دعواتكم لزميلنا المفكر د.الباقر العفيف بالشفاء العاجل
|
|
 دعوه لمقاطعه ART في أمريكا !
|
ما ممكن كوره زي هلال مريخ في كاس أفريقيا للانديه الابطال ما تنقل علي الهواء ، و لا مبارتينهم الفاتو ، في حين يتم نقل كل مباريات الانديه العربيه الاخري علي الهواء ، والله ما فهمت الموضوع شنو ! مستوي الانديه السودانيه متدني ولا حقاره ولا الفكره شنو ؟ والله ما عرفت !!
|
|
 
|
|
|
|
|
|
|
|
Re: دعوه لمقاطعه ART في أمريكا ! (Re: رؤوف جميل)
|
محمد شمس الدين و كمال و رؤوف شكرا علي مروركم
ما عارف يا كمال منو البيحدد نوعيه البرامج البتعرض هل dish network ولا ناس القناه ، يعني في موضوعنا ده منو القرر ينقل شباب الكويت و عمان بدل هلال مريخ ، يخيل لي ناس الART لكن ما متأكد .
إجابه السؤال ده مهمه عشان نعرف نحتج لمنو ذاتو .
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: أمين محمد سليمان)
|
العزيز امين
تحية وتقدير ,,
طريقة الاشتراك في art الرياضية :
الرياضية 1 و 2 مجاني في حال اشتراكك في القنوات الاساسية
3,4,5,6 اشتراك بقيمة 240 ريال تقريبا
7,8,9 خاص بالدوري السعودي اشتراك بقيمة 240 ريال تقريبا
تقريبا انت مشترك في الاساسية فقط والمباراة كانت منقولة في الرياضية 3
والافضل من ده كله اشتري رسيفر dream box500-s ويشتغل عن طريق النت وريح بالك
تحياتي
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: ارصد محمد جلال)
|
أخونا أرصد سلام عليكم و رمضانك كريم
في أمريكا مافي نظام قنوات أساسيه ، كل القنوات العربيه عندها عقد مع شركه إسمها Dish Network ، بتشترك معهاهم في الباقه العربيه - حوالي 15 قناه عربيه - و اللي فيها تلاته قنوات ART : واحده أفلام و واحده عامه و واحده رياضيه و القنوات دي كلها خاصه بأمريكا فقط .
بالنسبه للرياضيه موضع نقاشنا ، في حاله وجود أكتر من مباراه في نفس الوقت بيقومو يختارو ينقلو ياتو مباراه ، و هو ما حدث في الكورتين الفاتو للهلال و المريخ ، ما نقلو كور الهلال و المريخ لصالح مباريات أخري أقل ما يقال عنها إنها تافهه .
والله يا أرصد إنت ما عارف يعني شنو تكون مستني الكوره ليك إسبوعين و تتراجف و تجي تلقي جايبين ليك إنبي المصري و سانتوس الانجولي ! ولا ناشئي الكويت و عمان !
بالنسبه للرسيفر ممكن يكون فكره جميله جدا ، حا أحاول أفتش معلومات عن سعرو و أماكن بيعو هنا ، و يديك العافيه .
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: أمين محمد سليمان)
|
بصراحة المسألة ليست كرة قدم فقط,,
حقيقة قناة الأيه آر تي أميركا من أضعف القنوات..
إعداد ضعيف للبرامج .. مقابلات مع شخصيات من جاليات عربية في غاية من السماجة .. 90% من المواد المقدمة مصرية .. طبعآ ده علشان مدام صفاء زوجة السيد صالح الكامل .. طيب يا صفوية عرفنا إنتي مراتو بس كمان دي فلوسه ..! خلي الراجل يعبر عن فلوسه بطريقة عادلة يعني لازم يكون في تنوع في البرامج بحيث أن تجد الجاليات العربية والأفريقية كمان نفسها في القناة..! ياجماعة أنا لليوم لم أستطع أن أعرف ماهو مغزى وهدف قناة الأيه آر تي أميركا !! ده كلو كوم وعدم نقاء الصورة في هذه القناة وهي تبدو كصورة نثر عليها دقيق .. طبعآ لم تحظ الجالية السودانية بأية موادبالرغم من وجود نشاط سوداني مكثف في منطقة واشنطون.
بصراحة الأيه آر تي أميركا من أضعف سلسلة قنوات الإيه آر تي على الإطلاق ياريت لو تم إغلاقها نهائيا من هذه السلسلة. قال ساعة صفاء قال.
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: أمين محمد سليمان)
|
الأخ أمين
قناة ART تملك 6 قنوات رياضيه وتنقل كل مباريات الدورى السودانى حصرى ,
وقامت بنقل مبارة الهلال والمريخ الأخيره وقامت بإعادتها فى وقت متأخر من نفس اليوم .
إحتمال ال6 قنوات مابتصلكم أو إشتراكك محدد بقناتان لذا يجب أن تغير طريقة الإشتراك.
رمضان كريم
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: نبيل عبد الرحيم)
|
| Quote: إحتمال ال6 قنوات مابتصلكم أو إشتراكك محدد بقناتان لذا يجب أن تغير طريقة الإشتراك |
سلام يا نبيل
قنوات ART البتصل أمريكا كلها تلاته فقط : منها واحده بس رياضيه و هم بيختارو ينقلو ياتو مباريات و يخلو ياته لمن تكون في أكتر من مباراه ملعوبه في نفس التوقيت ، مباريات الهلال و المريخ الفاتو ما جابوهم لينا هنا و لا حتي هلال مريخ ذاتها ما جابوها .
ART فعلا نقلت المباريات دي لكن ما جابتها لينا في أمريكا لانو كان في مباريات أخري شافو إنها أهم من مباريات الهلال و المريخ ، يوم كوره الهلال و كانو جابو إنبي المصري مع فريق تاني و يوم هلال مريخ جابو ناشئي الكويت و عمان في بطوله الخليج للناشئين . مرضونا مرض !
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: أمين محمد سليمان)
|
الاخ امين
نفس المشكلة نعاني منها في استراليا
وقد اتصلنا عليهم كثيرا والغريب قالوا لنا انهم لم ياخدوا الضؤ الاخضر
تعبنا خلاص من النت والغريب ان المباريات في الممتاز تعاد اكثر من مرة
فالمقاطعة واجبة واجبة واجبة
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: Mohamad Shamseldin)
|
يا بدر ، الناس ديل ما بيفهمو إلا لمن الموضوع يأثر في جيوبهم ! ما عارف عندكم في أستراليا كيف ، لكن هنا كل القنوات العربيه في باقه وحده : يعني ما ينفع تقطع ART براها ، لو قطعت الدش العربي بنخش في كلام محمد شمس الدين ده :
| Quote: طيب الحا يقنع النسوان يقاطعن المسلسلات منو ؟ |
و ده فيهو قطع رقبه عديل !!
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: أمين محمد سليمان)
|
سلام يا امين
أعتقد ان الحل الامثل هو في الاتصال بالقناة في امريكا
لان في الحقيقة دي منتهي الحقارة للسودانيين خصوصا في حكاية بث المباريات
ويلا نبدأ خطوة خطوة ويا ريت كل واحد يتصل بيهم كنوع من الاحتجاج والاحتجاج
الصارخ على هذا التهميش
| |
|
|
|
|
|
|
|
|
|
Re: دعوه لمقاطعه ART في أمريكا ! (Re: عبدالعزيز الفاضلابى)
|
Quote: ويلا نبدأ خطوة خطوة ويا ريت كل واحد يتصل بيهم كنوع من الاحتجاج والاحتجاج
الصارخ على هذا التهميش |
سلام يا أبو خليل
والله قدر ما فتشت تلفونهم ولا إيميل لناس الART ديل هنا ما لقيت ، بفتش تاني بعد الفطور كان الله هون .
| |
|
|
|
|
|
|
| |
أمين محمد سليمان
Mohamad Shamseldin
كمال عباس
ارصد محمد جلال
نبيل عبد الرحيم
بدرالدين كاجوري
mohmed khalail
Mohamed Foto7li
khaleel
عبدالعزيز الفاضلابى
فيس بوك
تويتر
انستقرام
يوتيوب
بنتيريست