|
|
 أعزصديقاتى سرقت ود عمي !!!!!!!!!!!!!!
|
طبعا الموضوع مختلف تماما عن ما يتبادر للذهن لكن بصراحه أنا فى حاجه انى اسمع منكم عشان أقدر أتصرف
صديقه عمري تعرفت عليها أثناء الدراسه الجامعيه وهي الصديقه الصدوقه التى خرجت بها من الدنيا
أنهيت دراستي وغادرت أرض الوطن وتركتها خلفي ولكن كان التواصل مستمر حتى على صعيد أسرتينا
عدت بعد ثلاث سنوات وتوالت الزيارات عملت لدى شركه مديرهاالعام ابن عمي وأول أنسانه زففت لها الخبر كانت هي
إحتاجت الشركه الى مديرة حسابات رشحتها للوظيفة رغم بعدها عن المجال الإ أننى أثق بقدراتها
قُبلت للوظيفة بعد إثبات جدارتها ولما تتصف به من أخلاق عاليه جداً جداً جداً
رويداً رويداً حتى حصلت على موقع مدير تنفيذي في الشركه المنصب اللذي كانت تشغله إبنه عم لنا
ولكنها من وجهه نظر إبن عمى (المدير العام) أنها لا تستحقه لان لها بعض التجاوزات فقام بإيقافها عن العمل ولكني لم أعاصر تلك الفترة
مجرد أخبار وصلتني من إبن عمي وصديقتي وعلمت أيضاً منهم أن ابنه عمى اصبحت لا تطيق رؤيتها ولكن كانت في وجهة نظري مجرد غيرة نساء
بعد مُضي ستة أشهر أخبرنى إبن عمي أنه يريد الزواج بها مع العلم أنه متزوج ولديه ثلاتة أطفال
ولكن لعلمى التام بما يواجه زواجه من عقبات أولا ثانياً انه من أنصار التعدد منذ نعومه أظفاره ثالثاًعلم زوجته تماماً بنواياه السبب الأخير أننى على يقين تام بان صديقتى لن توافق عليه
لم أبالى بما قاله فتوجه اليها بنفسه وفاتحها في الأمر رفضت رفض قاطع استمر بالإلحاح عليها لما يقارب الستة أشهر أيضا ولكن دون فايدة تُرجى
بعد ذلك عدت مرة أخرى للخارج وبعد حوالى سنة تقريباً هاتفنى راجياً مني إقناعها بالموضوع هاتفتها بدوري وقالت إنها لا تستطيع الموافقه
ليس لعيب فيه فهو شاب فى مقتبل العمر ناجح وطموح وعلى خلق ودين ولكن لأن أخلاقها لاتسمح لها بهدم أسره
وهذه صديقتي اللتى أعرفها عن ظهر قلب فهى فى نظري ليست من هذا الزمن ولا أراها جديرة الإبما لاينتقص من قدرها عندي أو عند الآخرين
بعد ذلك علمت بانها تركت العمل معه ولكن عملت فى مكان آخر بعد أن زكاها هو ثم أنتقل عن قصد أو بمحض الصدفه لا أدري الإ نفس مكان عملها
بعد مرور سنة أخرى فؤجيت بإتصال باكر جداً منها تخبرني بتقدم رجل لها وأحسست من حديثها بموافتها عليه رغم توتر واضح في الحديث
باركت لها بفرحة شديد لانها لطالما رفضت المتقدمين لها
في نهاية المكالمة أخبرتني أن المتقدم لها هو إبن عمي وأنها وافقت عليه بعد إلحاحه الشديد وبعد الإستخاره
رغم معارضه اسرتها في البدايه ثم موافتهم بعد قيامهم هم أيضاً بالاستخاره فأخبرتها أن بعد الإستخارة ليس لها الا أن تتوكل على الله
أحست بآثار الصدمه في حروفي نقلتها بدورها لإبن عمي اللذي قام بمهاتفتي
متمنياً أن أقف بجانبه وأن لا أجعل فرحتها ناقصه وأن أبارك هذا الزواج بحضوري مع تكفله التام بكافه نفقاتي
أخبرته أنني موافقه ومباركه ولكنها مجرد أمنيات لصديقة أن لا تخوض تجربه كهذه وأن لا تقاسي أسرته من مراراه هذا القرار
قال لى أن السعادة ليست مرتبطة بكونه متزوج أو لا وأنه سيحاول بكل ما يملك أن يسعدها
وهو قادر على الفصل والعدل تماماً وطلب مني الدعاء لهما
أرسلت لي إبنه عمي تلك اللتى عاصرتنا في الشركه رسائل من شاكله (صحبتك الحلبيه طلعت مويه من تحت تبن)
(صحبتك دي أديها رأسه)
(صحبتك دي عاوزة تخرب على ود عمك زي ما خربت علينا زمان فى الشركه)
يا إخوتي : صدقونى أن صديقتي هذه هي أختي اللتي لم تلدها أمي وإنها أعز علي من نفسي
وكنت سأعارضها بشدة في هذا الموقف لولا إتصال إبن عمي وأمنياته أن أضع نصب عينى أنه إبن عمى وتكرار هذه العبارة على مسامعي أكثر من مره :
أ(نا ولد عمك أنا ولد عمك أنا ولد عمك أنا أخوك أخوك ما بتقيفو معاو أنت أكتر واحدة عارفه إنى مامستقر )
أنا اعلم تماماً إن تعدد الزوجات من الأمور اللتى أمر بها الشرع ولكنها من أصعب الأشياء على المرأه
قامت صديقتي بالإتصال بى عده مرات لتعرف ردة فعلي وردة فعل أسرتى وأسرته الصغيرة والكبيرة وهل ستكون مرحب بها ؟!!!!!
تهربت مرارا وتكراراً من أجل إبن عمي ولكني أحس أن لها حق علي وأن أصارحها بحق تلك الصداقه بكل ما يدور بخاطري وخوفي عليها
من المستقبل اللذي أعلم بانه بيد الله ولكنه حبى الشديد لها
يا جماعة أعمل شنو أنا فعلاً محتاجه لى زول يدينى رأسي!!!!!!!!!!!!!!!!!!!!!!!!!!
أرجوكم أنصحونى نصيحه بتجرد وأنظروا للموضوع من ناحية إجتماعيه
وعاينو لعاداتنا وتقاليدنا ما تنفصلوا عن المجتمع ولو دي أختكَ او أختكِ كنت حاتنصحوها بشنو
ولو العريس أخوك َأو أخوك كنت حاتقيفوا معاو؟؟؟؟؟؟؟؟؟؟؟؟؟؟؟؟؟
ولو كنتوا مكاني بتصرفوا كيف أنا لى أسبوع ماقادرة أنوم؟؟؟؟؟؟؟؟؟؟؟؟؟؟؟
ومتأكدة تماماً رغم إني حالياً مابتصل عليها إنها كمان ما بتنوم
|
|
 
|
|
|
|
|
|
|
 Re: أعزصديقاتى سرقت ود عمي !!!!!!!!!!!!!! (Re: yasir Abdelgadir)
|
يا أختنا وجن ( أول مره أسمع بالإسم ده وأتمنى أن أعرف معناه ) تحياتى ,,
ياخى باين عليك إنتى زوله شفافه وحساسه جدا . وربما غيابك الطويل من السودان
خلاك غير مواكبه ,, ياوجن راجل المره فى السودان عملوا ليهو أغنيه وبقى هو
المطلوب خاصة لوكان مدير عام زى ود عمك ده . وبعدين الفرص بقت ضيقه والإختيار
صعب . فطالما صديقتك دى وافقت أخيرا فالبتأكيد إنها تأملت الواقع جيدا ووجدت
أن العريس المناسب صار عمله نادره , وبما أنها خبرت إبن عمك هذا وعرفت أخلاقه
ومعدنه فالبتأكيد إن حساباتها هذه المره كانت صحيحه ميه فى الميه , باركى ليها
وليهو وإتمنى ليهم حياة سعيده ,, وكذلك أنا أتمنى أن يتمم لهم الله على خير .
تحياتى ,,
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: وجن)
|
وجـن .. سلامات
ود عمـتك وصـديقتك
خلاص عـقدوا العـزم
صـديقتك عملت العليها
رفضـت وتركت الشغل حيث هـو
ود عمك مكـسر فيها جــدا وجاري وراها
نصـيحتي :
أقبلي الأمـر الواقع وباركي لـيهم
رضـيتوا ولا أبيتوا هـم حيتزوجـوا
المـهم أنا من هـسع بقـول مـبروك
وعقبالك ...
------------
زوجـة ود عمك الأولي لو لمت فيني .. حتلبعني !
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: Abd Alla Elhabib)
|
وجن ما مصدق عيني
أول حاجة قبل قصة صديقتك وابن عمك ورينا كنتي مختفية وين المدة دي كلها ؟؟
ووين العصفورة المرحة الكانت في بروفايلك؟؟
كنا زمن نفتش ليك!!!!
ليكي وحشة كبيرة أتذكرت الزمن الجميل للمنبر قبل أ يختلط الحابل بالنابل.
بالنسبة لصديقتك وابن عمك الحكاية ما بتستاهل الحساسية دي كلها منك.
وإبن عمك زاضح من حكايتك انو متمسك بيها جداً.
المشكلة مافي ابن عمك المشكلة في وجن التي أتت بالضرة لزجة ابن عمها.
يعني بتكوني متهمة في نظرهم لأن ابن عمك اتعرف عليها من خلالك وانتي الرشحتيها لشغل الوظيفة في الشركة التي كان يديرها ابن عمك.
كونها رفضت في البداية او وافقت على مضض لإلحاح ابن عمك في طلبها لا يشفع لها.
وفي النهاية الحكاية قسمة ونسأل الله أن يسعدهما ويجنبهما المشاكل.
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: Habib_bldo)
|
| Quote: يا أختنا وجن ( أول مره أسمع بالإسم ده وأتمنى أن أعرف معناه ) |
وِجَنْ جمع وَجَنَة ....
وقد قال الشاعر:
نايرات الـ وِجَنْ ...
هووووى .... متين يجن؟
_________________________
ود عمّك القشة ما تعتّر ليهو .... انا داخل ابارك ... وانشالله ربنا يتمم ليهم على خير ...
... المهم ...
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: تبارك شيخ الدين جبريل)
|
اختنا وجن تحياتى
بصراحة من كلامك حسيت انو ود عمك وصاحبتك انسب اتنين لبعض
وحيسعدوا بعض ان شاء الله ياخى بارك ليهم وانسى باقى الجماعة
وطبعا هو شكلو رجل مسئول يعنى ما حيقصر مع مرتو الاولى و اولادو
Quote: وِجَنْ جمع وَجَنَة ....
وقد قال الشاعر:
نايرات الـ وِجَنْ ...
هووووى .... متين يجن؟
|
تبارك والله انت كدا ( واشار بابهامه الى اعلى )
تعرف اول ما قريت سؤال الاخ كمال عن الاسم خطرت ببالى هذه الرمية
الشهيرة ( حقيبة الفن ) التى ذكرتها ياخى ماشاء الله عليك و دا المهم..
أحمد العمار
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: SHIBKA)
|
يا وجن تحياتي،
العنوان مفروض يكون:"ود عمي سرق أعز صديقاتي"
والله بصراحة ود عمك دا خطري جداً ومتكيف منو جدددداً
وألف مبروك ليهم، وألا تتفقين معي بما أنه غير مرتاح مع زوجته الأولى
وناوي يعرس، أحسن يعرس زولة محترمة زي صاحبتك دي من إنو يعرس واحدة أي كلام
وأهلنا بقولوا جناً تعرفو ولا جناً مابتعرفو
والتحية مرة أخرى لود عمك الشجاع، والله نحنا برضو لو لقينا طريقة دبول مابناباها لووول
الدنيا دي نهايتها كوم تراب، وأحسن الواحد يستمتع بيها، وكل زول ينوم على الجنب اللي بريحو
وإنتي برضو حقو تنومي قفا، الموضوع دا بفرح موش بزعل
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: Tabaldina)
|
Quote: وهي بكل تهذيب اتصلت بيك بعد كل المدة دي عشان تستأذنك يبقي عداها العيب
|
شوفي يا وجن يا بتي...طبعا الزواج التم بين صاحبتك تم كزواج مشروع
وفيه كل اركان الزواج التي ارتضاها الاسلام...اولها القبول والاشهار
من قبل ان يتم انت كنت عارفة بمحاولات اين عمك مع صاحبتك...وهي المسكينة
حفاظا علي علاقات الصداقة التي تربطك بها وربما مشورتك ...رفضت كل عروض
ودعمك ...بل وتضررت بتركها للعمل نتيجة هذه المحاولات...وعين العقل
والفطرة بقولن انو علي البنت الا ترفض طالما جاها زوج ودحلال وبيقدرها
لنفسها وأهو الامر واضح من سردك...وصاحبتك لم تخطي بزواجها من ابن عمك
فهي لم تخطفه كما تصور لك بل هو الذي اصر علي اختطافها...
التوقيع: أمال سراج
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: nazar hussien)
|
يا وجن،
رأيى الخاص،
الحصل حصل،
إنتى ما ح تقدرى تغيرى شى،
كل الأطراف مسئولة من تصرفاتها ،
و الحكاية ما حرام،
بل يمكن فعلا،
تجيب معاها خير،،،
Quote: صديقتك دى حرامية
وبتفكر فى مصلحتهاالشخصية
لو هى كانت كما تتصورين لوجدت الف من يتمناها
لا ان تفكر بأنانية وتسرق رجل رب اسره من اسرته
مهماكان وتساعد فى هدم اسرة بصورة غير مباشرة.. |
تبلدينا،
إنت متأكد؟؟؟؟
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: Hala Hassan)
|
..
.
Quote: تبلدينا،
إنت متأكد؟؟؟؟ |
الليلة وووووب
اقول يا منو !!؟
المهم ..متأكد
وبرضو من غير تناقض بدعم وجهه النظر دى
Quote: و الحكاية ما حرام،
بل يمكن فعلا،
تجيب معاها خير،،، |
______
بس صدقينى الكيس مختلف توتالى
والملابسات المخفية والظاهرة تظهر واقعيا
واخرى اسفيرية لا نعلمها الا من سطور وجن ..ً
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: nazar hussien)
|
وجن
ود عمك ده مثال للرجل السوداني يعاني من الطفاسه .
| Quote: إبن عمي أنه يريد الزواج بها مع العلم أنه متزوج ولديه ثلاتة أطفال |
أولا يمكن لأحد الزوجين أن يكتشف بعد الزواج عدم توافقه مع شريكه ، وبالتالي لا يشعر بالسعاده ، وبالتأكيد هذا يبدو غريبا بعد إنجاب ثلاثه أطفال .
مع ،حترامي إلا أن إبن عمك إستغل الرخصه الربانيه إستغلال سيئ مثله مثل مئات الألاف من الأزواج المدبلين في السودان .
وكان يجدر بصديقتك أن تصده وبحسم حتى لا يعاود .
وبما أن الأمر حسم نقول مبروك وياريت لو نصحتى ود عمك وصاحبتك إنهم يتقوا الله في الأولاد وأمهم .
ما عارف ليه الراجل السوداني ده أول ما ربنا يفتح له رزق واسع طوالي يبدا يبحلق .
النسوان عندهم حق كان الواحده دعت على راجلها بالفقر .
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: مجدى محمد مصطفى)
|
عزيزتي وحن...
انا عارفه انت حاسه بشنو...
انت حاسه بالذنب لانه الاسره ما لاقيه زول تجرّمه غيرك انت وصديقتك، ولانه صديقتك ما ظاهره ليهم حسي، فإنت في وش المدفع.. وسبب البلا الاصلي، ود عمك، ما بلوموه!... والزوله دي طيرت ليه عقله.. الراجل ذكييييي وزول ناجح في حياته، ما يبقى عقله ناقص إلا في دي! (معليش يعني بس ود عمك فاقع لي مرارتي)...
انت يا ستي تقوووومي كده، تبعدي عن الموضوع ده... لانه من قولة "تيت" القصة دي حتحصل فيها مشاكل كتيره ودراما كده ما طبيعية... مافي مرأة في الدنيا بتقبل على روحها ضرّه... ما تقولي انه زوجة ود عمك مقتنعه بالكلام ده من زمان... حسي بتكون "نطت".. او اتزوجته على امل تغيّره.. انت ما عارفه انه اي مرأة بتتزوج راجل عندها في راسها قائمة بتاعت حاجات عشان تغيّرها...
هو وصديقتك مدامو متفقين، عايزين مباركتك ليه؟ انت كلامك كله بقول الوضع ده غلط، ونصحتيهم الاتنين.. يلا تقومي كده تقيفي بعيد كده وتتفرجي... الناس دي حتدخلك في شربكات كتيره بعدين.. خاصة إنك باركتي.. وانت معناها ست الشي زي ما بقولوا... يعني لو حصلت مشكلة حيجوك انت...
صاحبتك دي حتفضل طول عمرها، خطّافة الرجال.. مهما كانت نواياها حسنة.. بعدين بقولوا العبرة بالخواتيم... يعني رفضها الزمان داك كله ما بجيب دخل حسي..
في احسن السيناروهات، لو الناس دي اتفقوا وبقوا تمام كلهم مع بعض، كعائلة مكونه من زوجتين وراجل! (في عالم الاحلام)... انت خليهم براهم يصلوا للمرحلة دي، وتجي زيك وزي باقي الناس تباركي..
نقطة أخيرة... الراجل العنده مشاكل مع زوجته، ويعتبرها عذر للزواج راجل ما عنده عقل.. لسبب بسيط.. الواحد ما بزيد مشكلته مشاكل... إما بحل مشكلته الاصلية بالطلاق.. ما دام ما مستقر... وبعداك يتزوج لو عايز... لكن كده... ده صاحب بالين... وبرضه نرجع ونقول، القديمة تحلى....
الاطفال حيمشوا في الرجلين...
بنت الحسين
| |
|
|
|
|
|
|
|
|
 Re: أعزصديقاتى سرقت ود عمي !!!!!!!!!!!!!! (Re: ريهان الريح الشاذلي)
|
..
.
Quote: ود عمك انصحيه بانو يطلق مرتو عشان هي زاتها احتمال ما تكون مرتاحة
ومستقرة وتكون عاوزة تعرس تاني .. |
واهم حاجة النفقه وتعليم الاولاد
واحتياجاتهم الحياتية ..
ما يعيش فى العسل الجديد وينسى مسؤولياته..
________
دى يا ريهان لو ما طلع العيب فيهو
شخصياً وتكون ديك زوله الله ممكنونه وصابرة ..
والامثلة كثيرة ..
أحيكـ .. والله
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: Tabaldina)
|
| Quote: ود عمك انصحيه بانو يطلق مرتو عشان هي زاتها احتمال ما تكون مرتاحة ومستقرة وتكون عاوزة تعرس تاني .. |
إحتمال كبير برضو،،
من حقها برضو (الزوجة الاولى) يدوهاحريتها و تشوف نفسها،،
لكن أكلمك يا ريهان،
فى نساء كتيرين،
عايزين بس يعيشوا و يربوا اولادهم،،
و يمكن حكاية الزواج التانى دة يكون حل،،،
الدنيا دى ياما فيها،،،
| |
|
|
|
|
|
|
|
|
 Re: أعزصديقاتى سرقت ود عمي !!!!!!!!!!!!!! (Re: Hala Hassan)
|
ازيك يا ياسر أولا أنا مستحيل أخسر زوله زي صاحبتي دى حتي لو عرست زوجي زاتو
طبعاً دا ضرب مثل من باب المستحيل لانى بعرف معدنه كويس بعرفه أصيله وبت ناس
وطبعا ًلأن الكمال لله ،ولكل جواد كبوه ،والحلوما بكملش ؛ أظن دي حتكون زلته الوحيده
والله ما عايزاها تبور بالعكس نفسي تتزوج اليوم قبل بكره وكل ما يلاقيني زول بأخلاق عاليه وبشبها
وبفتش على عروس برشحها ليو قبل أختي والله ، لكن الله غالب
على فكره الاستخارة وعن تجربة ما بتطير العرسان بطير الزول المافي قسمتك لى زول في قسمته
عندي بت خالتى متقدم ليها واحد عكليته زى ود عمي دا قدر ما قلت ليها إستخيرى عشان يطير
بتقول لى أبيت أفرضي إتلصق أكتر أقول يا منو وحالفه ما تستخير ليو
أستاذ كمال : أولاً : تبارك رد عليك قال ليك
وِجَنْ جمع وَجَنَة ....
وقد قال الشاعر:
نايرات الـ وِجَنْ ...
هووووى .... متين يجن؟
ثانياً : والله بتمنى ليها السعاده من كل قلبي
الله يسعده دنيا وآخره والله بستخسره فى ود عمي عديل كده هو مافيو كلام صح لكن كفايه انو متزوج
صحبتى دى نواره بيتم ما عايزه أمها تتحسر على نصيبه
قالت لى أنا كنت بتمنى زول أعيش معاو على الحلوه والمره أبدء حياتى معاو من الصفر
أبنى معاو عشنا قشه قشه قلت ليك الكلام دا بس عشان أكيد ليك أنو الماديات ما بتعنى ليها الكتير
وعمرو فكره البؤره ما كانت بتزعجه دائماً لما يتقدم ليها زول وما يتم النصيب
تقول لى يا وجن كل زول بيأخد قسمته وأنا ما مستعجله ليها أبداَ وصدقنى كلامه نابع من يقين ما كلام بنات ساي
أستاذى عبدالله الحبيب : أها قول أنا رضيت مرتو بترضى
والله الاتلبعنا أنا وإنت
بعدين قصدك شنو بعقبالك دى الا كان يعرسوا فينى
حبيب بلدو أهلا يا غالي وتسأل منك العافية والله فعلاً كان زمن جميل
والله كنت ما بين السودان والسعودية
وما بين الزواج والبيت والمسؤليات الجديدة وكمان كنت إمرأه عامله يعني ما عندي أى فرقه الا للتصفح فقط
وإتوقفت عن كتابه الخواطر كمان لكن هسه للأسف بقيت عواطليه من جديد
غايتو كانت أيام لكن لسه شايفه المواضيع الثره والمناكفات لازالت
والحوش بقى لامى ما زى زمان كان أوضتين وبرنده هسه قام عمارات وفلل لكن عاوزه أسالك سؤال انت موضه قوم لف دى شنو؟؟؟؟؟
ماعلينا والله صدقت أنا شكلى كده خائفه على نفسى ! لكن خوفي دا مش ببعتبر أنانيه منى كوني فكرت في نفسي ؟؟؟
لا والله أنا شكلى كده مع الثلاث أربع مداخلات الأولى دى حا أقتنع تماماً إنو الموضوع عادي جداً وما بستاهل الهوليله الأنا عاملاها دي صاح !
قاعده أقنع في نفسي شكلى اقتنعت خلاص ياربى آمين الله يسعدم ويبعدم عن المشاكل
تبارك شيخ الدين يباركوا ليك السمح وشكراً على المجهود المقدر
أستاذ حيدر
كنت بتمنى أمشى فى زواج ليها هي بالذات وتكون قريبة مني جغرافياً رغم انو هي هسه حاتبقي قريبة مني أسرياً لكن زي ما قلت كل شئ قسمة ونصيب
على فكره صحبتى حلبيه وأنا أهل امي حلبه !!!وأناما بحب تأويل النصوص وليه ما يكون حسن النيه دائماً قدامنا
إنت هسه خليت الناس يقولوا الحلبه مالن !!!! هو صحى الحلبه مالن ؟؟؟؟؟؟؟؟؟؟
وحتى لوواحده من الحلبيات صفاته ما حلوه ما بالضرورة الحلبه كلهم كدة يا حلبى (وش مادى لسانوووووووووووو)
بعدين اقول ليك شي عندى خالتى مافى زول بناديها بإسمه نحن البنات زاتو ما بنقول ليها خالتو بنقول ليها الحلبيه وهى فرحاااااااااااانه
أها بعد تسمع كلامك دا تقوم تتعقد علينا ساى
أخ امين محمد أهلا الفيلم ما عجبك ولا شنو
أنا حكيت لانو أنا بعيده عن اهلى وناس الحوش ديل اهلى البرمى عليهم همى
وأقول ليك شئ أنا لو عارفاها بتقرأ لى هنا ما كنت قدرت اكتب الكلام دا لآني بحبه شديد وما بقدر أجرح
مشاعره ولو بفكره مش كلمه هي عارفاني بكتب لكن ما بتقرأالا المواضيع البرسله ليها على الميل
الأخ أحمد العمار:
زكرتني كلمات ود عمي دائما بقول لى أهم شئ بين المره والراجل التناسب
وهو شايفه مناسبه ليو تماماً على مقاسو أوى
خلاص لغايه ما وصلتك هنا حسيت إنى حا أقتنع وشكلي كده حا اأارك ليهم وأنسى بقيه الجماعه
هبة إزيك يا اختى العنوان مجرد مانشيت عريض للجذب هو السرقه من فرحه عمره
صدقيني غصباً عن كل شئ بقيف معاها هي صديقتي الطلعت بيها من الدنيا
لكن ود عمي دا ما لقى يدق مرتو الا بصحبتى حا أبارك ليهم بإذن الله
يا شبكه هو أنا كان عارفة المشكلة شنوكان دا حالى ولا كان جيت حكيت القصة كلها هنا بضبانته :-)
لكن برضو بوريك الحاصل شنوانا خائفة على صاحبتي من المجهول
وخائفة على أولاد عمي
وحزينة على زوجة ود عمي لانها مغلوب على آمرها وما بتقدر تتخذ موقف
الأستاذ نذير حجازي العنوان مجرد منشيت عريض للتشويق
والله على قولك طالما حا يتزوج أحسن يتزوجه على الأقلأنا متأكده إنها حا تراعى فى أولاده حق الله
أهلا أهلايا تبلدينا والله أنا ما كويسه أنا تعبانه ونفسياتى في الحضيض
زواجه ما شئ عادي أبداً زواجه كارثه أسريه الله ينجينا منها بس
لكن معليش بس أسمح لى صاحبتي دي بت ناس والله ما حراميه ممكن ود عمي يكون حرامي عايز يسرق ثمرة شبابه لكن هي لا حاشاها والله
الأستاذة العزيزة :آمال سراج
أولاً : الكارثة لم تقع بعد ولكنها أوشكت
ثانياً : العنوان مجرد مادة للجذب حاشاها صاحبتي من حركات بنات الزمن
ثالثاً : انا عارفة أنو الزواج متكامل الأطراف لكن عقلي والمجتمع أكتر إثنين ما قادرين يتصورا الموقف وقع ليك
والله صدقتي يا هاله أنا مافي يدي أى شئ انا عاجزة تماماً حتى عن إبداء الرأى حتى ما أفقد أى واحد منهم
بعدين انا عارفة تبلدينا دا زول صاحبى وبشاغل فينى ساى مش كده يا تبلدى
أستاذ مجدي وازيدك من الشعر بيت مرتو ولدت الرابع قبل فتره قصيرة وأنا نسيتو زاتووووو
أيوه انا قلت ليو الكلام دا من زمااااااااااان رد على بأنه بحاول يصلح في زوجته ويصبر عليها دون فائدة
وبعد كده جرب يخطب كذا مره ولكن ما بتم الشغلانيه
أنا عارفه أنو ودعمى أكيد حا يتقى الله فى اولاده لكن هل حايتقيو في زوجته الله أعلم
أما عن صحبتى فأنا واثقه فيها ثقه عمياء
أقول ليك شى الواحد لو ما حيلتو اللضى وختى فكرة الزواج فى رأسو بعرس ولا ما كده
اهلا يا بت الحسين يا غاليه والله إنت جبتيها أنا زاتى هسه بعيده لكن رأس السوط بضرب فيني ضرب شديد
وقال إيه كمان قال لازم أجى احضر قال دى هديتو لعروس المستقبل يجيب ليها إشبينته عشان مرتو تجي داخله
بكلاشنكوف ترصصنا كلنا والله أنا ماعارفه أبكى ولا أضحك بينى وبينك الموضوع مأزمنى خالص
ومرات أجى أقول لنفسى ذى كلامك دا أنا مالى انا بعييييييييييييييده ومرات أجى ألقى نفسى جووووووووه المعمعه أطير وين أنا بس قولى لى
أى انا كنت مفتكره كده وقبل ما أسأل ود عمى هسه في المكالمة الزف لى فيها الخبر قال لى طبعاً أنا وريت زوجتي بس ما وريتها العروس منو !!!!!!!!!!
طبعا بعد داك وصلنى شمار إنها مشت بيت أهله وسابت العيال لكن شكلها كده حنت لعياله فرجعت المسكينه
تانى لا إيده لا كراعه عليك الله دى مش حاجه تحزن وعلى العموم هو قال ما بطلقه الا لو هى طلبت الطلاق بإصرار
والشايفه عينى دا إنها بتحبو وبتحب أولاده وباقيه عليو وعلى عشه الله يعينه
في احسن السيناروهات، لو الناس دي اتفقوا وبقوا تمام كلهم مع بعض، كعائلة مكونه من زوجتين وراجل!
(في عالم الاحلام)... انت خليهم براهم يصلوا للمرحلة دي، وتجي زيك وزي باقي الناس تباركي..
دا كلامك
إن شاء الله يا بت الحسين إن شاء الله يسمع من بوك ربنا إن شاء الله لو إتزوجوا يصلوا للمرحله دى ، دا البتمناه من كل قلبي
إزيك يا ريهان مرت ولد عمى شارياو وماعايزة تخرب بيته أكتر من كده ولا قادره تعالج مشاكله
ولا بتقدر تغير حياته بعد العمر الطويل العاشتو معاو يعنى بالعربى كده لاحول لها ولا قوه ادعو ليها عليكم الله
أقول ليك شى أنا الظاهر غلطانه لاني ما سمعت الا من طرف واحد وهو ودعمي والله كلام تبلدينا فوقنى
إحتمال مرتو ممكونه وصابره لاني انا ما سمعت منها أبداً خلاص كدى بحاول أسالوا لو هى عايزة تعرس ولا لا
عارف أنا يتخيل لى من خلال معرفتى بيهو أنها لو قالت دايره تعرس يقول ليها بركه الجات منك نهايتو الله أعلم
لالا يا هاله هى ماعايزاو يعرس أنا أنا متأكده من الشى دا
| |
|
|
|
|
|
|
|
|
 Re: أعزصديقاتى سرقت ود عمي !!!!!!!!!!!!!! (Re: Mohammed Haroun)
|
يا أستاذي الفاضل محمد هارون (وش صاري شديد) أنا جبتها تشتغل ما جبتها يعرسه
أنا كان عارفه دا ببقى كنت جنبتها عناءحاجات كتيره
على فكره
أنا كنت قائله (زوجيالنقناق) حاله شاذه الحمد لله اللقيت لي راجل نقناق غير زوجى
النقه دى حقنا ما تغتصبوا ألذ شى بنجيدوا ونبدع فيو
عليك الله ارحم أم العيال أكعب حاجه في الدنيا نقه الراجل بطرطش المره
وأبقى عليها عشره والله دى الصابره عليو ومتحملاو ماهين (وش مكشم سنونو)ههههههههههههه
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: وجن)
|
..
.
Quote: أهلا أهلايا تبلدينا والله أنا ما كويسه أنا تعبانه ونفسياتى في الحضيض
زواجه ما شئ عادي أبداً زواجه كارثه أسريه الله ينجينا منها بس |
والله انت موقفك مش فى الحضيض انت موقفك زى الطين
وبقيتى بين مطرقة الاهل والزوجة الاولى وسندان صحبتك ود عمك
حقيقية ديل حيهرسوك الام ونفسيات وتأزيم ..
بس برضو ما تزعلى و تدافعى لى عن صحبتك ..
وتسوقى ليها المبررات وترمى الموضوع فى ود عمك
نعم البيوت اسرار وزى ما قلت لهاله احتمال فى ضروريات
اباحت هذا المحظور .. لكن برضو ما ليها حق .. !!؟
دا جاتو مقنطرة .. ايوه اجتهد واصر بس هى برضو حسبتها
والله يا خلائق الله لو ما اديتونا ضوء اخضر والله ما بنخش ساى
شغلة زى دى ترجعى طوالى لمقولة : ابحث عن المرأة ..
| Quote: أنا مستحيل أخسر زوله زي صاحبتي دى حتي لو عرست زوجي زاتو |
غايتو لو ما اردفتيها بجملة بباب المستحيل دا
كان لينا كلام :)
__________
عموما ود عمك دا لو طلع زوله آذيه
يكون موضوع عرسو دا مافى زول ما المو فيه..
من اصغر اطفاله لحد عميد الاسرة ..
نسأل الله يزيل همك ويشرح قلبك ..
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: Tabaldina)
|
Quote: وجن ما مصدق عيني
أول حاجة قبل قصة صديقتك وابن عمك ورينا كنتي مختفية وين المدة دي كلها ؟؟
ووين العصفورة المرحة الكانت في بروفايلك؟؟
كنا زمن نفتش ليك!!!!
ليكي وحشة كبيرة أتذكرت الزمن الجميل للمنبر قبل أ يختلط الحابل بالنابل.
|
الغالية وجن
والله انا كمان ما مصدق
حقا أكاد لا اصدق ...
معقول بعد السنين دى كلها
حقا الحي بلاقى يا ستى
لكن والله ليك وحشة لا تحد ابدا
والف حمدا لله على سلامة العودة
ونورتى المنتدى
ورعى الله ايامكم يا ستى
| |
|
|
|
|
|
|
|
|
 Re: أعزصديقاتى سرقت ود عمي !!!!!!!!!!!!!! (Re: قرشـــو)
|
الأخت وجن،
سلامات
أتفق مع كثير مما كتبته الأخت مريم، و مستغربة ردود العدد الأكبر من المتداخلين/ات هنا! يعنى لو ده استطلاع للرأى -- فبعض الردود الهنا بتورى اننا راجعين للوراء بدل ما نمشى قدام.
من ناحية المبدأـ فان صديقتك ليس لديها أى مبرر للتفكير فى الزواج من رجل متزوج (بغض النظر عن كونه ابن عمّك أو أن زواجه تعيسا)، لأنه متزوج أولا، و لأن موقفه من مسألة تعدد الزوجات (و نحن فى القرن الحادي و العشرين) يكشف عن رؤيته للمرأة و قضاياها! و ما بعيد بعد كم سنة يقابل واحدة تانية تعجبه و يتزوج على صديقتك. لهذا، و لأنها صديقتك، فمن حقها عليك أن تنصحيها ان لا تقع فى خطأ كهذا. و بما أن الزواج لم يتم بعد فربما تمكنت من اقناعها بالعدول عنه، و ذلك فى مصلحتها!
أما ابن عمّك، فاذا لم يكن سعيدا مع زوجته فليطلقها كما اقترح البعض هنا، و بعد ذلك ليفكر فى زوجة أخرى، و لو كنت مكان زوجته لطلبت الطلاق لمجرد تفكيره فى الزواج من أخرى حتى و ان لم يتزوجها فى النهاية!
بالطبع لا أعرف ظروف زوجة ابن عمك، و لا أحمل حكم قيمة سلبى ضد النساء اللائى يخترن (أو يجبرن )على الاستمرار مع أزواجهن رغم ممارستهم للتعدد، بسبب الأطفال أو لعدم الاستقلال الاقتصادى أو لسيادة مفاهيم "ضل راجل و لا ضل حيطة" -- رغم اعتقادى انه فى نهاية الأمر، من الأفضل لها و لأطفالها بدء حياة جديدة بعيدا عن الأب و زوجته الجديدة.
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: nada ali)
|
Quote: الأخت وجن،
سلامات
أتفق مع كثير مما كتبته الأخت مريم، و مستغربة ردود العدد الأكبر من المتداخلين/ات هنا! يعنى لو ده استطلاع للرأى -- فبعض الردود الهنا بتورى اننا راجعين للوراء بدل ما نمشى قدام.
من ناحية المبدأـ فان صديقتك ليس لديها أى مبرر للتفكير فى الزواج من رجل متزوج (بغض النظر عن كونه ابن عمّك أو أن زواجه تعيسا)، لأنه متزوج أولا، و لأن موقفه من مسألة تعدد الزوجات (و نحن فى القرن الحادي و العشرين) يكشف عن رؤيته للمرأة و قضاياها! و ما بعيد بعد كم سنة يقابل واحدة تانية تعجبه و يتزوج على صديقتك. لهذا، و لأنها صديقتك، فمن حقها عليك أن تنصحيها ان لا تقع فى خطأ كهذا. و بما أن الزواج لم يتم بعد فربما تمكنت من اقناعها بالعدول عنه، و ذلك فى مصلحتها!
أما ابن عمّك، فاذا لم يكن سعيدا مع زوجته فليطلقها كما اقترح البعض هنا، و بعد ذلك ليفكر فى زوجة أخرى، و لو كنت مكان زوجته لطلبت الطلاق لمجرد تفكيره فى الزواج من أخرى حتى و ان لم يتزوجها فى النهاية!
بالطبع لا أعرف ظروف زوجة ابن عمك، و لا أحمل حكم قيمة سلبى ضد النساء اللائى يخترن (أو يجبرن )على الاستمرار مع أزواجهن رغم ممارستهم للتعدد، بسبب الأطفال أو لعدم الاستقلال الاقتصادى أو لسيادة مفاهيم "ضل راجل و لا ضل حيطة" -- رغم اعتقادى انه فى نهاية الأمر، من الأفضل لها و لأطفالها بدء حياة جديدة بعيدا عن الأب و زوجته الجديدة. |
كلام في الصميم ياندا علي
هذا البوست بمثابة استطلاع للرأي العام في قضية تعدد الزوجات
تحياتي
مشاعر
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: قرشـــو)
|
Quote: أستاذى عبدالله الحبيب : أها قول أنا رضيت مرتو بترضى
والله الاتلبعنا أنا وإنت
بعدين قصدك شنو بعقبالك دى الا كان يعرسوا فينى |
إزيك يا وجـن ..( إسمك حـلو والله )
أنا ما عارف إنك متزوجـة .. عـذرا
وربنا يسـعدكم ويهـنيكم بي بـعض .
---------------
( حكـمة الإسـبوع ) :
مـن تســــــاعـد في التـدبيل
ستشرب من نفس الجزنبيل
---------
( وش ضاحك ) !!
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: رأفت ميلاد)
|
وجن قريبة معانا في السعودية والمدة دي كلها نقول البت دي راحت وين؟ ما تقولي كمان إنك مقيمة في الرياض؟؟
شفتي الحوش دا لامي الناس كيف يا وجن وتحسي إنهم قريبين منك رغم بعد المسافة؟؟
في مصطلحات كتيرة تنتشر وتختفي وقوم لف مصطلح قديم والظاهر راج من جديد. زي مصطلح مين جاب سيرة فلان.
بس (قوم لف) ما حصل إستخدمتها ربما كانت في مشاركة أخرى غير مشاركتي..
المهم إنك رجعتي للمنبر وأطمنا عليكي.
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: محمد الأمين موسى)
|
تحية طيبة
انت اساسا اتخذت موقف ، حتى و ان كنت ما حاسه ، فـ من العنوان واضح انك ضد الحكاية
لانو صاحبتك ما سرقت ود عمك ، الحكاية دى قسمة و نصيب، و مافى واحد فيهم الاتنين عمل
حاجة غلط ، بل انا احيهم انهم شجعان كفاية و ح يواجهو المجتمع بالحكاية دى. و كون انها صاحبتك
و انو هو ابن عمك ، ده ما بيديك الحق انك تقررى بدلا عنهم ، اذا انت شايفه انو الولد او البت فيهم
حاجة كعبه ، فـ ساعتها بس بيكون سكوتك غلط
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: ALZOLZATOO)
|
Quote: يا شبكه هو أنا كان عارفة المشكلة شنوكان دا حالى ولا كان جيت حكيت القصة كلها هنا بضبانته :-)
لكن برضو بوريك الحاصل شنوانا خائفة على صاحبتي من المجهول
وخائفة على أولاد عمي
وحزينة على زوجة ود عمي لانها مغلوب على آمرها وما بتقدر تتخذ موقف
|
ياطيب ياوجن يختي
صاحبتك طالما ود عمك عايزها ومتمسك بيها شديد كدا معناها ما في داعي للخوف من المجهول
بالنسبة لاولاد ود عمك
ود عمك شكلو انو زو مسئول ولا يعيبه كونه ما مرتاح مع زوجته
دي قسمته
بالنسبة زوجة ود عمك
طالما ود عمك ما مرتاح في زواجه معناه هي عمرها ما حترتاح لانها حتكون طوالي في حالة تغير وتفكير في الشي البسعدو وهو بالو ما معاها دا اذا كانت هي فعلا عايزاه
ام اذا ما كانت عايزاه ومتسمسكة بيهو بس كاب لاولادها وبنك للصرف معناه دي حياة الجحيم بعينها
ودا راي من الاراء اللي ممكن تلقي عند المستشارين
وبالتوفيق للكل
| |
|
|
|
|
|
|
|
|
|
Re: أعزصديقاتى سرقت ود عمي !!!!!!!!!!!!!! (Re: SHIBKA)
|
الموضوع دا ما صعب يا وجن...
قولي لي ود عمك + زوجته + صحبتك...أوبرا قالت الآتي :
...If you want to start a relationship....Finish the first one first
ودعمك قبل ما يعرس صحبتك...يحسم أمورو مع زوجتو...
زوجتو قبل ما هو يعرس...تحسم أمورها معاهو...
صاحبتك ما تخش معاهو في أي إرتباط مالم يحسم أمورو.
إنتي مافي يدك حاجة... أقيفي و إتفرجي...!
| |
|
|
|
|
|
|
|
|
|
Re:أعزصديقاتى سرقت ود عمي !!!!!!!!!!!!!! (Re: وجن)
|
| Quote: أعزصديقاتى سرقت ود عمي |
إذا ده رأيك في الموضوع من الأساس ليه ما تكوني صريحة و تقولي رايك ليها
انو هي سرقت ود عمك من مرتو و أولادو؟
ما حافتي في موضوع شخصي لطرف معني ما طلب رأي، ولكن الارتباط بشخص متزوج
اشبه بالمشي في حقل ملئ بالالغام ...
ومع احترامي الشديد يا وجن ما اعتقد انو منتدى يقرأه الآلاف مكان مناسب
لطرح قضية خاصة جدا بتخص أطراف ما اعتقد يرضيهم طرح المشكلة على العلن
| |
|
|
|
|
|
|
|
|
|
Re: Re:أعزصديقاتى سرقت ود عمي !!!!!!!!!!!!!! (Re: وجن)
|
سلامات ، لا والله مافى شكل ، و ما عاش الـ داير يشاكلك و انا (و اعوذ بالله من كلمة انا) فاهم الشعور ده كيف
لانو حصل لى موقف قريب من ده ، صاحبى و صديقى الصدوق من مده تزيد لـ 10 سنين ، كان عندو
علاقة مع واحدة ، و فى يوم مشينا مطعم نتغدى نحنا التلاته ، و هناك قابلت واحد تانى معرفة برضو، لانو زوجتو كانت
بتدرس مع اخوى فى نفس الجامعة ، و بما انهم الاتنين طلعو من بلد واحد ، جمعنا الطاولتين ، بقينا 3 رجال و امرأتين
صديقى الصدوق و الجكس بتاعو و صاحبنا داك و مدام، طبعا بعد الغدا خلص اتبادلو التلفونات و كل زول شتت ، بعد فترة
صديقى الصدوق ده مشى يتقدم للـ جكس بتاعو رسمى ، ابوها استهبل عليهو و قعد يعمل حركات ، و ابوهو هو قفلت
معاهو و قال : الجوازة دى ما ح تتم ، و انا ما بـناسب ناس زى ديل، و فى عز محنتو (5 سنين حب و دباديب ) قال لى
فى زول اتقدم للجكس بتاعو و اهلها وافقو !!! و الزول ده طلع صاحبنا داك بتاع المطعم ، فممكن تتخيلى صاحبى ده
ح يكون كرهنى كيف ، و زوجة داك ح تكون عايزة تفرمنى و ترمينى حته فى كل بلد !!! غايتو قفل منى اسبوع كده و بعد
تقبل الوضع ، اسه هو اتزوج و عندو ولد ، و عمنا بتاع المطعم داك متزوج الاتنين عادى و الحياة سعيدة .
عليك الله ما تنفع قصة فيلم 
الناس الفوق دى كلها من سوريا ، ما عدا انا و اخوى من السودان
نصيحة ، ما تخسرى صاحبتك ، لانو الاصحاب الجد جد صعب يتلقو تانى
| |
|
|
|
|
|
|
|
|
|
Re: Re:أعزصديقاتى سرقت ود عمي !!!!!!!!!!!!!! (Re: nada ali)
|
سلام يا وجن..لعلك بخير..
كثيرا ما أقف أمام جملة..
فلانه سرقت زوج فلان..
اجدها صعبة الاستيعاب..
هو اساسا فلان ده مش بني آدم وعنده عقل وقلب؟؟
يسرقوه كيف؟؟
وهو اساسا لو في استقرار وتفاهم بينهم كان مشي اتزوج في مكان آخر؟؟
ولو هو اساسا ممكن اي واحده تاخده من اسرته..
يبقي الزعل واللوم في شنو؟؟
خلاص زول مشي شاف حياته في حنة تاني..ولا ايه؟؟
السرقة كلمة ما كويسة في حق الزوجه الاولي زي ماهي ما كويسه في حقه..
أراها لا توصف الخلل الحقيقي في العلاقات الزوجيه وتختصره في ضعف وسرقة..
ولا شنو يا وجن؟؟
| |
|
|
|
|
|
|
|
|
 Re: Re:أعزصديقاتى سرقت ود عمي !!!!!!!!!!!!!! (Re: Muna Khugali)
|
Quote: الموضوع دا ما صعب يا وجن...
قولي لي ود عمك + زوجته + صحبتك...أوبرا قالت الآتي :
...If you want to start a relationship....Finish the first one first
ودعمك قبل ما يعرس صحبتك...يحسم أمورو مع زوجتو...
زوجتو قبل ما هو يعرس...تحسم أمورها معاهو...
صاحبتك ما تخش معاهو في أي إرتباط مالم يحسم أمورو.
إنتي مافي يدك حاجة... أقيفي و إتفرجي...! |
... يا ممكونة الله يزيدك وعي فوق للوعي الفوقك .. سلامات ياخ ..
Quote: وهو اساسا لو في استقرار وتفاهم بينهم كان مشي اتزوج في مكان آخر؟؟
ولو هو اساسا ممكن اي واحده تاخده من اسرته..
يبقي الزعل واللوم في شنو؟؟ |
.. دي النجيضة يا منى خوجلي .. اي رد على اي سؤال من اسئلتك دي كفيل جدا بي حل المسالة دي .. لانها لا مشكلة ولاحاجة ..
| Quote: فبعض الردود الهنا بتورى اننا راجعين للوراء بدل ما نمشى قدام. |
..| Quote: من ناحية المبدأـ فان صديقتك ليس لديها أى مبرر للتفكير فى الزواج من رجل متزوج (بغض النظر عن كونه ابن عمّك أو أن زواجه تعيسا)، لأنه متزوج أولا، و لأن موقفه من مسألة تعدد الزوجات (و نحن فى القرن الحادي و العشرين) يكشف عن رؤيته للمرأة و قضاياها! |
من ناحية المبدأ يا دكتورة ندى موضوع المرأة وقضاياها دي مرحلة هامشية في مفاهيم البعض واستاندرد ونظريات في فلسفة ندى على وآخريات .. يصعب الوصول لي ارضية مشتركة في حلها مش لو دا القرن الحادي والعشرين لو دا القرن المليون عديل كدا .. الواقع .. الواقع .. الواقع .. الجغرافيه .. الجغرافية .. الجغرافية.
Quote: المثل متداول كان رضينا ولا أبينا، والسخف الاكبر إننا ندير رؤوسنا
عما هو حاصل فعلا" في مجتمعنا ! |
.. كلامك في الصميم يا هبه .. ما لم تساهم إدارة الرؤوس في حل قضية المرأة .. في القرن الواحد وعشرين.
وجن كلام ممكونة جميل جدا .. وهو آخر علاج .. ماتحملي على نفسك كتير .. لانو ما بيدك حاجة غير تأنيب الضمير ودا ما بيحل مشكلة ..
| |
|
|
|
|
|
|
|
|
|
Re: Re:أعزصديقاتى سرقت ود عمي !!!!!!!!!!!!!! (Re: tmbis)
|
محمد الأمين إزيك أناعارفاك ما بتشاكلني بس بمزح
والله قصتك عجيبه فلم هندي عديل
وأنا ما بخسر صديقتي بى أي حال من الأحوال
ودمت سالماً من كل شر
ندى الندى سعيده بمرورك وكلماتك
يديك ألف عافيه
العزيزه منى خوجلي يبدو إني لم أوفق في البوست والعنوان
ولكني قطعاً لم أقصد المعني الظاهري للعنوان ويعلم الله إنها بريئه من سرقته
براءة الذئب من دم يوسف عليه السلام
ربما تؤجب عليه أن أسميه (أعز صديقاتي تسرق قلب إبن عمي)
ولا شنو
لك مني صادق الودوالتقدير
العزيز تمبس
كلامك صاح والله ما بيدي حاجه أبداً لآنو اليوم تقريباً حيمشوا الرجال يطلبوها رسمياً
وأبوي ضمن أعمامه االحايلحفوا عممن وحايساندوه ولسان حالم بقول لى يا بتى الراجل لو مرتاح في بيتو
ما بكوسه بره يا بتى الراجل محللاتن ليو أربعه
ولسان حالى أنا بقول يا بت يا وجن أطلعي منها وقولى ليهم الله يكفيكم شر العوارض
سعيدة إني لما جيت البورد لقيتم رجعوك لكن بقيت شرس يااااااااااى
| |
|
|
|
|
|
|
|
|
|
Re: Re:أعزصديقاتى سرقت ود عمي !!!!!!!!!!!!!! (Re: وجن)
|
Quote: العزيزه منى خوجلي يبدو إني لم أوفق في البوست والعنوان
ولكني قطعاً لم أقصد المعني الظاهري للعنوان ويعلم الله إنها بريئه من سرقته
براءة الذئب من دم يوسف عليه السلام
ربما تؤجب عليه أن أسميه (أعز صديقاتي تسرق قلب إبن عمي)
ولا شنو
لك مني صادق الودوالتقدير |
علي العكس تماما يا وجن..
ليس قصدي العنوان في حد ذاته..ولا قصدي ان صديقتك مذنبة..فهذه علاقة بين طرفين لا أستطيع أن أدعي انني في موقف أستطيع فيه
الحكم عليها بالسلبيه او الايجابيه وأكون فيه عادلة..
انا فقط رغبت في نقاش فكرة "السرقه للزوج"..ففيها نوع من التعاطف مع احد الاطراف..قد يكون تعاطف مع الزوج ..وفيها ايضا عدم اعتراف بشخصية الشخص الذي يعتبر هنا "مسروق" اذ ان من السهل اخذه بعيد من زوجته واطفاله..
وفيها ايضا هروب من مسئولية الفشل بدل من مواجهته برمي اللوم علي طرف ما..
لذلك كان تساؤلي..
كيف يعني زول يسرق زول ويبني معاه علاقة؟؟
وهو اساسا لو زول بيتسرق زيه زي اي حاجه ماعندها اراده ولا عقل..اليتسرق أكان مسروق!
باختصار يا حبيبتي انا ماشايفه هي سرقته ولا هو مسروق..
شايفه ثلاثه اطراف في علاقه الحكم بمسببات انها بقت تلاته بدل ماكانت بين اتنين مافي ايدنا..
وعلي فكرة كلمة السرقه للزوج دي ماجات منك اسه..دي موجوده في كل مرة الرجل يتزوج وهو متزوج..
لك كل الود والاعزاز ..وشكرا علي سعة بالك..
| |
|
|
|
|
|
|
|
|
 Re: Re:أعزصديقاتى سرقت ود عمي !!!!!!!!!!!!!! (Re: Muna Khugali)
|
فهمتك يا منى
وكلامك صاح لو هو زول بتسرق معناها ما بستحق يكون مسروق
لكن نعمل ايه ادى الله وادى حكمتو
اعذريني ما قادره أكتب مداخله جاده
جاتني مكالمه من السودان سممت بدني
أنا هسه بقيت بين حاجتين (لأن العقد تم ) أقيف مع صاحبتي وود عمي
ولا أكون مع بنات عمي (أخواتو) وزوجته وبقية الأطراف المعارضه من أسرتي
أنا بصراحه عندي طالما الموضوع تم خلاص انتهى وعادي أمارس( إنسانتي) وأكون مع صديقتي كما كنت
لكن دا بجي كيف مالازم أتعاطف مع زوجته واخواته طيب كيف ممكن أقيف مع الطرفين ما لم ( أنافق ) أو (أجامل) والإتنين ديل ما بقدر عليهم !!!!!!
شكراً للتوضيح وأوعدك نناقش فكرة السارق والمسروق بس أروق شويه
ودمتى يا غاليه
| |
|
|
|
|
|
|
| |
وجن
كمال سالم
Abd Alla Elhabib
Habib_bldo
تبارك شيخ الدين جبريل
حيدر حسن ميرغني
Amin Mohamed Suliman
heba Elmahi
SHIBKA
النذير حجازي
مجدى محمد مصطفى
مريم بنت الحسين
ريهان الريح الشاذلي
Mohammed Haroun
قرشـــو
حبيب نورة
nada ali
رأفت ميلاد
محمد الأمين موسى
محمد الامين احمد
Muna Khugali
ALZOLZATOO
mamkouna
tmbis
فيس بوك
تويتر
انستقرام
يوتيوب
بنتيريست