|
دعواتكم لزميلنا المفكر د.الباقر العفيف بالشفاء العاجل
|
|
 Re: ابحثو معي عن خال لحمور .......................!!!! (Re: أمين محمد سليمان)
|
اتحاشي الدخول لبوستاتو أو أي موضوع عنو خوفا من أن أقرا في سياق (الخال ) !
بسبب حمور ، عصام جبر الله (دفعتين قدامي في الجامعه ) و وهبه (تلاته دفعات قدام حبوبتي الله يرحمها ) بيقولو لي يا خال !
و في نفس الوقت ما شايف لي حسنه من موضوع أنا خالو ده : عادي يخش يشاكلني في البوستات ، و ممكن ما يرد لي علي ايميلاتي و مولع سجارتو (قصبه) في وشي !
| |
 
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
ضربت لي تمبس أبارك ليه :
- سلام يا علاء و مبروك
- منو معاي
- معاك أمين محمد سليمان
- خال حمور ...؟
قربت أقفل السماعه في وشو !
و نفس السيناريو إتكرر مع أخونا أشرف مصطفي ...
بعد سنه من الحياه العامره بقيت عباره عن (خال حمور ) !
عليه أعلن خلو قائمة أهل حمور من خاله المدعو أمين محمد سليمان ، و علي من يرغب في مل هذه الخانه الاتصال بحمور !
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: اْسامة اْباّرو)
|
السني يا فنان ، عساك طيب Quote: امين صديق الكل
يازول العندو ولد اخت
زي حمور ده
مفروض تقيف وسط البلد
وتعلن تمردك صراخ
وتقعد زي حمد فتر
وترجى الفرج
وحتى تجد الحل
لك هذه الوردة
تريح اعصابك وعقلك المجهد
حمور عندنا غالي جدا
|
والله يا السني أنا حمور في عضمتو ما مابيهو ، لكن جايب لي كميه من الكركبه لا ليها أول ، لا ليها أخر ...
والله بعد شويه خايف أحمد ولدي يقول إسمو أحمد أمين محمد سليمان خال حمور ! 
| |
|
|
|
|
|
|
|
|
 Re: ابحثو معي عن خال لحمور .......................!!!! (Re: أمين محمد سليمان)
|
| Quote: و إنت طيبه يا ميادة ، جيت أسلم عليك في بوستك بتاع الشيوعيين ، خفت علي رقبتي |
يا خال
دي المرة الكم تقول لي الكلام دا
شنو يعني.... افهم من كدا انو بوستاتي كلها ملغومة
ثمح!!!!
الفيك اتعرفت
** تخريمة
طيب اسع انا بقرا عن اراء الترابي
قاعدة اجهز بوست عن اباطيل الترابي
نقبل شوية على الشعبييين
سياتك مدعو من اسع
رقبتك دي اعمل ليها ساتر من اسع
ما دايرين ايييي حجج ميته
ههههههههه
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: Dania Elmaki)
|
Quote: زكرتنى فلم عربى اسمو ميدو مشاكل
حسن حسنى كان فيهو ابو ميدو
لما ميدو مشاكلو كترت وقف فى الشارع وكورك يا جماعة ما حدش ياخد ميدو ابى ويدينى بدالو مروحة
اها اسا انت نظامك سقف ولا حيطة |
يا رغيم ، حمور بكركبتو الكتيره كان داير ابدلو بعده مافي زول بقبل بيه ، عشان كنا طرحناه في الاسافير لوجه الله و بعد ده ما لاقي لي زول يدق سدرو ! 
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
Quote: ** تخريمة
طيب اسع انا بقرا عن اراء الترابي
قاعدة اجهز بوست عن اباطيل الترابي
نقبل شوية على الشعبييين
سياتك مدعو من اسع
رقبتك دي اعمل ليها ساتر من اسع
ما دايرين ايييي حجج ميته
ههههههههه |
يا مياده ، لو عن الترابي أفتحيه طوالي و أنا بجي انداح ، لكن الشيوعيين ديل في البرد ده والله ما بقدر عليهم !
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
ياخال
احوالك
حمور دا انت الورطتو مع الجمهوريين ديل
وانت عارف الناس ديل حسكنيت
كان لموا فيك بخلوا ريحتك طير طير
ما شايفني انا مكبر منهم اللفة كيف ؟
غايتو انت وود اختك الا تاخدوا اجازة كم شهر كدا وترجعوا
او سلموا باسويرداتكم لاقرب سفارة اجنبية
يا اخوي في المنبر دا تختا تلاتة
1/ الجمهوريين
2/ عادل عبدالعاطي
3/ الرهط
تاني الحبة ما بتجيك هههههه
| |
|
|
|
|
|
|
|
|
 Re: ابحثو معي عن خال لحمور .......................!!!! (Re: MAHJOOP ALI)
|
| Quote: أمين خال حمور دي ممكن تتخارج منها لكن أمين الياسمين دي البحلكـ منها شنو ؟؟ |
| Quote: ياخي فيصل الرشيد مسميني (أمين ياسمين خال حمور ) ، ده براو داير ليه بوستين ! |
مووووبالخة,,
| Quote: يا خالد ، حا أفتح بوست تاني أبيع فيه أميره الشيخ عشان نتحله من قصة ياسمين دي كمان |
بيع ساى والله الواحد كان مشى الليلة من سودانيز خلف وراه ارث ياسمينى تقيل
_____________________________________________________
ياخ انا يوم واحد ماقلت ياخال,,,,تفتكر ليه?
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: ناصر المحسى)
|
Quote: ياخال
احوالك
حمور دا انت الورطتو مع الجمهوريين ديل
وانت عارف الناس ديل حسكنيت
كان لموا فيك بخلوا ريحتك طير طير
ما شايفني انا مكبر منهم اللفة كيف ؟
غايتو انت وود اختك الا تاخدوا اجازة كم شهر كدا وترجعوا
او سلموا باسويرداتكم لاقرب سفارة اجنبية
يا اخوي في المنبر دا تختا تلاتة
1/ الجمهوريين
2/ عادل عبدالعاطي
3/ الرهط
تاني الحبة ما بتجيك هههههه |
وهبه يا ضلنا !
إنت والله الجمهوريين ديل فاهمهم غلط ، الناس ديل بتاعين نقاش بالتي هي أحسن ، نحن أي زول بتاع نقاش بالتي هي أحسن ما عندنا معاهو مشكله بغض النظر عن ما يحمله من أفكار !
أنا اتناقشت معاهم لفتره طويله و إنتهينا من الموضوع ده ، حمور جاء طلق النار من أول و جديد !
بعدين ياخي البوست ده ما عشان الجمهوريين ، عشانك إنت تحديدا و بدل ما تحس جاي تاني تكتب لي (يا خال ) ؟!
البوست ده قد تتبعو اجراءت قانونيه لكل من يربطني بحمور
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
Quote: سلام يا أمين ....
شايف الإسم كيف؟ ........ كامل الإستقلالية.
شوف يا حبيب .. تتخلى عن حمّور أو تفتح ليهو .... ده خيارك تماماً.
بس أُختك ذنبها شنو؟ ..... أوع تاخدها بجريرة طرطشة ولدها.
مودتي |
والله يا أبو حميد كتر خيرك علي إعادة إسمي لسيرته الأولي .
صدقني أختي كان شبكوها أم حمور ، هي ذاتها بتنكرو !
| |
|
|
|
|
|
|
|
|
 Re: ابحثو معي عن خال لحمور .......................!!!! (Re: أمين محمد سليمان)
|
الخال أمين
ـــ
أعلن أنا الموقع أدناهُ و أعلاه
وبكامل قواي العقلية
أعلن عن رمي طوبة حمور
و أمشير حمور
وشنو كدة ما عارف حمور
يا خال الزول دة جانا في كايرو
و أنا أشكو مُر الشكية لي أب إيداً قوية
من عمايل حمور
جانا وبقينا ما عارفين نلِمُّوا!
إشي بنيوية
وإشي فوضي ذهنية
وإشي إشي إشي
كرهنا ذاتو !!
ياخي بإختصار كدة حمور دة اليشوف ليه أصحاب من هسة!
بعد مقاطعة الخيلان التامة له
أنا صحيفة الخوة معاه
ما داير يفضل فيها حتي بسمك اللهم!
نحاصروا في شِعَب فلان داك
ونقطع عنو الإمداد الروحي
ونمنع خطواتوا من دخول عوالم الحرية
وما جاورها من فنزويلا أو المعابد البوذية
ـــ
أها
خليه يخُم و يصُر!
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
حبيبها يا حبيبنا ..Quote: أعلن أنا الموقع أدناهُ و أعلاه
وبكامل قواي العقلية
أعلن عن رمي طوبة حمور
و أمشير حمور
وشنو كدة ما عارف حمور
يا خال الزول دة جانا في كايرو
و أنا أشكو مُر الشكية لي أب إيداً قوية
من عمايل حمور
جانا وبقينا ما عارفين نلِمُّوا!
إشي بنيوية
وإشي فوضي ذهنية
وإشي إشي إشي
كرهنا ذاتو !!
ياخي بإختصار كدة حمور دة اليشوف ليه أصحاب من هسة!
بعد مقاطعة الخيلان التامة له
أنا صحيفة الخوة معاه
ما داير يفضل فيها حتي بسمك اللهم!
نحاصروا في شِعَب فلان داك
ونقطع عنو الإمداد الروحي
ونمنع خطواتوا من دخول عوالم الحرية
وما جاورها من فنزويلا أو المعابد البوذية
ـــ
أها
خليه يخُم و يصُر! |
الزول ده اقطعو ناشف معاه من الأول ، غير الكركبه ما حا تطلعو منو باي حاجه ! بعد شويه بتلقي إسمك بقي (حبيب نوره صاحب حمور ) و كان فتحت خشمك حا يقولو ليك كلامك ده عشان هو صحبك !
أنج حبيب نوره فقد هلك الخال !
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
والله يا امين الظلام انت زول طيب الجمهوريين ديل نقاش بي اخوي واخوك ما بتطلع بي حاجة اللهم يجبروك تقرا موقع الفكرة صفحة صفحة وبعد ما تنتهي تجي ( مديك - نسبة الي الديك راجل الجدادة) وما عندهم مشكلة ينقلوا ليك موقع الفكرة كله هنا لو كسلان تمشي هناك , وفي النهاية حتلقي روحك ما اتحركت من مربع انك امين خال حمور بتاع الياسمين
والجمهورين كذلك ماسكين في جرايد مهلهلة من زمن اخبارها انتهت
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: لطفي علي لطفي)
|
| Quote: والله يا امين الظلام انت زول طيب الجمهوريين ديل نقاش بي اخوي واخوك ما بتطلع بي حاجة اللهم يجبروك تقرا موقع الفكرة صفحة صفحة وبعد ما تنتهي تجي ( مديك - نسبة الي الديك راجل الجدادة) وما عندهم مشكلة ينقلوا ليك موقع الفكرة كله هنا لو كسلان تمشي هناك , |
أمير الظلام
أول حاجه : كورتك فكت و بقيت بتاع دافوري و كركبه !
الشي التاني والله ما في أحسن من نقاش الجمهوريين ، لا بغلتو عليك و لا بيوسخو يديك ، تقعد تناقشهم مية سنه ما في زول بيشتمك و كان شتمك منهم زول ما بكررها و ده لانهم حقيقة صادقين في توجههم و فعلا بيعتقدو إنهم علي الإسلام الحق .
زي ما قلت لازم في أي حاجه يحيلوك لموقع الفكره لانهم مقيدين بافكار الأستاذ و كل ما عليهم الشرح .
Quote: وفي النهاية حتلقي روحك ما اتحركت من مربع انك امين خال حمور بتاع الياسمين
والجمهورين كذلك ماسكين في جرايد مهلهلة من زمن اخبارها انتهت |
اطمنك يا أمير الظلام ، أنا حمور و مربعو إتخطيطهم يوم فتحت البوست ده .
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
Quote: أمين الما سمين
السلام عليكم وصباحات خالية من حموريات
|
و عليكم السلام يا جعفر يا حبيبنا و دعوتك العميقه دي شكلو ربنا قبلها
Quote: أنسب حاجة تشيل الصورة أم صلعة من بروفايلك وتجيبلك صورة قديمة يكون فيها شعورك زائد حبة
وأي زول يقول ليك يا خال قول ليه حبابك يا جدو |
إنت كان كده فهمتتني غلط ! أنا ما معترض علي إنو حمور معجزني ، أنا معترض علي إنو أنا بعد 43 سنه خبره بقو بعرفوني بحمور ، بعدين يا سعادتك صوره من غير صلعه دي إلا من تانيه إبتدائي !!
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
Quote: أمين محمد سليمان يحاول ان يختار بين صفتين :
أمين خال حمور
أو
أمين الكان خال حمور |
والله يا حمور كان بقت دي خياراتي : أخير لي أمين خال حمور !
لكن صدقني - و أشار بوجهه نحو السماء - خياراتي كتيره جدا !
ياخي أنا عارضك في اسافير الله الواسعه دي لي يومين مافي زول غير أسامه ابارو كشكر ساي و لمن قلنا ليه تعال عمل زغبير !
----
بالجد بقيت أشفق عليك !
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
Quote: يا ودعمي
كيفك
ضربت لحمور في القاهرة قلت ليه :انت بالمناسبة قريبي؟
قال لي :كيف يعني؟
قلت :خالك امين ودعمي لزم
قال لي:امين خالي بامي!!!!
(في زول خالو بيكون بابوهو؟؟؟؟)
يا زول فكوا نشوف ليك ود اخت كده نوبي ما بتاع مشاكل
|
حكومه يا ابن عمي ، الزول ده كان ما إتلقي ليه بيعه في بوستك الحصل خمسه صفحات في يومين ده ، تاني ما بتباع لي ، و لو كمان قايطناه بنوبي ما بتكلم عربي ، بديكم وهبه و ياسر طيفور و البرادو بتاعت العوض فوق البيعه !!
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: أمين محمد سليمان)
|
يا أمين،
من فضائل ود أختك عليك، بقيت معروف اكتر من بكري، وعامل خوتّة ووجع دماغ وغاغة، ما يعملها إلا ذو حظٍ عظيم،؛ تعرف رفاقتك الجو معاك المنبر، والقبليهم، مازالوا يشتكو من إهمال الناس ليهم ولي بوستاتهم القيمة، واحدين حردو، واحدين إستسلمو للامر الواقع؛ المهم، ما تأكل ود أختك لحم وترميهو عضم، هو براهو معضِم..
___
لكن بيني وبينّك ود أختك يستاهل البيع، لأنو هو ذاتو بياع..
| |
|
|
|
|
|
|
|
|
 Re: ابحثو معي عن خال لحمور .......................!!!! (Re: أمين محمد سليمان)
|
Quote: يا دكتور
ما بمشي بالفاكس ، في مشكله بتاعت طول و دخاخين .
بعمل ليه اتاشمنت و برسلو ليك بالإيميل ،
بس الله يستر عليك و علي جهازك ، كمية الفيروسات ممكن تقضي عليكم الإتنين ! |
يا اخوي امين اتصرف بس يصلني سريييع...
ياحليلك ياوداختي والله مشتاق ليك شدييييييد..!!
بالرغم من انك زغت مني لمن جيت السودان قبل 5شهور..!!
| |
|
|
|
|
|
|
|
|
|
Re: ابحثو معي عن خال لحمور .......................!!!! (Re: Magdi Ahmed Elsheikh)
|
Quote: والله بالطريقة دي تقعد تطفى ليوم الدين..!!
|
الحمد لله يا خال طلعت عارف إنتي خاشي علي شنو ، قلت ليك الود ده مشاكلو ما بتنتهي !
Quote: ثم ثانيا انت مالك ومالو انت خالو ...!!!
|
بكل أسف يا خال نحن لسه ما غيرنا الشهاده ، أول ما نغير الشهاده و تستلم ، إنشالله بعداك تبيعو إسبيريات ما عندي بيكم شغله !
-----
يا حمور تعال أمضي هنا خلينا ننتهي من الفلم ده !
| |
|
|
|
|
|
|
| |
أمين محمد سليمان
حامد محمد حامد
محمد سنى دفع الله
عمر صديق
HAIDER ALZAIN
محمد عبد الماجد الصايم
mayada kamal
شول اشوانق دينق
رغيم عثمان رغيم الحسن
خالد عبد الله محمود
omer osman
Dania Elmaki
عبدالوهاب علي الحاج
MAHJOOP ALI
العوض المسلمي
محمد أبوالعزائم أبوالريش
ناصر المحسى
عزام حسن فرح
حبيب نورة
محمد عبدالله مختار
حاتم علي
جعفر محي الدين
حمور زيادة
عمر عشاري
عبد الحكيم نصر
Balla Musa
Yassir Tayfour
احلام وهبي
Magdi Ahmed Elsheikh
فيس بوك
تويتر
انستقرام
يوتيوب
بنتيريست