|
|
|
 Re: دفاعا عن موقع سودانيز (Re: elhilayla)
|
حقة ناس برة دي مفهومة ومبررة يمكن لانه ممكن تقول الصحف غارت بعد ما انتشر النت في الموبايلات واصبح لايشتريها الا المطششون
لكن حفة ناس جوة تحير فعلا
لان المنبر من غير اعضاء هو عبارة عن سبورة فاضية والسبورة عمرها ما تجيب كلام من عندها وعمرنا ما سمعنا احد شتم السبورة
| |
 
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
وظلم ذوي القربي أشد مرارة من ظلم غيرهم
الإنتماء ! أعجب لغير مجبور أن لا ينتمي للمكان الذي يأويه
نعم ,,, لم تزد فترة مكوثي ههنا نصف العام ,,, ولكني تعودت ان اسئ لمكان آواني ,, فارقت غيره فلم افضحه ولم أكشف سره ,,, ولزمت الصمت
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
لماذا ?
هذا هو السؤال
اخي الحليلة
لماذا ? فلا احد يغصبك علي التواجد في مكان لا تحبه ,,, وفضاء السايبر يتسع للجميع ولكل متضايق ,, بل وفي مواقع التواصل خصوصية اوسع , فلا رقيبا عليك سوي نفسك ,, ولا قارئ او راد لك سوي من تريده
فلماذا ?
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
والشكر للباشمهندس بكري الذي اشرع ابواب موقعه للكتابه مجانا ,, للاعضاء ولغير الاعضاء من الفيس بوك
وشكرآ ليك إنت يا ود أبوسن
لكتاباتك ودفاعك عن سودانيز أونلاين موقع وأعضاء وعضوات
تحياتي
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
من النفاج
سلمي الشيخ سلامة
واعتز اني قرأت لك زمن مافي نت زاتو ,, زمن طيبات الذكر الصحافة والايام و الملاحق الثقافية وزمن مجلة الاذاعة والتلفزيون والمسرح وزمن مجلة الثقافة السودأنية
واهلنا قالو
المابعرفك في بكا ابوك ما بعزيك
ليس كل من يكتب هنا او هناك خامل الذكر او غير معروف ,, وليس سودانيز هو الموقع الاوحد للكتابة او بوابة الشهرة , وليس كل عضو جديد في سودانيز هو جديد علي الكتابة
للأسف توزيع الاتهامات المجانية دون وازع اخلاقي او وطني يساهم يوميا في نفور الناس من الكتابة , او يجعلهم خاملين او صامتين من إبداء آراؤهم ,,
سنكتب هنا مدفوعين بصدقنا ,, وان وجدنا ان الكتابة هنا تسئ لنا سنتركها غير نادمين
كامل الود والتحايا
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
عبد الحفيظ انت انسان راقي واصيل..
احترم كل ما قلت واثمنه..
هذه ساحة للحوار والراي ،تحمل هم الوطن ، يثريها الاعضاء بمشاركاتهم وينعدل الحال بالمشاركة الجادة والمسؤولة مننا ومزيدا منها..
نحي صاحب الدار ونشكر سودانيزاونلاين..
| |
|
|
|
|
|
|
|
|
|
Re: دفاعا عن موقع سودانيز (Re: درديري كباشي)
|
عبد العزيز
مجيدو
شوكران ليكم لطيب قولكم وحسن ظنكم بي
الموقع أي موقع تطوره منوط بعضويته
وجديته وموضوعيته مربوطه بعضويته
وانه لأمر محزن ان يتم الاساءة لموقع سوداني جمع معظم اطياف المجتمع , من اقصي اليسار لأقصي اليمين ,,
سودانيز
سودانايل
صحيفة الراكوبة
من المواقع العتيقة والرائدة
مع نقدها لتطويرها ولكن قطعا ليس الشتائم والاساءات لها
فلها دورها التنويري الذي لا ينكره إلا مكابر
ولها تأثيرها ايا كان سلبيا ام ايجابيا
والمؤلم ان تشتم من قبل عضويتها
قال حميد
مرة شافت في رؤاها
طيرة تاكل في جناها
حيطة تتمطي وتفلع في قفا الزول البناها
فسرت للناس رؤاها
وقالو جنت وما براها
آي صحي والله
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
تعودنا ان نعتبر الاشادة كسير تلج ودهنسة وتعرصة ! فنخشاها ,, ونتقي ان تصدر منا
وطال ذلك حتي الوطن , وكما قال الحردلو
ملعون ابوكي بلد
فكثرت تعابير
بالله دي بلد دي
ده شعبي يموت القرشي عشانو
يستاهل اكتر من كده
نعم الواقع سئ ويزداد سوءا , وهنالك فرقا كبيرا بين الانتماء والاحتقار
لا ينكر احد ما آل إليه وضع المنبر , ولكن اصلاحه ليس بالشتيمة فنحن من اوصلنا الموقع لهذا الدرك والاصلاح في ايدينا كما قال به البعض اعلاه
قال القدال
قت ليك العليهو
ادرابو لا تنغش
ولا ترضابو لا تنغش
| |
|
|
|
|
|
|
|
|
|
Re: دفاعا عن موقع سودانيز (Re: ismeil abbas)
|
انا بفتكر المساحة متاحة لكل الناس
نزل كلامك ودافع عنه
ما تولول و ترجع تقول يا بكري الحقني
ولا تقول يا بكري الزول دا عمل كدا
لانو فرصة الدفاع و الهجوم مكفولة بالتساوي
والما عاوز ما يكتب هنا .
| |
|
|
|
|
|
|
|
|
Re: دفاعا عن موقع سودانيز (Re: فيصل محمد خليل)
|
الأخ ود اب سن بعد السلام
العرب قالت: (الحديث عرديب كان بلّوه جنبك لازم تضوقه). عشان كدا قلنا نحل فمّنا معاكم بكلمتين. لكننا لا نهتم لترهات من يشتمون المنبر بلا سبب وجيه ولا حتى غير وجيه.
الناس البشتموا سودانيزأونلاين أو غيرها عديمين حيلة. وبعضاً منهم غاير من نجاح المنبر وصاحبه وهي الغيرة التي تنقلب حسداً يصب في خانة الشتايم. الله يشفيهم لأن الحسد مرض خطير غلب المعالجين.
وما تنسى هذا الرابط لصفحتي في اليوتيوب فرأيك ومقترحاتك تفيدنا في تقديم خدمة متميزة للمتصفحين.
http://www.youtube.com/user/KabbashiSudan
تحياتي.
كبـّاشي الصـّـافي
| |
|
|
|
|
|
|
|
|
|
Re: دفاعا عن موقع سودانيز (Re: cantona_1)
|
من بعثني من مرقدي وكم لبثت ! ده بوست بعاتي عديل
تحياتي محمد سليمان
آي صحي قولك
ياخي خشيت المنبر بقيت اتضاير ما تجيني طوبة طايرة ,, واهلنا بقولو الحجاز ليهو عكاز ,, فقنعت من التداخل وبقيت اقرأ بس امكن اجي الاول ههههه
حدث تدهور في لغة الحوار رغما انو اسمو منبر الحوار العام ,,, اتهام ثم اتهام مضاد ثم تهاتر ,,, صفتك ونعتك ,, وغباين قديمة مكبشرة ,, ونحن شكل الاسافير ده ما ناسو ,,, وبلاش منو ,,, قالو البحلك من التوم عدم اكلو
الإدارة تعاين بي عينها ساي ,,, شنو يعني إلا يوم واحد يكتل ليهو زول هنا ولا كيف
| |
|
|
|
|
|
|
|
|
|
Re: دفاعا عن موقع سودانيز (Re: Mohamed E. Seliaman)
|
كتر خيرك يا عبد الحفيظ
وشكرنا موصول للباش مهندس
بكري ولكن في ناس عندها مرض مزمن اسمو
الشتيمة وسب الاخرين يجب ان نحترم من نختلف معهم اولا ونثني
علي كتاباتهم حتي وان كنا لا نعرفهم فالاختلاف سنة الحياة
احترام الاخر هو الاساس ان اتفق معك او اختلف
فهو منبر للراي والراي الاخر وليس مكان للسب وشتم الاخرين
مع
خالص الود
محمد الطيب
| |
|
|
|
|
|
|
|
|
|
Re: دفاعا عن موقع سودانيز (Re: محمد الطيب محمد)
|
الاخ ود ابوسن حبابك
موقع سودانيز ليس بجزيرة معزوله وحاله وحال الوطن سواه فللذين يكتبون هنا هم من نفس البيئة التي صار فيها صوت القبيلة هو الاعلي
والعنصرية هي الاعلي مع ذلك لابد من وقفة عبر مبادرات يقدمها المنبر للمساهمة الحقيقة في الخروج من عنق الزجاج الذي فيه الوطن الان
وصلاح المنبر في صلاح الوطن فهيا اخي ابوسن نتباري في سوق المبادرات ولتشارك معتا الرائعه سلمي الشيخ سلامة ولتعدل عن قرارها
| |
|
|
|
|
|
|
|
|
|
Re: دفاعا عن موقع سودانيز (Re: حسن ادم محمد العالم)
|
تحية وتقدير يا عبدالحفيظ .. وحفظكـ الله ..
لا ينكر التدهور الذي حاق بالمنبر الأ مكابر ...
فمنبر اليوم ليس هو منبر الأعوام التي خلت , كما وكيفاً ..
ولكن الإصلاح ليس مستحيلاً من الأعضاء وبالضرورة من الإدارة أيضاً ..
فأما تختلف بإحترام .. أو تفارق بإحسان ..
هكذا تربينا وهكذا كان سلفنا ...
| |
|
|
|
|
|
|
|
|
|
Re: دفاعا عن موقع سودانيز (Re: Dr. Ahmed Amin)
|
مرحبا اسماعيل
تعرف الموضوع ما مصداقية لكن الناس متملكها حب السبق الصحفي
بكون في حسن نية وسبق سبق
يلفح ليهو خبر ويجي ينقز بيهو ,, يطلع مضروب اها ببقا التراجع والاعتذار فضيلة ,, لكن ببقا زي العيب عند البعض
ف شنو
حقو نتريث
| |
|
|
|
|
|
|
|
|
 Re: دفاعا عن موقع سودانيز (Re: عبدالحفيظ ابوسن)
|
تحية لك عبد الحفيظ
وانت تدافع عن ( وطنى الافتراضى ) والذى ليس مجازا ، بل حقيقة . وهذة (للمصداقية )
التى كثر من ( جيل الشتات ) الذىن ادمنوا على نظرية "الاوطان. يصنعها التاريخ " . وليس بنوها . ووعيهم " بالزمن" يوهمهم بامكانية ( اعادة كتابة تاريخهم الشخصى )
عبر ( الوطن المجاز ) والذى هو ( وسيط ، او اداة ) مستحدث ، كغيرة من وسائط خلقها البشر للمحافظة على (البقاء).
.يعنى بكلام ( العنقالة ) عينك فى الفيل تطعن فى ضلو .
وبكلام (الصفوة ) ، انا افكر اذا انا موجود . اما "صاحب هذا الوطن الافتراضى " ما بتجى عوجة لانة شاف فلم (جمعية الانتاج الاذاعى والتلفزى)، والاهم انة عرف الاداة وعلمها لصانعى الاداة
واختم " بين ناس الشتات مافى ملامة ".
| |
|
|
|
|
|
|
|
|
|
Re: دفاعا عن موقع سودانيز (Re: هاشم احمد ادم)
|
لو كتب كل من الاعضاء المحترمين ما يفيد او حتي يجلب بسمة،،واعرض عن الجاهلين،،لما وجد زبدي او عنصري فرقة للدخول....
ياخ اكتب واكتب،،،هناك قارئ يتابعك وهو قارئ ذكي ومنصف ومحترم...
عن نفسي وجدت في فضاء سودانيز الف صديق،،اتقاسم معهم ايما حرف احس بانه يستحق التقاسم،،واتواصل معهم...
قراء سودانيز من اجمل الناس هم وجهنا المشرق والله انهم اجمل مني..
كتبت بوستا عن حاجاتي للطاقة الشمسية
في ايميلي الخاص وردتني عشرات الردود القيمة الذكية العالمة،،
بل من هو مستعد لمساعدتك بكل شئ..
اتقاسم الكلمة مع هؤلاء واعلم ان كثيرين من القراء انضر كلمة مني...
واذا اخطات بلا قصد اعتذر...
ولم اصادف لي عدوا ولا اساءة ولا تجريحا لشخصي لان كل شخص عندي مقام احترام ،،،واذا اختلفت باحترام مع شخص فلن يسئك
مرة واحدة خرشني الحبيب ملاسي،،،خربشة غير قاتلة
رفعت الامر لمحكمة الاعضاء انتصروا لي
اعتقد ان الباطل يهزم بالثمين
اذا عادت كل الاقلام الجيدة يختفي الغث,
| |
|
|
|
|
|
|
|
|
|
Re: دفاعا عن موقع سودانيز (Re: عبدالعزيز عثمان)
|
| Quote: اذا عادت كل الاقلام الجيدة يختفي الغث |
كلا يا عزيزي عبد العزيز، ولا تبحث مع صديقي أب سن وبقية الطيبين عن يوتوبيا هنا
أن تكون عضوا أو قارئا لسودانيز أونلاين يعني أنك في الشارع السوداني أو أي شارع في الدنيا
كل أصناف البشر يروحون ويجيئون فيه. كل أصناف البشر تجدهم هنا، بمستوياتهم وخلفياتهم التعليمية والثقافية والتربوية والآيدولوجية والسياسية المتفاوتة.
كل له أسلوبه في الحوار ولغته في النقاش تماما كما مارس في بيئته. ولن يتربى أحد من جديد في هذا العالم الافتراضي.
كل إناء بما فيه ينضح، يا صديقي أب سن، وهذه مائدة ضخمة حاشدة بالأواني المتزاحمة، تناول ما يروقك ودع ما لا تستطيبه نفسك
هذه حفلة كرم سوداني، دع كل مواطن يأتي بما عنده من أفكار ولغة وثقافة في أي إناء شاء، ولك الحق في رفضه بما في إنائك
لكن لا تستطيع أن ترمي طبقه على الأرض حرفيا، هذا الحق يملكه بالكامل صاحب الحفلة اللامة.
ما أريد قوله إنه هنا، في هذا الشارع العام، لا أحد يستطيع أن يمنع آخر من المرور: للبصق أو إهداء وردة
نقبل الوردة ونهدي أنضر منها، ونرد البصقة أو نمسح التفاف ونمضي في الطريق حاملين باقة أزهارنا
كلا يا عزيزي عبد العزيز، لن تجدي عودة الأقلام الجيدة فتيلا، هكذا صار واقع الشارع السوداني الآن
ولن يتغير الواقع الأليم بعودة الأقلام الجيدة ولو كان البحر مدادها
وهذه سالفة أخرى
مودتي لكما ولكل المتداخلين وللقراء الطيبين
| |
|
|
|
|
|
|
|
|
|
Re: دفاعا عن موقع سودانيز (Re: معاوية الزبير)
|
مرحبا فيصل
وحبابك
ولا عاصم لك سوي قلمك
ولا جالب لك السباب سوي قلمك
كلامك صاح والله
لاحظت بعضهم يسئ للآخرين بأقذع الكلام , ثم لا يتردد في ان يشتكي ل بكري مما اصابه من رد فعل الآخر
ف شنو
حقو البولع نارو يدفا بيها براهو ولا يطفيها براهو
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
مرحبا محمد الطيب
وحبابك
صحي والله
اقبلني لأقبلك
ويجب ان نتعامل مع المكتوب لا كاتبه
فما داعي للاساءات حتي ولو بقصد تبين التناقض بإقتباسات تناقض قوله سابقا ,, آي جيب السابق وقول ليهو
ان شاء الله البعرفونا ما يحضرونا
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
مرحبا العالم وحبابك
هكذا ارادت لنا السلطة ان يعلو صوت القبيلة ,, وان تصل الخلافات إلي نهاياتها دون سقف اخلاقي تقف عنده
اقول ليك
دور العلم مجتمع صغير من المجتمع الكبير , ولكنه لا يسمح ان يكون نسخه مصغره منه , بل يحارب مايراه فاسدا هناك بمنعه داخله
ومجتمع سودانيز مجتمع مميز ونوعي ويأتي إليه القراء للتعلم والاستفادة , فلماذا يأتون إليه إن كان يعرض ذات البضاعة التي يأبونها
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
مرحبا معاوية
هل نحن في الشارع ? هل نبحث عن يوتوبيا مثالية ?
لا أظن
فكما اننا ندعو ونقاتل من اجل
وطن خير ديمقراطي
فأننا ايضا ندعو لمنبر
يحترم الآخر ويرتقي بالحوار لغة ومضمونا
منبر يقول
نعم اننا قادرين علي ابتداع منبر حوار ديمقراطي خير
فإن كنا ضد ممارسات السلطة في اجهزة اعلامها ف بالضرورة ان لا نشابهها
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
ما قصدت الإساءة بتشبيه المنبر بالشارع بالمعنى السالب
إنما عنيت أنه يجمع كل الاختلافات في الذوق ولغة التخاطب
وفي مستوى التعليم والفهم وناس الروح الطويلة والنفس الضيق.. كل شئ. أليس هذا هو الشارع وأقل؟
هي السياسة يا صديقي التي أشعلت هذه الروح العدائية ورفض الآخر، وانا لا أقبل هذا الوضع لكنني أتفهمه تماما.
ألم تغير سياسات النظام الحاكم الآن الشارع السوداني مقارنة مثلا بعشر سنوات ماضية ؟
عدد من أعضاء المنبر أرفض كثيرا مما يكتبونه هنا، وهذا شأنهم، لكن جمعني بهم الواقع وجدتهم بشرا أسوياء وما عندهم أي عوجة
بل أبدى لي أحدهم ندمه على كلام كتبه في زميل منبر صاحب لي، وقال إنه لو عاد الزمن لما أنزل تلك المداخلة
لو ذهبت السياسة فهذا قمين بعودة الهدوء واللغة الهادئة ولعادت المواضيع التي بطبيعتها لا تثير جدالا يؤدي إلى استخدام لغة الشتائم
مرة كتبت اطالب الأعضاء بتحديد مواضيع البوستات بمجالات محددة يمكننا أن ننفع عبر نقاشها بلدا، ونمنع الكتابة في السياسة
فالمنبر يذخر بالمتخصصين وبالمتذوقين ويمكن أن نستفيد بحواراتنا معهم بالرقي بفنوننا ورياضتنا وزراعتنا ومراعينا وهكذا ، ولكن لم يرد علي أحد مجرد رد
لأن داء السياسة استفحل، وأظن أن استفحال الوضع السياسي في السودان استدعى ذلك، فالناس لا تشتم بعضها لملء الفراغ
حتى في الزمن الجميل للمنبر لم يخل من الشتائم واللغة البذئية
أنا شخصيا صدمت في الأيام الأولى لانضمامي للموقع في عام 2003 صدمت في بعض البوستات بلغة لم أكن أتصور أنها يمكن أن تقال
في مجلس يجمع أناسا من مشارب مختلفة مما يلزمنا بالتأدب في حضرتهم
وعندما تداخلت شاكيا من هذا السلوك ووجهت بمداخلات جعلتني أخجل من مداخلتي وتوقفت، وفي الحقيقة بدأ حماسي بالانضمام إلى سودانيز يفتر منذ تلك اللحظة
وبعدها بفترة لا أذكر كم كانت توقفت ليس فقط عن المشاركة بل حتى تصفح الموقع لسنوات كان سنتين كان تلاته، وبعداك لما أقرف بترك الموقع لشهور ثم شهور
وأعود وهكذا
الكلام كتير يا صاحب ولكن أصر على أن المنبر هو الشارع الذي يجمع أناسا لا نريد أن نكون معهم في مكان واحد
أها نعمل شنو؟ نخلي ليهم الشارع أم نمنعهم من المرور عبره أم نكتفي بتجاهلهم ؟
الكلام طال يا زول، فتك بعافية
| |
|
|
|
|
|
|
|
|
|
Re: دفاعا عن موقع سودانيز (Re: معاوية الزبير)
|
مرحبا معاوية
تعرف يا صاحب لم اقصد تشبيهك الشارع كأساءة , بل قصدت كأنها افعال تلقائية لا ضابط او كابح لها , فيقول رجل الشارع ما عن له ولا تثريب عليه ,, ثم ان احدهم قد يشمر عن سرواله ليتبول علي قارعته
فللمنابر اهداف وهكذا يفترض بها ,, وكلها تقريبا تتفق في البعد عن المهاترات والاساءات وسئ العبارات
لن يستطيع بكري مهما استعان بآخرين في ضبط لغة البورد مالم ينضبط الكتاب انفسهم وثم ان يكونوا رقابة جماعية
لا أفهم ان يدخل جميع الاعضاء لرفض كتابة احدهم ,, فيتحرك البوست ويظل مرابضا في الصفحة الاولي والاولي تجاهله ليسقط
| |
|
|
|
|
|
|
|
|
|
Re: دفاعا عن موقع سودانيز (Re: عبدالحفيظ ابوسن)
|
اظنو ود المشرف القال قبل كدة
ساهم سودانيز في تثبيت
المحاققة
يعني تقول كلام تكون مسؤول منو ,, ويسلخو ليك جلد رمش عيونك ,, مش تنضم كلام جرايد ساي وتطش
ف شنو
الواحد قاعد يستمتع بالكلكلة الذكية والمرحة من البعض هنا ,, ف يقومو يدورو الزول تدويرة يخلوهو يقوم اتوماتيك بدون استارتر زاتو
لذا بنكتب كلام راسنا ده لا بنقتبس ولا بننقل ,, اها نضميك انت قادر عليهو ,, بدل أكون نسخة من آخر التبقا الناس نسخة مني
ده كلو خوفا من المساككة واثبت وجيب مصدرك وتقنب تعمل حسابك من الضمائر المستترة والظاهرة ,,, قال لي ,, كلموني ,,, سمعت من زول
ف ب الجد في بوستات ممتعة حقت المحاققة دي والزنقات
| |
|
|
|
|
|
|
| |
عبدالحفيظ ابوسن
elhilayla
سيف اليزل سعد عمر
محمد نور عودو
عبدالعزيز عثمان
محمد مجيدو
Mohamed E. Seliaman
ismeil abbas
فيصل محمد خليل
cantona_1
محمد الطيب محمد
هاشم احمد ادم
معاوية الزبير
فيس بوك
تويتر
انستقرام
يوتيوب
بنتيريست