|
|
 نوتات !!
|
هذا البوست ليست برعاية سمو ولي العهد الأمير سلطان بن عبدالعزيز حفظه الله ، لذا لزم التنويه !!
|
|
 
|
|
|
|
|
|
|
|
Re: نوتات !! (Re: أمين محمد سليمان)
|
نوته واحد
إيه الأرف ده !!
سامي المصري أحد أقرب الناس لي في غربتنا أم تلج دي ، صرخ ذات تمرين عندما لكزه ( واحد من الشباب) من الخلف فوقع علي وجهه ، صرخ و هو قائم يتنفض مشوحا بكلتا يديه ( إيه الأرف ده !! ) .
احتفلت جدا بجملتو العميقه دي و سرت بها ومن ثم سارت بها الركبان بعدي . بلغني أن الفرد في السودان يستعملونها بكثره حتي بعد سفري !
إيه الأرف ده !! جمله أقولها في اليوم الاف المرات ! لم أحس بمعناها ولا أنها طلعت صادقه إلا عندما قرات بوست محمد حامد جمعه لسعادة العميد محمد أحمد الريح .....
بالجد يا محمد حامد : إيه الأرف ده !!!!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
نوته اتنين
النور الجيلاني
إن قلت أحب النور الجيلاني كذبت ، فالنور يسكنني !!
النور يغني فتفتح الفراديس ويقف الزمن !!
غناء النور ما بتسمع بالإضنين ، بتحس بالقلب ، عشان كده الما بحب النور فاليتحسس قلبه !!
سلام علي النور أين ما كان !
| |
|
|
|
|
|
|
|
|
|
Re: نوتات !! (Re: أمين محمد سليمان)
|
نوته تلاته
شيوعيين زعلانين !!
هل حق و الليبرالي شيوعيين زعلانين ؟!
ما شايف لي فرق بين حركة حق و الحزب اليبرالي من ناحيه واقعيه إلا انهم شيوعيين زعلانين ، نفس الفكر ونفس الاتجاه ونفس أي حاجه (علي الأقل بالنسبه للمواطن البسيط قليل الثقافه الزيي كده ) بس زعلانين من الحزب الشيوعي ممثل في قيادتو . بالتاكيد ما كل العضويه في حق أو الليبرالي شيوعين سابقين ، لكن بالتاكيد الأعضاء المؤثرين أو الظاهرين من مؤسي الحزبين (الخاتم عدلان - عليه رحمة الله - و عادل عبدالعاطي ) كانو شيوعين ! يعني هل لو ما الناس دي زعلو من الحزب ما كان بكون في لا حق لا ليبرالي !!
مجرد سؤال ليس إلا !!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
نوته رابعه
كمال بشاشا
اختلف مع 89,093% من اراؤه ، و مع 99,9999999999% من أسلوبو و طريقة إدارة معاركو الاسفيريه ، إلا إنو يظل - من وجهة نظري الغير متواضعه - أكتر الناس في هذا المكان قدره علي التعبير و علي إستخدام مفردات قادره علي توصيل ما يود قوله بوضوح .
لغتو بقت مدرسه جديده في التعبير ..
| |
|
|
|
|
|
|
|
|
|
Re: نوتات !! (Re: أمين محمد سليمان)
|
سلام يا أمين
Quote: هل حق و الليبرالي شيوعيين زعلانين ؟!
ما شايف لي فرق بين حركة حق و الحزب اليبرالي من ناحيه واقعيه إلا انهم شيوعيين زعلانين ، نفس الفكر ونفس الاتجاه ونفس أي حاجه (علي الأقل بالنسبه للمواطن البسيط قليل الثقافه الزيي كده ) بس زعلانين من الحزب الشيوعي ممثل في قيادتو . بالتاكيد ما كل العضويه في حق أو الليبرالي شيوعين سابقين ، لكن بالتاكيد الأعضاء المؤثرين أو الظاهرين من مؤسي الحزبين (الخاتم عدلان - عليه رحمة الله - و عادل عبدالعاطي ) كانو شيوعين ! يعني هل لو ما الناس دي زعلو من الحزب ما كان بكون في لا حق لا ليبرالي !!
مجرد سؤال ليس إلا !! |
لا اعتقد ان حق والحزب الديمقراطي الليبرالي شيوعيين زعلانيين؛ بل هما احزاب لا علاقة لها اطلاقا بالشيوعية او الحزب الشيوعي لا ايدلوجيا ولا برامجيا
فمن ناحية الايدلوجية تجد الحزب الشيوعي يتبني الماركسية اللينيينة بينما تجد حق اقرب للاشتراكية الديمقراطية؛ بينما الحزب الديمقراطي الليبرالي يتبني نهج الليبرالية الاجتماعية؛ واذا كان هناك صراع بين الشيوعيين والاشتراكيين الديمقراطيية فان هناك تناقض كامل بين الشيوعيين والليبراليين؛ تقريبا في كل موقف .
هذا يأتي بنا للبرنامج السياسي والاقتصادي؛ فالشيوعيين من انصار تدخل الدولة في كل شي وسحق الفرد ؛ بينما الليبرالية تعول على الفرد وتقلص من سلطات الدولة ؛ والشيوعية تقف مع الدولة المركزية؛ بينما الليبرالية تقف مع اقصى درجات اللامركزية ؛ والشيوعية تضع المجتمع فوق الفرد؛ بينما الليبرالية تضع الفرد فوق المجتمع وفوق الدولة.
اما عن شخصي الضعيف؛ فنعم كنت شيوعيا ولكن كان ذلك في زمن غابر ؛ وما بين خروجي من الحزب الشيوعي - عام 1996- وتكوين الحزب الليبرالي السوداني في 2003 - الذي اندمج فيما بعض مع تنظيمات اخرى ليكون الحزب الديمقراطي الليبرالي - مرت مياه كثيرة تحت الجسر ؛ وقد كنت عضوا في اغلب تلك الفترة في قوات التحالف التي لم تكن تنظيما شيوعيا ولا حتى يساريا؛ وكنت اقف في جناحها الليبرالي - اذا كان هناك مثل هذا الجناح .. فتسميني بالشيوعي السابق ليس لها معنى هنا .
الشي الثاني ان مؤسسي الحزب الليبرالي السوداني والحزب الديمقراطي الليبرالي الاخرون ليس فيهم حتى شيوعيون سابقون؛ فاناس مثل نور تاور ود. منال وزهرة حيدر وتاج السر العطا وولاء حسين لم يكونوا قط اعضاءا في الحزب الشيوعي؛ وهم من اسسوا الحزب الليبرالي السوداني .
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: لم أحس بمعناها ولا أنها طلعت صادقه إلا عندما قرات بوست محمد حامد جمعه لسعادة العميد محمد أحمد الريح .....
|
Quote: أكتر الناس في هذا المكان قدره علي التعبير و علي إستخدام مفردات قادره علي توصيل ما يود قوله بوضوح .
|
| Quote: غناء النور ما بتسمع بالإضنين ، بتحس بالقلب ، عشان كده الما بحب النور فاليتحسس قلبه !! |
غايتو لي هسي تلاتة ...
| |
|
|
|
|
|
|
|
|
|
Re: نوتات !! (Re: البدري عبد الله)
|
Quote: اها ممكن نستلف النوتة دى , والله مغروووووووووووضة فيا
|
يا ندي ، نحن جايبنهم نبيعهم ، لكن أول مره مكن تستلفي ساي !! 
| |
|
|
|
|
|
|
|
|
|
Re: نوتات !! (Re: أمين محمد سليمان)
|
البدري صاقعة النجم ! | Quote: غايتو لي هسي تلاتة ... |
وحده من لوائح البوست ده انك تتفق مع صاحب البوست - اللي هو أنا - في كل ما يرد من نوتات .
لو ما موافق علي النوته التالته بتاعت إنو ناس حق و الليبرالي شوعيين زعلانين ، معناته عندك مشكله مع ارائي المكونه لشخصيتي وبالتالي عندك معاي مشكله شخصيه .
و أنا يا الصاقعه جني وجن الناس العندها مشاكل شخصيه معاي !!
يا تتفق معاي في كلو ، يا تخلي كلو و تجيني زول شكل ومنابذه عشان نستعدل البوست ده !
----
الله يهديك يا البدري ، قدر ما الزول يقول يوم تعقل و تخلي مشاكلك دي ما تقدر !!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: يا تتفق معاي في كلو ، يا تخلي كلو و تجيني زول شكل ومنابذه عشان نستعدل البوست ده !
|
يا امين الياسمين ..العجلة من الشيطان ..كدي كمل لينا باقي النوتات ..وبعدين ينظر ثم يفاد ..
| |
|
|
|
|
|
|
|
|
 Re: نوتات !! (Re: أمين محمد سليمان)
|
| Quote: ياتتفق معاى فى كلو,باتخلى كلو وتجينى زول شكل ومنابذة عشان نستعدل البوست دة! |
دى حسة مش برضو نوتة؟ وبتشبه الحال شديد والله
| |
|
|
|
|
|
|
|
|
|
Re: نوتات !! (Re: ندى عثمان حسن)
|
| Quote: دى حسة مش برضو نوتة؟ وبتشبه الحال شديد والله |
يا أماني البدري ده زول بتاع كركبات إسفيريه و متخصص كماين سايبر ، مشاكلو ما بتنتهي و اصلو ما جا يوم لحوار ، كان ما ثبتو من هسي بقلب لي البوست تراجي و هشام هباني و مشاكلو الاسفيريه الباقيه !!!
| |
|
|
|
|
|
|
|
|
|
Re: نوتات !! (Re: ندى عثمان حسن)
|
| Quote: يا أماني البدري ده زول بتاع كركبات إسفيريه و متخصص كماين سايبر ، |
الجاتك في اسمك سامحتك اختنا ندى
.
.
.
.
.غايتو يا امين قدر ما وصيناك وقلنا ليك خلي الخفة ابيت تسمع كلامنا ..
..
.
.
مسئول من الخير اماني دي منو ؟!!
| |
|
|
|
|
|
|
|
|
|
Re: نوتات !! (Re: Amir Omer)
|
يا امين
اعزف لي نوتاتك
وخليني اتابع كركباتك
ويا كيكي سيب القراية وكتر بريكاتك
----------------
البدري ده فعلا زول بتاع كركبات من زمن داخلية كردفان
| |
|
|
|
|
|
|
|
|
|
Re: نوتات !! (Re: ندى عثمان حسن)
|
Quote: اسلمناك الى البدرى بدون رافة
يابدرى ليك اللحم والعضم. |
هلاّ هلاّ ..انا اخو البنيات ..ابشري بالخير.
.
.
.
..
علما بانو انا اصلا ما محتاج وصية
| |
|
|
|
|
|
|
|
|
|
Re: نوتات !! (Re: Amir Omer)
|
الاجابه دي ليك إنت يا أمير ، البدري ده ما جا لحوار !!
أماني الأمين يا أمير ،لانو قبل ما أرد علي ندي ، رديت علي أماني في بوستها بتاع قيقا !!
-------
ندي يا ستهم ، امسحيها في وشي : وجود البدري في البوست ده لخبط دنيتي كلها ! تحمدي الله الما قلت ليك عوض الله !!!!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: امين
اعزف لي نوتاتك
وخليني اتابع كركباتك
ويا كيكي سيب القراية وكتر بريكاتك
|
كيكي يا شقيق
يالله انت خاشي الفلم ده ؟!
عالم غتيتة اصلو ما تفوت عليها حاجة في حلة بكري دي
| |
|
|
|
|
|
|
|
|
|
Re: نوتات !! (Re: البدري عبد الله)
|
| Quote: يالله انت خاشي الفلم ده ؟! |
ولوج كمان مع النوتة الاولي كنت حضور
وتاني ما نزلت من كركبتكم دي في محطة اماني
---------------
متفق يا امين معاك في كل النوتات
بس حكاية بشاشا دي عليك دينك اعفيني منها قليلا لووووووول
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote:
يابدرى ليك اللحم والعضم. |
والله يا ستهم ما بتحتاجي ، البدري ماكل لحم المنبر كلو !! وكان كترتو بكابسكم في العضم ذاتو !!
--------
يا ستهم :
يظن الناس بي خيرا واني لشر الناس ان لم تعفو عني !!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
| Quote: يظن الناس بي خيرا واني لشر الناس ان لم تعفو عني |
آآآآآآآآآآآآآآآآآآآآخ خ خ خ .... تحت اشجار الزيزفون ..افترشنا الثرى ..
| |
|
|
|
|
|
|
|
|
|
Re: نوتات !! (Re: أمين محمد سليمان)
|
| Quote: البدري ده فعلا زول بتاع كركبات من زمن داخلية كردفان |
هو بالله المان ده كان معانا في غيابت الجب ؟
--------
يا كريم ، بالله البوست فتحتو فيهو 24 مداخله ، 37 منهم عن البدري !!
تقول لي الهكر ؟!!!!
------
بعدين ياخي أمشي ذاكر مذاكرتك ، شماتك كتار ، كان سقطت تاني إلا تكتب في الانتباهه !!
| |
|
|
|
|
|
|
|
|
|
Re: نوتات !! (Re: عبدالكريم الامين احمد)
|
| Quote: لا لو كده يا اخوي ودعناكم الله تببببب لوووووووول |
ما تشيل هم يا زميل ..اخوك بسد الخانة ..
تعرف يا كيكي انا هسي جهزت واحد براد كبير بتاع قهوة لزوم السهر على راحة المريض بعد ان لزم السرير الابيض جراء اصابتهالبالغة في واقعة اماني ..شفاه الله ..
.
.
.
.
.
.
.
حليلك يا حيدر الزين
| |
|
|
|
|
|
|
|
|
|
Re: نوتات !! (Re: البدري عبد الله)
|
دي وين لي ود البشير ؟
-----------
يا شباب لا تأخذنكم بأمين هذا رأفة . .
بمحل الحديدة ، لكن دقوا في الرأس ما تخربوا الجلد
الجلد عاوزينو سالم ، عاوزين نعمل بيهو دلوكة و شتم نعزف بيها نوتات الفقيد دا
| |
|
|
|
|
|
|
|
|
|
Re: نوتات !! (Re: قيقراوي)
|
النوته الخامسه
عفا الله عما سلف !
العشره سنين الأخيره للإنقاذ مختلفه تماما عن العشره الأولي :
السؤال : هل تسقط العشره الأخيره مظالم الناس في العشره الأولي ؟!!
هل يغسل هامش الحريات الموجود ألان دماء من اعتقلو وعذبو وقتلو في السنين الأولي ؟
اللهم لا فالمظالم لا تسقط بالتقادم !!
| |
|
|
|
|
|
|
|
|
|
Re: نوتات !! (Re: بهاء بكري)
|
Quote: امين سلامات
يااخي انت زول كتاب وشفت |
يا بهاء ياخي الله يجبر بخاطرك كما جبرت بخاطري في نص الهجمه الشرسه دي !
| |
|
|
|
|
|
|
|
|
|
Re: نوتات !! (Re: أمين محمد سليمان)
|
النوته السادسه
من أقوالهم
(إذا لم تقف الهجمه الشرسه البتعرض ليها ، حى أوقف الكتابه هنا و أمشي اكتب في فور أول )
الاستاذ/ أمين محمد سليمان
أديب وقاص ، صحفي وناشط في حقوق الأنسان
| |
|
|
|
|
|
|
|
|
|
Re: نوتات !! (Re: مرتضى احمد عبد القادر)
|
| Quote: مداخلتين بس عمو أمين الرجفة مسكتو |
يا مرتضى رجفتين شنو ياخ ؟! دي اسمها اعراض التميز والعبقرية ..ولا انت عندك راي في تميز وعبقرية الاديب الاريب اخانا امين ؟
| |
|
|
|
|
|
|
|
|
|
Re: نوتات !! (Re: قيقراوي)
|
البدري..
الوان قزح شنو فينا؟؟
بلاي البوست التقول علبة الوان...
امين قال البوست دة(نوتات) ما قال حصة رسم!!!
ـــــــــــــــــــــــــــــــــــــــــ
ما اوصيك يا البدري علي امين..اقلبو بمبي..
| |
|
|
|
|
|
|
|
|
|
Re: نوتات !! (Re: سارة علي)
|
| Quote: امين قال البوست دة(نوتات) ما قال حصة رسم!!! |
فعلا هو في البداية قال نوتات ..وبعدين غير رايه وقال احسن يقلبوا (محطات ) وتمشيا مع الاتجاه الغربي في جعل المحطات اماكن ذات دلالات جمالية وابداعية ..ساهمنا بما لدينا من مخزون فني في اضافة ما تيسر من الوان لتعميق الوعي الجمالي..
| Quote: ما اوصيك يا البدري علي امين..اقلبو بمبي |
اختنا سارة شكرا على التحريش
| |
|
|
|
|
|
|
|
|
|
Re: نوتات !! (Re: قيقراوي)
|
Quote: يا خال البوست داك لحسوه و لا شنو ؟
-------------
ربنا بحبك ساي يا خال |
بوست الشيوعيين ولا ياتو يا قيقا ؟
أنا بوستاتي كلها مطابقه للموصفات العالميه ، هنا تشتغل ، سودان فور أول تشتغل ، تراجي أون لاين ذاتو بتشتغل !!!
البوست داك شكلو داير يجيب ليه شمطه بين الشيوعيين و أعدائهم فقلت أرخيهو لانو ده ما كان الغرض من فتحو ، لكن ما أظنو إتلحس !!!
----------
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: أسمح لينا يا عمك ننوّت معاك
|
البوست ازدان بوجودك يا ود البشري !
حا أعمل معاكم عقد إنت و خليل لكتابة النوتات الرياضيه لانو أخوكم بقي ما متابع !
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: البدري..
الوان قزح شنو فينا؟؟
بلاي البوست التقول علبة الوان...
امين قال البوست دة(نوتات) ما قال حصة رسم!!!
ـــــــــــــــــــــــــــــــــــــــــ
|
البدري يا ساره عندو نفسيات ، الألوان دي بتساعدو يهدي و يحلوه، غير كده - و ما أظن المعلومه دي الناس هنا عارفاها - البدري أعشي ما بشوف بالليل فالالوان دي بتساعدو يشوف !!!
| Quote: ما اوصيك يا البدري علي امين..اقلبو بمبي.. |
تعرفي عشان أنا أبقي بمبي مفروض ينقعوني في محلول نترات الصوديوم لمدة ثلاثه شهور علي الأقل و من ثم أجفف في سيانيد البوتاسيم لحولين كاملين !
| |
|
|
|
|
|
|
|
|
|
Re: نوتات !! (Re: أمين محمد سليمان)
|
النوته التامنه
أمل دنقل
علي قناعه تامه أن أمل هو أشعر ما مشي علي الأرض من لدن أدم عليه السلام حتي يومنا هذا !
أمل يكتب القصيده فيرن صداها في القلب بلسما شافيا يغسل كل الجراح ، كلمات بسيطه عميقه مغلفه بورق السولفان ، تدخل القلب و العقل دون إستئذان .
في سنة البرلم أهداني * الأخ و الصديق محمود الأسد (الأعمال الكامله لامل ) فظلت عليه عاكفا حتي حفظته ، ألان وبعد كل هذه السنين ما زلت احفظ معظم قصائده . ما زلت أقرأها و كانها المرة الأولي .
رحم الله أمل فقد كان شمسا الشعراء المضيئه في كل العصور .
-------
* الحقيقه محمود ما أهداني الكتاب ، سرقتو منو وبعداك عفاهو لي !!
| |
|
|
|
|
|
|
|
|
|
Re: نوتات !! (Re: محمد عبد الماجد الصايم)
|
من اقوالهم:
Quote: الاستاذ/ أمين محمد سليمان
أديب وقاص ، صحفي وناشط في حقوق الأنسان |
يا خالو كده يا دوب اقتنعت انك خال الاديب والقاص والصحفى والناشط حمـور
| Quote: كلام أغــرب من الغُـراب! |
يا صايمنا
لازم تقول لخالو امين ممكن ننوت معاك...
ياخ ما شفت ود البشري ده راقى كيف ...لووووول
| |
|
|
|
|
|
|
|
|
|
Re: نوتات !! (Re: محمد عبد الماجد الصايم)
|
الصايم | Quote: كلام أغــرب من الغُـراب! |
بل قل كلام أجمل من الجمال !
Quote: ود البشرى دا الدرب راح ليهو ساي!
حليل زمن بقول كلامو وبمش .. هسي بقى يستأذن! |
ود البشري ده صاحب مكان زي ما بقولو المصريين كان استاذن وله لا ، الراجل ده إنت و عمك وهبه شانين عليه حمله ساي !
قاتل الله الحسد ياخي !!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: يا خالو كده يا دوب اقتنعت انك خال الاديب والقاص والصحفى والناشط حمـور
|
والله يا فاديه ده اللوم ذاتو !
حمور بتاع الساعه كم ؟
أنا قاص : حمور بكتب قصص !
أنا أديب : حمور الأدب بعينو ما شافو !
حمور علاقتو بالصحافه و حقوق الإنسان زي علاقتي مع البدري كده !!
أنا هنا لاجل تخليص الأدب من حمور و أمثاله !
-------
التلب
التلب
التلب
-------
| |
|
|
|
|
|
|
|
|
|
Re: نوتات !! (Re: ممدوح أبارو)
|
| Quote: أرفعوا أياديكم عن نوتات امين |
النوتات رفعنا يدينا منها ..الكلام في المحطااااااااااات ..يا ابارو اصحى ياااخ..
.
.
.
.
.
.
.
.
انا غايتو بعاين بعيوني وبس ..زي ما قال الكاشف رحمة الله عليه ..
| |
|
|
|
|
|
|
|
|
|
Re: نوتات !! (Re: Amir Omer)
|
Quote: أمين أيها القاص والروائي العظيم
وين السابعة ؟؟ |
يا امير خليك عميق ياخ النوته السابعه إتبرع بيها الخال لود البشرى
شفت يا عمو أمين أنا متعاطف معاك كيف بعد الهجمة الشرسه البتتعرض ليها من البدري وبوجد ليك في مخارج لأخطاءك بعد الرجفة
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: حمور بتاع الساعه كم ؟
|
نادوا لى حمور ده كان نايم صحوا لى حمور ده
| Quote: أنا قاص : حمور بكتب قصص ! |
خالو يا خالو قلت لي بتقص شنو ولـ منو وبـ كم؟
| |
|
|
|
|
|
|
|
|
 Re: نوتات !! (Re: محمد عبد الماجد الصايم)
|
نستأذن حضرتكم خالو
النوتة رقم صفر:
اى زول رايح ليهو درب ..يستأذن من صاحب البوست... مايجى واقع ساى
على وزن المقولة ادناه:
Quote: ......دا الدرب راح ليهو ساي!
حليل زمن بقول كلامو وبمش .. هسي بقى يستأذن! |
| |
|
|
|
|
|
|
|
|
|
Re: نوتات !! (Re: فادية اليمني)
|
البدري الأعشي
ممدوح ود الساده
السيد أمير عمر
فاديه
لابورتا
مسافر بعد شويه و بصل بالليل إن شاء الله ، كان الشفع ادوني فرقه برد ليكم ، ما ادوني : تقعدو زيكم و زي الملايين المتابعين (النوتات) في مشارق الأرض ومغاربها حتي عودتي الميمونه إن شاء الكريم !!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
| Quote: يا امير خليك عميق ياخ النوته السابعه إتبرع بيها الخال لود البشرى |
أهو الواحد بحاول يا مرتضى محاولات مضنية ... وعشان كدا منتظم ومتابع البجود بيهو علينا الأستاذ القاص من أعماق الرواية العربية والنوتات 
| Quote: تقعدو زيكم و زي الملايين المتابعين (النوتات) في مشارق الأرض ومغاربها حتي عودتي الميمونه إن شاء الكريم !! |
ياخ ربنا يغطي عليك ويكتب سلامتك!
غايتو أنا ح تلقاني قاعد وسط التلاتة ملايين الأوائل في رابع صف على الشمال
| |
|
|
|
|
|
|
|
|
|
Re: نوتات !! (Re: Amir Omer)
|
| Quote: مسافر بعد شويه و بصل بالليل إن شاء الله ، كان الشفع ادوني فرقه برد ليكم ، ما ادوني : تقعدو زيكم و زي الملايين المتابعين (النوتات) في مشارق الأرض ومغاربها حتي عودتي الميمونه إن شاء الكريم !! |
عمو أمين ربنا يوصلكم بالسلامةأنت والشفع
ــــــــــــــ
خالص الود والإحترام
| |
|
|
|
|
|
|
|
|
|
Re: نوتات !! (Re: عمر عشاري)
|
Quote:
أمين أيها القاص والروائي العظيم
وين السابعة ؟؟ |
يا امير زي ما قالو ليك خليك عميغ ياخ !
المتابع جنس كتابة الكاتب و القاص - قاص ضهر الباندويدث - الاديب الاريب و الناشط الحقوقي و باك المنتخب الليفت أمين ( العميغ ) افادنا الله بعلمه و مدنا بمدٍ منه متصل ، احححححححححي نفسي انقطع من التعريف الزي بتاع النميري دا
نقول العارف فضل ( سيدنا ) - مش دي بتكفي عن المقدمة الطويلة دي ؟ - و سابر غور الابداعية فيهو بلاحظ سمة المغايرة _ تحت تحت كدا دي فرقا من الشتارة شعرة بس - و في رواية - ضعيفة لكن - قالو دي مشتقة من الغيرة . . الم تسمع قول الفنان :
الليلة جمعة و بكرة الاتنين ؟
اها الابداع في التمانية العقبت الستة طرد عديل دي !
شوف الابداع دا كيف ؟!
دي ما الحداسة ذااااااتا ياخ !
------------
يا امين ياخ تاني فور اول طوااااااااااالي بعد دا
الناس دي هنا ما بتقدّر ابداعك دا ياخ
مكانك هناك مع ابو الريش و حسن موسى و حسن اولئك رفيقاً ذاتو . . حيث الزلابية للجميع . . . او كما قال
تصل بالسلامة يا زول يا زين
و بنكون راجنك مع الملايين دي . . انا الزول البأشر داك خلي لي بالك . . سمح ؟
| |
|
|
|
|
|
|
|
|
|
Re: نوتات !! (Re: قيقراوي)
|
قيقراوي ياخ سلام كبير جدا والله متعتني جدا بذات هنا
Quote: الم تسمع قول الفنان :
الليلة جمعة و بكرة الاتنين ؟
اها الابداع في التمانية العقبت الستة طرد عديل دي !
|
تسلم كتير
| |
|
|
|
|
|
|
|
|
|
Re: نوتات !! (Re: حمور زيادة)
|
Quote:
النوته الخامسه
عفا الله عما سلف !
العشره سنين الأخيره للإنقاذ مختلفه تماما عن العشره الأولي :
السؤال : هل تسقط العشره الأخيره مظالم الناس في العشره الأولي ؟!!
هل يغسل هامش الحريات الموجود ألان دماء من اعتقلو وعذبو وقتلو في السنين الأولي ؟
اللهم لا فالمظالم لا تسقط بالتقادم !! |
مرحبا بك في الحزب الشيوعي السوداني
| |
|
|
|
|
|
|
|
|
|
Re: نوتات !! (Re: خدر)
|
| Quote: مرحبا بك في الحزب الشيوعي السوداني |
خدر
إنت عارف حبيبنا امين نوته ده حاجاتو كلها بتشبه حاجات الشيوعيين
اها نشبكو ليك مع عادل عبدالعاطي
| |
|
|
|
|
|
|
|
|
|
Re: نوتات !! (Re: حمور زيادة)
|
| Quote: من هو أمين محمد سليمان ؟ |
اها الموضوع جاب ليهو نكران ....
.
.
.
.
.
.
.
غايتو الخال عندما يعود مظفرا الى ارض الوطن في اجازته القادمة ..الا ينزل في القرين فليدج ..او برج الفاتح اذا كانت احواله المالية على ما يرام 
| |
|
|
|
|
|
|
|
|
|
Re: نوتات !! (Re: أمين محمد سليمان)
|
ممدوح يا حبيبنا Quote:
*اللجنة العليا لدرء خطر البدري وأمثاله
|
البدري ده ذي السرطان - نسال الله السلامه - لا بنفع معاه وقايه ولا علاج ، تحتسب بس !!!
--------
| |
|
|
|
|
|
|
|
|
|
Re: نوتات !! (Re: أمين محمد سليمان)
|
أمير يا أمير ، سلام Quote: ياخ ربنا يغطي عليك ويكتب سلامتك!
غايتو أنا ح تلقاني قاعد وسط التلاتة ملايين الأوائل في رابع صف على الشمال |
ولو انك قللت كتير من كمية الخلوق المتابعه ال (نوتات) لكن عافينها ليك بدعائك السمح ده !!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: إن شعبا فيه من يكتب مثل هذا ، ثم يؤخذ من بيته قبل عشر سنين فلا يعود و لا يعرف مكانه ، ينبغي أن لا يتذمر إذا حكمته الانقاذ الف سنه !!!!!
يا الله !!
أين أبا ذر ؟!! |
| |
|
|
|
|
|
|
|
|
|
Re: نوتات !! (Re: ممدوح أبارو)
|
| Quote: التوقيع : أحد متابعي بوستك في مشارق الأرض ومغاربها ولياليها |
يا خضر ياخي ازدان البوست بمتابعتك ..
---------
بالمناسبه : وحده من النوتات الجايه عنك !
| |
|
|
|
|
|
|
|
|
|
Re: نوتات !! (Re: أمين محمد سليمان)
|
| Quote: أبو الريش ...مااااابخليك |
يا عشاري ، سلطة أبو الريش علي إدارة فور أول زي سلطتي علي الاداره الأمريكيه ، الحبه ما بتجيني !!!
| |
|
|
|
|
|
|
|
|
|
Re: نوتات !! (Re: khaleel)
|
قيقا يا صديق الأسافير و المنافي البعيده Quote: اها الابداع في التمانية العقبت الستة طرد عديل دي !
شوف الابداع دا كيف ؟!
دي ما الحداسة ذااااااتا ياخ !
|
دي ما بعد الحداسه يا قيقا !
النوته السابعه ماتت كما تموت الأشياء في بلادنا : بصمت و بغيرما إكتراث ! *
Quote: يا امين ياخ تاني فور اول طوااااااااااالي بعد دا
الناس دي هنا ما بتقدّر ابداعك دا ياخ
مكانك هناك مع ابو الريش و حسن موسى و حسن اولئك رفيقاً ذاتو . . حيث الزلابية للجميع . . . او كما قال
|
إذا أنا مشيت بهناك الجهله البهنا ديل البعلمم منو ؟!!
--------
*سئيلي الله ده نفس الكلام الكبار كبار الما عندو معني و بقولو المسغفاتيه !!!
--------
| |
|
|
|
|
|
|
|
|
|
Re: نوتات !! (Re: أمين محمد سليمان)
|
| Quote: النوته السابعه ماتت كما تموت الأشياء في بلادنا : بصمت و بغيرما إكتراث ! * |
Quote: --------
*سئيلي الله ده نفس الكلام الكبار كبار الما عندو معني و بقولو المسغفاتيه !!! |
ما قلت ليك ؟!
كم من كلام ( ساكت ) اتكتب بلغة فخمة
خالد مونيكا قال :
القدال ما لبس كلماتو الكرفتة
لكن أنق فيها الفعل
او نحو ذلك
| Quote: إذا أنا مشيت بهناك الجهله البهنا ديل البعلمم منو ؟!! |
افحمتني
خلاس قنب بجاي
و الزلابية للجميع هنا و هناك
الوصية بمالهلة : زي ما قال محسن خالد همسليف المحاننة بالقدح بس اوع يغمسوا . . سمح
ياخ بمناسبة الزلابية * دي ، وين محمد عثمانكم الذي باستراريا ؟
------------
* المناسبة الدقيق الاستراري ثبت علمياً و عملياً انو بنتج احسن زلابية
| |
|
|
|
|
|
|
|
|
|
Re: نوتات !! (Re: قيقراوي)
|
| Quote: من هو أمين محمد سليمان ؟ |
برضو معقول..
يعني نحن عارفين أكتر من حمور..
إنت ياحمور اقعد هابش كده لامن (يتلب) فوقك..
..
ياربي النوته المغيبة يكون مدكنها لي منو?
..
عودا حميدا يا أمين , نوته , خال, أديب ..أي حاجة..
عايزين النوتة الدكنتها في السلم السباعي بعد خيالك العلمي اتحل بالسلامة.
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: إنت عارف حبيبنا امين نوته ده حاجاتو كلها بتشبه حاجات الشيوعيين
اها نشبكو ليك مع عادل عبدالعاطي |
يا زول عادل عبد العاطي شيوعي زعلان ، كان يرضي كان يابا !
تطلع من عادل ال bitterness العندو دي ، يكن أحسن الناس !!
تعرف يا نادر الشيوعيين السودانين بالجد مختلفين علي المستوي الشخصي وعلي المستوي العام من ناحية حب و إنتماء للوطن و إنحياز دايم لقضايا المواطن : مشكلتهم الوحيده انهم شيوعيين !!!!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
يا أمين
متابع معاك ومن بداية عزف النوتات....
ومرورا ب -----------(محطة أماني)...
ومتابع ..
-------
---------
(ولسه ماشين في السكة نمد)...لووووووووول
(غايتو شكلك من البوست و طوالي ل دار الحزب الشيوعي )
______
بس بالله اهم نــــــــــوتـــــــــــــــــــة....اخونا الطريفي ..
| |
|
|
|
|
|
|
|
|
|
Re: نوتات !! (Re: هواري نمر)
|
سلامات يا عادل وكتر خيرك علي الرد .
Quote: فمن ناحية الايدلوجية تجد الحزب الشيوعي يتبني الماركسية اللينيينة بينما تجد حق اقرب للاشتراكية الديمقراطية؛ بينما الحزب الديمقراطي الليبرالي يتبني نهج الليبرالية الاجتماعية؛ واذا كان هناك صراع بين الشيوعيين والاشتراكيين الديمقراطيية فان هناك تناقض كامل بين الشيوعيين والليبراليين؛ تقريبا في كل موقف .
|
شفت يا عادل أهو ده الكلام الما عندو معني لينا نحن المواطنين ملح الأرض ديل !!
ماركسيه لينينيه و اشتراكية ديمقراطيه و ليبراليه اجتماعيه ده كلو كلام كتب لا وجود له علي أرض واقع السياسه في سوداننا الشقيق :
الحزب الشيوعي و حركة حق و الحزب الليبرالي كلهم احزاب علمانيه بتدعو لفصل الدين عن الدوله و بتنادي بالديمقراطيه التعدديه و بتؤمن بالتبادل السلمي للسلطه ، و لو أي من التلاته احزاب وصلو للسلطه لا في زول فيهم حا يطبق ماركسيه لينينيه و لا اشتراكية ديمقراطيه و لا ليبراليه اجتماعيه : نحن المواطنين ديل داير لينا ناس يحكمو بما فيه خير البلاد و العباد : دايرين حكومه تضرب الفساد و تقيم العدل و تساوي بين الناس : حكومه همها صحة مواطنيها ، تعليمهم و أمنهم ، حكومه يجيبوها الناس بارادتهم و يمشوها بارادتهم . بعد ده الحكومه دي : كيزان ، أنصار سنه ، بعثيين ، ما مهم !!
| Quote: الشي الثاني ان مؤسسي الحزب الليبرالي السوداني والحزب الديمقراطي الليبرالي الاخرون ليس فيهم حتى شيوعيون سابقون؛ فاناس مثل نور تاور ود. منال وزهرة حيدر وتاج السر العطا وولاء حسين لم يكونوا قط اعضاءا في الحزب الشيوعي؛ وهم من اسسوا الحزب الليبرالي السوداني . |
كلام جميل يا عادل ، لكن هل الناس ديل بقدرو يبينو لينا كمواطنين ما عندهم علاقه بالسياسه الفرق شنو بينكم و بين الشيوعيين من ناحيه واقعيه ؟!
من ناحيه تانيه : هل نور تاور في ندواتها الانتخبيه في كادوقلي حا تتكلم للناس عن الليبراليه الاجتماعيه ؟ هل مرشح حق حا يكلم الناس عن الاشتراكية الديمقراطية ، ولا هل مرشح الشيوعي حا يكلم الناس عن الماركسية اللينيينة : الاجابه طبعا لا ، لانو الناس ما عندها شغله و لا صالح بالكلام ده كلو !!
المفروض يا عادل إنو كل اليسار : شيوعي علي بعثي علي حق علي ليبرالي علي كلو يكونو حزب أو جبهه واحده ممكن تكون عندها فرصه حقيقيه للتغير ، لكن ده ما بحصل لانو المساله مصالح و صراعات و مشاكل شخصيه ما عندها علاقه بصالحنا كمواطنين ولا بصالح السودان كوطن !!!
| |
|
|
|
|
|
|
|
|
|
Re: نوتات !! (Re: Abdel Aati)
|
| Quote: من هو أمين محمد سليمان ؟ |
لاكثر من ثلاثة سنين و انا انادي بالمقاطعة لبوستات طحالب الثقافه و فيروسات الأدب !
هل يسمع الشرفاء؟؟؟؟؟؟؟؟؟؟؟؟؟؟؟
التلب
التلب
التلب
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: ياربي النوته المغيبة يكون مدكنها لي منو?
..
عودا حميدا يا أمين , نوته , خال, أديب ..أي حاجة..
عايزين النوتة الدكنتها في السلم السباعي بعد خيالك العلمي اتحل بالسلامة. |
يا محمد علي ، مافي داعي لكترة الألقاب دي ممكن تناديني بأستاذ أمين كفايه !!
بعدين ياخي أنا ما مدكن أي حاجه ، كلو حا أفتو ليكم ، أنا يا محمد علي من نوع العلماء الما بيكتمو علمهم ، كلو حا نفتو هنا إن شاء الكريم ، فخليك قريب !!
----------
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: شفت يا عادل أهو ده الكلام الما عندو معني لينا نحن المواطنين ملح الأرض ديل !!
ماركسيه لينينيه و اشتراكية ديمقراطيه و ليبراليه اجتماعيه ده كلو كلام كتب لا وجود له علي أرض واقع السياسه في سوداننا الشقيق :
الحزب الشيوعي و حركة حق و الحزب الليبرالي كلهم احزاب علمانيه بتدعو لفصل الدين عن الدوله و بتنادي بالديمقراطيه التعدديه و بتؤمن بالتبادل السلمي للسلطه ، و لو أي من التلاته احزاب وصلو للسلطه لا في زول فيهم حا يطبق ماركسيه لينينيه و لا اشتراكية ديمقراطيه و لا ليبراليه اجتماعيه : نحن المواطنين ديل داير لينا ناس يحكمو بما فيه خير البلاد و العباد : دايرين حكومه تضرب الفساد و تقيم العدل و تساوي بين الناس : حكومه همها صحة مواطنيها ، تعليمهم و أمنهم ، حكومه يجيبوها الناس بارادتهم و يمشوها بارادتهم . بعد ده الحكومه دي : كيزان ، أنصار سنه ، بعثيين ، ما مهم !! |
دي سيمفونية لأوركسترا فيها 200 عازف يا أمين ... ما نوتة عادية أبداً
| |
|
|
|
|
|
|
|
|
|
Re: نوتات !! (Re: Amir Omer)
|
من هنا و لقدام مافي ترقيم للنوتات ، و علي المتضرر اللجوء للقضاء !
السودان ، البورد و الديمقراطيه
الشعب السوداني الشقيق من أكثر شعوب الدنيا بعدا عن الديمقراطيه سلوكا و ممارسه و طالما كلنا هنا سودانين بيستدعي إننا كلنا بعيدين عن الديمقراطيه سلوكا و ممارسه .
الغريب في الأمر إنو أكتر الناس البتنادي بالديمقراطيه هنا هم أقلهم تقبلا للرأي الاخر ، أقلهم تسامحا مع من يختلف معهم في راي ، أسرعهم لتصنيفك و إغتيال شخصيتك !!
نحن كشعب ما مربين علي الاعتراف بالاخر المختلف ! ما مربين علي التسامح مع المختلف معانا في رايو ولا علي تفهم أي وجهة نظر مخالفه لما نظن أنه الصواب
، و ده - في تقديري -أكبر سبب من أسباب فشل الديمقراطيه في السودان : إنو نحن في عضمتنا ما ديمقراطيين !!
لو نحن جادين كشعب في إنو يوما ما يكون عندنا وطن خير ديمقراطي ، لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
Quote: يا أمين
متابع معاك ومن بداية عزف النوتات....
ومرورا ب -----------(محطة أماني)...
ومتابع ..
-------
---------
|
هواري يا حبيبنا
متابعتك تزيدنا فخرا و طولا ....
محطة أماني دي عملوها خفافيش الظلام البدري و لابورتا !! ليس لها وجود في أرض الواقع !
Quote: (ولسه ماشين في السكة نمد)...لووووووووول
(غايتو شكلك من البوست و طوالي ل دار الحزب الشيوعي )
______
|
بقدر ما بحب الشيوعيين يا هواري ، بقدر ما بكره الشيوعيه و بفتكرها وجه أخر من من وجوه التنظيمات المستورده التي أضرت أكتر مما نفعت في سوداننا الشقيق ، والحكايه دي محيراني جدا : الشيوعيين السمحين ديل ما شايفين الكلام ده كيف ؟!! ليه الاصرار علي الاسم ده و علي نظريه ماتت منذ زمن ؟!!!
| Quote: بس بالله اهم نــــــــــوتـــــــــــــــــــة....اخونا الطريفي .. |
الطريفي !!!!
.........يا الله !!!
| |
|
|
|
|
|
|
|
|
|
Re: نوتات !! (Re: أمين محمد سليمان)
|
| Quote: لابد من إشراك أولادنا و بناتنا في كل القرارات اللي بتخص حاضرهم و مستقبلهم لابد من تعليمهم قيم الديمقراطيه و معاني الشوري و التسامح و تقبل الرأي ألاخر . الوطن الخير الديمقراطي بيتبني من البيت و ليس العكس !!! |
دا كلام ملان يا أمين..
عدم تقبل الرأي الآخر في أحيان كثيرة بكون بسبب التعصب الأعمى لفكرة..
بمعنى أننا طورنا العصبية القبلية لعصبيات طائفية و مذهبية و سياسية..
وعشان المواطن يكون عنده القدرة على الأختيار بناء على البرنامج..
مش شخصية المرشح او حزبه أو توجه الفكري..
محتاجين لعمل كبير متواصل في ظل حكم تعددي متتابع..
يعطي مساحة واسعة لحرية الرأي.
| |
|
|
|
|
|
|
|
|
|
Re: نوتات !! (Re: أمين محمد سليمان)
|
حسن عبدالله الترابي
أسوأ شخصيه سياسيه و شر من انجبت حواء السودان .
العملو الترابي في البلد دي ما يقدر يعملو جيش إحتلال !
الترابي رجل طالب سلطه فقط : ممكن يقول و يعمل أي حاجه عشان يصل للسلطه ، ممكن يغير اقوالو و افكارو ، يغير جلدو ذاتو عشان يجينا تاني ، و لحسن حظو مافي بلد أحسن من السودان يعمل فيها كده : نحن شعب خلق لينسى حتي وجه قاتليه !!
| |
|
|
|
|
|
|
| |
أمين محمد سليمان
Abdel Aati
ندى عثمان حسن
البدري عبد الله
Amir Omer
عبدالكريم الامين احمد
قيقراوي
بهاء بكري
مرتضى احمد عبد القادر
محمد البشرى الخضر
سارة علي
محمد عبد الماجد الصايم
فادية اليمني
ممدوح أبارو
خضر حسين خليل
عمر عشاري
حمور زيادة
خدر
Nader Abu Kadouk
khaleel
محمد على طه الملك
هواري نمر
فيس بوك
تويتر
انستقرام
يوتيوب
بنتيريست