تعليق علي ما حدث في مخيم الوحدات !!!

Quote: العملو بكري ابوبكر بانشاءو لهذا الموقع عجز عن فعله السودان شعبا و حكومة رغم المحاولات المستمره و أن هذا المكان صار جزء منا لن نسمح لاي شخص بما فيهم بكري بتدميره !! و عشان نكون عمليين حقو نناقش خطوات فعليه و إقتراحات لادارة هذا المكان لانو واضح جدا إنو في مشكلة اداريه و مشكلة كبيره جدا قد تعصف بهذا المكان !! لا يكفي إنو نقول لبكري إنو طريقة إدارتك ( ما ظريفه ) و توقيف الناس لانهم خالفو رايك ( عمليه جبا نه ) و انك إذا عجزت عن حماية أعضائك ما ممكن الحل يكون سحب بوستات المتضريين منهم و من ثم سحب باسويردات المتضامنين معهم و إنو عدم ردك للناس فيها من (الأستوساخ و عدم الأحترام) ما يكفي لانو الزول يشيل عفشو و يمشي رغم صحة هذه الأقوال جميعها ، لكن طالما كلنا متفقين إنو المحل ده كل زول فينا عندو فيهو شبر ، مفروض نناقش و نقترح طرق عمليه لادارة هذا المكان و لو الناس اتفقت علي خطوط عريضه - ما شرط تفاصيل - بكري ملزم ينفذ و لو ما نفذها و لا جاب أسباب منطقيه لعدم التنفيذ ، بعداك البقعد يستاهل البحصل ليه !!

Quote: بسطحيته في إدارة البورد

Quote: لو انت ما عاجبك ممكن تمشي فور أول

Quote: اؤيد وبشدة حتى انني مستعد ان ادعم طلبه ببعض البوستات

Quote: الشعب لديه مطالب قبل كل شيء يجب الافراج عن كل المحبوسين خارج المنبر تعسفاً تانياً تمليكه المعلومة كاملة عما يحدث تالتاً الاعتزار لكل من مسة الضرر من السيد الهكر

Quote: لكن طالما كلنا متفقين إنو المحل ده كل زول فينا عندو فيهو شبر ،

Quote: ومع هذا النجاح ناس الحكومة قالوا يعكننوا عليه وعلى الأعضاء

Quote: منكر من يكابر أنه لم يخرج من هذا المنبر بعلائق إجتماعية مميزة ـ هذا المنبر ساهم حتي في تكوين أسر ما كان لها أن تلتقي لو لم يشأ الرحمن لها التلاقي عبر سودانيزأونلاين شفت كيف ؟

Quote: حتى وإن كتب بالصحافة الفرنسية؟

Quote: قبل كدة اقترح الناس انو الاشتراك يكون بقروش وبكري على ما اعتقد رافض المسالة دي اها كيف العمل

Quote: بتطور الزمن وتحول بكرى من الأخ بكرى الى سيد الحوش والريس وهكذا, وتحول كثير من الأعضاء لمشاهير لايردون السلام, بكرى قفل الباب بتاع الإدارة ومسك مفاتيحو فى يدو, وكل الناس أيدت اللايحة المابينها دى دون تحفظ, والمامصدق يرجع للإرشيف.. وأكثر المؤيدين كانوا من كبار المسقفين وتابعيهم.. كبار المسقفين كانوا بيعتقدوا أصلا اللايحة دى اتعملت للتابعين والتابعين كانوا بفتكروا اللايحة التى يؤيدها هؤلاء الكبار أكيد حاجة سمحة وهكذا دواليك...

صدقت يا بله و الله


لكن برضو يا دز بله قصة مايك المذيع دي ما ريحتني النصيحة ليك يا الله
الزمن اتغير التحديات اتغيرت .. الشعوب ثارت .. مبارك راح
الليبيين عملوا ثورة و قالوا ما دايرن خدار تاني بعد دا .. ياكلوا تبيخ بس
لووووووووول





-------

لوووووووول
انت وشنو المداخلات الطويلة دي؟
ذكرتوني حياتي الاولى في البنبر دا
يا امين ياخ ادينا الكونكولشن .. النجيضة شنو؟
الناس دي قالت كلام مهم و لّ ياها بربرة المنبر المعتادة!؟

Quote: لكن طالما كلنا متفقين إنو المحل ده كل زول فينا عندو فيهو شبر ، مفروض نناقش و نقترح طرق عمليه لادارة هذا المكان و لو الناس اتفقت علي خطوط عريضه - ما شرط تفاصيل - بكري ملزم ينفذ و لو ما نفذها و لا جاب أسباب منطقيه لعدم التنفيذ ، بعداك البقعد يستاهل البحصل ليه !!

Quote: وانت رأيك شنو يا العوض ياخوي في نيرانا الما صديقة دي ؟ ومن متين زاتو ريسكم ده بقي بقي عندو نيران صديقة ونيران ما صديقة رأيك شنو يا العوض بالدوغري كده في ما حدث مع عزاز وفي توقيف قمر وعاطف وأميرة وآخرين لا تعلمهم الله يعلمهم وبكري وبعضهم أعلمهم أنا خضر ده أمرقوا النصيحة يا العوض الموضوع ده ما بنفع واياها دفن الدقن

فاقول انا
ارفض ما حدث من الهكر تجاه الاخت عزاز وفي نفس الوقت لم اقبل موقف بكري بسحب بوستات عزاز التي ارادت التنبيه فيها لهذه السرقة التي حدثت ,
وما حدث من توقيف من ذكرت فلا علم لي به لاني تابعت بوست عزاز في بدايته وفهمت الرسالة ,,ولكن ايا كان السبب فهو موقف غير مقبول من بكري ,
ولكن يا خضر المنبر اصبح يتعرض للقرصنة وبكري يرفض اي مساعدة في هذا الامر وهو لايريد الاعلان بان الهكر قد اتعبه كثيرا ..

Quote: يا أميني الذي أحب قلت ماشي الصلاة إنتظرناك فياخ ممكن تأجل مشوارك نقول ليك فيهو كلمتين ونسمع منك ولا ما ممكن حأنتظر ردك وبعد داك أرد .

Quote: فهمت العوض وما يرمي إليه وإنه لمن المفيد إنو أقول ليك إنك إنت زاتك ما أمين الذي عرفت ـ امين بتاع الموقف المافيهو شق ولا طق أمين اللاتعرفو شيوعي ولا إتحادي ولا أنصاري ولا مستقل . أنت الآن مجرد زول راح ليهو الدرب ليس إلا . زول بيحاول يرضي جميع الأطراف والعلاقات ويا لسبحان الله الضمير يا أمين ( تقول الأسطورة بتاعتي إنو الضمير ده بصحي مرة واحدة للموقف المعني) فتأمل

Quote: علمنا بمقترحاتكم .. وكلها نقة كتيرة ساي!!

Quote: علمنا بمقترحاتكم .. وكلها نقة كتيرة ساي!!

Quote: طيب يا قيقا ، بكري إدارتو ما نافعه و كلنا اعترضنا عليها ، قلنا ليكم ادونا مقترحات الحل شنو ، ما ممكن - و إنت الشهيد الحي - تكون المرتين الاداخلت بيهم عايز الكونكلوشن : سؤالي ليك : هل عندك مقترحات لادارة هذا المكان ولا عايز تقيف في محطة إدارة بكري الما نافعه دي ؟!!

Quote: السعودي قطع اشارة حمرا فى لندن ... البوليس وقّفو ... قال ليو: "ليش تقبض عليّ؟ انا مواطن!" ...

Quote: الحصل لمسنجر عزاز يدل على معرفة المخترق بالعضوية وان له اهداف ما ودلائل اخرى , المهم حكاية اختراق المنبر بقت ما مجرد عبث او محاولة لضرب البورد زي ما حصل قبل كدا فحكاية التامين مهمة جدا

Quote: الدعوسي* قطع اشارة حمرا فى لندن ... البوليس وقّفو ... قال ليو: "ليش تقبض عليّ؟ انا مواطن!" ... (البوست دا سياسي ولامؤاخذة)

------
* عذراً
شفرتها ليك بالكربتولجي بتاع الراندوق
لووووووول
ياخ ما تظهرا عاملة كدا ياخ .. بتجيب لينا الهواء
ياخ هنا برضو ابلصعة بتاعم بسرش بإسمهم

Quote: والله يا قيقا بالطريقه دى نهايتك موقوف من ادراة الوحدات ومرحل من المدعوسيه .. .. غايتو ممكن أعمل ليك ريكمونداشن للكتابه "معانا" فى سودان فور أول .. بس ما بوعدك انو النتيجه مضمونه !!

Quote: الاخ قيقا تحياتي الحارة تابعت الموضوع في عدد من البوستات واود هنا ان اثبت بعض النقاط عشان نقدر نمشي قدام: -العقد شريعة المتعاقدين، وبالرجوع للائحة فالادارة حتى الان لم تخالفها في شيء، وانا اتحدث هنا عن اساس المشكلة (حذف البوستات-ايقاف اعضاء -عدم التوضيح).الهكر ده براهو. -الادارة كما تعرفها ليست بالامر الهوين والمدير دائما شائل وش القباحة وذلك لانه مواجه بكمية مشاكل ويفترض عليه ان يحلها بشكل كلي..في حين يُواجه الاخرون بجزئية واحدة او اكثر. وبالتالي فان صاحب القرار يكون مضطرا احيانا للتطبيق الحرفي للقانون كسبا للزمن ومنعا للثغرات. -سودانيزاون لاين انشئت بجهد الاخ بكري فهو بداهة احرص الناس على مصلحتها واستمراريتها..وانها اكتسبت مكانتها الحالية بجهد الكتاب والفاعلين فيها وهم بالتالي اصحاب حق معنوي على الاقل فيها واصحاب مصلحة ايضا في تطويرها. يبقى الحاصل الان اننا مابنقدر نلوم بكري لتطبيقه (الحرفي) للائحة الاحنا باصمين عليها..لكن ممكن نقول اننا تنبهنا الان الى ان هذه اللائحة غير مرضية ويجب تطويرها او تغيير اسلوب الادارة ليواكب التطورات الراهنة ..ونقدم المقترحات المحددة بشان ذلك. وانا شخصيا لا اري ان منبر اخباري وحواري يحتاج الى مجلس لادارته بقدر احتياجه للائحة مفصلة ومحددة وادارة منفتحة على اعضائها وعلى التطورات من حولها. وبالتاكيد ذهاب اي عضو هو خسارة للموقع .. والموقع ده اصبح مؤثرا وبالتالي هنالك جهات تبذل جهدا كبيرا من اجل ان تفركشه وبكل الوسائل. الاصلاح المستمر مهم.. ووجود نافذه للاراء حول بعض الاخطاء الادارية مهم جدا.. وإلا بعد شوية كل زول ح يعمل ليه منبر براهو. فبدون اية ادانات او تجريم يجب ان يتمسك الناس بما بنوه ومرة مرة يذبلوه .. وانا ما معاك في كلامك (المستغني) ده وما مع قمربوبا المشى داك .. على الاقل لحدي ما نشوف راي الريس.

Quote: على الاقل لحدي ما نشوف راي الريس.