دعواتكم لزميلنا المفكر د.الباقر العفيف بالشفاء العاجل
|
|
 أشبـــاه الرجال ولا رجال ...مطالعة في كتاب العهر السياسي
|
ما حدث بالامس لم يكن ممارسة سياسية
و لم يكن فصل جديد في كتاب العنف الطلابي
و لم يكن تهور كادر و لا انفلات عضو
ما حدث بالامس كان صفحة جديدة قررت السلطة و اراجيزها في الجامعات و الاجهزة القمعية فتحها
و تسويدها بفعال تشين لنا كبشر في المقام الاول
|
|
 
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Amjed)
|
و و سط تكبير و تهليل اخوات نسيبة (نسيبة المنقبة )
اعتدى هولاء السفهاء على بنات دارفور
و بدون تمييز
و نالت كل من رسم الله في ملامح وجهها
انها من غربنا الحبيب
نصيبها من الاهانة و الضرب
المبرح الذي ادى بعدد غير قليل منهم الي مستشفى منذ فجر امس
بين كسور و رضوخ و اشياء اخرى سيتفتق عنها رحم الغيب
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Amjed)
|
داخلية وحقت بنات وليلا !!!!!
ياخ ده كلام غريب
كيف زاتو يقبل شخص راجل اخو اخوات انو يدخل على بنات بالليل ؟
ما يستنوا الصباح ان كان ولا بد
او كانو يقتحموها بالبنات ؟!
ياخ والله البلد دي مافيها رجالة ولا حاجة
مافي اي مبرر كان لا جهة كانت
تقتحم خلوة فتيات ليلا
وكمان فتياة في غربة وبعيدات عن اهاليهم
تحت اي ظرف ومبرر الكلام ه غير مقبول
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: حافظ حسن ابراهيم)
|
Quote: لا تسعك القدرة على التخيل يا امين اليس كذلك
|
و الله يا أمجد لو ما بعرفك ما أصدق الكلام ده أصلا !! يعني قدر ما تفتكر إنو في حد أخلاقي ما ممكن يتجاوزو ، يطلعوك غلطان !
طيب شنو الفايده البتعود علي النظام لمن يعملو عمليه زي دي ؟ ما بتكلم من ناحيه أخلاقيه بتكلم من ناحيه سياسيه ، هل الناس ديل بالغباء ده ؟ يعنى بفتكرو إنهم ممكن to intimidate طلبه أو طالبات في الجامعه بتصرفات غبيه زي دي ؟ الحاجات دي غير ما بتزيد قناعه الناس بعداله قضيه دارفور و تخليهم يتمسكو بيها أكتر ما بتعمل حاجه و ده طبعا ما في صالح النظام !
اكعب و أخطر combination في الدنيا ( سلطه مطلقه + إنعدام أخلاق + غباء سياسي ) و الإنقاذ - حكمه الله - عندها ديل كلهم !!!
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: عزاز شامي)
|
وما زال قادتنا يشاركونهم برلمانهم، ويجالسونهم، ويضحكون ويهشون في وجوههم، وما زالوا يقدمون رجلا ويؤخرون أخرى في اتجاه تحالف عريض لكنس هذه السلطة.
حسبي الله ونعم الوكيل.
لكنّ الله يا اخواتي..لكن الله إنه نعم المولى ونعم النصير.
وليصمد كل الشرفاء في وجه أي دعوة لأي نوع من التقارب مع الإسلامويين بنحلهم ومللهم كافة.
ليصعد الشرفاء في كل الأحزاب الوطنية هتافاتهم ومطالباتهم بمنع أي تقارب و(تطبيع) مع المؤتمر الوطني.
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Adil Isaac)
|
Quote: داخلية وحقت بنات وليلا !!!!!
ياخ ده كلام غريب
كيف زاتو يقبل شخص راجل اخو اخوات انو يدخل على بنات بالليل ؟
ما يستنوا الصباح ان كان ولا بد
او كانو يقتحموها بالبنات ؟!
ياخ والله البلد دي مافيها رجالة ولا حاجة
مافي اي مبرر كان لا جهة كانت
تقتحم خلوة فتيات ليلا
وكمان فتياة في غربة وبعيدات عن اهاليهم
تحت اي ظرف ومبرر الكلام ه غير مقبول |
عزيزي وليد
بالطبع سلوك يستدعي منك الاستغراب والادانة
لكن ده ليس بغريب عليهم
حصل مثله في مصر ايضا ابان تولي الاتجاه الاسلامي للاتحاد
وتم طرد طالبات من الدار المؤجرة بواسطة السفارة
شخصيا شاهدت التصرف الغريب ده وقمنا بالواجب
..........
في مرة من المرات استولى عضو اتحاد عام كوز على حقيبة طالبة "زميلة"
ورماها في الاتحاد لارغام الطالبة على مغادرة الدار
لكن ربنا رد كيدهم في نحورهم حيث بلغت الطالبة الشرطة المصرية
بسرقة حقيبتها وبداخلها مبلغ من المال
اضطر الاتحاد ان يدفع المبلغ وتم ايداع الكوز في السجن
تدخلت سفارة الجبهة وافرجت عن الكوز طبعا
ديل مابشر ابدا والدين منهم براء
...
سلامات يا امجد وشكرا على الهمَة
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: حيدر حسن ميرغني)
|
Quote: اصدر اعلام حركة الاسلاميين الوطنيين بجامعة الخرطوم بيانا اليوم حول احداث داخلية الطالبات اهم مافيه من نقاط
اثر نقاش بين طالبتين من حركة الاسلاميين الوطنيين وحركة تحرير السودان جناح عبد الواحد تطور الامر الي اعتداء من طالبات حركة عبد الواحد والجبهة الديمقراطية والحركة الشعبية علي طالبات حركة الاسلاميين الوطنيين نتج عنه اصابة 17 بعضهن في العناية وواحدة كسرت رجلها وبعد ذلك خرجت طالبات التجمع اعلاه وقمن بحرق مباني الادارة والمكتبة وبعض المحال التجارية بالداخلية وكن يحملن اسلحة بيضاء
وليس من بينهن اي اصابات
لم يكن هنالك ركن نقاش سابقا للاحداث حيث ان الجامعة تعيش اجواء الانتخابات |
المصدر الاخ عمر صديق..
بيان حركة الاسلاميين الوطنيين جامعة الخرطوم حول احداث داخلية الطالبات
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: د.نجاة محمود)
|
Quote: Quote: اصدر اعلام حركة الاسلاميين الوطنيين بجامعة الخرطوم بيانا اليوم حول احداث داخلية الطالبات اهم مافيه من نقاط
اثر نقاش بين طالبتين من حركة الاسلاميين الوطنيين وحركة تحرير السودان جناح عبد الواحد تطور الامر الي اعتداء من طالبات حركة عبد الواحد والجبهة الديمقراطية والحركة الشعبية علي طالبات حركة الاسلاميين الوطنيين نتج عنه اصابة 17 بعضهن في العناية وواحدة كسرت رجلها وبعد ذلك خرجت طالبات التجمع اعلاه وقمن بحرق مباني الادارة والمكتبة وبعض المحال التجارية بالداخلية وكن يحملن اسلحة بيضاء
وليس من بينهن اي اصابات
لم يكن هنالك ركن نقاش سابقا للاحداث حيث ان الجامعة تعيش اجواء الانتخابات
المصدر الاخ عمر صديق.. |
مصدر لا يوثق به الى حين..
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: د.نجاة محمود)
|
دخلت الرابط بتاع عمر صديق لقيت الدكتورة كاتبه ليه :
بالله عاوزين البيان نفسو لو سمحتا
والاغرب انها تستشهد بما قاله في هذا البوست وهو لم ياتي لها بالبيان نفسو
___
ما حدث يعبر عن عنصرية وهمجية (للاسلامويين) القتله تجاه شعب واهل دارفور
والكوز عمر صديق يريد ان يبسط الحكاية التي راينا نتيجتها بعيوننا وهي اكبر من ان تكون
نتيجة شجار (بنات) عادي كما يريد ان يقول ..
انه استهداف للدارفوريين في العاصمة تماما كما حدث وقت دخول قوات خليل لامدرمان والجيوش نيام
فتم استهداف الدارفوريين والدارفوريات باللون والعرق وكانوا يساقون من المواصلات العامه لا ذنب
لهم سوى انهم من دارفور بغض النظر عن رايهم بما يجري في دارفور ..
ان الحكومة المطاردة دوليا وصلت حد اليأس لدرجة ان طالبات في داخليات اصبحن مهدد للامن القومي
ذلك الامن القومي الذي يقتحمه خليل متى ما اراد آمنا مطمئنا بل ومصليا جماعة بجماعته في مساجد امدرمان ..
ترى الى اين سيقود هؤلاء البلاد ؟
ان استهداف الطالبات الدارفوريات يالاضافة الى انه سيعمق الجراح فانه ايضا يعبر عن حالة عدم الاتزان وفقدان
السيطرة التي وصل اليها اهل الحكم والشورى في الخرطوم ..
حفظ الله السودان
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: باسط المكي)
|
عزاز
خالد
عادل
حيدر
تحياتي ... ستواصل هذه الطغمة من اللا بشر التردي في سقوطها ، و سيبحثون دوماً عن تبريرات
حتى و ان كانت لا تدخل العقل و لا يقبلها المنطق
فليبحثوا طويلاً في كتبهم و صحائفهم
و يأتو لنا بالذي يمكن ان يبرر اقتحام داخلية بنات في انصاص الليالي
و ان يتم الاقتحام بزي تنكري قوامه النقاب
و ضرب اولئك المطمئنات في دارهم ضرباً يفضي باكثرهن الي المستشفى
باصابات تتراوح بين الكسور و ما فوقها (و تتردد معلومات عن ما هو اخطر)
لتقدر حالة اكثر من 20 طالبة بانها خطيرة او جادة تستدعي العناية
و يتم طرد الطالبات من الداخلية بعد ذلك
ليتشردوا في شوارع الخرطوم يبحثون عن بيوت الاهل و المعارف
ليتم احراق تلك الداخلية بعد ذلك
...
و القادم اخطر
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Amjed)
|
د.نجاة محمود
ملخص البيان الذي جئتي به عن عمر صديق هو قمة في التهافت و التناقض و اللا معقولية
فهو لم يخبرنا عن الذي اقتحم الداخلية بليل
و لم يخبرنا عن لماذا استهدف الاعتداء بنات دارفور و كان الفاصل الشكل تحديداً
و ادعى ان كل المصابات هن من طالبات الحركة اللااسلامية دي (التي ترسل زبانيتها الذكور لاقتحام حرمات الطالبات ليلاً)
و لم يخبرنا كيف تتطور مناقشة بين طالبتين الي حرب ضروس يجند لها الجند المجندون في ساحات الوغى و اخرون من دونهم لا نعلمهم - تعلمهم قيادة الطلاب اللااسلاميين اللا وطنيين بالجامعة
و لم يخبرنا لماذا بقيت قوات الشرطة و الاحتياطي المركزي تحاصر الداخلية و لا تحرك ساكناً
و لم يخبرنا عن حريق الغرف الذي شب بغرف معينة
و اكثر ما اثار ضحكي في الموضوع هو المحاولة الرخيصة لاستجداء دعم القيادة بجمع : طالبات حركة عبد الواحد والجبهة الديمقراطية والحركة الشعبية
يعني دي زي شنو بالضبط شوفونا يا ناس فوق نحنا شاكلنا ليكم الغرابة و الشيوعيين و الجنوبيين
و ذلك بعض ما يسهل طبعاً على من اعتاد الكذب و بل تجاوزه لما هو اسوأ افترائه
الذي حدث ... كان فضيحة بكل المقاييس و شهدت عليها الطالبات و تفرجت عليه الشرطة (بجلالة قدرها)
فاحترموا عقولنا ياخ
الذي حدث يا د. نجاة محمود لا يمكن الدفاع عنه بأي صورة من الصور
حتى في اطار معارك الكلام الوهمية
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: باسط المكي)
|
أمجد
سلام
ما الهدف من تخصيص الداخليات بطريقة جهوية ؟
لماذا الاندهاش من تصرفات ادوات الاسلام السياسي
و الذين يقوم فكرهم علي فقه التقية و التمكين
و تكفير من لا يواليهم و استحلال دمهم....
الي متي
و يمكرون
ويعتبرون كل الشعب السوداني رجالا و نساء
حجر عسره في طريق تحقيق رؤية ولي الامر
الواجب طاعته و هو ظل الله في الارض و هو الولي الفقيه
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: osman righeem)
|
Quote: الذي حدث يا د. نجاة محمود لا يمكن الدفاع عنه بأي صورة من الصور
حتى في اطار معارك الكلام الوهمية |
شوف لماانت لسع بتلعب بالتراب ونحنا كنا طلبة اخوات نسيبة ديل
بضربوا البنات ويعتدوا عليهن بالشتم وتطليع الاشاعات الكاذبة.
لما يجي زول يكتب انه المستهدفات بنات دارفور فقط دي بتثير الدهشة
كيف الكوزات ال 90& منهم من دارفور يستهدفن بنات دارفور؟
اثارة النعرات العنصرية ببوستات عاطفية لايجدي
انت موش دكتور وبتكتب هنا؟
امشي مستشفى الخرطوم صور الضحايا عشان نتأكد انهن من دارفور..
انا احضرت ما كتبه عمر صديق كوجهة نظر مختلفة لما حدث
حتى الناس تشوف الحاصل شنو..
كيزان على شيوعين على اي حزب في السودان احزاب عنيفة
ولو كنت وزير التعليم العالي لمنعت اي نشاط غير اكاديمي
ولفصلت كل الطالبات المشتركات في اعمال العنف دي..دون لي يرف لي جفن
لازم يكون في حزم وضبط وربط للتعليم في السودان..
مادام التعليم ما مفيد ولا يعدل في السلوكيات ...
بالله وصع افقك وفهمك وما تقرأ ذي ما عايز,,,
واصلي بعدقصة البنبر وست الشاي تاني مافي اشجب وادين وعهر سياسي
غير ان العنف الطلابي دا من زمن طويل جدا
واستخدمته كل لاحزاب
من الشيوعي الى الكيزان..
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Amjed)
|
د. نجاة محمود
اولاً : انا ما كنتا بالعب بالتراب اذا فرضيتك كلها مبنية غلط
تانياً: لمن انتو كنتو كبار و كانو اخوات نسيبة بيدقوا الطالبات ...اها الاختلاف في شنو يعني اسي ولا دي نوع من انواع الكلام الدايرها تخكتبيهو ساي عشان تثبتي حسن النية او الحياد
ثالثاً: اثارة ياتو نعرات عنصرية يا دكتورة ...و ياتو بوستات عاططفية
النعرة العنصرية الشفناهو امبارح دا و الحصل من اخوات و اخوان نسيبة (شايفك دي اتجاهلتيها) الاقتحموا الداخلية و استهدفوا بنات دارفور بالشكل بس
رابعاً: انا لانو دكتور - بالاضافة الي اني ما مراسلة عن سعادتك ما حامشي اصور ليك الضحايا -الانتي قاعدي تشككيفي وجودهم ديل- لأنو عندي مشكلة في اخلاق المهنة بتاعتي في موضوع تصوير المرضى دا.بالاضافة الي انو داامتهان جديد لكرامتهن تصدقي انا ولا باقبل بيهو من الاساس.
انتي يا دكتورة مركزة معاي في انو الحصل شنو ولا جيتي داخلة ساي ...
لكن لو انتي دايرة تجوطي ساي ممكن ترجعي للستمية الف زول الجوكي و قالو ليك الخبر صحيح (الغريبة في ناس قالوها ليك بالاسم يا دكتورة نجاة كأنهم متأكدين انك اول زول حتنكري الواقعة دي)
خامساً: كيزان على شيوعيين :: حسي الشيوعيين الدخلهم هنا شنو ولا هي نفس الاستراتيجية بتاعة كاتب البيان
سادساً: النشاط الاكاديمي و غير الاكاديمي و النشاط السياسي العديل في الجامعات كلو ما مبرر لاقتحام داخلية بنات الساعة صباحاً و طردهم منها و بعداك حرقها
و التعليم عمرو ما حيقوم على الضبط و الربط يا دكتورة
دي مدارس ما جيش
سابعاً: قصة ست الشاي مأساة حقيقية لكن برضو ما عارف دخلها هنا بالموضوع شنو
ولا هو برضو محاولة لخلط الامور و الباس الحق لبوس الباطل
و تاني في الاخر بس داير تجيبي سيرة القشوري دا
الله يقشرو ياخ
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: أنور أدم)
|
| Quote: كوني انسانة ولو لدقيقة. |
انسانة والحمدلله
الاحصائية دي من مشاهدتي من سنة 1980 الى الان..
في كل 10 من اخواتنا طالبات درافور تجد 9 كوزات..
وكوادر عنف كمان
في بدابة التسعينات طردن البنات من الداخلية بعد شغب سببه احراق الكوزات لغرف بنات
اها شوف عيني ما قالو لي زول الشايلات الجنازير والسيطان كوزات من دارفور.ز
ومدورات شتائم للبنات يا مطلوقات يا فعلتكن يا تركتكن...
عشان كدا يا انور آدم الموضوع ما دارفور ولا الجلابيات
الموضوع كيزان متشاكلين..
ومحاولةالناس اظهار انه الموضوع جلابيات ضد بنات دارفور
دا فيه كثير من التضليل مع اثارة النعرات العنصرية..
المفروض الحاجةتتختا في اطارها الصحيح كوزات زمان ضد كوزات اسع..
الجنس ولا الجهة ما محددة..
يعني اي واحدة مننا الجلابيات ديل يستحيل نشيل سيخة ولا جنزير ضد اي زول مختلف عننا
لكن الكيزان بانواعهم ممكن عادي يعملوها..وغيرهم من الاحزاب الشمولية العقائدية..
ودا ما عنده اييييييييييييييو شغلة بجنسك شنو ولاجهتك شنو
عشان كدا انا الجلابية امها بت عم ابوها من بعانخي ارفض العنف باشكاله
واختو في اطاره انه فكري وما جهوي..
والى الان ننتظرالحقائق الغائبة عما حدث حقافي البركس
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: د.نجاة محمود)
|
د.نجاة محاولة تبسيط ما يجري في دارفور و ينعكس على السودان كله بانه محض صراع كيزان في كيزان هو تشويه للواقع و مخالفة و مغالطة بينة له
فيمكننا البحث عن اصول الاشكال بدقة اكبر و تمحيص تلك العوامل الفكرية فيه ايضاً
لكن لن ننكنر على الاطلاق وجود تلك النعرة العنصرية البغيضة فيه
اما في حادثة فجر الخميس المشئوم هذه
فان النعرة العنصرية وضحت تماما في استهداف فئة معينة بالضرب استناداً على مظهرها
ناهييك عن العمل غير الاخلاقي البشع الذي قام به الكيزان في التنكر بزي منقبات لدخول الداخلية و الاعتداء على الطالبات هناك
و لتصحيح المصطلح فهو لم يكن بين جلابيات و بنات دارفور
كان بين جلابيين و بنات دارفور
و حالة ان يكون المرء جلابياً هي حالة فكرية كم تفضلتي انت و ذكرتي
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: محمد هشام)
|
الأخ أمجد
أولا عنوان البوست لا يعبر عن محتواه... و كنت أتمنى لو اخترت عنوان أوضح حتى تجد هذه الجريمة حقها من تسليط الضو ء عليها. يجب ألا تمر هذه الجريمة بدون التركيز عليها و تصعيدها لأنها تمثل غاية الخسة و اللؤم التي يتميز بهما الانقاذيون و هم يعتدون على طالبات بعيدات عن أسرهن و هن يكابدن الامرين في الظروف التي نعلمها جميعا بالإضافة لأنها تعقد أوضاعنا التي عقدها هذا النظام بما يكفي. الجريمة بشعة من عدة نواحي فهي تنتهك عرفا من الأعراف الاجتماعية التي توافق عليها السودانيون و هي الاحترام للأنثى و تمييزها إيجابيا في حالات الصراع العنيف و مهما حدث فإن السوداني العادي يعتبر أن الاعتداء على امرأة برفع اليد عليها و انتهاك حرمتها عيبا ما بعده عيب لا يفعله إلا ناقص رجولة. مثل هذه الأعراف تستحق أن يسعى الناس للحفاظ عليها و رعايتها و لكن للأسف هذا النظام نجح في تحطيم الكثير منها و سيسعى لتدمير ما تبقى. المشكلة التانية هي أن النظام باستهدافه العرقي لطالبات دارفور يوسع الرتق الأحدثه في ثوب نسيجنا الاجتماعي... يجب أن نرفع جميعا أصواتنا أننا لن نسمح للنظام بارتكاب هذه الجرائم باسمنا و أرجو أن نقوم بحملة لتصعد الإدانة لهذه الجريمة ترافقها حملة أخرى لتقديم العون للطالبات المصابات.
قبل أن أختم أود أن أذكر أن هذه ليست المرة الأولى التي يمارس فيها زبانية النظام هذه الممارسات القذرة و كلنا نذكر الاعتداء على داخليات الطالبات في أحداث الجامعة 1991-1992. و هذا النظام في سجله أنه أول من اعتدى على الطالبات و جلدهن بالسياط في أول التسعينات في جامعة الخرطوم و الجزيرة و غيرها.
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Amjed)
|
اتصل بي احد الاشخاص وافتكر اسمو حافظ وكان زعلان لما حدث في جامعة الخرطوم وناشد الاتحاد النسائي بان يتضامن مع طالبات الجامعه وحكي لي نفس التفاصيل وبدوري اتصلت برئيسه الاتحاد النسائي ووالتي تحركت بسرعه
ويا امجد ومالكم زعلانين كدا --اقصد هل ما حدث غريب علي هذه السلطه
الم يمت الدكتور علي فضل في بيوت اشباحها
مجدي
وغيرهم
الم تمت ست الشاي وهي تجري خوفا من الكشه وكانت تريد ملاذا امنا فوجدته ابديا
الم تضرب الطالبات لانهن يرتدين البنطلون
قانون النظام العام ما زال سيفا مسلطا علي رقاب النسا
لماذا تستغربون وعدد الاطفال خارج مؤسسه الزواج يزداد يوميا
لماذا تستغربون اغتصاب النسا وبالنهار في وسط الخرطوم --والعقوبه الجلد
لماذا تندهشون وكل صباح جديد هناك طفل او طفله تنتهك طفولتها سوا ف الشارع او المدرسه او اماكن الرياضه وحتي في الاماكن تحفيظ القران والعقوبه السجن لمدة لا تزيد علي السنه
لماذا تندهشون والفتاوي التي نسمعها يوميا عن زواج الايثار والمسيار والمساكنه ---الخ
انها دولة المشروع الحضاري
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Al-Mansour Jaafar)
|
الله الحقيقة الوطن الانسانية
اتحاد طلاب جامعة الخرطوم
رابطة طلاب دارفور
بيان رقم( 100)
الي جماهير الشعب السوداني
نخاطبكم اليوم والجامعة تستعد لدخول الامتحانات النهائية للعام الدراسى الحالي ورغم التحديات والضغوط التي يواجهها طلاب دارفور من استهداف ومضايقات وتهديدات رغم تلك التحديات يصرون ويعقدون العزم علي تكملة مشوارهم التعليمي الا أن بعض الجهات تعمل بشده علي خلق حالة عدم استقرار لطلاب وطالبات دارفورحتي لايتمكنوا من الجلوس للامتحانات في وضع اكاديمى مستقر ومعافي فتوقيت افتعال الصراع مع طلاب وطالبات دارفور يؤكد ما قلناه تنفيذا لهذا المخطط اللا اخلاقي وكما تعلمون فان اقليمنيا الحبيب (دارفور)يعاني منذ ست سنوات من ويلات الحرب والقهر والظلم والقتل والتشريد والاغتصاب وغيرها من الانتهاكات لحقوق الانسان ورغم هذه التحديات تمسك طلاب دارفور بمواصلة مشوارهم التعليمي الا ان نظام الجبروت (نظام المؤتمر الوطني واجهزته الامنية) ابت انفسهم الا ان يلحقو الاذى بطلابنا
السادة جماهير الشعب السوداني
في عشية الاربعاء 10 يونيو2009في تمام الساعة العاشرة ليلآ قامت مجموعة من طالبات المؤتمر الوطني بالاعتداء علي طالبات دارفور في داخلية البركس محملات بالسيخ والسكاكين مما ادي الي جرح عدد 32 طالبة تم نقلهن الي مستشفي الحوادث وفي تمام الساعة الواحدة صباحآ اتي حوالي 300من طلاب الؤتمر الوطني مرتديين ملابس نسائية (عبايات –النقاب) وقامو بالضرب والتحرش بطالباتنا منتهكين في ذلك كل القوانين والاعراف وحتي القيم السودانية . وبعد ذلك قاموا بطرد الطالبات من داخل حرم الداخلية الي الشارع حتي اضطر الطالبات الي المبيت امام الداخلية مما ادي الي زيادة عدد الجرحى وسرقت ممتلكاتهن وفي صباح الخميس الساعة 10صباحآ تم الاعتداء علي طالباتنا مجددا مما زاد الجرحي وقام جهاز الامن باختطاف عربه اسعاف الجرحي وبها 19 طالبة و3طالب بالاضافة الي الاعتقالات العشوائية لطلاب دارفور بلغ عددهم 11 طالب وطالبة وهناك عدد 16 طالب في عداد المفقودين حتي الان والجدير بالذكر ان هناك عدد 4 طالبة من الجرحي في حالات خطره.
السادة جماهير الشعب السوداني
نحن في رابطة طلاب دارفور نطالب ونؤكد الاتي :- .
1\نرفض كل اشكال العنف و العنف المضاد
2\نطالب ادارة الجامعة بالقيام بمسؤليتها تجاه حماية الطلاب
3\نطالب الجهات ذات الاختصاص بالتحقيق الفوري حول ملابسات الحدث
4\ نحمل ادارة المجمع والحرس اي عملية اصابة وقعت علي طالباتنا وطالبات الجامعة
5\نطالب منظمات حقوق الانسان والامم المتحدة بالتدخل والتحقيق في حالات الضرب والتعذيب والتحرش
6\نؤكد ان الرابطة لن تقف مكتوفة الايدى في الاحداث
عاجل الشفاء لكل الطالبات المصابات
اعلام الرابطة يونيو2009
منقول
http://www.newsudan.org/vb3/showthread.php?t=18179
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: حسام يوسف)
|
Quote: كلامك ده معناه يا أنت كوزة و مسؤولة احصاء الكيزان أو وجهة نظر لا علاقة له بواقع الحقيقة. و علي علاتها سأعقب ايضا ، أفترضي ان في زمنك داك( ثمنينيات القرن الماضي ) 90 في المائة من بنات دارفور كوزات ، طيب بعد 30 سنة العقل الدارفوري محبوس في غياهب الاسلاموعروبية ولا شنو؟.ثم كم كان عدد بنات دارفور في ذلك الوقت بالجامعات السودانية كلها.!
يا دكتورة أحترمي PHD بتاعتك دي( بالمناسبة هي في شنو حتي نستفيد من التخصص). ثم هل اتطلعتي علي البيان الجبتهو بتاع الاسلاميين الوطنيين... |
اولا بالتبادي انت شنو لغاية ما تسألني من شهاداتي؟
محاولتك الدائمة باتهام ما تسمونهم جلابة بانهم هم سبب ازماتكم يجب ان تغيروها
عشان تتحلى المشكلة..
مشكلتكم هي الحكومة التي هي مشكلة السودان من حلفا لنمولي..
احقادكم الخاصة تظلل كل بياناتكم.. الذين يتعاطفون الان من الجلابة لماذا يقعلون ذلك؟
المشكلة هي الحكومة موش الجلابة
والمشكلة هي فكرية وما عرقية’’
والمشكلة في الداخلية ما عنصرية والدليل عدم اشتراك كل الجلابة في ضرب بنات دارفور
بل ناس المؤتمر الوطني.
لغاية ما تحددو من هوعدوكم لن تجدوا من اي عاقبل اي تعاطف..
والجلابة الفالحين البتجاوزوا عن ما يكتبه كتاب البورد مندارفور
احسن يراجعوا مواقفهم ويرفضوا هذا الجمع والتهمة الجهوية..
الحكومة دي ما قعدت من شوية طالما المواضيع كلها الجلابة وغرابة..
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: Amjed)
|
Quote: اتصل بي احد الاشخاص وافتكر اسمو حافظ وكان زعلان لما حدث في جامعة الخرطوم وناشد الاتحاد النسائي بان يتضامن مع طالبات الجامعه وحكي لي نفس التفاصيل وبدوري اتصلت برئيسه الاتحاد النسائي ووالتي تحركت بسرعه
ويا امجد ومالكم زعلانين كدا --اقصد هل ما حدث غريب علي هذه السلطه
الم يمت الدكتور علي فضل في بيوت اشباحها
مجدي
وغيرهم
الم تمت ست الشاي وهي تجري خوفا من الكشه وكانت تريد ملاذا امنا فوجدته ابديا
الم تضرب الطالبات لانهن يرتدين البنطلون
قانون النظام العام ما زال سيفا مسلطا علي رقاب النسا
لماذا تستغربون وعدد الاطفال خارج مؤسسه الزواج يزداد يوميا
لماذا تستغربون اغتصاب النسا وبالنهار في وسط الخرطوم --والعقوبه الجلد
لماذا تندهشون وكل صباح جديد هناك طفل او طفله تنتهك طفولتها سوا ف الشارع او المدرسه او اماكن الرياضه وحتي في الاماكن تحفيظ القران والعقوبه السجن لمدة لا تزيد علي السنه
لماذا تندهشون والفتاوي التي نسمعها يوميا عن زواج الايثار والمسيار والمساكنه ---الخ
انها دولة المشروع الحضاري
|
تحياتي
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: dardiri satti)
|
Quote: اولا بالتبادي انت شنو لغاية ما تسألني من شهاداتي؟
محاولتك الدائمة باتهام ما تسمونهم جلابة بانهم هم سبب ازماتكم يجب ان تغيروها
عشان تتحلى المشكلة..
مشكلتكم هي الحكومة التي هي مشكلة السودان من حلفا لنمولي..
احقادكم الخاصة تظلل كل بياناتكم.. الذين يتعاطفون الان من الجلابة لماذا يقعلون ذلك؟
المشكلة هي الحكومة موش الجلابة
والمشكلة هي فكرية وما عرقية’’
والمشكلة في الداخلية ما عنصرية والدليل عدم اشتراك كل الجلابة في ضرب بنات دارفور
بل ناس المؤتمر الوطني.
لغاية ما تحددو من هوعدوكم لن تجدوا من اي عاقبل اي تعاطف..
والجلابة الفالحين البتجاوزوا عن ما يكتبه كتاب البورد مندارفور
احسن يراجعوا مواقفهم ويرفضوا هذا الجمع والتهمة الجهوية..
الحكومة دي ما قعدت من شوية طالما المواضيع كلها الجلابة وغرابة.. |
د.بيان او نجاة
خلي منطق لطم الخدود ده و ردي. ماذا يعني مصطلح الجلابة عندك؟!. عشان علي ضو التوصيف نناقش مواضيع العنصرية و الاحقاد و غيرها من متلازمات صراع الهوية؟.
ثم سؤالي عن تخصصك دافعه المنفعة المعرفية .
| |
|
|
|
|
|
|
|
|
|
Re: أشبـــاه الرجال ولا رجال ...مطالعة في كتاب العهر السياسي (Re: أنور أدم)
|
| Quote: خلي منطق لطم الخدود ده و ردي. ماذا يعني مصطلح الجلابة عندك؟!. عشان علي ضو التوصيف نناقش مواضيع العنصرية و الاحقاد و غيرها من متلازمات صراع الهوية؟. |
برضو انا البلطم في الخدود؟
انت الورينا معنى جلابة دي البتستخدموها ذي الشتيمة لكل الشمالين..
ولا الكيزان بقى عندهم اسم دلع جديد جلابة..
الانشاء ما بنفع ابدا الموضوع لا هويةولا بتيخ الموضوع لا يتعدى ناس منشقين من بعض
اتشاكلو واضاربو...
ولا ارى ازمة دارفور صراع هوية بل مشكلةسياسية..
| Quote: ثم سؤالي عن تخصصك دافعه المنفعة المعرفية . |
اسع لو قلتا ليك متخصصة في جراحة المخ والاعصاب المعرفة حتحصل وين؟
المنبر دا ما جامعة ولا مركز بحوث اي زول محظوظ لقى ليه باسورد بيكتب
العايزو...
| |
|
|
|
|
|
|
| |
Amjed
محمد هشام
Amin Mohamed Suliman
BAKTASH
وليد محمد المبارك
حافظ حسن ابراهيم
حيدر حسن ميرغني
عبد المنعم سليمان
باسط المكي
osman righeem
قيقراوي
أنور أدم
بشري الطيب
اينانا
Elawad
حسام يوسف
فيس بوك
تويتر
انستقرام
يوتيوب
بنتيريست