دعواتكم لزميلنا المفكر د.الباقر العفيف بالشفاء العاجل
|
|
 بتخاف من شنو ؟
|
شخصياً ....
1- أول يوم في رمضان.
2- دكتور الاسنان.
3- اى مهاجم في فريق الهلال حتى لو كان كيشة.
|
|
 
|
|
|
|
|
|
|
 Re: بتخاف من شنو ؟ (Re: omer osman)
|
أول أيام رمضان تفاديهو ما صعب
القهوة أو الشاي بالصباح ممكن الواحد يخليهم قبل يومين من دخول الشهر
تفادي الارهاق المؤدي للصداع في اليوم الأول
عدم شرب الماء البارد او العصائر ساعة الافطار
نومة كدا الضهرية، ولو من الشغل مسروقة بتصلح الموضوع
بالنسبة للسجائر والصعوط دي ما عندها حل!
| |
|
|
|
|
|
|
|
|
|
Re: بتخاف من شنو ؟ (Re: omer osman)
|
بالجد ..
أكون في حتة مضلمة ومقفولة براي
..
يعني لو الأولاد بايتين برة البيت والكهربا قطعت ..
عااااادي بكون بايت في العربية 
الكلام دا سر.. أوعي يطلع برا البوست
| |
|
|
|
|
|
|
|
|
|
Re: بتخاف من شنو ؟ (Re: HAIDER ALZAIN)
|
Quote: ßáßã ßÖÇÈíííä..كلكم كضابييين..
واحد فيكم جاب سيرة مرتو مافي .. رغم انه حكيم الزمان قال:
المابيخاف من مرتو ماراجل
راجعوا خوفكم.. |
كااااااااااااااااااااااااااك حلوة ياحيدر
لكن الخوف من المرة ده ما خوف فطري غريزي
نحن بنتكلم عن الخوف المكتسب
| |
|
|
|
|
|
|
|
|
|
Re: بتخاف من شنو ؟ (Re: محمد عمر جبريل)
|
Quote: يعني لو الأولاد بايتين برة البيت والكهربا قطعت ..
عااااادي بكون بايت في العربية ..
|
مووووبالغة يامحمد ....
في زول بخاف من الضلام برضو سألتو انت بتخاف من الضلام ليه
قال لي لو كنت عارف ليه !!! ماكان خفت
| |
|
|
|
|
|
|
|
|
|
Re: بتخاف من شنو ؟ (Re: khaleel)
|
Quote: عندما يلعب الهلال دور الاربعة مع ناس شمال افريقيا
|
دي اسمها فوبيا الخمسات والستات ياهندسة ....
Quote: وزيكو بتاع المريخ زمان
|
حليل المريخ ومهاجمين المريخ البخوفو ....
مرة اتنين اصحابي هلالاب (محمد كرودي و ربيع الجاح)
بتكلموا وما شايفني واليوم داك في هلال مريخ
واحد فيهم قال للتاني والله انا ما بخاف الا من زيكو
التاني قال ليهو يااااااخ مالك مذكرنا من اسه بطني وجعتني
بي سيرة زيكو ده .......
| |
|
|
|
|
|
|
|
|
|
Re: بتخاف من شنو ؟ (Re: جلال عثمان)
|
Quote: قال ليك ياجنابو حاج ابكر قال ما بخاف الا من الله ..... ###### قاعد جنبو قال هو هو .... فقال والمعفن دا
دحين يا اخوي انا وودالصائم وحاج ابكر "برجنا" واحد
رمضان كريم وتقبل الله صيامكم |
هههههههههههههههههههههه .......
رمضان كريم يا (هاج) جلال .........
| |
|
|
|
|
|
|
|
|
|
Re: بتخاف من شنو ؟ (Re: omer osman)
|
ود الصايم تتذكر يوم صلينا الجمعة داكـ ؟
اها داكـ ما ضميتو مع الخوافات الفوق دي مالكـ ؟
_
رمضان كريم يا جنابو و تصومو و تفطرو علي خير
و تقبل الله الصيام و القيام و صالح الأعمال.
| |
|
|
|
|
|
|
|
|
|
Re: بتخاف من شنو ؟ (Re: فيصل نوبي)
|
زمان لما كنت صغيرا واحلم عندما اغدو كبيرا ان اكون طيارا وكدا وبموت في السفر والطيارات , وربنا وفقني الي ركوب الطائرات كثيرا وان لم يوفقني الي قيادتتها , لكن السنوات الاخيرة ناس سودانير قطعوا قلب حلمي وجهجهوني ليك جنس جهجهة , ثم انه السنة الفاتت كان عندي سفرة لي سوريا سافرنا بالخطوط السعودية والله الطيارة عملت حركة ابدن ما ظريفة اتت علي ما تبقي من حلم طفولتي , ياخ الطيارة قامت ليك من جدة فووووووو مستمتعين بالرحلة مع الطاقم الفرنسي للطائرة نص ساعة كدا والطيارة في السما شغالة فوووووووو والماكينات شغالة تش , فجاة كدا قامت صنت ليك جنس صنة الفووووو سكتت وفجاة الرحلة بقيت قراءة صامتة هي المكنة السكتي في ارتافع 34 الف قدم البسكتك شنو ؟؟ المضيفين يدخلوا عادي غرفة الكابتن والواحد يجيك طالع عيونه في نص صنقوره تساله الحاصل شنو يقول ليك ادعوا ربنا يردنا لي جدة سالمين , يا عمك عليك امان الله اخوك بدأ ليك الادعية من طلع البدر علينا وسمع ما يحفظه من كتاب الله في النص ساعة رجعة دي لحدي ما حطت الطيارة في مطار جدة تاني قالوا لينا جهاز الضغط انهار والمكينة اليمين اتوقفت اها من اليوم داك مع اني ركبت تاني تلاتة طيارات الا انه اخوك بقي من يركب لحدي ما ينزل من الطيارة في حالة شبه اغماء ^_^
كمان الزاد الطين بلة وقعت ليك في قناة ناشوينال جيوغرافك ابو ظبي وديل عندهم برنامج يومي عن اشهر حوادث الطيران اخوك بقي مشاهد رئيسي ليهو
اها اخوك الان زيه وزي علاء الدين بابكر , بكل ارتياح ممكن تناديني اساسي طيارة ^_^
| |
|
|
|
|
|
|
|
|
|
Re: بتخاف من شنو ؟ (Re: اساسي)
|
جنابو عمر
كل عام وانتم بخير ورمضان كريم
عندي خوف غير مبرر وقد يكون مرضي
الفئران
لا اطيقها واتوتر جدا عندما يمر احدها امامي
| |
|
|
|
|
|
|
|
|
|
Re: بتخاف من شنو ؟ (Re: ود الخليفه)
|
جنابو والمعاه
رمضان كريم
يا جماعة انا بخاااااااف جدا من صغار القطط
وكل ما صغرت كلما ذاد هلعي منها
يعني انا لو جاني ابوكباس بجيني في شكل كديسة صغيرة
الموضوع في حد ذاته عامل لي قلق وبدخلني في حتات محرجة جدا
والمشكلة كثيرا بصرخ اثناء النوم لو شفتها في الحلم
وطبعا الموضوع عنده قصة حصلت وانا صغير
المهم ووالله العظيم لو خيرت بين اقابل ###### سعران
او قل اسد وكديسة صغيرة والله
الاسد او ال###### اهون لي
بالله لو في امكانية مساعدة في الموضوع ده ما تبخلوا علي بيها
وانا جادي جدا
| |
|
|
|
|
|
|
|
|
|
Re: بتخاف من شنو ؟ (Re: خالد العطا)
|
بخاف من الاسكليتر (المصعد المتحرك) بتاع المترو
وبغمض عيوني عديل لومضطرة اركب المترو
____________
عمر يا اخوي كل سنة وإنت طيب ووليداتك طيبين
تصوموا وتقطروا بخير
| |
|
|
|
|
|
|
|
|
|
Re: بتخاف من شنو ؟ (Re: ود الخليفه)
|
Quote: عندي خوف غير مبرر وقد يكون مرضي
الفئران
لا اطيقها واتوتر جدا عندما يمر احدها امامي |
الخوف من الفئران ده شائع جداً يا ودالخليفة ....
شخصياً بشوف الفئران والضبوب شكلها مقزز اكتر
من كونها مخيفة ...
| |
|
|
|
|
|
|
|
|
|
Re: بتخاف من شنو ؟ (Re: اساسي)
|
| Quote: زمان لما كنت صغيرا واحلم عندما اغدو كبيرا ان اكون طيارا وكدا |
نفس الشعور ... بس كنت عاوز اكون طيار حربي
استشهاد خالي الطيار الحربي سنة 83 اطاح بهذا
بهذا الحلم حيث رفضت والدتي لها الرحمة الفكرة تماماً
وانا نقيب في مباحث المطار حولت الحلم من طيار حربي
الى طيار مدني وراسلت احد معاهد الطيران وتم قبولي الا
ان والدي تمسك بالرفض القديم
| Quote: فجاة كدا قامت صنت ليك جنس صنة الفووووو سكتت وفجاة الرحلة بقيت قراءة صامتة هي المكنة السكتي في ارتافع 34 الف قدم البسكتك شنو ؟؟ المضيفين يدخلوا عادي غرفة الكابتن والواحد يجيك طالع عيونه في نص صنقوره تساله الحاصل شنو يقول ليك ادعوا ربنا يردنا لي جدة سالمين , يا عمك عليك امان الله اخوك بدأ ليك الادعية من طلع البدر علينا وسمع ما يحفظه من كتاب الله في النص ساعة رجعة |
ههههههههههههههههههههههههه ......
تعرف اخوك من ما يركب الطيارة بستسلم تماماً لاقدار الله
وحتى لمن تحصل مطبات عنيفة اصلو ما بخاف وبقول
اها كان خفت والا ما خفت ممكن
اسوي شنو !!!
| |
|
|
|
|
|
|
|
|
|
Re: بتخاف من شنو ؟ (Re: فيصل نوبي)
|
Quote: رمضان كريم يا جنابو و تصومو و تفطرو علي خير
و تقبل الله الصيام و القيام و صالح الأعمال. |
الله اكرم .....
ربنا يتقبل من الجميع يانوبي ....
العيد معانا ......
| |
|
|
|
|
|
|
|
|
 Re: بتخاف من شنو ؟ (Re: omer osman)
|
دكتور الاسنان ,,
أي شي بيزحف على بطنو (ورل , تمساح , ضب , صرصار ...الخ الخ) (الجمله السابقه دي في حد ذاتها مخيفه بالنسبه لي)
يوم الجمعه بالليل لانو بيكون تاني يوم صابح الشغل ,,
مستر محمود عبدالبديع أستاذي في الجراحه (تعلمت على يده لكني بمووت خوف منو لحدي الان)
الاسانسير (المصعد) ,,
أي شكل هندسي فيهو دوائر صغيره صغيره ورا بعض وكتاااار ,, (مافي زول يسألني ليه)
علاء الدين منصور الشهير بتمبس لمن يكون سايق العربيه وزول يعمل ليهو حركه ماياها في الشارع (طبعا بكورك كواريك على شاكله : شوف الـ #### داا ؟؟ أنت ##### ..؟؟ تيييت تييييت الخ الخ الخ)
| |
|
|
|
|
|
|
|
|
|
Re: بتخاف من شنو ؟ (Re: داليا الكباشى)
|
عمر والجميع سلامات ورمضان كريم..
Quote:
والمشكلة كثيرا بصرخ اثناء النوم لو شفتها في الحلم
|
خالد العطا ياخ انا بصراحة ما عندي ليك حل لكن عاوز اطمنك انك ما براك
عندي صديقي مهندس كيميائي يعمل بمعالجة المياه باحدى الشركات بــ DC
سافرت لقضاء اجازة نهاية الاسبوع معه قبل عام تقريبا - المهم صاحبك بعد العشاء
مشى معاي غرفة الضيوف بعد مع زوجته واولاده ناموا وبدينا في الونسة لحدي
3 صباحا وغلبنا النعاس ونمنا - بعد ساعة تقريبا ونحن نيام قفزت مزعورا من سريري
على كواريك من شالكة - الحقووووووووووووني البوتاسيم - الاسيد لا الاسيد لا
حينقط في راسي يا اخوانا الحقووووووووني - استغرق الامر عدة تواثي لكي احد موقعي
وازحف لمقتاح النور وانا مرعوب فاذا بصاحبي يصارع في البطانية ويرفس برجلينو
وهو مازال يصرخ باعلى صوته - فهزيته بعنف حتى فاق فنطر الي بكل هدوء وابتسم
وقال لي شنو يازول مالك اوع اكون كورتا ليك... المهم لعنت سلسفيله سرا وعلانية
في الصباح قلت لزوجتو الزول دا ما ينوم معاي تاني فقالت لي ياخ انا حنّستو حنيس عشان ينوم معاك:))
المهم الدكتور المتخصص قال ليهو المسالة دي من ضغط العمل واداهو بعض التمارين والحبوب..
تعرفي يا داليا صاحبي الفوق دا ذاتوا بكون بتكلم معاهو بالتلفون ونحن الاتنين سايقين
فجاءة اسمعو ليك بكوك - الله لا طورك يا بهيمة - الكلام دا في DC ثم يدلف للنبذ باللغة الانجليزية
You son of )*&%$#@ الخ الخ - وانا اقول ليهو يا راجل اعمل حسابك ناس دي سي ديل بدوك طلقة في راسك
المدوغل دا - يقول لي لا لا ما تخاف القــــــــزاز مقفول::)
فقولي لعلاء ينبذ زي ما داير بس يخلي القزاز مقفول:)
| |
|
|
|
|
|
|
|
|
|
Re: بتخاف من شنو ؟ (Re: حسين نوباتيا)
|
| Quote: أي شكل هندسي فيهو دوائر صغيره صغيره ورا بعض وكتاااار ,, |
الحاجة دي اسمها: متلازمة البلاستيك شفاك الله
يعني:
رول السفرة التي تستخدم مرة واحدة
القصدير
الرول الشفاف الخاص بتغطية الطعام
ورق نشاف
أكواب بلاستيك
ملاعق بلاستيك
ورق الزبدة
كلنكس المطبخ
أوراق الدانتيل الخاصة بتقديم الصحون
أعواد الكبريت
فوط المطبخ
قفازات الغسيل
صابون الغسيل
الديتول
معدات تنظيف الفرن
أكياس الأطعمة الخاصة بالتجميد
| |
|
|
|
|
|
|
|
|
|
Re: بتخاف من شنو ؟ (Re: نادر النور آدم)
|
Quote: حليل المريخ ومهاجمين المريخ البخوفو ....
مرة اتنين اصحابي هلالاب (محمد كرودي و ربيع الجاح)
بتكلموا وما شايفني واليوم داك في هلال مريخ
واحد فيهم قال للتاني والله انا ما بخاف الا من زيكو
التاني قال ليهو يااااااخ مالك مذكرنا من اسه بطني وجعتني
بي سيرة زيكو ده ....... |
قوية دي ياعمر جنابو
اها انا الجوز دا بخاف منهم كرودي وربيع
| |
|
|
|
|
|
|
|
|
|
Re: بتخاف من شنو ؟ (Re: وليد عبد اللطيف)
|
يا قريبي كيفنك
اولاد اختي المعاك ان شاد الله طيبين
ياخي نسيت اهم خوفة
الطيارة
ياخي الاخترع الطيارة دة حقو يجلدوه ويصلبوه من خلاف
لو في طريقة اجي من المغرب كداري كان جيت
| |
|
|
|
|
|
|
|
|
|
Re: بتخاف من شنو ؟ (Re: طارق جبريل)
|
| Quote: لو في طريقة اجي من المغرب كداري كان جيت |
نحن يا معلم عندنا خيارات بي هنا .. الله يجعل البركة في بابور البحر دا ..
لكن انتو الله يكون في عووونكم .. ياخ مشواركم ذاتو غتيت
| |
|
|
|
|
|
|
|
|
|
Re: بتخاف من شنو ؟ (Re: وليد عبد اللطيف)
|
كل وأنت بألف خير يا عمر ولكل المتداخلين
بخاف موت من الضفادع
مرة صديقي عمر تميم كان يعرف خوفي من الضفادع
فمسك واحدة كبيرة وسكاني بيها (في داخلية الجامعة)
كان الممر في الداخلية طويلا فأطلقت ساقي للريح
وعمر والضفدعة من خلفي فإذا بنهاية الممر سلك شائك
تخيل اخترت السلك الشائك بدلا عن مواجهة الضفدعة
| |
|
|
|
|
|
|
|
|
|
Re: بتخاف من شنو ؟ (Re: فايزودالقاضي)
|
فيصل نوبي ..سلامات وليك وحشة والله ..
Quote: ود الصايم تتذكر يوم صلينا الجمعة داكـ ؟
اها داكـ ما ضميتو مع الخوافات الفوق دي مالكـ ؟ |
00966560564819
ـــــــــــــــــــ
لاغراض سلمية ..
| |
|
|
|
|
|
|
|
|
|
Re: بتخاف من شنو ؟ (Re: فايزودالقاضي)
|
الكلاب..... طبعا. ممكن اسيب ليها شوارع و الف حول الكرة الارضية عشان ما الاقي ######.
خايفه برضو من الفقر...خايفه اكبر و اعجز و اكون فقيرة....
اما الخوف المرض الى مشيت ليه لدكتور نسبة للكوابيس المتكررة فهو (ما تضحكو):
امتحان الشهادة الثانوية. بعد اكتر من 15 سنة من الامتحان ده و انا لسه (لما اكون مضغوطه فى الدنيا) بتجينى كوابيس عن امتحان الشهادة. و التفصيل المتكرر فى كل حلم ان شهر مارس جاء و انا لسه ما حفظت صورة النور.
| |
|
|
|
|
|
|
|
|
 Re: بتخاف من شنو ؟ (Re: smart_ana2001)
|
حاجة مهمة نسيتها كيف ماعارفة؟
الدخول في الهاي وي
وووووووووب من لحظة دخول الهاي واي
للعدو الماصليح
بقرأ فيها يس والمعوزات وتبارك وسورة الجن
الله يقطع الفور ناينتي فايف والسيكستي سكس
| |
|
|
|
|
|
|
|
|
|
Re: بتخاف من شنو ؟ (Re: Rawia)
|
Quote: بقرأ فيها يس والمعوزات وتبارك وسورة الجن
الله يقطع الفور ناينتي فايف والسيكستي سكس |
والله يا راوية كتلتيني بالضحك
تعرفي كانت في واحدة سوادنية في نورث
كارولاينا بتخاف من صوت الرعد في الهاي ويي
وكل ما الرعدة تضرب بتغير اللين هاهاها
ومرحب بيك في دي سي، يعني شنو يا راوية
لو ذهبت الشياطين حضرت الملائكة، نحن
نسيب دي سي إنتي تجيء، وكفارة وحمد لله
على سلامة الوالدة.
بالمناسبة يا رواية إنتي ما شوفتي هاي ويهات
ياخي هاي ويهات دي سي مرض، وبطيئة جداً
لو جيتي نورث كارولاينا وركبتي الآي إتي فايف
أو الأي فوري ح تعملي شنو؟
تحياتي للجميع ورمضان كريم
| |
|
|
|
|
|
|
|
|
|
Re: بتخاف من شنو ؟ (Re: النذير حجازي)
|
Come on, Alnzeer!!!!I
| Quote: "It's still the wild, wild West when it comes to America's fastest roads," says Inrix spokesman Jim Bak. Eight of the country's 10 fastest roads are in California, Arizona, Utah and Idaho. |
http://www.forbes.com/2010/07/12/americas-fas...s-fastest-roads.html
Widest highway (maximum number of lanes): The Katy Freeway (part of Interstate 10) in Houston, Texas, has a total of 26 lanes in some sections as of 2007[update].[citation needed] However, they are divided up into general use/ frontage roads/ HOV lanes, restricting the traverse traffic flow.
Widest highway (maximum number of through lanes): Interstate 5 along a 2-mile section between Interstate 805 and California State Route 56 in San Diego, California, which was completed in April 2007, is 22 lanes wide.[26]
http://en.wikipedia.org/wiki/Highway
فى شارع هنا يا النذير و راوية لما اكون ماشه فيه ب 85 ميل فى الساعة بكون ماشه فى اللين البطئ.لكن لما يظهر بوليس الناس كلها بتخترم روحها
85 ميل فى الساعة دى 136 كيلومتر فى الساعة
(عدل بواسطة smart_ana2001 on 08-03-2011, 06:18 PM)
(عدل بواسطة smart_ana2001 on 08-03-2011, 06:24 PM)
| |
|
|
|
|
|
|
|
|
|
Re: بتخاف من شنو ؟ (Re: smart_ana2001)
|
العزيزة سمارت والله أفحمتيني عديل كدا
لكن دي دلالة على إنو البوليس في كالفورنيا وأريزونا
ما شايف شغلو كويس هاهاها، تعرفي البوليس في نورث
كارولاينا مسمنوا أبو الشهيق هاهاها فجأة كدا بتلقيهو
ظهر ليك من مافي ودائماً بكون أندركفر.
وفعلاً يا سمارت بتذكر كانوا بجوا جماعة للتوظيف
في جامعة شارلوت، من الستي أوف أل أيه وقالوا الدوام بتاعهم
أربعة أيام في الأسبوع بنظام الشفت بتتغير كل
مرة، ولمن سألناهم ليه؟ قالوا علشان يخففوا
زحمة المرور، وأظن إنو القطاع الحكومي بعدل
الشفت بتاعو لتخفيف زحمة المرور.
| Quote: 26 lanes in some sections |
دي موبااااااااااااالغة والله حقو أسافر
سياحة علشان أشوف الهاي وي دا شكلو كيف
على الطبيعة هاهاها
تحياتي ورمضان كريم يا ملكة
| |
|
|
|
|
|
|
|
|
|
Re: بتخاف من شنو ؟ (Re: النذير حجازي)
|
ههههههههه
النذير والله ياخ لازمنا نتلاقى .... غايتو عندك تلاتة أربعة شهور تاني أها مابتجي فيهن؟
أنا ماعندي مشكلة تغيير لين ولا تتبع فلو العربيات
مشكلتي الدخول فيهو مع التركات الكبيرة الوحشة ديك
ومشكلتي الاكبر الراجل بتاع الجي بي أس
الله يسنحو
سو كونفيوزينق ومابيسكت البتة
85 ياسمارت دا ما الافترا زاتو أنا ماخدة لي تيكت لما سرعتي بقت 82 لي هسة باقية لي زي العمل الردي
وبعدين ستة وعشرين لين دي ببكي فيها عديل( المشكلة لما مايكون عندك حل الا تقضي مشاويراك براك)
كاليفورنيا شفتها
حلاتهم السيفنتي والفيفتين حلوين وزي العسل تمشي براك لما تخافي يلاقيك شيطان
وياحليل بنسيلفينيا
تسلموا وبتمنى ليكم رمضان حلو وبي لمة سعيدة
| |
|
|
|
|
|
|
|
|
|
Re: بتخاف من شنو ؟ (Re: فيصل نوبي)
|
كلة سنة وأنت طيب يا جنابو
بخاف من المفاجآت ..
عربية تطلع ليك من مكان مفاجئ ..
زول تلقاهو فجأة في وشك من غير ماتحس بخطوتو ..
حتى كلمة عندي ليك مفاجأةـ ممكن تكون حلوةـ ما بريدا ..معدل الادرينالين بتاعي بطير السماء ..
في حاجات "بتكششني"..ومعارفا ده مرادف الخوف ولا القرف ..
مثلا شكل خلية النحل ..مخلوقات من نوع واحد بكمية كبيرة مثلا(فيران/نمل/ صراصير/ديدان) زي حاجات أفلام الرعب ديك ممكن تلقاني واقعة في الأرض ميتةعادي ..
برضو خايفة أموت في حادث ..
هسة وده جديد ـ والله جدـ بقيت خايفة أموت وأخلي بتي صغيرة والشعور ده بقى مسيطر علي شديد ..
| |
|
|
|
|
|
|
|
|
|
Re: بتخاف من شنو ؟ (Re: داليا حافظ)
|
رمضان كريم يا عمر
اكبر مخاوفي واولها اني اموت او يموت زول عزيز على
داليا مبرووووك البنيه وربنا يفرحك بيها
على كدا انا قديمه خلاص .. اخر مره بتذكر باركته ليك فيهاالعرس
| |
|
|
|
|
|
|
|
|
|
Re: بتخاف من شنو ؟ (Re: Dalal Ezzaldin)
|
العقرب يا عمك العقرب
كمان فى نوع كده عندو شعر فى رجليه
ياخى فى فلم فى اليوتيوب واحد كده اكل ليه طاشر عقرب وهى حيه وماشه
من اليوم داك جانى رعب من فرشه الاسنان بقينا ناس اراك ساكت
| |
|
|
|
|
|
|
|
|
|
Re: بتخاف من شنو ؟ (Re: امير عبدالدائم)
|
رمضان كريم وتصوموا وتفطروا على خير ...
والله عاوز ارد ليكم واحد واحد لكن النت عندي بطيء
فاعذروني .... كل المداخلات حلوة واغلبها
مضحك لكن صراحة مداخلة الاخ بخاري (بخاف من هجر الحمام)
اخدت الاوسكار في البوست ده ....
| |
|
|
|
|
|
|
|
|
|
Re: بتخاف من شنو ؟ (Re: omer osman)
|
عمر....تحية ماطرة بالاحترام....
واضح خفة دم المتداخلين وصدقهم...وتمتد المخاوف الي (الوداع)...
لكن في بالي رائعة صديقنا حسن السر ...بخاف اسال عليك الناس...
هل للخوف معاني كثيرة ام اصله واحد؟
لكم الاحترام
| |
|
|
|
|
|
|
|
|
|
Re: بتخاف من شنو ؟ (Re: أمير فتحي)
|
* بخاف من الشاكوش عشان كدة مابدخل نفسي في متاهات زي دي.
* وبخاف من الوصايا والوزن الزائد ، خطوط الطيران تحدد ليك وزن ثابت والاخوان عارفين كدة وبرضو يردموك وزن . قبل ثلاثة
سنين مضت وانا راجع من السودان آمهات الصحاب ردموني ليك وصايا لمن آمنت جيت مطار الخرطوم ناس اللفتهانزا دفعوني فرق
وزن 450 يورو نزلت مطار فرانكفورد ومشيت علي سير العفش وجدت الشنطة أتلفت بسبب الشحن بلاهي ريحة الويكا والبصل المحمر
والدكوة والحلومر في أنفي التقول
لافي في سوق السجانة بس الحمدلله الماكان فيها دلكه ولا خمره ولا طلح ولاشاف عاينت شمال عاينت يمين أخذت شنطة ملابسي
وخليت الشنطة التانية لافي الي يوم الليلة وجيت مارق للصحاب
قلت ليهم أي زول أموا رسلت لية معاي حاجة يدخل يشيلا من السير 
جنابو عمر والمتداخلين
رمضان كريم وتقبل الله صيامكم وقيامكم .
| |
|
|
|
|
|
|
|
|
|
Re: بتخاف من شنو ؟ (Re: عادل الباهي عبدالرازق)
|
| Quote: هسة وده جديد ـ والله جدـ بقيت خايفة أموت وأخلي بتي صغيرة والشعور ده بقى مسيطر علي شديد .. |
واجهني الإحساس دا كتير لما كانت همسة بتي صغيرونة .. لكن تكبر شوية ان شاء الله حا يتلاشى الإحساس
حا تبقي تفكري تلبسي شنو يوم عرسها هههههههههههههههههه
ربنا يحفظها ليك يا رب
| |
|
|
|
|
|
|
|
|
|
Re: بتخاف من شنو ؟ (Re: نادر النور آدم)
|
Quote: كل المداخلات حلوة واغلبها
مضحك لكن صراحة مداخلة الاخ بخاري (بخاف من هجر الحمام)
اخدت الاوسكار في البوست ده .... |
والله دي شهادة اعتز بها يا جنابو تسلم كتير
| |
|
|
|
|
|
|
|
|
|
Re: بتخاف من شنو ؟ (Re: نادر النور آدم)
|
ما دام قلبتوها حزايني النديكم النجيضة:
من يوم غرق (السلام) المصرية بقيت بخاف يحصل لي حاجة زي دي
ومعاي أولادي وما أقدر أعمل ليهم حاجة .. بتجيني صورة بناتي
عديل قدام وشي وهم بنادوني وأنا عاااجز عن مساعدتهم أو حتى
أفهمهم الحاصل شنو!!
المخاوف دي بتنطبق على جميع وسائل الموت الفجائي نجّانا الله وإياكم منها!!
_
وبخاف من نوبي لما يبدا يفتّ الأوراق
| |
|
|
|
|
|
|
|
|
|
Re: بتخاف من شنو ؟ (Re: عاطف نورالهدى الطاهر)
|
| Quote: وبخاف من نوبي لما يبدا يفتّ الأوراق |
جيت البوست ده داير أكتب لي خوافة من الخوافات نسيتها بعد قريت التعليق الفوق ده
ايواااااا - إتذكرتها
المرا النقناقة.
_
رمضان كيف معاكم ؟
| |
|
|
|
|
|
|
| |
omer osman
محمد يوسف الزين
محمد عمر جبريل
ناصر احمد الامين
حسام عبد الرحيم
HAIDER ALZAIN
Mohammed Awad
محمد عبد الماجد الصايم
khaleel
جلال عثمان
معاوية المدير
طارق جبريل
فيصل نوبي
اساسي
ود الخليفه
Rawia
داليا الكباشى
خالد العبيد
حسين نوباتيا
معاذ حسن
نادر النور آدم
وليد عبد اللطيف
جعفر محي الدين
عبدالله كع
بخاري عثمان الامين
فايزودالقاضي
smart_ana2001
النذير حجازي
داليا حافظ
Dalal Ezzaldin
محمد حيدر المشرف
أمير فتحي
عادل الباهي عبدالرازق
حمد عبد الغفار عمر
سفيان بشير نابرى
فاروق أبوحوه
قاسم المهداوى
عاطف نورالهدى الطاهر
فيس بوك
تويتر
انستقرام
يوتيوب
بنتيريست