|
دعواتكم لزميلنا المفكر د.الباقر العفيف بالشفاء العاجل
|
|
 Re: شِدّة يا أمين .. !! (Re: حمور زيادة)
|
ثم عرفه الناس بأمين خال حمور و أمين أخو بدري ..
و جرت له الأخيرة مودة جماعة من الذين عرفوا البدري محمد سليمان في القاهرة في ثمانينيات القرن الماضي.
| |
 
|
|
|
|
|
|
|
|
Re: شِدّة يا أمين .. !! (Re: حمور زيادة)
|
ثم اذا به يفترع البوستات و يفتي في المنبر و يتحدث باسم بكري ( و يدمغه بـ قدس الله سره فتصبح أشهر من وصف بكري أب صلعة ) و يناظر الجمهوريين و يهابش الحكومة و يؤدب المتفلتين.
و بين ليلة و نفسها ( ما خلاها تصبح عشان يجيها ضحى ذاتو ) يصنع لنفسه شعبية و يعمل الكوم بقرش.
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
كل هذا لا غضاضة فيه عندي .. أما أن أسأل احداهن : هل تقرأين لأمين محمد سليمان فتقول لي : كيف يا زول ؟ ده زمااان زحاك من حتة كاتبي المفضل و قعد محلك. فهذا ما دونه الدماء يا هذا.
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
و الأنكى و الأقبح أنه تسامع بالفيس بوك فذهب يشاركني فيه و يضيف من عندي الأصدقاء.
و قد كان حين ولجه كحاله هنا .. أعمى في ظلمة مدلهمة. فذهب يكتب اسمي في صفحته عساه يعثر عليّ.
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
قالت جدتي لأمي رحمها الله لابن خالتي الطفل و هو يبكي :
يا ولدي طبعك شين .. إلا الجنا ما بينجدع.
يا أمين ..
طبعك شين شديد .. و كان لقيت أبادلك بطشت بلاستك ما بتردد.
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
كان من عادة أهل بيت أب روف الشهير في الأسرة باسم بيت البحر ( و هو البيت الذي نشأ و تربى فيه أمين ) إن وجدوا شخصاً يأكل بنهم أن يقولوا له : شِدّة يا فلان.
الان و أمين يأكل البورد كله و الفيس بوك لا أملك إلا أن أقول له : شِدّة يا أمين. و أديهو عين.
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
بالعكس ياحمور امين هو الشهرك وحقو تكون مدان ليهو واناوواحد من الناس ماقريت ليك الا بعد عرفت انو امين خالك وبعد دا كلو بقرالك مجامله لعمو أمين فهوممن جعلو لهذا المكان رونقا عيبك الوحيد ياعمو امين بتجى انصاص الليالى
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
الغريب انه حين دخل البورد اتهمني بعض بورداب الخرطوم أنني أنا من أكتب باسم أمين محمد سليمان و أن هذه الشخصية وهمية.
ان استمر الحال على ما هو عليه اتوقع ان يتهم بورداب أميركا أمين محمد سليمان أنه يكتب باسم حمور زيادة و ان هذه الشخصية وهمية.
حسبي الله و نعم الوكيل فيك يا أمين.
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
ثم يبعث لي برسالة بريئة يقول لي : انت وين ؟
يكتبو معاك وين يا أمين ؟
خليتو ليك. انا ماشي نيو سودان.
و الفيس بوك زاتو خليتو ليك. ماشي الهاي فايف.
أريتو بعد رشك الكتير ده بكري يسويك أيكونة.
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
| Quote: بالعكس ياحمور امين هو الشهرك وحقو تكون مدان ليهو واناوواحد من الناس ماقريت ليك الا بعد عرفت انو امين خالك وبعد دا كلو بقرالك مجامله لعمو أمين فهوممن جعلو لهذا المكان رونقا عيبك الوحيد ياعمو امين بتجى انصاص الليالى |
الكلام ده يا ود الجعلي مفروض يكتب بماء الذهب ويعلق في أستار المنبر
مافي سبب زول يقرا لحمور إلا لانو ود أختي . نقطه سطر جديد !!
-------
حمور بتاع الساعه كم ؟ أنا المجد يمشي علي قدمين !!! 
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
Quote: ان استمر الحال على ما هو عليه اتوقع ان يتهم بورداب أميركا أمين محمد سليمان أنه يكتب باسم حمور زيادة و ان هذه الشخصية وهمية.
|
الكلام ده صحيح يا حمور و بالمناسبه أنا واحد من الناس الفعلا بيفتكروك شخصيه وهميه .
---
يا وهم !!
| |
|
|
|
|
|
|
|
|
|
Re: شِدّة يا أمين .. !! (Re: Amjed)
|
يا دوك ، عشان نكون واضحيين :
أي مشاركه ما بتصب في إتجاه ود الجعلي غير مرحب بيها ، و أنا عارف علاقتك بحمور عشان كده متوجس منك خيفه !!
| |
|
|
|
|
|
|
|
|
 Re: شِدّة يا أمين .. !! (Re: Amjed)
|
غايتو ياحمور أمين شِدة ولِضة
عليك الله شوف: أديب, مفكر, ناشط فى حقوق الانسان, نوتة, ياسمين ومكرونة.
والايام دى قايم ليو فى بدلة كمان
حسة أنت نص الألقاب دى عندك؟
| |
|
|
|
|
|
|
|
|
|
Re: شِدّة يا أمين .. !! (Re: Amjed)
|
رحم الله أيام كان يرسل الايميل : يا حمور يا ابن اختي الذي افاخر به انا رأيي في الموضوع الفلاني كذا و كذا صيغو لي بالله و رسلو عشان انزلو باسمي.
ــــــــــ
توجد صور ماسينجرات و رسائل مزيفة بالكوم و الحشاش يملا شبكتو
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
Quote: والايام دى قايم ليو فى بدلة كمان
|
البدله شايف أبو الحسين طلعها مأجره !! قايلني قاعد معاو في حواري الرياض !!
| Quote: حسة أنت نص الألقاب دى عندك؟ |
يا ندي ، حمور قاعد ساي لقب واحد ما عندو ، ما شايفه شابك الناس أنا ود أخت أمين ، أنا ود أخت أمين !!!
| |
|
|
|
|
|
|
|
|
|
Re: شِدّة يا أمين .. !! (Re: محمد عثمان ابراهيم)
|
يا محمد عثمان الخال أمين ده حكومة لامن بهناك ..
و يشهد على ذلك الدكتور النطاسي البارع النحرير مصطفى محمود.
انه آكل أموال سفاراتنا في الخارج و له ميزانية مفتوحة للانترنت.
بماذا يبرر زيارتيه للسودان بعد حصوله على باسويرد بكري ان لم يكن لتلقي التدريب في ادارة الامن الالكتروني ؟
الزيارة الأولى موثقة بكاميرا معتصم محمد صالح في قندهار و الزيارة الثانية موثقة ببوسته عن توت عنخ آمون.
| |
|
|
|
|
|
|
|
|
|
Re: شِدّة يا أمين .. !! (Re: محمد عثمان ابراهيم)
|
Quote: رقابة قبلية يعني
لكن يا خال ما كترت فيها المحلبية شوية دي
حسي انتا متوجس عشان كدا فارض علي الرقابة
فرقك شنو من الجماعة ديك |
طبعا رقابه قبليه و برعيه ذاتو !!
هسي يا أمجد إنت قايلني كان بقيت مسؤل في البلد دي حا اكتب رقبتي شقي ؟!! إنت قايلني ما سوداني ولا شنو ؟!!
رسل لي مشاركتك بالماسنجر : بتصب في إتجاه ود الجعلي - قدس الله سره - كان بها ، ما بتصب ، تشيل مداخلتك و تتخارج لينا من البوست ده ، نحن هنا للاحتفال بي ككاتب أحسن من حمور ، ما عندي مانع أكون نائب الطيش لو حمور الطيش !!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
شوف يا استاذ أمين ..
لو فتحت أي معجم للبحث عن كلمة مسكين سيتجد بعد الشرح سطرا رفيعا به اشارة " انظر الشكل تلاتة ".
و اسفل الصفحة ستجد صورتك ( بدون بدلة ) و تحتها مكتوب " الشكل تلاتة ".
لمن تتطور من مرحلة الشكل تلاتة تعال اتكلم معاي.
شي عجيب جدا.
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
| Quote: لو أقسمت أن البدلة ليست له بل لأخيه الأصغر أشرف محمد سليمان لما خشيت الكذب. |
والله إلا البس بنطلونو برمودا !!
---------
لمن لا يعرف : أشرف سلفي بنطلونو أقرب للركبه من كعب رجله !!
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
| Quote: و لذلك فغالبا هو من كان يرد في بوست الجمهوريين مستخدما باسويرد أمين محمد سليمان. |
تعرف ، التيمان قرو البوست ده مره واحده و بعد ما حنستهم حنيس ، بفتكرو إنو ده كلو تضييع زمن لا أكتر لا أقل !!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
يا محمد عثماننا الذي نحب Quote: دي محاولة مكشوفة من الخال وإبن الأخت لإحتكار الحكومة والمعارضة في هذا المنبر تمهيداً للسيطرة عليه تماماً.
يا حمور سلامات وأرجو أن تكون بخير |
أنا لا اتحالف مع طحالب الثقافه : فئران السايبر و مثقفي الانترنت ، أنا مفكر و أديب حقيقي ، لي مشاركات حقيقيه كلها تصب في إتجاه انتشال الأدب السوداني و الثقافه السودانيه مما أوصلنا اليه حمور و أمثال حمور !!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
| Quote: كل هذا لا غضاضة فيه عندي .. أما أن أسأل احداهن : هل تقرأين لأمين محمد سليمان فتقول لي : كيف يا زول ؟ ده زمااان زحاك من حتة كاتبي المفضل و قعد محلك. فهذا ما دونه الدماء يا هذا. |
بالله (تُقرأ بلاّي)
خليك منصف يا ود أخت أمين
إنت سألتني بتقري لي أمين خالي ولا (مكجناهو برضو) 
قلت ليك لا ياخ أنا أمين دا أي بوست يكتب فيهو بكون دايرة أعمل كوت لمداخلتو وأجي مارقة
ــــــــ
ما يستفاد من هذه المداخلة:
1. حمور شايل حس أمين خالو ومطلع دعاية إنو الناس مكجناهو ولازم نقعد حمور في علبو لصالح أمين خال حمور ..
2. إحداهن القاصدا حمور دي لو أنا يبقى أوكي لو ما أنا يبقى حمور فعلاً داير يحد من المد الأميني لما شعر بالخطر على شعبيتو ..
3. دايرة أصاحب أمين بعد ما أبوي خرب العلاقات الدبلوماسية عندما نط في رقبة أمين متعللاً بأنه داير يجرب فيهو الباسوورد حقتو ..
()
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
حمور يا حمور !!
لو كان لهذا البوست فايدة واحده فهو
قد عرفننى بان الخال امين قاعد فى امريكا !!
ــــــــــــــــ
وطيب ياخى روحو محرقاه كدا لييه ؟؟
وعلى العموم قول ليه نحن شايفين من البدلة الكرفتا
احتمال كبير تكون مع الركب العرفنا شنو؟ تحتاج صورة كاملة
لدحض هذا الاتهام الذى تعاظم وتعضد بشهود من اهلك ..
| |
|
|
|
|
|
|
|
|
|
Re: شِدّة يا أمين .. !! (Re: حمور زيادة)
|
تحياتي وسلامات ( الناشئ الواعد ) حمور زيادة
إبن أخت الكاتب الأديب الأريب الألمعي أمين بن محمد سليمان
عارف يا حمور إنت بهذا البوست قد قدمت لنا درساً عملياً عن مدى ( ديمقراطية ) و ( لين جانب ) و ( سماحة خصال ) خالكم أمين حفظه الله .
كونوا أنك تفتح بوست و ( تناقروا ) الكلمة بالكلمة ياخ دي منتهى السماحة والديمقراطية منو
إنت لو شفت ( الأخوال ) الـ نحن قمنا وسطهم
لا حولاااااااااااااااااااااااااا
الإجابة على قدر السؤال
وأى كلمة زايدة ( عينك ما تشوف إلا النور )
| Quote: بيت أب روف الشهير في الأسرة باسم بيت البحر ( و هو البيت الذي نشأ و تربى فيه أمين ) |
بجدية شوية
أمين
هل كان والدكم معلماً ؟؟
إن كانت الإجابة نعم
فقد تشرفنا بزيارته عام 1982 في منزلكم ( الفاتح على النيل )
وتلك قصة أخرى
| |
|
|
|
|
|
|
|
|
|
Re: شِدّة يا أمين .. !! (Re: عاطف عمر)
|
Quote: عارف يا حمور إنت بهذا البوست قد قدمت لنا درساً عملياً عن مدى ( ديمقراطية ) و ( لين جانب ) و ( سماحة خصال ) خالكم أمين حفظه الله .
كونوا أنك تفتح بوست و ( تناقروا ) الكلمة بالكلمة ياخ دي منتهى السماحة والديمقراطية منو
إنت لو شفت ( الأخوال ) الـ نحن قمنا وسطهم
لا حولاااااااااااااااااااااااااا
الإجابة على قدر السؤال
وأى كلمة زايدة ( عينك ما تشوف إلا النور )
|
والله يا عاطف ، كان بقت علي البوستات هينه ، ياخي الزول ده لمن أتكلم معاه ما بكون شايفو من دخاخين السجائر ، حمور ده فشلنا في تربيتو و بندفع في التمن !!
Quote: أمين 
هل كان والدكم معلماً ؟؟
إن كانت الإجابة نعم
فقد تشرفنا بزيارته عام 1982 في منزلكم ( الفاتح على النيل )
وتلك قصة أخرى |
الاجابه نعم ، الوالد عليه رحمه الله كان معلم و بيتنا فاتح علي البحر في ابوروف !
في انتظارك لقصة الزياره ...
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
Quote: بالله (تُقرأ بلاّي)
خليك منصف يا ود أخت أمين
إنت سألتني بتقري لي أمين خالي ولا (مكجناهو برضو)
قلت ليك لا ياخ أنا أمين دا أي بوست يكتب فيهو بكون دايرة أعمل كوت لمداخلتو وأجي مارقة |
لكي المجد يا تيسير و انتي (تقعدين) حمور في علبو !!
Quote: ما يستفاد من هذه المداخلة:
1. حمور شايل حس أمين خالو ومطلع دعاية إنو الناس مكجناهو ولازم نقعد حمور في علبو لصالح أمين خال حمور ..
2. إحداهن القاصدا حمور دي لو أنا يبقى أوكي لو ما أنا يبقى حمور فعلاً داير يحد من المد الأميني لما شعر بالخطر على شعبيتو ..
3. دايرة أصاحب أمين بعد ما أبوي خرب العلاقات الدبلوماسية عندما نط في رقبة أمين متعللاً بأنه داير يجرب فيهو الباسوورد حقتو ..
|
ما يستفاد من هذه المداخله :
١ - المد الشعبي بتاعي ماشي إنتفاضه مليونه ، مليون حمور ما يوقفوها .
٢ - المد الاميني أصبح طوفان شعبي لا عاصم لجرذان الثقافه و طحالب الأدب - أمثال حمور - منه إلا بتوبه نصوحه و بوستات إعتذار يوميه !
٣- إنت و الوالد عثمان عووضه فرد نتشرف بصحبتهم في هذا الزمن التعيس - زمن حمور و صحبه - و بالمناسبه بيني و بين الوالد مراسلات و ايميلات و علاقه لا تشوبها شائبه .
-------------
والله بقيت أحن عليك يا حمور : أصحابك نكروك !!
| |
|
|
|
|
|
|
|
|
 Re: شِدّة يا أمين .. !! (Re: عاطف عمر)
|
يا حمور يا زيادة
أولا: سلامات للخال الأمين وليك
تانيا: إحنا عندنا الولد خال... أها إنتا دحين جاي تشقلب الآية؟
ياخي الفتى بينسبوهو لخالو...
إذا حمور خاله أمين
بجد الله يخليكم لبعض ويخلي لينا أدبياتك ولطافة الخال وخله
ويا خال بالله أسمعنا صوتك
وأتحفنا بحديثك عن ريدتك لود أختك
الما عارف إنو الناس مقامات...
| |
|
|
|
|
|
|
|
|
|
Re: شِدّة يا أمين .. !! (Re: Hussein Mallasi)
|
خالك ده ياحمور بقي يعمل لصلاح المنبر
عامل له لستة من يجي زي 40 نفر قال ديل خرابين البورد
زول ليه تسعة شهور وبقي ينظر في كل الجبهات عنده 3300 مداخلة في 9 شهور
ده يا حمور كأسرة تجتمعوا بيه...الزول ده لو قعد في المنبر ده بطريقته دي ما في زول حيكتب
الغريبة لما كان لابس جينز كان لذيذ كدة...هسة خاشي ليه في بدله ويعاين للافق الود بقي حمور ذاتو
انا لو لاقيته في زقاق مسنجري ذات يوم حقول ليه كرهتنا البلي
| |
|
|
|
|
|
|
|
|
|
Re: شِدّة يا أمين .. !! (Re: أحمد محمد عمر)
|
Quote: خالك ده ياحمور بقي يعمل لصلاح المنبر
عامل له لستة من يجي زي 40 نفر قال ديل خرابين البورد
زول ليه تسعة شهور وبقي ينظر في كل الجبهات عنده 3300 مداخلة في 9 شهور
ده يا حمور كأسرة تجتمعوا بيه...الزول ده لو قعد في المنبر ده بطريقته دي ما في زول حيكتب
الغريبة لما كان لابس جينز كان لذيذ كدة...هسة خاشي ليه في بدله ويعاين للافق الود بقي حمور ذاتو
انا لو لاقيته في زقاق مسنجري ذات يوم حقول ليه كرهتنا البلي |
شكرا يا قمرنا
| |
|
|
|
|
|
|
|
|
|
Re: شِدّة يا أمين .. !! (Re: baha eassa)
|
محمد يس يا حبيبنا ، سلام يا رجل و شوق Quote: ياخي الفتى بينسبوهو لخالو...
إذا حمور خاله أمين
|
ده كلام سليم و بالذات لمن يكون الخال أعمق من ود أخته ، مثقف أكتر منو و بكتب قصص أحسن منو !!!
Quote: ويا خال بالله أسمعنا صوتك
وأتحفنا بحديثك عن ريدتك لود أختك
الما عارف إنو الناس مقامات... |
والله يا ريت يا محمد يس !!
الزول ده إنت ما بتعرفو علي أرض الواقع ، حمور ده غير امو مافي زول معصور عليه !!!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
سلام يا عاطف Quote: رحم الله والدكم العظيم رحمة واسعة وأسكنه فسيح جناته
|
رحم الله والدينا جميعا و ياخي كتر خيرك علي السيره دي .
الوالد عليه رحمة الله عمل في مناطق مختلفه من السودان و كان يذكرها دائما ، و بالذات رفاعه و رشاد . الكلام ده كلو قبل ميلادي ، أنا من ما فتحت و الناس دي شغاله سياسه !
تاني كتر خيرك يا عاطف و نسال الله له و لوالدينا جميعا الرحمه و الرضوان .
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
سلام يا دوك Quote: قال الخال امين في يوم ما عن ابن اخته
Quote: ( حمور) فخرنا و عزنا و شمسنا التي تضئ فتحجب ما سواها !
|
أنا قلت الكلام ده لانو كنت دايرو يعمل لي حاجات في السودان الشقيق !
بعدين إنت في البوست ده ذاتو ما دقيت صدرك و قلت أنا ببقي ليه خال ، تاني ما شفناك ، وهسي بالله ما تعملها لي عنترات إسفيريه ، الود جاهز و موزون و ورقو مكتمل نسلمك ليه في ايرلندا بعد أسبوع !!!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
قمر الحقد و الظلام Quote: خالك ده ياحمور بقي يعمل لصلاح المنبر
عامل له لستة من يجي زي 40 نفر قال ديل خرابين البورد
زول ليه تسعة شهور وبقي ينظر في كل الجبهات عنده 3300 مداخلة في 9 شهور
ده يا حمور كأسرة تجتمعوا بيه...الزول ده لو قعد في المنبر ده بطريقته دي ما في زول حيكتب
الغريبة لما كان لابس جينز كان لذيذ كدة...هسة خاشي ليه في بدله ويعاين للافق الود بقي حمور ذاتو
|
أنا أسوي شنو كان جيت لقيتكم سطحيين و بسيطين و قليلي معرفه ، أو كما قال شيخنا قدس الله سره !!
ياخي أنا جيت خائفا أترقب ، لقيتكم قاعدين ساي بعد شهرين بقيت أديب و قاص مافي زول سالني ، شهرين تاني بقيت صحفي ناشط في حقوق الانسان ، و انتو قاعدين تتفرجو هسي بقيت مفكر ، المرحله الجايه - و دي قربت جدا - حا أقول ليكم إنو بكري أبو بكر ده شخصيه ما حقيقيه و المنبر ده حقي أنا ذاتي ساعتها يا قمرنا المظلم بتوسط ليك في منتديات عكس الريح عشان نرتاح من الأرف العاملنو لينا إنت و المعاك في لستة البتر !!!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
سلام يا بصاص Quote: وعنا حبا للاثنين نعمل
( المديده حاره ) |
الموضوع ما محتاج مديده ، إنت إتعصر ليك علي واحد فينا ، ونصيحه لوجه الله أختي سكة حمور دي : غير الحفر و الدقداق مافيها شي !!!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
Quote: غايتو انتو الاتنين عسل
لكن فيكم واحد اعسل من التانى
|
غايتو يا منال الله يسامحك !
قصة إنو أنا (أعسل ) من حمور دي زي إنو أنا اسمح من الحمار !!
-------
و دي انتي الأنا قايلك بتفهمي في الشغل ده !!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
سلام يا أبو حميد Quote: أمين ازيك
حمور دة منو؟ |
حمور ده كائن طويل لا شعر له من الأمام ، لا لون و لا رائحه له غير رائحة التبغ الرخيص ، لا طعم له البتة .
علاقتو بالثقافه زي علاقة صديق مهدي علي - قدس الله سره - بالشعر ،
الجكس بصاحبو لانو صاحب أمجد فريد و طلال عفيفي !!!
و لو لم يكن إبن أختي لما رد الناس عليه السلام في الطرقات !!!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
الليل’ يَرمى ِبسدوله غير خميل
كذلك ( المكيف المائى ) بكى بحمحمِ
وابنائى يغطون فى نوم عميق ..
فما هالنى فى هذا البورد الا قلمين
يخمانى خما ويهزانى هزا..مثل حب الخمخم..
الاول لحمور زياده فهو يكتب حتى النخاع ثم يطق انفعالا
والثانى لسلمى الشيخ سلامه
ترشحنى بزكريات تتناسل تفاصيلها تناسلا من عل..
فان كان الابن خال والعرق دساس ...فلربما صار الخال ابن وان علا
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
| Quote: دي نظرية التطور ظاطا ..!! |
الصور دي مكبرها مالك ؟!!
والله يا دوك عصرت علي الساده القراء ديل بلا سبب ، الناس دي ما ناقصه !!
-------
عموما شكرا لتذكيرنا بان الانسان اصلو قرد !!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
Quote: الموضوع ما محتاج مديده ، إنت إتعصر ليك علي واحد فينا ،
ونصيحه لوجه الله أختي سكة حمور دي : غير الحفر و الدقداق مافيها شي !!! |
يابا ودي عاوزه ليها نصيحه بس اخوك اكان متعاطف
مع حمور لما اصابه في هذا الاستفتاء وطلع بي واحد في الميه
واقول ليك مره اتت مكتبنا احدى كريمات عائلتكم
لمعاملة ما وعندما طالعت الفيزت كارت بتاعها
الدكتوره ...... حمور قلت ليها اكيد
امين محمد سليمان قريبكم شفت كيف !!!
يا امين ممكن ترشح لي حمور ده منبر تاني
بعد صورة الشيشه اعلاه
---------------
رساله كتبت بالحبر السري
حمور قل اللهم صبرنا على اخوالنا
| |
|
|
|
|
|
|
|
|
|
Re: شِدّة يا أمين .. !! (Re: معاوية المدير)
|
غايتو ياحمور
خالك رغم أنو استوسخنى مرة كدا
ودبل لى بلستة الأرف بتاعتو
لكن الواحد لازم يصدع بالحق
انت جيت المنبر دا بتكتب صفحة كاملة
أمين من جانا بكتب نظام تو ثرى سطور
انت بقيت تنقص فى عدد السطور لحدى ما شابهت خالك
فاصبحت له مقلدا
بعد قصتو بتاعت توت راجعت كتاباتك واتضح لى أنك كنت تتلصص على مكتبته الكائنة فى ابروف وذلك استغلالا لغيابه بارض العم سام..
عشان كدا رأيته ممتعضا عند الهجوم الضارى على قصة ولاء من التلوب وناس السغافة
الناس قايلين امين ممتعض لما اصاب ابن اخته ولكنى عرفت بالحاسة التامنة أن أمين ممتعض لأن ابن اخته شوه القصة الأصلية التى كانت مسودتها فى الرف التانى الجانب الأيسر من مكتبته..
ياحمور
ماتزعل فنحن لاتأخذنا فى الحق لومة لائم أو يا اما ارحمينى!
| |
|
|
|
|
|
|
|
|
|
Re: شِدّة يا أمين .. !! (Re: Balla Musa)
|
ود المدير يا كركبه
| Quote: الأدهى و الأمر أن الخئولة تورث ابناءها الحنان و الرعاية .. و أورثني خالي الصلع |
الكلام ده قالو حمور ، و حمور لا يعتد به !!!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
يا بصاص Quote: يا امين ممكن ترشح لي حمور ده منبر تاني
بعد صورة الشيشه اعلاه
|
أنا كان علي ، حمور ما يكتب في حيطة بيتهم ، خليه المنابر !!
-------
بنفس الحبر السري بتاعك :
اللهم اني أشكو إليك أبن أختي و أصحابو !!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
يا دكتور ، سئيلي الله داك إسوساخ كاذب !!! بدليل إنو والله أنا ما عارفو وين و بتين !!
Quote: انت جيت المنبر دا بتكتب صفحة كاملة
أمين من جانا بكتب نظام تو ثرى سطور
انت بقيت تنقص فى عدد السطور لحدى ما شابهت خالك
فاصبحت له مقلدا
|
حمور بحاول يقلدني لدرجة إنو ما عندو صلعه ، بقي يحلق البقدام عشان يشبهني ، و لكن هيهات !!!
لك المجد يا دكتور و أنت تعري حمور حتي من ورقة التوت !!!
Quote: بعد قصتو بتاعت توت راجعت كتاباتك واتضح لى أنك كنت تتلصص على مكتبته الكائنة فى ابروف وذلك استغلالا لغيابه بارض العم سام..
عشان كدا رأيته ممتعضا عند الهجوم الضارى على قصة ولاء من التلوب وناس السغافة
الناس قايلين امين ممتعض لما اصاب ابن اخته ولكنى عرفت بالحاسة التامنة أن أمين ممتعض لأن ابن اخته شوه القصة الأصلية التى كانت مسودتها فى الرف التانى الجانب الأيسر من مكتبته..
|
قصة توت كانت فتح جديد للروايه السودانيه ادخلت جرذان الثقافه إلي جحورها !!
و لك المجد مرة أخري يا دكتور و أنت تكشف سرقات حمور الماديه و الأدبيه ، و الكلام ده ما كنت عايز أقولو ، لكن قصص حمور كلها مسروقه و منحوله من مكتبتي !!
الله المستعان !!
| |
|
|
|
|
|
|
|
|
|
Re: شِدّة يا أمين .. !! (Re: قيقراوي)
|
قيقا ، يا أيها الجوع الخرافي المشكل في إعتصارات الألم !!!!
Quote: - فما تتطاول ساي لن تبلغ الخال طولاً - مع انها مسألة تقديرية دي ! - ، خالك حقيق بما حققه من نجومية لن تسقطها ببوست ، الاجدى انك تلزق فيهو و تقنع من النجومية بالفخر بخالك ، حكاية " الفتى من يقول هانذا . . . الخ الخ " دي اطروحة ما قبل حداثوية . . دا شنو القديم دا ياخ !
الحق اقشر بخالك ساي . . انّا مفاخري به المنابر المجاورة . . خصوصأ المنابر ذات الدفع الرابعي ديك |
ياخي أنا بعد كلامك ده مفروض أعتزل !!
-----
يومديك كتبت ليك رد طويل عريض في بوست محمد عثماننا ، رسلوني الدكان ، جيت لقيت الولد قفل اللاب توب و إغتال في داخله الكلمات !!
-----
حمور : بالجد أمشي إتشطف !!!!
| |
|
|
|
|
|
|
|
|
 Re: شِدّة يا أمين .. !! (Re: أمين محمد سليمان)
|
التسلسل الهرمي ....!!
تتمحور في الصورة , معالم الحركة الدورية , وتتجسد بها , عودة الأصل الانساني , إلى الذات ... فإذا هي نواة الكون , النقطة النورانية , التي تشكل المحور الأساسي , للحركة الرحوية , لوتر الانسانية الإبداعية , في البعد الكوني , وإذا هي , عناصر الوتر الفلكي , في قطر التكوين اللانهائي الممتد ...!!!!!
| |
|
|
|
|
|
|
|
|
|
Re: شِدّة يا أمين .. !! (Re: Magdi Ahmed Elsheikh)
|
غايتو يا ود الشيخ بطريقة عرضك للصور..
دعمت كلام حمور دا..
Quote: ثم اذا به يفترع البوستات و يفتي في المنبر و يتحدث باسم بكري ( و يدمغه بـ قدس الله سره فتصبح أشهر من وصف بكري أب صلعة ) و يناظر الجمهوريين و يهابش الحكومة و يؤدب المتفلتين.
و بين ليلة و نفسها ( ما خلاها تصبح عشان يجيها ضحى ذاتو ) يصنع لنفسه شعبية و يعمل الكوم بقرش. |
| |
|
|
|
|
|
|
|
|
|
Re: شِدّة يا أمين .. !! (Re: محمد على طه الملك)
|
ما هذا العقوق
كيف سمحت لك نفسك
ان تكتب مثل هذا الكلام عن خالك يا حمور
انت مفروض تبوس صلعتك وش وضهر
لانها بتشبه صلعة خالك
صاح الولد خال
لكن ما طلعت قيافة زي خالك
تقوم تكتب كلام زي ده ؟؟
احمد ربك انو المقولة دي صحيحة
الولد خال
فما تستعجل على رزقك
حيجي يوم تكتب زي خالك ويمكن احسن
يا خال لازم تشكرني
اشكرني على وقوفي معاك
والا بقلب مع حمور اخلي يومك
خل وبطيخ
| |
|
|
|
|
|
|
|
|
|
Re: شِدّة يا أمين .. !! (Re: محمد سنى دفع الله)
|
تتمحور في الصورة , معالم الحركة الدورية , وتتجسد بها , عودة الأصل الانساني , إلى الذات ... فإذا هي نواة الكون , النقطة النورانية , التي تشكل المحور الأساسي , للحركة الرحوية , لوتر الانسانية الإبداعية , في البعد الكوني , وإذا هي , عناصر الوتر الفلكي , في قطر التكوين اللانهائي الممتد...!!!
| |
|
|
|
|
|
|
|
|
|
Re: شِدّة يا أمين .. !! (Re: Magdi Ahmed Elsheikh)
|
يا مجدنا ، سلام عليك في ايرلندا الشقيقه
شفت صورك العارضه زي صور الناس الرايحه دي ، و قلت رافة بالمشاهدين أستوسخ البوست ، تقوم تجيب ليهم صورة ود الصايم في شكل قرنتيه جاهزه للعليفه فده إمعان في أذية المشاهدين !!!
| Quote: تتمحور في الصورة , معالم الحركة الدورية , وتتجسد بها , عودة الأصل الانساني , إلى الذات ... فإذا هي نواة الكون , النقطة النورانية , التي تشكل المحور الأساسي , للحركة الرحوية , لوتر الانسانية الإبداعية , في البعد الكوني , وإذا هي , عناصر الوتر الفلكي , في قطر التكوين اللانهائي الممتد ...!!!!! |
ياخي تتمحور شنو ؟ الحكايه كلها أخوك فضل ليه سنتين تلاته من المرحله الكلبيه بتاعت عمك ود البوش ، فياخي الله يستر علينا و عليك و مراعاة لمشاعر قراء و مشتركي البورد أرخي الصور دي ، ولا كلم عمك الضباح سيد الحته دي يزيد في العنوان (ممنوع الدخول لذوي القلوب الضعيفه ) !!!
-----------
طبعا في الصور أنا بالنسبه لود الصايم : ليلي علوي !!!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
محمد علي يا حبيبنا Quote: غايتو يا ود الشيخ بطريقة عرضك للصور..
دعمت كلام حمور دا..
|
يا زول حمور في البوست ده انضرب ضرب غرائب الأبل ، دعم واحد ما جاهو !!
بعدين أنا علاقتي بعم الضباح أقوي مما ممكن تتخيل ، هسي بليلكم ده لو أديتو سلك برفدكم كوووولكم ، بمجدكم بتاع أيرلندا ده !!
| |
|
|
|
|
|
|
|
|
|
Re: شِدّة يا أمين .. !! (Re: أمين محمد سليمان)
|
السني الفن : الفن الفن ! Quote: ما هذا العقوق
كيف سمحت لك نفسك
ان تكتب مثل هذا الكلام عن خالك يا حمور
انت مفروض تبوس صلعتك وش وضهر
لانها بتشبه صلعة خالك
صاح الولد خال
لكن ما طلعت قيافة زي خالك
تقوم تكتب كلام زي ده ؟؟
احمد ربك انو المقولة دي صحيحة
الولد خال
فما تستعجل على رزقك
حيجي يوم تكتب زي خالك ويمكن احسن
يا خال لازم تشكرني
اشكرني على وقوفي معاك
والا بقلب مع حمور اخلي يومك
خل وبطيخ |
لك المجد يا سيد المجد كاملا و أنت تنصح جرذان الثقافه و فيران الأدب بان تبقي في جحورها !!
معليش الشكيره ما جات قويه بقوة شتيمة حمور ، المره الجايه إن شاء الله حا أشكرك أكتر من كده : إنت بل لي حمور و أنا بكسر ليك التلج !!!
-------
يا السني متذكر سليمان الحاج سليمان : أصحاب أصحاب ؟
| |
|
|
|
|
|
|
| |
حمور زيادة
WAD ELGAALI#4
أمين محمد سليمان
Amjed
ندى عثمان حسن
محمد عثمان ابراهيم
دينا خالد
عاطف عمر
محمد عبد الماجد الصايم
Mohamed Yassin Khalifa
Hussein Mallasi
Magdi Ahmed Elsheikh
GamarBoBa
أبو عبيدة البصاص
البدري عبد الله
baha eassa
Abuelgassim Gor
عبد اللطيف السيدح
معاوية المدير
طارق جبريل
قيقراوي
محمد على طه الملك
محمد سنى دفع الله
رغيم عثمان رغيم الحسن
فيس بوك
تويتر
انستقرام
يوتيوب
بنتيريست