرتهم
    الم يكن السمؤال بن عاديا اليهودي اوفى الناس حتى صار مضرباص للامثال
    الم يكن كافور الاخشيدي الذي وصف بالعبد في شعر المتنبي اكثر الناس حكمة وحبا للادب والشعر
    وهل هنالك حضارة في الشرق الاوسط قاطبة تقارن بالحضارة النوبية باستثناء الحضارة الفرعونية
    لا تثقلي على على نفسك يا زينب كوني كما انتِ كما قال كاتب المقال السوداني المتخولج
                   |Articles |News |مقالات |بيانات

30-09-2014, 08:38 PM

مهدي صلاح
<aمهدي صلاح
تاريخ التسجيل: 21-08-2012
مجموع المشاركات: 5015

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: عبد الله شم)

    Quote: كاتب خليجي يكتب عمودا صحفيا يدافع فيه عن السودانيين يتم "تشييره فيسبوكيا" اكثر من اي عمود صحفي سوداني ..

    الكاتب سوداني ونسب المقال لـ(كاتب خليجي) عشان عارف اهتمامنا المرضي برأي الاخرين فينا
                   |Articles |News |مقالات |بيانات

30-09-2014, 09:22 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: مهدي صلاح)


    يعني هسة العباس طلع ما جدنا....والله حكاية!

    خلاص نمشي نشوف لينا شجرة نسب أفريقية
    و من هسة أنا حاجز العظيم مانديلا (خالي لزم أمي و مانديلا أخوان أشقاء)
    و جون قرنق ود عمي الحيطة بالحيطة..لوممبا متزوج بت عمي..فما يجي واحد فيكم يتلصق فينا ساكت.



    بالمناسبة ود الباوقة عمو عيدي أمين و أحمد هارون ود خالتو

    يلا أمشوا أحجزو ليكم شجر
                   |Articles |News |مقالات |بيانات

30-09-2014, 09:32 PM

Kostawi
<aKostawi
تاريخ التسجيل: 04-02-2002
مجموع المشاركات: 37219

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: Kostawi)

                   |Articles |News |مقالات |بيانات

01-10-2014, 02:03 AM

زينب محمد عبدالله

تاريخ التسجيل: 26-12-2010
مجموع المشاركات: 1491

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: Kostawi)

    عبدالله شم كتب :

    Quote: طبعا اختنا زينب ما صدقتك لقيت ليها طريف تمسك فيهو


    اولا انا لا اتشرف اكون اخت لى واحد بعتبر انو ضرب النساء حاجه مفرحه ومفخره

    كتب عبدالله شم :

    Quote: هو منو القال الكرم والامانة وكل الصفات الانسانية السمحة حقت العرب وبس [/QUOTE

    مافى اى زول قال الكرم والامانه وكل الصفات الانسانيه السمحه حقت العرب وبس !!! لا انا لا كاتب المقال قلنا كدا يبقى من وين انتا جبت الكلام دا ؟

    كتب عبدالله شم :

    Quote: ولماذا بعث المصطفى عليه السلام في قريش تحديداً
    الم يبعث ليتمم اخلاق ناقصة ابتداها بقريش والعرب وجزيرتهم


    off point كالعاده

    كتب عبدالله شم :

    Quote: الم يكن السمؤال بن عاديا اليهودي اوفى الناس حتى صار مضرباص للامثال
    الم يكن كافور الاخشيدي الذي وصف بالعبد في شعر المتنبي اكثر الناس حكمة وحبا للادب والشعر


    ده استعراض معلومات ليس الا.. وما عندو علاقه بى موضوع البوست ....ومحاوله منك to fit in مالنا نحن والسمؤال بن عاديا اليهودى وكافور الاخشيدى وشعر المتنبئ
    وثقافه الاعراب الحشو بيها امخاخكم فى المدارس وده سبب الاستلاب ذاتو البتكلم عنوا الكاتب يا حليلك يا الشيخ فرح ود تكتوك الماليك وجيع


    كتب عبدالله شم :
    Quote: لا تثقلي على على نفسك يا زينب كوني كما انتِ كما قال كاتب المقال السوداني المتخولج


    باللاهى !!!!!! الكلام دا تمشى تقولوا لى الزول البتشوفو فى المرايه
    عبدالله الشم البفتح البوستات ليل نهار بتكلم عن اصله وفصله بنصح الناس ....قال كونى كما انت !!!

    كتب عبدالله شم بوست بعنوان ( تاريخ الجعليين الزارعنا غير الله الليجى يقلعنا )
    وانا عملت ليه اقتباس للكلام الكتبه فى بوست ( مغتربه كان الكف فى استقبالها فى مطار الخرطوم )
    وهو كالاتى :
    عفيت منو مقنع الكاشقات
    تسلم البطن الجابتو ...

    طبعا انا عايزه اخليه يفتخر بى كل الpackages
    عشان كدا جبتا ليه كلاموا الكتبوا فى بوست ( مغتربه كان الكف فى استقبالها فى مطار الخرطوم )
    لكن بدل ما يكون شجاع ويعتذر زى ما اعتذر الاخ الصادق صديق سليمان والذى كتب الاتى :ا


    Quote: النصيحة يا جماعة

    انا اقتنعت - ما مفروض يضربها والله
    الناس الفوق ديل كلامهم صاااااح مية في المية لأنو لو ضرب احدى حرائري لقتله

    اعتذر لها ولكل حرائر السودان


    ولكن لانو عبدالله شم لايملك الشجاعه والرجوع للحق بدأ يلف ويدور مفتكرالقراء مغفليين انظروا ماذا كتب مبررا قوله الصريح وفرحه بضرب امراة

    Quote: هنالك لي راي ولم اجد فرصة لتوضيحة بسبب الاستعداء الذي غلف اغلب الرود وانا لا اقر بصحة الكف بقدر ما اقر بشهامة الرجل


    قال لم اجد فرصه لى توضيحه بسبب الاستعداء !!!!! هههه فعلا الاختشوا ماتو
    شوف يا المدعو عبدالله شم انا ما بهمنى انت منو ولا اصلك وفصلك ايه ولكن بهمنى ما تكتب فقط.. فاحسن تخليك موضوعى شويه
    والفكره المابتقدر تدافع عنها ما تكتبها ولو غلطت اعتذر وكلنا بنغلط
    ولو عدتم عدنا
                       |Articles |News |مقالات |بيانات

01-10-2014, 02:35 AM

تبارك شيخ الدين جبريل
<aتبارك شيخ الدين جبريل
تاريخ التسجيل: 04-12-2006
مجموع المشاركات: 13931

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: زينب محمد عبدالله)

    Quote: شوف يا المدعو عبدالله شم انا ما بهمنى انت منو ولا اصلك وفصلك ايه ولكن بهمنى ما تكتب فقط.. فاحسن تخليك موضوعى شويه
    والفكره المابتقدر تدافع عنها ما تكتبها ولو غلطت اعتذر وكلنا بنغلط
    ولو عدتم عدنا

    تهرشيهو يا زينب؟

    عشان لقيتيهو مجرّد جعلي؟

    هههههههههههه ...






    ... المهم ....
                   |Articles |News |مقالات |بيانات

01-10-2014, 06:45 AM

MOHAMMED ELSHEIKH
<aMOHAMMED ELSHEIKH
تاريخ التسجيل: 21-03-2008
مجموع المشاركات: 9579

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: تبارك شيخ الدين جبريل)

    الكاتب سوداني طبعا
    وقرررررررب يكون دا انا زاتي
    ولو الخليجيين بعرفو عننا قدر دا مااا الله ادانا
    وعلى العموم

    اتوقع من بريمة الجهني ردا قويا لهذا السوداني المتخلجن

    (عدل بواسطة MOHAMMED ELSHEIKH on 01-10-2014, 06:47 AM)

                   |Articles |News |مقالات |بيانات

01-10-2014, 07:36 AM

علي عبدالوهاب عثمان

تاريخ التسجيل: 17-01-2013
مجموع المشاركات: 7567

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: MOHAMMED ELSHEIKH)

    Quote: اكثر السلوكيات شيوعا وانتشارا .. يبالغ السودانيون كثيرا في اظهار كرم اخلاقهم وصفاتهم تجاه "الشعوب العربيه" تحديدا .. وليس تجاه كل الشعوب.. "الاحباش" مثالا .. هذا الوضع المثير للشفقه لا يؤكد الا ان كل هذه الاخلاق ليست سوى وسيله لانتزاع استحسان وتقبل الشعب العربي.. وذلك لاشباع عقدة النقص السودانيه هذه النهمه..
    اللهجه العاميه السودانيه :
    يردد الفرد السوداني باستمرار أن "الدراسات" اثبتت ان العاميه السودانيه هي اقرب اللهجات للفصحى! .. وليس الغرض من ترديد ذلك هو الغايه العلميه كما هو واضح .. وانما الغرض هو محاولة اثبات اصالة السودانيين كعرب مثلهم مثل بقية العرب .. وقد يصبح هذا السلوك الذي يبحث عن الاعتراف "اكثر مرضية" بأن يقوم الفرد بالبحث في معاجم اللغه لاثبات ان تلك الكلمه موجوده في اللغه الفصحى القديمه.


    شكراً أسامة على نقل هذا المقال
    كأن الواحد فينا يقرأ نفسه ..
    المقالة فيها حقائق نمارسها جمعياً ونشعر بها حقيقة

    تحياتي ..
                   |Articles |News |مقالات |بيانات

01-10-2014, 07:52 AM

الصادق صديق سلمان
<aالصادق صديق سلمان
تاريخ التسجيل: 11-07-2006
مجموع المشاركات: 4008

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: MOHAMMED ELSHEIKH)

    بالتأكيد الكاتب سوداني مليون في المية

    وكلامه كله صاح ونحن نلاحظ هذا السلوك كسودانيين عايشين في الخليج
    فعلاً تجدنا نحاول اثبات عروبتنا واثبات كرمنا ونثور ثورة عارمة لأتفه الأسباب

    نعلم ابنائنا ليكونوا اقوياء في المدارس والا يقبلوا اي كلمة من اي (طفل) سعودي مثلهم
    الأعراب يعرفون هذه الصفات فينا
    ودائماً ما تجدهم يبدأون عندما يحتاجونك بأن السوداني افضل واحد وينهالون علينا بكلمات الشكر والتبجيل

    الزول الكتب الكلام دا عارفنا كويس
                   |Articles |News |مقالات |بيانات

01-10-2014, 07:55 AM

MOHAMMED ELSHEIKH
<aMOHAMMED ELSHEIKH
تاريخ التسجيل: 21-03-2008
مجموع المشاركات: 9579

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: الصادق صديق سلمان)

    Quote: الزول الكتب الكلام دا عارفنا كويس


    الزول مننا وفينا

    ياخ دا قرب يتحدث عن حبوبتي حبصة بت ابشورة
    تقول لي خليجي
                   |Articles |News |مقالات |بيانات

01-10-2014, 10:39 AM

عبد الله شم
<aعبد الله شم
تاريخ التسجيل: 03-05-2013
مجموع المشاركات: 2210

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) كمال العجمي (Re: زينب محمد عبدالله)

    Quote: اولا انا لا اتشرف اكون اخت لى واحد بعتبر انو ضرب النساء حاجه مفرحه ومفخره

    زينب كلمة اخت واخ نكتبها للمخاطبة ليس الا ولا تعني اخت او اخ بمفهومها الذي تعرفين
    لست مهتماً بان اكون لك اخ او لا اكون فهي لا تعنيني لا كثيراً ولا قليلاً
    والاقتباس الذي اتيتِ به لا يخدم غرض البوست مجرد مكايدة شخصية يمكنك ان تعودي للبوست وتكتبِ ما تريه مناسب
    وحتماً سارد لك ان رايت ان الامر يحتاج .
    للتذكير فقط هذه مداخلتي
    Quote: طبعا اختنا زينب ما صدقت لقيت ليها طريف تمسك فيهو
    هو منو القال الكرم والامانة وكل الصفات الانسانية السمحة حقت العرب وبس ولماذا بعث المصطفى عليه السلام في قريش تحديداً
    الم يبعث ليتمم اخلاق ناقصة ابتداها بقريش والعرب وجزيرتهم
    الم يكن السمؤال بن عاديا اليهودي اوفى الناس حتى صار مضرباص للامثال
    الم يكن كافور الاخشيدي الذي وصف بالعبد في شعر المتنبي اكثر الناس حكمة وحبا للادب والشعر
    وهل هنالك حضارة في الشرق الاوسط قاطبة تقارن بالحضارة النوبية باستثناء الحضارة الفرعونية
    لا تثقلي على على نفسك يا زينب كوني كما انتِ كما قال كاتب المقال السوداني المتخولج

    الكاتب السوداني عبد الرحمن ادم عبد الرحمن سلب السودانين بكل تنوعهم الاثني من صفاتهم لمجرد تحقيق شئ يصبو اليه
    فالسودانيين كريمين وليس لانهم عرب او غيره بل هي صفات عندهم قبل حتى ان تظهر جدلية عرب وافارقه هذه
    وهذه الصفات ومثلها صفات لا يستطيع احد ان يسلبنا لها لمجرد ان ينفي عروبتنا او يثبتها فهو اشبه بمن حرق بيته لوجود فار بداخله
    انت احتفيتِ بالمقال دون حتى فهم محتواه وهذه مشكلتك وهو ما جعلني ارد عليه
    نحن كسودانيين كرماء وامناء لاننا تربينا على ذلك فالصفات لا تورث جينياً بل تورث تربيةً
                   |Articles |News |مقالات |بيانات

01-10-2014, 07:54 AM

معتصم سليمان
<aمعتصم سليمان
تاريخ التسجيل: 28-02-2014
مجموع المشاركات: 835

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)

    كلام فيهو نسبة كبيرة جداً من الواقع النحنا عايشينو ياجماعة الخير وحقو الناس تقراهو أكتر من مرة وتقيف عند المهم فيهو شديد وكتير من المذكور هنا دي من عاداتنا وطبائعنا النحنا وجدناها مما وعينا وعرفنا يبقى الغريب شنو ؟؟؟ يظل الزول زول والمازول يظل زلمة أو أخو أو رفيق أو صديق ويااااااكثر الألقاب والمسميات والتعاريف وفي النهاية كل شاة معلقة من عصبتها وياجماعة في وجهة نظري الخاصة أن الموضوع ده لو الناس حملتو أكثر مما يجب بيتحول لموضوع انصرافي بحت .

    عند اللفة بس :
    -------------
    معظم الناس اشتغلت بالكاتب أكثر من المكتوب
                   |Articles |News |مقالات |بيانات

01-10-2014, 08:50 AM

احمد سيد احمد
<aاحمد سيد احمد
تاريخ التسجيل: 23-01-2013
مجموع المشاركات: 1248

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: معتصم سليمان)

    السلام عليكم

    فعلا الكاتب 99% سوداني والحمدلله انو ما طلع سعودي والا كان كشف نقاط ضعفنا وعرّانا اما انفسنا قبل اي شخص اخر.

    اتفق مع الاخت زينب في انو الكاتب سوداني ذكي لانو عرف كيف يخلي المقال ينتشر ويصبح مقروء ...وباللجد دي اثبتت ما بداخل المقال من انو السوداني بيهمو رأي العرب فيهو.

    واتفق كمان مع الاخ الصادق في انو فعلا الاساتذة السودانيين جزء من كثير من الجنسيات العربية الساهمت في تعليم ابناء الخليج لكن صح لو ما كان جوهم السودانيين ما كانوا حيفضلوا اميين....وسبحان الله المصريين البنشوفهم كعبين ديل في الستينات في كتير من المدارس السودانية الثانوية كانوا هم اساتذة الفيزياء والكيمياء والمواد العلمية و حتى الانجليز لمن كترت عليهم تكاليف الموظفين لادارة الامور ف السودان بقوا يجيبوا موظفين خدمة مدنية من مصر...ولولا غطرسة وعجرفة غالبية ابناء الشعب المصري لاستحقوا ان يكونوا الرواد في العالم العربي وعندنا في السودان ناس ادريس جماع واغلب المتعلمي الاوائل ققروا في دار العلوم والازهر وحتى الاغتراب في الخمسينات كان لمصر والعلاج كان ومازال هناك واموت في القصر العيني وتنقذني الطبيبة...فمصر كبيرة وعريقة ولا يغالط في هذا الا مكابر لكن شعبها متغطرس...المهم والخلاصة اننا لا نفرق عن باقي خلق الله شيئا و ما عندنا خوارق وصفات استثنائية فايتين بيها البشر فاحسن نروق في علبنا ونصلح بلدنا التعبانه دي وبعداك نشوف الباقي
                   |Articles |News |مقالات |بيانات

01-10-2014, 09:15 AM

فاروق عثمان
<aفاروق عثمان
تاريخ التسجيل: 22-10-2010
مجموع المشاركات: 2017

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: احمد سيد احمد)
                   |Articles |News |مقالات |بيانات

01-10-2014, 09:15 AM

عبدالكريم الاحمر
<aعبدالكريم الاحمر
تاريخ التسجيل: 09-01-2013
مجموع المشاركات: 424

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: احمد سيد احمد)

    سوداني متجنس قريب
                   |Articles |News |مقالات |بيانات

01-10-2014, 09:59 AM

مدثر صديق
<aمدثر صديق
تاريخ التسجيل: 30-04-2010
مجموع المشاركات: 3144

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: عبدالكريم الاحمر)

    Quote: يلتزم السودانيون بتعاليم الدين الاسلامي "عموما" بصوره اكبر عندما يكونوا في المجتمعات المتدينه في الخليج.. وليس الامر
    ناتجا عن التأثير المباشر كما يبدو .. وانما لمحاولة الذوبان وانتزاع الاستحسان من هذا الاخر العربي.


    لا حول و لا قوة الا بالله ........
    كانه قال ( السودانيين عموما ) منافقين .....
                   |Articles |News |مقالات |بيانات

01-10-2014, 10:11 AM

Adil Isaac
<aAdil Isaac
تاريخ التسجيل: 02-12-2003
مجموع المشاركات: 4104

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: مدثر صديق)

    Quote: ركز الفرد السوداني كثيرا على ان السودان به جميع الالوان "ههههه" .. الابيض والاسود وما بينهما من تدرج .. ثم لا ينسي ان يقول ان في السودان "اقباطا" بشيئ من الغبطه والارتياح .. كل هذا سلوك تعويضي لتفادي وصم الشعب السوداني باللون الاسود الذي سيبعده عن العرب .. وهو يعلم "حقيقة" ان 99 في المائه من السودانيين هم سود البشره.

    الحمد لله العرب لا تصنع البوينج و لا الأيربص ، لن تذهب للفضاء- هذا من ناحية المادي
    من ناحية الإنتاج العقلي من ثقافة و فنون و أدب- كل إنتاج العرب منذ أن خلقوا أقل من إنتاج أسبانيا في العشر سنوات الأخيرة :)
    يتبقي لماذه يهرع السوداني و يتشعلق في دفار العروبة الضارب؟
    هذه سياسات تعليمية إبتلانا بها أمثال محي الدين صابر بالكوبي أند بيست من المنهج التعليمي المصري
    و أوهام أن العروبة و الإسلام سيان رغم أن الدول الإسلامية المتطورة الوحيدة مثل تركيا، إندونيسيا و ماليزيا لا علاقة لها بالعرب و العروبة

    و نتسآل مع الكاتب السواد دة ما لو يا ناكربنه :) إسم الدولج نفسها يثبت سواد السودان و بلاش تمن فاخر بدو العرب الغبي
                   |Articles |News |مقالات |بيانات

01-10-2014, 11:18 AM

Kamal Karrar
<aKamal Karrar
تاريخ التسجيل: 16-11-2006
مجموع المشاركات: 3703

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: Adil Isaac)

    يا أخواني وأخواتي السودانيين الكرام اللذين أعتز بهم من أي قبيلة كانوا...

    في حاجة نساها الخليجي...

    إنو في لحظة كل السودانيين يصبحوا دارفوريين أمام الخليجيين ويتحدثون بزهو أمام الخليجي بأن علي دينار كان يكسو الكعبة

    وحفر أبيار علي في طريق المدينة...

    فبلغوا الكاتب أي كان خليجي أو سوداني ما نسيّ
                   |Articles |News |مقالات |بيانات

01-10-2014, 11:36 AM

على محمد الخير

تاريخ التسجيل: 29-03-2008
مجموع المشاركات: 1592

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: Adil Isaac)

    شكرا اخ Usama Babiker

    على ايراد هذا المقال .. الجالد للذات السودانية .. واستغرب اهتمام اغلب المتداخلين عن من كتب هذا المقال .. الا متداخل واحد لوح الى الاهتمام بالموضوع فى حد ذاته ..
    وهل هو حقيقى ما ذكر .. هل فعلا يظهر فى الشخصية السودانية ام لا ؟ ..وان كان كذلك فعلينا الاستفاة من كل ما ورد ونتجنبه فى سلوكياتنا .. اهمها عدم الالتصاق بالغير .. وعدم اجبار الاخرين بان يرونا كما نريد نحن ان نكون فى نظرهم ..
    مقال جميل واعجبنى ووافق كثير من ما ظللنا نستنكره على الشخصية السودانية من سلبيات .. اقلاه مثلا الاحتفاء الاخير والمبالغ والمزعج بالراعى الذى اُختبر فى امانته ونجاحه فيها .. هذه الامانة التى اقام بها السودانيين الدنيا ولم يقعدوها فرحا بهذا الانجاز العظيم ..!!!!!

    شكرا لمن يهدينا عيوبنا .. سواء كان سودانيا او خليجيا او اى من كان ...
                   |Articles |News |مقالات |بيانات

01-10-2014, 12:41 PM

طه داوود
<aطه داوود
تاريخ التسجيل: 29-04-2010
مجموع المشاركات: 314

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: على محمد الخير)

    كاتب المقال (ولا تهمنا جنسيته) أصاب كبد الحقيقة في تحليله مع وجود بعض الأخطاء..
    فمثلا لا أتصور وجود شخص سوداني يعلن أن جدته مصرية أو تركية فقط لإثبات عروبته،، مع ملاحظة أن تركيا ليست دولة عربية!!
                   |Articles |News |مقالات |بيانات

01-10-2014, 01:22 PM

على محمد الخير

تاريخ التسجيل: 29-03-2008
مجموع المشاركات: 1592

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: طه داوود)

    تحياتى اخى طه داوود

    Quote: فمثلا لا أتصور وجود شخص سوداني يعلن أن جدته مصرية أو تركية فقط لإثبات عروبته،، مع ملاحظة أن تركيا ليست دولة عربية!!

    يبدو انك لم تتابع ما جاء فى هذه الجزئية التى اشرت اليها جيدا .. هنا يشير الكاتب الى التمسح والالتصاق باللون الابيض دونما الاسود وليس الاصول العربية تحديدا وانما جاءت فى اطار الهروب من اللون الاسود .. وبالتاكيد من يريد ان يلتصق بالعرب لن يذكر ان جدته تركية ...
    مع كامل الود
                   |Articles |News |مقالات |بيانات

01-10-2014, 12:46 PM

ياسر منصور عثمان
<aياسر منصور عثمان
تاريخ التسجيل: 16-01-2013
مجموع المشاركات: 4485

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)

    كلام صحيح 100%..
                   |Articles |News |مقالات |بيانات

01-10-2014, 01:03 PM

آدم صيام
<aآدم صيام
تاريخ التسجيل: 11-03-2008
مجموع المشاركات: 4724

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: ياسر منصور عثمان)

    كثير من المتداخلين هنا برهنوا على صحة المقال عندما رددوا (الكاتب سوداني)


    الإنسان السوداني - عمومًا- كائن ت ا ف ه وواحدة من عوامل تفاهته ترجع لتاريخ الرق الطوييييييييييييييييل
                   |Articles |News |مقالات |بيانات

01-10-2014, 01:20 PM

الزبير بشير
<aالزبير بشير
تاريخ التسجيل: 11-08-2009
مجموع المشاركات: 1037

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: ياسر منصور عثمان)

    مقال ######## لا يستحق النشر و التعليق
                   |Articles |News |مقالات |بيانات

01-10-2014, 01:37 PM

Abdlaziz Eisa
<aAbdlaziz Eisa
تاريخ التسجيل: 03-02-2007
مجموع المشاركات: 22021

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: الزبير بشير)


    الاخ أسامة والمتداخلون
    سلام

    كما سبقني بعض الاخوة أقول ليس مهما من كتب بقدر أهمية الموضوع وواقعيته..

    الكثير هنا يقرأ ويجد ان هناك الكثير من الكلمات والأسطر قد مسته مباشرة..
    فتنكر السودانيين لهويتهم الغالبة في الافريقية هي أس البلاء وما غرقنا فيه من أزمات لا أول لها ولا آخر..
    وقد كتبت في بوستات سابقة عن ثقافة الانحياز الاسلاعروبي وانكار ان لم يكن معاداة لكل ما يربط بالاصل الافريقاني الغالب شكلا ولونا..
    (الخرطوم تظاهر لموت ارهابي في غزة وبها صمت الأموات عن الآلاف التي تقتل في دارفور وجبال النوبة)!!!!!!!!!!!!!!!


    تحياتي
                   |Articles |News |مقالات |بيانات

01-10-2014, 02:04 PM

بدر المعارف محمد المساعد
<aبدر المعارف محمد المساعد
تاريخ التسجيل: 12-05-2014
مجموع المشاركات: 196

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: Abdlaziz Eisa)

    كاتب المقال سواء كان سوداني او خليجي ، لخص عدة نقاط دائما نجادل بها الخليجين، واصاب عين الحقيقة ، والدليل على ذلك الاحتفاء المبالغ فيه بالراعي الطيب والذي عند وصوله تم حمله على الاعناق، لماذا دائما نبحث عن هوايتنا الضايعة عند الاعراب ، بصراحة هذا الكاتب اصابة الحقيقة واحبطت الكثيرين الذي يبحثون عن المواضيع المكتوبة التي تمجد السودانيين لدى الخلجيين.
                   |Articles |News |مقالات |بيانات

01-10-2014, 02:54 PM

حامد بدري
<aحامد بدري
تاريخ التسجيل: 10-03-2013
مجموع المشاركات: 2558

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: بدر المعارف محمد المساعد)

    مقال قمئ وسطحي جدا اخلاقنا كرمنا وشهامتنا صفة اصيلة فينا ماعشان تفاخر قدام عرب او غيرو وكونو الواتس او وسائل التواصل ينقلو اشياء بتخصنا قديما كان الناس بتفاخرو وبقولو شعر بي عاداتم وسلومم الكويسه يعني حتى لو فاخرنا بي حقنا وقدامكم الخليج نحن رقم اول في الجاليات
    بعدين لاكمال حمزه لامصطفى النقر السودانيين عموما حريصين جدا على السمعة واهل فزعه والمواقف الاف مؤلفة امس في المستشفى معانا واحد راقد وكفيلو زايق منو عشان فاتورة علاج وقفنا نص ساعه لمينا عشرين الف ريال وخارجناو وقتي جا سعودييين اتنين شافو المنظر طلعو كل واحد خمسمائة وقالو ترا حنا معاكم ونعرف للفزعات ونبي نساهم معاكم اها كونو هم يمشو يحكو الحاجات الكويسه دي يبقا نحنا كايسين لينا نقيصة انا بشوف انو بالعكس حاجاتنا دي ماقاعدين نسوق ليها كويس ولابنهتم بي القصة دي
    سوداني وافتخر
    الزول ده براو عندو مركب نقص بلا يخمو واحد ق ن ي ط
                   |Articles |News |مقالات |بيانات

01-10-2014, 03:38 PM

اميرة السيد

تاريخ التسجيل: 09-07-2010
مجموع المشاركات: 5598

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: حامد بدري)

    العزيز اسامة بابكر
    انا متفقة تماما مع اسامة صديق وعبد العظيم بكري بان كاتب المقال لازم يكون سوداني
    والمهم المقال جيد جدا جدا ، بل وممتاز..
    وفي الحقيقة السوداني ما مجبور ابدا يبرز محاسن السودانيين كسبا لإطراء الغرور لأن
    الشعب السوداني اساسا معروف بطيبيته وكرمه وشهامته ومروءته وامانته .. ويكغي
    ان نقرأ قصيدة اسماعين حسن عشان نعرف نفسنا وموقعنا من بين شعوب وأمم العالم
    ودمت بخير وصحة وعافية
                   |Articles |News |مقالات |بيانات

01-10-2014, 03:52 PM

اسماعيل عبد الله محمد
<aاسماعيل عبد الله محمد
تاريخ التسجيل: 26-08-2007
مجموع المشاركات: 2722

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)

    التحية والسلام للاخ اسامة بابكر

    بصرف النظر عن هوية الكاتب الا ان ما تفضل به هو الحقيقة المرة التي لا مراء حولها
                   |Articles |News |مقالات |بيانات

01-10-2014, 07:13 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)

    تدهشني جدا سلوكيات القراءة !!
    وهناك نمط قراءة سائد عندنا وبحيث يمكن لاي كاتب (حريف) استثمارو بشيء من عدم التزاهة ..
    كأن تضع خلاصة ثم تصنع المقدمات التي تقود اليها مع اضافة القليل من التوابل لا سيما "الشمار" ..

    السلوك التعويضي قال !!

    Quote: فيكتب السوداني "قصيدة طويله مؤثره" .. معددا فيها الصفات الجميله- العظيمه- "الاستثنائيه"- للشعب- "الاستثنائي"-السوداني .. ذاكرا فيها الاخلاق/ والتاريخ /والنيل/ والحضاره/ والتعليم /والثقافه.. هذه "القصيده العصماء" سارت بها "قروبات الوطسب" ردحا من الزمن .. فرحة و منتشية لهذا الرد الذي "اراح النفوس المغبونه " بأن جعل هذا الخليجي هو الخاسر الوحيد من كونه "مازول" ..


    هل نحن هنا أمام سلوك تعويضي ناتج عن استلاب ثقافي وانهزام ذاتي امام الآخر أم أن العكس صحيح وانما هو تعبير حقيقي عن الشخصية السودانية وتركيبتها فطرتها البدوية نوعا ما .. اليس هو ذات ردالفعل المحتمل" لاي أنثى سودانية "في اي حتة في السودان" تعرضت لما -افترضته هي- تعاليا من أي نوع" من جارتها في الحي بت عمها لزم ؟! .. وهكذا يبدأ "الآخر" وينداح ليشمل "ابن العم البعيد" "القبيلة الأخرى" الى آخر أجناس الأرض ؟!!

    لا ندافع او نستهجن "رد الفعل" هذا ولكن ما يجينا زول بمذكرات تفسيرية تفترض غباءنا !!

    الراعي السوداني !!
    ده مأزق تأريخي "للزول" كاتب المقال !!
    فالراعي السوداني أدام الله مجده الانساني جدير بالاحتفاء الانساني في نسخته السودانوية المجيدة قبل مجيء التتار الاسلامي لتلك البلاد الحزينة ..

    يفتخر به خريجي الجامعات السودانية من هم في أعلى المناصب في مختلف اصقاع العالم كما يفتخر به العبدلله كما كان ليفتخر به جدي البسيط جدا رحمة الله عليه كما كانت لتفتخر به حبوبتي التومة القاسم الحاج محمد نور وهي تشير بسبابتها بما يشبه "العرضة" عفيت منك !!.. هي سودانوية أجمل لا يدركها من يدركها الا الذين آمنوا !!

    (حاجة التومة دي كانت بتقيف بي شلوخها المائة وإحدى عشر وبمنتهى الفخر امام أى ضابط جوازات "حلبي" ساكت) ..
    سلوك تعويضي ؟!!
    ( حاجة التومة كانت غلطانة جدا في عدم تقديرها العالي "للحلب" ولكن لم تكن تمارس تعويضا سلوكيا !!)

    اها تاني في شنو ؟!!

    الحديث عن القبلية في السودانية نحو تأكيد العروبة ؟!!
    هذه هي الحقيقة التي انبنى عليها "المقال الخليجي .. مشوها الخليجي ده"
    ومداخلها كثيرة ولكن وجميعها تندرج تحت بند التعبير عن الذات .. تلك الذات التائهة فعلا بين السودانوية والنزعات الزائفة .. جوهر أمرها ليس النفاق بالتأكيد .. ولقد أهرقت أحبار كثيرة في مداولاتها .. وأسألوا النور عثمان ابكر ومحمد عبدالحي وعلى المك لو كنتم لا تعلمون.. بل واسألوا عنها عاطف خيري وأبكر آدم اسماعيل .. بل وطالعوا صفحة المنبر العام بسودانيزاونلاين وفي اي يوم تشاءون !!

    وفي جميع الاحوال ما هو الا تعبير عن الذات و "بداوة" لا تحجب العالمين عن تفاصيلها يا هداكم الله ..

    *أخطاء املائية وتنسيق

    (عدل بواسطة محمد حيدر المشرف on 01-10-2014, 07:17 PM)
    (عدل بواسطة محمد حيدر المشرف on 01-10-2014, 07:26 PM)

                   |Articles |News |مقالات |بيانات

01-10-2014, 07:45 PM

آدم صيام
<aآدم صيام
تاريخ التسجيل: 11-03-2008
مجموع المشاركات: 4724

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)

    Quote: السلوك التعويضي قال !!


    مشكلة الإنسان السوداني الحاصل على شوية معرفة أو حصل على شهادة جامعية وما فوق... بزعمه هو عالم الغيب والشهادة
    لذا من حقه يسخر على كل ما لا يروقه ولو كان نتاج جهد معرفي قد فاقه.
                   |Articles |News |مقالات |بيانات

01-10-2014, 08:24 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: آدم صيام)

    Quote: مشكلة الإنسان السوداني الحاصل على شوية معرفة أو حصل على شهادة جامعية وما فوق... بزعمه هو عالم الغيب والشهادة
    لذا من حقه يسخر على كل ما لا يروقه ولو كان نتاج جهد معرفي قد فاقه.


    شوية معرفة دي ذاتها كتيرة لتبيان ثغرات الاستقراء بالنوايا يا عزيزي آدم ..
                   |Articles |News |مقالات |بيانات

01-10-2014, 08:29 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)

    كما ولا أخفي شماتتي في ودالبشرى العمل ليه check list
                   |Articles |News |مقالات |بيانات

01-10-2014, 08:42 PM

خالد المبارك
<aخالد المبارك
تاريخ التسجيل: 20-03-2014
مجموع المشاركات: 571

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)

    لا اكاد اجزم و لكنني اجزم بأن كاتب المقال سوداني
    و اتحدى لو ما طلع من الحاقدين الاعاجم

    كلامك ده قولو لي زول ما عندو حديدة

    والله من قراءة السطر الاول عرفتو سوداني و محروق لكن من شنو ما عارف بس واضح تماما هو من اولئك الذين ينكرون على السودانيين العروبة

    لانو التفاصيل الدقيقة عن السودانيين دي لا تأتي الا من خلال معايشة عن قرب بل و تفاعل مع القضايا وااشتراك في الحراك الاجتماعي و السياسي

    Quote: الحبوبه التركيه والجذور المصريه:


    Quote: الحبوبه التركيه والجذور المصريه:


    دي دقس فيها دقسة
    اولا السعوديين مستحيل يقولو كلمة حبوبة فهذه الكلمة سودانية خالصة زي كلمة هبوب و زول و داير شنو

    خخخخخ الواحد لما يحبك حبكة اخير يراجعها عشرات المرات قبل لا ينشرها و فيها ثغرات يسهل اكتشافها بحيث انها لا تحتاج الى صلعة

    بلاش سلوك تعويضي معاك
                   |Articles |News |مقالات |بيانات

01-10-2014, 08:59 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)

    Quote: كما ولا أخفي شماتتي في ودالبشرى العمل ليه check list
    ههههههههههههههههه لا وكمان باصيت بالجلالة :)
    والشماتة دي ناتج شوية المعرفة ولا إستقراء نوايا ساكت منك يا دكتور :)
                   |Articles |News |مقالات |بيانات

01-10-2014, 08:39 PM

Othman Al-Hasan Babikir
<aOthman Al-Hasan Babikir
تاريخ التسجيل: 04-07-2014
مجموع المشاركات: 844

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)


    التحية لكل الإخوة المتداخلين ....

    أرى أن كثير من المتداخلين قد صرفوا وقتاً كثيراً وأراقو حبراً في موضوع إنصرافي عن من هو كاتب المقال ..!!!
    وهذه في حد ذاتها تؤكد ما ذهب إليه كاتب المقال فالكثيرون يحاولون أن يطمأنوا أنفسهم بأن الكاتب ليس
    خليجي أو عربي ويتنفسون بذلك الصعداْء من أن عروبتهم لم تمس بسوء ..
    بغض النظر عمن هو الكاتب أرى وللأسف بأن كل ما ورد في المقال هو الحقيقة المره شئنا أم أبينا ومهما حاولنا
    أن نغض الطرف عنها ، وعلينا أن نقر ونعترف بكل شجاعه دون الهروب اللامجدي من هذه الحقيقة ..
    وشخصياً أعتقد أن هذا المقال يمثل خارطة طريق لحل كل مشاكل السودان ، فمشكلة الهوية التي لم يتم حسمها بعد في
    السودان تظل هي سبب كل الحروب وما تبعها من مشاكل إقتصادية وتعليمية وصحية .... ألخ
                   |Articles |News |مقالات |بيانات

01-10-2014, 09:24 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)

    ههههههههههههه

    Quote: ههههههههههههههههه لا وكمان باصيت بالجلالة :)
    والشماتة دي ناتج شوية المعرفة ولا إستقراء نوايا ساكت منك يا دكتور :)


    جني والاستقراء الكسلان يا محمد ..
    هي "شوية المعرفة" كما أتمنى !!

    باصيت بالجلالة !!
    الم تكن واعيا لسلوكك مع الآخر وحتى يأتيك عبقري ما بمصطلح "السلوك التعويضي" ؟!!
    ولا كنت حريص على "المداراة"

    تعرف !!
    دي قلة بداوة منك ليس الا !!

    اولاد مدن مقرمين !!!
                   |Articles |News |مقالات |بيانات

01-10-2014, 09:57 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)

    "البداوة" دي في مضامينها الجوهرية السقف اللامحدود عند التعبير عن الذات باعتزاز فائق.. "جغرافية" !!

    والشخصية السودانية يغلب عليها "البداوة" كشرط جغرافي ..

    ..
    قرأت مرة في سودانيزاونلاين عن تأثير الجغرافيا على العديد من الخصائص الانسانية ..
    ومنها على سبيل المثيل "طريقة المشي" ..
    استرعى الموضوع اهتمامي فقعدت اشوف الفروقات بين مشي السودانيات وغيرهن ..

    وجدت فروقات شاسعة بين مشي "المصرية" على سبيل المثال و السودانية .. الفدعة واتجاه باطن الكف للخارج قليلا وتماما كما اتجاه باطن القدم .. وهكذا !!

    ينفتح "السوداني" على المجال المفتوح ..
    دونما توجسات مخيفة تدعو "للانقباض" فينبسط ..
    يتحدث عن "ذاته" كما كانت وكما هي كائنة ..


    هنا يكون "الآخر" مجرد مجال للتلقي ..
    لا الها نتقرب اليه ب" الكواذب"
    الكواذب دي نجرتها هسع وفي البال النوافل !!
    وهكذا !!

    خليك سوداني ..
    وكن واعيا بمسالب هذه السودانوية ونحو تقويمها بالوعي اولا والعمل والمثابرة ..
    لا تكن خاضعا لجلد الذات ...
    كن واعيا بتفاصيلها ونقائصها تكن واعيا بمآلاتها الجميلة !!

    محمد حيدر المشرف

    (عدل بواسطة محمد حيدر المشرف on 01-10-2014, 10:00 PM)

                   |Articles |News |مقالات |بيانات

01-10-2014, 10:33 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)

    يا ود المشرف خذ الجانب الإيجابي في الموضوع
    الإضاءات على المثالب و الجوانب السلبية ليست دائما جلد ذات
    من باب بارك الله في من اهدى إلينا عيوبنا, خاصة التي اعتدناها وتعايشنا معها وصارت (عادة) يومية
                   |Articles |News |مقالات |بيانات

01-10-2014, 10:33 PM

بريمة محمد
<aبريمة محمد
تاريخ التسجيل: 30-04-2009
مجموع المشاركات: 13471

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)


    محمد الشيخ،
    Quote: اتوقع من بريمة الجهني ردا قويا لهذا السوداني المتخلجن




    ها دى صورتى ..فى نص الجمعة الأثنين ..شوفنى أنا عربى ولا ما عربى؟

    بريمة
                   |Articles |News |مقالات |بيانات

01-10-2014, 10:46 PM

مجاهد محمد الهادي
<aمجاهد محمد الهادي
تاريخ التسجيل: 14-01-2013
مجموع المشاركات: 1615

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: بريمة محمد)

    Quote: مقال قمئ وسطحي جدا


    أنا عا ج با ن ي سودانيتي وبعتز بيها والحاجات القالا الزول دا ما عندي عشان يجي ويعمم..

    دي زي فرية انو السودانيين كسالى الحاولو يلصقوها فينا..

    لكل الناس جوانب مضيئة ومظلمة ببساطة ما في شعب كامل لأننا بشر ولسنا ملائكة..

    خلاص يا الشعب العربي الصنع الصاروخ!!!!



    بلا يخم كاتب المقال... بلا فلسفة وجعجعة فاضية..

    (عدل بواسطة مجاهد محمد الهادي on 01-10-2014, 10:57 PM)

                   |Articles |News |مقالات |بيانات

01-10-2014, 10:57 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: بريمة محمد)

    Quote: الإضاءات على المثالب و الجوانب السلبية ليست دائما جلد ذات


    ليست هي الحالة المعروضة يا عزيزي ..
    نحتاج كثيرا لادرك مسالبنا والوعي به واالعمل على تقويمها .. وده شغل مؤسسي وبالضرورة سلطوي بالنظر لواقع الدولة السودانية

    ونحنا لمن نعمل الكلام ده بصورة صحيحة (اعني الوعي والادراك والتقويم ) .. مفروض يتعمل صاح ما بي الفهلوة والالتفاف .. التشخيص الصحيح مهم جدا والا لن تتوافر قرص حقيقية للعلاج .. تصور ان يدوك علاج سلوك تعويضي وانت عندك متلازمة مجتمعية أخرى ؟!!

    جوهر المقال تفسيري لظواهر وسلوكيات عند شريحة من السودانية وانا اختلف مع هذا التفسير و that is all.. .. علميا لمن ترفض الافتراض الرئيسي للدراسة لا يجوز لك الايمان بتفاصيلها .. غاية ما تستطيعة ان تقترح دراسة تانية لتحري المسالة يا صديقي .. والاقتراح ده ما عندو - وفوق للبيعة - اي قيمة علمية !!

    مودتي ..
    انت ما شغال بكره ولا شنو ؟!!
                   |Articles |News |مقالات |بيانات

02-10-2014, 06:33 AM

حامد بدري
<aحامد بدري
تاريخ التسجيل: 10-03-2013
مجموع المشاركات: 2558

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد حيدر المشرف)

    Quote: محمد حيدر المشرف

    ياحبه صباحك عافيه في بوستات كده الواحد مافضل علا يكووورك ياودالمشرف تنجدنا وتلحقنا ود البشرى واحد من الناس الاذكياء جدا وقرايتو دايما سليمه ومابقع بي هييين الظاهر المطارده الكتيره خلتو يجليها واقف قال يالله وامين لقيت خمسميتي منو
    نؤكد بانو حاجاتنا الكويسه والفطرية والطبيعية والعاجبه الناس كلهم حتى في كندا خليك من الخليج دي حاجات مأصلة فينا مرة واحد مصري معانا في الشغل مميز معانا وجانا جارنا ضيف سوري قوم يالمصري خت الفول للعشا وطنش ماتجيب الجضاضه انتهينا من العشا والسوري شتت قمنا في المصري مالك ماقنطرتا الفرخه قالينا حياكل من نابي ول من نابكم المهم من الزعل الجضاضه مشت درام الكناسه والمصري اخد علقه في حياتو ماينساها وادق دق العيش وقعد يسارخ انتو السودانيه غير تربيتنا نحن المصاروه ربونا كده نابي ونابك اييه ذنبي انا فهمتو يامثقفاتيه ربونا كده بالكتيره بالقليله قال تعويضي قال وحات الله كاتب المقال ده اخاف اخوالو او هو ظاتو مصري مليعين غايظو بس مدح الزول وتمجيدو ثم تانيا هو فضل لينا شنو غير قيمنا واخلاقنا نفخر بيو ماشايفين الانقاذيين ماعندهم شئ غير الكباري والرد الرد لانهم ماسودانييين وجزء من المشكله البنواجها الان
                   |Articles |News |مقالات |بيانات

02-10-2014, 07:36 AM

usama Babiker
<ausama Babiker
تاريخ التسجيل: 07-01-2013
مجموع المشاركات: 2199

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: حامد بدري)

    وصلتني مكالمة هاتفية تؤكد ان كاتب المقال هذا شاب سوداني اسمه ايمن الشريف ...ونزل هذا المقال على صفحته بالفيس بوك وسوف ارفق رابط صفحته لمزيدا من النقاش والتحاور .... اختلفنا او اتفقنا مع موضوع المقال لكن اعتقد بان الموضوع جدير بالقراءة والحوار شكرا جميع المتداخلين ....
                   |Articles |News |مقالات |بيانات

02-10-2014, 07:39 AM

usama Babiker
<ausama Babiker
تاريخ التسجيل: 07-01-2013
مجموع المشاركات: 2199

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)

    https://http://http://www.facebook.com/aymn87?fref=tswww.facebook.com/aymn87?fref=ts
                   |Articles |News |مقالات |بيانات

02-10-2014, 09:25 AM

مجاهد محمد الهادي
<aمجاهد محمد الهادي
تاريخ التسجيل: 14-01-2013
مجموع المشاركات: 1615

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: usama Babiker)

    "بعضهم يُسمي كل التصرّفات الجميلة والأنيقة في الحياة "مثاليات غير واقعية" تهرّبًا من مسؤوليّته الإنسانية في التصرف بضمير، وذوق، وإحساس.".. الكاتبة زينب البحراني..

    فعلا واضح انو دي صفحة الكتب الترهات الفوق دي :

    https://http://http://www.facebook.com/aymn87www.facebook.com/aymn87

    (عدل بواسطة مجاهد محمد الهادي on 02-10-2014, 09:52 AM)

                   |Articles |News |مقالات |بيانات

02-10-2014, 11:34 AM

على محمد الخير

تاريخ التسجيل: 29-03-2008
مجموع المشاركات: 1592

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: مجاهد محمد الهادي)

    متابعة لهذا الموضوع ..

    هل سيتغير فحوى الموضوع وما جاء فيه بتغير صفة الكاتب ..؟
    اعتقد ان ما جاء به الكاتب قد مس كثيرين من الذين شملهم هذا التشريح الا ان كبرياءهم وعنادهم حال دون الاعتراف به واقعا موجودا فهرعوا الى ايجاد متنفسات تزيل او تخفف
    الالم الذى الحقته هذه المرارة التشخيصية فى حلوقهم ..
    سنكون احسن الناس اذا تصالحنا مع انفسنا ورضينا بما نحن عليه حقيقة دونما الباس الامر تبريرات فلسفية وفزلكات لاتراوح مكانها ...
                   |Articles |News |مقالات |بيانات

02-10-2014, 01:41 PM

مجاهد محمد الهادي
<aمجاهد محمد الهادي
تاريخ التسجيل: 14-01-2013
مجموع المشاركات: 1615

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: على محمد الخير)

    مقال عدم موضوع

    مرارة شنو يا الاخو وحلوق شنو

    تعال أكتب رأيك دون المساس بآخرين وأولين

    حينما أتينا للتعليق لم يهمنا من كاتب المقال ولا جنسيته


    بلا يخمو العولاق


    ---------------------------------

    كثيرون ممن وافق كاتب المقال في ترهاته أظنهم ممن عاشوا في بلاد العم سام التي عشنا فيها من ربع قرن

    (عدل بواسطة مجاهد محمد الهادي on 02-10-2014, 01:45 PM)

                   |Articles |News |مقالات |بيانات

02-10-2014, 02:59 PM

حامد بدري
<aحامد بدري
تاريخ التسجيل: 10-03-2013
مجموع المشاركات: 2558

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: مجاهد محمد الهادي)

    مقال تشريحي



    على القسم مقال ضبح كيري ود ابظرطه وايو زول يوافق الوهم ده في كلامو التعويضي ده ال يراجع سودانيتو حاجاتنا بنمشي بيها ايو بكان ونفتخر بيها ياها سلومنا وعاداتنا وتربيتنا وفي بلاد بره بنزيد الجرعه عشان عندهم الانطباع والتنميط قال تشريحي قال استهدوا بالله البوست اجتماعي شايفكم قلبتو جغرافيا ماصدقو المعقدين نوع البقوليك السودانيين عامة ت ا ف ه ي ي ن هسع زي ده بستحق يقعد مع الناس العاقلين وعندهم حبت طايوق في رويسوم لم عقدك عليك اخوي الله يرضى عليك
    اححححح من سلالم بكري

    (عدل بواسطة حامد بدري on 02-10-2014, 03:04 PM)

                   |Articles |News |مقالات |بيانات

02-10-2014, 06:59 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8139

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: حامد بدري)

    Quote: كما ولا أخفي شماتتي في ودالبشرى العمل ليه check list

    شرحو عشان ابا يشرح لي (الاصتيصات) الكتبها (الزول) بتاع المقال
    واحد سوداني مشي السعودية ـ سعودي بهظر معاهو
    قال ليه يازول
    السوداني قال ليهو
    يازول ماتقوللي يازول
    .....................................
    غايتو انا شايف زول دي احسن كتير من زلمة وزلمي
    وريَّال ـ ومايد ناصر (ماجد ناصر)
                   |Articles |News |مقالات |بيانات

02-10-2014, 08:00 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: عبدالعزيز الفاضلابى)

    حقك علينا يا فاضلابي
    ياخي دي ما جمع اصتيتص بتاع الفيس بوك كيف فاتت عليك

    ود البدري ياخوي مالك محموق وماخد الموضوع بالصورةالحادة دي, في النهاية المقال عبارة عن راي شخصي لكاتبه تقبله او ترفضه دا حقك كما من حقه ان يقوله و يفسر الظواهر التي يراها حسب فهمه لها
    عندك عندو انك تفند ليه آراؤه دي وتبين خطلها من وجهة نظرك

    يا ود المشرف (مسالب) دي خربت عليك الكتابة السمحة حقّتك دي, مثالب بالثا ثور الله يرضى عليك :)

    يا خوانا نعم المقال به تعميم وبه قراءات خاطئة لكن به جزء كبير من الحقيقة و ياريت لو قريته مقاله التاني بعنوان "لماذا يجد السوداني نفسه في دائرة الإتهام؟" على الرابط التالي (انسخ والصق في البراوزر)

    sudaneye.com/?p=4139

    أنا عشت في الخليج - الإمارات - قرابة السبعطاشر سنة السبعة سنين الأولى منها من عمر سنتين حتى تسعة سنوات, و الباقي يا هو الأسّي دي
    ونعم توجد عنصرية و تعالي و صراع جاليات و نحن كسودانيين نعاني منها كما نمارسها ايضا على بعض الجاليات الأخرى في نفس الوقت, الإنكار فقط لا يجدي في حل المشاكل و تقويم الإعوجاج
    أول خطوة هي الإعتراف ثم يتلوها العمل على إصلاح ما بأنفسنا والأقربين و زيادة وعينا بكامل إنسانيتنا و اعتدادنا بها وأننا لسنا بأقل أو افضل من غيرنا فقط للون بشرتنا أو نسبنا فالدم في العروق خلف البشرة المختلف الوانها واحد.

    ونعم سلوك و هبل وانعدام كرامة حكّامنا و سفرائنا و موظفي جماركنا و سوء حال مطارنا و سرقة المسؤولين للإغاثة يحرجنا ويقلّل من قيمة السودان في نظر الآخرين, و نعم سلوك بعض افراد الجاليات و الزوار المنحرف يسيئ لنا كجنسية, ونعم بعض الكاريكاتيرات و الإسكتشات سخرت من لهجتنا ورسّخت كلمات سخيفة يتندّر بها جهلاء هذي البلاد و تلك
    لكن قيمتنا واحترامنا نحن كافراد من نفرضها على من جهلها أو علمها و تجاهلها,وما محتاجين نثبت عروبتنا و أمانتنا و ثقافتنا بقصص و احتفاء باحدا ث وروايات
    كما ختم الكاتب الباشمهندس مقاله: لنكن كما نحن ما في زول طالبنا حاجة أو يحاسبنا بسلوك آخرين أو تصور غبي في مخيلته
                   |Articles |News |مقالات |بيانات

02-10-2014, 08:29 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8139

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد البشرى الخضر)

    Quote: حقك علينا يا فاضلابي
    ياخي دي ما جمع اصتيتص بتاع الفيس بوك كيف فاتت عليك

    سلام ياهندسة ,, لاتثريب عليك انا بس كايس لي لي شيتن اكاويك
    بيهو ولو كره الكافرون ياقول فيسل هليل ,, اها مالقيت غير دي... هى بالله اتاريها معناتا
    Status استغفرتك يامالك روحي العلم ده تاريهو بحرو واسع خلاس ـ
    ..............................................
    بالجنبة ـ يا هندسة اوع تقول لي ماشفت هدف احمد الفريدي في العروبة ـ ـ ؟
                   |Articles |News |مقالات |بيانات

03-10-2014, 03:26 PM

حامد بدري
<aحامد بدري
تاريخ التسجيل: 10-03-2013
مجموع المشاركات: 2558

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: عبدالعزيز الفاضلابى)

    Quote: ود البدري ياخوي مالك محموق وماخد الموضوع بالصورةالحادة دي

    ود البشرى كلو سنه وانتا طيب وربنا يحقق امانيك
    بعض الامور لايمكن رجمها بحجر واحد ومن طرف كده ال يكتب رايو والعندو ويعدد المسالب زي ماداير لكن يجي بالنيه كده يطقنا طوبه واحده انو عندنا نقيصة بنتمها بي اجمل ماعندنا اخلاقنا وسلوكياتنا فده المامقبول ومابنرضى زول يهبشنا فيها عندو موضوع محدد اهلا بيهو الرجم ده بياذي الناس ده لو كان سوداني انا ظاتي ماراكبه لي حتت انو سوداني شاكي انو خوالو مصاروه
    هسع انت ملاحظاتك ع الاصطفاف ورا الكلام ده شنو بالذات بتاع حبة المعرفة وتفاهة السودانييين ده معقولة حننتقد ونبني راي وسط ديل
                   |Articles |News |مقالات |بيانات

03-10-2014, 06:41 PM

mohmmed said ahmed
<amohmmed said ahmed
تاريخ التسجيل: 25-10-2002
مجموع المشاركات: 7055

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: حامد بدري)

    بغض النظر عن من هو كاتب المقال
    اعتقد انه كاتب ذكى رصد الظواهر
    ثم قدم تحليللات صائبة

    المبالغة كانت بادية فى احتفالنا باحتفال العرب بسلوك الراعى السودانى وهو سلوك متوقع من اى شخص مستقيم

    ايضا المبالغة فى رد الفعل على كلمة زول والهبة المضرية

    الصورة النمطية لصورة السودانى الطيب والتى يرى كاتب المقال ان بها قدر من الاصطناع

    يستخدمها بعض ابناء الخليج والجاليات العربية بابتزاز

    فعندما تبدى غضبك او رفضك لسلوك ما تشهر لك بطاقة الصورة النمطية

    والله انت مو سودانى اصيل
    او لا دنتا مش سودانى
    او يا زلمى انت مش سودانى
    او يا ريال السودانيين كلهم طيبين انت مالك

    حتى اضحت طيب تقرأ عوير
                   |Articles |News |مقالات |بيانات

03-10-2014, 08:13 PM

قسم الفضيل مضوي محمد
<aقسم الفضيل مضوي محمد
تاريخ التسجيل: 08-01-2013
مجموع المشاركات: 2056

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: mohmmed said ahmed)

    الكاتب في رأي وُفق إلى حد كبير في تشخيص أزمة الهوية السودانية ...
    ______

    أدناه أحد الردود أيام ما يسمى بالربيع العربي من واحد سوادني على مصري علق على الثورة السودانية بالصورة أدناه ...



    المصري اورد الصورة الفوق وعلق عليها بمقولة (المظاهرات بدأت في السودان) ... يعني بعد مرور سنة كاملة على الربيع العربي في ذلك الوقت ... بمعنى انه السودانيين كسالى ...فكان رد السوداني كما يلي:

    Quote: أولا مبروك للشعب المصري البطل لانجازه ثورة وطنية ولكن لا يقبل بأي حال من الأحوال أن تحول فرحك يا أخ محمود لتهزأ بالشعب السودان يبدو عليك جلياً انك لا تعرف شيئاً عن الشعب السوداني ولا عن الإنسان السوداني للدرجة التي صور لك جهلك بتاريخه بان الأمر سهلاً تلهو به . ولكنك أخ كريم لا نعرف عنك إلا خيراً وهذا ما يجعلني أتخير مفردات مقالي هذا و اكتفي بتوصيل هذه المعلومات عن السودانيين لأنه ( عشان عين تكرم ألف عين ). حيث انك أتيت بعنوان كانت التورية البلاغية فيه واضحة وصورة الرجال الذين ينامون على الرمال من فرط كسلهم كانت أوضح . فأنت بذلك تسئ لنفسك و تكشف للآخرين طوعاً ضحالة ثقافتك مما يدعو إلى الحزن الذي يشبه الإعياء لشباب تمثله أنت ، أو كما عبر عن ذلك صاحب المقال الكاتب السعودي خالد السليمان – المقال موجود أدناه - فاسماكم بجيل الميلك شيك أو دونه ... عليه إليك بالمعلومات بالتالية :



    1- في أكتوبر 1964 زحف الشعب السوداني عن بكرة أبيه في ثورة حقيقة عارمة وليست عفوية اقتلعت جذور الحكم العسكري بقيادة الرئيس إبراهيم عبود الذي الغي الحياة الديمقراطية وأقام حكماً عسكرياً مطلقاً في البلاد اقتلعه الشعب السوداني وأعادوا الحرية للشعب ، هب هذا الشعب ليس لأن الرئيس كدس المليارات ومرغ انف شعبه في التراب – لا لا احد من رؤساء السودان يجرؤ على الشعب السوداني كما تجرأ الآخرين هذا الشعب الذي قال عنه الانجليز انه شعب hard nut to crack لم يقول الانجليز ذلك عن فراغ ولكن ( المايعرفش يقول عدس ) - كان سعر الجنية السوداني وقتها أعلى من الدولار و لكن الشعب خرج لأنه لا يقبل بتكميم الأفواه و منع الحريات فعاد حراً يقول رأيه في رئيس دولته متى شاء .



    في هذا الوقت كانت مصر تحت حكم جمال عبد الناصر الذي قتل الداعية و المفكر الإسلامي سيد قطب وحكم البلاد بقوة الحديد و النار وأذاق خصومه مر العذاب و لكن في المقابل يا أخ محمود لا تجد سودانياً واحداً سخر من المصريين و لم يأت احد بصورة للمصرين يمشون مع ( الحيط) لأنه الأخلاق الثورية المتشبعين بها منحتنا سياج من الفهم الثوري المتسامي .. ولأن لا ثورة بلا أخلاق الم تقرأ للذي هيأ للثورة الفرنسية فولتير ماذا قال ؟ الم يخبرك احد عن تشي جيفار في أي شيء قضى حياته خارج بلاده ؟ .





    2- في ابريل 1985م بدأ الشعب السوداني المعلم و المدرب الواعي بتفجير الثورات بترتيب نفسه على مستوى المليون ميل مربع حيث لا يوجد فيس بوك وزحف الشعب السوداني أيضا و أزال حكم الطاغية جعفر محمد نميري لأنه الغي البرلمان وعطل العمل بالديمقراطية وأقام حكم الفرد . هذه كانت ثورة حقيقة و ليست عفوية تغنى بها العالم كله أزالت كل الرموز و لم يتبقى منهم احد . رجع الثوار إلى بيوتهم بعد تسليم انجازاتهم إلى أيادي أمينة متواضعين كعادتهم و لم يصرحوا للناس بأنهم قادة العالم و مفجري ثوراته لان هذا شيئا لا يليق بطبيعة الإنسان السوداني ذا النزعة الصوفية . دعني احكي لك قصة الأديب العالمي السوداني عليه رحمة الله و الذي وضعت رائعته (موسم الهجرة للشمال ) من بين أفضل 100 عمل أدبي في العالم منذ أن عرف الإنسان الكتابة فكانت روايته برفقة حكايات كانتربري لمؤلفها (جيفري جوسر) ، الكوميديا الالهية (دانتي) ، اوديب الملك (سوفوكيلس) ، الالياذة (هومير) ، هاملت ، لير، عطيل (شكسبير) , الحرب والسلام وغيرها ) و تدرس أعماله في جامعات نيوزيلنده كمثال للرواية العربية وعندما قدمه مذيع قناة البي بي سي على انه عبقري الرواية العربية وانه أبو الطيب المتنبئ وانه.. وانه قاطعة الأديب الطيب صالح قائلاً ( يا راجل أين أنا من ذلك .. أنا اكتب لأنني وجدت نفسي هكذا اكتب و لكن لا أقول بأنني أديب ) .



    في هذا الوقت ونحن ننعم بالحرية والديمقراطية ونقول لرئيس الجمهورية أنت اعور .... كانت مصر في هذه الحقبة الزمنية انتقلت من ديكتاتور إلى ديكتاتور آخر يحكمها حزب واحد احد و لا يستطيع الشارع أن يحرك ساكن إلى أن جاء مبارك الذي منع الناس حتى أن تطلق لحاها فلم يفعلوا و أنت تعرف الباقي فلذا كان عليك أن تفرح يا أخ محمود لان هذا من حقك و لكن ليس على حساب السودانيين لان الشعب السوداني شعب ذو قامة سامقة لا قبل لك بها فمن العبث بمكان أن تراودك الفكرة في المقام الأول لأنه – أي الشعب - أزال فيها حكومتين و أنت لم تفعل . أنت تعلمت الثورة من شعب الامازيق البطل أما نحن فلا . فنحن المعلمين و الملهمين للشعب العربي والعالم الثالث وهذا ليس رأينا كسودانيين اقرأ ماذا كتب أنيس منصور و على الراعي و يوسف إدريس و سميح القاسم و مظفر النواب وعشرات المثقفين المصريون والعرب الذين يعرفون معنى المستحيل العربي الذي قمنا بتحقيقه في السودان للمرة الثانية في زمن الانبطاح العربي و شراء الحكومات لذمم المثقفين العرب الذين كانوا في مقدورهم أن يصنعوا نقطة التحول في تاريخ شعوبهم . اقرأ ماذا كتب الدكتور / صلاح عبداللطيف في كتابة ( عشرة أيام هزت السودان) وهي أيام ثورة ابريل 1985م المذكورة أعلاه كتاب ألفه صاحبه على قرار كتاب آخر اسمه (تسعة أيام هزت العالم ) للمؤلف الأميركي جون ريد عن الثورة الحمراء في روسيا في عام 1917م الم تجد في هذا الربط بين المؤلفين من حكمة ؟! ولكننا و نحن في هذا الفخر العظيم لم نقلل من قيمة الشعب المصري و نقول كما قال المصريون عن أنفسهم على لسان الكاتب المصري عبد الوهاب ألمسيري رحمة الله ( أن الشعب المصري أذله الفراعنة و لم يستطع أن يتخلص من عقدة اوديب) لا لا نستطيع أن نقول ذلك بل نقول ما ينهض بالهمم ليس العكس .



    3- في عام 1885 قامت ثورة سودانية خالصة بقيادة / محمد احمد المهدية و أزالت الحكم التركي العثماني المعروف في العالم و الوطن العربي على وجه الخصوص من السودان قاطبة وطردته من السودان ليستقر في بلادكم آمناً . وعندما شعرت بريطانيا بخطورة الثورة و حتميتها في التحقق أرسلت غردون باشا العظيم لإخلاء السودان من الضباط و المسئولين التابعين لها . وعندما حاصره الثوار في قصره في الخرطوم طلب المهدي من ثواره الإبقاء عليه حياً أي غردون وذلك لهدف هل تعرف هذا الهدف يا محمود ؟



    الهدف هو أراد القائد محمد احمد المهدي أن يفدي به المناضل المصري احمد عرابي الذي هزم في موقعة التل الكبير عام 1882م بعد أن وشى به للانجليز بدو الصحراء وغيرهم وعلى اثر ذلك تم القبض عليه . كان هذا الحدث عام 1885م و ليس 2011م و عليك أن تتخيل هذا البعد السياسي و الوطني و الشعور القومي العربي و الذود عن الجيران المتمثلة في مصر الحبيبة في الوقت الذي فيه يغمز بعض الذين على شاكلتك بان مصر استعمرت السودان مع الانجليزي وهم فرحين بذلك . فرحين لأنهم لم يطلعوا حتى على كتب ألفها مصريين كاشفين للغلابة كيف انخدع المصريين بكل بساطه بخدعة الانجليز الذين فتحوا السودان من حر مال الشعب المصري أي من خزينة الشعب المصري – حسب الاتفاق - و ما كان المصريون إلا موظفين في إحدى مستعمرات الانجليز سواء كان ذلك في السودان أو في الهند لا فرق بدليل عندما قتل السير إستاك حاكم عام السودان ورئيس الجيش المصري في شوارع القاهرة اتهم الانجليز المصريين بقتله فماذا فعلوا بالمصريين ؟؟؟؟ أولا جاءت الأوامر من المندوب السامي اللورد اللنبي بسحب الضباط المصريين و الوحدات العسكرية من السودان خلال 24 ساعة اكرر 24 ساعة . و أن يدفع المصريون مبلغ نصف مليون جنية من الخزانة المصرية و هي ذات الخزانة التي سددت كل تكاليف فتح السودان الذي استفاد منه الانجليز لوحدهم و أن يكون سردار الجيش المدني و العسكري تحت أمرة بريطاني و على المصريون السمع و الطاعة و قد كان ذلك 0000 طيب أي نوع من المستعمرين الذين يتم ترحيلهم خلال 24 ساعة قاطعين الوهاد و الجبال .. كيف تكون أنت مستعمر لبلاد الآخرين و رئيس جيشك انجليزي ايرلندي و من يقرأ كتاب محمود السعدني ( مصر من تاني ) يعرف الحقيقة بلا عناء .



    أعود مرة ثانية لأخبرك بالذي كنت أريد أن أقوله لك و ذلك عندما قلت : أن الأتراك العثمانيون والانجليز يعرفون السودانيون لعل ذلك يزيل الغشاوة عن عينيك وتعرف مكانة السودانيين الحقيقة السودانيون هم الذين قتلوا إسماعيل باشا بعد أن قام باستفزاز الزعيم السوداني / المك نمر ورماه بغليونه لأنه رفض له طلب ... في تلك اللحظة لم يقل الزعيم المك نمر لإسماعيل باشا ( حاضر يابيه حا نعمل كدا) بل دبر له مكيدة وقتله و قتل من معه بلا هوادة هذا لأنه فقط استفزه . في الوقت الذي كان فيه الأتراك في معظم البلاد العربية في قارة أسيا لا داعي لذكرها – وان كان هذا ليس سراً يذاع – كان العسكري يدخل بيت احدهم ويترك رداءه عند عتبة الدار و عندما يصل صاحب المنزل عليه أن يتوجه إلى أي مكان آخر إلى أن يختفي هذا الرداء فيعود إلى بيته .



    الموضوع الثاني : في فترة حكم الانجليز للسودان كان عندما يتم نقل الضباط و المفتشين الانجليز من أية مستعمرة بريطانية للعمل في السودان كانوا قبل أن يستلموا عملهم لابد أن يتم إعطائهم توجيهات دقيقة داخل دار سينماء النيل الأزرق بالخرطوم عن البلد الجديد الذين سيديرون أموره فكانوا يقول لهم ( إياكم ثم إياكم استفزاز الإنسان السوداني وإلا ستفشل مهمتنا التي جئنا من اجلها ) لأنهم يعرفون كرامة الإنسان السوداني فوق كل الاعتبارات و المصالح أليس نحن الذين قتلنا بن محمد علي باشا ؟ أليس نحن الذين قتلنا غرون باشا الذي بموته أصبحت لنا صداقة حميمة مع جمهورية الصين لأنه نكل بهم و لا احد يستطيع أن ينظر إلى عيني غردون لأن الرجل كانت فيه مهابة الأسد كما قال عنه النمساوي سلاطين باشا و لكن أسد على الغير عرباً كانوا أم عجماً. أما أمام السوداني فهو نعامة كما حدث .



    و في التاريخ القديم دخل عمر بن العاص مصر وفتحها في يومين في عام 640م و لكن لم يدخل السودان إلا في 652م أي بعد 12 سنة لم نسلم لهم السودان لأننا تعودنا ان نعيش أحرار و ليس مطية لآي غريب يطرق حدودنا فكانوا يسمون السودانيين برماة الحدق لشدة تصويبهم للنبال على عيون المسلمين . بعد ذلك دخل المسلمين السودان ليس حرباً و لكن باتفاقية بين السودانيين و المسلمين سميت باتفاقية ( البقط) لذا يقول لك السودانيون منذ ذاك التاريخ و إلى ان تقوم الساعة (نحن دخلنا الإسلام بمزاجنا) ...



    ماذا حدث في تاريخ بلاكم عام 725 ق م .. لابد انك تعرف ماذا حدث؟ أليس تاريخكم امتد إلى 50 ألف سنة .... طيب تعال اسمع مني مجاناً 0 احتل السودانيون مصر وأسسوا حكومة امتدت من مشارف البحر الأبيض المتوسط حتى الحبشة هذا هو تاريخنا الذي نعرفه وتجد هذه المعلومة في كتاب ( تاريخ السودان) و مؤلفه هو نعوم شقير لبناني وليس سوداني نحن صنعنا تاريخ عظيم نعرفه و نعتز به وبعد كل ذلك لم نقل لأي أخ مصري (اصلوا مصر و السودان كانوا حته واحدة ) . إن للتاريخ لسان و لكننا دائماً لا نرد على مثل ذلك تأدباً .


    المقال المقتبس وردني على الايميل في 2011 ... وهو يؤكد على السلوك التعويضي عند معظم السودانيين

    كل عام والجميع بخير والعيد مبارك عليكم اينما كنتوا ...
                   |Articles |News |مقالات |بيانات

03-10-2014, 09:41 PM

عبدالعزيز الفاضلابى
<aعبدالعزيز الفاضلابى
تاريخ التسجيل: 02-07-2008
مجموع المشاركات: 8139

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: قسم الفضيل مضوي محمد)

    Quote: المقال المقتبس وردني على الايميل في 2011 ... وهو يؤكد على السلوك التعويضي عند معظم السودانيين

    ارى ان الجاهل اجابته السكوت ـ ولكن هذا المقال رغم انه موجه لجاهل
    الا انه نفع حيث وقع عند غير الجاهلين وبذلك تنتفى عنه صفة المقال التعويضي.
    وكل عام وانتم بخير
                   |Articles |News |مقالات |بيانات

08-10-2014, 08:53 AM

على محمد الخير

تاريخ التسجيل: 29-03-2008
مجموع المشاركات: 1592

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: عبدالعزيز الفاضلابى)

    تحياتى للجميع وكل عام وانتم بخير وعافية ..
    هذا البوست حسب ظنى يجب ان يكون عاليا لما فيه من نقد ربما سيكون نقطة انطلاق للتمعن فى سلوكياتنا السودانية وتعديل السالب منها
    وتثبيت الطيب منها .. واكرر متمنيا ان يُنظر للموضوع دون مكابرة او عزة نفس تضر اكثر مما تنفع ..
                   |Articles |News |مقالات |بيانات

08-10-2014, 11:45 AM

Yousuf Taha
<aYousuf Taha
تاريخ التسجيل: 03-05-2013
مجموع المشاركات: 525

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: على محمد الخير)

    كاتب المقال ايمن الشريف سوداني الجنسية
                   |Articles |News |مقالات |بيانات

08-10-2014, 11:48 AM

Yousuf Taha
<aYousuf Taha
تاريخ التسجيل: 03-05-2013
مجموع المشاركات: 525

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: Yousuf Taha)

    https://http://http://www.facebook.com/aymn87?fref=tswww.facebook.com/aymn87?fref=ts
                   |Articles |News |مقالات |بيانات

08-10-2014, 11:46 AM

Alfarwq
<aAlfarwq
تاريخ التسجيل: 05-03-2002
مجموع المشاركات: 1550

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: على محمد الخير)

    مقال السلوك التعويضي وصلني قبل اسبوع تقريبا في الفيس بوك و كاتبة المقال المزعومة في الفيس هي امنة مختار ...
                   |Articles |News |مقالات |بيانات

08-10-2014, 01:32 PM

محمد هاشم ابوزيد
<aمحمد هاشم ابوزيد
تاريخ التسجيل: 10-11-2011
مجموع المشاركات: 1696

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: Alfarwq)

    موضوع مثير للجدل تشكر عليه صاحب البوست

    وانا بسأل ، وين النقد هنا للشخصيه السودانيه.
    اولا كلمه (يازول) بتجيك حلوه زي العسل من ناس ومن اخرين بايخه وينال رد بايخ يشبه شخصيه البايخه

    اما عن التنوع في الاشكال والالوان دي حقيقه لم نبتدعها والكلام حولها لا يعني التهرب من لون او غيره والسودان بلد خير كان جاذب لكل البشر من الجوار الافريقي والعربي
    ممكن كمان نقول ليهم اغنيه العجب حبيبي توب الكرب الجابوه النقاده (الحلب) تأكيد لهذا التدرج اللوني

    ولمن تجي سيره دارفور نذكر لهم كسوه الكعبه ولا نجد حرج في ذلك
    وفي الثقافه ، نعم نحب الاطلاع وعلمونا ليه في المارس

    عموما حكايه نتلصق في عرب او غيرهم دي انا ما مقتنع بيها ،نحن نعيش العولمه يهديكم الله.
    الخليجيين يعرفوا عن السودان اكثر من بقيه العرب

    Quote: يبالغ السودانيون كثيرا في اظهار كرم اخلاقهم وصفاتهم تجاه "الشعوب العربيه" تحديدا .. وليس تجاه كل الشعوب.. "الاحباش" مثالا


    الاثيوبيين في الخليج الكثير منهم لا يجيد العربيه،
    هل معنا هنا من يجيد السواحليه !

    (عدل بواسطة محمد هاشم ابوزيد on 08-10-2014, 01:46 PM)

                   |Articles |News |مقالات |بيانات

08-10-2014, 02:26 PM

حمد عبد الغفار عمر
<aحمد عبد الغفار عمر
تاريخ التسجيل: 06-06-2008
مجموع المشاركات: 7488

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: محمد هاشم ابوزيد)

    كل عام وأنتم بخير

    كاتب المقال واقع في نفس العقدة البنتقد فيها

    ليه ما قال كاتب تونسي أو جزائري أو ليبي أو موريتاني طوالي جرى على الخليجييين

    المهم
                   |Articles |News |مقالات |بيانات

09-10-2014, 11:30 AM

على محمد الخير

تاريخ التسجيل: 29-03-2008
مجموع المشاركات: 1592

للتواصل معنا

FaceBook
تويتر Twitter
YouTube


Re: كاتب خليجي يصف السودانيين ( السلوك التعويضي عند الشخصية ) (Re: حمد عبد الغفار عمر)

    الجماعة كلهم الا القليل .. تركوا المقال ومافيه وانكبوا على هوية الكاتب ..
    الكلام المكتوب فى االمقال ده حقيقى ولامو حقيقى ..

    هذا هو مربط الفرس ..
                   |Articles |News |مقالات |بيانات

09-10-2014, 01:22 PM

عمار بابكر

تاريخ التسجيل: 02-01-2013
مجموع المشاركات: 70

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: usama Babiker)

    في تقديري ان الكاتب بغض النظر كونه ( سوداني ) أو ( خليجي ) غير موفق البته في تعميمه - متى كان السلوك يعمم على ( قوم ) ناهيك عن شعب بامتداده وطوله وعرضه ؟! وعن اي سلوك تعويضي يتحدث ؟! وكيف تحول حدث الراعي والذي هو محل تقدير واهتمام ( لسلوك مسلم يتقي الله ) الى سلوك تعويضي ؟! ومتى كانت الامانه سلوك تعويضي ؟! وغيرها من قياسات ( قصيره النظر ) استند عليها الكاتب .. ثم انه على قدر النسبه من الشعب السوداني والتي تبحث عن عروبتها من خلال نسب العباس ه - فان هنالك فئه أخرى تعتز بانتمائها الى العرق الافريقي ( وردي كمثال )... كما ان نجاحات السوداني والتي اختزلها الكاتب في ( التهذيب التعويضي المطلق والانكسار ) فذلك يجافي الحقيقه والواقع لأن السوداني حمل سلوكه المتشرب من بيئته وجذوره الممتده الى اصقاع العالم وجزء يسير منها الخليج ونماذج النجاحات لم تنضوي على ارضاء الادارات بقدر ما هي تقلد مناصب قياديه وهنالك نماذج كثيره ....
    سنكتفي بالرد بالاسطر المحدوده لان المقال صراحه لا يستحق للرد اكثر من سطر سطرين .....
                   |Articles |News |مقالات |بيانات

10-10-2014, 05:29 AM

mohmmed said ahmed
<amohmmed said ahmed
تاريخ التسجيل: 25-10-2002
مجموع المشاركات: 7055

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: عمار بابكر)

    اتفق مع على الخير

    بعض المداخلات فيها مكابرة

    وفى علم النفس عتدما يقترب الدكتور من مشكلة المريض وتبدا فى التكشف
    تحدث للمريض جالة من الرفض والنكران

    المقال حدد ان الاحتفال بقصة الراعى
    والغضب من كلمة زول
    فيهم تضخيم
    ودى ما دايرا غلاط

    يمكن ان نختلف فى تحليل الدوافع
                   |Articles |News |مقالات |بيانات

10-10-2014, 06:17 PM

آدم صيام
<aآدم صيام
تاريخ التسجيل: 11-03-2008
مجموع المشاركات: 4724

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: mohmmed said ahmed)

    Quote: شوية معرفة دي ذاتها كتيرة لتبيان ثغرات الاستقراء بالنوايا يا عزيزي آدم ..



    شكرا المشرف على سعة الصدر والنقط
    تجدني آسفا على ما سببته لكم من أذى
    أطلب عفوكم والرحب كمان؟؟
                   |Articles |News |مقالات |بيانات

10-10-2014, 06:29 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: آدم صيام)

    يا أدم يا صديقي ..
    هي شن الصداقة الم نحتمل بعضنا في تقلباتنا المفهومة جدا في اطار الضيق الحاصل ده ..
                   |Articles |News |مقالات |بيانات

11-10-2014, 12:19 PM

بدرالدين بابكر مصطفى
<aبدرالدين بابكر مصطفى
تاريخ التسجيل: 24-06-2013
مجموع المشاركات: 1370

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: محمد حيدر المشرف)

    Quote: لإنسان السوداني - عمومًا- كائن ت ا ف ه وواحدة من عوامل تفاهته ترجع لتاريخ الرق الطوييييييييييييييييل

    يا سيدي الحسن !!!!

    غايتو كان الله مرقنا من السلوك التعويضي دا
    ما أظن نمرق من التفاهة

    لكن نسوي شنو مع الأمريكان ؟؟؟؟
                   |Articles |News |مقالات |بيانات

11-10-2014, 05:00 PM

عبد الله شم
<aعبد الله شم
تاريخ التسجيل: 03-05-2013
مجموع المشاركات: 2210

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: بدرالدين بابكر مصطفى)

                   |Articles |News |مقالات |بيانات

11-10-2014, 07:35 PM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: عبد الله شم)

    السلام عليكم ورحمة الله

    يصعب مسح المجتمع كله للتأكد من صحة ما جاء بالمقال.
    لكن يمكن تطبيق مقترح ود البشرى إجراء الفحص الذاتي من المتداخلين .
    (24) تقريبا من المتداخلين في هذا البوست- ويمثلون(60%) - يوافقون الكاتب ويعتقدون صحة ما كتبه.
    (7) من المتدخلين- ويمثلون(18%) - يعترضون على ما جاء في المقال وينكرون صحة ما كتب.
    (9) من المتداخلين لم يقطعوا برأي واضح في المكتوب.
    ----------------------
    بناءً على النتيجة السابقة فإن (60%) من المتداخلين يتفقون مع الكاتب أنهم يعانون من أزمة السلوك التعويضي.
    و(18%) من المتداخلين لا يلمسون في شخصياتهم أزمة السلوك التعويضي.
    --------------
    لو اختلف هؤلاء الــــ (60%) مع تحليلي ونتائجه فسنكون أمام مفارقة كبرى !!
                   |Articles |News |مقالات |بيانات

12-10-2014, 06:03 AM

mohmmed said ahmed
<amohmmed said ahmed
تاريخ التسجيل: 25-10-2002
مجموع المشاركات: 7055

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: Mohamed E. Seliaman)

    اعتقد ان من وافق كاتب البوست فى فرضية وجود سلوك تعويضى

    يوافقه فى وجود سلوك تعويضى بصورة عامة
    وهذا لا يعنى بالضرورة ان كل من اتفق مع الكاتب يوصف بصورة شخصية بالسلوك التعويضى

    انا شخصيا ما بالغت فى الترويج لسلوك الراعى
    ولا بزعل من كلمة زول

    ولا بيهمنى الحصول على رضا الاعراب
                   |Articles |News |مقالات |بيانات

13-10-2014, 06:02 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: mohmmed said ahmed)

    نشوف الباقين ..
    ------------
    تحياتي
                   |Articles |News |مقالات |بيانات

13-10-2014, 09:11 AM

alsngaq
<aalsngaq
تاريخ التسجيل: 27-04-2002
مجموع المشاركات: 2387

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: mohmmed said ahmed)



    Quote: بناءً على النتيجة السابقة فإن (60%) من المتداخلين يتفقون مع الكاتب أنهم يعانون من أزمة السلوك التعويضي.
    و(18%) من المتداخلين لا يلمسون في شخصياتهم أزمة السلوك التعويضي.
    --------------
    لو اختلف هؤلاء الــــ (60%) مع تحليلي ونتائجه فسنكون أمام مفارقة كبرى !!


    وال60% ديل اضف لهم الكاتب برضو عشان المفارقة توسع اكتر



    السنجك
                   |Articles |News |مقالات |بيانات

13-10-2014, 09:49 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: alsngaq)

    السنجك
    تحياتي
    الناس الفي الــــ (60%) بدأت( تتلب) منه
                   |Articles |News |مقالات |بيانات

13-10-2014, 10:46 AM

alsngaq
<aalsngaq
تاريخ التسجيل: 27-04-2002
مجموع المشاركات: 2387

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: Mohamed E. Seliaman)



    سلام يا محمد وكل سنة وانت طيب

    و العدد حيمشي فى زيادة لمن يتلب الكاتب ذاتو.



    السنجك
                   |Articles |News |مقالات |بيانات

14-10-2014, 09:41 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: alsngaq)

    ههههههههههههه يا حبشي سلام عليكم ما عايز تخلي شراك صيد القراميط دي أصلك :)
    إنت صغت السؤال بطريقة غريبة
    Quote: بناءً على النتيجة السابقة فإن (60%) من المتداخلين يتفقون مع الكاتب أنهم يعانون من أزمة السلوك التعويضي
    الإتفاق مع الكاتب على وجود ظاهرة ما و الإعتراف ها لا يعني الوقوع تحت طائلتها أو ممارستها
    مثلا عند الحديث عن العنصرية أو الرق في مجتمعنا, البعض ينكر وجودها تماما و البعض الآخر يتفق مع الرأي القائل بوجودها
    هؤلاء المتفقين و المقرين بوجودها هل يعني ممارستهم إيّاها؟ او معاناتهم منها؟
    كذا الحال في الـ 60% المتداخلين المتفقين مع كل او بعض ما ذكر الكاتب حول السلوك التعويضي و مسبباته
    أنا شخصيا اوافق على بعض ماذكر من سلوكيات و مسببات لكن لا يعني هذا ممارستي لهذه السلوكيات أو تعرضي للمسببات
                   |Articles |News |مقالات |بيانات

14-10-2014, 10:12 AM

Mohamed E. Seliaman
<aMohamed E. Seliaman
تاريخ التسجيل: 15-08-2005
مجموع المشاركات: 17863

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: محمد البشرى الخضر)

    وعليكم السلام ورحمة الله
    يا ود البشرى ما ياها دي المفارقة ذاتها !
    الفرضيل البديلة كالآتي:
    إذن كذا الحال في الـ 60% لا يعانون منها
    والـ18% يعانون منها !
    وهي نسبة ضئيلة وتدحض المقال وتنسفه !

    (عدل بواسطة Mohamed E. Seliaman on 14-10-2014, 10:12 AM)

                   |Articles |News |مقالات |بيانات

14-10-2014, 10:45 AM

Haytham Ghaly

تاريخ التسجيل: 20-01-2013
مجموع المشاركات: 3814

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: Mohamed E. Seliaman)

    Quote: ها دى صورتى ..فى نص الجمعة الأثنين ..شوفنى أنا عربى ولا ما عربى؟

    بريمة



                   |Articles |News |مقالات |بيانات

14-10-2014, 10:59 AM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: Mohamed E. Seliaman)

    ههه
    يا حبشي لا تحصر الموضوع في فرضيتين فقط
    بعدين لا تتناول المقال كوحدة واحدة, تناول كل فرضية على حالها
    مثلا:
    هل بالغ البعض في الإحتفاء بموضوع الراعي؟
    هل يعاني البعض من عقدة اللون الأسود
    هل يهتم البعض بردة فعل الآخرين على شؤوننا
    هل يحرص البعض على ابراز عروبتنا ونسبنا
    وهكذا ...


    وصيد سعيد :)
                   |Articles |News |مقالات |بيانات

14-10-2014, 07:10 PM

محمد حيدر المشرف

تاريخ التسجيل: 20-06-2007
مجموع المشاركات: 18991

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: usama Babiker)

    أعلاه لا ينفي اطلاقا إعجاب ود البشرى التأريخي بي محمد E سليمان ..
    وانما جاتني بااااردة أن الحمدلله ..


    ...
    ههههههه ..
    طلع من ال 60% :)
                   |Articles |News |مقالات |بيانات

14-10-2014, 07:56 PM

محمد البشرى الخضر
<aمحمد البشرى الخضر
تاريخ التسجيل: 14-11-2006
مجموع المشاركات: 30717

للتواصل معنا

FaceBook
تويتر Twitter
YouTube


Re: كاتب سوداني يصف السودانيين ( السلوك التعويضي عند الشخصية ) (Re: محمد حيدر المشرف)

    هههههههه
    (مثالب) شديدة يا دكتور :)
                   |Articles |News |مقالات |بيانات


[رد على الموضوع] صفحة 1 „‰ 2:   <<  1 2  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de