|
دعواتكم لزميلنا المفكر د.الباقر العفيف بالشفاء العاجل
|
|
 Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
دارين لينا عيش بي خمسة الف كل يوم يعني 150 الف في الشهر
قول كيلو لحمة عجالي في الاسبوع 84 الف في الشهر
كيلو مفرومة في الاسبوع 96 الف في الشهر
كيلو سجك في الاسبوع 96 الف في الشهر
لبن بي 6 الف في اليوم 180 الف في الشهر
المهم كهرباء وخضار وزيت وغاز ....... الخ طلعت حوالي 949 الف جنيه في الشهر
دي لافيها علاج لا ايجار لا فسحة ولا ......... الخ
| |
 
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: حمزاوي)
|
Quote: قريبي جنابو عمر
مسكاقمي
انت ما سمعت بالمؤسسة الخيرية بتاعت الكيزان الاسمو الله كريم
الله لا كسبهم ولا غزا فيهم بركة |
حمزاوي الصفوة ........
يمين كان ما الله كريم كان الناس دي قلعت من بعض
عديييييييل كده في الشارع ..... ياخ الناس تعبانة بالجد كده
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: منال)
|
Quote: انت ياعمر مش قالو المواطن ياكل لحمه ليه ماياكل ماجى
,,,, |
المشكلة يامنال انو اهلنا اصلو ما قصروا معانا في
اكل وشراب ويستوي في ذلك الساكن نمرة 2 او ساكن
الديم او ساكن بيوت الاشلاق كلنا كنا بنأكل نفس الاكل
وبنقرا في نفس المدرسة الحكومية ....... زمن !!!!
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: على محمد على بشير)
|
ايه الرفاهية العايش فيها انت دى ياجنابو
كدى اجرى الحسابات التالية بعدين تعال اشكى 
أجب مستعيناً بالله تعالى على جميع الأسئلة التالية مع تبيين خطوات الحل بوضوح :
السؤال الأول:
( حمدان) يعمل موظفاً يإحدى المصالح الحكومية مرتبه يبلغ 500 جنيه وهو يعول أسرة مكونة من أربعة ابناء بالإضافة إلى أمهم ويسكن في بيت إيجار في منزل صغير بحى شعبى بأطراف المدينة بأجرة شهرية تبلغ 250 جنيه . أحسب كم يتبقى من مرتب حمدان الشهري بعد خصم قيمة الإيجـــــــار
السؤال الثاني:
إذا كان حمدان يركب يوميا مواصلتين كيما يذهب لمكان عملة وكانت هاتان المواصلتان قيمة تذكرة الأولى نصف جنيه والثانية جنيهاً واحداً بحساب مجموع المبلغ الذى يدفعه حمدان للمواصلات شهريا ذهاباً وعودة ؟! مع مراعاة تقريب الناتج لأقرب عدد صحيح جبراً للخواطر.
السؤال الثالث :
كم يتبقى من راتب حمدان بعد خصم إيجار المنزل وتكلفة المواصلات الشهرية؟!
السؤال الرابع :
إذا علمت أن منزل حمدان لا يحتوى على (أي جهاز كهربائي) وعلى الرغم من ذلك فإن قيمة ما يدفعه شهريا للجمرة الخبيثه (الكهرباء) هو 50 جنيهاً كما أنه يقوم بدفع قيمة المياة الشهرية التى تبلغ 16 جنيهاً إضافة إلى رسوم النفايات الشهرية التى تبلغ 7 جنيهات فكم يتبقى من راتب (حمدان) بعد خصم قيمة الكهرباء والمياة والنفايات؟!
السؤال الخامس :
يذهب أبناء حمدان الأربعه إلى مدارسهم (كدارى) دون ترحيل غير ان كل فرد منهم يأخذ مصروفاً مقدارة جنيهاً واحداً يكفى لشراء عدد واحد (سندوتش) فول (غير مصلح) – أحسب قيمة ما يدفعه حمدان شهرياً مصروفاً لأبنائه مع الإنتباه إلى حذف أيام العطلات الأسبوعية والرسمية ثم أخصم المبلغ مما تبقى له من مرتبه .
ملحوظة :
تم إعفاء أبناء (حمدان) من (الرسوم الدراسية الإجبارية) بعد ما قام بإستخراج (شهادة فقر ومسغبة) من اللجنة الشعبية .
السؤال السادس :
يتناول حمدان وأسرته وجبة واحدة فقط فى اليوم ولحسن حظ حمدان فجميع أفراد أسرته (نباتيون) لا ياكلون اللحوم بانواعها ولا (الأ########) ولا يشربون (الألبان) لذلك فتلك الوجبة غالبا ما تكون (فتة عدس) فإذ كانت تكلفة هذه (الفتة) كالآتى :
نصف كيلو عدس ________________ 5 جنيهات
12 (مايكروعيشة) بواقع عيشتين لكل فرد _ 3 جنيه
نصف رطل زيت ___________________ 2 جنيه
بصلتين +طماطمتين + ملح+شطة ________ واحد جنيه
كيس فحم صغير ________________ واحد جنيه
أحسب قيمة هذه الوجبة الرئيسة (فى الشهر) ثم أخصمها مما تبقى لحمدان من مرتبه (إن كان هنالك بقيه)
تنبيه :
حمدان وزوجته (عاملين رجيم) لذا فهما لا يتناولان غير هذه الوجبة فقط !
السؤال السابع :
لدى جميع أفراد أسرة حمدان ( لحسن الحظ و لسوئه في أن واحد!) مرض وراثى باللثه يمنعهم من إستعمال أي نوع من (معجون الأسنان) لذلك فهم يستخدمون (المسواك) فإذا كان كل فرد منهم يستهلك مسواكا واحدا في الأسبوع وكانت قيمة (كل 6 مساويك) تساوى واحد جنيه. أحسب إجمالى قيمة المساويك المستهلكة شهرياً ثم أخصم المبلغ مما تبقى من مرتب حمدان (إن كانت هنالك بقية)
السؤال الثامن :
لا يقوم أفراد أسرة حمدان (بكى ملابسهم) بل يكتفون بغسلها فقط ويستخدمون (صابون الغسيل) ماركة (أبو من غير رغوة) لغسيل الملابس و(الإستحمام معاً) بواقع (لوح صابون) لكل فرد أسبوعياً فإذا كان كل 6 ألواح صابون تكلف 3 جنيهات . أحسب إجمالى قيمة (الصابون) المستهلك شهرياً ثم أخصم المبلغ مما تبقى من مرتب حمدان (إن كانت هنالك بقية)
السؤال التاسع :
لا يتناول افراد اسرة حمدان (الشاى) بل يكتف كل فرد منهم بعدد 2 ملعقة سكر صغيرة فقط في اليوم (مذابه في الماء) فإذا كانت معلقة السكر الصغيرة الواحدة تحتوى على 5 جرامات من السكر أحسب كم جراماً من السكر تستهلكة أسرة حمدان شهرياً ثم أخصم القيمة الإجمالية مما تبقى من مرتب حمدان (إن كانت هنالك بقية) علماً بان سعر رطل السكر هو 2 جنيه وأن الرطل يساوى 454,5 جرام
السؤال العاشر :
هل تستطيع أن تحسب المتبقي من راتب حمدان للشهر بعد القادم بعد سداد الديون المستحقة لهذا الشهر والشهر الذى يليه إذا أمد الله في عمره علماً بأن هذا الإختبار قد خلا من أشياء أساسية كثيرة كالعلاج والدواء و(الكساء) و(المواجبات) و(الحياة نفسها) ! !
سؤال اختياري (خمس درجات إضافية) :
(أ) هل لديك أي إقتراح يقلل من منصرفات حمدان بحذف بعض البنود (البذخية) !
(ب) هل من نصيحة توجهها لحمدان (دون أن تعرض حياته للخطر) .
كسرة :
(هو فى خطر أكتر حياة حماد دى ذاااتا )
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: Hussein Mallasi)
|
Quote: Î!لا مواصلات لا مدارس لا هدوم لا ... الخ!
_____
هو الناس وقعت في
الأسبريت دا بالساهل!! |
المدارس دي كمان كووووووووم تاني ياحسين !!!
الابتدائي والعام خليهو لكن بتذكر في الثانوي العالي
ابوي بديني كل يوم جنيه واحد بفطر منو وبشرب بارد
وتاني في الفسحة الصغيرة بشرب بارد وبفضل لي باقي !!!
يعني اذا العام الدراسي زي 200 يوم بي 200 جنيه بي 600 جنيه
في تلاتة سنوات دي اسه اقل من تمن قزازة بيبسي !!!!!
وطبعا المدرسة حكومية ملح سااااااااااكت والله اسه عشان اقري
اولادي في مدرسة خاصة يمكن بدفع رسوم تكون اكبر من ميزانية
وزارة التربية في زمنا داااااااااااااااك !!!!!!
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: طارق جبريل)
|
Quote: íيا حبيب كيفك والوليدات وامهم
عارف سفرتي الاخيرة قعدت مع الحاج
قلت ليه يا حاج كدي نحسب مصاريفك دي
البيت فيه انت ووالدتنا رقية ام ناصر اخوي واختي مشلولة شفاها الله
يمين بالله يا عمر كضمت الكضمة الياها
يا زول شكلها غربتنا كدة بقت دايمة |
وانا متأكد يا طارق انو برغم مستوي الصرف المبالغ فيهو ده
لكن مستوي ونوع الاكل اقل من الزمان ربوكم بيهو .......
الله في .......
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
يا جماعة قولوا الحمد لله
الحكومة دى عملت ليك الزلط دى براها نعمة كبيرة
يعنى كلما تجوع تمرق من بيتك تبص على الزلط وتشبع بفضل الله وروعة الانجاز
ويا اخى انتو اصلا مين قال ليكم تدخلوا اولادكم مدارس ؟؟
يا اخى الحكومة دى عملت ليكم كبارى عشان اولادكم بدل قرف المدارس
تروح تنطط فوق الكبارى وتتعلم معنى الوطنية من خلال هذا الانجاز
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: هشام عباس)
|
Quote: الحكومة دى عملت ليك الزلط دى براها نعمة كبيرة
يعنى كلما تجوع تمرق من بيتك تبص على الزلط وتشبع بفضل الله وروعة الانجاز
ويا اخى انتو اصلا مين قال ليكم تدخلوا اولادكم مدارس ؟؟
يا اخى الحكومة دى عملت ليكم كبارى عشان اولادكم بدل قرف المدارس
تروح تنطط فوق الكبارى وتتعلم معنى الوطنية من خلال هذا الانجاز |
سلام يا هشام ........
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: طارق جبريل)
|
العزيز/ جنابو عمر
سلام
رغم بعدي والزمن الطويل عن البلد.. لكن سمعت كم مرة في محضر ناس تتكلم على الظاهرة الغريبة في عيشة الناس بالمافي دي!!!
الناس لو قعدت تحسب بتدخل في اوهام غريبة.. لكن الاغرب الحياة مستمرة..
كيف؟
والغريب كمان ظاهرة شهر العسل في ماليزيا... عرسان بالكوم كل اسبوع واصلين؟
اقل تكلفة لعروسين سبعة ألاف دولار!!....
العرسان ديل ما عندهم اهل عايشين بالكفاف؟ او من الناس بقت عايشة كيف ديل؟؟
يا جنابو.. ايام نميري كنا بنهتف للبوليس لما يهجم على المظاهرة.. يا بوليس ماهيتك كم؟؟
هسي يقولوا عليهم شنو!!!... يا بوليس عايش كيف؟!!!
تحياتي
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: Hisham Ibrahim)
|
| Quote: ما بي الرشاوي والإختلاسات والفهلوه يعني الحرام مغلف بي علب فهلوه |
موجود وبكثرة ولايمكن نفيه او الدفاع عنه لكن الشرفاء
اكثر قابضين على جمر شرفهم وجوعهم يعيشون على الكفاف
والتكافل الاسري مع اخوانهم المغتربين او بالعمل في اكثر من دوام
على حساب صحتهم وقتهم ووقت اولادهم ، لا ادري الى اة مدي سيصبرون
على هذه المعاناه والمجابدة !!!
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: Abdlaziz Eisa)
|
Quote: والغريب كمان ظاهرة شهر العسل في ماليزيا... عرسان بالكوم كل اسبوع واصلين؟
اقل تكلفة لعروسين سبعة ألاف دولار!!....
العرسان ديل ما عندهم اهل عايشين بالكفاف؟ او من الناس بقت عايشة كيف ديل؟؟ |
هلا يا عبدالعزيز ........
مع كل الفقر والضيق الحاصل ده عدد المليونيرات في السودان زاد !!!
وفي بعض الشركات بقت تدي موظفيها مرتبات كبيرة لكن السواد الاعظم
من شعب السودان يعيش ضائقة معيشية حقيقية.
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
اخخخخخخخخخخخخخ ياسعاتك ضربتنى فى الانكل ياخ
انت عارف انا رجعت السودان ومعاى الاولادلكى نستقر هناك وجلسنا سنة وزيادة وعلى طول ورجعت بالاولاد تانى. يعنى لو زدت شهر واحد كنت مديت كرعتى للناس.
ياخ ربنا يلطف بالاهل والله القصة جد مرة.
نسال الله ان يرفع عنهم البلاء والوباء
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
....]red].....
....يا كافي البلا ....حمدان ده ما عندو ولا ماسوره واحده في البيت ...
.....بنتقط .... سمك...
..
..
...
...
.
.
..ساعدوه و الاشوفوا ليهو طريقه ....يستورد واحده .... انشاء الله فاشريٌه ...
...
...
...
..عطبره قالوا ...قطٌت... و شخٌرت ...
...
..
..
..
....
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: Hololy)
|
سلام ياحبيبنا ...
Quote: قول كيلو لحمة عجالي في الاسبوع 84 الف في الشهر
كيلو مفرومة في الاسبوع 96 الف في الشهر
كيلو سجك في الاسبوع 96 الف في الشهر
لبن بي 6 الف في اليوم 180 الف في الشهر |
صدقني 99.9% من المغتربين مابياكلوا الكلام الفوق ده ...ياحليل السجوك وكسلا الوريفة ..قربت انسى اسمه ..
وبعد ده الجماعة بقولوا ليك السودان كويس وفيهو طفرة - كان عيشة طفرانة ماعارف !!!
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: فاروق عثمان)
|
Quote: جنابو
راتب الطبيب لا يتعدي 600 الف جنيه
ومعظمهم في بداية حياتهم يعني مؤجرين ومواصلات اضيف البندين ديل لي لستتك
اها زي ديل يسو شنو
في رايك؟
محن والله محن..............
.............. |
والله يافاروق الوضع الاقتصادي اصبح فوق طاقة
احتمال الناس والضغط بلاشك يولد الانفجار !!!!
| |
|
|
|
|
|
|
|
|
 Re: بالجد كده الناس بقت عايشة كيييييييييف ؟؟؟؟؟؟ (Re: فايزودالقاضي)
|
Quote: الابتدائي والعام خليهو لكن بتذكر في الثانوي العالي
ابوي بديني كل يوم جنيه واحد بفطر منو وبشرب بارد
وتاني في الفسحة الصغيرة بشرب بارد وبفضل لي باقي !!!
يعني اذا العام الدراسي زي 200 يوم بي 200 جنيه بي 600 جنيه
في تلاتة سنوات دي اسه اقل من تمن قزازة بيبسي !!!!!
وطبعا المدرسة حكومية ملح سااااااااااكت والله اسه عشان اقري
اولادي في مدرسة خاصة يمكن بدفع رسوم تكون اكبر من ميزانية
وزارة التربية في زمنا داااااااااااااااك !!!!!! |
شوف دة كمان!!!!!!!!!!!!!
نحن فى الثانوى العام كانوا بصرفوا لينا الكتب والكراريس مجااااااااااااااااانا
وبفطرونا يوم بى عدس وبيض مسلوق وطحنية
ويوم بفول وكبدة محمرة ومربة
دة طبعا للساكنين خارجى ،يعنى مع أهلهم
الساكنين داخلية عندهم غداء وعشاء وشاى صباح باللقيمات!
الكلام دة مابعيد ، فى زمن النميرى
أها رايكم شنو ياجنابو!!
تحياتى
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: مهيرة)
|
Quote: Quote: íالكلام دة مابعيد ، فى زمن النميرى
أها رايكم شنو ياجنابو!! |
تعرفي يامهيرة التغيير في الاسعار زمان كان موجود لكن
ما بالطريقة دي يعني ممكن فترة الابتدائي كلها ستة سنين
يكون سندوتش الفول سعرو ما تغير ابداً ......
والله انا غبت من السودان ستة شهور بقيت لمن اسمع الاسعار
اقول ياربي انا رحت من السودان والا شنو ؟؟؟ مووووووبالغة بالجد
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: gamal elsadig)
|
يا جنابو...زولا هولا لينا بسيط...كان معانا في الغربة دي...
وكان كل ما يجي البشير يفتتح ليه حاجة...بي هيلمانتا
براه يقول الله اكبر...وعينيه ترقرق...اتاريه كان لابد
ليه فوق رأي...
اشتري...نيسان..ووقف النيسان وبدأ يلقط زي ستة
سنين قاعد ما سافر...وحارس التلفزيون...كلما البشير...
يفتتح حاجة...هو يكبر...ويبكي...ويمشي يشتري نصيبة
يردما في النيسان...وآخر شي تم النيسان بي تراكتور
ماركة ماسي فيرجسون...ولما جرد لي الحاجات الشايلا
في النيسان...من بطاريات ولساتك...وبساتم...وطلمبات
وبواري...وبي حسبة بسيطة لقيت نيسانو دا ممكن يشتغل الي ان ينفخ
في الصور...وزاد هو من الشعر بيت وقال...انت عارف
التراكتور دا انا شايلو كلما صبت مطر في بلد...ارفعو
فوق ضهر النيسان دا وامشي ازرع...
قدر ما حنسناه قلنا ليه امشي اجازة وودي الحاجات دي وتعال
ابي واستكبر...وتجبر...وشاكلنا وشاكل الزول الشغال معاه...قرررب يكفتو...(ما عندو
نيسان وتراكتور واسبيرات)
رجعت بعد سنة واحدة من سفرو...لقيت التراكتور...وما لقيت النيسان..
السنة الجاية...لقيت الاسبيرات في الحوش وما لقيت التراكتور...
البعدا...لقيت قدام البيت كارو...والبعدا...الكارو...بدلا بي
نعاج...بس الفايدة الوحيدة انو اشتري بيت...وهسي كايس الرجعة
وما لاقي...الحتحيت دا كلو في ظرف 5 سنين...وكلما اسألوا الحصل
ليك شنو؟؟؟ يقول لي بس انتو امرقوني...بجي احكي ليكم هناك...
ولا هسي لا حكا لينا ولا مرقناه...وانا متأكد لما ارجع الشهر دا
النعاج بلقاهن اتلحسن....(نان نحن زمان ما مسكنا ليه في كراعو
وفي لساتك نيسانو عشان يقعد...وابي وشاكلنا واحد واحد...
ومأساتو دي سميناها النعجة سيندروم
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
الناس في بلدي يأكلون الفول والطعمية ويشربون مزيج النيل!!
فقد انطبق علينا الحكمة التي تقول : كل عام ترذلون ... بل كل يوم ترذلون!! ولا عجب ... فقد كنا العام الماضي القريب نتمتع بوجبة فول (فخمة) مع 2 عيش ونشرب شاي بأقل سعر ... والماء مجاناً من سبيل أو من ذات المطعم الذي نأكل عنده. وهذا العام تغير الحال ... وكل يوم هو في شأن ... فأصبحنا نشتري (السلطةالخضراء) دون لاعب أساسي فيها (الطماطم) والتي تصاعدت أسعارها لتصبح في غير متناول فقراء بلادي المغبونين - وأنا واحد منهم - ونعلم جميعاً أن الوجبة الأساسية لكافة أهلنا في السودان هي طبق الفول للإفطار و ملاح الخضار أو السليقة للغداء (إن وجد) لأن معظمنا ترك وجبة الغداء ليستعيض عنها بالعشاء والذي ربما يكون فول أيضاً مع بعض التحصسينات (إن كانت في الامكان)... ورغم ذلك رضينا 22 عاماً بهذا الحال .. مع ذكر أننا محرومين من أكل اللحم يومياً بل أسبوعياً في أحوال كثيرة إلا في عيد الأضحى ... لارتفاع أسعاره أيضاً ... كما أننا أصبحنا نأكل وجبتين وربما واحدة ... ونخطو بخطى حثيثة وثابتة نحو التخلي عن وجبة أخرى ... وحتماً سيكون ذلك عما قريب ... وفقاً لمجريات الأحوال المتصاعدة والغلاء غير المبرر لأسعار السلع الأساسية وليس الكمالية فحسب ...
أقول أننا وبلا أدنى شك ورغم طول النهر وسعة الأرض وقوة الساعد وفصاحة اللسان ... سندخل عصر (مجاعة سنة 6) وربما أسوأ.. ولا أشك في ذلك لحظة...
فعجبت لمن لا يملك قوت يومه كيف لا يُشهر سيفه؟
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: سيف الدين عبد الجبار)
|
| Quote: قد انطبق علينا الحكمة التي تقول : كل عام ترذلون ... بل كل يوم ترذلون!! ولا عجب ... فقد كنا العام الماضي القريب نتمتع بوجبة فول (فخمة) مع 2 عيش ونشرب شاي بأقل سعر ... والماء مجاناً من سبيل أو من ذات المطعم الذي نأكل عنده. وهذا العام تغير الحال ... |
اديها صنة شوية ياسيف لو بتاع المطعم ما حاسبك
على الشطة والملح اضحك علي .......
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: خالد العبيد)
|
Quote: سلام يا عمر
بالجد كده انت كيزان البورد مادخلو البوست ده ليييه ؟
ولا واحد ... قرف يقرفكم يا كذبة |
سلام ياخالد وحبابك في السودان .............
تعرف ياخالد من خلال معرفتي اللصيقة والمباشرة بعدد كبير من
الاخوة اعضاء المؤتمر الوطني في هذا المنبر اعرف انهم يعانون
من غلاء الاسعار مثل ما يعاني اغلب اهل السودان ، لكن تقديرات
الناس في بعض الاحيان تختلف في النظر الى هذا الغلاء والصبر عليه
او ربما قيود الحزبية تمنع الشخص في بعض الاحيان من إبداء رأي
صريح في موضوعاً ما .......... وجلهم يعملون في وظائف عادية أو
اعمال خاصة صغيرة على قدر حالهم وهذه شهادة يمليها على ضميري
وديني بحق هولاء الأخوة وبالطبع هذا لايمنع من تحميل المؤتمر الوطني
كحزب المسئولية الكاملة عن مشقة العيش التى يعيشها اهل السودان الان.
| |
|
|
|
|
|
|
|
|
 Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
ســلام يا جنابو
و الله أنا كنت قايل الحاصل ده عاجبك لو ما بوسطك ده..
و ذلك بسبب صحبتك للمـدّاحين الهنا ديل ( ناس هيييع أبزرد حوجل أو كما قيل)..( وش زى الأخضر نمرة واحد من اليمين)..
------------------------------------------------------------------
نكتــة:
الجماعة قبضوهم فى المظاهرات، العسكرى البحقق معاهم سأل الزول: أنت شغال شنو؟؟
الزول قال ليهو مـدّاح
العسكرى قال ليهو: مش أنتو بتاعين ( بريدك يا البـشير)، أنت أمشى أهلك خلاص..
-----------------------------------------------------------------
المهم يا جنابو سـماح على سوء الظن ياخ..
و الحقيقة تقال ( أنت صاحب الجميع بلا شك)..
تحياتى
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: Abuzar Omer)
|
مش عارفين
لكن اقول ليك
عني زول بسيط كدا شغال
عامل في مؤسسة بيصرفوا ليهو
450 جنيه مؤجر بيت بيت بيت
ب500 وبيمشي بالمواصلات ومرات
بيركب بص الوالي ب2 جنيه وما
بيدخل في خشمو اي حاجة برة البيت
ومرات جوة البيت عندو 3 اطفال
اكبرهم بنية عسل بتقرأ في الروضة
ب 150 جنيه بالبص حقها ... نعم
والله بكلمك جد دي حالة شايفنها
وبرضو زول جنب ولا بيقبل مساعدات
خارجية وواقف براه وما كوز وبيضحك
وبيقتلك من السخرية .
آها دا الله كريم لانو بالحساب دي زنقة زنقة
..............................................حجر.
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: الرفاعي عبدالعاطي حجر)
|
Quote: صحيح يا شقيق لكن بعيد عن قضايانا الوطنية وعلى ارض
الواقع الناس تكابد في معايشها بشكل لايصدق ......... فما هو الحل ؟ |
الحل ياعمر هوسقوط هذا النظام وسقوط كل اعوانه ومنتسبيه ..فسقوط النظام
اصبح ضرورة حياتية قبل ان تكون ضرورة سياسية .
انت شايف انو الحل يكون شنو؟
ـــــــــــــــــــــــــ
بعدين عندنا اسئلة قديمة وجديدة في مكان اخر ماعاوز ترد ولاشنو؟
وده برضو سؤال ..
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: gamal elsadig)
|
Quote: Quote: الحل ياعمر هوسقوط هذا النظام وسقوط كل اعوانه ومنتسبيه ..فسقوط النظام
اصبح ضرورة حياتية قبل ان تكون ضرورة سياسية .
انت شايف انو الحل يكون شنو؟ |
اصلو اذا الحكومة ما عاوزة تشتغل بالناس وتحل مشاكلهم
الحياتية الناس الجابرهم عليها شنو تمشي طوالي زي ما
مشت حكومات قبلها !!!!
Quote: Quote: بعدين عندنا اسئلة قديمة وجديدة في مكان اخر ماعاوز ترد ولاشنو؟
وده برضو سؤال .. |
نصيحة لوجه الله يا شقيق (النفس الحار) ده ما بشبه الاتحاديين
والاسئلة القديمة والجديدة ما فيها ما يعجزني عن الرد عليه ...
ولكل مقام مقال ولكل بوست حديث ...
بجيك للاسئلة بي رواقة ان شاء الله ...
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
ياخي فتشت للأيقونة بتاعت الرد في ردك الأخير ما لقيتها
في النهاية لقيتك حاشرها داخل مربع الاقتباس (مبالغة)
فعلا يا عمر عثمان الإجابة على السؤال دا محيرة أو قل مستحيلة
دخل أي فرد في السودان يعجز عن مقابلة منصرفاته
الغريب في الأمر هو سكوت الناس على كل هذا الهوان
ياخي ربنا سبحانه وتعالى أكرم الإنسان
ليه يجي هذا الإنسان ويرضى لنفسه الهوان
الحل فعلا كما قال الأخ الكريم أعلاه
في زوال هذه الطغمة الحاكمة
وإشاعة الديمقراطية والشفافية
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: الرفاعي عبدالعاطي حجر)
|
Quote: مش عارفين
لكن اقول ليك
عني زول بسيط كدا شغال
عامل في مؤسسة بيصرفوا ليهو
450 جنيه مؤجر بيت بيت بيت
ب500 وبيمشي بالمواصلات ومرات
بيركب بص الوالي ب2 جنيه وما
بيدخل في خشمو اي حاجة برة البيت
ومرات جوة البيت عندو 3 اطفال
اكبرهم بنية عسل بتقرأ في الروضة
ب 150 جنيه بالبص حقها ... نعم
والله بكلمك جد دي حالة شايفنها
وبرضو زول جنب ولا بيقبل مساعدات
خارجية وواقف براه وما كوز وبيضحك
وبيقتلك من السخرية . |
نموذج للسواد الاعظم من الشعب السوداني الأن .......
والدولة مبسوطة ان الشعب يحل مشاكله بعيداً عنها !!!
سلام ياقريبي .............
| |
|
|
|
|
|
|
|
|
|
Re: بالجد كده الناس بقت عايشة كيييييييييف ؟؟؟؟؟؟ (Re: omer osman)
|
| Quote: بالجد كده الناس بقت عايشة كيييييييييف ؟؟؟؟؟؟ |
ازيك يا عمر يا خي والله العظيم مشتاقين ...
..
كيف 99,9% من اهلنا الطيبين (( حمدان )) ؟
طيب يا عمر نا س افراح افراح ديل عايشين وين .. !!
في السودان حقنا ده واللا سودان تاني ؟؟
اوع تقولي ديل مؤتمر وطني !
انا ما مكذبك لكن ده حال السودان من قبل سنين خلت ...
فتك عافيه يا مان
ربنا يستر ....
| |
|
|
|
|
|
|
| |
|
| |
omer osman
على محمد على بشير
Mohammed Awad
mulhim
SHIBKA
محمد الكامل عبد الحليم
Hussein Mallasi
مرتضى احمد عبد القادر
طارق جبريل
هشام عباس
Abdlaziz Eisa
Hisham Ibrahim
elnawrani margan
Hololy
فايزودالقاضي
Ahmed Abdallah
مهيرة
ahmed haneen
gamal elsadig
سيف الدين عبد الجبار
Haytham Mansour
خالد العبيد
Abuzar Omer
الرفاعي عبدالعاطي حجر
جعفر محي الدين
عبدالله كع
حسام عبد الرحيم
نصر الدين عثمان
فيس بوك
تويتر
انستقرام
يوتيوب
بنتيريست