دعواتكم لزميلنا المفكر د.الباقر العفيف بالشفاء العاجل
|
|
 المايقوما ... و الحال في كل يوم من سئ الي اسوأ ... بالداخل شهادة شاهد عيان
|
كتبت احدى المتطوعات بالدار :
يوم الجمعه داه كان اسوء يوم في حياتي
طبعا نحنا عارفين المايقوما والماساي البتحصل فيها من اهمال وغيرو
بس صدقوني الشفتو يوم الجمعه فات كل الحاجات دي
جد كانت ماساء بمعني الكلمه
زمان لمن اجي الدار جد بكون مبسوطه ومابكون عندي رغبه امشي بس يوم الجمعه الحاله كانت صعبه مهما اوصفه ليكم ماممكن تتخيلو البحصل
اولا الامهات مضربات تقريبا الدار كلوا فيهو 3 امهات
وجينا لقينا الاطفال وسخانين وحالتهم باللبله والعنابر وسخانه شدييييد ومافي زول اكل الاطفال الا مجموعه من الشباب كده وكلهم مركزين في عنبرين
وباقي العنابر فاضيه وجد كنته مستاءه جدا لاول مره والزول عاجز ماعارف اعمل شنو
والتمه علي الموضوع قال شنو في وزير جاي يلا تعال شوف يا نظافه وغيار للاطفال والذي ممنو
طيب مدام اصلا ممكن ننظف العنابر بالصوره دي ونلبس الاطفال هدوم زي الكانو لابسنها يوم الجمعه وطيب لي ماكل يوم ول الا يكون في وزير جاي ولله داه كلام عجيب وتسمع الامهان اقول يعني حاعمل شنو كل يوم بجي وزير وماحاغير حاجه وفعلا ماحاعمل حاجه بس نحنا مفروض نعمل حاجه
وكمان في مجموعه من الاطفال في عنبر 15 وديل طبعا في اعمارهم صغيره شديد
كلهم مزكومين وشديييد كمان لانو العنبر حر شدييييد
واطفال عنبر 15 طبعا نحنا عارفين الطاهر وباقي الاطفال جواطين جد وطبعا في ام وحده بس في العنبر وجد ماكانت قادره تسيطر عليهم وبدت تكورك وتضرب فيهم طبعا داه تصرف غبي منها جدا جدا بس برضو انا مابلومه لانو الانسان طاقه وهي جد تعبت وين المسؤلين من الدار
وين انتو ؟؟؟؟
ولي الحال بقي عامل كده
في شنو؟؟؟ وجد ماعارفه اقول شنو بس لو شفتو الانا شفتو داه
كان حتتاثرو زي
انشالله تكون بكره احلي
رغم انو انا بديت اشك في الحاجه دي
|
|
 
|
|
|
|
|
|
|
|
Re: المايقوما ... و الحال في كل يوم من سئ الي اسوأ ... بالداخل شهادة شاهد عيان (Re: الملك)
|
و تلك هي الازمة في ابشع تجلياتها يا صديقي
موت الاطفال في المايقوما يعلو عليه في اهتمامتنا
اشياؤنا الصغيرة
و ذواتنا التافهة
موت الاطفال في المايقوما
يعلو عليه ... اختلافاتنا الحقيرة
و صرعاتنا الحمقاء
موت الاطفال في المايقوما
مأساة نتجاهلها ...
و نتواطأ على تناسيها
ما يحدث في المايقوما
وصمة عار في جبيننا جميعاً
باننا نعيش من بلاد تحدث فيها مثل هذه الاشياء
| |
|
|
|
|
|
|
|
|
|
Re: المايقوما ... و الحال في كل يوم من سئ الي اسوأ ... بالداخل شهادة شاهد عيان (Re: Amjed)
|
سلام يا أمجد,, Quote: تلك هي الازمة في ابشع تجلياتها يا صديقي موت الاطفال في المايقوما يعلو عليه في اهتمامتنا
اشياؤنا الصغيرة و ذواتنا التافهة |
دائما ما يكون شكل الأشياء عندنا فى البدايات جميلا,,,هيجان وحركة تتخيل أنها لن تتوقف ولن تتراجع وبعدها
يعود الحال أسوأ مما كان عليه !!! هل يعقل أن ترفع الدولة يدها عن هؤلاء الأبرياء تماما ! وأين المشاريع
التى بدأت فى الظهور بالتعهد برعاية هذه الدار وساكنيهاوعمالها وأمهاتها البديلات!!! هل يعقل أن يتوقف
الدعم وتتوقف الحملات,,,
أكبر من قيام المشاريع نفسها هو المحافظة عليها وإستمرارها,,الجهود التى بذلت ولازالت تبذل من المتطوعين
والمتبرعين لايمكنها ان تكون كافية ولا بد من دعم ثابت يغطى الحاجات الأساسية للأطفال ولكن لابد من دور ثابت
ومتواصل للدولة التى رفعت يدها عن كل شئ وتركت الجميع يواجه مصيره بمفرده,,,
والله تخيلنا أن بعد زيارة السيد الرئيس لن تشتكى هذه الدار أبدا وأن مشاكلها جميعها قد حسمت وتم حلّها,,
التحية لكل من أسهم ولو بالقليل من المال والجهد والوقت من أجل الطفولة والبراءة التى تغتال عندنا كل
يوم,,
تحياتى,,
| |
|
|
|
|
|
|
|
|
|
Re: المايقوما ... و الحال في كل يوم من سئ الي اسوأ ... بالداخل شهادة شاهد عيان (Re: أيمن الطيب)
|
Quote: و تلك هي الازمة في ابشع تجلياتها يا صديقي
موت الاطفال في المايقوما يعلو عليه في اهتمامتنا
اشياؤنا الصغيرة
و ذواتنا التافهة
موت الاطفال في المايقوما
يعلو عليه ... اختلافاتنا الحقيرة
و صرعاتنا الحمقاء
موت الاطفال في المايقوما
مأساة نتجاهلها ...
و نتواطأ على تناسيها
ما يحدث في المايقوما
وصمة عار في جبيننا جميعاً
باننا نعيش من بلاد تحدث فيها مثل هذه الاشياء |
تحياتي أمجد
والبناء متآكل في حده الأعلى
| |
|
|
|
|
|
|
|
|
|
Re: المايقوما ... و الحال في كل يوم من سئ الي اسوأ ... بالداخل شهادة شاهد عيان (Re: rani)
|
الاستثمار في اطفال المايقوما
جزء من مفهوم ادارة الدار
ولكن الاستثمار هنا يجب ان لا يتم
حسابه بمفهوم الربح والخسارة المالية
أو معادلة المصروفات و الدخل
حساب النتائج يكون بمفهوم الرسالة و العائد
علي المجتمع ....
وحتي نصل الي ادارة للدار تفهم معني مسئولية
المجتمع و دود الدولة في ذلك
سوف يظل اطفال المايقوما بضاعة للمزايدة
السياسية و اجهة اعلامية ومقصد للمسئولين
لاخذ الصور و المتاجرة بالاطفال لتزين صور
مسئولي المشروع الرسالي الذي لا يتعفف
عن شئ
| |
|
|
|
|
|
|
|
|
|
Re: المايقوما ... و الحال في كل يوم من سئ الي اسوأ ... بالداخل شهادة شاهد عيان (Re: osman righeem)
|
Quote: يبقى السؤال الي متى ستستمر هذه الحال
و من هنا هذه دعوة مفتوحة للجميع
للمشاركة في اقتراح او تنفيذ شي ما يجدي و ينفع حال هولاء الاطفال في الدار |
الحل اشراك الشباب القاعد ساكت في السودان في العمل الطوعي
وي جامعة تعمل للطلاب خدمة مجتمع بدونها الطالب مايتخرج..
ملاجئ العجزة المستشفيات المايقوما القرية النمذجية
كلها تحتاج لايدي عاملة..
البرنامج يكون مشترك بين وزارة الشؤون الاجتماعية وزارة التعليم العالي
ما شوفتا عمري شباب وزمن مهدر وطاقات في الفارغة قدر مافي السودان
ليه الوزارات دي ما تشتغل شغل مع بعض..
لدينا برنامج في الدراسات العامة يمكن يكون اجباري كل طلاب الجامعات
بدلا عن اللغة العربية والتربية الاسلامية بمفهومها التقليدي الذي تدرس به..
يمكن ان تكون هناك كورسات تخرج متطوعين لناس الايدز والعجزة واطفال المايقومة
وذوي الاحتياجات الخاصة..
| |
|
|
|
|
|
|
|
|
|
Re: المايقوما ... و الحال في كل يوم من سئ الي اسوأ ... بالداخل شهادة شاهد عيان (Re: حمور زيادة)
|
د. بيان
مع الإحترام
Quote: الحل اشراك الشباب القاعد ساكت في السودان في العمل الطوعي
وأي جامعة تعمل للطلاب خدمة مجتمع بدونها الطالب مايتخرج..
|
يعني يادكتورة الطالب ما يخش الجامعة إلا يتم سنة إلزامية وما يطلع منها إلا بخدمة مجتمع (برضو إلزامية)؟
الشباب موجود (كمتطوعين) و أحسب أنهم يبذلون أقصى ما يطيقون
الإشكال ما هنا
Quote: ملاجئ العجزة المستشفيات المايقوما القرية النمذجية
كلها تحتاج لايدي عاملة..
|
وماذا تحتاج الأيدي العاملة؟؟ الإشكال هنا
| Quote: ليه الوزارات دي ما تشتغل شغل مع بعض.. |
إعذري تهكمي ولكني لم أستطع منع نفسي
| Quote: ما شوفتا عمري شباب وزمن مهدر وطاقات في الفارغة قدر مافي السودان |
دي حقيقة لكن السبب شنو؟
!
| |
|
|
|
|
|
|
| |
Amjed
الملك
أيمن الطيب
نهال الطيب
ذواليد سليمان مصطفى
rani
osman righeem
naeem ali
حمور زيادة
Salahaldeen Nadir
فيس بوك
تويتر
انستقرام
يوتيوب
بنتيريست