|
|
 إعترافات أصلع : بلا تيسير عووضه بلا طحنيه !!!!
|
توطئه و توضيح :
( بلا تيسير عووضه بلا طحنيه ) الفي العنوان ما ملفوحه و لا عندها علاقه ب ( بلا تيسير عووضه بلا طحنيه ) الكتبتها داليا مرة تمبس في بوست خليل : أي تشابه بين الجملتين لا يوجد إلا في خيالكم المريض !!!
|
|
 
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
لم تشكل صلعتي أي عائق في حياتي العاطفيه , لم تمنعني (مِراحي) لكني كنت دائما مطالبا بمجهود مضاعف حيث تلعب الصلعه في الاتجاه المعاكس لما يحب (الجكس ) و يرضي !!
كان لزاما علي أن أكون ( عميقا ) (ظريفا ) (لطيفا ) حتي أكون مع (الفالحين ) في بنشات المين !!
لم أشعر باي نقص من جراء صلعتي لا في الجامعه لا قبلها لا بعدها إلا حينما فتحت المدعوه تيسير عووضه بوستها التعيس :
مُشـاط الرجال ..
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
التحيه لكل الصلع في المنبر و المنابر المجاوره ، التحيه لقمرنا المنير بوبا ، لمولانا محمد المرتضي ، لطارق جبريل .
التحيه لطارق الأمين ، لحمور لكل الرجال من غير حاملي الخلايا المنبته لشعر الراس ، التحيه لكل من عرفنا أو سمعنا بصلعته و كل من لم نعرف أو نسمع بها .
التحيه لبكري ابوبكر و صلعته الشريفه قدس الله سرها !!!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
و الخزي و العار لتيسير عووضه و كل من شارك في بوستها التعيس !!
الخزي و العار لمن يفتحون و يشاركون في بوستات تدبج فيها المقالات إعجابا و إطراء في تيسير عووضه !!!
الخزي و العار لكل من ميز ضدنا - نحن صلع الله في أرضه - فلا راعي مشاعرنا و لا رحم احساسنا !!
و الخزي و العار لاماني الأمين و لاميره الشيخ ساي كده بس !!!
| |
|
|
|
|
|
|
|
|
 Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
Quote:
فوائد الصلع
1- تعتبر الصلعة بمثابة مراية وعاكسة لأشعة الشمس
2- الأصلع إذا أنضرب في رأسه ما يحتاج يحلقو له عشان الخياطة, على طول يخيطوا رأسه يعني فيها راحة للدكاترة
3- الأصلع شخص يسهل تمييزه مهما كان المكان مزدحما.
4- تتحرر ميزانيته من مصروفات الحلاقة والشامبو والكريمات والمشط وغيرها
5- إذا تورط في جريمة فمن الصعب أن يترك »شعرة«في مكان الحادث تسهل وصول الشرطة إليه.
6- يبدو مغريا وجذابا للأطفال ويصادقهم بسهولة.
7- لن تستطيع العواصف ولا الرياح الهائجة أن تفسد تسريحة شعره!
8- تثق فيه زوجته أو حبيبته أكثر من منطلق انه لا توجد امرأة تسرق رجلا أصلع من امرأة أخرى.
9- إذا تورط في مشاجرة فلن يجذبه احد من شعره.
10- لو كان ممثلا فسيحصل علي ادوار مهمة مثل وزير، رجل أعمال، مجرم دولي، رئيس مجلس إدارة شركة.
|
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
ماهر يا حبيبنا Quote: يا أبو الصحب ،، نحن معكم فى نفس الزورق ،، وأتذكر نكتة لأحد أصحابى :
قال والله بقيت تغسل وشك من نص راسك ،، ولم أجد أبلغ من هذا فى وصف الصلع
مع التحية لجميع من يغسلون وجوهم من نصف رأسهم ،، والإدانة التامة لتيسير إذا تفوهت شيئاَ ضد ذلك .
المتصلع الأممى ماهر بن محمد بن صالح |
إن شاء الله يكون عندك صلعه صلعه ، حاجه كده بتاعت رجال ما جلحات و الكلام الني ده !!!
كمان لو ساعدتنا بصوره عشان نلحقها أسبوع (صلعه و بفتخر !!! ) تكون ما قصرت والله !!!!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
رغيم الأب Quote: احسن حكمة سمعتها عن المصلعين البوردابي الذي احتج علي
طارق جبريل قال مفروض زول يكون عنده صلعة وجيهة زي صلعة طارق حبريل
ما يكون مريخابي |
صلعة طارق جبريل عميقه و وضيئه و سئيلي الله شفت ليه صوره هنا جاني إحساس إنو الزول ده اتولد بيها !!
--------------
صلعة طارق يا رغيم اخترناها شعار للجمعيه بالاجماع السكوتي !! 
| |
|
|
|
|
|
|
|
|
 Re: إعترافات أصلع : بلا تيسير عووضه بلا طحنيه !!!! (Re: نصرالدين صلاح)
|
Quote: كان لزاما علي أن أكون ( عميقا ) (ظريفا ) (لطيفا ) حتي أكون مع (الفالحين ) في بنشات المين !!
لم أشعر باي نقص من جراء صلعتي لا في الجامعه لا قبلها لا بعدها إلا حينما فتحت المدعوه تيسير عووضه بوستها التعيس : |
أنت يا عمك مصلع من قبل ما تخش الجامعه !!!
تبش تبش عجور الصلعه تولع نور
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
Quote: أنا ماشي صلاة الجمعه و لن أكف عن الدعاء :
اللهم يا مجيب الدعوات ، أسالك لاماني الأمين و تيسير عووضه : عرسانا صلعا (ما جلحات ) !!! |
الاخ امين اضحك الله سنك ياخ
اللهم لا شماتة يا اماني وتيسيسر لكن غايتو دعوة اخونا اين دي قطعت مصاريني بالضحك
وذكرتني نكتة يا امين يا خوي
والدي رحمه الله كان مدير مدرسة ودائما يحكي لنا عن نوادر تلاميذه فى المدرسة الابتدائية وفي الداخليات المره بها
مرة حكي لينا في احدي قري ضواحي مدينة القضارف
انه في الطابور المعلم المسؤل حايم فى الاولاد احلقوا شعركم والبجي مخنفس لي برجعوا البيت
ونسيت اقول ليك ابوي الله يرحمه صلعته نوع صلعة فى النص كبيرة لي نهاية الرأس والشعر كثيف وغزير بالجنبتين
اها زرزرة الشفع خلتهم كلهم تاني يوم يجو حالقين ما عدا واحد فى اولي ابتدائي كان شكلو غريب
جاري نص شعرو حالقو والباقي مكوم بالجنبات
اها المدرس جراهو ونهره قدام الاولاد والمعلمين فى الطابور .. يا واد انت بتحلق بالتقسيط ؟؟ مالك حالق نص ومخلي الباقي؟؟؟
قال ليهو لا يا استاذ بس انا داير اسرح زي عمي الناظر دة
طوالي عمو الناظر حلف انه الطفل البريء ممنوع من العقاب وكانت نكتة فى المدرسة والقرية
دحن يا بوي لا تيسير ولا اماني صلعتكم حبابا
وراها فهم وعلم وفكر
شكرا للبوست الظريف
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
الخال امين
سلامات
| Quote: شكرا علي الدعم و المؤازره يا ياسر لكن إنت متلبط فينا ساي !!! |
اتلبط فيكم شنو يازول وانا شعري بقي علي المشاط
انا داعمكم بس عشان انتو اصحابي
انت وتارك اللمين (كمان اليومين ديل عامل ليهو شعر مستعار ... نظام المشتهي الحنيطير وكده )
وطار جبرين
اهاباقيلك كرتونة كرتونتين مابيحسمو الموضوع
خالص الود
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: Tabaldina)
|
Quote: الاخ امين اضحك الله سنك ياخ
اللهم لا شماتة يا اماني وتيسيسر لكن غايتو دعوة اخونا اين دي قطعت مصاريني بالضحك
وذكرتني نكتة يا امين يا خوي
|
يا أسماء ، لو ربنا إستجاب لدعاي و تيسير ولا أماني عرسو ليهم واحد صلعه ، بجيب ود الصايم و نجيهم في الكوشه و في وش العريس نصرخ ليهم ( كاااااااااااااااك ) !!!!
Quote: ونسيت اقول ليك ابوي الله يرحمه صلعته نوع صلعة فى النص كبيرة لي نهاية الرأس والشعر كثيف وغزير بالجنبتين
|
من وصفك يا أسماء الوالد عليه رحمة الله كان عندو صلعه اسمها (الغتيته ) اللي هي بتبتدي من النص و بعد داك تنشر و دي من أسوأ الصلعات لا تفوقها في السوء إلا ( البلاطه ) و دي في المنبر مافي إلا عند طارق جبريل !!!
إن شاء الله حا أجيب الكلام ده كلو بالتفصيل و بصور توضيحيه عشان الناس تستفيد !!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: طارق الأمين)
|
طارق الأمين يا حبيبنا Quote: يا ناس الصلع
انتو فاهمننا غلط
نحن كاصحاب شعر ماحصل نظرنا ليكم كده
انتو المتحسسين
وحات شعري ماحصل نظرت ليكم نظره زي دي
عشان كده تستاهلو انو تجيكم صلعه في نص ام حله نافوخكم زاتو
خلوكم في صلعكم
وخلونا في شعرنا
بسسسس
دا شنو دا |
شايفك نكرتنا حطب !!
ياخي نحن كنا ديرين نديك رئاسة مجلس الأداره تطلع مستلب و كاره ذاتك ؟!!
-----------
عليك الله - تحت تحت كده - لمن أجي السودان شوف لي باروكه ، لكن كمان ما تكون ظاهره زي حقتك دي !!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
Quote: اتلبط فيكم شنو يازول وانا شعري بقي علي المشاط
انا داعمكم بس عشان انتو اصحابي
انت وتارك اللمين (كمان اليومين ديل عامل ليهو شعر مستعار ... نظام المشتهي الحنيطير وكده )
وطار جبرين
اهاباقيلك كرتونة كرتونتين مابيحسمو الموضوع
|
و لانو نحن عارفين شعرك بقي علي المشاط ، قلنا ليك إنت متلبط فينا !!
بعدين كرتونه كرتونتين شنو ياخ ؟ نحن ريسينا دي أسهل تزرع فيها نخله مما تقِّوم فيها شعر !!!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
Quote: ياخي نحن كنا ديرين نديك رئاسة مجلس الأداره تطلع مستلب و كاره ذاتك ؟!!
|
شكراً يا دكتور أمين لكن مستلب وكاره ذاتك قلبت فيها الهوبة عديل
بالمناسبة يمكن ان تضيف الى فوائد الصلع المذكورة اعلاه انك ممكن تقلب الهوبة وما بتجيك الحبة
تخريمة
هذه المساهمة للتضامن الانساني مع جمعية صلع بلا حدود
و
للتعبير عن اعجابى الشديد بالمواضيع التى تطرحها في هذا المنبر
عبدالعزيز حسن علي
متضامن الى الان لكن الظروف ما معروفة
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: عبدالعزيز حسن على)
|
ود الحبيب يا حبيبنا Quote: بروف أمـين .. سلامات
أحـد أصحابي يؤكـد أن للدخان .." دخان الطلـح"
مفعـول السحـر في إنبات الصـلعـة ..
صـديقنا الأصـلع سابقا صار يباهي بشعـره
ولكنه رفض بشـدة الحـديث عـن كيفية تدخين
الصلعـة ..
للفائدة العامـة وكـده :
أجيبو ليكم هنا تقنعـوهو ?! |
الله يرضي عليك ما تجيبو : ما ممكن تبقي علينا صلعه و عدم شددان حيل !!!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
عبد العزيز يا حبيبنا Quote: شكراً يا دكتور أمين لكن مستلب وكاره ذاتك قلبت فيها الهوبة عديل
|
دي مصطلحات سيدنا بشاشا قدس الله سره ، هسي كان جا بطلعنا نحن ذاتنا معلوفين بامباز غزاتنا !!!
Quote: هذه المساهمة للتضامن الانساني مع جمعية صلع بلا حدود
و
للتعبير عن اعجابى الشديد بالمواضيع التى تطرحها في هذا المنبر
عبدالعزيز حسن علي
متضامن الى الان لكن الظروف ما معروفة |
ياخي شكرا علي المرور و التضامن اللي محتاجين له بشده .
من أهم أهداف (صلعاء بلا حدود ) إنو نعامل معاملة ذوي الأحتياجات الخاصه : نحن محتاجين دعم نفسي شديد : قصة انك ما يكون عندك شعر بقدام دي قصه صعبه جدا و بتديك إحساس إنو الناس ( م س ت وس خ ا ك ) و مافي زولك بحبك و لا بحترمك ، فدحن بالله أحمد الله علي شعرك ده و أسالو لينا يلزمنا الصبر !!!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
| Quote: يا أسماء ، لو ربنا إستجاب لدعاي و تيسير ولا أماني عرسو ليهم واحد صلعه ، بجيب ود الصايم و نجيهم في الكوشه و في وش العريس نصرخ ليهم ( كاااااااااااااااك ) !!!! |
كيكي عوض كيكي
مرشح وموهل لتمشيطة (سودان قفل) ولكن ابت نفسي الا ان اتضامن مع الاخوة ضيوف الرحمن من ذوي الصلع
وبالذات طارق جبريل المولود بيها وطارق الامين الداسي كورة الصلعة عبر وسائط ادروبية والدكتور امين واخريين
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
امين يا عسسل !
والله ضحكتااااا من الصباح ضحك شديد
رغم انى صحيت مغمووومة شكرا ياخ ..
بالذات لم ركبت مكنة بشاشا لووووووووب
دى ما حصلت ختيتها لى طارق فى حنانو ..
عارف ::
هى الصلعة براها ما مشكلة لكن بتستفحل مع
البدلة .. على اصحاب الصلع بالكاجوال دايما ..
واهديك هذه الخزعبلات لقيتها لافه فى البورد
فى مداخلة لبيناوي لتهديها لهم هو انت سائل فيهم!؟
تبالك ياشناب ...
وتبا للثعابين والثعالب والذئاب ...
وتبالكبسور ... وحيدر الزين ... وابو الشباب ....
ياخ تباللساكنين مدن الضباب
تبا للسيد المسلمي ... وداليا الكباشي ... وزميل البورض
تبا لي كيكي وحميدة
تيا للدنيا الجديد
وتبا لشاعر اغنية الجريدة
ياخ تبا للشال قريشاتي وخلاني علي الحديدة
تبا لدكتور تروتا ... وفريد اند امين
تبا لبيت الفنون وتارك اللمين
وتبا للمريح وهلال الملايين
ياخ تبا للجمكسين
تبا لتروتسكي وبدر الدين اسحق
تبا للساكنين واق الواق
وتبا للعزابة والعشاق
ياخ تبا للحاج وراق
تبا لياسر عرمان وعسكوري
تبا لكل سائق ماعندو بوري
وتبا للفنان قرقوري
ياخ تبا لوائل كفوري
تبا للعوض المسلمي العايز يعمل جمعيةعمومية
عشان يزوغ من رئاسة بورداب الخرطوم
وتبا لبوابة عبد القيوم
ياخ تبا لام كلثوم
تبا لود الصايم الجايم الجنو كاكات
تبا لكل زول عامل حركات
وتبا للكرهني البلي والجات
ياخ تبا لكل الحاجات
تبا لوهبة ... واحمد حنين
تبا للفنان ود اللمين
وتبا لعيسي الزين
ياخ تباللناس الزعلانين
تبا للعرقي النضيف
تبا لصبري الشريف
وتبا لوليد عبد اللطيف
ياخ تبا للمثل المصري وحيد سيف
تبا لهشام هباني
وناس الفريق الوراني
وتبا لتيسير النوراني
ياخ تبا لشركة سوداني
تبا لعطر نسائي ... وعابر سرير
تبا لموقف ابو جنزير
وتبا للحوش الكبير
ياخ تبا للسمؤال بدر الدين وبكري الخير
تبا لصلاح ابودية وكبري المنشية
وتبا للبعيو ومحجوب كبوشية
وتبا لتاجوج والمحلق وريا
ياخ تبا لبورداب السعودية
تبا لشول اشوانق ... وتهاني ابو سن
تبا للعامل فيها نصيح وهو راكبو جن
وتبا لقانون السن بالسن
ياخ تبا لسكان قرية امن
تبا للزوول والزول ذاتوو
تبا للجونا والفاتو
وتبا لعمات حركاتو
ياخ تبا لعيسي حياتو
تبا لكمال سالم ومعتز القريش
تبا لدينا خالد وسلبونا وابوحشيش
وتبا للاحتياطي والنجدة والفيش
ياخ تبا لزميل المنبر عليش
تبا لحمور زيادة ... وتراجي مصطفي
تبا لصاحب عمود وكفي
وتبا للكان معانا واختفي
ياخ تبا لمصنع الشفاء
تبا لسارة علي وحنين للبلد
تبا لاشراقة مصطفي ... واميمة مصطفي سند
وتبالناجي الملك ومعروف سند
ياخ تبا جد جد
تبا لاسماعيل حميم
تبا لعماد الشبلي وابراهيم عبد الحليم
وتبا للدوش ووردي ... والحزن القديم
ياخ تبا لقصي مجدي سليم
تبا لمحمد سابل
وتبا للكاتب الصحفي عبده قابل
وتبالصاحب الايادي علي السنابل
ياخ تباللحابل والنابل
تبا لشادية عبد المنعم ... وخالد ماسا ... وقيقراوي
تبا لسمير شيخ ادريس ... وبشري محمد حامد ... ومصعب الصاوي
وتبا لماو وراشد وراق والجريفاوي
ياخ تبا لبيت الكلاوي
تبا لعصمت الدسيس ... وبهاء بكري ... وهميمة
تبا لايزابيلا ومدحت غفيفي والعشرة القديمة
وتبا لباعة اللبن سليمة
ياخ تبا للزكري الاليمة
تبا لبكري ابوبكر.... وعادل عبد العاطي
تبا لنور تاور ... وعبدالله عيدروس ... وناس حي الشاطي
وتبا للعالي والواطي
ياخ تبالسكان القطاطي
تبا للبنية السميحة المسخت الهنديات علي
وتبا للبت الصارت وردة
وتبا للحاف والمرتبة والمخدة
وتبا لبورداب جدة
ياخ تبا لديك العدة
اقول ليك حاجة
تبا لياسر بيناوي
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: احمد الأمين على إدريس)
|
Quote: كيكي عوض كيكي
مرشح وموهل لتمشيطة (سودان قفل) ولكن ابت نفسي الا ان اتضامن مع الاخوة ضيوف الرحمن من ذوي الصلع
وبالذات طارق جبريل المولود بيها وطارق الامين الداسي كورة الصلعة عبر وسائط ادروبية والدكتور امين واخريين |
يا خليل عبد الكريم الأمين
ياخي نحن محتاجين أكتر من التضامن ، بالله لو في إمكانية تبرعات نشتري لينا تيراب شعر نزرعو في رسينا دي عسي أن يحيل الله صحاري نجد التي في رؤسنا إلي جنات تسر الناظرين !!!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: عمر التوم)
|
يا نوتة
عندنا في البلد اتنين عمايا (رد الله بصرهم) واحد فيهم وهو قاعد في محله ماكل شارب ولابس ومتريح وعايش رفاهية عالية لانو الناس متعاطفة معاه هدايا من الخليج والتاني بزرع واطة الالله دي وبحش القش بشرب لبن السعايا وما بقبل عطايا
بعد شوية حصلت مقارنات قالوا ليه رفيقك يلقح في البلح وما بشيل هدية من زول..وانت مرطب كدة وبدت العطايا وعلب البينسون تقطع فأخينا اتضرر ...ركب مشي لرفيقه قال ليه يا خي انت مش عميان؟؟ما تقعد في بيتك ياخي..شلت حس العمايا ياخ
فياخي شلت حسنا الله يشيل حس صلعتك دي ياخ
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: عمر التوم)
|
يا نوتة
عندنا في البلد اتنين عمايا (رد الله بصرهم) واحد فيهم وهو قاعد في محله ماكل شارب ولابس ومتريح وعايش رفاهية عالية لانو الناس متعاطفة معاه هدايا من الخليج والتاني بزرع واطة الالله دي وبحش القش بشرب لبن السعايا وما بقبل عطايا
بعد شوية حصلت مقارنات قالوا ليه رفيقك يلقح في البلح وما بشيل هدية من زول..وانت مرطب كدة...ركب مشي ليه قال ليه يا خي انت مش عميان؟؟ما تقعد في بيتك ياخي..شلت حس العمايا ياخ
فياخي شلت حسنا الله يشيل حس صلعتك دي ياخ
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: saadeldin abdelrahman)
|
أخونا عمر التوم كروز | Quote: الواحد ممكن براحة يتعايش مع الحاجة دي و(يستشعر) جمالياتها , و(يغذي ) المشاعر دي ويقويها من (جذورها )منعا (للتساقط) |
ياخي نحن مجموعه من الرجال ابتلانا الله تعالي بخلايا غير منبته لشعر الراس ، عني شخصيا الموضوع ده بقي ما بهز فينا (شعره)
في مرحله عمريه معينه كنت كاره ذاتي و هسي إتصالحت مع نفسي : لكن في ناس كتار ما متصالحين مع نفسهم ، كلامك و مطاعنتك ليهم بتاذيهم فهلا اعتذرت لهم مشكورا ؟
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: حسبو عكاشة)
|
التوم كروز يا حبيبنا Quote: اسف جدا لكل من تضايق من ما سطرته احرف كيبوردي , وللجميع العتبى حتى يرضوا يادكتور
الكل اخو ة اعزاء نكن لهم التقدير والاحترام .
|
زي ما قلت ليك : أنا ما إستئت من كلامك لاني متصالح مع نفسي ، لكن ناس قمر الحقد الأصلع و طارق الأمين و باقي الصلع المستلبين ديل ، ما أظنهم يقبلو اعتذارك !!! Quote:
بكري قال ليك حاجة ؟؟؟ |
سيدنا بكري قدس الله سره و سر صلعته الشريفه مستاء منك تماما ، و قال لي التوم كروز بشعرو ده حقو الواحد يحلق ليه كم شهر كده ، أنا حلفت ليه انك صلعه بطن كراع بس ، فبالله لو طلعت جيناتك المنبته للشعر شغاله : ما تجيب لينا صورتك هنا !!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
Quote: رمقني محمود الحلاق بنظره حانيه ، و بصوت خفيض تمتم قائلا :
- يا زول إنت أحسن تاني تسرح لقدام !!
- أسرح لقدام ليه ؟
- عشان تغتي الصلعه دي !!
نزلت هذه الكلمات علي كسورة الزلزله |
يا دكتور أمين وينك يا راجل
تصدق القصة المؤسفة الفوق دي حصلت لي برضو قبل عدة سنوات، وقمت بحلها بطريقة سهلة جداً وهي إنني لم أذهب إلى الحلاق صاحب تلك العبارة المزلزلة أبداً بعدها. مرت سنوات ذهبت بعدها إلى حلاق (يا أخي حلاقة) في أحد مراكز التسوق الراقية فسألتني سؤالآ من كلمة واحدة نكأت بها كل الجراح القديمة: صبغة؟
الآنا أعدت كل هذا التاريخ غير المجيد ببوستك هذا...
تحياتي
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: محمد عثمان ابراهيم)
|
يا دوك على مر التاريخ و الأزمان تعارف الناس على تميز صاحب الصلعة
عادةً يكون كاتب شاعر مفكر عالم اقل شي بكون مثقف و بالعدم مثقفاتي لكن النوع النجيض
كان في الكورة بكون لعّاب و اشول غالبا
الصلعة مدعاة للفخر يا دوك هي وصنوتها الكرش
وما تتخيل كم كانت دهشتي عظيمة واحباطي اعظم عندما قابلت طلحة تنظير للمرة الأولى و اكتشفت أن لاصلعة له ولا كرش
حتى سالتو إنت قاعد تنظّر كيف يازول وأنت تفتقد الأدوات اللازمة لذلك
ولولا إنو لقب تنظير سار عليه و خال لسحبته عنه بلا تردد
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: معاوية المدير)
|
Quote: وما تتخيل كم كانت دهشتي عظيمة واحباطي اعظم عندما قابلت طلحة تنظير للمرة الأولى و اكتشفت أن لاصلعة له ولا كرش حتى سالتو إنت قاعد تنظّر كيف يازول وأنت تفتقد الأدوات اللازمة لذلك
ولولا إنو لقب تنظير سار عليه و خال لسحبته عنه بلا تردد |
.. .. والله الكلام الفوق دا ما يكتبو زول إلا يكون عندو صلعة .. الأخ مع ناس أمين ديل في الجمعية دي ..؟ طيب داسيها مالك ..؟ ..
يا أمين ..
أول ما انتهيت من قراية البوست حقك دا .. اتحسست راسي طوالي .. .. ياخ كتابتك عميقة ومعبره بتدل على انك متصالح مع (شعــورك) .. التحية للطحنية ولي تيسير عووضة .. التي رمت حجرا في بركة السكون وفتحت الباب على مصراعيه لمناقشة هذه القضية الحساسة..
من ناحية أخرى ..
والله انا متضامن معاكم شديد .. لانو قبل كدا جاتني صلعة مؤقته .. (سعلبه) .. تلاتة شهور انا شايف ليك الدنيا دي مسيخــه خلاص .. اي زول اللقاهو حالق يا بيسرح في شعرو .. بخط تحتو مية خط .. قطعت علاقاتي مع اي زول بيعمل (قطعية) .. الهنود والفلبينيين ديل بشتبك ليك معاهم بدون اي سبب
المهم
طلعت من التجربة دي بي فهم جميل وفلسفة عميقة .. إنو الصلعة دي حاجة اصلو ما كويسة
ولذلك ..
ما تشبكنا متصالح مع نفسي .. والعلماء وتقوم تصنف لينا أنواع الصلع كمان .. يازول الصلعة دي تجي للعدو عديل كدا ..
والله يا امين الواحد كان يتمنى إنو يقول كلام غير دا .. لكن دي النجيضة حقتي .. والموضوع دا ما بجامل فوقو لاني جربتو .. وشفت الفرق بين إنك ما يكون عندك شعر .. وبين عندك شعر تتحكم فوقو وتسرح بي الطريقة البتعجبك ..
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: عثمان عووضة)
|
| Quote: نحن راسنا دا سوينا بيهو وفيهو كل حاجة -- الدايرنو والمادايرنو --بعد دا كان دايرين تقطعوه ترموه ماعندنا بيهو شغلة |
..
يا زميل كدي دقيقه ياخ .. كلامك دا ممكن اي واحد من المصلعين ديل يجي يستخدمو لي صالحو ..
ياخ بتك واللا ولدك ما عارف تيسير دي تدردق في الجماعة بي جاي .. وجاي .. وحسع دي في العام الفين وعشرة عايز تطلع فتوى بي إنو الصلعة دي يمكن التصالح معاها ..
ياخ من خبرتك دي يا حاج حقو تعمل للجماعة ديل بحث عن الصلعة وإنها ممكن تتعب نفسيات الواحد كيف ..
متمني يوم واحد بس في حياتي .. يكون عندك شوية من الغتاتة العند قريبتك تيسير دي
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: Amany Elamin)
|
الأمور بدلالاتها
Quote: مر دريد بن الصمة بالخنساء بنت عمرو بن الشريد، وهي تهنأ بعيراً لها وقد تبذلت حتى فرغت منه، ثم نضت عنها ثيابها فاغتسلت ودريد بن الصمة يراها وهي لا تشعر به فأعجبته؛ فانصرف إلى رحله
وأنشأ يقول:
حيوا تماضر واربعوا صحبي وقفوا فإن وقوفكم حسبي
أخناس قد هام الفؤاد بكم وأصابه تبلٌ من الحب
ما إن رأيت ولا سمعت به كاليوم طالي أينقٍ جرب
متبذلاً تبدو محاسنه يضع الهناء مواضع النقب
متحسراً نضح الهناء به نضح العبير بريطة العصب
فسليهم عني خناس إذا عض الجميع الخطب ما خطبي
- قالوا: وتماضر اسمها. والخنساء لقبٌ غلب عليها - فلما أصبح غداً على أبيها فخطبها إليه. فقال له أبوها: مرحباً بك أبا قرة ! إنك للكريم لايطعن في حسبه، والسيد لايرد عن حاجته، والفحل لا يقرع أنفه. - وقال أبو عبيدة خاصة مكان " لا يطعن في حسبه " لا يطعن في عيبه " - ولكن لهذه المرأة في نفسها ما ليس لغيرها، وأنا ذاكرك لها وهي فاعلة. ثم دخل إليها وقال لها: يا خنساء، أتاك فارس هوزان وسيد بني جشم دريد بن الصمة يخطبك وهو من تعلمين،
ودريد يسمع قولهما. فقالت: يا أبت، أتراني تاركة بني عمي مثل عوالي الرماح وناكحةً شيخ بني جشم هامة اليوم أو غدٍ !. فخرج إليه أبوها فقال: يا أبا قرة قد امتنعت، ولعلها أن تجيب فيما بعد. فقال: قد سمعت قولكما، وانصرف. هذه رواية من ذكرت. وقال ابن ال######ي: قالت لأبيها: أنظرني حتى أشاور نفسي، ثم بعثت خلف دريد وليدةً فقالت لها: انظري دريداً إذا بال، فإن وجدت بوله قد خرق الأرض ففيه بقية، وإن وجدته قد ساح على وجهها فلا فضل فيه. فاتبعته وليدتها ثم عادت إليها فقالت: وجدت بوله قد ساح على وجه الأرض، فأمسكت. وعاود دريد أباها فعاودها فقالت له هذه المقالة المذكورة؛ ثم أنشات تقول:
أتخطبني، هبلت، على دريدٍ وقد أطردت سيد آل بدر !
معاذ الله ينكحني حبركى يقال أبوه من جشم بن بكر
ولو أمسيت في جشمٍ هدياً لقد أمسيت في دنسٍ وفقر |
الهذا قالت إحداهن:
أريته أب صلعة طاير.
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: ABUHUSSEIN)
|
يا محمد عثماننا الذي نحب ، سلام عليك يا رجل Quote: تصدق القصة المؤسفة الفوق دي حصلت لي برضو قبل عدة سنوات، وقمت بحلها بطريقة سهلة جداً وهي إنني لم أذهب إلى الحلاق صاحب تلك العبارة المزلزلة أبداً بعدها. مرت سنوات ذهبت بعدها إلى حلاق (يا أخي حلاقة) في أحد مراكز التسوق الراقية فسألتني سؤالآ من كلمة واحدة نكأت بها كل الجراح القديمة: صبغة؟
الآنا أعدت كل هذا التاريخ غير المجيد ببوستك هذا...
تحياتي |
ياخي إنت علي الأقل عندك واحده بس ، أخوك عليه الاتنينن : شيب و صلعه !
لمن أمشي السودان الفرد - و كلنا دفعه وحده - بتبرو منو التبري الواحد ده فما عندنا سكه غير الحنك بتاع شباب القلب ده !!!
| |
|
|
|
|
|
|
|
|
|
Re: إعترافات أصلع : بلا تيسير عووضه بلا طحنيه !!!! (Re: أمين محمد سليمان)
|
البشري يا صديق المدارات البعيده ، سلام Quote: يا دوك على مر التاريخ و الأزمان تعارف الناس على تميز صاحب الصلعة
عادةً يكون كاتب شاعر مفكر عالم اقل شي بكون مثقف و بالعدم مثقفاتي لكن النوع النجيض
كان في الكورة بكون لعّاب و اشول غالبا
|
الصلع كلهم عميقين يا البشري لانو ما عندهم سكه تانيه !!
مشكلة الصلعه انها بتجيك في سننين المراهقه و اللي فيها معظم إهتمامات الشباب بتكون موجهه لحتات معينه ،
لو جاتك صلعه بدون ما تفكر و بال subconscious بس بتحاول تلحق السوق و تعوض النقص الفي راسك من بره بزياده ما في راسك من جوه لانو ما ممكن بلا خلقه ولا عماقه !!! مافي دكاترة علم نفس في بورد الجن ده يجو يحللو العلم البنجدع في في طرقات المنبر التعيسه دي ؟!!
Quote: الصلعة مدعاة للفخر يا دوك هي وصنوتها الكرش
وما تتخيل كم كانت دهشتي عظيمة واحباطي اعظم عندما قابلت طلحة تنظير للمرة الأولى و اكتشفت أن لاصلعة له ولا كرش
حتى سالتو إنت قاعد تنظّر كيف يازول وأنت تفتقد الأدوات اللازمة لذلك
ولولا إنو لقب تنظير سار عليه و خال لسحبته عنه بلا تردد |
الكرش و تعرف عندنا إصطلاحا بال (الكاء ) و هي من أتعس و أقبح ما يمكن أن يكون في بني أدم : راجل ولا مره ، صغير ولا كبير و كونك تقول انها و الصلعه صنوان بتطلب منك إعتذار صريح و واضح لينا نحن الذين طمس الله خلايانا المنبته لشعر الراس !!
الكرش و الصلعه ديل إنت اتخيلتهم في الأخطبوط طلحه حساده منك ساي !! أنا متخيلو وسيما عميقا - زي كتابتو - و خلاياه المنبته لشعر الراس شغاله تش !!!
| |
|
|
|
|
|
|
|
|
|
Re: السلام عليكم ورحمة الله (Re: البدري عبد الله)
|
سلام غير يا ناس
كتب ماهر
| Quote: قال والله بقيت تغسل وشك من نص راسك ،، ولم أجد أبلغ من هذا فى وصف الصلع |
يا دكتور أمين كونك تصرح انك ماشي صلاة الجمعة بعد استيتمينت زي دا متجاوز الحرج ( الفقهي ) في مسألة الغسيل من نص الراس دي خفة ( علمية ) ما بتتماشى مع شهاداتك الرفيعة
بما انكم عدمانين شعر ركزوا في الاخلاق و العلمية و الحاجات الزي دي بالله . . ما يطلع نصيبكم فيها كحظكم مع الشعر . .
انا بعمل لي في بحث - ما بتاع دكتوراة و لا حاجتين . . ساي كدا - و بدرس في علاقة الشعر بالشعور . . . و صراحة النتائج ما في صالحكم
------
اوع خيالك الامار بطوف في اني معاكم . .
الا دي . . دي عماكم فيها براكم يا عمك
ياخ مشتاقين رسمي و الله
| |
|
|
|
|
|
|
|
|
|
Re: السلام عليكم ورحمة الله (Re: قيقراوي)
|
| Quote: انا بعمل لي في بحث - ما بتاع دكتوراة و لا حاجتين . . ساي كدا - و بدرس في علاقة الشعر بالشعور . . . و صراحة النتائج ما في صالحكم |
--
قيقا حمد الله علي السلامه :)
| |
|
|
|
|
|
|
|
|
|
Re: السلام عليكم ورحمة الله (Re: تيسير عووضة)
|
| Quote: يا أبصلعة بالمناسبة أنا لسة ما جيت للبوست دا ولم أنصب خيمتي عنده بعد! |
و الله يا تيسير الأستحو ماتو !!
بالله عندك عين تجينا هنا بعد (مشاط الرجال ) ؟!
بدون إعتذار لكل الرجال الذين طمس الله خلاياهم المنبته لشعر الراس : وجودك غير مرغوب به في هذا البوست !!
| |
|
|
|
|
|
|
|
|
|
Re: السلام عليكم ورحمة الله (Re: أمين محمد سليمان)
|
سلام يا توت عنخ امين
ياخ مالك زعلان................... ولمتين يعنى ح نغنى........ ليه بنهرب من مصيرنا
انت ما عارف انو الصلع دى المشاهير بفتشو ليها بالكريمات وما لاقينها
شوف مثلاً عندك بريتنى اسبيرس
بعدين ما سمعت الحكمه البتقول..........وراء كل رجل حكيم صلعه
| |
|
|
|
|
|
|
|
|
|
Re: السلام عليكم ورحمة الله (Re: محمد زكريا)
|
هذه القصة من أجمل القصص تبين لماذا خلق الله الألم والمعاناة
Quote: ذهب رجل إلى الحلاق لكي يحلق له شعر رأسه ويهذب له لحيته
حتى بدأ بالحديث معه في أمور كثيرة .
إلى أن بدأ الحديث حول وجود الله..
قال الحلاق :- أنا لا أؤمن بوجود الله
’قال الزبون :- لماذا تقول ذلك ؟ قال الحلاق :- حسنا ،
مجرد أن تنزل إلى الشارع تدرك بأن الله غير موجود،قل لي،
إذا كان الله موجودا هل ترى أناسا مرضى؟
وإذا كان الله موجودا هل سترى هذه الأعداد الغفيرة من الأطفال المشردين ؟
طبعا إذا كان الله موجودا فلن ترى مثل هذه الآلام والمعاناة .
أنا لاأستطيع أن أتصور كيف يسمح ذلك الاله الرحيم مثل هذه الامور.
فكر الزبون للحظات لكنه لم يرد على كلام الحلاق حتى لا يحتد النقاش وبعد أن انتهى الحلاق من عمله مع الزبون . .
خرج الزبون إلى الشارع فشاهد رجل طويل شعر الرأس مثل الليف، طويل اللحية، قذر المنظر، أشعث أغبر، فرجع الزبون فورا إلى صالون الحلاقه . . .
قال الزبون للحلاق :- هل تعلم بأنه لايوجد حلاق أبدا،
قال الحلاق متعجبا كيف تقول ذلك . .
أنا هنا وقد حلقت لك الان ‘قال الزبون ‘ لو كان هناك حلاقين لما وجدت مثل هذا الرجل
قال الحلاق بل الحلاقين موجودين . .
وأنما حدث مثل هذا الذي تراه عندما لا يأتي هؤلاء الناس لي لكي أحلق لهم (واخد بالك ياخال)
قال الزبون وهذا بالضبط بالنسبة إلى الله . . .
فالله موجود ولكن يحدث ذلك عندما لا يذهب الناس إليه عند حاجتهم . . .
ولذلك ترى الآلام والمعاناة في العالم |
خالو أمين لو سمحت,,
تقدر تحسب لي كلمة حلاق ذُكرت في القصه دي كم مره؟
| |
|
|
|
|
|
|
|
|
|
Re: السلام عليكم ورحمة الله (Re: Amany Elamin)
|
Quote: بعدين يا دكتور أمين إنت احد اهم المسببات الرئيسية لصلعتك هي الدكتوراة الاقتلعتها بالقوة دي
جابدتها كدا لمن حتت شعرك |
يا حسبو بالله ما تحاول تلقي لي مبررات في موضوع صلعتي دي : أخوك مصلع منذ كان في المهد صبيا !!
| |
|
|
|
|
|
|
| |
أمين محمد سليمان
Balla Musa
انور التكينة
حذيفه ابراهيم الكباشي
عمر التوم
osman righeem
منتصرمحمد زكى
عثمان محمد كرار
نصرالدين صلاح
مرتضى احمد عبد القادر
العوض المسلمي
khaleel
ياسر بيناوي
اسماء الجنيد
Abd Alla Elhabib
عبدالكريم الامين احمد
محمد عبد الماجد الصايم
دينا خالد
سارة علي
احمد الأمين على إدريس
saadeldin abdelrahman
حسبو عكاشة
محمد عثمان ابراهيم
محمد البشرى الخضر
معاوية المدير
tmbis
عثمان عووضة
ABUHUSSEIN
البدري عبد الله
قيقراوي
محمد زكريا
فيس بوك
تويتر
انستقرام
يوتيوب
بنتيريست