لو طه خلاها انا ماشي عليها

مرحبا Guest
اخر زيارك لك: 03-29-2024, 10:40 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-10-2014, 03:26 PM

الجنيد حمد
<aالجنيد حمد
تاريخ التسجيل: 01-02-2013
مجموع المشاركات: 626

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
لو طه خلاها انا ماشي عليها

    عشان غنى مع حمادة بت


    وعشان مفلفل شعرو


    وعشان فنان


    ما صاح يبقى رئيس


    يعني المهنة بتحدد السياسي

    طيب سؤال

    الصادق المهدي كان شغال شنو قبل ما يبقى رئيس وزراء ؟؟؟؟

    ولو الفن سفاهة والسياسة بخربوها الفنانين السفهاء


    اهلنا قالوا


    ارجى سفيه ما ترجى عاطل

    نواصل
                  

03-10-2014, 03:48 PM

الجنيد حمد
<aالجنيد حمد
تاريخ التسجيل: 01-02-2013
مجموع المشاركات: 626

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: لو طه خلاها انا ماشي عليها (Re: الجنيد حمد)

    ودي فرصة الزول يحكي ما علق في الذاكرة من احداث

    سنة 2010 وبقراء في جريدة لقيت اعلان من مفوضية الانتخابات يفيد بأن اليوم
    هو بداية فتح بأب الترشيح لانتخابات المجلس الوطني والمجالس الولائية ورئاسة الجمهورية

    المهم سالت صديقي الميكانيكي عثمان مايرنو قلت ليه ياخ رائك شنو اترشح
    وبقينا نسأل ونرد برانا

    ليه من قمنا اسر محدد هي البتحكم ؟؟

    وليه ناس محدد هي البتتكلم في التلفزيون والرادي والجرائد ؟؟؟

    ليه وليه

    وطوالي دورنا اليورفان (ابوقبة ) ومشينا مفوضية الانتخابات في الخرطوم

    الناس ماها الناس

    بدل وكرفتات وناس ليها جضوم ونديانة ناس فاطرة ومتغدية وبتتعشى كمان (اللهم لا حسد)
    خشينا الاستقبال

    بتاع الاستقبال قال القراش بي وراء بالباب التاني ؟؟

    عاينت في عثمان وفي روحي ابرول وزيت وكتاحة سوق ليبيا ديك

    يا ابن العم انا جاي اترشح ما جاي لصيانة عربات الدولة ..

    عاين لي كده من فوق لي تحت (واعاد النظر كرات وكرات)

    ودخلنا

    جمب الباب الفيه اوراق الترشح ناس ماشة ودكتور فلان وسعادة فلان وتلفونات اشكال وانواع

    ونحنا يانا نحنا

    مشيت على الموظف

    السلام عليكم

    حكمة ربك زي الشاف جن وقف يدو من ترتيب الورق وبنهره كده مرحب في شنو

    يا استاذ انا (عائز) (قلت اتشرشح شوية بلغة البندر) اترشح

    الواقفين سمعوا كلامي الناس اللابسة بدل وكرفتات الصحفين والصحفيات الصادقين منهم والكاذبات
    كلهم سكتوا شوية وضحكوا اي والله ضحكوا عليّ

    عثمان قالي ياعجان انسى ياخ

    قلت دي فرصة الزول اتفش كويس

    قبلت كده ونزلت كم الابرول شوية عشان الظلطة الفي اليد

    وقلت

    ياخ المشكلة وين هسي انتوا جايين عشان شنو ؟؟
    حتمشوا البرلمان ولا الولاية وتقعدوا في المكيفات ديك مش باصوات الناس الزي كده؟؟
    يعني هسي الابرول ده عمل حساسية لعيونكم ...؟

    المهم (هرطقت كتير ) والموظف بعاين

    يا استاذ انا مترشح في الدائرة 29 سوبا الصحافة اركويت (في قانون بمنع الميكانيكية يترشحوا)

    قال لي يابني طبعاً انت شايلاك حماسة الشباب وياريت الشباب كلهم لو زيك كده بس تترشح دي خليها شوية

    كتر خيرك يا استاذ انا حزمت قراري (بصراحة بعد منظر الباب وضحكة الجماعة قلت اواصل وما برجع تب )

    خلاص اختار رمز واداني ورقة كده ومعاها ورق تاني قال لي دي للتزكية من 500 شخص من سكان الدائرة

    ونواصل



    ......................................

    بعد تلات سنوات نحكي ما حدث

    وشكراً

    سعادة الرئيس طه سليمان

    رغم اني ما بسمع غناك وبضحك عليه لكن في حتة رئيس دي معاك لي لاهاي
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de