|
|
|
 Re: البشير يوافق على حكومة انتقالية لعامين (Re: محمد عمر الفكي)
|
| Quote: بحسب قناة العربية عن صحف الخرطوم الصادرة اليوم نقلاً عن مصادر لحزب المؤتمر الشعبي. |
لا بأس إذا تم دحر الجبهة الثورِية لتحرير السودان وقطع دابرها بطريقة: أكسح أمسح ما تجيبو حي، وتأديب دَولة جنوب السودان لإحتلالها هجليج مع التعويض والقصاص لقتلى مسجد بانتيو. إذا لم يحدُث هذا، فيكون مؤسس الإنقاذ (الترابي) حرد وعاد، والأمة والإتحادي كانوا ولازالوا وسيظلوا في حِمى أي ديكتاتور يتدردقوووون
| |
 
|
|
|
|
|
|
|
|
Re: البشير يوافق على حكومة انتقالية لعامين (Re: Mohd Ibrahim)
|
يا مدير
المؤمن صديق (السمعت السمعتو انه الزول دا اخو مطرف صديق) 
المهم
مع الدولار اب تسعة وما واقف دا احتمال كبير اصدق، لانه مجبر اخاك لا بطل
على العموم
حكومة فيها نفس الوجوه القديمة بتاعة المؤتمر الوطني المسئولة بسياستها عن ما وصل اليه حال البلاد ولا يتم منح المعارضة فيها وزارات سيادية دي تكون ملعبة فارغة وتضييع للوقت واستجرار للازمة
المعارضة التي اعنيها لا تشمل الامة او الاتحادي او الشعبي او مستنسخاتهما
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: محمد عمر الفكي)
|
محمد عمر سلامات
والله المعبود بالحق لو محمد ابراهيم جاب الصورة دي من البداية كان جاتني سكتة قلبية ولكن الحمد لله الجماعة شككوا في الخبر في مطلع البوست فخفف ذلك من وقعه على نفوسنا التي لم يترك لها الكيزان مساحة فرح بقدر مليمتر ، وعلى العموم حكومة انتقالية
لا تراعي الوضع الراهن ولا تستصحب الإشكالات القائمة وعلى رأسها هذا التشظي والتهتك في نسيج المجتمع السوداني ثم المحاسبة ورد اعتبار المفصولين مع إبعاد كل الكيزان عن جهاز الخدمة المدنية والعسكرية والقضائية ستفشل فشلا ذريعا وعن نفسي ارفضها.
أبو حمـــــــــــــــــــــــــــــــــــــــــــــــــــــــــــــــــــــــــد
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: أبو ساندرا)
|
سلامات يا عثمان
وسلامة قلبك ياخي، واتفق معاك تماماً في الراي.
ابوساندرا حبيبنا وعمنا
الحكومة الانتقالية البعرفها يا تكون تكنوقراط يا تشكيلة متوازنة راس لراس وما اعتقد انه توجد معارضة غير الحزب الشيوعي والحركات المسلحة (الرافضة حتى الان للحوار) لتكون مقابلاً للوطني في الكفة الاخرى اللهم الا اذا اعتبرنا انه مولانا حاجة وجعفر حاجة تانية او الامام حاجة وعبدالرحمن حاجة تانية
تحياتي يا ابو العروس وعقبال الباقيات وانت ذاتك هههههههههههههههه المافي شنو
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: ناصر حسين محمد)
|
نفضل تكون حكومة تكنوقراط بيور و ما عايزين اي ريحة حزب سياسي ولا حركات مسلحة
فترة سنتين كافية لتشذيب الخدمة المدنية و تصحيح علاقات البلاد داخليا و خارجيا
يتم فيها التحضير لدستور دائم للسودان و التمهيد لنظام تعددي كيفما اتفق
هذا يعتمد بشكل اساسي على وقف الحرب و حل مشكلة التمرد عسكريا و سياسيا و اجتماعيا
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: محمد عمر الفكي)
|
| Quote: المعارضة التي اعنيها لا تشمل الامة او الاتحادي او الشعبي او مستنسخاتهما |
الأخ محمد عمر الفكي سلام
ونان معارضتك فضّل فيها شنو؟ إلا ال13000 الحضروا ندوتي الحزب الشيوعي وحزب المؤتمر السوداني.
معارضة ما فيها سيدي ما عندها طعم ولا بتنبلع ولا بقبلوا بيها ناس السودان.
ولن نصادق غير الصادق .. عاش الصادق أمل الأمة .. حزب الأمة أمل القوة.. حامي الدين والوطن.
والله أكبر ولله الحمد.
تحياتي
كبـّاشي الصـّـافي
.
| |
|
|
|
|
|
|
|
|
Re: البشير يوافق على حكومة انتقالية لعامين (Re: cantona_1)
|
والله يا عم الصافي بقرا في تعليقك قعدت ازاقح برقبتي جاي جاي قلت السيف هسي بشيل راسي.
انت عارف انا جدي كان قائد في جيش عثمان ازرق لكن حكمة ربنا وعشان عمائل الخليفة في البطاحين اهلنا ليومي ويمك داك اتحاديين وحكمة ربنا والله في البطاحين ديل كلهم اكان لاقاناني واحد بس الختمي اي والله فرد واحد
هسي يا عم الصافي السيد الصادق دا معارض؟ ممكن اعترف لك بمعارضة مريم لكن السيد؟!!!! واسعة شوية
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: محمد عمر الفكي)
|
الإبن محمد عمر الفكي سلام
العرب قالت: الما عندو قديم ما عندو جديد. السوا خليفة المهدي بقى تاريخ ويُسأل عنه يوم القيامة.. خلينا نحن أولاد النهار دا! هل ترى زعيماً مؤهلاً اليوم لقيادة السودان إلى بر الأمان غير الإمام الحبيب.
ندعوك للرجوع لحزب الأمة ليس بالضرورة أن تكون أنصاري .. حتى تتمكن من الإصلاح من الداخل. وبعدين نشوف البسويها الله. رأيك شنو؟
تحياتي
كبـّاشي الصـّـافي
.
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: cantona_1)
|
حبيبنا عمر الفكي سلام الله يغشاك ..
يا زول والله الحيكومة دي غلبنا التسوي وكايسة المخارجة ساكت ..
عملو خطاب وثبة وبعدين اجتماع لكل الأحزاب واطلاق حريات وأخيرا قالو نعمل حكومة انتقالية ..
يعني بالمعنى كدي الجماعة ديل عايزين يملصو الحكاية دي بأخوي وأخوك بدون محاسبة ..
اها الشعب دا ما عندو رأي ولا الفهم شنو ؟؟
غايتو انا البعرفو اكان الزمن دا طال او قصر لازم نحاسب الجماعة ديل على الـ 25 سنة الفاتت دي ..
كل السفوهو بالحرام والقتلوهم ظلم والشردوهم من أهلهم دين على رقبتنا لازم نقتص ليهم ..
قنطار مودة ليك ولكل من مر من هنا ..
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: د.أحمد الحسين)
|
يا محمد عمر سلام
عليك و علي زوار بوستك.
وكدي خليني النبدأ باكنتونا ده عارف يا كبتسي الصافي انت ه اكفأ و مقبول لدينا اكثر من امامك الكذاب.
اها روق المنقه حكايز لن نبايع غير الصادق دي ما ملزمه لينا كشعب سوداني. واممك هذا تعلم انت تحديدا تماما انه فقد الكثير من دوائره التاريخيه وللاسف لم يكسب قواعد جديده.
يا محمد عمر
لاحظتك متفائل…..وقلته انه عليهم افراغ الوظائف من كيزانهم لنعين جيوش العطاله!!
نسيت اقول لك لعلمك و علم الشعب قالوا المؤتمر الوطني اشترط في حوار الطرشان هذا انه لن تكون هنالك(اي احالة للصالح العام) لكل كوادرهم!!
وتخيل فعلا لو الاحزاب السجمانه دي قبلت؟!
معناها شنو يا ترهل اداري يا سيرطه للابد علي الكيزان علي مفاضل الدوله.
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: Tragie Mustafa)
|
لكى تكون حكومة انتقالية محائدة بحق يجب أن تكون..
1- لديها سلطة على كل مؤسسات الدولة
2- لديها سلطات على كل قوى الأمن
3- مستقلة تماما من الحزب الحاكم
4- مستقلة عن سلطة البشير
5- تكون قادرة على انهاء خدمة او تعين اى مسؤل ادارى في الدولة
غير ذلك ستكون حكومة مؤتمر وطنى من وراء الستار بمسمى حكومة انتقالية
| |
|
|
|
|
|
|
|
|
 رد (Re: د.أحمد الحسين)
|
زوار البوست الاكارم
اولا جزيل شكري لمروركم من هنا
نظرا لسيطرة عبد الرحمن المطلقة على جهاز للكمبيوتر في البيت ونظرا لصعوبة الاقتباس والرد لكافي فاعتذر لكم عن عدم الرد الان مع وعد صادق بالرد صباح الغد ان الله ادانا واداكم العمر
تحياتي
| |
|
|
|
|
|
|
|
|
|
Re: رد (Re: محمد عمر الفكي)
|
محمد وضويوفه الكرام سلام::
من وجهة نظري حتى لو تم تكوين خكومة انتقالية ما لم يحدث التالي يكون الكيزان دقسوا الجميع :::
- اعادة هيكلة حاسمة للخدمة المدنية
- اعادة هيكلة موضوعية للقوات المسلحة
- اعادة هيكلة حقيقية للشرطة والاجهزة الامنية...
- الغاء كل القوانين ذات العوار والبؤس المعلومة للجميع...
لو ما تم عمل هذه المطلوبات تبقى علينا قصة ((ريسوا وتيسوا))
ودونكم تجربة الحركة الشعبية،،،وجدت نفسها في جحر عقارب غريب وعجيب والوزير عبارة عن ضيف ليس الا... فهناك وزير خارجية منهم وهناك مصطفى اسماعيل وقس على ذلك....
| |
|
|
|
|
|
|
|
|
|
Re: رد (Re: الامين محمد علي)
|
السلام عليكم يا صاحب الخيط وضيوفه
نبدأ بي كباشي
| Quote: هل ترى زعيماً مؤهلاً اليوم لقيادة السودان إلى بر الأمان غير الإمام الحبيب. |
عليك الله زعيمك البتقول عليهو مؤهل دا وينو تأهيلو دا ......
يا خي دا اخذ من الفرص ما لم يأخذها أي واحد في العالم....عمل شنو؟
يا خي ليه نجرب المجرب؟
| |
|
|
|
|
|
|
|
|
|
Re: البشير يوافق على حكومة انتقالية لعامين (Re: سفيان عثمان قرضيه)
|
دون الابتعاد التام للبشير وجماعته من التشكيلة لا معنى لحكومة انتقالية
لا يمكن تنظيف مكان وصاحبه لا زال قابعاً فيه..
| Quote: الحكومة الانتقالية البعرفها يا تكون تكنوقراط يا تشكيلة متوازنة راس لراس |
فقط (تكنوقراط) طالما أنها انقالية أما المشاركة المتوازنة لا تكفي وستكون فقط استمرار وتجديد ديكور لا أكثر
والبناء نفس البناء والحال نفس الحال ...لا نريد حكومة محاصصة ....
فرق كبير بين حكومة المحاصصة والحكومة الانتقالية.
الخبر يؤكد فقط الموافقة على عودة الشعبي لأدراجه الأولى ...لا خير يأتي من الترابي ولا صدق ننتظره منه
لا أحد يطمع في أن يتنازل عباد السلطة عنها.
| |
|
|
|
|
|
|
| |
محمد عمر الفكي
معاوية المدير
عزام حسن فرح
ALWALEED ALSHEIKH
Mohd Ibrahim
عثمان عبدالقادر
أبو ساندرا
عبدالرحمن الحلاوي
عادل البراري
ناصر حسين محمد
خالد المبارك
cantona_1
جمال خضر
هشام كمال عبادي
د.أحمد الحسين
Tragie Mustafa
الامين محمد علي
Farida Mahgoub
محمد حيدر المشرف
سفيان عثمان قرضيه
منتصر عبد الباسط
فيس بوك
تويتر
انستقرام
يوتيوب
بنتيريست