الناس العميقه !!

Quote: سلاما علي الناس العميقه !! سلاما علي الوليد محمد الأمين سلاما علي قيقراوي سلاما علي Elawad سلاما علي محمد حيدر المشرف سلاما علي نزار محمد عثمان سلاما علي abubakr سلاما علي كل العميقين و العميقات المذكورين و المنسيين في امثلتي أعلاه .....

-------------
لوول، كل سنة و انت طيب يا امين
احجز لينا في لستة العكاليت

Quote: وينن؟ ما شفناهن في اللستة

رحاب العميقه
اللسته دي أمثله بس ، بالتأكيد في كميه كبيره من العميقين و العميقات ما مذكورين !











------

Quote: لوول، كل سنة و انت طيب يا امين احجز لينا في لستة العكاليت

أنا ذاتي معاكم في لسته العكاليت !
كل سنه و إنتي طيبه

Quote: بالتأكيد في كميه كبيره من العميقين و العميقات ما مذكورين !

___________________
كل سنة وانت طيب ياخال

Quote: وسلاما عليكم ياامين.. كما انت تبحث عما اكتب اناابحث عما تكتب ..والمعرفة طريق ذو اتجاهيين اعطي لتاخذ ...في شتاتنا الذي طال فليست هنالك رواكيب ولا مصاطب ولا قهاوي ولا اندية ولا حتي مداخل بيوتنااو اطراف الشوارع تجمعنا فنذهب الي هذا الفضاء الاسفيري الواسع لنلتقي ..فضاء لا يسمح للكيمياء ان تعمل بين المسافريين عبره وهكذا تكون كلمة مقروءة من هنا واخري من هناك هي التي تجمع او تفرق ..وهكذا قضيت اكثر من عقديين في هذا الاسفير والذي بدء صغيرا محدودا ثم توسع وكثرت منابره ومحطات وقوف مركباته ..الحاجز الاليكتروني والذي لا يجعلك تري الاخر ولا تحس حرارة كلماته تجعل خلايا عقولنا تجتهد كثيرا والعقل ليس كالعاطفة وهنا ربما نتجاوز عاطفة حقيقية لا تقدر ان تحسهاخلايا عقولنا فيبدو لنا البعض غير ما نريد وهو الذي كنا سنريده ان اجتمع الشمل ارضا ....عشرة طويلة مع لقاءات اسغيرية احيانا تروض خلايا عقولنا فتجعل فيها بعض من مزايا "العاطفة" ولذا يكون الحرف الموضوعي المتحاور الجاذب لا الرافض دوما والداعي لجمع لا طرح هو الذي يروض خلايا عقولنا ....

Quote: ما أفتكر الناس حا تصحي الصباح و تقرر إنها تتحاور و تتناقش بصوره حضاريه ، لا بد من تكوين إتجاه ضاغط من الناس المستنكره حوارات الطرشان الحاصله دي حتي يعود المنبر لسيرته الأولي !

Quote: كنت اتوقع ان يكون الاخ جمال المنصوري في صدر القائمة هذا ما وصلت اليه انا من خلال حواره معك علي عدة صفحات دا اذا كان العمق المقصود هنا هو عمق الفكر

Quote: الأستاذ أمين محمد سليمان عيدك سعيد والقابلة على أمانيك يارب جئت لأقول تعليقاً على هذه الجملة المفيدة

Quote: الحبيب امين ايامك سعيدة انت والناس العميقه نعم اخرجونا من الثنائيات والاضداد وان يبني الاختلاف علي حجة لاتهمه

Quote: سلاما علي الوليد محمد الأمين

Quote: دة كلام موغل فى العمقنة عقبال ماكل الناس تتعمقنِ

Quote: كل سنة وإنت طيب وربنا يحقق أمانيك تعرف كل الناس الأون لاين لمن يقرو العنوان بتاعك ده بجو جارين جاري عشان يعرفو مدى (لعمق) بتاعم ..

Quote: من خلال هذا المنبر ومعرفتى بك انك رجل صادق ,جاد و تنشد الخير والفلاح والى كل جميل تسعى , فسر فى طريقك ولا تلوى ولكن لا تضيع زمنك فى اصلاح الناس وطبائعهم لانك وببساطة لن تستطيع واكرر هنا واقول لن تستطيع

Quote: ويا امين تعليق على طرحك أى تحاور لازم يكون في حد ادني من الاحترام بين المتحاورين وإلا حينجرف لنوع من الحوار المتهور وتطغي عليهوا العدائية وتبادل الاتهامات وبالتالى ما حيكون لى اى جدوه كتحاور حيتحول لنوع من الطقيع المستمر . أى واحد لى وجهت نظر وتحترم وما لازم يفرض او يفترض في الكل انهم مع وجهت النظر دي وبنفس الحق لى يكون عندو وجهت نظر لازم يتذكر انو للأخرين وجهات نظر قد تختلف معه وما معني كدة انو الاختلاف باب للعدائية بالعكس الاختلاف محمدة لانوا بالتاكيد لو حصل تحاور بين الافكار دي بدي الانسان قدرة على تجديد ثقتوا في أفكاروا أو مراجعته على ضو المعطيات الجديدة والافكار البستفيدة من كل حوار .

سلام يا ناصر و كل سنه و إنت و أسرتك الكريمه بخير و صحه و عافيه ..
ياخي ده كلام ميه ميه ، كل المطلوب ببساطه إنو تقول وجهة نظرك و تقبل وجهة نظر مخالفك بدون شتائم أو تنميط : لكن البقنع (الديك) منو ؟!
الناس دي يا ناصر ما حا تصحي الصباح و تتحاور بإسلوب حضاري ، ففاقد الشي لا يعطيه ! ولو قلت ما تتداخل في بوستاتم ، بجوك لحد عندك و لو فوت الشتائم و الاتهامات الباطله ياها اللصقت فيك لمن تموت ، عشان كده لا بد من استنكار الأساليب دي حتي يعلم أصحابها إنو مافي إحترام ليهم و لافعالهم حتي يتركو ما هم فيه ....

Quote: ما عندي إضافة وحتظل يا أمين من الناس السعدته جدا إني اعرفهم هنا

والله أنا الأسعد بالمعرفه دي يا ناصر ، و بكري ده كان عمل ليه حسنه واحده في دنيتو دي ياهو اللمانا مع ناس الواحد ما كان يحلم يوم يتعرف عليهم .
كمان كان دخلت لي واسطه لمحجوب و أميره الشيخ في موضوع (الياسمين ) تكون ما قصرت !

Quote: ما أفتكر الناس حا تصحي الصباح و تقرر إنها تتحاور و تتناقش بصوره حضاريه ، لا بد من تكوين إتجاه ضاغط من الناس المستنكره حوارات الطرشان الحاصله دي حتي يعود المنبر لسيرته الأولي !

Quote: امين كل عمرك سعيد في المنبر دا و عموما في التواصل الاسفيري اطورنا شديد جدا جدا، في كمية من السلبيات اختفت او كادت و شهدنا تطور بعضنا هنا بوضوح شديد، في البدايات كانت زي الحاجات البتزعل منها الان حاجة عادية، ياخي كنا وين و بقينا وين، زي ما طبيعة المكان دا بتظهر مناقصنا برضو بتظهر الجوانب الكويسة فينا، في البداية ما بتكون في جدية، ما هو مجرد مكان افتراض نستخف بيهو و بي الناس (الافتراضيين) الفيهو لكن اول مايبدأ الواحد في اخذ الامر بجدية ببدأ يطلع حاجاته الكويسة البيحرص انه الناس الحقيقين الحواليه يعرفوها عنه.. ثم اننا بنتعلم مسألة الحوار دي هنا فما ممكن من قولة تيت نكون ملتزمين و منضبطين و بندير حوار يعتمد علي الحجة و المنطق و احترام المحاور و المتلقي و ..

Quote: د. الوليد حسب ما أعلم عنه مثقف جدا, ومفكر وكثير الاطلاع وثائر علي واقعنا الأليم .. قيقراوي أخوي أشهد ليهو بانه صاحب أكثر المداخلات عمقا في البورد .. مجرد قراءة مداخلاته وفهم فحواها تتطلب ذكاء وعمق لا يتوفران لكل قارئ .. صاحب ثقافه وسعة أفق وذكاء وكتاباته بها رمزيه وسخريه يستحق عليهما الاحتفاء والتقدير .. بس مشكلتو ما فاضي وغارق في عمله .. لكن أثق تمام الثقه انه لو أعطي وقته للكتابه حيكون المنتوج ينافس أشهر الكتّاب المعروفين في الساحه

Quote: لوووووووووووول اها دور الناس المسطحين ما جاء ؟؟

سلام يا خالتو و كل سنه و عيالك و أبوهم طيبين و سالمين...
بعدين التانيين إسمهم ( سطحيين ) ما (مسطحين ) !! مسطحين دي في القطر يا ستهم !!

Quote: أنه بسم الله وأنه من سوبر عميق طلحة إلى أمين سليمان وان العيد مبارك عليك وعلى أهلك أجمعين وهذا مني للمرور والتحية.

يابن عبيد الله !
ياخي مافي طريقه أقول ليك السنه الجايه هلالابي ؟ عليك الله فكر فيها ! علي الأقل تضمن ليك مكان مع العمقاء ديل !!
بعدين مالك مركب مكنة المقوقس عظيم مصر في مداخلتك دي ؟!

Quote: هذا بوست من أعقد البوستات رغم بساطته الظاهرة ، أو لعله من البوستات التي يسميها صديقنا نصار أنها ( بوستات ورطة ) . سبب تعقيده أو سبب حالة كونه ورطة هو الحالة التي يجد صاحب البوست نفسه فيها إذ يكتشف بعد كل حين أو يذكره الآخرون بأسماء تحمل المواصفات التي تجيئ بأصحابها للتصنيف الذي أراده لهم ، هذا من ناحية ومن ناحية أخرى فإنه يضع الأسماء التي رشحها صاحب البوست أو رشحها المتداخلون كرماً منهم جميعهم تضع تلك الأسماء أمام مسؤولية أن يكونوا دوماً بحجم الثقة التي وضعها فيهم الناس وهى لعمرى أمانة ومسؤولية قد تشفق الأرض والجبال منها . لذلك تمنيت لو تشمل هذه القائمة أكبر عدد ممكن من الأعضاء لأن الناتج الحتمي لذلك سيكون بلا شك إرتقاء في تحاورنا وعمقاً في نقاشنا.

العميق : عاطف عمر
هي داب ورطة ؟!!
خاتف لونين كمان !! .. عندها جانب تاني ، و محرج جداً جداً

أمين يا عمك
سلامك ما بناباهو . . إلا العماقة تهمة انكرها و شرفاً لا أدعيه . . .

يا صحبي زي ما جينا السعودية بفيزا " راعي " دخلنا البورد دا بباسوورد " مهرج " فما تلخبتوا لينا الاختساسات ساي !
اسي في بوستيك دا ساي ما شفت كمية العمق في مداخلات ابو بكر ، نصار ، الطيب مدثر . . اها اسي كدي ما ورطت صاحبك ، و احرجتو ساي ؟

ياخ مش نحن اصحاب ؟
طلعني ياخ من الورطة الورطتني ليها دي و ركبني مع ماما دومة دي في قطر واحد عليك الله . . سمح ؟
ماما دومة دي من اعمق الناس الهنا ديل و الله ، ويشرفني اكون في مجموعتا كان بقت في سطوح قطر كريمة ذاتو

على كلٍ مشكورين على حسن الظن


اما بعد

امين يا مهموم بسلامة النشيد ، سلاماً عليك في العالمين ، و الناس العالين
قُلْ لنفسك : شكراً ، نيابة عني
و ما صعب انو ترجع القافية بلا خللٍ، و لا صعب البيت دا يتقدم ، مش بس مجرد " يرجع " لسيرته الاولى !
و نكرر معاك و وراك ، و بغضب و حزم يليق : لا للاشكال الهزيلة ، نعم لحوار راقي و مسئول ، نعم لإحترام خيارات بعضنا
تعرف يا امينكو انو اكبر ورطة بنتورطها انو كلنا شاغلين نفسنا بتحسين و تطوير العالم و الكون و ذاهلين عن واجب مقدم في تطوير روحنا دي في ذاتا !!



العفو و العافية يا ناس
و كل سنة وكل الناس و البلاد بالف خير
---------

قيقراوي اسمو الحقيقي " مريم ذخيرة " يا خال . . حلوة ( خال ) دي مش ؟
طبعا الخؤولة حرمت حمور زيادة من ريادة " الناس العميقه " ! . . و والله هو لصاحبها

اها " الناس القيافة " دورم متين ؟

Quote: ده موضع عميق لمن يغرقنا في دموعنا ,,,,,,,,,,,,,,

عمار سلام و كل سنه و إنت و الجميع بخير
الغرض كلو يا عمار إنو الناس المتسببه في تدني الحوار في المنبر يعرفو إنو المسأله دي مستنكره من الناس و بالذات الناس العميقه . لعل و عسي !!

Quote: حركات الكيزان دى مكشوفه, وأى لستة مافيها أنا وكيكى وخالتى دوما معناها إنتا كوز ومعادى للسامية.. كااااااااك

الجيلي يا صديق المنافي !
أول حاجه ست دومه دي قالت مستنيه لستة ( السطحيين) ، يعني براها ما دايره الناس العميقه و يشهد الله إنها منهم و فيهم !
في لسته بتاعت (الناس الاستثنائيه) لو إتصلحت معاي بنختك فيها !
أما كيكي فوالله لو كتب الإلياذة والأوديسا باللغه السلافية من أول و جديد يظل عميدا (للسطحيين ) بالمنبر لحدي ما يقضي لي موضوعي المعاهو : كل مره شابكني راقد لي في رأي ! مرضني مرض كيكي : بالله تاني ما تجيب لي سيرتو *







----
*عجبتني جدا مسالة الضغط علي كيكي منبريا !
يا كيكي أسرع غايتو كان جات إجازه الكريسماس و موضوعي لسع إلا تكتب في القريه المجاوره !

Quote: تعرف يا امينكو انو اكبر ورطة بنتورطها انو كلنا شاغلين نفسنا بتحسين و تطوير العالم و الكون و ذاهلين عن واجب مقدم في تطوير روحنا دي في ذاتا !!

Quote: أول حاجه ست دومه دي قالت مستنيه لستة ( السطحيين) ، يعني براها ما دايره الناس العميقه و يشهد الله إنها منهم و فيهم ! في لسته بتاعت (الناس الاستثنائيه) لو إتصلحت معاي بنختك فيها !

Quote: [وين اسه انا قلت ما بدور العميقين ؟؟؟ معقول اكون قلت ما بدور ابوبكر سيد احمد او قيقا او اماني الامين او حمور زياده او دينا خالد او محمد حسبو او معتز احمد او كبر اوناس كتار لا يمكن حصرهم هنا ؟؟؟!!

(عدل بواسطة AnwarKing on 12-02-2009, 03:44 PM)