|
|
 قريب المصري ما مناضل ولا ناشط وما بعرف سياسة زول عنقالي ساي
|
أن كنت ماركسي فهذا تاج علي راسي ولو كنت شبيه بمعاوية عبيد الصايم فهو وطني علي طريقته وحتي لو يري البعض أني شيطان فهذا لا يحرمني من ممارسة حقوقي في أن أقول ما أعرف
ولو كان فيما ذهبت اليه من شنيع قول وبذيء ألفاظ وحديث أفك كما تدعون فأين وعي المثقفين في المنبر أنتم الصفوة أصلحوا من حالي
لو تصدقون أني ما مناضل ولا ناشط ولا سياسي زول عادي ومن بحري
بالله كنوا أكثر معقولية و أتركوا أفعال الجاهلية الاولي لكي نتعايش معا
وأعني ما أقول
والمرة الجاية يا ود الباوقة البشير ذاتو عندو بوست كامل
أخوك قريب المصري
|
|
 
|
|
|
|
|
|
|
 Re: قريب المصري ما مناضل ولا ناشط وما بعرف سياسة زول عنقالي ساي (Re: قريب المصري)
|
يا قريب أركز فأن تكون عنقالي أفضل من أن تكون لا شئ ، هناك ناس مصنوعة من خميرة العكننة مهمتها تطفيش الآخر وإلغاؤه وإرغامه على تقديم إستقالته من المنبر بالرغم من أن الكثيرين هنا كان إستقالوا وكان إقيلوا – ودي شغلة بكري – أو قعدوا واحد في الشأن السوداني المعقد ومشربك شربكة شعر صبية في كرعين حمامة.
أها إذا في واحد شخصن ليك الموضوع وإتجه بالحوار – إن صح التعبير – إلى شخصك بالرغم من أنه لا يعرف نوع كيبوردك ولا مقاس شاشة كمبيوترك أو نوعه وطريقة دخولك النت هل هي إشتراك من حر مالك ولا كبري زي حالتي شاديهو من بيت الجيران فتجاهل مثل هذه السفاسف والتراهات وطنش تعش وخلي الدواس دواس فكري حتى لو كان إسفيري أو كانت الفكرة ملطوشة أو بائسة أو بائدة أو غير صحيحة فالخيل السمحة بتجي في اللفة ومحل رهيفة قطعا حا تتخرم لمن تبان بلاوي من خلف هذا الخرم.
وأصبر على ما اصابك وفي رواية أخرى أرجى الجاييك من هنا لغاية 8 مايو
مودتي
| |
|
|
|
|
|
|
|
|
Re: قريب المصري ما مناضل ولا ناشط وما بعرف سياسة زول عنقالي ساي (Re: مدثر صديق)
|
دخلت البوست ده تضامنآ مع منو --مني يا اخ بوستاتهم دي حنا ما بندخلها هههههه اتخارجي اما للاخ المزنوق ف هاك المخارجه دي واسمع نصيحه الناس هنا كلهم اب شرين == المخارجه هي الجلطات الدماغيه حين تكون في الفص الامامي او الجانبي fronto temporal تؤدي الي تغييرات في السلوك ونزع الرادع = يعني الواحد ممكن يتصرف تصرفات ويتحدث حديث مشين لو اتزنقت قول سمعت جاتو جلطه بالجانب ده واطلب يعملو له رنين مغناطيسي وبالله تاني لا تلغ في الاعراض وانت برلوم زينا ما تجيب لينا الكلام
| |
|
|
|
|
|
|
| |
قريب المصري
فرح الطاهر ابو روضة
مني عمسيب
عبد الله شم
ناصر احمد الامين
مدثر صديق
Artiga Gilani
ismeil abbas
ABUHUSSEIN
الصادق اسماعيل
عوض الله نواي
HAIDER ALZAIN
Mirghani Taitawi
فيس بوك
تويتر
انستقرام
يوتيوب
بنتيريست