|
|
|
 Re: يا ول ابا بريمه تعال شوف الشغل دا! (Re: وضاحة)
|
Quote: Ahmed Mohammed
والله يا البشارى يا خوي اهلك المسيربة ديل والبقارة عموما مافي شي مضيعهم الا فراستهم ورجالتهم دي .. ناس بتحب الموت زي اكل الحلاوة .. هههه اجتمعت فى الدنيا دي بجنوبيين كتاااار جدا ؛ الجنوبيين م يخافوا الا من عرب الفقارة ههههه ( واااه فقارة دي زول ما كويس ). |
يا احمد محمد
البقارة ديل ناس دواس ساااي..
والغشامة ما بتختاهم تب ... ألذ حاجة قال الجماعة عردوا
وولده ما عرد مات في المعركة ... النصيحة ليكـ يا الله ميتة الباعوض شينة ههههههههه
يا جماعة زول يصحي لينا بريمة دا ياخ!
| |
  
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
Quote: تااااااني برضو جايين تتكلمو عن أنكم أرجل ناس وفحول وكلام فارغ زي ده ؟؟
أي زول بفكر زي تفكيركم البهيمي ده ليس سوى شخص رجعي ومتخلف . |
دينق ..
تحية واحترام ...
أين ما ذكرته أعلاه في هذا البوست؟
لو سمحت؟
وبعدين نتفاهم ... لكن قبلها انت والقال الكلام الفي اقتباسك دا متخلفين (مع احترامي ليكم)
يا دينق تخلص من عقدة الدونية دي بتعيش مرتاح .. والله صحي :)
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
Quote: Quote: Ahmed Mohammed
والله يا البشارى يا خوي اهلك المسيربة ديل والبقارة عموما مافي شي مضيعهم الا فراستهم ورجالتهم دي .. ناس بتحب الموت زي اكل الحلاوة .. هههه اجتمعت فى الدنيا دي بجنوبيين كتاااار جدا ؛ الجنوبيين م يخافوا الا من عرب الفقارة ههههه ( واااه فقارة دي زول ما كويس ).
يا احمد محمد
البقارة ديل ناس دواس ساااي..
والغشامة ما بتختاهم تب ... ألذ حاجة قال الجماعة عردوا
وولده ما عرد مات في المعركة ... النصيحة ليكـ يا الله ميتة الباعوض شينة ههههههههه
يا جماعة زول يصحي لينا بريمة دا ياخ! |
البشاري.
الذين يحتاجون أن يتخلصون من عقدهم وخصوصا عقدة الدونية ، هم أنت والمتخلف الأخر الذي دخل من تحت وأستعنت أن بما كتبه.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: cantona_1)
|
| Quote: الذين يحتاجون أن يتخلصون من عقدهم وخصوصا عقدة الدونية ، هم أنت |
نعم فالبشاري فيه كمية من العقد والأمراض النفسية ، القروح والدمادل الفي نفسه ما بتشفى ومستمرة في الصديد وإفراز القــذارة عشان كدا كل مره بنشوفه مفضوح مفتكر الفيديو دي برد لي شيئ من كرامته الأهدرها
يا البشاري الرجالة ما بالعافية هسع شافع صغير ممكن يكتلك بي سلاح وطفلة ممكن تجرسك الشجاعة في الصدق وأنت اكبر كذاب والرجال بكون شجاع لمن يكون صادق وأنت زول مرائي وكذاب ومنافق
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: عبدالعزيز حسين عبدالرحيم)
|
الأمين..حبابك ياصديق
كتر خيرك على الدعوة..والحكاية دايرة مزاج رايق شوية..
التحية لصديقنا ول ابا فارس موسى اول بقاري استخدم مفردة (أنينا) في ألأسافير..وقد وردت في كلام اخونا الهداي الدحش أب ورقة..وملاحظة طريفة ، في معظم مجتمعات البقارة وثقافتهم..يلاحظ أن اسماء الهدايين دايما غريبة مثل الدحش وعمنا العجوز ام بارات..!!
بالرغم من أن الغالبية التي تابعت شغل اخونا الهداي الدحش أب ورقة..توقفت في حكاية الدواس و خطاب التعبئة السياسية (مرة حرب ومرة دعوة للوحدة..و مرة دعوة للسلام) الإ ان هناك شعر غزل بليغ ، و تعابير وصف غاية في الدقة والجمال والبلاغة..وهذه الأمور سوف تتضح اكثر عند شرح وتفسير كلام الرجل (او الترجمة على قول البعض هنا)..!
سوف اشرح بعض العبارات..و لكن مبدئيا نكتب جزء من كلام الهداي ..و نعتبرو نص وبعد داك نرجع نشرح لاحقا..
قال الهداي الدحش أب ورقة:
الحــُوريــّة ،
أم رقبه ،
الشباب ، ماشي عقاب
طيرة القلاب ،
ابوكي جاب ،
ما خاب
اكــّالا ،
كلموها ،
ام صــُلبا بي خـمــّالا ،
أم راسا بي تربـــّالا
السودان كـُلا أبطال..!!
***
عينكي بيــضا ،
محبوبه ، الثريا
الســـّبقتْ أب ريـــّا ،
أم قناديل ،
أم شامه ، اخت حــرّانه ،
بدور الموت ، و الموت بيابا
البكيرية النرراره ،
الطارح النــُفــّاره ،
ام دبوكه ،
في المشي نلبارى ،
في المـُرقد نلوالا..
عينكي بيضا ،
محبوبه ، الثريا ،
الســّبقتْ أب ريــّا
ميت بكاتل ،
حي بنـــاتل ،
الحــُوريــّة ،
أم شــعرا كناتل
مرة تانية نجي نشرح كلام اخونا الهدايا ، عشان الناس تتابع دقة الوصف وبلاغته..
طبعا الناس اليومين ديل ، وفي المنبر ده شغالين تروج لفكرة (المناتل ، والمناتلة) واهو هنا نموذج حي لإستخدامها..!!
ودمتم..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
تحية طيبة
| Quote: مرة تانية نجي نشرح كلام اخونا الهدايا ، عشان الناس تتابع دقة الوصف وبلاغته.. |
استاذنا كبر تحياتي وما تطول ياخ متابعين وهدي قعدة
العزيز /الامين البشاري وضيوفه الكرام . تحياتي
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
تحياتي يا كبر ..
وشكرا لتلبية الدعوة ..
الملف ارسل عبارة عن ملف صوت
ولشدة اعجابي بما قيل حولته الى ملف فيديو للتوثيق
| Quote: مرة تانية نجي نشرح كلام اخونا الهدايا ، عشان الناس تتابع دقة الوصف وبلاغته.. |
وأكيد سنكون في انتظارك
أما المناتلين فهم زي ابو شوك ما بضربوهم ببنقدقية
واكيد عارف علاجهم شنو ... مزيدا من التجاهل في هذه اللحظة
على ذكر الهدايين في واحد اسمو المسمار القلب القضيب
شكرا للحضور مرة أخرى ..
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: cantona_1)
|
Quote:
الله أكبر ولله الحمد...
نحن لا نتحدث عن جِمال القبائل الأخرى.. نريد الحديث مع الفرسان..
الحرّابة والأدروج ما عندنا معاهم سالفة..
تحياتي. |
هلا يا باشمهندس على حضورك اللافت
دعك من عاهات سودانيز أونلاين وامراضه المزمنة
الصلاة فوكا السر وفوكا الجهر يا اخوي
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
البشارى وضيوفه الكلام
احببت فقط ان اوثق لجارنا الفارس المرحوم على تاج الدين كان عسكرى مدفعية وتوفى فى رمضان رافضا ان يفطر والناس صايمة رغم توسلات الطبيب ونصحه له لاانسى توفى منتصف رمضان رحمه الله وكان مناوبا اى فى خندق المدفية بالشرقية!!!رحمه الله حزنت ايما حزن وانا كنت طفلا صغير اذكر ذات مرة جائه سكران واراد ان يدخل داره رغما عنه وعندما منعه ضربه ضربة جات خفيفة بالسيف والمرحوم على تاج الدين تغلب عليه وكتفه (ربطه)بالعمة وجابو للقسم العسكرى قاله الحمدلله الماضبحته جاييك فى البيت نص الليل وسكران وضربك ده لو زول غيرك كان ضبحو فرد بسخرية (((الرجال مابيضبحو سكران!!؟)))))؟رحمه الله رحمة واسعة وجابو مجروس كبير ونقلو اغرض اسرته عبارة عن سراير واغراض متواضعة جدا ازيار مياه نقلو زوجته الارملة وابنائه الى مسقط رائسهم لم نكن نفرز الناس ولاالقبائل فلازلت اذكر نساء الحى كن يبكين المرحوم ويودعن ارملته ويقلن ديل بلدهم بعيييييد الغرب سبحان الله زمن لم تكن فيه حبة خردل من التعنصر والتبجح الفارغ اللذى اصاب الامة الكل يحب الكل[B اسف للاطالة والخروج عن الموضوع لاننى احسسته وسط الفرسان هؤلاء
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: يوسف محمود)
|
اخونا ول ابا البشاري وكبر الكبير و الزميل بريمه ول ابا بلل لكم والزملاء كل التحايا العاطرات ، البوست جميل و يفتح الشهيه و لابد ان اخونا ول ابا البشاري قد قصد بذلك الخروج بنا الى نقعة برحه نشم فيها قليل من الهواء النقي وبعيدا عن هذا الجو الخانق الذي اصبح سمة البورد الطارد ... وعشان الناس اليومين دي معتريها مزاج التخريب والخراب .. نقول محمد معانا ما تغشانا
ويا ول ابا كبر اشرح لينا ساكت نحن متابعين و المضايق يعنى الهويره .
عبدالكريم الاحمر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: تبارك شيخ الدين جبريل)
|
يا تبارك شيخ الدين
هناك بروفيسورات وحاملي درجات عليا من جامعات غربية وسودانية يقودهم مشير خريج ثانوية فما بالك بهذا الرجل البسيط العمره ما دخل سنة أولى ابتدائي ، هذا إنسان بسيط تم استغلاله . طيب ان شاء الله يعتق هذا الرجل رقبتة عن قريب بأكل عمر البشير.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: عبدالكريم الاحمر)
|
Quote: الطارد ... وعشان الناس اليومين دي معتريها مزاج التخريب والخراب .. نقول محمد معانا ما تغشانا
ويا ول ابا كبر اشرح لينا ساكت نحن متابعين و المضايق يعنى الهويره . |
هلا عبد الكريم الاحمر
كلنا يا اخوي متربعين وراجيين كبر وبريمه
ومنتظرين الاثراء والاضافة فالرجلان لديهما مخزون تراثي ثر
اما ناس عاك وعييك خليهم يفنجطوا .. :)
كن بخير
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: يوسف محمود)
|
الفاضل يوسف محمود
شكرا لانصافك جارك .. ومن هنا ربنا يتولاه برحمته ومغفرته ويسكنه فسيح جناته ..
هو دا السودان بناسه واهله بكل اتجاهاتهم
وما علي تاج الدين الا نموذج تجده في الشمال والشرق والغرب والجنوب
ولو عايز تصدق كلامي دا .. امشي اقعد مع ناس بطلعوا صوانيهم ويفطروا في الشارع في رمضان
هناك جيران أكثر من الاخوان يعلم الله ... شكرا لرفدك البوست بقصة علي والبوست بوستك يا حبيب
تحياتي
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
Quote: يا تبارك شيخ الدين
هناك بروفيسورات وحاملي درجات عليا من جامعات غربية وسودانية يقودهم مشير خريج ثانوية فما بالك بهذا الرجل البسيط العمره ما دخل سنة أولى ابتدائي ، هذا إنسان بسيط تم استغلاله . طيب ان شاء الله يعتق هذا الرجل رقبتة عن قريب بأكل عمر البشير. |
ول ابا صديق الغالي
تبارك شنو البترد عليهو كمان :)
تبارك وعزو ديل مرفوع عنهم القلم
واحد مشوطن ..
والتاني مسطول ...
والله صحي :)
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
Quote: Ahmed Mohammed
يا دينق .. البقارة احسن الناس واكرم الناس وارجل ارجل الناس ؛ اها رايك شنو ؟؟ .. انا ما بقاري لكن على الطلاق يا الادروج اب زربول ؛ انا بيهم بفتخر واتحزم واتلزم واقول للعالم ديل اهلى .. البقارة ناس برفعوا الراس وبسندوا الصف محل ما يمييل ؛؛ مافي انسان منعك تفتخر باهلك كان فيهم ليك فخر غير شراب المريسة وشد العرقي واكل الفطايس ؛؛ فقارة شينين تب عليك يا دينق ؛؛ العب بعيد |
يا احمد
دينق دا متعود على ركوب حمير الضيفان
وبعدين مفروض تراعي لفارق التوقيت ياخ! 
والله أكتر حاجة عجبتني بساطة الزول دا وكلامو
دي كل الحكاية ياخ!
اهلنا في الشرق ناس ادروب لهجتهم محببة
ولهجة اهلنا في الوسط لهجتهم جميلة وحميمه
وتعجبني لهجة الشوايقة الكلها حنيه
كدي شوف الهندي دا ما قال ليهو حرف واحد صاح
والفيديو دا انا متزلوا قبال كلام اخونا البقاري الفوق دا :)
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
شكرو أهلكم كما تريدون، ولكن لا تسئون الى الأخرين.
حاولو أن تكونو محترمين ولو مرة في حياتكم.
الطريقة البهمية التي تكتبون بها هنا تعبر عن جهل مؤسس فيكم وجخ في الفاضي.
بطلو قلة الأدب وخليكم محترمين علشان الأخرين يحترمومكم.
البشاري.
أنت رجل جبــــــــــــــــــان وإنسان رخيص وبتندس خلف كلام الأخرين.
خلي عندك شوية شجاعة وخليك واضح وصريح يا رعديد.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
Quote: البشاري.
أنت رجل جبــــــــــــــــــان وإنسان رخيص وبتندس خلف كلام الأخرين.
خلي عندك شوية شجاعة وخليك واضح وصريح يا رعديد. |
شكرا يا دينق ..
دا من طيب اصلك وكرمك بس ..
دا محل كتابة رأي ومحل الدواس معروف برضو
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
الامين موسى البشاري
تعلم أن تحترم الأخرين، لكي يحترمونك. ويجب أن تدري أن أساليب المطاعانات التي يستخدمها بعض الرجال هذا أنا لا أعرفها.
كلامي دايما واضح وعديل. أرشيفك في هذا المنبر هو الذي يفضحك ويعريك للناس. حاول أن تتعلم من تجاربك الماضية
عوضا أن ترجع لنفس أخطائك القديمة مرة أخرى.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
الأصدقاء هنا..حبابكم جميعا..
تحية للأصدقاء..الجنيد ،عبد الكريم ، احمد محمد (من الفيس بووك) واخونا الأمين..
قبل بداية شرح كلام الهداي الدحش ابو ورقة..هناك بعض الملاحظات التي نريد من الجميع استصحابها..
اولا: عطفا على كلام ول ابا بريمة وقائمة اسماء الهدايين ، يلاحظ ايضا اسماء الشعراء القدماء ، النابغة الذبياني ، تأبط شرا ، مجنون ليلى ..الخ..و كلهم كانوا يقولون الشعر على السجية قبل اختراع الكتابة..فكيف يكون وبعد عشرات القرون نفس التقليد مستمر (اسماء غريبة وشعر على السجية)؟
ثانيا: كلام الهداي الدحش اب ورقة ، يجب ان يقرأ في سياق المناسبة التي قيل فيها ، وهي مناسبة قبل تقسيم السودان ، كانت تنادي بوحدة السودان جميعا..و بالرغم من ان البعض ذهبت به الظنون ، و ثارت ثائرة عقده ونواقصه وازماته الخاصة و اوحت له ان هناك اساءة ، الإ ان حديث الرجل ليست فيه أيتها اساءة ، و انما هو فخر..و يا ريت الناس الفاكرة الموضوع فيهو اساءة يجيبوا لينا عبارة الإساءة و سنكتب النص كاملا و نحتكم لمن يعرف اللغة العربية و سياقاتها..
ثالثا: حتى يقع الشرح بصورة كويسة ، نحتاج مراجعة علوم البلاغة (بيان ، معاني ، بديع) و فكرة تأثير البيئة على خيال الشاعر (الهداي) و كذا علوم النحو ، خصوصا استخدام التصغير..اضافة لمراجعة فكرة الأبراج و منازل القمر لأن هناك تشبيهات لا يمكن الوصول الى معانيها الإ باستصحاب مثل هذه العلوم..صحيح الرجل امي و يعيش في وسط محيط ثقافي شفاهي ولا يعتد بالكتابة كثيرا و لكن البلاغة لا تحتاج الى ان يكون المتكلم فك خط الأمية أو التعليم..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
الشروحات:
كما ذكرنا سابقا ، كلام الهداي الدحش اب ورقة ، ورد في سياق تصالح و سلام ، و مجمل كلامه الفخر و الغالب فيه الغزل ووصف المحبوبة . و كما هي عادة الشعر القديم ، فقد بدأ كلامه بالغزل ثم عرج لمواضيع اخرى مثل الشجاعة و الفراسة و قضايا الحرب و السلام و الحقوق ، ثم الغزل مرة اخرى..فالكلام يحتوي كل هذه المضامين..
يقول الهداي الدحش أب ورقة ، و الورقة تعني الحجاب الذي يكتبه الفكي ، و هو اسم شائع في السودان ، يقول:
يامريم ،دبوكه
حلو اسم كــّبه ،
يا امريكا ،
يا..
Chay chay
و هو ينادي المحبوبه باسمها و لقبها (دبوكة) ، و الدبوكة ضفائر (مساير) المرأة غذيرة الشعر..ثم يقول لها ، صحيح هذه اسماءك و لكن احبها الى نفسي اسم (كــّبه)..و هو وصف مستلف من البيئة المحلية ، و يطلق على الأبقار ذات القرون الطويلة المعقوفة الى الأمام بصورة متساوية ، و جمال التصوير هنا أن ضفائر (مساير) المحبوبة من طول لدرجة انها منحنية بصورة متسقة..!!
ثم يضيف اليها اسم اخر ( امريكا) أي ان من القاب المحبوبة ان اسمها امريكا ، و لنا ان نتخيل ماذا تعني امريكا في وجود عالم اليوم (التقدم ، الإزدهار ، بقعة المنى التي يريد أن يحج اليها الكثيرون و الكثيرات..!!)..
العبارة التي كتبناها بتصرف بالحروف الإنجليزية ، تحدث عن حكاية المنطوق و المكتوب ، فكثير من عبارات ثقافات البقارة تنطق ولا تكتب..و الفكرة هي استملاح المحبوبة..
اما العبارة الأخرى و التي كتبناها هكذا:
Cha Cha
و هي تفيد التعجب و الإستخفاف ، و تقابلها عبارة (جع) ..و في ثقافات البقارة ، حينما تكون هناك مشكلة نزاع ، و القلوب تبلغ الحناجر ، و الضيق يحصل فان العقلاء دوما يوجهون الشباب بالآ يصرح احدهم بعبارة استفزاز..و لقد حدثت حوادث عديدة و فقدت الأرواح لأن في ساعة الصفر صاح احد الغشماء بهذه العبارة..!!
طبعا الناس الما عاشت ثقافات و تقاليد حروب قد لا تستوعب المعني بسهولة ، و هنا الهداي يستعجب و يستغرب و يستخف لأنه يريد أن يقول اقرار معين و هو قوله:
الحــُريّن أبونا ،
والعــوبين أبونا
طبعا البعض يظن ان مفردة (العوبين) مضاد لمفردة الحرين و تعني العبيد و هو فهم مغلوط.. لأن المعني هو العائبون الذين يرتكبون العيوب (زنا ، سرقة ، جبن..الخ)..و عبارة (ابونا) تفيد أنهم خافوا و جبنوا من قتالنا ففروا..و الرجل البقاري حينما يقول عن رجل اخر (فلان أباني) أي خاف مني و هرب من قتالي..!!
و الفكرة العامة ، هي ان الهداي يريد ان يوصل معنى معين (لاحظ السياق جو سلام و وحدة) ، ا ن اهله قد شبعوا من المعارك و القتال و النزاعات ، و سواءا كانوا منتصرين في كل الوقت أم لأ ، الإ انه يريد أن يوصل حقيقة أن الحروب امدها قد طال..و بالطبع في نص الكلام يوضح أن الحرب مرفوضة (هذا معنى بعيد للغاية و يحتاج دقة المتابعة لكل الكلام)..!!
يتبع..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
بعد ان اقر برفضه او شبع اهله من الدواس عاد للنسيب أو الغزل ، و اخذ يخاطب المحبوبة و يتمنى لها اوضاع اطيب..فيقول:
قرنك محامر الديش ،
شعرك بتنى ،
الحوش ما قبلك ،
امشي مع الرحالة ،
تكتلني الجبخانة ،
ماتكتلني البعوضة
قرنك ، أي قرن المحبوبة ، ولا يخفي عن البعض بلاغة الكناية ، فالمحبوبة امرأة و المرأة لا قرن لها ، و لكن لها ضفائر (مساير) ، وهو هنا يقصد ضفيرتها الجميلة الكثيفة و شعرها الطويل الذي يتثني..!!
محامر أي مقابل ، أو مجاور ، و الديش هو الجيش الواحد ده..و حتى نفهم بالضبط الى ماذا يرمي ، فان في مدينة أبيي هناك وحدات للجيش السوداني ، و في فترة الخريف يرحل المسيرية بابقارهم نحو الشمال ولا يبقى في الصعيد ( أبيي) الإ الفقراء منهم و الذين لا يملكون ابقار ، و بالطبع يبقى الجيش حارس المدينة فهو لا يرحل مثل البقارة..و الفكرة أن المحبوبة فقيرة ، لا تستطيع الرحيل مع رهطها ، و تظل في جوار الجيش في ابيي في فصل الخريف ، و اكد هذا المعني بقوله:
الحوش ما قبلك.. أي الحوش و الإستقرار(حياة الفقر) ليس قبلة لك ولا تستاهلين ذلك و انما تستاهلين عز افضل ..!!
لذلك قال لها صراحة (امشي مع الرحالة) أي اذهبي مع رهطك رهط اهل البقر و دعي حياة الفقر..و حتى يؤكد لها أن حياة الترحال (حياة اهل الثروة بمعاييرهم المحلية) افضل فقال لها الأفضل أن اموت بالرصاص بدلا عن الموت بسبب الباعوض ، بمعني افضل ان اموت دفاعا عن شئ له قيمة بدلا أن اموت مريضا..!!
يواصل الهداي كلامه و يقول:
أم دبوكه ،
الكوزي ما بدورا ،
بي دبيبا ، بي فارا
ام دبوكه ، و قد شرحناها سابقا و تعني المرأة ذات الشعر الغزير الطويل ، و الكوزي هو القطية ، و يعني مسكن الفقير.. فلذلك يقول لها انا لا اريد بيت الفقير لأنه ملئ بالثعابين و الفئران (طبعا عكس الفهم الشائع في اللغة العربية أن كثرة الفيران تعني الشبع)..و لكنه يريد مسكنا اخر فيوصفه قائلا:
بدور بيت الباره
بي كواسه ،
البراقة برقت ،
بريد حشاشا ،
الحورية ،
بعد ناسا
ســُنان ومـتُنان
انا رجالتي بالفلايتة
مسيرية احمر وازرق
الباره تعني البقرة، و هنا ايضا نلاحظ الكناية و استخدامها ، فالبقرة ليست لها بيت تبنيه بنفسها و المعنى المقصود بيت اهل البقر الذين يجيدون الترحال في المواسم..و بي كواسه ، أي بجماله .
ثم يواصل مخاطبة المحبوبة ، و هنا يستخدم الإستعارة التصريحية بقوله للمحبوبة (الحورية) و ذلك بذكر المشبه به و حذف المشبه..و يحدثها قائلا انه يحب حياة الترحال و الفرقان و انه يحب تعداد خصالهم و تعداد هوؤلاء الأهل الذين يفتخر بهم..
ســُنان و مــُتنان ..هي اسماء خشوم بيوت عند المسيرية الحمر..و هي جزء من قسم كبير يسمى الفلايتة ..و المسيرية الحمر لهم قسمان كبيران: عجايرة و فلايتة..و العجايرة يتواجد معظمهم في المرحال الغربي ، و الفلايتة في المرحال الشرق ، و متنان ، يسمون أيضا متانين يتواجدون شرق بابنوسة ، و يمتد تواجدهم جنوبا لغاية منطقة أبيي.!
ويواصل الفخر بقوله ( أنا رجالتي بالفلايتة ، مسيرية احمر و ازرق) و الرجالة هنا تعني قيمة الإنسان و قيمة وجوده ، و يريد أن يقول أن معنى وجوده في الحياة لا قيمة له الإ في وسط المجموعة التي ينتمي اليها ، و هنا يظهر تمجيد القبيلة ككيان يحتمي به الإنسان...و المعنى ايضا يشرحه احد امثال البقارة كقولهم (الراجل بي رجاله و الكريم بام عياله ، و بعضهم يقول الكريم بماله)..!
نواصل باقي الشرح لاحقا..
و دمتم...
كبر
| |
|
|
|
|
|
|
|
|
 Re: يا ول ابا بريمه تعال شوف الشغل دا! (Re: Kabar)
|
كل التحايا لكل الجميلين الذي مرو من هنا..
Quote: تااااااني برضو جايين تتكلمو عن أنكم أرجل ناس وفحول وكلام فارغ زي ده ؟؟
أي زول بفكر زي تفكيركم البهيمي ده ليس سوى شخص رجعي ومتخلف . |
هل في ذلك شك يا دينق.. وهل ينكر الشمس في رابعة النهار إلا أعمى ..
لامن نقول ليك أغلف بجنس برطعتك دي سيد المنبر بكري يحظر باسودوردنا ويحاصرنا بمشاركة واحدة فقط لكل يوم..
غايتو البركة في شجاعة عيال مادبو السبقت قوانين الأمم المتحدة في حظر تجارة العبيد وقطعت طريق تجارة الزبير باشا..
| Quote: محمد اسماعيل احمد الرخيص" السيئة المغفورة" |
شاعر بني هلبه محمد اسماعيل احمد الرخيص المعروف بـ" السيئة المغفورة" توفي في إحدى المعارك بإقليم دار فور وهو يزود عن حياض أهله ..
العلم عند آدم الهلباوي..
كسرة:
يا وضاحة أهلك البقارة بيقولوا كلام العرب قاسي.. مشتاقين
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: عبدالكريم الاحمر)
|
الأمين وضيوفك الكرام ..أجمل تحية ..
شكرا على المفترع ..والذي أتمنى أن يكون نافذة للتعريف بجخانين ثقافية مجهولة وغائبة ( أو مغيبة ) عن مشهدنا الثقافي العام ...
أشكر بريمة على ملاحظته الصائبة التي رفدها بنماذج من أسماء الهدايين والحكامات ...ولعمري هذا أمر ملفت فعلا ...
وأظنه دليل كافي جداً لسحب البساط ورفع قضية حقوق ملكية فكرية ...ضد " المتجهجه الأممي " و ...هيئة حلمنتيش ...
فهم مجرد مقلدون في نحت هذه التسميات الرمزية ...( وش..وش .. )
كما أخص بالشكر أخي كبر على الشروحات الضافية وعميقة والمفيدة للغاية في فهم مثل هذه المنتوجات الغارقة في الخصوصية ...
وأدعوه إلى القيام بدراسة منهجية حول ثقافة البقارة ...ولو في بعض جزئياتها مثل غناء الهداي والحكامات ...ولا أشك بأن لديك أخي كبر
من المقدرات والمعارف ما يمكنك من إنجاز مثل هذا الأمر الهام ومفيد بالضرورة في التعريف بهذا الآخر المجهول ...
والدعوة موصولة إلى كل من لديه معارف بثقافات ذات خصوصية للتعريف بها ..والتبشير بفضائلها ...من أجل مجتمع معافي ومتصالح
مع نفسه ...حد السماحة ...
تعريجة تانية على نص الهداي ...أعجبني للغاية التصوير البلاغي الذي قال به الهداي :
--------------------------
بدور الموت *** والموت بيابا
-------------------------
ولو استصحبنا شرح كبر لمفهوم كلمة " أبى " عند البقارة ..بمعنى تهيب اللقاء وهرب من الدواس ...
تكون بلاغة البيت عجيبة ..في شخصنة الموت ذات نفسه وتصويره بالمقاتل ...الذي يفر خوفاً من لقاء الهداي ..
ولا أعلم تصويرا بليغا للشجاعة مثل هذا ...
هنا يحضرني من باب المقاربة مع قول الهداي ...قول المتنبي في وصف شجاعة سيف الدولة :
-------------------------------------------------------
وقفت ومافى الموت شك لواقف *** كأنك فى جفن الردى وهو نائم
------------------------------------------------------
وأرى أن من يفر الموت من ملاقاته ....لهو أشجع بمراحل ضوئية ..ممن يقف على جفن الردى ..وهو نائم ..
أعرج تاني بإضافة قليلة على ما تفضل به أخي كبر ...بخصوص تفسيره " لقرن " المحبوبة ...من باب الكناية ..وهو تفسير جميل ...
وأضيف عليه بأن من معاني كلمة " قرن " المباشرة ...هو ذؤابة المرأة ...وهنا مقتبس من لسان العرب :
قرن (لسان العرب)
القَرْنُ للثَّوْر وغيره: الرَّوْقُ، والجمع قُرون، لا يكسَّر على غير ذلك، وموضعه من رأْس الإنسان قَرْنٌ أَيضاً، وجمعه قُرون.
والقَرْنُ الذُّؤابة، وخص بعضهم به ذُؤابة المرأَة وضفيرتها، والجمع قُرون.
سلامي ..وأتمنى للجميع تقبلاً أكبر للآخر ..وسماحة ..يتزين بها الزمان المقبل ...ويزهر فيها أجمل أطفالنا ...
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: ibrahim fadlalla)
|
الامين البشاري
وضيوفه
لكم التحية
اولاً
بالنسبة الى غريب الاسماء والالقاب
بريمة وكبر استميحكم العذر في تقديم ملاحظة
هذه الالقاب الغريبة في الغالب لاتقاء العين
وهذه عادة عربية قديمة وما زالت
لاحظت عند بدو الخليج العربي
اسماء مثل فنخور ودهيليس وحمير وفنخور ..
وعندما سألت كانت الاجابة للاعتقاد بانها ترد العين ..
ثانياً
للنقاش :-
( 1)
ساهم الهدايين والحكامات بل لهم القدح المعلا
في اذكاء نار الحروب والفتن القبلية
وتمزيق النسيج الاجتماعي والتعايش السلمي في دارفور وكردفان ..
فكم من صلح نقض بسبب اشعار الهدايين والحكامات ..
وكم من حرب اشتعلت بسببهم
( 2)
كيف نستطيع ان نجعل من الهدايين والحكامات
رسل سلم وتصالح وتعايش بين المجاميع القبلية في دارفور
من خلال تبشيرهم بقيم تحث على ذلك . ؟
واكاد اكون متيقن
اننا اذا استطعنا ان نغير لغة الهدايين والحكامات الشعرية
نحو قيم ايجابية تدفع في اتجاه السلام والتعايش
نكون اسهمنا اسهام كبير في حقن الدماء وايقاف الحروب القبلية
فهل هناك سبيل الى ذلك ؟
| |
|
|
|
|
|
|
|
|
 Re: يا ول ابا بريمه تعال شوف الشغل دا! (Re: الجنيد حمد)
|
هههههههههه
والله البوست دا ما كنت داير أخشه أحتراما لاخوانا كبر وبريمة ولانه فيه حاجات دسمة ومفيدة لكن حرقتني دي
قسما يا البشاري بالذي رفع السما من غير عمد دا ما أنا ولا بعرفه نبيل دا وأقسم بالله ما عندي حساب غير حسابي قاعد اجي اتطربد بيه بي تحت
عارف ليه
ببساطة جيتي بي حسابي عديل اخطر من اجي متنكر وفيها فايدة وبتحرقك اكتر فلي شنو أعمل لي حساب تاني
بعدين والله بالصدفة بس خشيت وما كنت مسجل دخول شفت كلامك دا لانك عامل لي بلوك ضحكت لمن قربت أقع بعدين يالبشاري انا شغال من شبكة هاي سكيورتي في العمل ومافيها فيس بوك محظور وما بظهر
Quote: يا عزو انا محضر ليك مفاجأة بس ابقى راجل واركز ليها .. اقسم بالذي لا آله الا هو الا اندمك على كل كلمة كتبتها هنا ..
ولو ما عملتها ابقى ما اسمي اللمين ود موسى البشاري ... ابقى طيب يا جنينه |
قلبك أسود وما بتتورع في فعل أي شيئ تكذب وتزور وتنقل نمايم وتحرش وتنافق وتراءي وضميرك ميت بس كل مره ربنا وهو حسبي بنجيني وبفضحك اكتر وتتألم وهو حسبي وعلي توكلي وحافظني وناصرني وهو الببرئني والحمد لله على كدا
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: بريمة محمد)
|
يقول الهداي الدحش أب ورقه في وصف المحبوبة:
عينكي بيــضا ،
محبوبه ، الثريا
الســـّبقتْ أب ريـــّا ،
و بياض العين يعني وساع العين ، و العيون الواسعة من ملامح الجمال في المخيلة الثقافية هنا..
ثم يناديها ، مع حذف ياء النداء ( محبوبة ، الثريا السبقت أب ريا)..و الثريا مجموعة انجم بعضهم يقول ست و بعضهم يقول سبع ، و تفيد الجمال. و أب ريا ، هو نجم الدبران ، نجم ساطع و معه نجيمات صغيرة . و البقارة احيانا تقول ( أب ريا بي غينماتو)..و الأمر يعود الى اسطورة عربية قديمة ، تقول أن الدبران اراد أن يتزوج الثريا ، وكان فقيرا لا يملك الإ قلة من الأغنام ، لذلك ظل يتبع الثريا طول الوقت..!!
و الهداي لا يريد أن يتوقف في وصف جمال المحبوبة و تشبيهها بالثريا و انما اراد ان يوصل معنى بعدها و صعوبة الوصول اليها..!!
يقول الهداي الدحش أب ورقة:
أم قناديل ،
أم شامه ، اخت حــرّانه ،
بدور الموت ، و الموت بيابا
البكيرية النرراره ،
الطارح النــُفــّاره ،
ام دبوكه ،
في المشي نلبارى ،
في المـُرقد نلوالا..
( ام قناديل) ، ذات الخصل الكثيفة التي تشبه قناديل الذرة الممتلئة . (ام شامة ، اخت حرانة) أي ذات الشامة ، و في ثقافة البقارة دوما تزداد كثافة التوصيف و بلاغته بربط الموصوف باحد اقربائه ( جوبا اخت الفارس علي ، عاشة بت كرام ، النحيلة بت نافع..الخ) و هنا ربط وصف المحبوبة باختها التي تسمى حــرّانة..!
(بدور الموت ، و الموت بيابا) أي اريد أن اموت شهيدا (بالمناسبة شهيدا لحبها) و لكن الموت يرفض أن يزورني..!!
(البكيرية النررارة ، الطارح النفارة) ، و هنا يظهر اثر البيئة و مكوناتها في خيال الهداي اب ورقة. البكيرية تصغير مفردة البكر ، و يقصد البقرة البكر التي تلد لأول مرة ، و كثيرة الصياح ، و يعني هنا صياح المحنة و المحبة. الطارح هي البقرة التي ولدت عجل ميت ،و هذه تتميز بانها رافض و نافر ، و قصد الهداي أن المحبوبة متمنعة و نافر (اقرب معني هو قول الشاعر: لي في المسالمة غزال ، نافر بغني عليهو)..!!
قوله ( ام دبوكه ، في المشي نلبارى ، في المرقد نلوالى) ، و ام دبوكة شرحناها سابقا. في المشي نلباري أي نمشي في شكل متحاذي ، و هذه مسألة نادرة للغاية في ثقافة البقارة ، و الشائع عندهم ان المرأة دوما تمشي خلف الرجل ، و الفهم مرتبط بثقافة العفة..!!
اما طريقة المشي في شكل توازي أو محاذاة ، فهو يريد أن يقول انه يعترف لها بالفضل ، و لأن الفقرة كلها مرتبطة بفكرة العفة فهو يريد أن يقول ان مشت محاذية له فلا غضاضة لأنه لا يشتغل بالأمور الحسية ، و هذا الفهم عضد و اكد له بقوله ( في المرقد نلوالى) ، أي نتوالى ، بمعنى أنه يمكن أن ينام معها في سرير واحد و يديها ضهرو و تديهو ضهرها ، و الفكرة أنه عفيف لا يرغب في الأمور الحسية الجسدية..!!!
نواصل...
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
يقول الهداي الدحش اب ورقة:
عينكي بيضا ،
محبوبه ، الثريا ،
الســّبقتْ أب ريــّا
ميت بكاتل ،
حي بنـــاتل ،
الحــُوريــّة ،
أم شــعرا كناتل
و استعان بنفس اللازمة السابقة التي تبدأ بوصف العيون و المحبة ، و اضاف صور جديدة
قوله (ميت بكاتل) أي اعاني سكرات الموت و الإحتضار من عذابات حبه لمحبوبته التي اطنب في وصفها ، و هو يريد أن يقول حتى في هذا الحال ، حال الإحتضار ، فهو لازال يذكرها ،
قوله (حي بناتل) ، المناتلة تعني المجابدة ، تعني المغالبة ، أي مغالبة الأمر ، منها النضال و الكفاح و الجهاد. فهو في حياته يغالب حبها و يحاول الوصل اليها..!!
(ام شعرا كناتل) ، الكناتل جمع كنتلة ، تعني الرزمة ، و يقصد شعرها الكيف الغزير المتلابك مع بعضه البعض..!!!
كتر خيركم جميعا على المتابعة..وكده نكون خلصنا شرح جزئية كبيرة من كلام اخونا الهداي الدحش أب ورقة..
و دمتم..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
كتب احمد محمد:
Quote:
يا كبر الله يملأ ضراعك عافية ويحفظك من شر عين خلقو .. يا اخي شرح قمة المتعة لكلام الهداي وثقافة اهلنا البقارة عموما ؛؛ اعجبني شرحك لكلمتى خمالا ؛ وتربالا .. الكثير من الناس لا يفهمون هذه المعاني الجميلة .. عربي البقارة يريد انسان ذو ثقافة عربية عالية ليفهمه لانهم يتكلمون لغة الاستنطاء .. وجود البقارة ككيان عربي في بيئة اعجمية وحياتهم البدوية القحة جعلتهم يحافظون على لغتهم ولسانهم الفصيح ؛ وقد قال المولى عز وجل من فوق سبعة سماوات ؛؛ لسان الذين يلحدون اليه اعجمي وهذا لسان عربي مبين ؛؛ اليس بعد قول الله قول ؛؛ شكرا استاذ كبر شكرا بريمة بلل وشكرا الامين البشاري صاحب البوست .. كما نرجوا من الاخوان ان لا يلتفتوا الى نعيق عربان البين التي دكت الغيرة والحسد حصون فكرها الخاوي لان ليس لهم ما يقولوه في اهلهم .. ومتابعين هذا البوست بشغف .. كما اتمني من الاخ كبر ترك محاحة السياسة والمناتلين والالتفات الى تراث وثقافة البقارة وشكرا مرة ثانية اخي واستاذي محمد النور كبر .. تسلم ان شاء الله .
|
احمد..حبابك يا صديق
كتر خيرك على المطايبة ..وسعيد جدا أن ينال هذا الشرح المبسط اعجابك و اعجاب اخوة واخوات كثر..
ثقافة البقارة حقل واسع للغاية..وهي ثقافة مسالمة للغاية و مشغولة ببناء نظام القيم الجميلة السمحاء في وجدان افرادها..و كتر خير سيدنا النت قدس الله سره..لأنه قرب المسافات اكثر واكثر.. قبل عشرة سنين يا احمد..كان مثل هذا الكلام لا يجد هوى في نفوس الكثيرين والكثيرات..و يظنونه من الغرائب التي تشكل استثناء..و الإستثناء مرات الناس لا تهتم به كثيرا..ولكن اليوم تغير الوضع و اصبحت مثل هذه الأمور لها جمهورها الذي يتابعها بشغف كبير..و هذه محمدة..!
نحن اوفر حظا من الغالبية هنا ، لأنه توفرت لنا فرصة معايشة حياة البقارة وثقافتهم من قرب..و الشكر موصول لحبوباتي الجميلات ام سماح ام عسكرية بت نصر السكران و دوه بت علي الجيك..رحمهن الله رحمة واسعة.. فلقد شكلن المدرسة التي تعلمت منها الكثير..وكتر خير اخونا توتيل و كان يكتب في منبر سودان نت..ان ذكر مرة قائلا (كبر ده تربية حبوبات)..وقد صدق اخونا توتيل.. فالحبوبات مدارس نادرة..!!
السياسة ، و الله يا احمد يا اخوي ماها شغلة لينا تب..و مجبورين عليها جبر..لأننا قمنا في بيئة ما بتعرف المداراة و الغتغتة..و اهو بدون ما نشعر الواحد يلقى روحو بجابد مع المجابدية..!!
السادة المناتلين و المناتلات.. فهؤلاء امرهم عجيب يا صديقي... كلهم بي صمة خمشهم شارع لإتجاه واحد..و الواحد فيهم (رجل أم امرأة) داير يحاكم الوجود كلو بي نظرتو فقط.. يعني نظام عندهم عمى الوان..و الأنكي يتبجحوا بالتنوع و ضرورة احترام التنوع ما عرفوا قيمة التنوع و لن يعرفوها حتى يلج الجمل من سم الخياط... لأن التنوع واقع ان لم يكابده المرء تجربة و معايشة فلن يدرك معانيه السمحة..!!
كتر خيرك يا صديقي و الله يقدرنا نكون دوما في منطقة حسن الظن ، و الأهم نقدر نعكس و لو القليل من حاجات اهلنا البقارة ، فثقافتهم غنية للغاية.. !!
ودمت..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: A.Razek Althalib)
|
يا سلام ياخ
الله يديك لامن يرضيك يااستاذنا كبر
جيهتنا تب ما قصرت بس العشم انك تواصل (عارفين المشاغل والذي منو)
.......
نلوالي ..نلبارى ... وكتب العزيز / عبدالرازق ... ملكيف ..
عند ناسنا الوسط او الجزيرة تحديدا
نتوالى ونتبارى ومتكيف
ياريت شرح لحتة اللام مكان التاء في بعض الكلمات
وكتر خير البشارى خلاني ازازي باليوتيوب عشان اسمع اكتر من تراث البقارة
تحياتي
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: بريمة محمد)
|
تحية طيبة
الف مبروك لطلاب مرحلة الاساس
والف مبروك لطالبي الهجرة
.............................
تسلم استاذنا كبر ما قصرت تب او (طاب)
استعمال الضاد محل الذال موجود ايضاً في مناطق الوسط او غالبية السودان(كما اشرت في بعض الكلمات)
الغريبة عند بعض الاماراتيين واليمانية استخدام الظاء محل الضاد والعكس (ودي مجهجهاني في كتابة اشعارهم )
ملحوظة
(الشعر الشعبي لو جاز أن نسميه عند اهل اليمن يشابه شعر البقارة لاستخدامهم مفردات من الفصحى مع مفردات دارجية
وحتى كتابته تختلف من الكتابة العادية )
.....
شكراً الحبيب بريمة على النماذج اعلاه
واتمنى المواصلة في الشرح منكم ومن حبيبنا كبر
..................................
تحياتي
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Siddig Elghali)
|
عيال ابا ..ماكو طيبين..!!
تحية خصوصية لول ابا الجنيد حمد..غايتو الزول ده كمل الفي راسنا طب...تحية لكل هذه الحنية يا الجنيد..والحنية درب السؤال... السؤال درب المعرفة...والمعرفة عنوان الفلسفة...!!
ودي ليك يا الجنيد...وحاة الكريم..محبة لله ساكت...وبنات ابا البلا بل قالن (البيسأل ما بتوه)...المادة التي اضافها ول ابا صديق الغالي ...من اهلك العطاواة ناس جمهورية تشاد..وهم جزء من شريط ثقافي وموسيقي يشغلنا بصورة خاصة لم نوفق بعد في صياغة صورتها النظرية النهائية...!!!
و يا الجنيد..لك ان تسأل روحك..شن جاب لي جاب؟...نفس صيغة الهداي..ممكن تلقاها بصورة اوضح في جمهورية تشاد؟...طبعا بعض اللؤماء يوما ما..عاير اخونا بريمة بانو تشادي..والعظيم الجزائري كاتب ياسين (على ذمة ول ابا دكتور حسن موسى) قدم تنظيرات مفادها بان اللغة العربية هي لغة افريقية..!!!..صدق كاتب ياسين لأنو اللغة العربية واقع افريقي لا ينكره الإ مستهبل متطقنع يريد أن يفرض ثقافة البندر الكولينالية على الأشياء..!!ا
ول ابا بريمة..كتر خيرك على الإضافات...
وليتك يا صديقي تذكر دوما من قام على التوثيق..فهذه لحظات نادرة لا يعرفها الإ اهل العلم...وانت احد منهم..!!!
ليتك يابريمة..ان تقدم صوت شكر لأخونا الباحث المكي اسماعيل قادم...وهو عندي اصدق عطوي:بقاري قام بتوثيقات مهمة ،طبعا بعد الليجند عباس عبدو الحسب عربان....المكي اهتم بتوثيق تراث البقارة منذ 2007 ايام كان عضو في منتدى كردفان اونلاين...واخيرا لجأ الى اليوتوب.....ووثق اعمال نادرة للغاية....وجزء منها ما استعنت به هنا... على الأقل يا صديقي توجه ليهو صوت شكر...عشان الحاجات تبقى كويسة على قول قريبتي من بنات مسيرية صفية اسحاق....!!!!!
ول صديق الغالي....حبابك
اهلك قالوا (فلان شغلهو اللحماية الرفافة)...و نحن بنقول صديق انقرع يااااخ....!!!!
ياخي ناس تشاد فايتننا ضحوة...!!!
ناس السودان يقولوا ام دبوكة (نظري)..ناس تشاد يخطوا ليك صورة للدبوكة لمن تتحير ذاتو..!!!
اخونا ، من جمهورية تشاد ، ود الفكي...كلامو سمح..وعندي افصح من ناس امسودان..لكن الصوت ضعيف....ونحاول نباصر النص مع انو طويلو خالص..نحاول نكتبو....وبعض من نصوص حكامات تشاد...!!!!
كتر خيركم......
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
ول أبا كبر،
سلامات ..
| Quote: وليتك يا صديقي تذكر دوما من قام على التوثيق..فهذه لحظات نادرة لا يعرفها الإ اهل العلم...وانت احد منهم..!!! |
ول ابا المكى إسماعيل قادم .. ينحدر من ثانى أهم معقل ثقافى للبقارة بعد تلودى .. وهى مناطق شرق كادقلى .. التى تعتبر مركزية مناطق الحوازمة .. رميلى، بجعاية والدندور .. ذى ما تقول يا ول أبا تقلعيات الموسم فى أغنانى المردوم والدرملى .. والأحداث الكبيرة فى الصراع .. وغيرها كلها مركزها الثانى بعد تلودى هى الريف الشرقى لكادقلى .. وول أبا المكى أسماعيل قادم ملم بالمنطقة وثقافاتهاا وتأريخيها وجغرافيتها وتضاريسها بصورة كاملة .. نحن نتوقع الكثير من ول أبا المكى قادم .. وأذكر أنه أول من وثق للقيدومة فى فيديو رائع .. ولم أجد أى من أولادنا فى مناطقنا نقلوا لينا عن القيدومة .. كنت على موعد بزيارة ول أبا المكى .. ولكن لضيق الوقت علماً أننى لا أريد البقاء فى المدن .. فالخرطوم بجى شاقيها .. جارى جرى ..تف تف ..
أنا أرجع جزء من أهتمام ول أبا المكى قادم بالتوثيق إلى غربته الداخلية عن وطنه الصغير .. بعد أن تخرج قادم عمل بوزارة المالية بجنوب كردفان .. ثم أنتقل إلى وزارة المالية بالخرطوم .. ومناطق شرق كادقلى يغمر أهلها الحنين والشوق مثل الشوايقة حينما يبتعدونا عن ديارهم .. هناك فى الخرطوم أستشعر ول أبا المكى أهمية أستصحاب التراث كمعين له فى غربته الداخلة ولكنه لا يعلم أنه أتاح لنا فرصة كبيرة لمتابعة تطور تراث أهلنا فى المنطقة.
من خلالكم نزجى شكرنا ل ول أبا المكى وكل أبناء البقارة الذين بدوا فى توثيق تراث أهلنا ..
مازلت مزنوق زنقة كـلب فى طاحونة .. وأنقلوا لينا البوست للربع القادم ..
بريمة
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Siddig Elghali)
|
Quote:
Quote: Ahmed Mohammed
والله يا البشارى يا خوي اهلك المسيربة ديل والبقارة عموما مافي شي مضيعهم الا فراستهم ورجالتهم دي .. ناس بتحب الموت زي اكل الحلاوة .. هههه اجتمعت فى الدنيا دي بجنوبيين كتاااار جدا ؛ الجنوبيين م يخافوا الا من عرب الفقارة ههههه ( واااه فقارة دي زول ما كويس ).
يا احمد محمد
البقارة ديل ناس دواس ساااي..
والغشامة ما بتختاهم تب ... ألذ حاجة قال الجماعة عردوا
وولده ما عرد مات في المعركة ... النصيحة ليكـ يا الله ميتة الباعوض شينة ههههههههه
يا جماعة زول يصحي لينا بريمة دا ياخ! |
مجنون كندا محمد النور كبر.
أقرا الكلام الفوق ده كويس، خصوصا رد صاحب البوست للمتداخل من الفيس بوك.
أحتفلو بثقافتكم ورجولتك بعيدا من الإسائة الى الأخرين.
الخزعبلات والأوهام التي تعيش فيها دي أجري عالجها بعيد مننا. أنت زول مريض وتحتاج الى علاج نفسي.
على أصدقائك المقيمين معك في كندا أن يقدمون لك النصيحة ويدلوك على درب طبيب نفسي شاطر.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
اتكلموا ساهي :)
الموت بلا ولضم أخير موت الخلا
وشكرا لاثراء البوست كلامكوا حلو حلاة
يا ول ابا كبر (دينق) دا اطعنه (نايطه) ( )
___
دينق انت هسي الحشرك هنا شنو؟
قلة الأدب ما محتاجة شهادات والدليل انك قاعد تشتم فيني وأنا مطنشك
عارفك عندك كاروشة من 3 كلمات
* البقارة
* الجنوبيين
* بريمة
دينق قول( كه) عليك الله .. عبارك عجيب الليله
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
Quote: الامين موسى البشاري
أسلوب المطاعنة والخساسة ده أجري مارسو مع أمثالك وليس معي.
لو أنت كنت زول محترم لكنت تصديت للشخص الذي دخل من الفيس بوك وأساء الى الجنوبين، ولكنك أحتفيت بكلامه وتقلته الى أعلى الصفحة كمان.
قرف يقرفك ويقرف يومك. |
يا دينق ..
تحية واحترامات تاني ..
وحاشاي الخوف والمطاعنة .. أنا زولي الدايرو بجيهو عدييييييل حرم
مشكلتك قلبك أبذأ من لسانك وانا ما بعرف بشتم
لكن زولي بنجمو كويس بالكلام ... والله صحي :)
من جيت سودانيز دي ما اظن تداخلتك معاك وكنت اتحاشى الاصطدام بك
ولا زلت يا دينق .. فشنو الله يفتح عليك اتخارج وخلي شعرة معاوية بيننا ياخ
الله يهدينا ويهديك يا رب ..
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
أنت لا يبتعرف تحية ولا بتعرف أحترام قاعد بس للمطاعنة وللشماتة.
أنت رجل عنصري ولكنك جبــــــــــــــان بتتخفى خلف كلمات الأخرين.
وأفتكر أنا قلت لك الكلام ده ده هنا من قبل.
أسئل نفسك جيدا. البخليك تنقل كلام زول بسئ للجنوبين وتتضاحك بيهو زي المجنقة في البورد شنو؟
كان ما غرضك أصلا مرض!!
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
دينق الله يرضى عليك اخرج من هنا وافتح ليك بوست نادي فيهو امين نادي فيهو الزول القال الكلام الوجعك دا من نافذة الفيس او كمان امشي ليهو اتكلم معاهو في الفيس تحت
انت ما عندك حساب في الفيس
خلينا نستمتع بالبوست دا ونستمتع بحديث ول ابا كبر ول ابا بريمة
اصلو بوستات زي دي بقت تجي في المنبر دا زي نيزك هالي كل 76 سنة
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
Quote: أنت لا يبتعرف تحية ولا بتعرف أحترام قاعد بس للمطاعنة وللشماتة.
أنت رجل عنصري ولكنك جبــــــــــــــان بتتخفى خلف كلمات الأخرين.
وأفتكر أنا قلت لك الكلام ده ده هنا من قبل.
أسئل نفسك جيدا. البخليك تنقل كلام زول بسئ للجنوبين وتتضاحك بيهو زي المجنقة في البورد شنو؟
كان ما غرضك أصلا مرض!! |
اها بعد دا انت وصلته مرحلة اقنورد :)
اقعد اردح واشتم زي ما يعجبك ياخ .. المافي شنو؟
...
..
___
يا الطاهر الزول دا نعمل ليهو سياحة ولا شنو؟
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
الطاهر الطاهر.
طالما أنك دخلت البوست ، كان الأفضل ان تدين الإسائات التي كتبت في الأول، ولكن يبدو لي بأنك داخل وبطريقة خبيثة تدافع على هذا العنصري ال######.
دعني أبشرك وأقول لك: وفر نصايحك لي روحك ولو عندك واحدة زيادة أديها لي الأمين البشاري ده وقول ليهو أحترم الأخرين علشان يحترموك.
عالم ما بتختشي أبدا.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
| Quote: ولكن يبدو لي بأنك داخل وبطريقة خبيثة |
دينق الله لا وراك خباثتي
انا والله لا انت بتهمني ولا 100 من شاكلتك
انا البهمني البوست وجمال المادة الفيهو والمعلومات القيمة من اخونا كبر
الذي لم يسلم هو ايضا من مناكفتك
وانت كعادتك تجي محل تلقى حاجة فيها فايدة لازم تخربا
كان ممكن تفتح بوست تتكلم فيهو عن فراسة وشجاعة انسان الجنوب او بالاصح دولة جنوب السودان ( ولك مطلق الحرية في تسمية القبيلة التي تعجبك )
تنفي فيهو الجملة الزعلتك دي وتبدي وجهة نظرك باسلوب جميل
تكسب رأي الاعضاء والقراء
انت ما بتعرف تفتح بوستات مفيدة زي دي
مفهوم الزواج وانواعه وطرقه عند الدينكا: Deng Goc
قاعد ليك 80 سنة في المنبر دا غير المناكفة والاساءات ما عندك شي ياكافي البلا
اتمنى تكون دي اخر مداخلة لي في البوست دا وما تطراني اجي داخل تاني
عشان مانخرب روعة البوست
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الطاهر الطاهر)
|
Quote: دينق الله لا وراك خباثتي
انا والله لا انت بتهمني ولا 100 من شاكلتك
انا البهمني البوست وجمال المادة الفيهو والمعلومات القيمة من اخونا كبر
الذي لم يسلم هو ايضا من مناكفتك
وانت كعادتك تجي محل تلقى حاجة فيها فايدة لازم تخربا
كان ممكن تفتح بوست تتكلم فيهو عن فراسة وشجاعة انسان الجنوب او بالاصح دولة جنوب السودان ( ولك مطلق الحرية في تسمية القبيلة التي تعجبك )
تنفي فيهو الجملة الزعلتك دي وتبدي وجهة نظرك باسلوب جميل
تكسب رأي الاعضاء والقراء
انت ما بتعرف تفتح بوستات مفيدة زي دي
مفهوم الزواج وانواعه وطرقه عند الدينكا: Deng Goc
قاعد ليك 80 سنة في المنبر دا غير المناكفة والاساءات ما عندك شي ياكافي البلا
اتمنى تكون دي اخر مداخلة لي في البوست دا وما تطراني اجي داخل تاني
عشان مانخرب روعة البوست |
كما ن ب تتفاصح بأنك خبيث يا لعشا بلبن!
يا لك من تعيس خبيث.
بعدين يا سجم الرماد أنت بتهم منو أصلا!
ده بوست فيهو إسائات لي الجنوبين. أنتو ما قادرين تكتبو عن "شجاعاتكم وثقافاتكم من غير أن تسئون للأخرين !
ده تخلف غريب جدا.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
| Quote: يا لك من تعيس خبيث |
دينق
والله بامكاني ارد عليك باربعة لغات معتمدة من الامم المتحده وجامعة الدول العربية
فيهن لغة لا يعلمها الا انا وربي وفئة قليلة من البشر
تعتمد على الاشارة بالايدي
مجرد اني الصق اصبعي السبابة بابهامي في حركة دائرية اضعهم حول انفي
اكون رديت عليك رد شافي
واتمنى انو ما يكون في واحد من الناس القليلين ديل بيقرأ في كلامي دا
دا من جانب
بالنسبة للجانب الاخر موضوع البوست لم يتطرق للجنوبين لا من قريب ولا بعيد
هي مداخلة واحدة جائت عبر نافذة الفيس ووريناك حلها كيف
لكن واضح انك ما جايباك المداخلة دي
بدليل انك اتهجمت على كبر الهو اصلا ما شغال بيك شغلة لانك لا تسوى شي مقابل معلومات قيمة والدور البقوم بيهو تجاهنا كقراء ومتلقين
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الطاهر الطاهر)
|
بعد ان اقر برفضه او شبع اهله من الدواس عاد للنسيب أو الغزل ، و اخذ يخاطب المحبوبة و يتمنى لها اوضاع اطيب..فيقول:
قرنك محامر الديش ،
شعرك بتنى ،
الحوش ما قبلك ،
امشي مع الرحالة ،
تكتلني الجبخانة ،
ماتكتلني البعوضة
الاخ كبر انت رجل مرجع وانا اتابع بوستاتك بلهفه واشعر بمتعه لا مثيل لها واقراء كل كلمه وحرف تكتبه ولكن اعتقد الدحش اب ورقه اراد ان يقول قرنك محامر الديد و القرون معروفه كما ذكرها مجنون ليلى وهل رفت عليك قرون ليلى رفيف الاقحوانه في نداها بمعنى خصلات الشعر متدليه حتى صدرها في محازات الديد بمعنى النهد وهذه المفرده مستعمله بغزاره ومسك ليك ضهرك تعفى منى
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: بريمة محمد)
|
كتب ابوبكر عباس:
Quote:
سلام يا كبر،
يا أخي، الشروحات بتاعتك هي الفيها الصور البلاغية، لكن الشعر -لو جاز أن نطلق عليه شعر- غير بليغ وكلام عادي وبسيط وبالنسبة لي الشيء الجاذب هو طريقة الإلقاء.
|
ابوبكر..حبابك يا صديقي
كتر خيرك على المطايبة..
كتر خيرك على التوقف في الإيجابيات (الشرح و طريقة الإلقاء)..
اما مسألة كون الكلام شعر ا م لأ.زفهذه مسألة نسبية..ويجوز فيها الإختلاف لإعتبارات كثيرة لا وقت لسردها الآن..في نهاية وجهة نظر نحترمها يا صديقي..
دمت طيبا يا صديقي
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: بريمة محمد)
|
كتب ابوبكر عباس:
Quote:
سلام يا كبر،
يا أخي، الشروحات بتاعتك هي الفيها الصور البلاغية، لكن الشعر -لو جاز أن نطلق عليه شعر- غير بليغ وكلام عادي وبسيط وبالنسبة لي الشيء الجاذب هو طريقة الإلقاء.
|
ابوبكر..حبابك يا صديقي
كتر خيرك على المطايبة..
كتر خيرك على التوقف في الإيجابيات (الشرح و طريقة الإلقاء)..
اما مسألة كون الكلام شعر ا م لأ.زفهذه مسألة نسبية..ويجوز فيها الإختلاف لإعتبارات كثيرة لا وقت لسردها الآن..في نهاية وجهة نظر نحترمها يا صديقي..
دمت طيبا يا صديقي
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
ول ابا الطاهر الطاهر..حبابك يا صديقي
كتر خيرك على المطايبة والإهتمام بما نكتب هنا..
وكتر خيرك على مذكراتك في غرب السودان ، وكنت قاب قوسين أو ادنى أن اؤدي فترة الخدمة الإلزامية في مدينة الجنينة ،وهي واحدة من ثلاث مدن في دارفور اتمنى زيارتها (كاس ، مليط ، الجنينة)..
شرذمة كادر العنف اللفظي بيت الأشباح دينق اخوان ، هذه مجموعة من البشر التي تعاني من عقد نفسية مزمنة تجاه كل ثقافة اصيلة تعتد بذاتها ، وهم مسخ مشوه لفكرة المدينة في السودان لذلك يزعجهم كثيرا سطوع نجم الريف الثقافي..وهم مجموعة، سقط متاع يريد أن يثبت وجوده بالتلصق في الأخرين ليس من باب ان يكونوا قدوة لهم و انما باب تدمير الناس ويظنون ان تدميرهم للأخر سيجعل منهم شئ مفيد..!
اشارتك فهمتها فهمتها يا صديقي ، و صدقني هم اكثر نتانة من الفساء..وروائح الفطائس الكريهة..!!
لا تهتم بهم يا صديقي ، و هم هنا من اول وهلة كان هدفهم ان تخريب البوست.. لذلك واصلنا شرحنا و لم نهتم بهم..و عادوا يظنون أنهم يأثرون لقرصة خفيفة في احد بوستاتهم..و هنا العقلاء و العاقلات سيعرفون أي ملة من الخلق هي شرذمة كوادر العنف اللفظي بيت الأشباح دينق اخوان..!!
ودمت..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
كتب رحمة عجك:
Quote:
ولكن اعتقد الدحش اب ورقه اراد ان يقول قرنك محامر الديد
|
ول ابا رحمة..حبابك ياصديقي..
كتر خيرك على المطايبة..وربنا يقدرنا نكون دوما عند حسن الظن..
كلامك اكثر وجاهة يا صديقي ، وعلاقة المجاورة التي ذكرناها في شرحنا اكثر قربا و اتساقا بين الضفيرة والنهد ، و ابعد قليلا بين مسكن المحبوبة وحامية الجيش..والأمر يعود للتسجيل تقريبا.. ولقد سمعت النص اكثر من مرة..و سمعتها (الديش)..ولكن تظل (الديد) اكثر معقولية ووجاهة..!!
كتر خيرك يا ول ابا..وسعيد بان نلحق زمن التوثيق..وليتك تساعدنا في معرفة الإسم الكامل لأخونا الهداي الدحش أب ورقة..
ودمت..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
ول بريمة..حبابك ياصديقي..
كتر خيرك على تعريفنا اكتر باخونا المكي قادم ، وهو زول من ناس قبيل..!
وكتر خيرك على ذكر موقع الهداي الإجتماعي..و حصانته الدبلوماسية التي يتمتع بها..ياخي ناسك ديل شوف العين ساكت بسقط حجر الزول..خليك من الكلام..!!
توثيقات المكي تحتاج شغل نظري مصاحب..وممكن يكون مشروع في قادمات الأيام.. الناس تتناول كل فن (ام بربري ..هدايين ..حكامات..قيدومة..مجالس البرمكة .زاغاني الشاهي..اغاني البن..الخ) في شكل محاور منفصلة عن بعضها البعض..عشان الناس تقدم تعريفات مفيدة لشريحتين: شريحة غريبة عن ثقافة البقارة وتريد ان تتعرف عليها اكثر..وشريحة هم البقارة العايشين في المدن وابتعدوا عن حياة البدو كثيرا..!
اليوتوب سهل علينا حاجات كتيرة..وممكن يكون افضل وسيط لشرح ثقافة البقارة بالشواهد المسموعة والمرئية..!
ربنا يفك زنقتك يا قريبي..واهلنا قالوا الليد الواحدة ما بتصفق..
ودمت..
كبر
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Kabar)
|
| Quote: لاحظ أن الهداى يخاطب الفقر .. يقول أن الفقر باراه وأمسكه من صلبه .. وهو بدوره رد على الفقر وقال له الله والنبى أنقرع منى |
يا ول ابا بريمه
تحياتي ..
الفقري ولا زول
والبقارة يهتمون بالغني وبالسعاية ويتفاخرون بهن
ويقولون :
الشاهي
والشية
وشلوفة البنية
للفقري ما بلقن ليا ....
بوست جميل وزاده جمالاً اثراءكم له انت وكبر
أتمنى ان ينقله احدهم للربع الجاي ...
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: الامين موسى البشاري)
|
Quote: دينق
والله بامكاني ارد عليك باربعة لغات معتمدة من الامم المتحده وجامعة الدول العربية
فيهن لغة لا يعلمها الا انا وربي وفئة قليلة من البشر
تعتمد على الاشارة بالايدي
مجرد اني الصق اصبعي السبابة بابهامي في حركة دائرية اضعهم حول انفي
اكون رديت عليك رد شافي
واتمنى انو ما يكون في واحد من الناس القليلين ديل بيقرأ في كلامي دا
دا من جانب
بالنسبة للجانب الاخر موضوع البوست لم يتطرق للجنوبين لا من قريب ولا بعيد
هي مداخلة واحدة جائت عبر نافذة الفيس ووريناك حلها كيف
لكن واضح انك ما جايباك المداخلة دي
بدليل انك اتهجمت على كبر الهو اصلا ما شغال بيك شغلة لانك لا تسوى شي مقابل معلومات قيمة والدور البقوم بيهو تجاهنا كقراء ومتلقين |
كمان جابت ليها بوبار في الفارغة ؟
زولك كبر ده أكبر منافق في هذا المنبر.
ومواقفه المخزية معروفة بالنسبة لي.
يا سجم الرماد رد باللغة التي تريحك، و ح تلقاني أنا ذاتي موجود لك.
راجع تليق صاحب البوست علشان تعرف من أين أنطلق أنا.
واضح جدا أنك مثل المعتوه كبر، مجرد طرش في زفة.
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: Deng)
|
كتر خيرك يا ول ابا..وسعيد بان نلحق زمن التوثيق..وليتك تساعدنا في معرفة الإسم الكامل لأخونا الهداي الدحش أب ورقة..
ودمت..
كبر
شكرا مطبوق حبيبنا كبر . الحقيقه يا ولد ابوك انت بتقرف من بحر ونحن نقدر المجهود الكبير الذى تقوم به . وانت رجل معطون بالابداع ومدبوق بالمعرفعه ارجوك لاتهتم لطارش الحديث وواصل لنا في هذا البوست الرايع سوف ابحث عن الاسم الحقيقى للهداى وافيدك
| |
|
|
|
|
|
|
|
|
|
Re: يا ول ابا بريمه تعال شوف الشغل دا! (Re: رحمه فضل المولى عجك)
|
ول ابا رحمة...حبابك ياصديقي
كتر خيرك على هذه الفيديوهات..باقي الدنيا ارشفة..وكن ربنا حيانا..نقوم بتفريغ نص عمنا الفقير..ونكتبو كنص..
الهداي التاني..معليش الصوت جايط..لكن بعض من كلامو..سمعتو من قبل في اغنية لأخونا هاشم بابنوسة..وكان قدمها عازف الكمنجة استاذنا قاسم ادم وهومن نواحي ابوجبيهة...والغناء اجمل (معليش الغنية سمعتها 1989)..!!
اما كلام عمنا الفقير فهو منفستو ضد الفساد لا تفهمه نخبة البندر..!!!
كتر خيرك يا رحمة..والوصاة بالمهلة..اخونا منصور المفتاح..شايل المحور قاعد يكوي في خلق الله لا لماك فيها...!
كبر
| |
|
|
|
|
|
|
| |
الامين موسى البشاري
وضاحة
Deng
cantona_1
Kabar
الجنيد حمد
بريمة محمد
عبدالكريم الاحمر
تبارك شيخ الدين جبريل
A.Razek Althalib
ibrahim fadlalla
علي محمد الفكي
ادم الهلباوى
صديق عيسى صالح
أبوبكر عباس
الطاهر الطاهر
munswor almophtah
فيس بوك
تويتر
انستقرام
يوتيوب
بنتيريست