|
|
|
 Re: هذا المبني كان شنو واسه بقي شنو (صورة وسؤال) (Re: omer osman)
|
ممكن اجاوب ,,
المركز الا,,,,,,,,,,,, الثقافي ,
| |
 
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: فايزودالقاضي)
|
Quote: جنابو ..سلام ..
الصورة دي اعتقد في بورسودان فالبص بشبه بصات ديم كوريا ...لكن الموقع ماعارفه صراحة لكن اتوكل على الله واقول ماعارفه ...
لكن زي الشايف في الشباك في علم امريكيا ... |
شايفك يافايز جاوبت طواااااالي عامل فيها صغير يعني 
غايتو بنخلي اجابتك معلقة لحين ابراز مايفيد بتاريخ الميلاد
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: عماد حسين)
|
Quote: يا أخي دي باصات السجانة والحلة الجديدة
تلقى السواق قداااااااام والتعشيقة وراء
الجماعة مطلعين فيها نكتة..
قالوا: لما السواق يجي يعشق يقول للكمساري ناولني التعشيقة دي |
ايام وذكريات لاتنسي ياعماد مع هذه البصات ...
اظرف حاجة ونحن صغااار كنا بننط من البص هو ماشي عاملين فيها
زايغين من الكمساري وفي الحقيقة هو ما كان شغال بينا الشغلة
| Quote: لكين يا جنابو عمر اتاريك قديم خلاس |
ياعماد يااااخ نحن من زمن التعريفة والفريني (ابوقرشين)
بس زمن المليم ما حضرناهو ....
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: ود الخليفه)
|
تحياتي جنابو ..
الناس الفي الصورة دي يكون قطار العمر وصل بيهم وين ..؟؟
صراحة صورة جميلة ومعبرة يظهر فيها الشارلستون وترتيب الاشجار والطرق النظيفة المنظمة وعدم الازدحام والفتيات بالتوب بالابيض شكلهن موظفات ..
تسلم عزيزي لكن الاجتهاد عن ماذا كان يشغل الموقع سابقاً وحالياً فهذه يصعب فيها التكهن ...
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: يوسف الدفينة)
|
| Quote: سلام يا عماد .. باصات السجانة والحلة الجديدة كان لونا أحمر |
صحيح .... ودي أظنها بصات إمتداد الدرجة التالتة.
| Quote: لاجتهاد عن ماذا كان يشغل الموقع سابقاً وحالياً فهذه يصعب فيها التكهن ... |
يا يوسف الدفينة، المسألة لا فيها إجتهاد ولا تكهّن. كل من عرف شارع القصر ذلك الوقت، يعرف المركز الثقافي الأمريكي. بس حكاية بقى شنو هسي دي أنا شخصياً ما عارفها، إلاّ تنتظروني أشوفو ليكم في إجازتي الجاية.
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: يوسف الدفينة)
|
ود الصايم
| Quote: باصات السجانة والحلة الجديدة كان لونا أحمر |
السجانة ازرق والحلة الجديدة احمر
وابو رجيله اصفر (بوهية بلدو)
ازيك يا جنابو، نؤكد على معلومة المركز الثقافي الامريكي، قبل ما يمشي نمرة 2 (ما بعيد من بيتكم)
لكن هسع بقى شنو ما عارف، بس عليك الله ما تقول لي بقى المركز الثقافي الايراني لوووووول، دا ظنيتو في العمارات
| |
|
|
|
|
|
|
|
|
 Re: هذا المبني كان شنو واسه بقي شنو (صورة وسؤال) (Re: أحمد ابن عوف)
|
ياخ أنا باصات الحلة الجديدة دي لو عصرت مخّي شوية بجيب ليكم أساميها كلها!!
الكاسنجرابي والأب الروحي وستركـ يا رب والماهل ومهوّن القواسي وعيييييييكـ!!!!
أظرف ما في الموضوع إنو رحلنا من الحلة الجديدة للحاج يوسف في 1987
وكنت لسه بقرا في القوز 2 الابتدائية .. مشيت لقيت جارنا في الحاج يوسف عندو
باص بتاع الحلة الجديدة ^_^ بركب من جمب البيت بعد أذان الصبح بكمّل نومي
لحدي ما يوصلني قدام المدرسة .. وبنتظروا لحدي آخر فردة برجع معاو البيت
بعد الساعة تسعة بالليل!!
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: يوسف الدفينة)
|
| Quote: صراحة صورة جميلة ومعبرة يظهر فيها الشارلستون وترتيب الاشجار والطرق النظيفة المنظمة وعدم الازدحام والفتيات بالتوب بالابيض شكلهن موظفات .. |
الحمد لله يا يوسف عشنا هذه الاجواء واستمتعنا بها .......
زمن الفسحة والفرجة في محلات شارع الجمهورية بالليل ...
| |
|
|
|
|
|
|
|
|
 Re: هذا المبني كان شنو واسه بقي شنو (صورة وسؤال) (Re: يوسف الدفينة)
|
تحياتى عمر ،،
صورة من الزمن الجميل فعلا..
لكن يا ليتك او اى واحد من الاخوة الموجودين حاليا فى الخرطوم خاصة اخونا زميل البورد( ود التكينة) ياخد لينا صورة حديثة وبنفس الزاوية ولنفس الموقع ومن نفس الاتجاه
لنقارن بين هذين الزمنين .. عدد الناس فى نفس المساحة ؟؟ نظافة المكان ؟؟ عدد السيارات الماره؟؟ .. الخ ..
حكمة المشاركة..
احيانا الهروب الى الماضى .. يعطى مزيدا من الامل لمستقبل ات..
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: على محمد الخير)
|
.
.
.
Quote: الاجابة الصحيحة توصل لها الاخوان :
معاوية عبيد و بشير حسن بشير
المبني كان مقر المركز الثقافي الامريكي واصبح الان مقر البنك الاسلامي السوداني
المركز الثقافي الامريكي وزي ماقال اخونا احمد ابنعوف انتقل الى الخرطوم 2 بعد ذلك |
التحكيم فاشل ،،،،،،،،، التحكيم فاشل
لكن يا جنابو ما لقيت تحكيمك متحيز
أنا الذى سبقت معاويه عبيد
أرجع للردود وتعرف
.
.
.
| |
|
|
|
|
|
|
|
|
 Re: هذا المبني كان شنو واسه بقي شنو (صورة وسؤال) (Re: بشير حسـن بشـير)
|
أبوي بيقول لي بحب أشوف الافلام الأبيض والأسود عشان أشوف القاهره زمان لمن كانت نضيفه وفاااضيه ,
وبيعشق الصور القديمه للخرطوم (مع انو تربيه أقاليم والحمدلله) ,
الصوره دي عجبتني شديد يا جنابو .. وعجبني البوست أكتر :)
وللضمان كدا أنا مشتاقه للخرطوم, وناس بيتنا , وأبوي 
-----------
الله يسامحك يا جنابو خليتنا نرمي لينا دمعتين مع الصباح داا
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: داليا الكباشى)
|
Quote: أبوي بيقول لي بحب أشوف الافلام الأبيض والأسود عشان أشوف القاهره زمان لمن كانت نضيفه وفاااضيه ,
وبيعشق الصور القديمه للخرطوم (مع انو تربيه أقاليم والحمدلله) ,
الصوره دي عجبتني شديد يا جنابو .. وعجبني البوست أكتر :)
وللضمان كدا أنا مشتاقه للخرطوم, وناس بيتنا , وأبوي
-----------
الله يسامحك يا جنابو خليتنا نرمي لينا دمعتين مع الصباح داا |
والله يادكتورة الغربة حااااااارة وصعبة (مغترب سابق 5 سنوات)
وبلدنا دي برغم كل شيء بنحبها وفراقه صعب علينا .....
ياااااااخ ربنا يجمع باهلك وزوجك واولادك ان شاء الله تحت سماء السودان في القريب العاجل بأذنه واحد احد ...
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: بشير حسـن بشـير)
|
أبوي بيقول لي بحب أشوف الافلام الأبيض والأسود عشان أشوف القاهره زمان لمن كانت نضيفه وفاااضيه ,
وبيعشق الصور القديمه للخرطوم (مع انو تربيه أقاليم والحمدلله) ,
الصوره دي عجبتني شديد يا جنابو .. وعجبني البوست أكتر :)
وللضمان كدا أنا مشتاقه للخرطوم, وناس بيتنا , وأبوي
-----------
الله يسامحك يا جنابو خليتنا نرمي لينا دمعتين مع الصباح داا
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: بشير حسـن بشـير)
|
Quote: ياخ أنا باصات الحلة الجديدة دي لو عصرت مخّي شوية بجيب ليكم أساميها كلها!!
الكاسنجرابي والأب الروحي وستركـ يا رب والماهل ومهوّن القواسي وعيييييييكـ!!!! |
نسيت الريكو الريكو ياعمك
Quote:
الاجابة الصحيحة توصل لها الاخوان :
معاوية عبيد و بشير حسن بشير
المبني كان مقر المركز الثقافي الامريكي واصبح الان مقر البنك الاسلامي السوداني
المركز الثقافي الامريكي وزي ماقال اخونا احمد ابنعوف انتقل الى الخرطوم 2 بعد ذلك |
ياااااااااااااااااا جنابو لا هذا ولا ذاك
المبنى كان مقر للمركز الثقافي الامريكي والان وكالة سفر ولم اذكر اسمها والناصية التانية ( ملك ) مبنى مقر المركز الاسلامي
بالله ياعمر امشي ادخل البنك دا وسلم على كابتن هشام عثمان واذا احتجت لي اي شيء هو تحت الخدمة تستاهل كل خير وهو مسؤول
عن الاعتمادات في حال تحتاج تجيب بضاعة ادوات مكتبية وكدا او اي شيء متعلق بالعمله الصعبة تمام ياحلو
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: وليد عبد اللطيف)
|
Quote: ياااااااااااااااااا جنابو لا هذا ولا ذاك
المبنى كان مقر للمركز الثقافي الامريكي والان وكالة سفر ولم اذكر اسمها والناصية التانية ( ملك ) مبنى مقر المركز الاسلامي |
هلا ياولي .......
كلامك ده فيهو شيء من الصحة طبعاً زمان المبني كان قطعة واحدة وهي ملك للمرحوم
حامد حسن بشير ... راجل عصامي من اغنياء ذلك الزمان ... لاحقاً ومن خلال التوريث
قسمت القطعة الى نصفين .......
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: طارق جبريل)
|
| Quote: يا يوسف الدفينة، المسألة لا فيها إجتهاد ولا تكهّن. كل من عرف شارع القصر ذلك الوقت، يعرف المركز الثقافي الأمريكي. بس حكاية بقى شنو هسي دي أنا شخصياً ما عارفها، إلاّ تنتظروني أشوفو ليكم في إجازتي الجاية. |
ابو الريش تحياتي ..
صراحة صورة من الزمن الجميل بالتاكيد فالصورة تحكي عن نفسها رجعت لها اكثر من مرة لاتخيل كيف الناس كانت عايشة الزمن الجميل داك وكيف كانت الخرطوم وناس الخرطوم ..
بتمعن بسيط اخي ابو الريش نجد ان الزمن كلما يتقدم بينا بنزداد تخلف زمان الناس راقية ومرتبة والخرطوم جميلة وهادئة شكل الباصات وحركتها لا تكاسي ولا اتوس ولا امجاد ولا ركشات ولا شماسة ولا باعة متجولون ولا جميع اشكال التخلف التي نراها في الخرطوم حالياً ..
بالطبع الصورة مهداة للمسؤولين ..
لو امكن الصورة دي كانت سنة كم تقريباً..؟؟؟
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: عكود عبد القادر عكود)
|
Quote: صحاري والإكسلسيور و سلوى بوتيك
وأتني وسانت جيمس وفندق الشرق
ليالي يا جنابو كانت لها إيقاعات رائعات |
وشاشاتي بتاع لعب الاطفال وميرزا بتاع الكأسات وعابدين عوض بتاع الملابس العسكرية
والصالون الاخضر بتاع الملابس الجاهزة والصدارة بتاع ملابس الرياضة وايسكريم بيمبو في عمارة الشيخ مصطفي الامين
وجنبرت بتاع الاواني المنزلية وشركات الخرطوم وكردفان والجزيرة وكلاء اشهر ماركات العربات الانجليزية ووابورات لستر الانجليزية
ومخازن العامل بتاع الملابس المدرسية والمغربي بتاع الساعات والراديوهات ... عييييييييك زمن
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: Mohamed Yassin Khalifa)
|
Quote: عمـر ســلامات...
وكت جبتا الخرطوم في الزمن السمح داك.. أها الحادثة الحصلت فيهو شنو يا عمر؟
|
والله يامحمد اذا قاصد حدثت في المبني ده زاتو ما بتذكر لكن في كم حادثة شهيرة
وقعت في الفترة ديك زي انقلاب الجبهة الوطنية (المرتزقة) 1976م وانقلاب حسن حسين 1975
واحتلال السفارة السعودية بالعمارات من قبل منظمة ايلول الاسود وبعد ذلك تفجيرات فندق الاكربول
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: Mohamed Yassin Khalifa)
|
| Quote: المبنى كان للمركز الثقافى البريطانى وليس الامريكى |
كلامك ده غير صحيح ...... المركز الثقافي البريطاني كان في شارع الجامعة، وهذا هو المركز الثقافي الأمريكي، ومن اللفة بتاعتو باتجاه الغرب، تجد مدرسة الخرطوم الأهلية (محمد حمزة).
Quote: أبو الريش أبعد من البوست ده.. الصورة دي تعتبر حديثة من الزمن البعدكم
شايف فندق المريديان.. الفندق ده بنوهو قريب ده |
ما قلنا حاجة يا محمد يس، وما بنكر ... عشنا زمن الصورة والزمن القبلو .... وجدودنا بنوا الخرطوم ..... بعد كدا يجيك والي ما عارفو جاي من وين يقول أطلعوا من الخرطوم.
البص الشايفينو ده، بيمشي لحدي نهاية شارع القصر (عند محطة السكة حديد) ويتجه شرقاً، ثم جنوباً بي كبري المسلمية، وياخد يمين، ثم ينعرج (حلوة ينعرج) الشارع ليتجه جنوباً ويتجاوز جامع ومعهد شروني، والمحطة البعدها ينزل جنابو عُمر منو ويتجه شرقاً ليصل لبيتهم.
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: على محمد الخير)
|
Quote: لكن يا ليتك او اى واحد من الاخوة الموجودين حاليا فى الخرطوم خاصة اخونا زميل البورد( ود التكينة) ياخد لينا صورة حديثة وبنفس الزاوية ولنفس الموقع ومن نفس الاتجاه
لنقارن بين هذين الزمنين .. عدد الناس فى نفس المساحة ؟؟ نظافة المكان ؟؟ عدد السيارات الماره؟؟ .. الخ ..
|
والله فكرة حلوة جداً ياعلي .......
سنحاول تنفيذها ........
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: omer osman)
|
| Quote: سلام يا عماد .. باصات السجانة والحلة الجديدة كان لونا أحمر |
يا اخي كان كدة.. نحنا الليلة تشرفنا بعتاة (الجـلاكين)
ههههههههههههه
ده بيكون من بصات بري
أظن اللون حقها كحلي (هلالابي)
تسلم يا ود الصايم
لكين لقيتك قديم، شكلك عاصرت زمن الزول يشرد من المدرسة عشان يمشي يعوم في "البلدية"
هههههههههه
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: عماد حسين)
|
| Quote: لو امكن الصورة دي كانت سنة كم تقريباً..؟؟؟ |
ده ممكن يكون سؤال مسابقة ... لكن الشئ الأقدر أجزم بيهو إنها كانت بعد أغسطس 1974 ...... وهو التاريخ الذي تحولت فيه الحركة من الشمال لليمين.
_______
طارق جبريل ما يعمل فيها صغير ....... الزمن داك كان عندو رخصة سواقة.
| |
|
|
|
|
|
|
|
|
|
Re: هذا المبني كان شنو واسه بقي شنو (صورة وسؤال) (Re: فيصل محمد خليل)
|
باصات السجانة كان لون أحمر
وباصات بري ازرق (مغبش)
اما الباص الظاهر في الصورة ده باص عشش فلاته (امتداد الدرجة الثالثة)
| Quote: البص الشايفينو ده، بيمشي لحدي نهاية شارع القصر (عند محطة السكة حديد) ويتجه شرقاً، ثم جنوباً بي كبري المسلمية، وياخد يمين، ثم ينعرج (حلوة ينعرج) الشارع ليتجه جنوباً ويتجاوز جامع ومعهد شروني، والمحطة البعدها ينزل جنابو عُمر منو ويتجه شرقاً ليصل لبيتهم. |
للتصحيح الباصات دي ما كان بتطلع كبري المسلمية , ولكن بتمشى من عند مقابر الكمنولث ثم الخرطوم اثنين , وتدخل الى خط الصحافة من عند
صينة كترينا (يعنى ما بتمر بجامع شروني) ومن هناك تاخذ شارع كتيرينه الى الامتداد والديم ,, واخر محطة العشش ,,
واسألوا ود جبريل ,,,
| |
|
|
|
|
|
|
| |
omer osman
عمار عبدالله عبدالرحمن
فايزودالقاضي
ود الخليفه
محمد أبوالعزائم أبوالريش
عماد حسين
بشير حسـن بشـير
معاوية عبيد الصائم
محمد عبد الماجد الصايم
أحمد ابن عوف
داليا الكباشى
ناجى أحمد البشير
وليد عبد اللطيف
Mohamed Yassin Khalifa
طارق جبريل
عكود عبد القادر عكود
محمد فرح
نوفل عبد الرحيم حسن
فيصل محمد خليل
Azhari Mohamed
فيس بوك
تويتر
انستقرام
يوتيوب
بنتيريست