|
|
|
 Re: الباقان انفصالي ومشكوك في ذمته ومهرج غوغائي! (Re: jini)
|
بالله يا جني للجنوبين جراحاتهم
حسه كل الهم فيه ده
انت ما ربنا هون لك تكتب كلمه غير انك جاي تطارد باقان بباقي اوهام الشمال؟!
يعني ايه حسه كونه انفصالي او وحدوي؟!
يا تري توصيف مثل هذا ماذا يعني للجنوبين الذين يعانون من ويلات الحرب و كل همهم ان تتقدم القيادات القادره علي توحيد كلمتهم حول كيفية السلام.
| |
  
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: Tragie Mustafa)
|
يا تراجي
انا لم اطارده
ولست ضد إطلاق سراحه
ولكن ضد إعطاءه حجما أكبر من حجمه والتعويل
علي فاقد الشئ!
جراحات الجنوب هي جراحات السودان الكبير!
انا أناقش باعتباري
وحدووى.
السودان كما قال حميد بلد صماء عصية
انا باقان
عندي لا يفرق من النافع وعزام
حسن فرح!
كلهم انفصاليون
يفتقرون الي بعد النظر
واى انفصالي
هو قصير نظر!
جني
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: jini)
|
الاخ جني
صدقني باقان وحدوي ولكن علي طريقته الخاصه.
واغلب هذه القيادات و حدويه علي طريقتها…..الخاصه
وصدقني اختلاف و جهات النظر لا يفترض يفسد للود قضيه.
لكن الحقيقه انه هنالك قواعد شعبيه كانت حاسمه في امر الانفصال وما كان بيدهم غير الانصياع للشعبهم.
| |
|
|
|
|
|
|
|
|
 Re: الباقان انفصالي ومشكوك في ذمته ومهرج غوغائي! (Re: Tragie Mustafa)
|
كدى اشرح لينا قصة انو "إنفصالي" دي؟
الكل - إلاّ الطغاة والجاهلين - مع حق الجنوب في تقرير المصير ...
والكل - إلاّ الساقطين من عجلة التاريخ - مع الإعتراف باستقلال دولة جنوب السودان ...
وتاريخ باقان يشهد له بأنه كان مع إعطاء التحوّل الديموقراطي فرصة كافية قبل التصويت على استقلال الجنوب ...
فمن أين أتيت له بديباجة "إنفصالي" هذه؟
(غايتو دفاعو عن نفسو وزملاؤو في المحكمة ... حاشاهو التهريج والغوغائية)
... المهم ....
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: Elbagir Osman)
|
الأخ جنِّي بعد السلام
خلاص خليهم الجماعة دول. قالوا باقان وحدوي. وإنت قلت إنفصالي. ما في فرق.
الجنوب بقى دولة والحكاية إنتهت... خليهم في مشاكلهم
البهللوا لوحدة باقان حتجي من وين؟ مش حيعملوا إستفتاء للشماليين هل يريدون الوحدة أم لا؟
خلاص الحشّاش يملأ شبكته. وكفى الله المؤمنين القتال.
تحياتي.
كبـّاشي الصـّـافي
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: jini)
|
نعم اخى الفاضل .. حسب معايشتى لعمل التجمع وكنت من قياداته فى بريطانيا .. فقد كان هنالك مبلغ مالى خاص بالتجمع اخذه باقام عنوة وذهب به الى اميركا وان لم تخنى الذاكرة تزوج به
وتلاعب باقام فى فترة باموال التجمع كما يريد
اشهر من تلاعب باموال التجمع هما باقام والميرغنى
واشهرهم بالعفة هو امين المال المهندس هاشم محمد احمد .. له منى التحية والتقدير
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: فخرالدين عوض حسن)
|
يا جماعة الزول ده كلامو بيحتاج لي مترجم زي حالتنا اخصائي في الوعي الجلابي:
نعم، اي مهمش، يرفض هيمنة اقلية الجلابة علي الاغلبية، فهو انفصالي!
علي كده، فالوحدوي في قاموس السامي روحو "جني" يا كافي البلا، هو الشمالي المغالي، في فرض هيمنة وانفرد الشماليين بكل شئ في السودان!
اما الانفصالي:
هو كل سوداني ما من الشمال جغرافيا، اي مهمش، يرفض الضيم، دويلة الابارثيد، ويطالب بالحقوق المتساوية لجميع السودانيين علي قدم المساواة
في دولة جميع السودانيين!
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: Bashasha)
|
| Quote: واشهرهم بالعفة هو امين المال المهندس هاشم محمد احمد .. له منى التحية والتقدير |
فخر الدين عوض شلوم،
داير اسالك، هل صدفة انو الانسان الكامل في السودان الحالي كقاعدة دائما شمالي زي هاشم محمد احمد اعلاه، اما الsub-human دون باستمرار هم امثال باقان؟
اذن وبما اني لا اعرف عنك شئ، ولكن اعرف كيف يفكر امثال بشاشا في الشمال، كقاعدة، فممكن بي بساطة اقول، من دون ما اعرف عنك اي شئ، كلامك ده ممكن يكون منطلقو الموقف التقليدي في الشمال من امثال باقان، واي كلام اخر زي قصتك دي عن اموال التجمع اللفخا باقان، ماهو الا تبرير وتمرير للموقف والتصور المسبق ده لامثال باقان!
بنقول كده لانو المقام هنا مقام انسان حياتو كانت مهددة والان ولو مؤقتا نجا، فلو ده حاصل فزي كلامك ده في وكت زي ده لاتفسير اخر له، غير التحامل المسبق التقليدي، ضد امثال باقان في عيون امثالك!
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: jini)
|
Quote: صدقني باقان وحدوي ولكن علي طريقته الخاصه.
واغلب هذه القيادات و حدويه علي طريقتها…..الخاصه
وصدقني اختلاف و جهات النظر لا يفترض يفسد للود قضيه. |
غايتو السطر الأخير دا فهمناهو ونشكرك عليهو
لكن طريقتهم الخاصة دى عايزة شوية شرح لو تكرمتى
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: حسن حماد محمد)
|
| Quote: صدقني باقان وحدوي ولكن علي طريقته الخاصه. |
العزيزة تراجي،
زي كلامك ده بسطح بي امثال السامي روحو "جني" هذا!
نعم لو في السودان كلو الان واللحظة، في وحدوي واحد احد، فهو باقان!
ولكن ما بي فهم امثال السامي روحو جني!
نعم باقان وحدوي للنخاع لو السودان لكل السودانيين علي قدم المساواة، وليس في سودان دويلة خاصة باقلية بعينها، امثال باقان فيها بعض سقط متاعا، اي بعض ممتلكات امثال جني!
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: Bashasha)
|
الاخ فخر الدين حسن
صدقني للاسف المقام ليس مقام هذا
الرجل يا دوبه نجأ بحياته معقوله تكتب مثل هذا الكلام؟!
الا يكفي انك رغم معرفتك به لم تمنح نفسك فرصة المطالبه باطلاق سراحه؟!
Quote:
نعم اخى الفاضل .. حسب معايشتى لعمل التجمع وكنت من قياداته فى بريطانيا .. فقد كان هنالك
مبلغ مالى خاص بالتجمع اخذه باقام عنوة وذهب به الى اميركا وان لم تخنى الذاكرة تزوج به
وتلاعب باقام فى فترة باموال التجمع كما يريد
اشهر من تلاعب باموال التجمع هما باقام والميرغنى
واشهرهم بالعفة هو امين المال المهندس هاشم محمد احمد .. له منى التحية والتقدير |
طيب يا اخي
ولنفترض انه كلامك صحيح
وفي ظل هذا الاستقطاب الجهوي الفظيع
صدقني لا يكتب هكذا
ليتك يوم وبهدوء توثق لينا رايك و انطباعاتك و معايشتك لكل تجربة التجمع و تملكها للشعبك.
بدلا عن كلام مختصر علي الطائر ,لا يخدم احد هنا.
وعارف مهما كانت زمته الماليه لكن كونه كان من اعمدة التجمع فصدقني هذا يصب في وحدويته.
التحيه للقائد باقان وان اختلفنا معه في بعض التصرفات اايم حكمهم القصيره تجاه شعبهم
لكنني اثق انه ما مروا به خلال هذه الاربعه اشهر كفيل بان يعيدهم لجادة الصواب.
ورغم انه و اضح قبل الاعتقال حتي و في المؤتمر الصحفي الاخير صرح بما يشبه الاعنذار باننا ( سنفتح ابوابنا للجماهير )
مما يعني انه راجع نفسه بانه اغلاقهم لابوابهم كان خطأ كبير.
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: Deng)
|
يا جني مجموعة أولاد قرنق ما فيها إنفصالي وباقان كبير هذه المجموعة .. باقان يا جني واضح في رأيه مع المؤتمر الوطني، وكل الذين عملوا معه من اولاد الشمال في الحركة الشعبية ومن عمل معه من الأحزاب الأخرى يعلمون قدر الرجل، وخليك من باقان أنصار السودان الجديد من الشماليين ذاتهم لن يباركوا وحدة بمعايير السودان القديم .. باقان والحركة الشعبية لن يعملوا من أجل الوحدة من طرف واحد وكل أحزاب الشمال متواطئة مع المؤتمر الوطني، أو غير جادة في قيام دولة علمانية ديمقراطية للجميع.. والحركة الشعبية خيرّت الناس ما بين الوحدة والشريعةالإسلامية، فإختار المؤتمر الوطني وأحزاب الشمال دولة الشريعة بعد أن تركوا الخيار للمؤتمر الوطني .. نحن كشماليين علينا دفع عجلة الوحدة أكثر من الحركة الشعبية والجنوب ككل، هل تحن فعلنا شئاً يجعل الجنوبيين يصوتوا للوحدة؟ لم نفعل أي شيء، فيجب علينا أن نصمت عارا ونكف عن وصم الجنوبيين بالإنفصاليين ..
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: Yassir Tayfour)
|
شكرا لكل المتأهلين وسعة صدره
نسبة التصويت للانفصال
حوالي 99 في المائة لا اعتقد ان الباقان وجماعته من الواحد في المائة
مشكوك في ذمته هذه لا يتناطح فيها عزان الكل يعرف
مرهج وغوغائي عرفناها يوم كان في الحكم رجل في المعارضة ورجل في الحكومة ويوم إعلان الاستقلال في جوبا يوم اختطف مشار المايك منه!
قصر نظره من ضمن كل الذين وقفوا مع الانفصال
وانفصاليته وقصر نظره يوم خاطب الكونجرس مطالبا بتشديد العقوبات على الشمال
اى عنقالي يعرف ان العقوبات على الشمال هى عقوبات على الجنوب
عقوبات تدمر البنية التحتية للشمال الا تؤثر على نقل نفطه الذى يكون 98 من ميزانية الجنوب
كيف لا يعرف ان انهيار الشمال هو انهيار للجنوب والعكس صحيح!
انا هاجمت البلقان منذ عدة سنوات وليس اليوم وهجوم اليوم ليس بسبب اطلاق سراحه فاطلق سراحه امر براغماتي لا يشك فيها الا مكبر
أحببت ان اقول ان البلقان لا يملك عصا موسى بل ربما يؤدي الي الاسوا
جني
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: Yassir Tayfour)
|
يا جني علي بجملة السبعات انت تَحَيِّر الما بتحيَّر،
قلت ان الرجل انفصالي.... طيب انت دايرو يكون وحدوي مع منو؟
البشير ام الترابي، ولَّ الطيب مصطفى، ام المؤتمر الوطني.....
ياخ كل العالم مع تقرير المصير لشعب جنوب السودان،
والحنوبيين قالوا مع دولة ديمقراطية، مرجعيتها المواطنة، حقوق الانسان،
وكلنا اولاد تسعة،
المؤتمر الوطني مصر على ان يعامل الحنوبيين كونهم مواطنين درجة تانية،
وهذا امر لا يقبله كل صاحب ضمير صاحي وحي....
لذا كلنا هللنا وفرحنا لانعتاق جزء اصيل من شعبنا،
وكلنا سنعمل لاعادة الوحدة على اسس متينة، على اسس المواطنة الحقة...
اما مسالة مشكوك في ذمته دي عاوزة ادلة فلا ترمي الرجل هكذا وتعمل رايح....
اما كونه مهرج وغوغائي كمان،
فدا رايك علي كيفك، ان شاء بكرة تقول الطيب مصطفى منطقي، وحصيف...
اما انا فارى الباقان، حاشاه التهريج، وحاشاه الغوغائية....
العمائم عالية، ومعاها طواقينا لباقان اموم....
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: عبدالمنعم الطيب حسن)
|
من أخطاء الحركة الشعبية انها حيدت
التجمع الوطني وجلست مع البشير وشاركت البشير الحكم تلوم الحركة ولا تلوم جني
جني ليس وحده انوا يماثل السواد الأعظم الطين ينادون بوحدة فى وطن مرآة يرى فيه الجميع نفسه
دايو يكون وجدوى مع الوحدويين
والعالم دا منو !
أمريكا وإسرائيل وبولندا وكينيا وأصحاب المصالح في الانفصال
الباقي ما في داعي للنقاش فيه
الثمانية مليارات الغى سرقت الم يكن له فيه نصيب !
اسأل دينق لوالد
مرهج وقصيرة نظر دى انا شرحها فوق
يأخذ البشير والترابي ديل نحن بنعارض فيهم السنين دي كلها والسودان ليس ملكا لابوهم عشان انفصل الناس بسببه
جني
| |
|
|
|
|
|
|
|
|
 Re: الباقان انفصالي ومشكوك في ذمته ومهرج غوغائي! (Re: عبدالمنعم الطيب حسن)
|
Quote:
شكرا لكل المتأهلين وسعة صدره
نسبة التصويت للانفصال
حوالي 99 في المائة لا اعتقد ان الباقان وجماعته من الواحد في المائة
مشكوك في ذمته هذه لا يتناطح فيها عزان الكل يعرف
مرهج وغوغائي عرفناها يوم كان في الحكم رجل في المعارضة ورجل في الحكومة ويوم إعلان الاستقلال في جوبا يوم اختطف مشار المايك منه!
قصر نظره من ضمن كل الذين وقفوا مع الانفصال
وانفصاليته وقصر نظره يوم خاطب الكونجرس مطالبا بتشديد العقوبات على الشمال
اى عنقالي يعرف ان العقوبات على الشمال هى عقوبات على الجنوب
عقوبات تدمر البنية التحتية للشمال الا تؤثر على نقل نفطه الذى يكون 98 من ميزانية الجنوب
كيف لا يعرف ان انهيار الشمال هو انهيار للجنوب والعكس صحيح!
انا هاجمت البلقان منذ عدة سنوات وليس اليوم وهجوم اليوم ليس بسبب اطلاق سراحه فاطلق سراحه امر براغماتي لا يشك فيها الا مكبر
أحببت ان اقول ان البلقان لا يملك عصا موسى بل ربما يؤدي الي الاسوا
جني |
+ يدعي محاربة الشمولية لكن بالشمولية + الايدلوجية اليسارية الواحدة
مما جعل اهل اليسار والشيوعية ازرط من يدافع عنه
وهو يتحمل بجدارة هذه الدماء التي سفكت في الجنوب سابقا والآن ولاحقا
ولاحقا دي اولها
صفقة اطلاقه بهذه المسرحية الهزلية الواضحة المعالم
التي تحمل اجندة الارضة المحروقة
للطامعين في ثروات اهل الجنوب
وليعلم الجميع انه لن يكون هنالك سلام وتنمية وقوة لأحد
وهو يرزخ في ظل الجهل والحرب والمؤامرة
واشعال الحروب مع اهل الجوار من اول وهلة
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: الصادق الخالدى)
|
العزيز جني والضيوف الكرام
النقاش الداير ده وكأننا نناقش ما قبل الانفصال ولسع ما حيحصل الإنفصال وإلا لا ، الجنوب انفصل وخلاص كونو إنو باقان ده يكون إنفصالي أو غيره
ده بيهمنا في شنو؟ بعد ده هو حر يمشي يمارس إنفصاليتو من الدينكا من النوير ، في دولته ، ليه حارقين رزكم في شأن دولة قائمة بذاتها
من إنفصاليين وغيرهم ؟
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: ترهاقا)
|
الاخ جني ... تحية طيبة
الناس دي فاكره انو الشمال دا تبع الانقاذ لدرجة انو في ناس ايدت دخول الجنوب واستلامهم لهجليج ، المعارضة ياخي خشم بيوت ، في معارضة واعية تدرك ان مصلحة الوطن فوق كل الاعتبارات ... الناس تغض الطرف عن اشياء واضحة للعيان كتصريحات باقان وتصرفاته التي تؤكد انه لا يحب الا الدمار للشمال وانه شخص لا يتحلى بأي افق يساعده في ممارسة اي سياسة ليحقق بها مصلحة فهو اهوج اندفاعي وهذا باين من كثرة الرغي بتاعو في الذي يخصه وفي الذي لايخصه ... اما بالنسبة للاخوة الذين يرون انه كيف لبقان ان يكون وحدويا بوجود الانقاذ ؟ طيب فليكن هو وحدويا اولا ويعلن ذلك ولتاتي الوحدة فيما بعد عندما تاتي حكومة منتخبة غير الانقاذ ولكن الرجل عايز يدمر السودان بما فيه من بنية تحتية وغيرها بالله عليك كيف يستقيم ذلك مع المنطق ؟ المعارضة التي هي سبب بلاء السودانيين والتي هي من مكن الانقاذ .. هي غير قادره في تولي اي امر يخص السودان فهي فاشلة الى حد الدهشة وانو الاعترف بذلك يعتبر خطوة الى الامام
جني لم يقل الا الحقيقة وبعد دا نقول ربنا يكضب الشينة وينعدل
عبدالكريم الاحمر
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: تبارك شيخ الدين جبريل)
|
Quote:
النقاش الداير ده وكأننا نناقش ما قبل الانفصال ولسع ما حيحصل الإنفصال وإلا لا ، الجنوب انفصل وخلاص كونو إنو باقان ده يكون إنفصالي أو غيره
ده بيهمنا في شنو؟ بعد ده هو حر يمشي يمارس إنفصاليتو من الدينكا من النوير ، في دولته ، ليه حارقين رزكم في شأن دولة قائمة بذاتها
من إنفصاليين وغيرهم ؟
|
بوركت ياترهاقا
| |
|
|
|
|
|
|
|
|
 Re: الباقان انفصالي ومشكوك في ذمته ومهرج غوغائي! (Re: عمر عثمان عبد الوهاب)
|
| Quote: كونو إنو باقان ده يكون إنفصالي أو غيره ده بيهمنا في شنو؟ |
طبعًا سؤال زي دا ما بينطرح لو كان الكلام عن السيسي ومرسي وملك السعودية وأمير قطر والقرضاوي ...
هي العنصرية دي كيف اصلها؟
لعلمكم بيهمنا انو قبل استقلال الجنوب باقان كان انفصالي ولاّ وحدوي بسبب التحالفات بين المؤتمر الوطني ورياك مشار وبين مالك عقار وسلفا كيير ... ووجود أمثال باقان في هذه المعادلة الصعبة ... وتبديد الحرب لأرواح سودانيين أبرياء في النيل الأزرق وجنوب كردفان ...
ترهاقا (الحمدلله انك ما "تهارقا" حقنا ...) يجب أن تخجل من مثل هذا السؤال العنصري ... لأنو باقان - وهو مواطن دولة جوار - بيهمنا من واقع انو مكتسباتنا ومصالحنا مرتبطة بيهو ...
... المهم ....
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: تبارك شيخ الدين جبريل)
|
Quote:
يجب أن تخجل من مثل هذا السؤال العنصري ... لأنو باقان - وهو مواطن دولة جوار - بيهمنا من واقع انو مكتسباتنا ومصالحنا مرتبطة بيهو ... |
والله شككتونا في تعريف كلمة عنصرية ، يا خي ما تشوف ليك كلمة جديدة تجي تقشر بيها، ما علاقة ما كتبت بالسيسي والسعودية وبطيخ ؟
و أي واقع تتحدث عنه؟
ولو واقع مكتسباتنا ومصالحنا مرتبطة بهذا الباقان ومن لف لفه حتنتظر طويل لأنو غيرنا كان اشطر يا شاطر
المُخَم
| |
|
|
|
|
|
|
|
|
 Re: الباقان انفصالي ومشكوك في ذمته ومهرج غوغائي! (Re: ترهاقا)
|
Quote: والله شككتونا في تعريف كلمة عنصرية ، يا خي ما تشوف ليك كلمة جديدة تجي تقشر بيها، ما علاقة ما كتبت بالسيسي والسعودية وبطيخ ؟
و أي واقع تتحدث عنه؟ |
والله شطّبنا ... دي آخر بضاعة عندنا ... 
شايفك مستمر في الآراء العنصرية ... كأنك مستكتر عليهو ارتباط مصالحك بيهو ...
... المهم ....
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: تبارك شيخ الدين جبريل)
|
Quote:
كأنك مستكتر عليهو ارتباط مصالحك بيهو |
يا تبارك نظرة بسيطة للظروف الحاصلة في الجنوب ، والتي في طريقها إلى حرب اقليمية وليست قبلية فقط
المصالح دي نشمها قدحة ، لا باقانك ولا غيرو بعد ده حيقدروا يعلموا حاجة لأنو المسألة فلتت
تبادل المصالح بتم بين دول متحضرة وليست متجزرة كما هو الحال في الجنوب والشمال
اها ايه رايك في العنصرية دي؟
و يلا ننتظر معاك المصالح يالحالم انت
| |
|
|
|
|
|
|
|
|
|
Re: الباقان انفصالي ومشكوك في ذمته ومهرج غوغائي! (Re: ترهاقا)
|
انت فهمت من "مصالحك مرتبطة بيهو" إنو حا يحوّل ليك رصيد ولاّ شنو؟
لو مصلحتك السلام في السودان فهو مرتبط بباقان ...
لو مصلحتك استقرار اقتصاد السودان فهو مرتبط بباقان ...
لو مصلحتك نجاح مفاوضات أديس الحالية بين الحركة الشعبية والمؤتمر الوطني فهي مرتبطة بباقان ...
لو بتاع وثبة أو حوار فمصلحتك مرتبطة بباقان ...
لو قرفان مع القالوا "قِرِفنا" برضو مصلحتك مرتبطة بباقان ...
لو منتظر تحويل رصيد تكون جيت في البوست الغلت ...
... المهم ....
| |
|
|
|
|
|
|
| |
jini
Tragie Mustafa
تبارك شيخ الدين جبريل
Elbagir Osman
cantona_1
فخرالدين عوض حسن
Bashasha
حسن حماد محمد
Deng
Yassir Tayfour
عبدالمنعم الطيب حسن
الصادق الخالدى
وضاح عبدالرحمن جابر
ترهاقا
عبدالكريم الاحمر
فيس بوك
تويتر
انستقرام
يوتيوب
بنتيريست