دعواتكم لزميلنا المفكر د.الباقر العفيف بالشفاء العاجل
|
|
 الأستاذ فتحي شيلا ( اصـلح الله شــأن الاميــر )
|
تم اعفاء الاستاذ فتحــى شيــلا من امانة الاعلام بالمؤتمر الوطنــى ...شيــلا كان يشغل امين الاعلام بالحزب الحاكم والناطق الرسمــى باسم الحزب
موقع قيادى بالحزب يتيح لشيـلا التعبير عن كل الحراك السياسي للحزب الحاكم فى كل الساحات الداخلية والخارجيــة ..
شيــلا قيادى قادم من الحزب الاتحادى الديمقراطــى للمؤتمر الوطنـــى ... امضــى فترة مقدرة فى تقلد وادارة امانة الاعلام بالمؤتمر الوطنــى ..
تقلده لهذا الموقع هل كان من جراء كسبــه لثقة قيادة الحزب
تقلده لهذا الموقع هل كان من جراء ثقلــه السياسي فى الحزب الاتحادى
تقلده لهذا الموقع هل كان من باب فتح الابواب للقادمين الجدد للحزب
تقلده لهذا الموقع كان من باب احقيتــه وكفاءتــه
ظلت هذه الاسئلــة مطروحــة فى اطار عضويــة المؤتمر الوطنى لكنها لم تجد اجابــة شافيــة تملك لعموم العضويــة بالحزب ...
السياســة المتبعــة فى الحزب بالتعيين والاعفاء تحتاج الى مزيد من الشفافيــة فى وضع المعايير والاسس التى بموجبهــا تتم هذه التغييرات
_______
نفخــة روح فى حزب المؤتمر الوطنــى ( حزبنــا )
|
|
 
|
|
|
|
|
|
|
 Re: الأستاذ فتحي شيلا ( اصـلح الله شــأن الاميــر ) (Re: بدر الدين اسحاق احمد)
|
| Quote: اكثر شــى توفيقاً ترشيح د. غندور لامانة الاعلام فهو رجل منابــر اعلاميــة من الطراز الاول .. |
بدر الدين تحياتي ...لا أرى أي علاقة تربط غندور بالعمل الإعلامي وغير تخصصه ...ولا يكفي أن يكون رجل منابر ولم نره في محيط العمل الإعلامي يوماً ...الإعلام يحتاج شخص ملم بالوسط الإعلامي ...هل نضب معين المؤتمر الوطني من دهاقنة الإعلام ...أين سيد الخطيب وموسى يعقوب وآخرين ...
عجبي تربيع
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: أمير فتحي)
|
| Quote: فهــل عرضـت هذه الترشيحات على المكتب القيادى قبل ان تعلن فى الصحــف ؟ |
يعني يا ود اسحق داير تقول انو حزبكم ده فيهو شورى و ديمقراطية؟؟
الموضوع ما معروف للقاصي و الداني : مجموعة محدودة هي المتحكمة و انتو ما عندكم
غير السمع و الطاعة.
بوستك ده حركات جيش ساااكت.
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: بدر الدين اسحاق احمد)
|
| Quote: من جهته، أوضح القيادي فتحي شيلا في أول رد فعل على هذه التعديلات، أنه ليس غاضباً من إبعاده من أمانة الإعلام، مؤكداً أنه مع التغيير وأن التعديلات جاءت بموجب توصيات لجنة تم تكوينها سابقاً لتقييم أداء الأمانات. |
توصيات اللجنــة دا حكاية موضوعيــة من حيث المخرجات
الا انها من حيث التوقيت جعلت من دواعــى التغيير والاصلاح تقرأ فى اطار اخــر ..
التقييم الدورى لاداء الامانات من مسئوليــة المكتب القيادى منفرداً وهيئة الشورى مجتمعاً
فلننتظر لننظر ماذا تقول هيئة الشورى القوميــة
___________
ليس فى الامــر غضب / زعل فهو عمل طوعــى / تكليف يسهر فيــه الشخص المكلف
يشكر أ. شيلا على جهده الذى قدم وقطعاً لم يكن لوحده فى ادارة هذه الامانة ... ويتحمل
معه الكثيرون ما تم فى امانة الاعلام من انجاز واخفاق ( وانا احد هولاء الرجال )
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: بدر الدين اسحاق احمد)
|
| Quote: اكثر شــى توفيقاً ترشيح د. غندور لامانة الاعلام فهو رجل منابــر اعلاميــة من الطراز الاول .. |
قريبنا دا لمن كان في التجمع الوطني كان بيلعلع
ولا عشان رطاني حسع بقى ما ينفع
والله يا بدرالدين يا قريبي شيلا دا فعلاً في بعض الكلمات في العربي بيتعبو وبالذات لم يتكلم بضمير الغائب ... غايتو انا بتذكر لمن كنا انا وشيلا شغالين سوا مدرسين في الحلة الجديدة كان شاطر وبيدرس اللغة العربية
يا بدرالدين يا قريبي انت ما سمعت انا وابن عمي على الغريب .
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: حمزاوي)
|
يا عمنــا حمزاوى سلام من الله عليك
( ويي فينــا )
ضحكـت حتــى اضحكت من هم حولـى ...
معقول ياخ شيلا كان استاذ لغة عربية بيه كدا بتصبح مسيرته الحياتيـة مفخرة لــه فهو شخص عصامـى بنى نفســه بنفســه ...
علا النجيضــة ناسنــا ديــل شالو ليهو د. كمال عبيد ودا زول فاهم وكبير علم لا بنشال ولا بسكت ( طوالى المايك معاهو )
فى كثير من المرات اهل الاعلام بيتعاملو مع د. كمال عبيد باسم الناطق الرسمـى للحزب مع انو يشغل وظيفة نائب امين امانة الاعلام .
لشيلا تجربــة سياسية ثرة جداً خاصة فى الاتحادى الديمقراطــى . لكنها قطعاً لم تنسجم وتتوائم مع تجربة المؤتمر الوطنى السياسية
والله عمنا شيلا فوق العين والرأس ( عــلا الشغل عايز شوية جكــه )
وكمان مشتاقيـن ( توجد بشريات اراضــى فى البلد شد ليك سلك )
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: عمر صديق)
|
| Quote: الإعلام يحتاج شخص ملم بالوسط الإعلامي |
لا ينقص المؤتمر الوطنى علماء ومتخصصين فى علم الاعلام ...
لكن الحزب يحتاج الى شخص لـه وعــى وادراك بدور الرسالة الاعلاميــة فى ايصال رسالة حزب حاكم
كحزب المؤتمر الوطنى ( دون ان يذوب الحزب فى عباءة الدولــة ) .
فغندور لم يباشــر اعباء وظيفة دستوريــة حكوميـة فى الجهاز التنفيذى ابداً فهو متحرر من قيود الوظيفــة
مما يتيح لــه اداء ادوار لا يؤديها الا من تحرر من الظيفة العامة فى الدولة .
غندور بــعد عالمى / اقليمى / قومــى ..
غندور ظل يمثل اليــة تواصــل لحزب المؤتمر الوطنى مع الاخر ( الحزبـى / الجوار / الدولــى )
__________
ويمتلك اليات اشراك اهل التخصص الاعلامــى فى هذه الامانة المحوريـة فى الحزب ..
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: عمر صديق)
|
| Quote: "شيلا ده لا ملح بطعم ولا ويكة بتلايق " او كما قال .. |
ابداً العوض اخوى ...
فشيلا قيادة سياسية عصاميــة كان لــه دور فى قيادة حزبــه الاتحادى الديمقراطــى ... الذى يسهل فيه للقيادى ان يتميز على الاخرين بمباركة مولانا الميرغنى ..
اما فى المؤتمر الوطنى فأنت تعلم ان هذا الحزب لديــه انفجار فى القيادات السياسية ...
ودائماً ما تضيق المواعيــن التنظيمية بهولاء القيادات ..
شيلا تقلد امانة الاعلام وكان الناطق الرسمى باسم الحزب .... وفى اطار التقييم الدورى لعمل الامانات وفقاً لتصريح شيلا نفســه تم تم احداث هذا التغيير ..
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: بدر الدين اسحاق احمد)
|
Quote: ينقص المؤتمر الوطنى علماء ومتخصصين فى علم الاعلام ...
لكن الحزب يحتاج الى شخص لـه وعــى وادراك بدور الرسالة الاعلاميــة فى ايصال رسالة حزب حاكم
كحزب المؤتمر الوطنى ( دون ان يذوب الحزب فى عباءة الدولــة ) .
|
عارف يابدر الدين في بلد زي السودان دا ...تنعدم فيه المؤسسيه أو تكاد تكون تتلاشى ...وكتير جداً إن لم يكن معظم القيادات مابشتغلو بمؤسساتم الشغله ولا يعبرون عن الرؤى التنظيميه لمؤسساتم التي قد يلجأو ليها تجملاً وفضلا ولتكميل الصوره فقط ....
يبقى الرجل الأول مهم جداً إنو يكون متخصص وضليع وخبره في المجال ...عركه وتدرج فيه ...يبقى أداء رجل زي غندور (زول النقابات وطب الأسنان) حيكون أقل فهماً وعلماً وإدراكاً وتميزاً من زول زي محمد حاتم سليمان أو حسين خوجلي أو إبراهيم الصديق زول مباري الإعلام عمرو كلو ...
أها الرسالة الإعلامية بتاعة الحزب دي لو جبتا ليها زول من أهل التخصص في حزب مليان كوادر حيحصل شنو؟ ...بدر الدين بصراحة في تخبط في توظيف كوادر الحزب الى حد الشعور بالمجاملات ودا خصم كبير جداً على الأداء والنهايات الغير سعيده إن لم تكن فاشله
| |
|
|
|
|
|
|
|
|
|
Re: الأستاذ فتحي شيلا ( اصـلح الله شــأن الاميــر ) (Re: أمير فتحي)
|
Quote: قريبنا دا لمن كان في التجمع الوطني كان بيلعلع
ولا عشان رطاني حسع بقى ما ينفع
والله يا بدرالدين يا قريبي شيلا دا فعلاً في بعض الكلمات في العربي بيتعبو وبالذات لم يتكلم بضمير الغائب ... غايتو انا بتذكر لمن كنا انا وشيلا شغالين سوا مدرسين في الحلة الجديدة كان شاطر وبيدرس اللغة العربية
يا بدرالدين يا قريبي انت ما سمعت انا وابن عمي على الغريب . |
وأيام كجبار كان أكثر لعلعة..وبعد داك حاول يعمل اختراق في موضوع كجبار وفشل
زولك يا حمزاوي باع..والببيع بتباع
_
يا بدر الاسئلة الانت بتسأل منها اجاباتها عندكم نحن جمهور متفرج..وصراحة كدة ده اسمه إزعاج للجمهور
| |
|
|
|
|
|
|
| |
بدر الدين اسحاق احمد
أمير فتحي
سيف النصر محي الدين
العوض المسلمي
عمر صديق
GamarBoBa
فيس بوك
تويتر
انستقرام
يوتيوب
بنتيريست