دعواتكم لزميلنا المفكر د.الباقر العفيف بالشفاء العاجل
|
|
 سفيان ورهطه ..... ارفعوا ايديكم عن نادر خضر
|
1- فنان وعندوا معجبين كتاااااااااااااااااااااار أنا واحد منهم ......................
2- ما اى فنان لازم يكون بغني في مستوي وردي والا محمد الامين والكاشف وعثمان حسين ...... الخ
3- ما هيثم مصطفي لعاب والعجب برضو لعاب لكن مستواهم ما واحد .......
4- الزول ده صوتو جميل وحافظ الاغاني بطريقة كويسة وفوق كده عندوا بصمتو الخاصة في الاداء .........
5- والاهم من ده كلو اكتر من زول قال لي نادر خضر ده بشبهبك ...... 
6- كل سنة وانت طيب ياسفيان وسلامي لرهطك في بوست اغاني واغاني ............
|
|
 
|
|
|
|
|
|
|
 Re: سفيان ورهطه ..... ارفعوا ايديكم عن نادر خضر (Re: khaleel)
|
Quote: واهم الاهم انا حفلة زواجي كانت بي نادر خضر
والله غني لي غناء جد |
ياسلام ياخليل ياخ ..............
بعد ذوقك ده كلو زيدان ونادر خضر ......
الطرطشك خلاك بقيت هلالابي شنو ما عارف ............
المشكلة نادر زاتو هلالابي ..............
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: محمد عبدالرحمن)
|
Quote:
عموما طريقة ادائه فى اغانى واغانى فيها بعض التقييد..
نادر لديه مقدرة على التطريب العالى ..بل العالى جدا ..
لم تتوفر الا للقليل من ابناء جيله ... |
تعرف يا سعادتك في اغنتين واحدة لي شرحبيل
اسمها تعال يا ليل خليك معاي
والتانية بتاعة نجم الدين الفاضل
اسمها يا حبيبي حرام كدة وتجافي تهجرني
لو سمعتهم بصوت نادر ما عندك حل غير تبكي (وتتدردق ) بالواطة
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: omer osman)
|
| Quote: 1- فنان وعندوا معجبين كتاااااااااااااااااااااار أنا واحد منهم |
من حقكم طبعاً .
| Quote: 2- ما اى فنان لازم يكون بغني في مستوي وردي والا محمد الامين والكاشف وعثمان حسين ...... الخ |
بس كمان ما إي فنان يجي يبشتن ويحبش ويهبش ويغبش ويشتت .
| Quote: 3- ما هيثم مصطفي لعاب والعجب برضو لعاب لكن مستواهم ما واحد ....... |
بس مستواهم الاتنين اي واحد فيهم مرتفع مش زي مستوي نادر .
| Quote: 4- الزول ده صوتو جميل وحافظ الاغاني بطريقة كويسة وفوق كده عندوا بصمتو الخاصة في الاداء |
الصوت ده زي ما قلته انت (معجب ومعاك ناس كتار) مسألة نسبية أما قصة حافظ دي مباااالغه منك ساكت والدليل
عدد بخراته في هذا البرنامج وبصمتوا دي فحاصلة حصول الجن والجمبو لذا استحق للقب تالاهون الذي حبش الغناء
السوداني ومسخوا .
| Quote: 5- والاهم من ده كلو اكتر من زول قال لي نادر خضر ده بشبهبك |
و أنا اقوووووول ليه كوستاوي كاجيك كده !!!!
| Quote: 6- كل سنة وانت طيب ياسفيان وسلامي لرهطك في بوست اغاني واغاني |
وانت طيب يا عمر أما قصة رهطي دي فمبالغه منك سااااي
نحنا كلنا الفي البوست داك رهط سيد الحوض ود العباسية
لكن ود العباسية ذاتو ونحنا رهط حبيبنا وعمنا وكبيرنا
أبو الفن طارق ميرغني ... و أنِعم به من رهط .
Quote:
انا ذاتى معجب ..بعجبنى الزول البميز روحو |
افووووووووووووووو يا بتاع عاشميق الاصم
افوووووووو ياخ .
Quote:
و الأهم من دا كلو إنو زول محترم. |
كل السمعتهم من الناس البتعرفوا
بيقولوا كده
طيب يحترم الاغاني ويغنيها لينا بشكل جادي ياخ.
Quote:
واهم الاهم انا حفلة زواجي كانت بي نادر خضر
والله غني لي غناء جد |
من كنوز محبة
لي
حبيبو !!!!
ياخلي بتبالغ ياخ .
Quote:
نادر من القلائل الذين يمكن أن تطرب لهم فى زمن "الهيصة" |
يا رااااااااااااااااجل !!!
Quote:
نسيت انو اتحادى ملتزم ياعمر ...
|
ودي برضو بعرفه عنو
وبيني وبينكم اكتر حاجة
عجبتني في نادر .
اها انتظروا لما رهطي البتقول عليه ده يظهر ليك
وبتعرف ندره بقولوا ليك فيهو شنو !!!.
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: سفيان بشير نابرى)
|
طبعا ياسفيان ........ من خلال متابعتي لبوست اغاني واغاني واضح انك بتفهم في الشغلانة دي كويس ........ وعندك خبرة نقدية كويسة
لكن بصراحة قسيت على نادر بي زي الكلام ده : | Quote: بس كمان ما إي فنان يجي يبشتن ويحبش ويهبش ويغبش ويشتت . |
لانو نفس الكلام ده انا وناس كتار شايفين انو بصمة خاصة ما تحبيش وبشتنة ..........
اما عن مستوي نادر ....... نادر ياسفيان عندو جماهيرية كبيرة في السودان وممكن يكونوا كلهم مغشوشين في نادر ......... هل تصدق انا لاقاني زول وزول بعتبروا فاهم شديد
قال مابريد الفنان (محمد الامين) ولا بطيق يسمع ليهو ابداً .......... فحب الناس مذاهب صاح لكن الاجماع شيء ما ساهل واعتقد انو نادر حقق قدر كبير من الاجماع حوله
Quote: اها انتظروا لما رهطي البتقول عليه ده يظهر ليك
وبتعرف ندره بقولوا ليك فيهو شنو !!!. |
طبعا حكاية رهط وايراد اسمك في العنوان من تكيكات لفت الانتباه للبوست ..........
انت ورهطك بتعرفوا اكتر مني بصراحة في حتة الغناء دي زي ما قلت ليك في الاول ........... لكن برضو خد عندك مثلاص رأي وليد عبداللطيف وده برضو زول خبير
غايتو في النهاية ممكن عادي نختلف في تقييم نادر لكن باي حال من الاحوال هو افضل من نظرتكم له ويستحق قليل من الاعتراف بقدراته ..........
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: khaleel)
|
نادر خضر في هذا العام هو وباقي الشباب لم يتوفق نسبة للجوطة الحاصله في البرنامج
وعدم البروفات والضغط في التسجيل وهذا حسب كلام فرفور وشاركم في الذبح والسلخ في اغاني القُدامة
1- له لونيتة الخاصة وبصمته وجميل لما يغني الى الشاعر حمدتو ( الخاص له )
2- افضل من يتحدث في اللقاءات التلفزيونية بعد ابو الامين والكابلي
3- متميز بين الفنانين الشباب في سلوكة امام الشاشة
Quote: - ما هيثم مصطفي لعاب والعجب برضو لعاب لكن مستواهم ما واحد .......
|
ايهما افضل ياجنابو بكل صراحة اجابة سريعة
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: وليد عبد اللطيف)
|
Quote: نادر خضر في هذا العام هو وباقي الشباب لم يتوفق نسبة للجوطة الحاصله في البرنامج
وعدم البروفات والضغط في التسجيل وهذا حسب كلام فرفور وشاركم في الذبح والسلخ في اغاني القُدامة
1- له لونيتة الخاصة وبصمته وجميل لما يغني الى الشاعر حمدتو ( الخاص له )
2- افضل من يتحدث في اللقاءات التلفزيونية بعد ابو الامين والكابلي
3- متميز بين الفنانين الشباب في سلوكة امام الشاشة |
ولا ينبئك مثل خبير ............. 
| Quote: ايهما افضل ياجنابو بكل صراحة اجابة سريعة |
صعبة ياوليد صعبة شديد .......
لكن ممكن اقول ليك ....... هيثم لعاب والعجب ممتع .......
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: وليد عبد اللطيف)
|
Quote:
لكن بصراحة قسيت على نادر بي زي الكلام ده :
Quote: بس كمان ما إي فنان يجي يبشتن ويحبش ويهبش ويغبش ويشتت .
لانو نفس الكلام ده انا وناس كتار شايفين انو بصمة خاصة ما تحبيش وبشتنة ..........
اما عن مستوي نادر ....... نادر ياسفيان عندو جماهيرية كبيرة في السودان وممكن يكونوا كلهم مغشوشين في نادر ......... هل تصدق انا لاقاني زول وزول بعتبروا فاهم شديد
قال مابريد الفنان (محمد الامين) ولا بطيق يسمع ليهو ابداً .......... فحب الناس مذاهب صاح لكن الاجماع شيء ما ساهل واعتقد انو نادر حقق قدر كبير من الاجماع حوله
Quote: اها انتظروا لما رهطي البتقول عليه ده يظهر ليك
وبتعرف ندره بقولوا ليك فيهو شنو !!!.
طبعا حكاية رهط وايراد اسمك في العنوان من تكيكات لفت الانتباه للبوست ..........
انت ورهطك بتعرفوا اكتر مني بصراحة في حتة الغناء دي زي ما قلت ليك في الاول ........... لكن برضو خد عندك مثلاص رأي وليد عبداللطيف وده برضو زول خبير
غايتو في النهاية ممكن عادي نختلف في تقييم نادر لكن باي حال من الاحوال هو افضل من نظرتكم له ويستحق قليل من الاعتراف بقدراته |
يا عمر عثمان
اقول ليك حاجة ؟!
نادر بالفعل ما بيشبه غيروا في الغناء وبشكل شخصي ممكن اسمعوا في اغانيه الشخصية لكن اصلاً ما بقدر اسمعوا وهو يردد في اغاني الغير مش عشان أنا صنمي أو بقدس الاغنيات دي لا لا ابداً ما اهو فرفور وعاصم ومحمود وغيرهم كتاااار بيغنوا اغاني الغير وبسمعه وبتكيف .... مشكلة نادر لما يغني اغاني الغير بيمسخه ويغنيها بي طريقة غريبة شديد زيادة علي انو طبيعتو في الاغنيات دي تخلو من إي روح سوى الطرق المدرسية التقريرية وبتلقي روحو المتفرده في اغنياته الخاصة بتتراجع وتهرب في اغنيات الغير التي يشتغله زيها وزي نشيد المدرسة .
اها كلامي ده ما قسوة ولا حاجة يا عمر وكلام نادر ذاتو مفروض يتعامل معاهو بي ايجابية .
واهو شوف وليد اتفق معاي كمان :-
Quote:
نادر خضر في هذا العام هو وباقي الشباب لم يتوفق نسبة للجوطة الحاصله في البرنامج
وعدم البروفات والضغط في التسجيل وهذا حسب كلام فرفور وشاركم في الذبح والسلخ في اغاني القُدامة
1- له لونيتة الخاصة وبصمته وجميل لما يغني الى الشاعر حمدتو ( الخاص له )
2- افضل من يتحدث في اللقاءات التلفزيونية بعد ابو الامين والكابلي
3- متميز بين الفنانين الشباب في سلوكة امام الشاشة
|
يعني لو (قسوتي) علي نادر صعبة اهو وليد قال نادر غير موفق زيو زي البقية
وبالفعل ده ذات كلامي لانو حديثنا عن السيزون الفات كان عن نادر مختلف (رغم
مشاركتي القليلة في الموسم السابق) .
واهو وليد بيأكد انو دائماً المشكلة في الادا لقدامى الفنانين .
وبرضو وليد بيأكد انو نادر متميز في الخاص الذي يخصه وده بالضبط كلامي .
وبرضوا وليد بيأكد انو انسان ملتزم ومحترم زي ما سمعته انا من ناس كتااار ومصدقهم
وبي عيوني شايف انو انسان محترم وبقدر جداً الهدوء الذي يتمتع به .
Quote:
Quote: - ما هيثم مصطفي لعاب والعجب برضو لعاب لكن مستواهم ما واحد .......
ايهما افضل ياجنابو بكل صراحة اجابة سريعة |
دي دايرة كلاااام!!!
اكتر زول جاب اقوان هو اللعاب طبعاً .
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: سفيان بشير نابرى)
|
Quote: يا عمر عثمان
اقول ليك حاجة ؟!
نادر بالفعل ما بيشبه غيروا في الغناء وبشكل شخصي ممكن اسمعوا في اغانيه الشخصية لكن اصلاً ما بقدر اسمعوا وهو يردد في اغاني الغير مش عشان أنا صنمي أو بقدس الاغنيات دي لا لا ابداً ما اهو فرفور وعاصم ومحمود وغيرهم كتاااار بيغنوا اغاني الغير وبسمعه وبتكيف .... مشكلة نادر لما يغني اغاني الغير بيمسخه ويغنيها بي طريقة غريبة شديد زيادة علي انو طبيعتو في الاغنيات دي تخلو من إي روح سوى الطرق المدرسية التقريرية وبتلقي روحو المتفرده في اغنياته الخاصة بتتراجع وتهرب في اغنيات الغير التي يشتغله زيها وزي نشيد المدرسة .
اها كلامي ده ما قسوة ولا حاجة يا عمر وكلام نادر ذاتو مفروض يتعامل معاهو بي ايجابية . |
انا قبيل ياسفيان قلت ليك انت زول خبرة وعندك منظار مختلف عن منظار المتلقي العاااااااادي زي وزي الناس الكتار الشايفين نادر خضر غناي ومطرب ......
بعدين مرات في حاجة كده اتخيل لي رباني ما عندها تفسير علمي او منطقي ارواح البشر دي ما عندها حاجات غريبة كده بتحصل .....
تريد زول بلا سبب وتزهج من زول بلا سبب وتكره زول بلا سبب ..........
اهاااا شفت الحاجات العجيبة دي بتأثر في سمعك وتلقيك للزول البغني ده يعني مجسات الحس والطرب عندك موجاته مزبوطة مع الزول ده لكن ما مزبوطة مع زول تاني ........
بالجد هي القصة لو ما كده كيف زول يكون عندوا رأي في محمد الامين وما تقول ببالغ في ناس عندهم رأي في مصطفي سيداحمد زاتو .........
Quote: دي دايرة كلاااام!!!
اكتر زول جاب اقوان هو اللعاب طبعاً . |
طبعاً في دي العجب فايت هيثم بي كم سنة ضوئية ...............
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: omer osman)
|
Quote:
بعدين مرات في حاجة كده اتخيل لي رباني ما عندها تفسير علمي او منطقي ارواح البشر دي ما عندها حاجات غريبة كده بتحصل .....
تريد زول بلا سبب وتزهج من زول بلا سبب وتكره زول بلا سبب ..........
اهاااا شفت الحاجات العجيبة دي بتأثر في سمعك وتلقيك للزول البغني ده يعني مجسات الحس والطرب عندك موجاته مزبوطة مع الزول ده لكن ما مزبوطة مع زول تاني ........
بالجد هي القصة لو ما كده كيف زول يكون عندوا رأي في محمد الامين وما تقول ببالغ في ناس عندهم رأي في مصطفي سيداحمد زاتو .........
|
اها يا عمر عثمان البتتكلم عنها انت دي اسمه نعمة القبول ونغمة الرفض وفعلاً هي حااااصله عند ناس كتاااار شديد
وهي في القبول وحاتك مطلوبة ومحببة في النفس البشرية وانا بفرح بيها خالص لانو طبيعة الانسان في الاساس والفطرة
هي قبول الاخر (الطفل حين يولد وفي عمر صغير قبل الادراك لا يفرز بين احد واخر يحب الجميع حتي الحيوانات ) وفي
نغمة الرفض بكرها وما بحبها و دائماً بوطن نفسي واراجعه انها ما اتكره احد او ترفضه لله في وي الله كده وبهرب اكتر
من ذلك انو يكون كراهية مافي جواي ... يكون في سبب قوي ومنطقي للرفض وده مجال نقاش ذاتي دائم يا عمر عثمان
يدور بداخلي منذ ان عقلت بأن في الحياة أناس مرهقين .
وكون القبول او الرفض ياثر في سمعي فدي نقطة دائماً بحاول ابعد عنها ايضاً وبحكم الحاجة دي بواقعية العقل و
المنطق قدر قدرتي وقدر فهمي .
اها مثلاً مصطفي سيد أحمد ده رغم محبتي الكبيرة ليهو ولي مشروع الغناء الذي تغنى به كنت طول فترة الجامعة
بقول لا اصحابي :- مصطفي مين البسمعوا أنا !!! قايلين ما عندي شغله !!!؟ والسبب ببساطة لانو في ناس عشان
يقولوا عليك مثقف لازم تسمع مصطفي !!! حكمة ربك إي زول قلته ليهو الكلام ده اتفادي النقه والنقاش معاي !!.
المهم يا صاحبي
Quote:
طبعاً في دي العجب فايت هيثم بي كم سنة ضوئية |
دي وقعت ليك سااااااااااااااااقطه
صح
Quote:
تخيل في بدايات نادر وبدايات فرفور
كانوا يغنون الى زيدان ابراهيم بعض اغنياته
بالجد زيدان اشاد بهما
|
في البدايات مبررة يا وليد
زي ما انت عارف طبعاً
وياخ اهو وردي كان بيغني
لابراهيم عوض
بس وردي قبض من جوه
وكسح مين البيقدر يحصلو؟؟!!!
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: سفيان بشير نابرى)
|
عمرج نابو
سفيان
زولك دا مابنقدر زي صاحبك ربيع ( دبي )
شفت جنس الكلام التحت دا
Quote:
دي دايرة كلاااام!!!
اكتر زول جاب اقوان هو اللعاب طبعاً . |
تخيل في بدايات نادر وبدايات فرفور
كانوا يغنون الى زيدان ابراهيم بعض اغنياته
بالجد زيدان اشاد بهما
ولكن كنت استمتع بالسماع مع نادر خضر
(الدرب المشيتو مشيتو عشانك )
بعذبها عذاب
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: وليد عبد اللطيف)
|
وليد عبد اللطيف:
| Quote: واذا عملت مقارنه في كثير من الاشياء تجد العجب يتفوق |
شايفك ليك فترة بتكلم عن هيثم والعجب ومقارنة وإنو العجب أفضل ..
مشكلتك انت بتتكلم وفي راسك فيصل كوري ما فيصل العجب..
المقارنة يا عزيزي الفاضل بين هيثم والعجب ظهرت مؤخراً على السطح وتحديداً بعد أن تقلد العجب شارة الكابتنية وبدأ الإعلام المريخي في مجاراة الهلال في أي شي..
أصلا زمان ما كان في مقارنة بين العجب وهيثم لكل اسلوبه لكن اقول ليك وبكل صراحة وما طفحت عملية المقارنة (قبل خمسة ستة سنوات تقريبا) فالغلبة لهيثم مصطفى بكككككل المقاييس ومن كلل النواحي..
عجبك الانت في بالك عجب كوبر وعجب الزين وعجب فريق البيبسي في دوري الصالات وعجب المريخ النحيل ..
ده ما بتقارن وده كان براااهو ..
عجبك الاسة عايز تقارن بيهو تقيل لعبتو واااحدة جبدتو فرماااالة اي زول عارفا ..حركتو في الميدان محدودة ..تمريراته مكشوفة ..تسديدات طائشة ..تهديف بالراس ضعيف..إلتحام مع الخصم بدرجة صفر..احتجاج مع الحكام وتامي كورتو غلاط ..جلوس في دكة البدلاء بصورة دائمة ..اصابات متكررة وضعف في اللياقة وعدم توظيف..
هيثم الحالي أفضل من العجب الحالي بمراحل وعلى جميع الأصعدة وده ما كلام هلال مريخ لالالا ده كلام زول زييكم متابع الكورة وبيعرفا ..لاحظت ليك معتمد كتير على احتكاكك بالوسط ده وانو لعبو معاك او اصحابك او او ..لكن برضو نحن كمتابعين بنكون شايفين احسن ..
اصلا اصلا المقارنة بين هيثم والعجب ماف لانو ما بيتلمو او بيتشابهو في حاجة لكن طالما اتفتحت ابواب المقارنة (وانا أصر جدا على المقارنة الحاااالية) فكفة هيثم مصطفى الراجحة ..
بكرر ليك للمرة الخامسة امكن شيل من راسك فيصل كوري وعجب زمان وهيثم الامير هيثم زمان وطالما قررت تقارن تعال ابدا من تاريخ بداية مفارنة الاتنين اللي بدوها الصحفين والجمهور من لا شئ فقط من أجل هلال مريخ وده عمل ده لازم يعمل ..
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: معاوية عبيد الصائم)
|
ياسعادتك ... أنا واحد من الرهط المعنيين ...
ونحن ياقومندان .. كما أوضح أعلاه كبير الرهط سفيان ... كلنا رهط سيد الحوض ود العباسية ...
ووارثين الرهوطية من ممكونه ورهطهم في المواسم السابقة ...
..
نجي لموضوع .. تالاهون ... وأحسب أن مولانا الجميل/ محمد المرتضى .. هو من أطلق عليه اللقب ...
وطبعاً من تالاهون .... ح تعرف طوالي مشكلته مع الغنا ...
في تقديري ... بتظهر عيوب تالاهون حين يحاول غنا الغير .. بطريقة تالاهونية ...
والحاجة دي بتظهر وبسرعة شديدة جداً ..
ودي سببت النفور لمعظم المنتقدين ...
صاااااح زول مهذب ومتحدث لبق .. ورزين ... بس الكلام ده كله حاجات شخصية ..
نحن كمستعين للغنا ماعندنا بيها دخل ..
نحن بهمنا - كناس عنقالة ساي مامتخصصين - نسمع أغنية نستمتع بيها ...
أها صاحبكم ده ... نجح في الحاجات ديك كلها ... وفشل في أهم حاجة ...
وهذا .. دلونا ... في هذا البئر ..
..
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: معاوية عبيد الصائم)
|
الاخ عمر الفاروق : سلامات وكل عام وانت بخير
| Quote: هيثم الحالي أفضل من العجب الحالي بمراحل وعلى جميع الأصعدة وده ما كلام هلال مريخ لالالا ده كلام زول |
كلام سليم واصلا ما بغالطك
ومن يغالط في كلامك هذا معناه ماعندو علاقة بالرياضة
وانا قلت نفس كلامك دا هيثم هو الافضل الان
تعرف عمري ماشفت مقارنه صحفية بين الاثنين
الحكايةوما فيها إني كنت فاتح بوست لهم ليس إلا
وحبيت اعرف الناس رايها شنو
يازول انا برفع البوست تاني
وكلامك السمح دا تعال نزلو لينا هناك
بس نقعد نفصل كل حاجة ومن غير تعصب
وانت زول بتفهم كورة وسوف يكون الحديث في الاتي للمقارنة
1- استعمال الراس
2- استعمال الارجل
3- الخانات التي يمكن ايجادتها
4- المهارة
5- الحركة في الملعب
6- القوة واللياقة البدنية
عمر الفاروق
دي رسالة من الكابتن هيثم شوشة
وشاف كلامك وضحك وقال الزول ده شكلو بحب الهلال شديد
بقول حاليا هيثم مصطفى هو الافضل ولا توجد مقارنه
الان فارق السن كبير بينهم
ولكن العجب في زمنة هو الافضل
---------------
الاخ عمر الفاروق لو عندك حاجة ممكن تضيفهاللمقارنة
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: وليد عبد اللطيف)
|
وليد يا حبوب :
أعفي لي غايتو ح اجي اكتب هنا وجنابو ده يتصرف يقول حرفتو البوست يجقلب انا مااا لي شغلة :)
| Quote: دي رسالة من الكابتن هيثم شوشة |
اعرف الكابتن الأشولنجي هيثم شوشة من وانا ولد يافع ومشعلق في الكورة وازيدكم من الشعر بيت انا من سكان العباسية وكل اصحابي من الموردة وشجعت ابو عنجة ودخلت كللل مبارياتها في الدار لممن قلت بس..طبعا الشهرة متاعب ونحن بنعرف ناس شوشة بس هم ما بيعرفونا لكن انا اولاد جيلي قطع شك هو بيعرفهم وانت كمان اسعد سلمان غاندي عصام عوض بطارية عمار طيارة واتدربت تحت يد الكوتش والمدب والمربي ومن ثم الصديق الكوتش نادر كتكوت ..كل اولاد دفعتي واصحابي من البواسل بس انا كنت بعلب في نجوم حي الضباط ..شجعت ابو عنجة ايام فيها ناس مالك وايمن بايتة وناس شوشة والعاشق الكبير رحمه الله الاداري عتيق فتح الله ..
لعبت في ميدان ابو عنجة لممن الله غفر لي واجمل ذكرياتي كانت في الدورات الرمضانية للناشئين والبراعم ضد ناس ابو الزنان ودورة وايمن عبد الباسط وطبج وحمادة سليم منتصر حبة وعمار وغاندي اسعدولؤي ومحمد ووائل سلمان ..
يا سلااام على ناس التتر وخرخرتهم وناس معز في المقاولون وناس أبي في الثوار ..ياااه على تيم القراقير والبواسل والنجوم والقادسية ..
معليش يا وليد بس سيرة شوشة دي رجعتني لي زمن حلووو بحلجة ودقنو الكبيرة في الدافوري في الميدان الصغير حق الجامع لؤي سلمان وعفيصو لينا بدون كورة ..
نرجع لي موضوعنا يا مان :
السؤال المهم ليي قررت تحديدا المقارنة بين هيثم وفيصل وانت عارف انو ماف اييي وجه تشابه في استايل لعب الاتنين ولاا حتى في وظيفتهم في داخل الملعب ولا حتى في الادوار الموكلة ..
اجمل تعليق سمعتو عن العجب قالوا المدرب المصري محمود سعد لما كان مدرب المريخ قال عبارة بسيطة لخصت فيصل عجب:
قال " العجب امتحان مكشوف يسقط فيه كللل المدافعين "
وهنا قصد انو بالرغم من انو العجب مراوغتو واضحة ومعروفة الا انك ما بتقدر توقفو ..
هيثم بالمناسبة عكس العجب في حاجة مهمة ..هيثم اسة احسن من هيثم زمان ..
كضاب البيقول هيثم مصطفى عامل السن أثر فيهو نوو ..هيثم لأنو كورتو ع الواقف فممكن يلعب تاني عشرة سنة لي قدام ..
العجب استنفد طاقاتو لانو فعلا العجب كان متوهج في فترة الشباب لانو كان لاعب حركي ومهاري فبالتالي ظهر عليه عامل السن في ضعف اللياقة ..
والكلام ده ممكن ينطبق بعد فترة على ناس قلق وراجي مثلا لكن زي عمر بخيت ماشي بي نس استايل هيثم لعب على الواقف وحركة محدودة داخل الملعب وتوزيع جيد لي اللياقة ..
ح اقول ليك كلام يخلعك ..بس الإتنين ما بيجيدو استخدام الراس!!
العجب بيتميز بي الطول الفارع صاح وجاب اقوان بي الراس فعلا بس صدقني ما لانو بيجيد استخدام الراس بقدر ما هو طويل..
هيثم نهائي ما بيستخدم الراس وان كان قبل كم شهر جاب هدف راسي في الدوري الممتاز تقريبا ..
بالمناسبة ماف لاعب سوداني في الفترة الحالية ممكن نقول عليهو بيجيد استخدام الراس واخر لاعب هو وليد طاشين البعدو ديل اما توفيق او طول قامة ..
أهم وأجمل ميزة في العجب وما موجودة في اللاعب السوداني هي استخدامه لي الأرجل ..
العجب بيلعب بي رجلينو الاتنين وبيحركهم بيطريقة مدشهة في التسديد والمراوغة خصوصا لمسته لما يستخدم الرجل اشمال ..
بكل تأكيد العجب افضل ..
هيثم مصطفى رجلو الشمال دي ما اظن استخدما قريب :) لكن لو جينا لي استخدام حركة الارجل في التمرير فدون شك هيثم مصطفى مميز خصوصا في التمرير بي بطن وضهر الرجل ( اقرا كلامي ده وفي بالك باص هيثم لي سادوبا في مباراة الاسماعيلي في مصر).
| Quote: - الخانات التي يمكن ايجادتها |
هيثم مصطفى فقط وفقط لا غير يصلح خلف المهاجمين ومن عمق الملعب عشان عندو المقدرة الفائقة في التمرير الدقيق للمهاجمين على الاجناب ومن العمق..
العجب فقط وفقط لا غير يصلح للعب في الجهة اليسرى واليمنى في الشق الهجومي من الملعب وان كان في ناس كتار عايزين يقحمو العجب كلاعب كصانع العاب لكن انا في رأيي العجب لاعب يجيد الاختراق من الاطراف مع التمرير القصير (الون تو ) او الكورة الدقاق ..
مهارة الاستلام والتمرير والتحكم هيثم ..
مهارة المراوغة والاختراق فيصل عجب ..
هيثم يعرف كيف يوزع لياقته داخل الملعب ونادراً ما يتم استبدال هيثم مصطفى بسبب ضعف اللياقة لكن يتم استبداله لانه من بداية المبارة حتى لحظة استبداله بيكون ما في الفورمة ..ونادرا جدا هيثم يلعب شوط اول ممتاز بعدين الادء ينخفض ..هيثم لو بدا صاح لحدددي نهاية الكورة بيكون صاح..
العجب يتأثر المردود عنده في شوط المباراة الأول من شوطها الثاني او اثناء سير المباراة لأنه يجهد نفسه بالجري والحركة في مساحات عشوائية عشان كده بتحس إنو لياقته ما بتسعفو عشان يتم المباراة بنفس الريتم ويبدا بي التمرير الخاطئ والتسديد الطائش ..
| Quote: - القوة واللياقة البدنية |
القوة بكل تأكيد لفيصل العجب فهو يجيد الالتحام مع الخصم ..عن نفسي ابدا ما شاهدت هيثم استخلص كورة من الخصم في حالة التحام ومواجهة ..هيثم ذكي بيعرف كيف يدس ويتلبد من الكورة الممكن تخليهو في مواجهة فيس تو فيس مع الخصم بيدعي انو بيقوم بي المطاردة ي إستخلاص الكورة وبعد داك بيسلم الخصم لي اقرب لاعب وسط مدافع (علاء سيف عمر ).
العجب لاعب قوي البنية الجسمانية بس مع تقلة لكن العجب من اللاعبين الممكن لو التحم معاك بي قوة يسبب ليك اصابة توقفك لحدي نهاية الموسم :)
بالنسبة لي الياقة زي ما قلت ليك فوق ..
معليش يا ولي نضمت ليك كتير وفي النهية بقول ليك ده ما كلام خبير لكن كلام زول حاسي انو بيعرف كورة بي كترة المشاهدة ..
ولسة بذكرك انا بتكلم عن هيثم والعجب في خمسة ستة سنوات الاخيرة ..
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: عمر الفاروق)
|
عمر الفارق
انت كان كدي زولي عديل في المنبر دا وانا بحب الناس البتفهم كورة
Quote: معليش يا ولي نضمت ليك كتير وفي النهية بقول ليك ده ما كلام خبير لكن كلام زول حاسي انو بيعرف كورة بي كترة المشاهدة ..
ولسة بذكرك انا بتكلم عن هيثم والعجب في خمسة ستة سنوات الاخيرة .. |
تعرف عمر عثمان جنابو دا ذاتو بتاع كورة وكان حريف جدا
خليهو يفتح ليهو بوست تاني عن نادر خضر
ونعمل هنا احتلال اسفيري ..
| Quote: معليش يا وليد بس سيرة شوشة دي رجعتني لي زمن حلووو بحلجة ودقنو الكبيرة في الدافوري في الميدان الصغير حق الجامع لؤي سلمان وعفيصو لينا بدون كورة .. |
ياخي لو ي دا مابتاع كورة وقبل شهرين نفس الملعب هذا حضرنا به زواج بالفنان زيدان ابراهيم
ونفس الملعب دا قبل سنه لعبنا به نحن واصدقائي هيثم سلمان و بريش مع اولاد من كوبر بحري
وكل الاسماء التي ذكرتها اعرفها
لاني احب اولاد امدرمان واشاركهم كل مناسباتهم الرياضية
شفت كيف اولاد بحري منفتحين
لكن ياعمر الفاروق انت صغير جدا وتكتب كلام اكبر من سنك في كرة القدم (من بيكتب بأسمك) هه هه هه
----------------------------
بجيكم صادي
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: وليد عبد اللطيف)
|
ايام الجامعة كان عندنا اسبوع ثقافي بتاع منو ما متذكر المهم كان فيهو حفلة بي نادر خضر ايام نادر ماسك الجو في الخرطوم جاي جديد من الهند , اها يا مان اخوك قاعد قداااااام في الكراسي الاولي ديك وعمك نادر شابكنا ليك الساعة خمسة يا حبيب ما تنسي اها اول ما انتهي ليك من الفاصل عمك نادر خضر نزل من المسرح وجاني ليك عديييل وخش ليك فيني سلام معرفة واحضان اها انا من اليوم داك بقيت اتكيف ليك من غناهو جنس كيف . طبعا الشباب استغربوا في اساسي المصاحب الفنان الماسك الجو واخوك قشر قشرة الف بالموضوع دا وعمل ليك فيها الود منقطها .
ـــــــــــ
طبعا انا ذاتي استغربت الزول دا بيعرفني من وين
لكن النصيحة لله كان الشباب اولاد حلتنا ناس الشاذلي شغالين معاهو بالساوند بتاعهم وبرضو كان بشتغل معاهو عبد العال بتاع الاورغ ساكن قريب مننا وكنت بلاقيهو معاهم طوالي واظنه كان شايفني بس ما متاكد من درجة المعرفة هل بتخليهو يسلم السلام دا كله ولا رفعة راس من بعيد وانتهينا علي العموم القصة دي جات في صالحي وصالحه , انا قشرت وهو لقي زول يتكيف لي اغانيهو .
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: اساسي)
|
وأنا معاك يا عمر ..
بحبو جداً الشاب دا .. وأستمتع بأدائه ...
| Quote: زولك عصام غناي وصوتو جميل بس مرات ببقي زي (وارغو) واثق من نفسو اكتر من اللازم ........ |
أههههههها .. قمنا على الغلط !!!!
كلو .. ولا دا .. يا عمر ... غناي .. صوتو جميل .. أداء رائع .. واثق من نفسو .. كلو بحقو !!!
يكفي إنو واحد من درر مدني الحبيبة .. ما عندنا بضاعة فاسدة ... ولا شنو يا حبيب ..
ما هبشتنا في اللحم الحي .. ياخ !!!
صلاح عبدالله .. الزول دا مالو معانا .. يقولوا ليهو نادر .. يجيب سيرة عصام !!!
لك كل الود...
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: اساسي)
|
اساسي:
| Quote: ايام نادر ماسك الجو في الخرطوم جاي جديد من الهند |
الهند ولا الأمارات؟؟
غايتو هو قرا في الهند تقريباً..
بس نادر ولدنا وإمتداد طبيعي لي فن أمدرمان وناس امدرمان ..(اححححي لو محمود ده من امدرمان كان يها شنو اسة ؟)
مشهد لن أنساه لنادر خضر جات بت جميييلة تبشر ليهو في المسرح وايامها نادر في التوب ..الجمهور صفففر شديييييييد ..نادر ده وقف الموسيقى وبي المايك خاطب كللل الجمهور وقال ليهم :
يا شباب دي اختكم ومعجبة زيكم وجات تعبر عن شعورا وتستمتع زيها زيكم بي الحفلة فماف داعي الناس تتصرف بي الطريقة دي..
من يومها عرفت إنو ده زول محترم ومحترم جداً..
تخريمة :
نادر خضر أفضل من يهذب أغاني زيدان إبراهيم ..ولا ما كده يا خليل؟
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: وليد عبد اللطيف)
|
| Quote: ايام الجامعة كان عندنا اسبوع ثقافي بتاع منو ما متذكر المهم كان فيهو حفلة بي نادر خضر ايام نادر ماسك الجو في الخرطوم جاي جديد من الهند , اها يا مان اخوك قاعد قداااااام في الكراسي الاولي ديك وعمك نادر شابكنا ليك الساعة خمسة يا حبيب ما تنسي اها اول ما انتهي ليك من الفاصل عمك نادر خضر نزل من المسرح وجاني ليك عديييل وخش ليك فيني سلام معرفة واحضان اها انا من اليوم داك بقيت اتكيف ليك من غناهو جنس كيف . طبعا الشباب استغربوا في اساسي المصاحب الفنان الماسك الجو واخوك قشر قشرة الف بالموضوع دا وعمل ليك فيها الود منقطها .> اساسي |
الاقتباس الفوق دا عجبني بس ما حاابني عليهو اي مداخلة.
منذ البداية انا رهط سفيان ...لنكن واضحين
السبب:
مشكلة نادر خضر الاساسية في رايي انو بدل ماياخد الاسلوب الحبشي وبس ، حاول ياخد الصوت كمان ، ودي مغالطة فيزيائية (طبيعية) مستعصية. تكوين صوت الحبش نتيجة لي بيئتهم، هذا الـ(reverb) الموجود بشكل طبيعي في حناجرهم، اشبه بالمستحيل ان تجده في صوت سوداني.
نادر بدلا من ان ياخذ الاسلوب ويكتفي ...حاول ان ياخذ الـ(reverb) ومازال يحاول.... لكن عكس طبيعة الاشياء.
| |
|
|
|
|
|
|
|
|
|
Re: سفيان ورهطه ..... ارفعوا ايديكم عن نادر خضر (Re: أيمن الطيب)
|
Quote: منذ البداية انا رهط سفيان ...لنكن واضحين
السبب:
مشكلة نادر خضر الاساسية في رايي انو بدل ماياخد الاسلوب الحبشي وبس ، حاول ياخد الصوت كمان ، ودي مغالطة فيزيائية (طبيعية) مستعصية. تكوين صوت الحبش نتيجة لي بيئتهم، هذا الـ(reverb) الموجود بشكل طبيعي في حناجرهم، اشبه بالمستحيل ان تجده في صوت سوداني.
نادر بدلا من ان ياخذ الاسلوب ويكتفي ...حاول ان ياخذ الـ(reverb) ومازال يحاول.... لكن عكس طبيعة الاشياء.
|
اوووووووووووووووووو عجبين اتنين
اها يا عمر عثمان ورهطه من لدن خليل والفاروق
رهطي رماكم بي فلذه من فلذات كبده
يلا خموا وصروا جوكم اهله
عليك بهم يا عجبين
لوووووووول
ياخ بقول ليهم الموضوع ما تحبيشوا للغناء وبس
بيغالطوا فيني هههههههههههههههههههه
| |
|
|
|
|
|
|
| |
omer osman
محمد عبدالرحمن
Hussein Mallasi
khaleel
Osama Siddig
سفيان بشير نابرى
وليد عبد اللطيف
عمر الفاروق
جمال محمود
معاوية عبيد الصائم
عبده عوض
أيمن الطيب
فيس بوك
تويتر
انستقرام
يوتيوب
بنتيريست