|
دعواتكم لزميلنا المفكر د.الباقر العفيف بالشفاء العاجل
|
|
 Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
الرفيق امجد ...تحية طيبة
الحزب الشيوعـــى يتميز بتجربة بناء تنظيمى حزبــى راســخة ( ذات طبيعة تقليدية ) ...كل الاحزاب إقتبســت منها
المؤتمر الخامس من اجل بناء ( جملة تشير الى سعيكم الى خلع جلدكم لمواكبــة) الامبريالية العالمية فى نموذجها الراسمالى
نهاية التاريخ او كما قال ( فوكوياما ) ..
بيتكم القديم هدمتوهو وعايزين تبنو واحد جديد ...انشاء الله الحرس القديم يقبل او / يقال .
Quote: المؤتمر الخامس من اجل بناء وتجديد الحزب الشيوعي السوداني:
علي ضوء المتغيرات العالمية والمحلية يطرح الحزب الشيوعي السوداني شعار التجديد... تجديد دستوره ولوائحه وبرنامجه:
|
نفهم من الاعلان التحت دى انكم الناطق الرسمــى للحزب فى هذا المنبر ..
عشان عندما يكون لدينا استفسار او استفهام نخاطبكم اما ببوست او بالماسنجر ..
( باقــى انا مرات كثيرة بكون عايز اعرف حقائق من اهلهــا لازداد معرفة .
| Quote: و من هنا يدعو الحزب الشيوعي كافة الديموقراطييين و الشيوعيين للمشاركة |
مشاركتى :
ان يكون الشعار معبر عن المحتويات التالية :
* البعد والرسالة الاجتماعية .
* التحول الديمقراطى والممارسة الديمقراطية
* عـدم مصادمــة خيارات الهوية الاسلامية السودانية .
* قضايا تنمية المهمشين واطراف السودان .
* التوحد حول الوطــن .
ودى محاولــة صغيرة (( اهـ تذكرت ما انا برضــو من دعاة الاسلام السياسى )) .
| |
 
|
|
|
|
|
|
|
انتو ما ضاربين الوثائق في اخر لحظة طالما قلتي المؤتمر ما ح يقوم نحنا نمشي ننوم
فدوى اخر مرة قالو انك كوز بكتب بسم كوزة
على العموم لو كوز او كوزة سنظل مخرزا في عين الكيزان
| |
|
|
|
|
|
|
|
|
 Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
أمجد سلامات (بالجد المرة دي)
الثالث لو جاز لي أقول
هو ما نحلم به للوطن فليكن شعارنا
3.من أجل بناء وطن ديمقراطي متحد ومتآخية قومياته
شذى بلة سلام مربع
وبعد
حزب لو كان من البعاعيت عمره أكثر من ستين سنة أفضل من حزب بعد عشرة سنوات عمره لسة سنة
هذا مع إحترامي للمحاولات
ولك شخصياً
الأخت فدوى إنت ليه زعلانة؟؟ حزب فشل يعمل مؤتمر وبيحاول ده يزعل في شنو؟؟
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: أيزابيلا)
|
شذى
تحياتي
| Quote: انتو فتحتو بوست وقلتو عايزين مقترحات |
اولا:- مطروح 6 مقترحات يبعثون ما ضمنهم.
| Quote: بعدين بوستات المؤتمر الخامس دى عارفنها بتجيب ليكم الهوا |
هوا في شنو؟ الحزب الشيوعي يعمل موتمرو في 50 في 500 المهم ان يطلع الموتمر بما يهمنا ويهم الشعب السوداني
هسي في احزاب عملت دشومية مؤتمر ولسة ( مقنبرة) ما في جديد وبعضها تحول الى نادي ثقافي.
| Quote: ويهمنى اكتر انو يغير اسمو |
تغير الاسم غير مقترح ضمن المطروح لمشاركة الاخرين خاص باعضاء الحزب فقط
يغيرو الاسم لشنو؟
الزميل القال يغير الاسم مع احترامنا ليه ونكن له احترام لانه كان رغم اختلافنا معه موضوعي في نقدو( الخاتم عدلان) لما رفضنا مشى عمل حاجة اسمها
حركة القوى الجديدة( حق)
يعني اي شيوعي عايز يغير الاسم يمشي يعمل حزب جديدنحنا الاسم دا عاجبنا
ما تزعلينا منك قولي كلام موضوعي لان المطروح موضوعي
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
هنادي
ياخي انتي عسل عديل
شذى انتو مش عندكم حق
مالكم على اسمنا
انتو ما تغيرو اسمكم دا عشان يطابق المحتوى
يعني اختصار حركة القوى الديموقراطية =حقــد (على الاقل ليطابق الاسم المسمى)
لكن حق دي اختصار لشنو ما عرفناهو
الا كان دي (حركـــة ) ساي منكم
و يا زولة اقول ليك كلام
الهواء فاتحين ليهو الشباك ضلفتين و بنقول ليهو تعـــال
كدي خلي يبقى قدر كلامو و يجي
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
Quote: 1.من اجل تجديد الحزب الشيوعى السودانى وتعزيز وحدته
2.من أجل الديمقراطية والتجديد والوحدة الفكرية |
الفاضل امجد
تحية وود وتقدير
آمل ان يجد بعض النقد الذى سأقدمه هنا اذنا صاغية خاصة واننى من المحسوبين من تنظيم ( حقد) حسب تعبيرك سامحك الله
الشعار الاول فى تقديرى غير مناسب لانه يتناقض مع جملة حقائق من ضمنها الماركسية نفسها ، اذا اعتبرناها كنظرية للمعرفة ما زالت ضرورية بعد الانفتاح على الفكر الانسانى وابعاد النزعة الشمولية عنها على اعتبارها احدى مناظير علم الاجتماع الهامة. الوحدة حينما تأتى على حساب الصراع الفكرى وتلاقح الافكار تعتبر مبدا قاصر. لذلك وضع الوحدة كهدف شىء خطأ ، ليكن الهدف هو الوصول الى رؤية مشتركة ( الباقى خلوا على الله وعلى ثقتكم فى شول ومحمد احمد) . كذلك وجهة نظرى تمتد لتشمل الشعار الثانى وهو فى تقديرى ايضا غير موفق ، لان الوحدة الفكرية تفكير شمولى ، التعبير غير مناسب لان المطلوب هو الوصول الى حد ادنى مناسب يتفق حوله اعضاء الحزب كمنطلقات اساسية له PLATFORM
كذلك اعتقد ان مناقشة الامر قبل تحديد مواعيد المؤتمر بشكل دقيق غير موفق ايضا .. اكاد اجزم ان المؤتمر الخامس للحزب الشيوعى السودانى سيكون ناجحا جدا اذا قام على اعلى درجة من العلانية بدلا عن السرية ..
العلانية والشفافية فى كلما يتعلق بالمؤتمر الخامس المقترح هى الوحيدة القادرة على هزيمة المؤتمر الوطنى ، صدقنى اية كلام حول السرية واهميتها فى حماية الكادر الخ ... هى وسائل اصحاب الاجندة الشمولية الخفية داخل الحزب والتى تقف بشدة ضد تيار التغيير وتجديد دماء الحزب .. انها احدى اهم اسلحتهم يا امجد..
اللهم هل بلغت .. الهم فاشهد
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
Let face it, the future of the Communist Party of the Sudan rests on its relevance and not on the concocting of some nice-sounding mottos. It is astonishing and instructive at the same time, how some comrades seem to be stuck in the glorious narratives of the not-so distant past. Abdul Khaliq, Shafia, Garang, all did their part and paid for it dearly but so did others. The Party has to look on itself, make a case for its relevance and should it require the change of the name, so be it. This is called self-criticism.
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Zakaria Joseph)
|
أمجد و هنادي و شادية ..
يا محمبكاتية ..
إزيكم ..
كل القلتوهو من مقترحات .. سمح شديد ..
بس هو الشغلة بقت واقفة على الشعارات .. ؟؟؟
شبعنا شعارات بلا روح يخواننا ..
( ما إنتو بس .. كل التنظيمات ) .
و بعدين مش كلنا في مركب على الله دي .. يا ديمقراطيين ؟
يعني كلام شذى هو القندول الشنقل الريكة ؟
....
هسه في زمتك دي يا امجد ..
أخير ( حقد ) وللا ( حش ) ؟؟ 
التحية للحزب الشيوعي ..
و كلنا انتظار لقيام مؤتمره الخامس .
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Emad Abdulla)
|
يا إماد أبد الله ليك وحشة والله ثلاثة
يا خ ما في حمبقة ولا حاجة
لكن حزب بي حالوا ده قعد 60 سنة مش أخير من حزب زي الأميبا كل سنة ينقسم ويطلع حاجة هردبيس
والله أنا برضو يهمني حق الله ده يبقى حزب موجود جماهيرياً ويساعد في الحراك الديمقراطي
وموجعني بالحيل يقشر ليهو بي حاجات بقت عادية في القرن الواحد وعشرين في العالم القرية
بعدين ناس حق البقو حقوق ديل مش واحدة من مشاكلهم الخلتهم مرقوا من الحزب الشيوعي إسموا والماركسية؟؟
طيب مالكم واحد يقول بيهمني ينعقد المؤتمر (عنو ما إنعقد) يفرق معاك في شنو ما كل مرة بتملوا حافلة للمؤتمر وبترجعوا بي أمجا من الفعل الأميبي
والتاني يقول ليك يهمني تغيروا الإسم إسمواده مالو ما قعد بيهو ستين سنة يحمد سيدوا
والتاني يقول ليك الماركسية
الماركسية دي وقت عاجباك ابيتوها ليه؟؟
ما هي نظرية اقسموا منها البينفع معاكم وخلوا الباقي لي خلق الله.
بعدين نظام البشنق ده بقى ما بيقسم معانا
البيقسم معانا الجمل ماشي والكلب بينبح
بعدين مشتاقين كثير وإن شاء الله كان في الخرتوم تنفعك
وكان في الديم يضوي ليك
(بس ما فضيت أنكشك)
يعني حأعمل لي حملة ديامية كدة وأمرقك من صقورك
تحياتي للأهل بيتك الفنانين خاصة المدام وتسنيم (مزاجي)
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
غايتو يا عمدة
ما برد ليك
لمن القاك
بوريك ردي
حسين و طلعت الشفقة الشفقة
الموتمر جاااااااااي
يرونه بعيداً و نراها قريباً
قريبا اوي
زكريا
الاتساق الفكري للشعار مع المضمون مهم و مساهمة الجماهير في صياغة الشعار ضرورية ايضاً لضمان تمثيل اكبر حجم منها
(طلعت بالجنبة كدا حق/د عندها عضويـــة غير شذى بتنا دي ، كديراجع قيقراوي يمنك يفتيك
المهم )
| |
|
|
|
|
|
|
|
|
 شعار المؤتمر الخامس (Re: Amjed)
|
الكرماء :
السلام والتحية
الشعارات هي:
إشتراكية الناس في الثروة والسلطة
ضد الإستغلال ضد التهميش
قوة ثورية للتغيير
الإشتراكية ليست حلماالإشتراكية ضرورة عيش وحياة
ضرورة للتغيير من الجزئية والتلتيق إلى التنمية المتوازنة الشمولية
جلسة الإفتتاح بإسم: الشهيد عبدالخالق محجوب والشهيد جون قرنق دي مابيور، معا.ً
الجلسة الوسيطة : ضحايا القمع والتشريد والتعذيب والإبادة .
جلسة الختام بإسم: الحرية والوحدة والسيادة الشعبية ولمضاعفة الأزمة الإمبريالية.
التحية للشهداء: شهداء الحركة الشعبية لتحرير السودان ولشهداء 28 رمضان ولشهداء حركة تحرير السودان ولشهداء حركة العدل والمساواة ولشهداء حركة تحرير كوش. ولشهداء مؤتمر البجا، ومن قبل ومن بعد لشهداء الحركة النقابية ولشهداء الحركة الطلابية.
المجد كل المجد للأمهات المهمشات المطحونات بالسوق وبالكشات.
ولكم مع الود التقدير والإحترام.
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Hussein Mallasi)
|
ملاسى والله من دواعى اسفى ان اوافقك الرأى
- لو البوست دة منذور للاعضاء بس كلمونا
هنادى ازيك ولعلك طيبة
| Quote: تغير الاسم غير مقترح ضمن المطروح لمشاركة الاخرين خاص باعضاء الحزب فقط |
انتو طرحتو (الشعار) للشعب
والشعار هو خلاصة الموضوع...وملخصو ..والا شنو
.........
عموما ياريت يبقى اسمو الشيوعى ولا يتحدث عن الشيوعية
ويا عاملات شكسبير:
ان نسمى الوردة خشبة...هذا لايغير من رائحتها شيئا
ــــــــــــــــــــــــــــــ
التحية للشيوعيين..الذين علمونا النضال
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: أيزابيلا)
|
ايزبيلا
لك التحية مجددا
| Quote: لو البوست دة منذور للاعضاء بس كلمونا |
دا عنوان البوست(الحزب الشيوعي السوداني يدعوكم للمشاركة في اختيار شعار مؤتمره الخامس)
يعني يا ازبيلا شعار الموتمر ومطروح ست مقترحات تغير الاسم ليس شعارا .
ولا اظن يفوت عليك انو ان الاسم بختاروه الاعضاء فقط .
بالمناسبة في وطنين شاركو في المناقشة العامة منهم الحاردلو وفي مجموعة كبيرة استعان بيهم الحزب في المناقشة العامة شروطهم انهم ناس وطنين نزيهين ونزيهين دي انم عرف عنهم حبهم للوطن وللتطور الاحزاب يعني ما مغرضين.
| Quote: عموما ياريت يبقى اسمو الشيوعى ولا يتحدث عن الشيوعية |
سيبقى اسمو الحزب الشيوعي وسوف يتحدث عن العدالة الاجتماعية (الشيوعية)
| Quote: ان نسمى الوردة خشبة...هذا لايغير من رائحتها شيئا |
عليككككككككككككك نور
نحن نوريد ان نسمي الورد وردا
| Quote: التحية للشيوعيين..الذين علمونا النضال |
نعم التحية ليهم والتحية للخاتم عدلان الذي علمنا ادب الاختلاف
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
يا شذى ياخي وافقي ملاسي ما بدا لك
لكن المطروح للاستفتاء دا شعار الموتمر
و ليس اسم الحزب
و كلاكما انتي و ملاسي مرحب بمقترحاتكم اذا كانت جادة
و بالمناسبة ياخ
(راجعي اقتباسات عمنا شكسبير دا كويس قبلي ما تكتبيها
خيلاني الانجليز ديل ما عندهم غيرو و ما قاعدين يرضو لو سمحتي يعني
و غلط زي الغلطتيهو في كلامو دا كفيل بانو يمنعك من دخول المملكة المتحدة مدى الحياة
ايتس اول اباوت وردس يا ستي )
خشبة
خشبة يا شذا
بتبالغي زاتو ياخ
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
Quote: (راجعي اقتباسات عمنا شكسبير دا كويس قبلي ما تكتبيها
خيلاني الانجليز ديل ما عندهم غيرو و ما قاعدين يرضو لو سمحتي يعني
و غلط زي الغلطتيهو في كلامو دا كفيل بانو يمنعك من دخول المملكة المتحدة مدى الحياة
ايتس اول اباوت وردس يا ستي ) |
امجد يا زميل
انا لسانى ما عجمى والله
وبشتغل فى اللغة بالتآويل
دة حتى انا تبع اصحابك بتاعين ما بعد الحداثة...البيفتكرو انو ترجمة النص الادبى هى انتاج نص موازي
لكن لو جبت لينا الاقتباس الانجليزى والترجمة بتاعت (الووردس) بتاعتك
بنكون طلعنا لينا بى فايدة من بوستيك دة
ــــــــــــــ
عماد
محتاجين لى اعصابك فى حتة تانية
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: أيزابيلا)
|
سلام جميعا .....
طبعا قيام المؤتمر ده بصوره عامه عمليه ايجابية جدا في مسيرة الحزب وان كان الظروف السابقه كلها خلتو زي الحلم ... علي كل منتظرنو ...
تغيير الاسم والحاجات دي الناس بناقشو فيها ليهم سنين وما ظنيت في المرحله دي بتفيد كتير ....
الشعارات المكتوبه حسيت انها ما منطقيه لكن باعتقادي انو حزب بضم طيف عريض من المجتمع مفروض شعار مؤتمرو يكون بسيييييييييييييييييط الشافع يفهمو وده برضو بيؤدي لتسويق الفكره بصوره ساهله وايصالها لاكبر شريحة من الناس وتقريبه لشريحة العمال والطلبه والبسطاء من الاعضاء . يعني انا بي فهمي البسيط من بين كل الشعارات الذكرت حبيت "عافية الوطن عافية الحزب" لكن اظن ممكن الناس لو فكروا ببساطه ينتجو شعار بسيييط وسااااهل ومفهوووووم وبيرسخ في ذهن اي زول وطبعا ناس التسويق بعرفو جدا للحاجات دي وممكن الناس يستشيروهم لانو في ناس متخصصين في الشعارات ... يعني ده ما شغل سياسه بس ....
اخوانا في الحزب بزعلوا ليه لمن واحد يقترح شعار زي "يبعثون" او حتي "يشتركون" هاهاهاها الموضوع ده بسيط وعادي والناس ما تنفعل ساي وتبدا تنقل الموضوع لنقاشات جانبيه حول المبادئ مع حق او غيره لانو مفروض يفهموا انو الحركات دي كلها فيها ناس كويسين ووطنيين ومثقفين فالكلام عن الحقد وغيرو ما مبرر ولا واعي.
كل الود والامنيات للحزب الشيوعي والاحزاب الاخري بالمعافاة والمقدرة علي خلق سودان افضل
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
ياخي روميو و جولييت دي الا تقريها بلغتها الاصلية
بتوعك بتوع بعد الحداثة ديل كان وقعوا فيها بطلعو منها معاني شكسبير اساساً ما كان قاصدها
قصة حب جميلة و مأساوية في شروط المجتمع الطبقي اياهو داك اتحولت الي مأساة
حسي يقعدوا الجماعة يشبكوك تفكيك النص و ماورائيات اللغة و ما عارف شنو
Juliet:
"What's in a name? That which we call a rose
By any other name would smell as sweet."
Romeo and Juliet (II, ii, 1-2)
دا لمن عرفتا روميو اسمو بالكامل منو يا شذا
(وش صاري وش و عامل فيها جادي)
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
ـــــــ
Quote: يا عماد ازيك
التلطاشر سنة دى اتعملت فيها 4 مؤتمرات بالمناسبة |
أهلاً يا شذي ربما أكون متابع من بعيد عن المؤتمرات , لكن حاولت أن اصحح الفترة التي قامت فيها حركة القوي الديمقراطية بقيادة الاستاذ الخاتم عدلان فهي منذ 1995 _2008 فتلك هي التلطاشر سنة
ذي ما قلتي ,,,
ما بعتقد فيه إنحارف للبوست فهو مجرد أرقام وتعرفي ماهية الارقام ..
ـــ
أمجد إزيك ,,,
Quote: المؤتمر الخامس من اجل بناء وتجديد الحزب الشيوعي السوداني:
|
Quote: و من هنا يدعو الحزب الشيوعي كافة الديموقراطييين و الشيوعيين للمشاركة في صياغة و اختيار شعار للموتمر الخامس من احدى الخيارات التالية او صياغة مقترح جديد:
1.من اجل تجديد الحزب الشيوعى السودانى وتعزيز وحدته
|
Quote: و من هنا يدعو الحزب الشيوعي كافة الديموقراطييين و الشيوعيين للمشاركة في صياغة و اختيار شعار للموتمر الخامس من احدى الخيارات التالية او صياغة مقترح جديد:
1.من اجل تجديد الحزب الشيوعى السودانى وتعزيز وحدته
2.من أجل الديمقراطية والتجديد والوحدة الفكرية
|
كدي يا أمجد شوية نقيف في الخيار الأول والثاني , وقبليها أخر مره إنعقد مؤتمر للحزب الشيوعي السوداني كان 1976م يا خي دا كان ميلادي عديل كدا ما علينا .
لكن من خلال الخيارين ديل معناها في إشكالية في المنطلقات الفكرية وكمان النظرية , فهل يا تري سوف ترجعون إلي النظرية( الماركسية الللينينية ) ولّ ح تدخلو لينا أشياء من الموروث (الديني)السوداني بإعتبار إنو جزء من نتاج الفكر البشري الانساني الخير و الموروثات القيمة للشعب السودانى ؟!
إذا هذا حدث هذا يستحسن أن لا يكون الحزب الشيوعي السوداني النظرية والتطبيق .
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: أبو ساندرا)
|
شادية الأصلية ..
إزيك ياخي .. ثم مشتاقوووون .
أها هسه كلامك ده ما حمبكة و جعولية ساكت ؟
أميبا شنو و هردبيس الدخلهم في الشغل ده ؟
إنتو الحقانيين ديل قايلنهم المؤتمر الوطني وللا شنو ؟
يا كمان تكونوا آخر عمركم الستيني ده خرفتوا و ساويين نظام : أنا و ابن عمي على الغريب ( أكيد ما الحقانيين هم أولاد العم .. أولاد عمكم المشاركنكم القبة أم أظبلايط و دقن ) .
ياخي لا تغيروا إسمو لا تضبحوا ليهو سماية جديدة .. خلوهو بإسمو القديم العاجبنا و شايلين ليهو الجميل و حافظنو ( نحنا السودانيين العارفين بأفضال الرجال الحُمُر العالين .. الكانو ) .
غيروا ليهو جلابيتو طيب ؟ .. يعلم الله الناس بقت حانه عليهو ..
أعملوا ( أب قريدينق ) للسيستم ..
الفورماتينق الجديد مهم .. شيلو الذاكرة القديمة و الرام .. حتى المونيتر المن سنة غاغ ده غيروهو .. خلوهو إل سي دي ..
مالو ؟ .. الله قال حرام ؟؟
بعد داك لما يبقى « كويييييس » جوه و بره .. قوموا أعملوا الإسلوقن بتاع إل جي داك : Life's Good
( حياة أفضل ) .. مش ده الدايرنو من الحزب عشان يسويهو للبلد ؟ ..
مش كل الكواريك دي من أبونا آدم ليوم الليلة عشان بس : الحياة للناس تكون أفضل ؟
( حياة أفضل ) دي كلمة كبيرة بالمناسبة .. و سمحة جد و ملانة بكل دعاوي المصلحين و الأنبياء و الرسل و أصحاب القضايا الكبيرة .
شبكتينا كلام ناس موقف جاكسون : الحافلات و الأمجاد و الركشات و نفر و السفر و عاك عيك ..
وين كلام عمنا الكبير أبوساندرا و بقية ( الرفاق الحادبين ) داك : « اليقظة الحذر / نحو جبهة عريضة متحدة للقوى الديمقراطية و الما عارف شنو / الإنتخابات جايه / لموا الصفوف / إستقيموا / سدو الفرقات » ..
هسه نصدق منو فيكم ؟ الكريديبيليتي عند منو ؟ وللا الشغلة شعارات ساكت زي الشعار الدايرننا نشوفوا معاكم ده ؟
بعدين يا شدو ياخي جمل شنو الماشي ؟ .. هو بارك من سنين و « الكلاب » و « الأميبيا » مشت خلتو قاعد في مسماهو .
كدي « أتبنوهو » ما يكون كمان أمر الله حصل عليهو و صاحب الوداعة أخد وداعتو !!!!
( شادية هوووي .. كلامي ده هظار و كلام أخوان ساكت .. ما تقوموا كمان تحمبكوا و تعلن علي الجهاد .. بقيتو زي أولاد عمكم ديلك .. ما مضمونين ) ..
بلعتوا البنية المسيكينة دي الكلمة القالتها و قهمتوها ساكت .
.....
ثم ياخي ديم شنو يا شادية ياخ ؟ ..
أنا بقيت برجوازي نبيل و ساكن في حي راقي في خرطوم نورث ياخي ، زول كامل البريستيج .. فضلة خيرك .
أما إذا دار محور سؤالك عن البنيات ، فلقد سافرن جامعاتن .. و بقينا بي قفاهن شويين خلاص ..
لكن الله غالب .
هذا .. و عندي معاك نقه كتيرة .. شدي واحد سلك ينوبك ثواب :
0923222920
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
الحق الادبي في اكتشاف الشعار يرجع لعماد:
| Quote: كدي « أتبنوهو » ما يكون كمان أمر الله حصل عليهو و صاحب الوداعة أخد وداعتو !!!! |
الشعار:
نحو "تتبين" الحزب
عشان نقطع الشك ....
يا امجد:
حنجيب الوتد قبل الحمار؟
زمااااان في الحزب ده زاتو كنا بنضع خطة او تصور للحاجة العاوزين نعملا و منها بيطلع الشعار، واضح انو خطط و تصورات وامنيات و اوهام الناس للمؤتمر ده متباينة و متضاربة و متفاوتة جدا، من النوع العاوزه بس يتم ـ عشان يحسب خمسة ـ انتهاءا بالعاوزه يقوم بالثورة المحلية و العالمية و ربما غزو المريخ .. و ماله؟ الاوهام مجانا ...
و شنو حركة تطلبو راي الناس و بعد داك تنهزروهم دى؟ اعملو فلتر سغير كده صفو فيهو الما عاجبكم حتى لو يدعو للغثيان
شكل الدكاترة لذيذ
| |
|
|
|
|
|
|
|
|
 Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Emad Abdulla)
|
كلام يا ,,,,,,,
عايز اقول انو الخاتم عدلان قدم ورقة فيها افكار حول تغير الاسم وافكار حول المركزية الديمقراطية ومنشورة في عدد مجلة الشيوعية وكل الشيوعين المنتظمين في الحزب ناقشو رائه في اجتماعات تنظيمية عشان هو شيوعي وفي برضو ناس شيوعين عندوهم افكار اختلنا او اتفقنا تظل مكان احترام.
الخاتم عدلان ماقال كسر رقبة تعملو بكلامي !!!!!!!!!1
بعدها كون حركة القوى الجديدة ( حق) طبعا سبق وقلنا اي شيوعي عايز يخلي الحزب اليمشي لاننا عن انتمانا للحزب ما بنقراء فاتحة ولا عندنا عقد احتكار مع الحزب واي (ناس) يمشو يعملو حزب جديد هم احرار لكن يطلعو شهادة ميلاد جديدة لحزبهم مرحب بالاحزاب الوطنية
لكن العايز يبني حزب في راس الحزب الشيوعي الا يبني على جثثنا,,,,,,,,,,
وكمان العايز يطلع من الحزب نقوم نجري وراهو؟
في ناس زعلانة من الحزب زعل غير مبرر وفي حق ولا يوم ما كانو شيوعين الزعل في شنو؟؟
يا شذي
انا طبعا اول مرة اعرف انك في حق,فكتبت مداخلتي بدون خلفية,,,
لكن ما تنظري اجي اقول ليك غيرو اسم حق انتو احرار تسموه حق تسموه حقل دا اسم خاص بمجموعة ارتضت ان تكون حق ,,,
جاية
ملاسي دا زعلان من الشيوعي عشان راي المايوين ان الشيوعين سبب اساسي في نهاية مايوووووووووووووووووو
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
شكراً للجميع المشاركين/ات
و الي الخامس بثبات و في طريقه رايات
ان الليـل زائل
لا غرف التوقيـف باقيـة ولا زرد السلاسـل
نيـرون مات ولم تـمت روما ... ظلت بعينيها تقاتل
و حبوب سنـبلة تموت
ستمـلأ الوادي سنـابل
و عهدُنا أن نموت على دربـ حزبنا موتاً تزغـرد له الامهـات و يدمع له الوقـورون من الرجـال و يجلـه الاطـفال و تبكي لاجله الصبايا من بنوت الفـريق ... عـهدنا ان نمـوت كالاشجار واقـفين متمسـكين بنضـالنا مؤمنين فيه معتكفين في كنف حزبنا و هـاتفين بحياة شعبنا ممجدين لـكفاحـه و صـموده الاسطوري في وجـه غوائل الزمان و غـدر الجاحدين من ابنائه
عهدنا ان نظل حتى الرمق الاخير في انفاسنا نبحث عن سبل الخلاص لشعبنا و ان ننير له درب التقدم و التحرر و النماء رافعين مشاعل الحرية و العدالة و الاشتراكية من اجل وطن حر و شعب سعيد من اجل وطن "بالفيهو نتساوى نحلم و نقرا نتداوى"
عهدنا ان نبقى على درب رفاقنا الشـهداء . اولئك الذين افـتدونا بارواحـهم و قدمـوها رخـيصة على مذبح حب الوطن و قربانا لحـريته و حسن اولئك رفيقـا
عهدنا...
ان نبقى كما عـهدنا شعبنـا سداً منيعا و جدارا صلباً امام جماعات الهوس و تجار الدين و اخوة يوسف . و ضد رايات الاستـغلال و ضد انتهـاك حق شعبنا في الحياة و الحرية و السعـادة رافعين رايات حب الوطـن الواحد للجميع نتعايش فيه و تجمعنا سلامته و يكفل لنا غداً افضل لاجيال اطفالنا
و حتى الموت شيوعيين
بنادق وين بتحمينا العديل و الزين
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
Quote: ان الليـل زائل
لا غرف التوقيـف باقيـة ولا زرد السلاسـل
نيـرون مات ولم تـمت روما ... ظلت بعينيها تقاتل
و حبوب سنـبلة تموت
ستمـلأ الوادي سنـابل
و عهدُنا أن نموت على دربـ حزبنا موتاً تزغـرد له الامهـات و يدمع له الوقـورون من الرجـال و يجلـه الاطـفال و تبكي لاجله الصبايا من بنوت الفـريق ... عـهدنا ان نمـوت كالاشجار واقـفين متمسـكين بنضـالنا مؤمنين فيه معتكفين في كنف حزبنا و هـاتفين بحياة شعبنا ممجدين لـكفاحـه و صـموده الاسطوري في وجـه غوائل الزمان و غـدر الجاحدين من ابنائه
عهدنا ان نظل حتى الرمق الاخير في انفاسنا نبحث عن سبل الخلاص لشعبنا و ان ننير له درب التقدم و التحرر و النماء رافعين مشاعل الحرية و العدالة و الاشتراكية من اجل وطن حر و شعب سعيد من اجل وطن "بالفيهو نتساوى نحلم و نقرا نتداوى"
عهدنا ان نبقى على درب رفاقنا الشـهداء . اولئك الذين افـتدونا بارواحـهم و قدمـوها رخـيصة على مذبح حب الوطن و قربانا لحـريته و حسن اولئك رفيقـا
عهدنا...
ان نبقى كما عـهدنا شعبنـا سداً منيعا و جدارا صلباً امام جماعات الهوس و تجار الدين و اخوة يوسف . و ضد رايات الاستـغلال و ضد انتهـاك حق شعبنا في الحياة و الحرية و السعـادة رافعين رايات حب الوطـن الواحد للجميع نتعايش فيه و تجمعنا سلامته و يكفل لنا غداً افضل لاجيال اطفالنا
و حتى الموت شيوعيين
بنادق وين بتحمينا العديل و الزين |
صديقنا أمجد , تتلبسه روح شهيد !
الحاصل شنو يا زول ما كنت كويس , فرايحى و مرح , طوال البوست
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
يا امجد كيفنك؟
بدون زعل ما عندك الحق تكتب بي اسم الناس وتهاتر او تنبز زول لا حق ولا غيره..... اسم البوست مفروض يحتم عليك مسؤولية الموضوعيه وانو ما يكون مكان للونسه او المهاتره حتي وان بادرك بهما احدهم ...
هو بوستك لكن انت طالما اتكلمت فيه باسم الناس يجب انك ما تتعامل فيه بصوره شخصيه مع المتداخلين أياً كانت مشاربهم او اراءهم او درجة سخريتهم من اراءك ومنهجك في الحياه الشي الانت ما عملتو عشان كده حسيت انو الكلام الكتبتو عن القضيه والشهدا كلام ساكت .... شعر بس ما اكتر.
كل الاعتذار ان كانت لغتي جارحه او ارائي حاده
| |
|
|
|
|
|
|
|
|
|
Re: الحزب الشيوعي السوداني (Re: مدثر محمد عمر)
|
القارئي الكريم
الإحترام
السلام عليكم ورحمة الله
الشعار البسيط ممكن يكون لجبهة، تحالف، أو لمنظمة ما أو لجمعية أومجلس أباء أو حتى مجلس شعبي، أماجهاز وحزب التغيير الجذري وهو "الحزب الشيوعي السوداني" فشعاره لازم يكون شمولي لا جزئي يجمع قضايا الحاضر والمستقبل مثال لذلك:
(إشتراكية الثروة والسلطة)
(ضد الإستغلال والتهميش)
أما شعارات العهود السياسية (الإنتقالية) وما شابه فدي بتحددها اللجنة المركزية بعد نهاية المؤتمر ووفق سيرورة جدلية العهد والفعل السياسي.
ويمكنكم زيارة:
السر بابو يعلق على رزنامة كمال الجزولي { الماركسية و طب...تصريحات الشفيع خضر }
ولكم التقدير والإحترام
| |
|
|
|
|
|
|
|
|
|
Re: الحزب الشيوعي السوداني (Re: مدثر محمد عمر)
|
القارئي الكريم
الإحترام
السلام عليكم ورحمة الله
الشعار البسيط ممكن يكون لجبهة، تحالف، أو لمنظمة ما أو لجمعية أومجلس أباء أو حتى مجلس شعبي، أماجهاز وحزب التغيير الجذري وهو "الحزب الشيوعي السوداني" فشعاره لازم يكون شمولي لا جزئي يجمع قضايا الحاضر والمستقبل مثال لذلك:
(إشتراكية الثروة والسلطة)
(ضد الإستغلال والتهميش)
أما شعارات العهود السياسية (الإنتقالية) وما شابه فدي بتحددها اللجنة المركزية بعد نهاية المؤتمر ووفق سيرورة جدلية العهد والفعل السياسي.
ويمكنكم زيارة:
السر بابو يعلق على رزنامة كمال الجزولي { الماركسية و طب...تصريحات الشفيع خضر }
ولكم التقدير والإحترام
| |
|
|
|
|
|
|
|
|
|
Re: الحزب الشيوعي السوداني (Re: مدثر محمد عمر)
|
القارئي الكريم
الإحترام
السلام عليكم ورحمة الله
الشعار البسيط ممكن يكون لجبهة، تحالف، أو لمنظمة ما أو لجمعية أومجلس أباء أو حتى مجلس شعبي، أماجهاز وحزب التغيير الجذري وهو "الحزب الشيوعي السوداني" فشعاره لازم يكون شمولي لا جزئي يجمع قضايا الحاضر والمستقبل مثال لذلك:
(إشتراكية الثروة والسلطة)
(ضد الإستغلال والتهميش)
أما شعارات العهود السياسية (الإنتقالية) وما شابه فدي بتحددها اللجنة المركزية بعد نهاية المؤتمر ووفق سيرورة جدلية العهد والفعل السياسي.
ويمكنكم زيارة:
السر بابو يعلق على رزنامة كمال الجزولي { الماركسية و طب...تصريحات الشفيع خضر }
ولكم التقدير والإحترام
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
Quote: ناس حق ديل مبارينكم كده لييه؟
عايزين يطوروكم ولا يشمتو فيكم
ولا سهر الجداد ولا نوموا
طلعت مشتاقين لنقاشاتك الجادة |
عبد اللطيف
تحياتى وتقديرى
لم المح تعليقك سوى الان فقط فعذرا..
حكاية تنظيم حق وغيره من منظمات القوى الحديثة الصغيرة والمبعثرة مع الحزب الشيوعى بسيطة جدا وحلها بسيط وغير معقد ..
تعرف يا عبد اللطيف بعد الاشكاليات التى واجهت انطلاقة (حق) ، اصبحت المبادرة السياسية مرة اخرى فى يد (المؤتمر الخامس ) انا هنا اتكلم عن المبادرة تجاه تكوين حزب ديمقراطى حديث.
هناك احتمالين الان :
الاول هو ان يجرى المؤتمر الخامس فى حالة قيامه ، ان يجرى تغييرات طفيفة تستوعب التغيير على مستوى اللغة فقط وليس على مستوى الواقع، وفى هذه الحالة تعود المبادرة الى حق او غيرها من المنظمات الصغيرة الاخرى .
الثانى هو احداث تغيير حقيقى فى المؤتمر الخامس يستطيع ان يعبر بالحزب من تنظيم الكادر الى تنظيم البرنامج وفى هذه الحالة يصبح الحزب مؤهل لاستيعاب او الاندماج مع الاخرين فى حزب مرشح لان يملأ الساحة وان يتحول الى قوى سياسية واجتماعية كبرى. طبعا فى هذه الحالة يستطيع الحزب ان يستوعب حتى التيار الماركسى نفسه، اذا ما وافق الاخير (على تجميد وصايته على المستقبل)..
ملحوظة:
المرحوم الخاتم استقال من الحزب الشيوعى يا قيقراوى !!!
المرحوم الخاتم كتب افضل عصارة سياسية فى (أن اوان التغيير) والتى قمت بعمل ملخص لها فى بوست ابو ساندرا والذى اشار اليه ذو النون بعاليه.
| |
|
|
|
|
|
|
|
|
 الحزب الشيوعي السوداني (Re: Amjed)
|
القارئي الكريم
اٌلإحترام
السلام عليكم ورحمة الله
التغيير الأساس والأول الإستراتيجي بعدين تغيير الأمور التالية والثانوية
القراء والزملاء الكرام
الإحترام
السلام عليكم ورحمة الله
أستاذنا الجليل والرفيق الجميل
حوارك مدرسة جميل ومفيد
وردأن (الوضع الحاضر في السودان بما فيه من تخلف وتشتت في قوى الإنتاج يمنع بناء الإشتراكية)
والعكس هو الصحيح فالإشتراكية هي تخرجنا من التخلف والتشتت
اما الراسمالية فتزيده والحالة الحاصرة لبلادنا منذ الإستقلال خير مثال.
فشل المحاولات التكتيكية داخل اكتوبر ومايو والإنتفاضة كانت بأسبابها الذاتية
أكثر مما هي لأسباب موضوعية عامة مجردة، حتى الأسباب الموضوعية لفشلها تتصل
بالفصل بين المصالح الطبقية الشعبية والإقليمية والمصالح الوطنية،
وبين العسكريين والمدنيين، وبين الحزب والقوى الوطنية الديمقراطية ..إلخ
وهي أزمة تنظيم حزبي وأسلوب قيادة.
المهمة الرئيسة للبرجوازية في السودان هي الحفاظ على وضعه (وضعها)
في التقسيم الرأسمالي لنشاط المجتمعات والدول.
الطبيعة العامة للسوق الدولي تجعل تقدم السودان محصوراً بتبخيس
قيم العملة وقيم المدخلات و زيادة الفوائد على الديون
وهي لا تملك قدرة مالية اوتقنية تسمح لنا
بتأسيس بنية تحتية متكاملة ومتناسقة مع حاجات وقدرات شعبنا ومصالحه مستقبلاً
الطبيعة العامة للتطور الرأسمالي في السودان كما تتطور الأشياء في الطبيعة
إنتقلت من الأعمال التجارية الصغيرة إلى الوسطى الأعمال المالية والبنوك ثم إلى خصخصت
الصناعات والمشروعات الزراعية الكبرى وإمتلاك أساطيل النقل جواً وبحراًوأرض،
تملك البريد وشركات الإتصالات، وكذا الكهرباء والمياه وبلغت بخدماتها
المستوى الأمثل لأرباحها والمنفعة الحدية لإستثماراته الأصيلة والعملية.
التفكير الليبرالي في حزبنا يطرح إنفصال الديمقراطية السياسية وإنجازها أولاًً
لأن المنتج الصغير لسه بدري عليه من الثورة والكلام الكبار كبار
ثم بعد ذلك تنجز الديمقراطية الإقتصادية الاٌجتماعية الثقافية
وهي مسألة فشلت لعشرات السنين في تحقيق تقدم متناسق وتنمية متوازنة في السودان،
حيث ترتد الديمقراطية السياسية إلى حالة إنقلاب عسكري نتيجة عجزها الإقتصادي السياسي
عن حل أزمات العيش وإستغراق أهلها في الفساد
ذلك الفساد الذي ينتجه التفاوت الحاد في الأجور والأسعار وزيادة قيم الإستهلاك.
التعويل على إخراج المنتج الصغير من حالة التخلف المزرئي ونقل أوضاعه الى مرحلة الإنتاج السلعي
شرطاً لتطور الثورة فهو على العكس فوضعه المزرئ لا يتطلب الإستمرار في الوضع الذي أدى إلى تخلفه وإزراءه
وإرزاءه بل إن تقدم عمل المنتج المعيشي الصغير وتحسين أوضاعه يتطلب
تأسيس علاقات إنتاج إشتراكية في ملكية الأرض وسلطة تصريف إنتاجها والنفع بها
حكماً شعبياً محليا بحيث تتيح في مناطق الإنتاج الحديث
حتى لإتحاد مزارعي مشروع الجزيرة حق تملك المشروع كله مقابل نسبة للدولة والمجتمع.
تأسيس العلاقات الإنتاجية الإشتراكية لا يتم بالغصب ولا بأخوي وأخوك
بل بمزيج سياسيثوري جميل منهما تقدره دائرة القرار الثوري في
أشكاله الحزبية وتنظيماته المدنية والثقافية والإجتماعية والنقابية والعسكرية،
وهي دائرة لم تزل ضعيفة لضعف البرنامج الإستراتيجي لحزبنا
وإختلاط المهمات والعبارات الأساسية الإستراتيجية الرئيسة فيه بالمهمات والعبارات الجزئية
والإنتقالية والثانوية التالية لها وغيرها من أمور تكتيكية.
الأنجع أن يكون موقفنا ضد فائض القيمة في شكله الطبقي الرأسمالي موازياً
لموقفنا ضد فائض القيمة في شكله الأقليمي لا منفصلاً عنه.
وبذلك يمكن تحقيق سلام حقيقي ذي ديمقراطية شعبية
يتمثل في مركزها السياسي والقومي الأحزاب والنقابات والقوى العسكرية
تصاعداً من أصغر وحدات الحكم الشعبي المحلي
وليس نهاية بالجمهوريات ذات الحكم الذاتي (إتحاد جمهوريات السودان)
برنامج أساسي كهذا يقوي وحدة الحزب بمشروع سياسي حديث
بعيد عن تدوير الأساليب القديمة مرة كملهاة ومرة كمأسآة
مهمة التقدم الوطني العام في بلادنا ومعظم العالم الثالث أضحت في زماننا (وهو زمانك أيضا)
أضحت مندغمة بمهمة التقدم والحرية من النظام الطبقي. حق المنتج الصغير في التقدم الإشتراكي
هو حق لنا في الفئات الوسطى لكي لا يضحى إنتظار أن يتقدم هذا المنتج بذات الأوضاع التي أدت
إلى تخلفه إنتظاراً لجودو أو مطية لإستمرار نهبنا بدعوى إن المنتج الصغير لم يتقدم بعد!
في حين ان الطبقة العاملة الصناعية السودانية على قلة عددهاوضعف تركيبتهاأضحت بفضل النفط والذهب
والإتصالات تنتج القسط الأعظم من الإنتاج البضاعي السوداني.
فيا أعزتي لأجل مستقبل مزهر تقل فيه الفوارق في الحقوق والواجبات الأساسية
بين طبقات السودان المالكة وطبقاته الكادحة
، ولأجل تساوي أقاليم جمهوريات السودان وفق كثافها السكانية وحاجاتها وقدراتها التنموية
في السيطرة على موارد عيشها يجب أن يكون شعارنا عاليًا داوياً ومهيبا:
إما ل ضدالإستغلال ضد التهميش، أو إشتراكية الثروة والسلطة.
وأمريكاوبريطانيا الأممت البنوك دي ماإشتراكية أكتر مننا
في كل هذا البذخ والفساد الإقتصادي والتفاوت الطبقي والإقليمي الرهيب للرأسمالية في السودان
يجب أن نجدد شعار التأميم واجب وطني،
مش أي حاجة حصل غلط فيها نخليها،
طيب ما الديمقراطية السياسية ماتت تلاتة مرات ونص في السودان؟ نقوم نخليها؟
ما ممكن نفصل الديمقراطية الشعبية من الإشتراكية الإثنين حيموتوا !،
وما ممكن نفصل الإشتراكية في المدن عن الإشتراكية في الريف الإثنين حيموتوا!،
وما ممكن نفصل النضال الوطني عن الأميي الإثنين حيضعفوا !،
الأفضل أن نجمع مصالح وقوى ومزيات كل منهم في برنامج نضر بديل مثال له في:
"نقاط في دستور ولائحة وبرنامج الحزب"
وأن يقتصر المؤتمر على وضع البرنامج الإستراتيجي والنقاط الأساس في البرنامج المرحلي.
والله الموفق
والنصر معقود بنضال الشعوب
قرقر قرقر والله أوا أوا إنتا تحسبوا لعب؟ والله انتوا عيال جلخاسة ده ميرة ميرة تنطي جاي جاي لمن بعدين بكا يقوم
ولكم التقدير والإحترام
التحية لظرف ولطف تعليق الأزهري2
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
العزيزين طلع و ذو النون
و في حديث الجدل بين حزب برامجي و حزب ثوري نقاش طويل
هل نريد لحزبنا ان يكون حزب برنامجي مرحلي (بطبيعة فكرة البرنامج نفسها)
ام نريده حزب صاحب موقف ثوري واضح تجاه قضايا الجماهير مستنداً الي نظرية مفهومية تتيح له تحليل الواقعو اتخاذ المواقف السليمة حسب رؤيته لواقع التدافع الاجتماعي
الشاهد أن تبني الماركسية يفرض علينا الخيار الثاني
و يتيح لنا التحرك في مساحات واسعة من خلال استخدام ادواتهاالمنهجية لاستقراء الواقع و السعي في طريق التدرج لبناء الاشتراكية بصفتها المعادل الموضوعي الذي سيحل و يجب ان يحل محل الرأسمالية التي ما كلت تبدي سؤاتها
ان هذا الانتقال الذي ادافع عنه هنا سيكون في حد ذاته ظاهرة اصيلة و متفردة بالنسبة لمختلف الشعوب التي تبلغ درجات مختلفة في سلم التقدم الاقتصادي و الاجتماعي و ترتبط بتقاليد ثقافية و تاريخية مختلفة و في هذا السبيل النضالي القاسي العنيد توجد كثير من المنعرجات و الهزائم و الانكسارات و يحفل دربه بمختلف التناقضات لكن تقييم هذه العملية تقيماً سليماً و تصحيح خط سيرها دوماً بالنسبة لحالة كل شعب او دولة على حدة هو الواجب الذي تضطلع به مهام التطبيق الخلاق لمبادئ الماركسية اللينينية
ان التقارب المزعوم بين الاشتراكية و الرأسمالية الذي حاول روسترو في نظريته حول اطوار النمو الاجتماعي و ما طرحه فيما سماه البيان اللاشيوعي و حاول على ان يبرهن فيه على ان المستقبل في العمل العام للموسسات الثقافية الاجتماعية هو اختلاق (ساي ) يسقط امام واقع مجمعاتنا اليوم و يربط بميكانيكية غبية بين تطبيق النظام الشيوعي و مستويات انتاج منخفضة فقط
و ينكر دورها كتنظيم اجتماعي عاقل يهدف الي قاعدة تكنيكية عالية التطور و يوحد بين الناس في اطار وحدة تضامنية من اجل اخضاع قوى الطبيعة و مواردها باطراد و يوطد سيادة الانسان على علاقاته الاجتماعية من خلال تحريره من قهر المركب الاقتصادي بل و يوجه النظام الاجتماعي باكمله نحو تطوير الانسان و تطوير الفرد باتجاه التقدم الاجتماعي
| |
|
|
|
|
|
|
|
|
|
Re: الحزب الشيوعي السوداني يدعوكم للمشاركة في اختيار شعار مؤتمره الخامس (Re: Amjed)
|
افضل شعار هو:-
من اجل دولة المؤسسات""
لان مشكلة الدول النائمة.. سورى..النامية هى حكم الفرد
والدكتاتورية,,, وشعار دولة المؤسسات شعار سيجذب العديد
من الناس للمؤتمر العام...
بعدين مفروض الشعار المرسوم فى العلم الخاص بالحزب يكون فيه طورية ومنجل
ليدل على ان الحزب ينحاز للعمال والفقراء ويعمل من اجل رخاء ازدهار المسحوقين
والمظلومين
ايه رأيك فى المقترحات النارية دى؟؟؟
| |
|
|
|
|
|
|
|
Amjed
Hussein Mallasi
أبو ساندرا
فيصل محمد خليل
Badreldin Ahmed Musa
أيزابيلا
Research In Motion BlackBerry 9300(1600x1200).JPG)
نورالدين بابكر بدري
بدر الدين اسحاق احمد
د.فاروق ابوكساوي
فدوى الشريف
hanadi yousif
طلعت الطيب
Zakaria Joseph
حسين محي الدين
Emad Abdulla
عبداللطيف حسن علي
قيقراوي
خالد العبيد
Ashraf el-Halabi
Marouf Sanad
Mohamed E. Seliaman
دينا خالد
مدثر محمد عمر
emad altaib
omar altom
Mohamed Elnaem
sari_alail
ALazhary2
السر عبدالله
Adil Osman
فيس بوك
تويتر
انستقرام
يوتيوب
بنتيريست