|
|
|
 Re: سيدي الرئيس يتوقع فوز السودان على زامبيا اليوم ... (Re: قلقو)
|
ود الباوقة والله عيب على الرجل بعمل البتعملو ده
كل مرة ماشى زايد المحلبية , اخر شى بقيت تقول سيدى
والله تحتفظ برجولتك وتاكل كسرة اكرم ليك من البتسوى فيهو ده
ياخى ما بتخجل من نظرة الناس ليك كحكامة
ياخى ياتو قروش بتعوضك احترام الناس ليك او احترامك لى نفسك
سيدى شنو ياخ
طيب الله ده بعمل فى شنو
ياخى لو انتا مؤمن اركع ليهو ركعتين واساله يرزقك بدل تركع لى ابو صليب ده
| |
 
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: حمد عبد الغفار عمر)
|
Quote: سيدي الرئيس يتوقع فوز السودان على زامبيا اليوم ...
|
لا حول ولا قوة إلا بالله
قنطرو ليهم وقعد ..
غايتو يا ود الباوقة القاعد تعملو في الرئيس والمؤتمر الوطني
اجعص المعارضين ما قاعدين يعملوهو .
السؤال :
كم بوست تتوقع يتفتح ضد توقعات الرئيس في حال لا قدر الله خسر السودان اليوم ؟؟؟
مقدما كدا كامل تضامني معاك ومع الرئيس يازول .
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: ود الباوقة)
|
انا راكز يا ود الباوقة أخوي لكن البخليك اتا تروق شنو ؟؟؟؟؟
والله نصيحة اخوية ليك القاعد تعمل فيهو دا مضر ليك وللبشير والمؤتمر الوطني
غايتو بصراحة كدا لو كتا مؤتمر وطني كان شفت ليك طريقة ..
معقولة ياخ تفتح بوست كامل تقول فيهو (الرئيس يتوقع فوز السودان على زامبيا)؟؟؟
كدا راجع كلامك دا وتداعياتو مع أصحابك وشوف حجم شطحتك ..
كل التقدير والاحترام .
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: طلحة عبدالله)
|
Quote: معقولة ياخ تفتح بوست كامل تقول فيهو (الرئيس يتوقع فوز السودان على زامبيا)؟؟؟
كدا راجع كلامك دا وتداعياتو مع أصحابك وشوف حجم شطحتك |
طلحة
ما فيها حاجة يا اخ
الاستاذ / الطاهر التوم ساله عن توقعاته بنتيجة الكورة
وذكر بان المنتخب سيفوز باذن الله
واختتم حديثه بان المستديرة غير مضمونة فيها شنو يعني
ولا انت داير تسوي ليها توم وشمار كمان
| |
|
|
|
|
|
|
|
|
 Re: سيدي الرئيس يتوقع فوز السودان على زامبيا اليوم ... (Re: طلحة عبدالله)
|
Quote: انا راكز يا ود الباوقة أخوي لكن البخليك اتا تروق شنو ؟؟؟؟؟
والله نصيحة اخوية ليك القاعد تعمل فيهو دا مضر ليك وللبشير والمؤتمر الوطني
غايتو بصراحة كدا لو كتا مؤتمر وطني كان شفت ليك طريقة ..
معقولة ياخ تفتح بوست كامل تقول فيهو (الرئيس يتوقع فوز السودان على زامبيا)؟؟؟
كدا راجع كلامك دا وتداعياتو مع أصحابك وشوف حجم شطحتك ..
كل التقدير والاحترام . |
ياعمر هداك الله...!!
الكرات المرتدة بتركب التونسية.............!!
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: Abd-Elrhman sorkati)
|
Quote:
04-02-2012, 09:37 AM
فاروق عثمان
تاريخ التسجيل: 22-10-2010
مجموع المشاركات: 1263
Web sudaneseonline.com
تغير كلمة السر
مكتبة الفساد
من اقوالهم
(مكتبة مفتوحة للتحديث)
Re: سيدي الرئيس يتوقع فوز السودان على زامبيا اليوم ... (Re: ود الباوقة)
كان كده اتبلينا الضحي الاعلي
وفي روايه اخري التلاته محمدانا |
اها التلاته القلناها اتردمنا بيها
باوقيشن كان تساعدونا انت وسيدك الرئيس بالسكات واللبده
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: Magdi Ahmed Elsheikh)
|
اتا يا عارف يا مجدي غايتو مرات كدا بجيني احساس أنو اخوكم ود الباوقة دا
شغال ضد ناس المؤتمر القال معاهم ديل ..
ياخي فتحو للبوست دا التقول قصد يقنطر بيهو الرئيس للجماعة الفوق ديل
والغريبة الرئيس ذاتو في اللقاء بتاعو دا ما قال أنا أتوقع بل قال
التوقعات بتقول السودان فايز لكن الكورة مدورة ودا كلامو بالنص فما عارف
من وين اللخو ود الباوقة دا جاب حكاية أنو الرئيس يتوقع دي اللهم إلا كان
ضرب ليهو تلفون واللا رسل ليهو فاكس ..
ولما جيت قلت ليهو ياخ اتا كدا قنطرت الرئيس وعملتو يافطة بتاعت نحس
طوالي بس لصق لي ديباجتو الما عندو غيرا دي ( أركز)..
هسع شوف الزول دا بعد الشتيمة الاتسبب فيها للرئيس دي كلها جاء بكل بساطة
قال البوست أغلق واحتمال كبير يكون مشي ضرب ليهو بلطي مشوي واللا فتة كوارع
ورقد نام..
يا النبي نوح .
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: طلحة عبدالله)
|
حكى لي احد اصدقائي انه ذهب مع صديق له ايام الثانوي الي قربتهم ، وجل اهله ناس طيبين خالص وبحترمو الضيف بطريقة عجيبة ، فبعد ان تغدى ذهبو للعب كرة القدم ، فقال بينما انا منفرد بالحارس ، فاذا بي اسمع المشاهدين وبعض اللعيبة يصيحون : خليهو ياخي خلي الضيف يجب قون ياخي انت مابتعرف الواجب......
فلو كان ناس زامبيا ديل بيعرفو ان البشير بسوق في انتصارات الفريق القومي كانتصار جيشه في حلايب ، لتركو له المكان بدون حارس مرمى هههههههههههه
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: يوسف السماني يوسف)
|
Quote: جاء رد المشير البشير باننا ستفوز على زامبيا
|
يا يوسف السماني الكلام الفوق دا كتبو ود الباوقة
على لسان الرئيس وهو منه براءة ..
الرئيس قال ( التوقعات بتقول أننا سنفوز لكن الكورة مدورة)
دا كلامو بالنص ولم يقل حتى (انا أتوقع ) كما ورد في عنوان البوست.
ما عارف ود الباوقة قصدو شنو من تحريفو ..
غايتو إلا يكون قاصد يحرج الرئيس دا .
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: omar alhag)
|
يا مجدي
ود الباوقة اتعامل مع كلامي ليهو بحساسية شديدة وشبكني ليك
أركز وتوم وشمار وماعارف شنو وانا متأكد كان شلت وأديت معاهو
كان ملاني بكليماتو القاطعا من رأسو ديك .. عشان كدا آثرت السلامة ..
وبعدين ياخ ود الباوقة دا زول في الحكومة فكيف يعني يسمع ليهو كلام
زول ساي ما في الحكومة زينا كدا؟ .. بما أنو في الحكومة فهو عارف
أية حاجة .
غايتو من باب المسلم مرآة أخيه المسلم فواجبي أناصحو ومن حقو
يعتبر كلامي بتاع عنقالة ساي لا يرق ليسمعوا زول في الحكومة..
وبالمناسبة سبق وأن ناصحت ود الباوقة دا أكتر من مرة في زي جنس
الرواشة دي لكن للأسف ما كان بتكرم حتى بالرد علي .. 
| |
|
|
|
|
|
|
|
|
|
Re: سيدي الرئيس يتوقع فوز السودان على زامبيا اليوم ... (Re: M A Muhagir)
|
Quote: دمك خفيف لكن
عثل بث .........
|
والله يا ود الباوقة بافتراض حسن النية فمشكور جدا ياخ للإطراء ..
لكن من جهة تانية يراودني إحساس أنك زعلت من نصائحي الفوق دي ..
على كل حال إطمئن أنا ما ح أبخل عليك بالنصائح لأنك مسلم على الأقل ..
ومازلت أكرر ليك يا ود الباوقة القاعد تعمل فيهو هنا دا لو عشان مصلحة
شخصية واللا عامة فأضرارو أكتر كتير من نفعو والكلام دا لو ما باينك لسه ح يباينك قريب جدا ..
أسمع الكلام يا حبيب وما تركب رأسك وتكون من الذين لا يستبينون النصح إلا ضحي الغد .
| |
|
|
|
|
|
|
|
|
 Re: سيدي الرئيس يتوقع فوز السودان على زامبيا اليوم ... (Re: طلحة عبدالله)
|
Quote: ومازلت أكرر ليك يا ود الباوقة القاعد تعمل فيهو هنا دا لو عشان مصلحة
شخصية واللا عامة فأضرارو أكتر كتير من نفعو والكلام دا لو ما باينك لسه ح يباينك قريب جدا ..
أسمع الكلام يا حبيب وما تركب رأسك وتكون من الذين لا يستبينون النصح إلا ضحي الغد . |
من يسمعك ياحبيب .................!!
| |
|
|
|
|
|
|
| |
فاروق عثمان
قلقو
ماجد حسون
حمد عبد الغفار عمر
Magdi Ahmed Elsheikh
Ahmed musa
ناصر المحسى
Hani Arabi Mohamed
محمد المسلمي
محمد إبراهيم علي
Al-Shaygi
Yasir Mansour Idris
Abd-Elrhman sorkati
عبدالكريم الامين احمد
ibrahim alnimma
شهاب الفاتح عثمان
Abdlaziz Eisa
يوسف السماني يوسف
omar alhag
M A Muhagir
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست